هاوڵاتی

"رۆن دیسانتیس" ی حاکمی فلۆریدا ، کشانەوەی خۆی لە هەڵبژاردنە سەرۆکایەتییەکەی ئەمریکا راگەیاند و پشتگیری خۆیشی بۆ دۆنالد ترەمپ ئاشکرا کرد.

ئەم خۆکشانەوەیەی دیسانتێس لە کاتێکدایە کە بڕیار بوو سبەینێ سێشەمە ،لە "نیو هامبشیر" ئەمریکی بە مەبەستی دیاری کردنی کاندیدی کۆمارییەکان بۆ هەڵبژاردنەکانی ئەمریکا روبەروی ترەمپ ببێتەوە.

هەرچەندە لە رابردوودا هەموو ئەگەرەکان بۆ ئەوە دەچوون کە "دیسانتێس" کاندیدی سەرەکی کۆمارییەکان بێت بەڵام لە هەنگاوێکی چاوەرواننەکراودا رۆژی یەکشەمە رایگەیاند ، کە هیچ بەرنامەیەکی ڕوونی بۆ سەرکەوتن پێ نییە و هەر لەبەر ئەمەش لە خۆ کاندیدکردن دەکشێتەوە.

لەلایەن خۆیەوە نیکی هیلی ، تاکە رکابەری کۆماری ترەمپ رایگەیاند ،کە تەنها ئەمە دەتوانێت بەسەر جۆ بایدن ی سەرۆکی ویلایەتە یەکگرتووەکانی ئەمریکادا سەربکەوێت.

وا بریارە سبەینێ سێشەمە 23/1/2024 "هیلی" و "ترەمپ" لە نیوهامشیر ی ئەمریکا بۆ جاری دووەم لە سەر ئاستی ویلایەتەکان بە مەبەستی دیاری کردنی کاندیدێکی کۆماری لە هەڵبژاردنە سەرۆکایەتییەکەی ئەمریکا رووبەرووی یەک ببنەوە.