موقتەدا سەدر هۆشداری دەداتە لایەنە ناكۆكەكانی ناو پەرلەمانی عێراق
5 ساڵ لەمەوپێش
هاوڵاتی
دوای ئەوەی شەوی رابردو پەرلەمانی عێراق بەهۆی ناکۆکی نێوان لایەنەکان لەسەر چەند برگە و مادەیەک، نەیتوانی دەنگ لەسەر پڕۆژەی بودجە بدات و کۆبونەوەی پەرلەمانیش بۆ رۆژانی داهاتو دواخرا، رێبەری رەوتی سەدر رایگەیاند، جارێکی دیکە بەهۆی ناکۆکییەکان بودجە پەسەندنەکرا و هۆشداری دەدەن لەوەی پێویستە بودجە لەوە زیاتر دوانەخرێت.
موقتەدا سەدر، رێبەری رەوتی سەدر لەپەڕەی فەرمی خۆی لەتویتەر پەیامێکی بڵاوکردەوە و رایگەیاند، جارێکی دیکە پەرلەمان بەهۆی ناکۆکییە سیاسیی، نەتەوەیی، حزبی و مەزهەبییەکانەوە نەیتوانی بودجە پەسند بکات و هۆشداری دەدەن لەوەی پێویستە بە زوترین کات بودجە پەسند بکرێت.
ئاماژەی بەوەشکردوە، رێنمایی لایەنەکان دەکات ناکۆکییەکانیان وەلابنێن و لەزوترین کاتدا بودجە پەسەند بکەن.
بابه‌تی په‌یوه‌ندیدار
