ئامادەكردنی: محمد فاتح حامد

- سەرقاڵی دیراسەكردن و ئامادەكردنی شوێنێكن بۆ دابینكردنی كارەبای 24 كاتژمێری وەك ئەوەی حكومەتی هەرێم ڕایگەیاندووە.

- بۆ ئەم زستانە تاكو مانگی دوو كاتژمێرەكانی پێدانی كارەبای نیشتیمانی بە هاوڵاتیان لەنێوان 6 بۆ 7 كاتژمێردا دەبێت.

سیروان محەمەد وتەبێژی بەڕێوەبەرایەتی گشتی كارەبای سلێمانی ڕایگەیاند تاكو مانگی دوو پێدانی كارەبای نیشتیمانی لەنێوان 6 بۆ 7 كاتژمێردا دەبێت.

سیروان محەمەد تایبەت بە هاوڵاتی ڕاگەیاند بەڕێوەبەرایەتی گشتی كارەبای سلێمانی سەرقاڵی دیراسەكردن و ئامادەكردنی شوێنێكن بۆ دابینكردنی كارەبای 24 كاتژمێری وەك ئەوەی حكومەتی هەرێم ڕایگەیاندووە، بەڵام تائێستا دەستمان پێنەكردووە.

سەبارەت بە كاتژمێرەكانی پێدانی كارەبای نیشتیمانی بە هاوڵاتیانی هەرێمی كوردستان وتی: بۆ ئەم زستانە تاكو مانگی دوو كاتژمێرەكانی پێدانی كارەبای نیشتیمانی بە هاوڵاتیان لەنێوان 6 بۆ 7 كاتژمێردا دەبێت، چونكە ئەو بڕە كارەبایەی هەمانە هەر بەشی ئەوەندە دەكات.