هاوڵاتی - لە هەولێر دەستگیراوە بەسەر 11 کیلۆگرام ماددەی هۆشبەردا لەجۆری کۆکایین. - ماددە هۆشبەرەكە لەوڵاتی غینیاوە بۆ هەرێمی کوردستان هێنرابوو. - بازرگانێکی بیانيش دەستگیر کرا. بەڕێوەبەرایەتی نەهێشنی ماددە هۆشبەرەكان رایگەیاند لە هەولێر دەستيانگرتووه بەسەر بڕی 11 کیلۆگرام ماددەی هۆشبەردا. بەڕێوەبەرایەتیەكە ئەمڕۆ لە بەیننامەیەكدا بڵاویكردەوە دوای وەرگرتنی بڕیاری بەڕێز دادوەری لێکۆڵینەوەی ئاسایش و کۆکردنەوەی زانیاری دروست، لەئەنجامی پرۆسەیەکی بەدواداچوونی چەند هەفتەیی، لەچاڵاکیەکدا تیمي بەدواداچوونی بەڕێوەبەرایەتیەکەمان لەبەرواری ٨ی١١ی٢٠٢٤ لەناو شاری هەولێر توانیان دەست بەسەر بڕی 11 یانزە کیلۆگرام ماددەی هۆشبەر لەجۆری (کۆکایین) دا بگرن کە لەوڵاتی غینیاوە بۆ هەرێمی کوردستان هێنرابوو. رونیشیكردەوە لەم چاڵاکیەدا بازرگانێکی بیانی دەستگیر کرا کە چەند ساڵە لەم جۆرە بازرگانییە گڵاوە و تۆمەتبار پەڕاوی لێکۆڵینەوەی بۆکراوەتەوە و بەپێی یاسای بەرەنگاربونەوەی ماددەهۆشبەرەکان و کارتێکەرە ئەقلییەکان مامەڵەی لەگەڵدا دەکرێت.
هاوڵاتی فەهمی بورهان: - لە حەوت ساڵدا زیاتر لە 600 هەزار عەرەب براونەتە کەرکووک. - ئێستا 62 هەزار خێزانی ئێزدی و شنگالی لە دەرەوەی شنگال دەژین و لە زێدی خۆیان دا نین. - تاوەکو ئێستا تەنیا 70٪ـی خەڵکی عێراق کارتی نیشتمانییان هەیە. فەهمی بورهان سەرۆکی دەستەی ناوچە کوردستانییەکانی دەرەوەی ئیدارەی هەرێمی کوردستان رایگەیاند سەرژمێری مەترسی لەسەر كورد دروست دەكات. سەرۆکی دەستەی ناوچە کوردستانییەکان لە دیدارێکدا لە سلێمانی لەبارەی سەرژمێریی گشتیی عێراق رایگەیاند ئەو سەرژمێرییە بۆ ناوچەکانی ئێمە هەمووی خێر نییە، چونکە بەدرێژایی مێژووی دەسەڵاتی عەرەب، لەو ناوچانەی ئێمەدا کورد دەرکراوە و گوشاری بەعەرەبکردن و گواستنەوە هەبووە. وتيشى: لەو حەوت ساڵەدا، راکان جبووری پارێزگاری بەوەکالەتی کەرکووک نزیکەی 600 هەزار عەرەبی بردووەتە نێو کەرکووک و زیاتر لە 9 گەڕەکی لە شارەکەدا دروستکردووە. رونیشیكردەوە ئێستا 62 هەزار خێزانی ئێزدی و شنگالی لە دەرەوەی شنگال دەژین و لە زێدی خۆیان دا نین، هەروەها خانەقین و مەندەلی و سەعدیە و جەلەولا کە رۆژانێک 100٪ـی دانیشتووانیان کورد بوون، ئێستا رێژەیان بە جۆرێک دابەزیوە کە لەوانەیە هەر کوردیان تێدا نەبینرێت. باسی لەوەشكرد تاوەکو ئێستا تەنیا 70٪ـی خەڵکی عێراق کارتی نیشتمانییان هەیە، دەبووایە ئەو خەڵکە هەمووی کارتی نیشتمانیی وەرگرتبووایە، ئینجا سەرژمێری بکرێت. ئاماژەشیكرد لەگەڵ ئەنجامدانی سەرژمێریدا نەبووم، ئەوەی پێویست بێت لە کۆبوونەوەی ئەنجوومەنی وەزیرانی هەرێمی کوردستاندا باسم کردووە و لە گوشار و مەترسییەکانی تەعریب ئاگادارم کردوونەتەوە و راپۆرتم پێشکێش کردوون. بڕیارە 20ـی تشرینی دووەمى ساڵی 2024 سەرژمێریی گشتی لە عێراق و هەرێمی کوردستان ئەنجامبدرێت.
هاوڵاتی فەهمی بورهان: - لە حەوت ساڵدا زیاتر لە 600 هەزار عەرەب براونەتە کەرکووک. - ئێستا 62 هەزار خێزانی ئێزدی و شنگالی لە دەرەوەی شنگال دەژین و لە زێدی خۆیان دا نین. - تاوەکو ئێستا تەنیا 70٪ـی خەڵکی عێراق کارتی نیشتمانییان هەیە. فەهمی بورهان سەرۆکی دەستەی ناوچە کوردستانییەکانی دەرەوەی ئیدارەی هەرێمی کوردستان رایگەیاند سەرژمێری مەترسی لەسەر كورد دروست دەكات. سەرۆکی دەستەی ناوچە کوردستانییەکان لە دیدارێکدا لە سلێمانی لەبارەی سەرژمێریی گشتیی عێراق رایگەیاند ئەو سەرژمێرییە بۆ ناوچەکانی ئێمە هەمووی خێر نییە، چونکە بەدرێژایی مێژووی دەسەڵاتی عەرەب، لەو ناوچانەی ئێمەدا کورد دەرکراوە و گوشاری بەعەرەبکردن و گواستنەوە هەبووە. وتيشى: لەو حەوت ساڵەدا، راکان جبووری پارێزگاری بەوەکالەتی کەرکووک نزیکەی 600 هەزار عەرەبی بردووەتە نێو کەرکووک و زیاتر لە 9 گەڕەکی لە شارەکەدا دروستکردووە. رونیشیكردەوە ئێستا 62 هەزار خێزانی ئێزدی و شنگالی لە دەرەوەی شنگال دەژین و لە زێدی خۆیان دا نین، هەروەها خانەقین و مەندەلی و سەعدیە و جەلەولا کە رۆژانێک 100٪ـی دانیشتووانیان کورد بوون، ئێستا رێژەیان بە جۆرێک دابەزیوە کە لەوانەیە هەر کوردیان تێدا نەبینرێت. باسی لەوەشكرد تاوەکو ئێستا تەنیا 70٪ـی خەڵکی عێراق کارتی نیشتمانییان هەیە، دەبووایە ئەو خەڵکە هەمووی کارتی نیشتمانیی وەرگرتبووایە، ئینجا سەرژمێری بکرێت. ئاماژەشیكرد لەگەڵ ئەنجامدانی سەرژمێریدا نەبووم، ئەوەی پێویست بێت لە کۆبوونەوەی ئەنجوومەنی وەزیرانی هەرێمی کوردستاندا باسم کردووە و لە گوشار و مەترسییەکانی تەعریب ئاگادارم کردوونەتەوە و راپۆرتم پێشکێش کردوون. بڕیارە 20ـی تشرینی دووەمى ساڵی 2024 سەرژمێریی گشتی لە عێراق و هەرێمی کوردستان ئەنجامبدرێت.
هاوڵاتی - تورکیا ئۆتۆمبێلێکی ئەندامانی پەکەکەی لە سنووری شارۆچکەی ئامێدی كردە ئامانج. - دوو ئەندامی پەکەکە لە هێرشەكەدا شەهیدبوون. شەوی رابردوو درۆنی تورکیا ئۆتۆمبێلێکی ئەندامانی پەکەکەی لە سنووری شارۆچکەی ئامێدی كردە ئامانج و بە هۆیەوە دوو ئەندامی پەکەکە شەهیدبوون. ئەمڕۆ یەکشەممە، 10ی تشرینی دووەمی 2024، دژەتیرۆری پارتی لە راگەیەندراوێکدا بڵاویکردەوە درەنگانی شەوی رابردوو، 9ی تشرینی دووەمی 2024، فڕۆکەی بێفڕۆکەوانی تورکیا ئۆتۆمبێلێکی ئەندامانی پەکەکەی لە گوندی کلیل لە سنووری شارەدێی چەمانکێی سەر بە شارۆچکەی ئامێدی كردە ئامانج. رونیشیكردەوە بەهۆی بەئامانجگرتنی ئەو ئۆتۆمبێلە لەلایەن سوپای تورکیاوە، دوو ئەندامی پەکەکە گیانیان لەدەستدا.
هاوڵاتی - بارانی بەخوڕ دەبارێت - پلەكانی گەرما نزمدەبنەوە. بەڕێوەبەرایەتیی کەشناسی و بوومەلەرزەزانی هەرێمی کوردستان ودەستەی كەشناسی عێراق پێشبینی بارانبارینی بەخوڕ دەكەن. لە راگەیەندراوێکدا کەشناسیی هەرێم رایگەیاند، ئەمڕۆ یەکشەممە 10ی تشرینی دووەمی 2024، ئاسمان ساماڵ و پەڵەهەور دەبێت لە کاتەکانی ئێوارە بۆ شەو دەگۆێت بۆ نیمچە هەور، پلەکانی گەرما کەمێک بەرزتر دەبێتەوە بەراورد بە تۆمارکراوەکانى دوێنێ. رونیشیكردەوە لە بەرەبەیانی سبەینێ دووشەممە 11ی تشرینی دووەمی 2024، بەشێک لەسنووری پارێزگای سلێمانی و هەڵەبجە و کەرکوک لەئەنجامی کاریگەری نزمە پاڵەپەستۆی دەریای سوور شەپۆلێکی باران بارین سەرەتا لەسەر ئەم ناوچانە دەستپێدەکات، پاشان کاریگەری درێژدەبێتەوە بۆ سەرجەم ناوچە جیاجیاکانی هەرێم، بارانبارین بەشێوەی نمەباران و هەندێک کات ئەگەری لێزمەباران و هەورەتریشقە دەبێت لەگەڵ نزم بوونەوەی پلەکانی گەرما و کەمێک زیادبوونی خێرایی با، هەروەها پلەکانی گەرما 2 بۆ 4 پلە نزم دەبێتەوە. بەرزترین پلەکانی گەرمای پێشبینیکراو بە پلەی سیلیزی : هەولێر : 23 پلەى سیلیزى سلێمانی : 19 پلەى سیلیزى دهۆک : 22 پلەى سیلیزى کەرکوک : 23 پلەى سیلیزى هەڵەبجە : 19 پلەى سیلیزى زاخۆ: 21 پلەى سیلیزى حاجی ئۆمەران : 8 پلەى سیلیزى سۆران: 18 پلەى سیلیزى گەرمیان: 23 پلەى سیلیزى لەلایەن خۆیەوە دەستەی كەشناسی عێراق پێشبینیكرد بارانی بەخوڕ ببارێت و پلەكانی گەرماش نزمببنەوە. دەستەكە لە بەیاننامەیەكدا رایگەیاند لە هەردوو ناوچەكانی ناوەڕاست و باكوری عێراق ئاسمان هەور دەبێت لەگەڵ بارانبارینی بەخوڕ و پلەكانی گەرماش لە ناوچەكانی باكور نزمدەبنەوە. رونیشیكردەوە رۆژی سێشەممە لەناوچەكانی باكوری عێراق نیمچە هەور دەبێت و نمەباران دەبارێت و پلەكانی گەرما بەرزدەبنەوە و لەناوچەكانی ناوەڕاست و باكوریش پلەكانی گەرما نزمدەبنەوە. ئاماژەشیكرد رۆژانی چوارشەممە و پێنجشەممە لە ناوچەكانی ناوەڕاست و باكور ئاسمان لەنێوان نیمچە هەور و ساماڵدا دەبێت و پلەكانی گەرماش هاوشێوەی رۆژی پێشوو دەبێت.
هاوڵاتی - هەندێك فەرمانبەری مەدەنی و ئەوانەی گرێبەستیان لەگەڵ سوپای ئەمریكا كردووە لە سەربازگەكانى عێراق كشاونەتەوە بەرەو بنكەی هەریر لە هەولێر. - لە ناوەڕاستی مانگی تشرینی یەكەمی ڕابردوو ئەو فەرمانبەرانە لەو بنكانەی عێراق كشاونەتەوە بەرەو بنكەی هەریری هەولێر . ژمارەیەك لە فەرمانبەران و ئەو كەسانەی بە گرێبەست لەگەڵ ئەمریكیەكان ئیش دەكەن، عێراق بەجێدەهێڵن و ڕوو جەكەنە هەرێمی كوردستان. رۆژنامەی العربي الجدید ئاشكرای كردووە هەندێك فەرمانبەری مەدەنی و ئەوانەی گرێبەستیان لەگەڵ سوپای ئەمریكا كردووە لە سەربازگەی فیكتۆری بەغدا وعەین ئەسەدی ئەنبار كشاونەتەوە بەرەو بنكەی هەریر لە هەولێر. چەند سەرچاوەیەكی حكومی و سەربازی عێراقی بە ڕۆژنامەكەیان راگەیاندوە لە ناوەڕاستی مانگی تشرینی یەكەمی ڕابردوو، ئەو فەرمانبەرانە هاوكات لەگەڵ هەڕەشەكانی گروپە چەكدارەكانی عێراق دژ بە ئەمریكا، لەو بنكانەی عێراق كشاونەتەوە بەرەو بنكەی هەریری هەولێر . بەغدا و واشنتن لە 27ی سپتەمبەری ڕابردوو لەبەیاننامەیەكی هاوبەشدا رایانگەیاند گەیشتوونەتە رێكەوتنێك بۆ كۆتایی هێنان بە ئەركی هاوپەیمانی نێودەوڵەتی كە ەاشنتن سەركردایەتی دەكات لەماوەی 12 مانگدا كە دەكاتە كۆتایی سپتەمبەری 2025.
هاوڵاتی - چاودێری و گەشەپێدانی کۆمەڵایەتی ھەولێر هۆشداری لە ڕاگرتنی موچەی کەمئەندامان دەدات. - تا 20 ئەم مانگە بایۆمەتری نەكەن موچەکانیان رادەگیرێت. بەڕێوەبەرایەتی گشتی چاودێری و گەشەپێدانی کۆمەڵایەتی ھەولێر ڕایگەیاند، چوار هەزار و 85 خاوەن پێداویستی تایبەت بایۆمەتریان نەكردوە و مەترسی لەسەر بڕینی مووچەكانیان هەیە. بەڕێوەبەراتیەكە ڕاگەیەندراوێكدا بڵاویكردەوە تا ئێستا چوار هەزار و 85 خاوەن پێداویستی تایبەت بایۆمەتریان نەكردوە و تا 20 ئەم مانگە نەچن موچەکانیان رادەگیرێت. ئاماژەی بەوەشكرد، بەگوێرەی دوایين ئامار لە سنوری هەولێر، لە کۆی 22 هەزار و 729 خاوەن پێداویستی تایبەت تا ئێستا 18 هەزار و 644 خاوەن پێداویستی تایبەت، UPN کردوە و تا ئێستا چوار هەزار و 85 خاوەن پێداویستی تایبەت نەهاتون، كە دەکاتە ڕێژەی 17٪ کۆی کەمئەندامان. بەگوێرەی ڕاگەیەندراوەكە، ئەو خاوەن پێداویستییە تایبەتانە بەپێی ئەو بانکەی موچەی تێدا وەردەگرن سەردانی بانکەکان بکەن بۆ ئەوەی بایۆمەتری بکەن و دڵنیا ببنەوە لە ناوەکانیان، چونکە ئەوانەی بایۆمەتریان نەکردوە سبەی ناوەکانیان لە بانکەکان هەڵدەواسرێت. ئەوەشیخستەڕو، ئەو بانکانەی کە بایۆمەتری لێ دەکرێت بریتین لە بانکی حەمرین، بانکی بێخاڵ، بانکی سۆرک لە شەقڵاوە، بانکی باواجی لە کۆیە، بانکی قەڵات، بانکی برایەتی، بانکی بەحرکە، بانکی زاگرۆس، بانکی فیدڕاڵ، بانکی گوڵان خەبات و دیوانی بەڕێوەبەرایەتی تۆڕی پاراستنی کۆمەڵایەتی.
هاوڵاتی - پڕۆسە هاوبەشەكان: لە هێرشێكی ئاسمانیدا 4 تیرۆریستمان لە زنجیرە چییاكانی حەمرین كوشتووە. - لە ڕێگای فڕۆكەی ئێف 16وە مەفرەزە تیرۆریستیەكە بە ئامانجگیراوە. سەركردایەتی پڕۆسە هاوبەشەكانى عێراق رایگەیاند لە هێرشێكی ئاسمانیدا 4 تیرۆریستمان لە زنجیرە شاخەكانی حەمرین كوشتووە، كە دەكەوێتە نێو كەرتی سەركردایەتی پڕۆسەكانی كەركووكەوە. سەركردایەتیەكە لە بەیاننامەیەكدا رایگەیاند لەسەر راسپاردەی محەمەد شەیاع سودانی سەركردەی گشتی هێزە چەكدارەكانی عێراق، هێزە چەكدارەكان بەردەوامن لە لێدانی حەشارگەی تیرۆریستان و لەناوبردنیان. رونیشیكردەوە لەدوای دوو رۆژ چاودێریكردن مەفرەزەیەكی تیرۆریستان كە لە چوار له كەس پێكهاتبوون لە زنجیرە چییاكانی حەمرین دەستنیشانكران. ئاماژەشیكرد لە ڕێگای فڕۆكەی ئێف 16وە مەفرەزە تیرۆریستیەكە بە ئامانجگیراوە و لە ئاكامدا هەر چواریان كوژران و حەشارگەكەشیان وێران بوو، سەرەڕای لەناوبردنی چەك و تەقەمەنی و ئەو كەلوپەلانەی بۆ تەقینەوە ئامادەیان كردبوو.
هاوڵاتی وەزیری تەندروستی: - نەخۆشییەکەی شارەزوور هەوکردنی بەکتریایی بووە نەک کۆلێرا. - نەخۆشییەکەی شارەزوور بەهۆی ئاوی پیسەوە بووە. - کۆی گشتی توشبووان بە سکچوون و رشانەوە دوو هەزار و 960 حاڵەت بووە. وەزارەتی تەندروستی حکومەتی هەرێمی کوردستان رایگەیاند نەخۆشییەکەی شارەزوور هەوکردنی بەکتریایی بووە نەک کۆلێرا. سامان بەرزنجی وەزیری تەندروستی ئەمڕۆ سەردانی قەزای شارەزووری کرد لە کۆنگرەیەکی رۆژنامەوانیدا رایگەیاند نەخۆشییەکەی شارەزوور هەوکردنی بەکتریایی بووە نەک کۆلێرا، هۆکارەکەشی بەهۆی تێکەڵاوبوونی ئاوی زێرابەوە بووە بە ئاوی خواردنەوە، سەرەڕای بەكارهێنانی رێژەیەکی کەمی کلۆر لە ئاوەکەدا. وتيشى: کۆی گشتی توشبووان بە سکچوون و رشانەوە دوو هەزار و 960 حاڵەت بووە و هەموویان چارەسەریان پێویست بووە، لەئێستادا تەندروستییان باشە و تەنها چەند نەخۆشێک لە نەخۆشخانە ماون. داوای له هاوڵاتییانيش كرد پابەندی رێنماییەکانی ئاوی پاک بن بۆ خواردنەوە و هەر کەسێک تووشی سکچوون و رشانەوە بووە سەردانی نەخۆشخانە بکات بۆ وەرگرتنی چارەسەر.
هاوڵاتی وەزیری تەندروستی: - نەخۆشییەکەی شارەزوور هەوکردنی بەکتریایی بووە نەک کۆلێرا. - نەخۆشییەکەی شارەزوور بەهۆی ئاوی پیسەوە بووە. - کۆی گشتی توشبووان بە سکچوون و رشانەوە دوو هەزار و 960 حاڵەت بووە. وەزارەتی تەندروستی حکومەتی هەرێمی کوردستان رایگەیاند نەخۆشییەکەی شارەزوور هەوکردنی بەکتریایی بووە نەک کۆلێرا. سامان بەرزنجی وەزیری تەندروستی ئەمڕۆ سەردانی قەزای شارەزووری کرد لە کۆنگرەیەکی رۆژنامەوانیدا رایگەیاند نەخۆشییەکەی شارەزوور هەوکردنی بەکتریایی بووە نەک کۆلێرا، هۆکارەکەشی بەهۆی تێکەڵاوبوونی ئاوی زێرابەوە بووە بە ئاوی خواردنەوە، سەرەڕای بەكارهێنانی رێژەیەکی کەمی کلۆر لە ئاوەکەدا. وتيشى: کۆی گشتی توشبووان بە سکچوون و رشانەوە دوو هەزار و 960 حاڵەت بووە و هەموویان چارەسەریان پێویست بووە، لەئێستادا تەندروستییان باشە و تەنها چەند نەخۆشێک لە نەخۆشخانە ماون. داوای له هاوڵاتییانيش كرد پابەندی رێنماییەکانی ئاوی پاک بن بۆ خواردنەوە و هەر کەسێک تووشی سکچوون و رشانەوە بووە سەردانی نەخۆشخانە بکات بۆ وەرگرتنی چارەسەر.
هاوڵاتی 🔻دەوڵەتی تورک هیچ ئامانجێکی نییە بۆ چارەسەرى پرسی گەلی کورد. 🔻شارەوانییەکانی ئەسەنیورت و مێردین و ئێلیح و خەلفەت زەوت و داگیر كراون. 🔻حکومەتی نوێى هەرێمی كوردستان دەبێت سیاسەتی هاوکاری لەگەڵ دوژمن و دژی خیانەت و داگیرکەری تورک بوەستێتەوە. 🔻تابێت شەڕ لە ڕۆژهەڵاتی ناوەڕاستدا بەرفراوان دەبێت و گۆڕانکاری دێتەئاراوە و کاریگەرییەکی گەورە لەسەر تورکیا دروستدەکات. 🔻تورکیا هەرگیز پێکهاتەکان بە بنەما وەرناگرێت واتا دەوڵەت هەیە و کۆمەڵگا و مرۆڤەکان بوونیان نییە. 🔻دەوڵەتی تورکیا ئەگەر دەیەوێت لە ڕۆژهەڵاتی ناوەڕاستدا ڕۆڵ ببینێت، سەرەتا دەبێت بە ڕێگەی سیاسی و دیموکراتیکەوە پرسی کورد چارەسەر بکات. 🔻دەوڵەتی تورکیا دەیەوێت پە**کە**کە لەناو ببات و جینۆسایدی کورد تەواو بکەن وهەموو شتەکانی کۆمەڵگا نەهێڵێت و ببێتە هێزی سەرەکی تورکیا. 🔻لە هەولێر بەناوی ئاهەنگگێڕانی کۆمارەوە، پە**د**ەکە و میت و باڵیۆزی تورکیا وئەوانەی بە ئۆپۆزسیۆنی سوریا ناویان دەبەن کۆبوونەوەیەکیان ئەنجامدا، مەبەستیان لەم کۆبوونەوەیە چی بوو؟. 🔻سودانی چووه تورکیا و تورکیا هێرشی کرده سەر ڕۆژئاوا وشەنگال، هاکان فیدان سەردانی لەندەن دەکات، کاتێک مرۆڤ هەموو ئەمانە لەسەر یەک کۆدەکاتەوە، دەبینێت پلانێک لە ئارادایە.
فێنك ئەحمەد - بەردەوام دەبین لە بەدواداچوون لەسەر ئەو ساختەكارییانەی لە هەڵبژاردنەكاندا كراوە. - لەگەڵ شەش لایەنی تر هاوهەڵوێستین - لەدوای یەكلایی كردنەوەی تانەكان بڕیاری سیاسی خۆمان دەدەین. بەرەی گەل رایگەیاند لە دوای وەڵامدانەوەی ئەو تانانەی لە ئەنجامی هەڵبژاردنەكانی خولی شەشەمی پەرلەمانی كوردستان دراوە، بڕیاری سیاسی خۆیان دەدەن. فێنك ئەحمەد سەرپەرشتیاری دامەزراوەی هەڵبژاردنی بەرەی گەل تایبەت بە هاوڵاتی راگەیاند تائێستا ئێمە بڕیاری سیاسی خۆمانمان نەداوە هاوپەیمانی لەگەڵ كێ دەبەستین و چی دەكەین و چاوەڕێی وەڵامی تانەكان دەكەین و هێشتا زووە باسی ئەوە بكەین لەداهاتوودا چی دەكەین. وتيشى: سەبارەت بە ئەنجامی هەڵبژاردنەكانی پەرلەمانی هەرێمی كوردستان، ئێمە لەگەڵ شەش لایەنی تر هاوهەڵوێستین و بڕیارمانداوە بەردەوامبین لەسەر بەدواداچوون لەسەر ئەو ساختەكارییانەی لە هەڵبژاردنەكاندا كراوە.
هاوڵاتی - كه‌ش و هه‌وای 48 كاتژمێری داهاتوو راگه‌یه‌ندرا. - ئه‌گه‌ری نمه باران له‌ناوچه شاخاویه‌كان هەیە. - پله‌كانی گه‌رما بەرزدەبنەوە. به‌ڕێوه‌به‌رایه‌تی كه‌شناسی هه‌رێمى كوردستان پێشبینی ئه‌گه‌ری نمه باران له‌ناوچه شاخاویه‌كان دەكات لەگەڵ بەرزبوونەوەی پله‌كانی گه‌رما. به‌ڕێوه‌به‌رایه‌تی كه‌شناسی هه‌رێم له راگه‌یه‌ندراوێكدا ئاماژه‌ی به‌وه‌دا ئه‌مڕۆ شه‌ممه 9ی تشرینی دووه‌می 2024 ئاسمان ساماڵ ده‌بێت له‌گه‌ڵ دروستبوونی هه‌ندێ په‌ڵه هه‌ور. رونیشیكردەوە پله‌كانی گه‌رما نزیك ده‌بێت له تۆماركراوی دوێنێ، خێرایی با 5 – 15 كیلۆمه‌تر ده‌بێت له كاتژمێرێكدا و ئاراسته‌ی با باكووری خۆرئاوا و مه‌ودای بینین 9 - 10 كیلۆمه‌تر ده‌بێت. ئه‌وه‌شی خسته‌ڕوو سبه‌ینێ یه‌كشه‌ممه 10- 11- 2024 ئاسمان ساماڵ ده‌بێت پاشان ده‌گۆرێت بۆ نیمچه‌هه‌ور و هه‌وری ته‌واو، له كاته‌كانی شه‌ودا ئه‌گه‌ری بارینی نمه باران له ناوچه شاخاویه‌كان هه‌یه. ئاماژەشیكرد پله‌كانی گه‌رما به‌رز ده‌بێتەوە بۆ ( 2 - 3 ) پله‌ی سیلیزی به به‌راورد به تۆماركراوه‌كانی ئه‌مڕۆ، خێرایی با 5 – 15 كیلۆمه‌تر ده‌بێت، ئاراسته‌ی با باشووری خۆرهه‌ڵات و مه‌ودای بینین 9 - 10 كیلۆمه‌تر ده‌بێت. به‌رزترین پله‌كانی گه‌رمای پێشبینیكراو به پله‌ی سیلیزی به‌مشێوه‌یه ده‌بێت: هه‌ولێر : 26 سلێمانی : 24 دهۆك : 25 كه‌ركوك : 27 هه‌ڵه‌بجه : 25 زاخۆ :25 سۆران : 25 حاجی ئۆمه‌ران : 13 گه‌رمیان : 28
هاوڵاتی كۆمپانیانی دانە گاز: - قازانجی نۆ مانگی ئەمساڵمان لە گێڵگە نەوتیەكانی هەرێم 112 میلۆن دۆلار بوە. - بەرهەمهێنان لە رۆژێکدا بۆ بڕی 38 هەزار و 200 بەرمیل بەرزبوەتەوە. - پلانمان هەیە دەست بە کاری بونیادنان لە کێڵگەی کۆرمۆردا بکەينەوە. كۆمپانیانی دانە گاز قازانجی نۆ مانگی یەكەمی ئەمساڵی لە گێڵگە نەوتیەكانی هەرێمى كوردستان بڵاوكردەوە. كۆمپانیاكه لە ڕاگەیەندراوێكدا بڵاویكردەوە، قازانجی نۆ مانگی یەكەمی ئەمساڵیان 112 میلۆن دۆلار بوە و بەرهەمەكانیان بەڕیژەی 3% زیادیان کردوە، بەڵام بەراورد بە ساڵی ڕابردو قازانجی كۆمپانیاكە بەڕێژەی 11.3% كەمیكردوە و لەهەمانكاتدا بەرهەمهێنانیان زیادكردوە بەهۆی زیادبونی خواست لەسەر گاز، لەلایەن وێستگەکانی بەرهەمهێنانی کارەبای هەرێمی کوردستانەوە. رونیشیكردەوە نەوت و گاز و بەرهەمە هایدرۆکاربۆنییەکانی دیکەی کێڵگە گازییەکانی هەرێمی کوردستان، لە نۆ مانگی سەرەتای ئەم ساڵدا بە رێژەی 3% زیادیان کردوە و بەرهەمهێنان لە رۆژێکدا بۆ بڕی 38 هەزار و 200 بەرمیل بەرزبوەتەوە، ئەوەش بەهۆی زیادبونی خواست لەسەر گاز لەلایەن وێستگەکانی بەرهەمهێنانی کارەبای هەرێمی کوردستانەوە. ئاماژەشیكرد بەهۆی کەمبونەوەی قەبارە و نرخی گازی پیترۆڵی شلکراو (LPG) و بەرهەمە هایدرۆکاربۆنییەکانی دیکە، قازانجی كۆمپانیاكە بەڕێژەی 11.3% کەمبوەتەوە، بۆیە قازانجی كۆمپانیاكە بۆ نۆمانگی یەكەمی ئەمساڵ 112 ملیۆن دۆلار بوە. ئاشكراشیكرد دانە گاز و کۆمەڵەی کۆمپانیاکانی پێرڵ پێترۆڵیۆم پلانیان وایە دەست بە کاری بونیادنان لە کێڵگەی گازی KM250ی کۆرمۆردا بکەنەوە.
هاوڵاتی پاسپۆرتی سلێمانی: - داوا له هاوڵاتیان دەكەین بە گوێرەی کاتی دیاری کراوی خۆیان سەردانمان بکەن. - ئەگەر پابەندی کاتی دیاریکراو نەبن سەرەکەتان دەفەوتێت. - ئەوانەی پابەند نەبن ناتوانین مامەڵەکانیان بۆ جێبەجێبکەین. بەڕێوبەرایەتی پاسپۆرتی سلێمانی داوا له هاوڵاتیان دەكات بە گوێرەی کاتی دیاری کراوی خۆیان کە بە نامەی ئەلیکترۆنی بۆیان دیاریکراوە سەردانیان بکەن. ڕاگەیاندن و پەیوەندیەکانی بەڕێوبەرایەتی پاسپۆرتی سلێمانی ئەمشەو لە ڕاگەیەندراوێكدا بڵاویكردەوە، ئاگاداری هاوڵاتیانی بەرێزی سلێمانی و دەوربەری دەکەین، بە گوێرەی کاتی دیاری کراوی خۆیان کە بە نامەی ئەلیکترۆنی بۆیان دیاریکراوە سەردانیان بکەن بۆ ڕایكردنی مامەڵەكانیان. رونیشیكردەوە کاتژمێر و بەرواری حجزی ئەلەکترۆنییەکەی لە چ کات و بەروارێکدا بو، ئەوا لەو کاتەدا سەردانمان بکەن بۆ ئەوەی ئێمەش لە کاتی خۆیدا مامەڵەکانیان بۆ رایی بکەین و هاوڵاتیان ئاگادار دەکەین، ئەگەر پابەندی کاتی دیاریکراو نەبون، ئەوا سەرەکەیان دەفەوتێت و ناتوانین مامەڵەکانیان بۆ جێبەجێبکەین، چونکە سەرەی کەسێکی دیکە دەبێت و لەم کاتەشدا کێشە بۆ سیستمەکە دروست دەبێت.
