ئامادەكردنی: محمد فاتح حامد - تائێستاش د*ا*ع*ش بە تەواوەتی لە سوریا تێكنەشكاوە، ئەمەش بۆتە جێگای نیگەرانی دەوڵەتی عێراق. - ڕووداوەكانی سوریا زۆر گەورەن و هەڕەشەن بۆ سەر ناوچەكە. - ئیسرائیل بەردەوام دەبێت لە هەوڵەكانی بۆ لاوازكردنی عەرەب. هادی جەلۆ مەرعی سەرۆكی دەستەی شرۆڤەكارانی سیاسی عێراق ڕایگەیاند ئیسرائیل بەنیازە ناوچەی عەرەبی هەڵبوەشێنێتەوە. هادی جەلۆ مەرعی تایبەت بە هاوڵاتی ڕاگەیاند ئەو گۆڕانكاریانەی لە سوریا ڕوودەدەن جێگای نیگەرانین بۆ عێراق. وتيشى: عێراق بەتەنیشت سوریاوەیە و هەردوولا خاوەنی چەكدارن و نیازی ڕژێمی نوێی سوریا نازانین و تائێستاش داعش بە تەواوەتی لە سوریا تێكنەشكاوە، ئەمەش بۆتە جێگای نیگەرانی دەوڵەتی عێراق. ڕونیشیكردەوە ڕووداوەكانی سوریا زۆر گەورەن و هەڕەشەن بۆ سەر ناوچەكە و ئیسرائیل بەنیازە ناوچەی عەرەبی هەڵبوەشێنێتەوە و دابەشی بكات و سوپاكانی وێران بكات و ئیسرائیل بەردەوام دەبێت لە هەوڵەكانی بۆ لاوازكردنی عەرەب.
هاوڵاتی - شهڕڤانانی ههسهده ڕۆڵی بەردەوام و گرنگ دەگێڕێن لە ڕێگریکردن لە سەرهەڵدانەوەی داعش. - ئێمە بەردەوامین لە پەیوەندی زۆر لە نزیکەوە لەگەڵ هێزهكانی سوریای دیموكرات. - هێزهكانی سوریای دیموكرات وەک هاوبەشێکی گرنگی واشنتن دەمێنێتەوە. جەنەڕاڵ پات ڕیدەر وتهبێژی وهزارهتی بهرگری ئهمریكا (پنتاگۆن) ڕایگەیاند هێزهكانی سوریای دیموكرات (ههسهده) وەک هاوبەشێکی گرنگی واشنتن دەمێنێتەوە. جەنەڕاڵ پات ڕیدەر، له كۆنگرهیهكی رۆژنامهوانیدا لهبارهی دۆخی سوریاوه، ڕایگهیاند، "تورکیا هاوپەیمانێکی زۆر بەنرخی ناتۆیە و بەردەوامین لە هێشتنەوەی هێڵەکانی پەیوەندیکردن بە کراوەیی بەوپێیەی پەیوەندی بە دۆخی سوریاوە هەیە، وەک چۆن پەیوەندی بە بەرژەوەندییە ئەمنییەکانی ناوچەکەوە هەیە وەک داعش، من هیچ شتێکم نییە لەڕوی هیچ گۆڕانکارییەک لە هەڵوێستی هێزی ئەمریکا یان چۆنێتی نزیکبونەوەمان لە ئەرکی شکستی داعش، بەڵام دڵنیام کە بەردەوام دەبین لە ئەنجامدانی ئەو گفتوگۆیانە لەگەڵ تورکیا و هاوبەشە ناوچەییەکانی دیکە لەسەر ئەم بابەتە". لهبارهی وتهكهی هاكان فیدان، وەزیری دەرەوەی تورکیا كه وتی، "دهبێت هێزهكانی سوریای دیموكرات و یهپهگه چهك دابنێن و ڕادهستی سوپای سوریای بكهن یان سوریا بهجێبهێڵن"، وتهبێژی پێنتاگۆن دهڵێت، "هیچ کۆمێنتێکم نییە لەسەر وتهكانی وەزیری دەرەوەی توركیا بیخەمەڕوو، ئەوەی من دەیڵێم ئەوەیە کە ههسهده وەک هاوبەشێکی گرنگ دەمێنێتەوە، پێموایە گرنگە لەبیرمان بێت کە داعش توانای چیی هەیە، وەک لە ڕابردودا بینیمان و هەمومان بەرژەوەندییەکی تایبەتمان هەیە بۆ دڵنیابون لەوەی کە ناتوانن سەرهەڵبدهنەوە". ئاماژهی بهوهشكردوه، "ئێمە لەگەڵ هاوتا تورکەکانمان و ئەوانی دیکە لە ناوچەکە قسە دەکەین وەک ئەوەی پەیوەندی بەو تەحەددایانە هەیە کە پەیوەندییان بە داعشەوە هەیە، هەروەها شهڕڤانانی ههسهده ڕۆڵی بەردەوام و گرنگ دەگێڕێن لە ڕێگریکردن لە سەرهەڵدانەوەی داعش، بۆیە ئێمە بەردەوام دەبین لە ئەنجامدانی ئەو گفتوگۆیانە". ئهوهشی خستهڕوو، "ناچمە ناو سیاسەتی ناوخۆیی سوریاوە جگە لەوەی بڵێم، دیسانەوە، ئێمە دان بەوەدا دەنێین کە دۆخی ئێستا لە سوریا ناسکە، بەتایبەتی کە دوای ڕوخانی ڕژێمی ئەسەد، هێزەکانی ئەمریکا ساڵانێکە لە نزیکەوە لەگەڵ هێزهكانی سوریای دیموكرات (ههسهده) كاردهكهین لەسەر ئەرکی شکستی داعش و ئەوەش بەردەوامە لە گرنگیدانمان". لهبارهی پێشنیاری مهزڵوم كۆبانێ، فهرماندهی گشتی ههسهده بۆ ناوچهیهكی داماڵڕاو له چهك له كۆبانێ، وتهبێژی پنتاگۆن وتی، "ئێمە بەردەوامین لە پەیوەندی زۆر لە نزیکەوە لەگەڵ هێزهكانی سوریای دیموكرات وەک هاوبەشی شکستی داعش، بەڵام لە ئێستادا هیچ گۆڕانكاریهكی نوێ نییە لە ڕوی گۆڕینی ئەرکەوە".
هاوڵاتی - بەرەبەیانی ئەمڕۆ چوارشەممە نوێنەری تایبەتی سکرتێری گشتی نەتەوە یەکگرتوەکان و سەرۆکی ڕێکخراوی یونامی بە سەردانێكی ڕانەگەیەندراو گەیشتە تاران. - لەلایەن محەمە جەواد زەریف جێگری سەرۆک کۆماری ئەو وڵاتە بۆ كاروباری ستراتیجی پێشوازی لێكرا و کۆبونەوە و گفتوگۆیان ئەنجامدا. - لە دیدارەكەدا بارودۆخی عێراق و پێشهاته ناوچەیی و نێودەوڵەتییەکان له نێویاندا پرسی فەڵەستین و پێشهاتەكانی ئەمدواییەی سوریا و كاریگەرییەكانی سەر بارودۆخی ناوچەكە تاوتوێكران. محەمەد حەسەن، نوێنەری تایبەتی سکرتێری گشتی نەتەوە یەکگرتوەکان لە عێراق بە سەردانێكی ڕانەگەیەندراو لە تارانی پایتەختی ئێرانە و لەگەڵ بەرپرسانی ئەو وڵاتە گفتوگۆ لەبارەی بارودۆخی عێراق و پێشهاتە ناوچەیی و نێودەوڵەتییەکان دەكات، لەوانەش پرسی فەڵەستین و سوریا. میدیا فەرمییەکانی ئێران بڵاویانكردەوە، بەرەبەیانی ئەمڕۆ چوارشەممە نوێنەری تایبەتی سکرتێری گشتی نەتەوە یەکگرتوەکان و سەرۆکی ڕێکخراوی یونامی (نێردەی نەتەوە یەکگرتووەکان بۆ هاوکاری عێراق) بە سەردانێكی ڕانەگەیەندراو گەیشتە تاران و لەلایەن محەمە جەواد زەریف جێگری سەرۆک کۆماری ئەو وڵاتە بۆ كاروباری ستراتیجی پێشوازی لێكرا و کۆبونەوە و گفتوگۆیان ئەنجامدا و بڕیارە بەرپرسانی دیكەی ئەو وڵاتە ببینێت. ئاماژەی بەوەشكرد، لە دیدارەكەدا نوێنەری تایبەتی ئەمینداری گشتی نەتەوە یەکگرتوەکان بۆ عێراق، ڕاپۆرتێکی سەبارەت بە دۆخی عێراق و چالاکییە سەرەکییەکانی یونامی لەو وڵاتە پێشکەشکرد، هەروەها بارودۆخی عێراق و پێشهاته ناوچەیی و نێودەوڵەتییەکان له نێویاندا پرسی فەڵەستین و پێشهاتەكانی ئەمدواییەی سوریا و كاریگەرییەكانی سەر بارودۆخی ناوچەكە تاوتوێكران. بەگوێرەی میدیاكانی ئێران، لەو دیدارەدا محەمەد جەواد زەریف جەختی لە گرنگی گەشەپێدان و سەقامگیری، هەروەها پێشکەوتن و ئاسایشی عێراق كردەوە و ڕۆڵی دەستپێشخەرییە ناوچەییەکان و هاوکاری نەتەوە یەکگرتوەکانی لەو بوارەدا بە گرنگ زانی، هاوكات جەختی لە درێژەدان و بەهێزکردنی هاوکاریی نێوان کۆماری ئیسلامیی ئێران و یونامی کردەوە.
هاوڵاتی - ئەحمەد شەرع كە نازناوەكەی (ئەبو محەمەد جۆلانی) سەرۆکی تەحریر شام، لە ئێستادا هیچ ئەکاونتێکی فەرمی لە پێگە و تۆڕە كۆمەڵاتیەكاندا نییە. - سەرجەم كارو چالاكیەكانی لە ڕێگەی پێگەی (فەرماندەی گشتی-سوریا)وە بڵاودەكرێتەوە. ئاژانسی هەواڵی سوریا بڵاویكردەوە ئەحمەد شەرع لە ئێستادا هیچ ئەکاونتێکی فەرمی لە پێگە و تۆڕە كۆمەڵاتیەكاندا نییە و سەرجەم كارو چالاكیەكانی لە ڕێگەی پێگەی (فەرماندەی گشتی-سوریا)وە بڵاودەكرێتەوە. ئاژانسی هەواڵی سوریا (سانا) بڵاویكردەوە، ئەحمەد شەرع كە نازناوەكەی (ئەبو محەمەد جۆلانی) سەرۆکی تەحریر شام، لە ئێستادا هیچ ئەکاونتێکی فەرمی لە پێگە و تۆڕە كۆمەڵاتیەكاندا نییە. پێشتر ههژمارێكی تایبهت بهناوی ئەحمەد شەرع له تۆڕی كۆمهڵایهتی "X"، له پهیامێكدا ڕایگهیاندبو، "له پێناو یهكپارچهیی سوریا و سهپاندنی سهروهری دهوڵهت له تهواوی خاكی سوریا، داوا لهسهرجهم ئهندامانی گروپهكانی ههسهده (هێزهكانی سوریای دیموكرات) دهكهم دهستبهجێ جیاببنهوه و پهیوهندی به سهركردایهتی سهربازییهوه بكهن".
.png)
گۆڕانکارییەکانی سووریا پێویستی بە هاریکاری و هەماهەنگیی وڵاتانی ناوچەکە هەیە مالیکی بۆ باڵیۆزی تورکیا لە عێراق: ئەنقەرە بەرپرسە لە ئاسایش و سەروەریی سووریا. لە کۆبوونەوەی ئەمڕۆی نوری ملیکی سەرۆکی ئیئتلافی دەوڵەتی یاسا لەگەڵ ئانڵ بۆرا ئینان، باڵیۆزی تورکیا لە عێراق، مالیکی پاراستنی ئاسایش و سەروەریی سووریای خستووەتە ئەستۆی تورکیا. بەپێی بەیاننامەیەک کە نوسینگەی مالیکی بڵاوی کردووتەوە لەو کۆبوونەوەیەدا مالیکی ڕایگەیاندووە گۆڕانکارییەکانی سووریا پێویستی بە هاریکاری و هەماهەنگیی وڵاتانی ناوچەکە هەیە بۆ پارستنی ئاسایش و سەقامگیری و بەرگرتن لە هەر پشێوییەک.
خامنەیی: بۆچوونی ئەمەریکا و ئیسرائیل دەرحەق بە کۆتاییهاتنی مقاوەمە هەڵەیە خامنەیی جارێکی تریش هەڕەشەی سڕینەوەی ئیسرائیل لەسەر نەخشە دەکات. عەلی خامنەیی، ڕابەری باڵای کۆماری ئیسلامیی ئێران ڕایگەیاند: دوژمنان پێیان وایە پرسی (مقاوەمە) لەگەڵ ڕووخانی بەشار ئەسەد کۆتایی هاتووە. خامنەیی جارێکی تریش هەڕەشەی سڕینەوەی ئیسرائیل لەسەر نەخشە دەکات. بەرپرسێکی باڵای حەوزەی (قوم)یش دەڵێت: ئەگەری زۆرە پەیوەندی لەگەڵ بەرپرسە نوێیەکانی سووریا بونیاد بنێین بە ئامانجی زامنکردنی بەرژەوەندییەکانی تاران.
هاوڵاتی - داوایان لە دەسەڵاتی نوێی ئەو وڵاتە کردووە کارکردن بە یاسا و رێنماییەکانی سەندیکای هونەرمەندان و لیژنەی بەرهەمهێنانی سینەمایی و تەلەفزیۆن رابگیرێن. - داواش دەکەن پەلە بکرێت لە رێوشوێنەکان تا کاری کۆمپانیاکانی بەرهەمهێنان و هونەرمەندان نەوەستن کە هیچ سەرچاوەیەکی بژێوی تریان نییە. داوا دەکرێت کارکردن بە یاساکانی سەندیکای هونەرمەندانی سوریا و بەرێوەبەرایەتی چاودێری کارە هونەرییەکان رابگیرێن. لەبەیاننامەیەکدا کە واژۆی چەندین هونەرمەندی سوریای لەسەرە داوایان لە دەسەڵاتی نوێی ئەو وڵاتە کردووە کارکردن بە یاسا و رێنماییەکانی سەندیکای هونەرمەندان و لیژنەی بەرهەمهێنانی سینەمایی و تەلەفزیۆن رابگیرێن. داواش دەکەن پەلە بکرێت لە رێوشوێنەکان تا کاری کۆمپانیاکانی بەرهەمهێنان و هونەرمەندان نەوەستن کە هیچ سەرچاوەیەکی بژێوی تریان نییە و وەرزی بەرهەمهێنانی کاری درامیش نزیکە و راگرتنی کارە هونەرییەکان زیانێکی گەورەی ماددی بە کۆمپانیاکانی بەرهەمهێنان و هونەرمەندان دەگەیەنێت.
هاوڵاتی - لە ساڵی 2024 دا دەست بەسەر بڕی 3 تۆن و 150 کیلۆگرام مادەی هۆشبەردا گیراوە. - (116) قاچاخچی نێودەوڵەتی ماددە هۆشبەرەکان دەستگیر کراون. - دادگا سزای بەسەر 82 قاچاخچی نێودەوڵەتیدا سەپاندووە. ئەمڕۆ سێشەممە، وەزارەتی ناوخۆى عێراق دەستگیركردنی 116 بازرگانی نێودەوڵەتیی ماددە هۆشبەرەكانی لە ماوەی ساڵی 2024دا ڕاگەیاند. وەزارەتەكە لە بەیاننامەیەكدا دەڵێت: بە بڕیارى دادوەر كە لەلایەن دادگای لێكۆڵینەوەی ناوەندیی لە ڕەسافە دەرچووە و لەسەر فەرمانی وەزیری ناوخۆ عەبدولئەمیر شەمەری، بەڕێوەبەرایەتی گشتیی لە كاروباری ماددە هۆشبەرەكان، بە سەرپەرشتی بەڕێوەبەری گشتی، و لە ڕێگەی بەشی لێكۆڵینەوە تایبەتەكانەوە بۆ پاڵپشتیكردنی فەوجی بارەگای گشتی تاكتیكی ، چوارەمین ئۆپەراسیۆنی گەورەی ڕێگریكردنیان ئەنجامدا لە مێژووی عێراقدا، كە تۆڕەكانی بازرگانی نێودەوڵەتی كردە ئامانج. ئاماژەی بەوەشكرد: بەڕێوەبەرایەتی كاروباری ماددە هۆشبەرەكان توانیویەتی (116) بازرگانی نێودەوڵەتی دەستگیربكات و دەست بەسەر (3) تۆن و (150) كیلۆگرام مادەی هۆشبەری جۆراوجۆردا بگرێت، هەروەها سزای لەسێدارەدان بەسەر (82) بازرگانی نێودەوڵەتیی ماددە هۆشبەرەكان لەماوەی ساڵی 2024دا بسەپێنێت.
هاوڵاتی -مستەفا سەنەد ئەندامی ئەنجومەنی نوێنەرانی عێراق داوایکرد هەناردەکردنی نەوتی رەشی عێراق بۆ سوریا رابکیرێت. - مانگانە بەغدا بڕی 120 هەزار تۆن نەوتی ڕەش هەناردەی سوريا دەکات. پەرلەمانتارێکى عێراق داوای ڕاگرتنی ئەو نەوتە دەکات کە عێراق هەناردەی سوریای دەکات. مستەفا سەنەد ئەندامی ئەنجومەنی نوێنەرانی عێراق داوایکرد هەناردەکردنی نەوتی رەشی عێراق بۆ سوریا رابکیرێت کە مانگانە بەغدا بڕی 120 هەزار تۆن نەوتی ڕەش هەناردەی ئەو وڵاتە دەکات. داوای ئەم پەرلەمانتارەش دوای روخانی رژێمی بەشار ئەسەد دێت کە هاوپەیمانی ئێران و لە شیعەکانی عێراقەوە نزيک بوو.
ئامادەكردنی: محمد فاتح حامد - خەڵكی هەرێمی كوردستان بوونە قوربانی ئەو تەوافوقە سیاسیانەی لەكاتی پێكهێنانی حكومەتی عێراقدا كراوە. - حكومەتی فیدڕاڵی ئامادە نییە لە داهاتی بەسرە و پارێزگاكانی تری عێراق كەموكوڕیەكانی هەرێم پڕبكاتەوە. - بابەتی پاشەكەوتی مووچە پەیوەستە بە حكومەتی هەرێمی كوردستانەوە و هیچ پەیوەندی بە حكومەتی فیدڕاڵی عێراقەوە نییە. ئازاد دۆسكی ڕاوێژكاری دەستوری ڕایگەیاند چارەسەركردنی مووچەی فەرمانبەرانی هەرێم بریتیە لە دووبارە هەناردەكردنەوەی نەوتی هەرێمی كوردستان و ڕادەستكردنی داهاتی نانەوتی. ئازاد دۆسكی تایبەت بە هاوڵاتی ڕاگەیاند كێشەی مووچەی فەرمانبەرانی هەرێمی كوردستان لە 2014وە سەری هەڵدا بەهۆی ئەوەی نوری مالكی سەرۆكی هاوپەیمانی دەوڵەتی یاسا پشكی هەرێمی كوردستانی بڕی. وتيشى: كێشە ئابوریەكانی نێوان حكومەتی هەرێم و حكومەتی فیدڕاڵی زیاتر سیاسین و خەڵكی هەرێمی كوردستان بوونە قوربانی ئەو تەوافوقە سیاسیانەی لەكاتی پێكهێنانی حكومەتی عێراقدا كراوە. رونیشیكردەوە: بەپێی بڕیاری دادگای فیدڕاڵی، حكومەتی هەرێم دەبێت ڕۆژانە 400 هەزار بەرمیل نەوت ڕادەستی عێراق بكات لەبەرامبەردا پشكی مووچە بۆ هەرێمی كوردستان دابین دەكرێت. باسی لەوەشكرد لەبرسیكردنی هاوڵاتیانی هەرێمی كوردستان هەردوو حكومەتەكە كەمتەرخەمن، چ حكومەتی فیدڕاڵی عێراق و چ حكومەتی هەرێمی كوردستانیش، ئەگەر نەوتی هەرێمی كوردستان هەناردەی دەرەوە نەكرێت كێشەی مووچەی فەرمانبەرانی هەرێمی كوردستان چارەسەر ناكرێت و حكومەتی فیدڕاڵی ئامادە نییە لە داهاتی بەسرە و پارێزگاكانی تری عێراق كەموكوڕیەكانی هەرێم پڕبكاتەوە. دووپاتیشیكردەوە: چارەسەركردنی مووچەی فەرمانبەرانی هەرێم بریتیە لە دووبارە هەناردەكردنەوەی هەرێمی كوردستان و ڕادەستكردنی داهاتی نانەوتی و دەبێت پشكی بودجەی هەرێمی كوردستان سەرف بكرێت لەلایەن حكومەتی فیدڕاڵی عێراقەوە، بەڵام بابەتی پاشەكەوتی مووچە پەیوەستە بە حكومەتی هەرێمی كوردستانەوە و هیچ پەیوەندی بە حكومەتی فیدڕاڵی عێراقەوە نییە.
هاوڵاتی -بەشێک لە مووچەی مانگی 11 خرایە سەر هەژماری بانکی وەزارەتی دارایی هەرێمی کوردستان. - بەغدا631 ملیار و 335 ملیۆن دیناری بۆ مووچەی مانگی 11ی مووچەخۆرانی هەرێمی کوردستان خستە سەر هەژماری بانکی وەزارەتەکەیان. وەزارەتی دارایی هەرێمی کوردستان رایگەیاند، بەغدا بڕێ پارەی بۆ مووچەی مانگی 11ی فەرمانبەرانی هەرێم ناردووە. وەزارەتەكە لە بەیاننامەیەكدا ڕایگەیاند بەغدا631 ملیار و 335 ملیۆن دیناری بۆ مووچەی مانگی 11ی مووچەخۆرانی هەرێمی کوردستان خستە سەر هەژماری بانکی وەزارەتەکەیان. وتيشى: ڕۆژی سێ شەممە ڕێکەوتی ( ٢٠٢٤/١٢/١٧ ) لەلایەن وەزارەتی دارایی حکومەتی فیدراڵیەوە بڕی تەنها ( ٦٣١،٣٣٥،٠٠٠،٠٠٠ ) شەش سەدو سی و یەک ملیارو سێ سەدو سی و پێنج ملیۆن دینار لە کۆی تەمویلی مووچەی مانگی تشرینی دووەمی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتمان لەلقی هەولێری بانکی ناوەنی عێراق.
هاوڵاتی - بەرپرسێکی ئەمریکی دەڵێت کۆکردنەوەی هێز و ئامادەکردنیان هاوشێوەی ئەو پرۆسە سەربازییەیە کە تورکیا لە ساڵی 2019 لە دژی ناوچە کوردییەکان لە باکوری خۆرهەڵاتی سوریا ئەنجامیدا. - بەرپرسانی ئەمریکا دەڵێن چاودێری دۆخەکە دەکەین هەوڵدەدەین هەموو لایەک دانبەخۆدا بگرن. تورکیا و بەکرێگیراوەکانی هێزەکانیان لەسەر سنوری ناوچە کوردییەکانی سوریا کۆکردۆتەوە و مەترسی پەلاماردانی ئەو ناوچانە لەئارادایە. ڕۆژنامەكە"وڵ ستریت جۆرناڵ" لەزاری چەند بەرپرسێکی ئەمریکییەوە بڵاویکردەوە هێزەکانی کۆماندۆی تورکیا و کەتیبەی تۆبهاوێژ لەگەڵ ژمارەیەکی زۆری چەکدارانی گروپە توندڕەوەکانی سەر بە تورکیا لە نزیک کۆبانی هێزەکانیان کۆکردوەتەوە و مەترسی پەلاماردانی لە ئارادایە. بەرپرسێکی ئەمریکی دەشڵێت کۆکردنەوەی هێز و ئامادەکردنیان هاوشێوەی ئەو پرۆسە سەربازییەیە کە تورکیا لە ساڵی 2019 لە دژی ناوچە کوردییەکان لە باکوری خۆرهەڵاتی سوریا ئەنجامیدا. هەر بەپێی ئەو رۆژنامەیە بەرپرسانی ئەمریکا دەڵێن چاودێری دۆخەکە دەکەین هەوڵدەدەین هەموو لایەک دانبەخۆدا بگرن. پێستریش ئیلهام ئەحمەد کە بەرپرسێکی باڵای خۆرئاوای کوردستانە داوای لە دۆناڵد ترەمپ کردبوو دەستوەردان بکات و داوا لە سەرۆکی تورکیا بکات هێز بۆ ناوچە سنورییەکان نەنێرێت.
هاوڵاتی - بەرپرسێکی ئەمریکی دەڵێت کۆکردنەوەی هێز و ئامادەکردنیان هاوشێوەی ئەو پرۆسە سەربازییەیە کە تورکیا لە ساڵی 2019 لە دژی ناوچە کوردییەکان لە باکوری خۆرهەڵاتی سوریا ئەنجامیدا. - بەرپرسانی ئەمریکا دەڵێن چاودێری دۆخەکە دەکەین هەوڵدەدەین هەموو لایەک دانبەخۆدا بگرن. تورکیا و بەکرێگیراوەکانی هێزەکانیان لەسەر سنوری ناوچە کوردییەکانی سوریا کۆکردۆتەوە و مەترسی پەلاماردانی ئەو ناوچانە لەئارادایە. ڕۆژنامەكە"وڵ ستریت جۆرناڵ" لەزاری چەند بەرپرسێکی ئەمریکییەوە بڵاویکردەوە هێزەکانی کۆماندۆی تورکیا و کەتیبەی تۆبهاوێژ لەگەڵ ژمارەیەکی زۆری چەکدارانی گروپە توندڕەوەکانی سەر بە تورکیا لە نزیک کۆبانی هێزەکانیان کۆکردوەتەوە و مەترسی پەلاماردانی لە ئارادایە. بەرپرسێکی ئەمریکی دەشڵێت کۆکردنەوەی هێز و ئامادەکردنیان هاوشێوەی ئەو پرۆسە سەربازییەیە کە تورکیا لە ساڵی 2019 لە دژی ناوچە کوردییەکان لە باکوری خۆرهەڵاتی سوریا ئەنجامیدا. هەر بەپێی ئەو رۆژنامەیە بەرپرسانی ئەمریکا دەڵێن چاودێری دۆخەکە دەکەین هەوڵدەدەین هەموو لایەک دانبەخۆدا بگرن. پێستریش ئیلهام ئەحمەد کە بەرپرسێکی باڵای خۆرئاوای کوردستانە داوای لە دۆناڵد ترەمپ کردبوو دەستوەردان بکات و داوا لە سەرۆکی تورکیا بکات هێز بۆ ناوچە سنورییەکان نەنێرێت.
هاوڵاتی - له میانی كۆبونهوهكهدا، دیارترین ئاستهنگهكانی بهردهم كاری بهڕێوهبهرایهتییهكانی چاكسازی و ڕێگاكانی باشتركردنی بارودۆخی مرۆیی تێیدا تاوتوێكران. - گفتوگۆ لهسهر پرسی ئهو منداڵانه كرا كه لهگهڵ دایكیان له زیندانهكانن. - خالد شوانی بڕیاریدا به ههماههنگی لهگهڵ وهزارهتی ناوخۆ پێدانی ناسنامه و بهڵگهنامهی كهسی بۆ ئهو منداڵانه دهربكرێت كه لهگهڵ دایكیاندا له زیندانهكانن. خالد شوانی وهزیری دادی عێراق ئهمڕۆ سێشهممه بڕیاری نوێی سهبارهت به منداڵانی یاوهری دایكه زیندانیكراوهكانیان دهركرد و بهپێی بڕیارهكهش، ناسنامه و بهڵگهنامهی فهرمی بۆ ئهو منداڵانه دروستدهكرێت. بهگوێرهی راگهیهندراوێكی وهزارهتی داد، خالد شوانی سهرپهرشتی كۆبونهوهیهكی كرد كه جێگری ئهمینداری باڵای وهزارهتی داد و زیاد تهمیمی بهڕێوهبهری گشتیی چاكسازیهكانی عێراق و سهرجهم كارمهندانی كارگێڕی و چاكسازی ژنان له كهرتی ژنان له بهشی چاكسازی و چاكسازی نهوجهوانانی عێراق ئامادهی بون. له میانی كۆبونهوهكهدا، دیارترین ئاستهنگهكانی بهردهم كاری بهڕێوهبهرایهتییهكانی چاكسازی و ڕێگاكانی باشتركردنی بارودۆخی مرۆیی تێیدا تاوتوێكران. له كۆبونهوهكهدا گفتوگۆ لهسهر پرسی ئهو منداڵانه كرا كه لهگهڵ دایكیان له زیندانهكانن، بهمهبهستی دۆزینهوهی چارهسهری گونجاو جگه له خێراكردنی ڕێوشوێنهكانی كهمكردنهوهی قهرهباڵغی. خالد شوانی جهختی له پهرهپێدانی ژێرخانی زیندانهكان بۆ ژنان بهتایبهتی و زیندانهكانی دیكه به گشتی كردهوه و رایگهیاند، پێویسته پێداویستییه سهرهتاییهكان بۆ زیندانییهكان دابینبكرێت، جگه له ههمو ئامێرهكان بۆ بهڕێوهبهرایهتییهكانی چاكسازی. له چوارچێوهی باشتركردنی بارودۆخی یاسایی زیندانیانی ژن، خالد شوانی بڕیاریدا به ههماههنگی لهگهڵ وهزارهتی ناوخۆ پێدانی ناسنامه و بهڵگهنامهی كهسی بۆ ئهو منداڵانه دهربكرێت كه لهگهڵ دایكیاندا له زیندانهكانن، به شێوهیهك كه بهشداربێت له بهرزكردنهوهی مافهكانیان بهپێی پێوهرهكانی مافی مرۆڤ. وهزیری داد ئهوهشیخستهڕو، ئهم ههوڵانه لهسهر بنهمای بهدواداچون و خواستی سهرۆك وهزیرانن بۆ باشتركردنی بارودۆخی بهڕێوهبهرایهتییهكانی زیندانهكان بهپێی ئهم ستانداردانه و پهرۆشی وهزارهتی دادیشی بۆ باشتركردنی واقیعی كارهكانی دامهزراوه چاكسازییهكان دوپاتكردهوه.
هاوڵاتی - له میانی كۆبونهوهكهدا، دیارترین ئاستهنگهكانی بهردهم كاری بهڕێوهبهرایهتییهكانی چاكسازی و ڕێگاكانی باشتركردنی بارودۆخی مرۆیی تێیدا تاوتوێكران. - گفتوگۆ لهسهر پرسی ئهو منداڵانه كرا كه لهگهڵ دایكیان له زیندانهكانن. - خالد شوانی بڕیاریدا به ههماههنگی لهگهڵ وهزارهتی ناوخۆ پێدانی ناسنامه و بهڵگهنامهی كهسی بۆ ئهو منداڵانه دهربكرێت كه لهگهڵ دایكیاندا له زیندانهكانن. خالد شوانی وهزیری دادی عێراق ئهمڕۆ سێشهممه بڕیاری نوێی سهبارهت به منداڵانی یاوهری دایكه زیندانیكراوهكانیان دهركرد و بهپێی بڕیارهكهش، ناسنامه و بهڵگهنامهی فهرمی بۆ ئهو منداڵانه دروستدهكرێت. بهگوێرهی راگهیهندراوێكی وهزارهتی داد، خالد شوانی سهرپهرشتی كۆبونهوهیهكی كرد كه جێگری ئهمینداری باڵای وهزارهتی داد و زیاد تهمیمی بهڕێوهبهری گشتیی چاكسازیهكانی عێراق و سهرجهم كارمهندانی كارگێڕی و چاكسازی ژنان له كهرتی ژنان له بهشی چاكسازی و چاكسازی نهوجهوانانی عێراق ئامادهی بون. له میانی كۆبونهوهكهدا، دیارترین ئاستهنگهكانی بهردهم كاری بهڕێوهبهرایهتییهكانی چاكسازی و ڕێگاكانی باشتركردنی بارودۆخی مرۆیی تێیدا تاوتوێكران. له كۆبونهوهكهدا گفتوگۆ لهسهر پرسی ئهو منداڵانه كرا كه لهگهڵ دایكیان له زیندانهكانن، بهمهبهستی دۆزینهوهی چارهسهری گونجاو جگه له خێراكردنی ڕێوشوێنهكانی كهمكردنهوهی قهرهباڵغی. خالد شوانی جهختی له پهرهپێدانی ژێرخانی زیندانهكان بۆ ژنان بهتایبهتی و زیندانهكانی دیكه به گشتی كردهوه و رایگهیاند، پێویسته پێداویستییه سهرهتاییهكان بۆ زیندانییهكان دابینبكرێت، جگه له ههمو ئامێرهكان بۆ بهڕێوهبهرایهتییهكانی چاكسازی. له چوارچێوهی باشتركردنی بارودۆخی یاسایی زیندانیانی ژن، خالد شوانی بڕیاریدا به ههماههنگی لهگهڵ وهزارهتی ناوخۆ پێدانی ناسنامه و بهڵگهنامهی كهسی بۆ ئهو منداڵانه دهربكرێت كه لهگهڵ دایكیاندا له زیندانهكانن، به شێوهیهك كه بهشداربێت له بهرزكردنهوهی مافهكانیان بهپێی پێوهرهكانی مافی مرۆڤ. وهزیری داد ئهوهشیخستهڕو، ئهم ههوڵانه لهسهر بنهمای بهدواداچون و خواستی سهرۆك وهزیرانن بۆ باشتركردنی بارودۆخی بهڕێوهبهرایهتییهكانی زیندانهكان بهپێی ئهم ستانداردانه و پهرۆشی وهزارهتی دادیشی بۆ باشتركردنی واقیعی كارهكانی دامهزراوه چاكسازییهكان دوپاتكردهوه.
