هاوڵاتی - كاتی ڕزگارکردنی ئەو ناوچانەیه كه لە ژێر داگیرکاریی تورکیا و گروپه چه‌كداره‌كانی سه‌ر به توركیایه. - توركیا کەڵک لە ململانێی ناوخۆی سووریا وەردەگرێت بۆ داگیرکردنی تەواوی جوگرافیای سووریا. - دوایین هۆشداریش ده‌داته گروپه چه‌كداره‌كان كه 31ی 12ی 2024 ده‌رفه‌تیان پێده‌درێت بۆ ئه‌وه‌ی ناوچه‌كه به‌جێبهێڵن. سەرکردایەتی هێزەکانی سوریای دیموکرات (هه‌سه‌ده) ڕایگه‌یاند، ئاماده‌كاری ده‌كه‌ن بۆ ئۆپه‌راسیۆنی تایبەت به‌مه‌به‌ستی ئازادكردنی ناوچه داگیركراوه‌كانی گرێ سپی و سه‌رێ كانی. هه‌سه‌ده له ڕاگه‌یه‌ندراوێكدا باسی له‌وه‌كردوه، هێزه‌كانیان، خۆیان بۆ ئۆپه‌راسیۆنێكی تایبه‌ت ئاماده ده‌كه‌ن به‌مه‌به‌ستی ئازادكردنی ناوچه داگیركراوه‌كان كه ئێستا له ژێر ده‌ستی توركیا و گروپه چه‌كداره‌كاندایه. ئاماژه‌ی به‌وه‌شكردوه، "ئەوە دوا بانگەوازە کە سەرکردایەتیمان ده‌یكات، بەو پێیەی هێزەکانی سوریای دیموکرات (هه‌سه‌ده) ئامادەکاری دەکەن بۆ ئۆپەراسیۆنی تایبەت دژی شوێنەکانی داگیرکەری تورکیا لە ناوچە داگیرکراوەکان، بەم پێیە داوا لە گەلەکەمان دەکەین لە دەوری هێزەکانیان کۆببنەوە و پشتیوانیان بکەن". له ڕاگه‌یه‌ندراوه‌كه‌دا هاتوه، "ئێمە له‌گه‌ڵ گەلەکەمان و دانیشتوانی ناوچە داگیرکراوەکانی گرێ سپی و سه‌رێك كانی ده‌ڵێین، كاتی ڕزگارکردنی ئەو ناوچانەیه كه لە ژێر داگیرکاریی تورکیا و گروپه چه‌كداره‌كانی سه‌ر به توركیایه". ئه‌وه‌شخراوه‌ته‌ڕوو، "داوا لە دانیشتوان و چەکدارانی ناو کوتلەکانی سەر بە تورکیا دەکەین، کە ملکەچی داگیرکاری بون و ساڵانێک لە ژێر ئاڵای تورکیادا دژی گەلی سوریا شەڕیان کرد، کە دوا دەرفەتی سەرکردایەتیمان کە پێشکەشی کردبو، بقۆزنەوە و بگەڕێنەوە سەر ماڵ و حاڵی خۆیان لەو شارۆچکە و شارانەی کە لێیەوە هاتونەتە ناو سوریا". له ڕاگه‌یه‌ندراوه‌كه‌دا هاتوه، "تورکیا بە هیچ شێوەیەک گرنگی بە ژیانی سورییەکان نادات و باکوری سوریای کردوە بە قەڵغانی تیرۆر و هەڕەشە لە زێدی ئێمە و هەموو ناوچەکە دەکات، توركیا کەڵک لە ململانێی ناوخۆی سوریا وەردەگرێت بۆ داگیرکردنی تەواوی جوگرافیای سوریا، با هەمومان یەکبگرین بۆ دەرکردنی ئەم داگیرکارییە لە زێدی خۆمان، چونکە هیچ هاوکاری و پشتیوانییەک بۆ سورییەکە نییە جگە لە برایه‌تی نێوان سورییەکان". وتيشى: ئێمە دەستی هاوکاری درێژ دەکەینەوە بۆ هەر چەکدارێک یان تاکێک کە دەیەوێت بە سەلامەتی بەرەو ناوچەکانی خۆی لە ناوخۆی سوریا یان ناوچەی باکور و ڕۆژهەڵاتی سوریا بڕوات، هێزەکانمان و ئیدارەی خۆسەر بەڵێنیان داوە پشتگیری خێزانەکان بکەن لە دەرچونی سەلامەتیان بەبێ ئەوەی زیانیان پێ بگات". هه‌سه‌ده له ڕاگه‌یه‌ندراوه‌كه‌دا جه‌خت ده‌كاته‌وه كه هێزه‌كانیان ئاماده‌كاری بۆ رزگاركردنی ناوچه داگیركراوه‌كان ده‌كه‌ن و داوای له خه‌ڵكی ئه‌و ناوچان ده‌كه‌ن پشتیوانیان بكه‌ن، دوایین هۆشداریش ده‌داته گروپه چه‌كداره‌كان كه 31ی 12ی 2024 ده‌رفه‌تیان پێده‌درێت بۆ ئه‌وه‌ی ناوچه‌كه به‌جێبهێڵن.
هاوڵاتی - پێکدادانی توند لە نێوان هێزەکانی ئەنجومەنی سەربازی منبج و گروپە چەكدارەكانی سەر بە توركیا لە باشووری ڕۆژهەڵاتی شاری منبج بەردەوامبووە. - لە شەڕ و پێكدادانەكاندا پێنج چەكداری ئەو گروپانە كوژراون و سێ ئۆتۆمبێلیشیان تێکشکێنراوە. هێزەكانی سوریای دیموکرات (هەسەدە) ڕایگەیاند لە شەڕو پێكدادانەكانی نێوان هێزەكانی سوریای دیموکرات و چەكدارە بەکرێگیراوەكانی توركیا لە منبج، پێنج چەكداری ئەو گروپانە كوژراون. هێزەكانی سوریای دیموکرات دەشڵێت هەر لەو شەڕ و پێکدادانە ژمارەیەكی دیكە لە بەکرێگیراوەکانی تورکیا برینداربون و سێ ئۆتۆمبێلیشیان تێکشکێنرا. لەوبارەیەوە ناوەندی ڕاگەیاندنی هەسەدە، ئەمڕۆ چوارشەممه بڵاویكردەوە، لە کاتژمێرەکانی ئێوارەی دوێنێوە تا سەرلەبەیانی ئەمڕۆ چوارشەممە، پێکدادانی توند لە نێوان هێزەکانی ئەنجومەنی سەربازی منبج و گروپە چەكدارەكانی سەر بە توركیا لە باشووری ڕۆژهەڵاتی شاری منبج بەردەوامبووە. دەشڵێت لە شەڕ و پێكدادانەكاندا پێنج چەكداری ئەو گروپانە كوژراون و سێ ئۆتۆمبێلیشیان تێکشکێنراوە، جگە لەوەش دەستبەسەر بڕێک چەک و تەقەمەنی ئەو چەكدارانەدا گیراوە.
هاوڵاتی - پێکدادانی توند لە نێوان هێزەکانی ئەنجومەنی سەربازی منبج و گروپە چەكدارەكانی سەر بە توركیا لە باشووری ڕۆژهەڵاتی شاری منبج بەردەوامبووە. - لە شەڕ و پێكدادانەكاندا پێنج چەكداری ئەو گروپانە كوژراون و سێ ئۆتۆمبێلیشیان تێکشکێنراوە. هێزەكانی سوریای دیموکرات (هەسەدە) ڕایگەیاند لە شەڕو پێكدادانەكانی نێوان هێزەكانی سوریای دیموکرات و چەكدارە بەکرێگیراوەكانی توركیا لە منبج، پێنج چەكداری ئەو گروپانە كوژراون. هێزەكانی سوریای دیموکرات دەشڵێت هەر لەو شەڕ و پێکدادانە ژمارەیەكی دیكە لە بەکرێگیراوەکانی تورکیا برینداربون و سێ ئۆتۆمبێلیشیان تێکشکێنرا. لەوبارەیەوە ناوەندی ڕاگەیاندنی هەسەدە، ئەمڕۆ چوارشەممه بڵاویكردەوە، لە کاتژمێرەکانی ئێوارەی دوێنێوە تا سەرلەبەیانی ئەمڕۆ چوارشەممە، پێکدادانی توند لە نێوان هێزەکانی ئەنجومەنی سەربازی منبج و گروپە چەكدارەكانی سەر بە توركیا لە باشووری ڕۆژهەڵاتی شاری منبج بەردەوامبووە. دەشڵێت لە شەڕ و پێكدادانەكاندا پێنج چەكداری ئەو گروپانە كوژراون و سێ ئۆتۆمبێلیشیان تێکشکێنراوە، جگە لەوەش دەستبەسەر بڕێک چەک و تەقەمەنی ئەو چەكدارانەدا گیراوە.
هاوڵاتی - ئەوەی ئێمە دەمانەوەێت، دەسەڵات لە سووریادا ناوەندی نەبێت و لەسەر بنەمای دیموکراتی و فرەیی بنیاتبنرێت. - ئامادەیی هێزەکانی هەسەدەی بۆ هەڵوەشاندنەوە نیشاندا بەو مەرجەی زامنی مافەکانی کورد و کەمایەتییەکانی تر لە سووریا بکرێت. - ئەو کوردانەی لەدەرەوەی سووریا بۆ شەڕی داعش هاتبوون ئامادەیی خۆیان بۆ گەڕانەوە نیشانداوە. مەزڵوم عەبدی فەرماندەی گشتی هێزەکانی سوریای دیموکرات ئامادەیی هێزەکانی هەسەدەی بۆ هەڵوەشاندنەوە نیشاندا بەو مەرجەی زامنی مافەکانی کورد و کەمایەتییەکانی تر لە سووریا بکرێت. مەزڵوم عەبدی لە لێدوانێکیدا بۆ رۆژنامەی (تایمز)ی بەریتانی رایگەیاند: ئێمە دەزانین بارودۆخێکی نوێ لە سووریا سەریهەڵداوە و ئەوەی ئێمەش دەمانەوەێت، دەسەڵات لە سووریادا ناوەندی نەبێت و لەسەر بنەمای دیموکراتی و فرەیی بنیاتبنرێت. وتیشی: ئەو کوردانەی لەدەرەوەی سووریا بۆ شەڕی داعش هاتبوون ئامادەیی خۆیان بۆ گەڕانەوە نیشانداوە. راشیگەیاند: بەکرێگیراوانی تورکیا پابەندی ئاگربەست نابن و ئێمە بەرپەرچی ئەو هێرشانە دەدەینەوە کە دەیکەنەسەر هێڵی بەرگریمان.
هاوڵاتی - ئەمریکا تەنیا لە چەند رۆژی رابردوودا نزیکەی 100 هێرشی ئاسمانی کردووەتە سەر پێگەکانی داعش. - سەروو 18 هەزار ژن و 22 هەزار منداڵی داعش له کەمپی هۆلدان و زیاتر لە 10 هەزار چەکداری پێشووی داعشیش لە چەند زیندانێكی ژێر دەسەڵاتی هەسەدەدان. - ئەگەر ئەمریکا (لە سووریا) بکشێتەوە، تورکەکان کوردەکان کۆمەڵکوژ دەکەن. جەیمس لانکۆرد ئەندامی ئەنجوومەنی پیرانی ئەمریکا لە پارتی کۆمارییەکان ڕایگەیاند ئەگەر ئەمریكا لە سووریا بكشێتەوە توركیا كورد كۆمەڵكوژ دەكات. جەیمس لانکۆرد لە لێدوانێكی ڕۆژنامەوانیدا ڕایگەیاند ئەمریکا تەنیا لە چەند رۆژی رابردوودا نزیکەی 100 هێرشی ئاسمانی کردووەتە سەر پێگەکانی داعش و هەزاران زیندانی داعش لە زیندانەکانی ئەو ناوچەیە هەن کە لەلایەن کوردەکانەوە بەڕێوەدەبرێن، بۆیە ئەو ناوچەیە زۆر گرنگە. وتيشى: سەروو 18 هەزار ژن و 22 هەزار منداڵی داعش له کەمپی هۆلدان و زیاتر لە 10 هەزار چەکداری پێشووی داعشیش لە چەند زیندانێكی ژێر دەسەڵاتی هەسەدەدان. دەڵێت "ئاڵنگارییەکە ئەوەیە کە تورکەکان کوردەکان بە تیرۆریست دادەنێن و لە شەڕێکی بەردەوامدان لەگەڵیان، ئەوان چەند جارێک سنووریان بەزاندووە و لە تورکیاوە چوونەتە باکووری رۆژهەڵاتی سووریا بۆ ئەوەی بتوانن پەلاماریان بدەن." ئاماژە بەوەش دەکات، "ئەگەر ئەمریکا (لە سووریا) بکشێتەوە، ئەوا ژمارەی چەکدارانی داعش لەو ناوچەیە زیاد دەکات، هەروەها تورکەکان کوردەکان کۆمەڵکوژ دەکەن."
هاوڵاتی - ئەمریکا تەنیا لە چەند رۆژی رابردوودا نزیکەی 100 هێرشی ئاسمانی کردووەتە سەر پێگەکانی داعش. - سەروو 18 هەزار ژن و 22 هەزار منداڵی داعش له کەمپی هۆلدان و زیاتر لە 10 هەزار چەکداری پێشووی داعشیش لە چەند زیندانێكی ژێر دەسەڵاتی هەسەدەدان. - ئەگەر ئەمریکا (لە سووریا) بکشێتەوە، تورکەکان کوردەکان کۆمەڵکوژ دەکەن. جەیمس لانکۆرد ئەندامی ئەنجوومەنی پیرانی ئەمریکا لە پارتی کۆمارییەکان ڕایگەیاند ئەگەر ئەمریكا لە سووریا بكشێتەوە توركیا كورد كۆمەڵكوژ دەكات. جەیمس لانکۆرد لە لێدوانێكی ڕۆژنامەوانیدا ڕایگەیاند ئەمریکا تەنیا لە چەند رۆژی رابردوودا نزیکەی 100 هێرشی ئاسمانی کردووەتە سەر پێگەکانی داعش و هەزاران زیندانی داعش لە زیندانەکانی ئەو ناوچەیە هەن کە لەلایەن کوردەکانەوە بەڕێوەدەبرێن، بۆیە ئەو ناوچەیە زۆر گرنگە. وتيشى: سەروو 18 هەزار ژن و 22 هەزار منداڵی داعش له کەمپی هۆلدان و زیاتر لە 10 هەزار چەکداری پێشووی داعشیش لە چەند زیندانێكی ژێر دەسەڵاتی هەسەدەدان. دەڵێت "ئاڵنگارییەکە ئەوەیە کە تورکەکان کوردەکان بە تیرۆریست دادەنێن و لە شەڕێکی بەردەوامدان لەگەڵیان، ئەوان چەند جارێک سنووریان بەزاندووە و لە تورکیاوە چوونەتە باکووری رۆژهەڵاتی سووریا بۆ ئەوەی بتوانن پەلاماریان بدەن." ئاماژە بەوەش دەکات، "ئەگەر ئەمریکا (لە سووریا) بکشێتەوە، ئەوا ژمارەی چەکدارانی داعش لەو ناوچەیە زیاد دەکات، هەروەها تورکەکان کوردەکان کۆمەڵکوژ دەکەن."
هاوڵاتی - ئەمریکا کاروانی هێزە سەربازییەکانی لە چواردەوری شارى كۆبانی دەهێڵێتەوە. - هاوپەیمانی نێودەوڵەتی بە سەرۆکایەتی ئەمریکا هەوڵی جدی بۆ بەرگرتن لە شەڕ و پێکدادانی نێوان سوپای تورکیا و بەکرێگیراوانی لەگەڵ هێزەکانی سووریای دیموکرات لە شاری کۆبانی دەدات. - بۆ ئەو مەبەستەش ئەمریکا کاروانی هێزە سەربازییەکانی لە چواردەوری شاری کۆبانی هێشتوەتەوە. ڕوانگەی سووری بۆ مافەكانی مرۆڤ ڕایگەیاند بۆ بەرگرتن لە پەلامارەکانی تورکیا و بەکرێگیراوانی بۆسەر شاری کۆبانی، ئەمریکا کاروانی هێزە سەربازییەکانی لە چواردەوری ئەو شارە دەهێڵێتەوە. ڕوانگەكه ئاشکرای کرد هاوپەیمانی نێودەوڵەتی بە سەرۆکایەتی ئەمریکا هەوڵی جدی بۆ بەرگرتن لە شەڕ و پێکدادانی نێوان سوپای تورکیا و بەکرێگیراوانی لەگەڵ هێزەکانی سووریای دیموکرات لە شاری کۆبانی دەدات بۆ ئەو مەبەستەش ئەمریکا کاروانی هێزە سەربازییەکانی لە چواردەوری شاری کۆبانی هێشتوەتەوە. ئەوەش لەکاتێکدایە هێزەکانی سووریای دیموکرات لە میحوەری منبج پێشڕەوی تەواویان کردووە و چەکدارە بەکرێگیراوەکانی تورکیا لە پاشەکشێی بەردەوامدان.
هاوڵاتی - ماوەی 20 ڕۆژە شاری كۆبانی و بەنداوی تشرین ڕووبەڕووی هێرش دەبنەوە لەلایەن گرووپە چەكدارەكانی سەر بەتوركیا. - توركیا دژی هێزەكانی سووریای دیموكرات نییە، بەڵكو دژی گەلی سووریایە بەتایبەتی دژی گەلی كوردە. - ئێمە ئامادەین بۆ هەموو جەنگێك. فەرهاد شامی هێزەكانی سووریای دیموكرات (هەسەدە) ڕایگەیاند توركیا زیاتر لە 200 بنكە و خاڵی سەربازی هەیە لەنێو خاكی سووریادا، دووان لەو بنكانە لە شاری منبجن. فەرهاد شامی لە چاوپێكەوتنێكی تەلەفزیۆنیدا ڕایگەیاند توركیا هەوڵ دەدات ڕووبەرێكی بەرفراوانتری سووریا داگیر بكات و لەم ماوەیەدا دوو بنكەی دیكەی لە منبج دامەزراندووە كە زیاتر لە 200 بنكە و خاڵی سەربازی تری هەیە لەنێو خاكی سووریادا لە باكوری سووریا كە توركیا داگیریكردوون. وتيشى: ماوەی 20 ڕۆژە شاری كۆبانی و بەنداوی تشرین ڕووبەڕووی هێرش دەبنەوە لەلایەن گرووپە چەكدارەكانی سەر بەتوركیا، توركیا دژی هێزەكانی سووریای دیموكرات نییە، بەڵكو دژی گەلی سووریایە بەتایبەتی دژی گەلی كوردە. ڕونیشیكردەوە: هەر وەك چۆن ئەرمەنی لەناوبرد ئێستا لەهەوڵی ئەوەدایە كورد لەناو ببات، ئێمە ئامادەین بۆ هەموو جەنگێك، با هەموان ئاگاداربن ناوچەكانی ژێر دەسەڵاتی هێزەكانی سووریای دیموكرات زۆر تۆكمە كراوە و توركیا و بەكرێگیراوەكانی ناتوانن بە ئاسانی بێنە ناو ئەو ناوچانەوە.
هاوڵاتی - مورشید خەزنەوی جارێکی تر داوای یەکگرتوویی لە کوردانی رۆژئاوای کوردستان دەکات. - دەڵێت بەیەک دەنگ و بەیەک هەڵوێست ڕوو لە دیمەشق بکەن. د. مورشید خەزنەوی جارێکی تر داوای یەکگرتوویی لە کوردانی رۆژئاوای کوردستان دەکات و دەڵێت بەیەک دەنگ و بەیەک هەڵوێست ڕوو لە دیمەشق بکەن. د. مورشید خەزنەوی کوڕی شەهید محمەد مەعشوق خەزنەوی، لە دوای رووخانی ئەسەد دەزگاکانی راگەیاندن گرنگی زۆر بە وتار و دەرکەوتنەکانی دەدەن و خاوەن پێگەیەکی جەماوەری زۆر بەرفراوانەوە و بۆتە دەنگی حەق و هەردەم لە خەمی یەکگرتوویی کوردانی رۆژئاوادایە. لەنوێترین دەرکەوتنیشی لە شاری گریکی رۆژئاوای کوردستان و بەئامادەبوونی جەماوەرێکی بەرفراوان د. مورشید خەزنەوی جارێکی تر داوای یەکگرتووی لەو پارچەیەی کوردستان کرد و داواشی لە پارت و لایەنە سیاسیەکان کرد لە دیمەشق یەک دەنگ و یەک هەڵوێست بن.
هاوڵاتی - هێزەکانمان وەڵامی هێرشێکی بەکرێگیراوانی تورکیایان دایەوە بۆ سەر گوندی قەبر ئیمۆ لە ڕۆژهەڵاتی شاری مەنبەج. - لە ناوچەی پردی کۆزاک، هێزەکانمان ئۆتۆمبێلێکی سەر بە چه‌كداره‌كانیان تەقاندەوە و بەهۆیەوە دوو چه‌كدار کوژران. - ئێستا پێکدادانی توندوتیژ لەنێوان هێزەکانمان و بەکرێگیراوەکاندا ڕودەدات. ناوەندی ڕاگەیاندنی هێزەکانی سوریای دیموکرات (هه‌سه‌ده) ڕایگه‌یاند، لەدەوروبەری مەنبەج گرووپە بەكرێگیراوەكانی توركیمان تێكشاندوو بەدەیان چەكداریان كوژراون. (هه‌سه‌ده) له ڕاگه‌یه‌ندراوێكدا باسی له‌وه‌كردوه، "هێزەکانمان وەڵامی هێرشێکی بەکرێگیراوانی تورکیایان دایەوە بۆ سەر گوندی قەبر ئیمۆ لە ڕۆژهەڵاتی شاری مەنبەج ئەنجامدرا، کە ئێستا پێکدادانی توندوتیژ لەنێوان هێزەکانمان و بەکرێگیراوەکاندا ڕودەدات. ئاماژه‌ی به‌وه‌شكردوه، "لە ناوچەی پردی کۆزاک، هێزەکانمان ئۆتۆمبێلێکی سەر بە چه‌كداره‌كانیان تەقاندەوە و بەهۆیەوە دوو چه‌كدار کوژران، ئەوەش هاوکات لەگەڵ بۆردومانێکی ئاسمانی کە لەلایەن فڕۆکەی توركیا لەسەر یه‌كتربڕی شاری سارین ئەنجامدرا. له ڕاگه‌یه‌ندراوه‌كه‌دا هاتوه، "لە میحوەری بەنداوی تشرین، هێزەکانی ئەنجومەنی سەربازی مه‌نبج هێرشێکی چه‌كداره‌كانیان بۆ سەر گوندەکانی (ناحیەی التواهین، خربەت توینی) لە ناحیەی ئەبو قەلقال پوچەڵکردەوە، کە تێیدا دەیان چه‌كدار کوژران و برینداربون". ئه‌وه‌شخراوه‌ته‌ڕو، "هێزەکانمان کۆنتڕۆڵی دوو تانک و چەکێکی تۆپخانە و تەقەمەنیەکانیشی کرد، ئەوە جگە لەوەی زرێپۆشێکی بی ئێم بی و دوو ئۆتۆمبێلی سەربازی کە چەکی دوشکەیان هەڵگرتبو کە سەر بە بەکرێگیراوان بون له‌ناوبران".
هاوڵاتی - شەڕی نوێ لە باکوری ڕۆژهەڵاتی سوریا کاریگەری خراپی بۆ تەواوی سوریا دەبێت. - دەبێت ناکۆکیەکانی باکوری ڕۆژهەڵاتی سوریا لە نێوان هێزە کوردییەکان و گروپەکانی سەر بە تورکیا، لە ڕووی سیاسییەوە چارەسەر بکرێن. - ئەگەرنا ئەو شەڕە ئەنجامێکی خراپی بۆ تەواوی سوریا دەبێت. گەیر پێدرسن نێردەی نەتەوە یەکگرتووەکان بۆ سوریا ڕایگەیاند شەڕی نوێ لە باکوری ڕۆژهەڵاتی سوریا کاریگەری خراپی بۆ تەواوی سوریا دەبێت. گەیر پێدرسن وتيشى: دەبێت ناکۆکیەکانی باکوری ڕۆژهەڵاتی سوریا لە نێوان هێزە کوردییەکان و گروپەکانی سەر بە تورکیا، لە ڕووی سیاسییەوە چارەسەر بکرێن. دەشڵێت: ئەگەرنا ئەو شەڕە ئەنجامێکی خراپی بۆ تەواوی سوریا دەبێت. دوای ڕووخانی ڕژێمی ئەسەد، شەڕ و پێکدادان لە نێوان گرووپەکانی سەر بە تورکیا و هێزەکانی سوریای دیموکرات لە باکوری ڕۆژهەڵاتی سووریا زیادیکردووە و تورکیا هێزێکی زۆری سوپای وڵاتەکەی و بەکرێگیراوانی لەسەر سنوری رۆژئاوای کوردستان کۆکردوەتەوە.
هاوڵاتی - شەڕی نوێ لە باکوری ڕۆژهەڵاتی سوریا کاریگەری خراپی بۆ تەواوی سوریا دەبێت. - دەبێت ناکۆکیەکانی باکوری ڕۆژهەڵاتی سوریا لە نێوان هێزە کوردییەکان و گروپەکانی سەر بە تورکیا، لە ڕووی سیاسییەوە چارەسەر بکرێن. - ئەگەرنا ئەو شەڕە ئەنجامێکی خراپی بۆ تەواوی سوریا دەبێت. گەیر پێدرسن نێردەی نەتەوە یەکگرتووەکان بۆ سوریا ڕایگەیاند شەڕی نوێ لە باکوری ڕۆژهەڵاتی سوریا کاریگەری خراپی بۆ تەواوی سوریا دەبێت. گەیر پێدرسن وتيشى: دەبێت ناکۆکیەکانی باکوری ڕۆژهەڵاتی سوریا لە نێوان هێزە کوردییەکان و گروپەکانی سەر بە تورکیا، لە ڕووی سیاسییەوە چارەسەر بکرێن. دەشڵێت: ئەگەرنا ئەو شەڕە ئەنجامێکی خراپی بۆ تەواوی سوریا دەبێت. دوای ڕووخانی ڕژێمی ئەسەد، شەڕ و پێکدادان لە نێوان گرووپەکانی سەر بە تورکیا و هێزەکانی سوریای دیموکرات لە باکوری ڕۆژهەڵاتی سووریا زیادیکردووە و تورکیا هێزێکی زۆری سوپای وڵاتەکەی و بەکرێگیراوانی لەسەر سنوری رۆژئاوای کوردستان کۆکردوەتەوە.
هاوڵاتی - دەنگی ئەمەریکا بڵاویکردەوە، گەیشتنی کاروانی هێزەکانی ئەمەریکا بۆ کۆبانی کاتییە. - ئامانج لێی نێوەندگیری و چاودێریکردنی جێبەجێکردنی هەندێک ڕێککەوتنی نێوان هێزەکانی سوریای دیموکرات و تورکیایە. کاروانێکی هێزەکانی ئەمەریکا کە لە چەند زرێپۆشێک پێکهاتبوون گەیشتنە شاری کۆبانی. دەنگی ئەمەریکا بڵاویکردەوە، گەیشتنی کاروانی هێزەکانی ئەمەریکا بۆ کۆبانی کاتییە و ئامانج لێی نێوەندگیری و چاودێریکردنی جێبەجێکردنی هەندێک ڕێککەوتنی نێوان هێزەکانی سوریای دیموکرات و تورکیایە. یەکێک لە خاڵە گرنگەکانی ئەم ڕێککەوتنەکەش، گواستنەوەی گۆڕی سلێمان شایە لە گوندی ئاشمێی سەر بە کۆبانێ لەسەر سنوور، بۆ شوێنی پێشووی خۆی لە نزیک پردی قەرەقۆزاک، هەروەها ڕێگە بەو دانیشتووانەی مەنبەج بدرێت کە دەیانەوێت شارەکە بەجێبهێڵن، بەڵام هەتا ئێستا هیچ خاڵێکی ڕێککەوتنەکە جێبەجێ نەکراوە بێ ئەوەی هۆکارەکان ئاشکرا بکرێن.
هاوڵاتی - دەنگی ئەمەریکا بڵاویکردەوە، گەیشتنی کاروانی هێزەکانی ئەمەریکا بۆ کۆبانی کاتییە. - ئامانج لێی نێوەندگیری و چاودێریکردنی جێبەجێکردنی هەندێک ڕێککەوتنی نێوان هێزەکانی سوریای دیموکرات و تورکیایە. کاروانێکی هێزەکانی ئەمەریکا کە لە چەند زرێپۆشێک پێکهاتبوون گەیشتنە شاری کۆبانی. دەنگی ئەمەریکا بڵاویکردەوە، گەیشتنی کاروانی هێزەکانی ئەمەریکا بۆ کۆبانی کاتییە و ئامانج لێی نێوەندگیری و چاودێریکردنی جێبەجێکردنی هەندێک ڕێککەوتنی نێوان هێزەکانی سوریای دیموکرات و تورکیایە. یەکێک لە خاڵە گرنگەکانی ئەم ڕێککەوتنەکەش، گواستنەوەی گۆڕی سلێمان شایە لە گوندی ئاشمێی سەر بە کۆبانێ لەسەر سنوور، بۆ شوێنی پێشووی خۆی لە نزیک پردی قەرەقۆزاک، هەروەها ڕێگە بەو دانیشتووانەی مەنبەج بدرێت کە دەیانەوێت شارەکە بەجێبهێڵن، بەڵام هەتا ئێستا هیچ خاڵێکی ڕێککەوتنەکە جێبەجێ نەکراوە بێ ئەوەی هۆکارەکان ئاشکرا بکرێن.
هاوڵاتی - هەموو هەوڵێكی ئێمە بۆ تەوتینی مووچەیە و لیژنەیەك پێكدەهێنین لەسەرجەم شار و شارۆچكەكان. - جێبەجێ كردنی تەوتین دەبێتە زامنی پاراستنی مووچەی فەرمانبەرانی هەرێم. - بە گوڕوتینەوە لە خواردن و خواردنەوە ماندەگرین و دەمیی خۆمان دەدورینەوە تاكو تەوتین جێبەجێ دەكرێت. دڵشاد میرانی ئەندامی ئەنجوومەنی مامۆستایانی ناڕازی ڕایگەیاند مامۆستایانی ناڕازی دەمی خۆیان دەدورنەوە تاكو تەوتین جێبەجێ دەكرێت. دڵشاد میرانی لە كۆنفڕانسێكی ڕۆژنامەوانیدا ڕایگەیاند، دەبێت مەلەفی ململانێی سیاسی مووچەی فەرمانبەرانی هەرێمی كوردستان لەو ململانێ ناشەریفەی لەنێوان حكومەتی هەرێم و حكومەتی فیدڕاڵی دەربهێنرێت. وتيشى: هەموو هەوڵێكی ئێمە بۆ تەوتینی مووچەیە و لیژنەیەك پێكدەهێنین لەسەرجەم شار و شارۆچكەكان لە سلێمانی و هەڵەبجە و گەرمیان و ڕاپەڕین و كۆیە و كەركوك و ناوچە دابڕێنراوەكان و بە گوڕوتینەوە لە خواردن و خواردنەوە ماندەگرین و دەمیی خۆمان دەدورینەوە تاكو تەوتین جێبەجێ دەكرێت. ڕونیشیكردەوە جێبەجێ كردنی تەوتین دەبێتە زامنی پاراستنی مووچەی فەرمانبەرانی هەرێم لەنێوان بەرداشی حكومەتی هەرێم و حكومەتی فیدڕاڵی.
