هاوڵاتی 🔻دەوڵەتی تورک هیچ ئامانجێکی نییە بۆ چارەسەرى پرسی گەلی کورد. 🔻شارەوانییەکانی ئەسەنیورت و مێردین و ئێلیح و خەلفەت زەوت و داگیر كراون. 🔻حکومەتی نوێى هەرێمی كوردستان دەبێت سیاسەتی هاوکاری لەگەڵ دوژمن و دژی خیانەت و داگیرکەری تورک بوەستێتەوە. 🔻تابێت شەڕ لە ڕۆژهەڵاتی ناوەڕاستدا بەرفراوان دەبێت و گۆڕانکاری دێتەئاراوە و کاریگەرییەکی گەورە لەسەر تورکیا دروستدەکات. 🔻تورکیا هەرگیز پێکهاتەکان بە بنەما وەرناگرێت واتا دەوڵەت هەیە و کۆمەڵگا و مرۆڤەکان بوونیان نییە. 🔻دەوڵەتی تورکیا ئەگەر دەیەوێت لە ڕۆژهەڵاتی ناوەڕاستدا ڕۆڵ ببینێت، سەرەتا دەبێت بە ڕێگەی سیاسی و دیموکراتیکەوە پرسی کورد چارەسەر بکات. 🔻دەوڵەتی تورکیا دەیەوێت پە**کە**کە لەناو ببات و جینۆسایدی کورد تەواو بکەن وهەموو شتەکانی کۆمەڵگا نەهێڵێت و ببێتە هێزی سەرەکی تورکیا. 🔻لە هەولێر بەناوی ئاهەنگگێڕانی کۆمارەوە، پە**د**ەکە و میت و باڵیۆزی تورکیا وئەوانەی بە ئۆپۆزسیۆنی سوریا ناویان دەبەن کۆبوونەوەیەکیان ئەنجامدا، مەبەستیان لەم کۆبوونەوەیە چی بوو؟. 🔻سودانی چووه تورکیا و تورکیا هێرشی کرده سەر ڕۆژئاوا وشەنگال، هاکان فیدان سەردانی لەندەن دەکات، کاتێک مرۆڤ هەموو ئەمانە لەسەر یەک کۆدەکاتەوە، دەبینێت پلانێک لە ئارادایە.
فێنك ئەحمەد - بەردەوام دەبین لە بەدواداچوون لەسەر ئەو ساختەكارییانەی لە هەڵبژاردنەكاندا كراوە. - لەگەڵ شەش لایەنی تر هاوهەڵوێستین - لەدوای یەكلایی كردنەوەی تانەكان بڕیاری سیاسی خۆمان دەدەین. بەرەی گەل رایگەیاند لە دوای وەڵامدانەوەی ئەو تانانەی لە ئەنجامی هەڵبژاردنەكانی خولی شەشەمی پەرلەمانی كوردستان دراوە، بڕیاری سیاسی خۆیان دەدەن. فێنك ئەحمەد سەرپەرشتیاری دامەزراوەی هەڵبژاردنی بەرەی گەل تایبەت بە هاوڵاتی راگەیاند تائێستا ئێمە بڕیاری سیاسی خۆمانمان نەداوە هاوپەیمانی لەگەڵ كێ دەبەستین و چی دەكەین و چاوەڕێی وەڵامی تانەكان دەكەین و هێشتا زووە باسی ئەوە بكەین لەداهاتوودا چی دەكەین. وتيشى: سەبارەت بە ئەنجامی هەڵبژاردنەكانی پەرلەمانی هەرێمی كوردستان، ئێمە لەگەڵ شەش لایەنی تر هاوهەڵوێستین و بڕیارمانداوە بەردەوامبین لەسەر بەدواداچوون لەسەر ئەو ساختەكارییانەی لە هەڵبژاردنەكاندا كراوە.
هاوڵاتی - كه‌ش و هه‌وای 48 كاتژمێری داهاتوو راگه‌یه‌ندرا. - ئه‌گه‌ری نمه باران له‌ناوچه شاخاویه‌كان هەیە. - پله‌كانی گه‌رما بەرزدەبنەوە. به‌ڕێوه‌به‌رایه‌تی كه‌شناسی هه‌رێمى كوردستان پێشبینی ئه‌گه‌ری نمه باران له‌ناوچه شاخاویه‌كان دەكات لەگەڵ بەرزبوونەوەی پله‌كانی گه‌رما. به‌ڕێوه‌به‌رایه‌تی كه‌شناسی هه‌رێم له راگه‌یه‌ندراوێكدا ئاماژه‌ی به‌وه‌دا ئه‌مڕۆ شه‌ممه 9ی تشرینی دووه‌می 2024 ئاسمان ساماڵ ده‌بێت له‌گه‌ڵ دروستبوونی هه‌ندێ په‌ڵه هه‌ور. رونیشیكردەوە پله‌كانی گه‌رما نزیك ده‌بێت له تۆماركراوی دوێنێ، خێرایی با 5 – 15 كیلۆمه‌تر ده‌بێت له كاتژمێرێكدا و ئاراسته‌ی با باكووری خۆرئاوا و مه‌ودای بینین 9 - 10 كیلۆمه‌تر ده‌بێت. ئه‌وه‌شی خسته‌ڕوو سبه‌ینێ یه‌كشه‌ممه 10- 11- 2024 ئاسمان ساماڵ ده‌بێت پاشان ده‌گۆرێت بۆ نیمچه‌هه‌ور و هه‌وری ته‌واو، له كاته‌كانی شه‌ودا ئه‌گه‌ری بارینی نمه باران له ناوچه شاخاویه‌كان هه‌یه. ئاماژەشیكرد پله‌كانی گه‌رما به‌رز ده‌بێتەوە بۆ ( 2 - 3 ) پله‌ی سیلیزی به به‌راورد به تۆماركراوه‌كانی ئه‌مڕۆ، خێرایی با 5 – 15 كیلۆمه‌تر ده‌بێت، ئاراسته‌ی با باشووری خۆرهه‌ڵات و مه‌ودای بینین 9 - 10 كیلۆمه‌تر ده‌بێت. به‌رزترین پله‌كانی گه‌رمای پێشبینیكراو به پله‌ی سیلیزی به‌مشێوه‌یه ده‌بێت: هه‌ولێر : 26 سلێمانی : 24 دهۆك : 25 كه‌ركوك : 27 هه‌ڵه‌بجه : 25 زاخۆ :25 سۆران : 25 حاجی ئۆمه‌ران : 13 گه‌رمیان : 28
هاوڵاتی كۆمپانیانی دانە گاز: - قازانجی نۆ مانگی ئەمساڵمان لە گێڵگە نەوتیەكانی هەرێم 112 میلۆن دۆلار بوە. - بەرهەمهێنان لە رۆژێکدا بۆ بڕی 38 هەزار و 200 بەرمیل بەرزبوەتەوە. - پلانمان هەیە دەست بە کاری بونیادنان لە کێڵگەی کۆرمۆردا بکەينەوە. كۆمپانیانی دانە گاز قازانجی نۆ مانگی یەكەمی ئەمساڵی لە گێڵگە نەوتیەكانی هەرێمى كوردستان بڵاوكردەوە. كۆمپانیاكه لە ڕاگەیەندراوێكدا بڵاویكردەوە، قازانجی نۆ مانگی یەكەمی ئەمساڵیان 112 میلۆن دۆلار بوە و بەرهەمەكانیان بەڕیژەی 3% زیادیان کردوە، بەڵام بەراورد بە ساڵی ڕابردو قازانجی كۆمپانیاكە بەڕێژەی 11.3% كەمیكردوە و لەهەمانكاتدا بەرهەمهێنانیان زیادكردوە بەهۆی زیادبونی خواست لەسەر گاز، لەلایەن وێستگەکانی بەرهەمهێنانی کارەبای هەرێمی کوردستانەوە. رونیشیكردەوە نەوت و گاز و بەرهەمە هایدرۆکاربۆنییەکانی دیکەی کێڵگە گازییەکانی هەرێمی کوردستان، لە نۆ مانگی سەرەتای ئەم ساڵدا بە رێژەی 3% زیادیان کردوە و بەرهەمهێنان لە رۆژێکدا بۆ بڕی 38 هەزار و 200 بەرمیل بەرزبوەتەوە، ئەوەش بەهۆی زیادبونی خواست لەسەر گاز لەلایەن وێستگەکانی بەرهەمهێنانی کارەبای هەرێمی کوردستانەوە. ئاماژەشیكرد بەهۆی کەمبونەوەی قەبارە و نرخی گازی پیترۆڵی شلکراو (LPG) و بەرهەمە هایدرۆکاربۆنییەکانی دیکە، قازانجی كۆمپانیاكە بەڕێژەی 11.3% کەمبوەتەوە، بۆیە قازانجی كۆمپانیاكە بۆ نۆمانگی یەكەمی ئەمساڵ 112 ملیۆن دۆلار بوە. ئاشكراشیكرد دانە گاز و کۆمەڵەی کۆمپانیاکانی پێرڵ پێترۆڵیۆم پلانیان وایە دەست بە کاری بونیادنان لە کێڵگەی گازی KM250ی کۆرمۆردا بکەنەوە.
هاوڵاتی پاسپۆرتی سلێمانی: - داوا له هاوڵاتیان دەكەین بە گوێرەی کاتی دیاری کراوی خۆیان سەردانمان بکەن. - ئەگەر پابەندی کاتی دیاریکراو نەبن سەرەکەتان دەفەوتێت. - ئەوانەی پابەند نەبن ناتوانین مامەڵەکانیان بۆ جێبەجێبکەین. بەڕێوبەرایەتی پاسپۆرتی سلێمانی داوا له هاوڵاتیان دەكات بە گوێرەی کاتی دیاری کراوی خۆیان کە بە نامەی ئەلیکترۆنی بۆیان دیاریکراوە سەردانیان بکەن. ڕاگەیاندن و پەیوەندیەکانی بەڕێوبەرایەتی پاسپۆرتی سلێمانی ئەمشەو لە ڕاگەیەندراوێكدا بڵاویكردەوە، ئاگاداری هاوڵاتیانی بەرێزی سلێمانی و دەوربەری دەکەین، بە گوێرەی کاتی دیاری کراوی خۆیان کە بە نامەی ئەلیکترۆنی بۆیان دیاریکراوە سەردانیان بکەن بۆ ڕایكردنی مامەڵەكانیان. رونیشیكردەوە کاتژمێر و بەرواری حجزی ئەلەکترۆنییەکەی لە چ کات و بەروارێکدا بو، ئەوا لەو کاتەدا سەردانمان بکەن بۆ ئەوەی ئێمەش لە کاتی خۆیدا مامەڵەکانیان بۆ رایی بکەین و هاوڵاتیان ئاگادار دەکەین، ئەگەر پابەندی کاتی دیاریکراو نەبون، ئەوا سەرەکەیان دەفەوتێت و ناتوانین مامەڵەکانیان بۆ جێبەجێبکەین، چونکە سەرەی کەسێکی دیکە دەبێت و لەم کاتەشدا کێشە بۆ سیستمەکە دروست دەبێت.
هاوڵاتی دەزگای ئاسایشی هەرێم: - ئەو كەسەمان دەستگیر كرد كە تۆمەتبارە بە کوشتنی هاوڵاتییەکەی شاری سلێمانی. - بەهۆکاری بوونی کێشەیەکی کۆمەڵایەتی تەقەی لێكراوە و كوژراوە. دەزگای ئاسایشی هەرێم رایگەیاند ئەو كەسەیان دەستگیر كردووە كە تۆمەتبارە بە کوشتنی هاوڵاتییەکەی شاری سلێمانی. دەزگاكە لە بەیاننامەیەكدا رایگەیاند دوای ئەوەی شەوی ڕابردوو لە گەڕەکی قڕگەی شاری سلێمانی بەهۆکاری بوونی کێشەیەکی کۆمەڵایەتی لەنێوان کچ و کوڕێک، ڕووداوێکی تەقەکردن ڕوویداو بووە هۆی کوژرانی کەسێک بەناوی (ب،ف،ع) و بەبڕیاری دادوەری لێکۆڵینەوە دەستبەجێ تۆمەتباری ڕووداوەکە دەستگیرکرا و رووبەڕووی یاسا کرایەوە. پێشتر سەرچاوەیەكی ئەمنی ئاشكرایكرد ئەو گەنجەى لە سلێمانى تەرمەکەى لە گەڕەکى قڕگە دۆزرایەوە، کارمەندى هێزەکانى کۆماندۆیە و لەلایەن کەسێکەوە کوژراوە و هۆکارى کوشتنەکەشى پەیوەندى بە کێشەیەکى کۆمەڵایەتییەوە هەبووە. وتيشى: گەنجەكە ناوی به‌ڵێن فه‌رهاديه و كارمه‌ندی هێزه‌كانی كۆماندۆیه و دوو مانگه هاوسه‌رگیری كردوه.
هاوڵاتی - مریشکی سپی لە پێداویستی ناوخۆ زیاترە. - هەرێمی كوردستان پێویستى بە هاوردەکردنی مریشکی بەستوو نییە. نازم عەبدوڵا سەرۆکی کۆمەڵەی کێڵگە پەلەوەرییەکانی سلێمانی رایگەیاند حكومەتی هەرێم پڕۆژەكانی خۆی لەناو دەبات. سەرۆکی کۆمەڵەی کێڵگە پەلەوەرییەکانی سلێمانی لە لێدوانێكدا رایگەیاند مریشکی سپی لە پێداویستی ناوخۆ زیاترە و هەرێمی كوردستان پێویستى بە هاوردەکردنی مریشکی بەستوو نییە. وتیشی: بەپێیستانداردی نێودەوڵەتی هەر نەفەرێك ساڵانە 24 كیلۆ گۆشتی مریشكی بۆ دانراوە كە بیخوات، ئێمە لە هەرێمی كوردستان ئەگەر پێنج ملیۆن نەفەربین كەڕەتی 24 بكەین ئەكاتە 145 هەزار تۆن ، بەڵام ئەگەر ئەم كەرتەی ئێمە بەجوانی ئیش بكات و رێكخرێتەوە 400 هەزار تۆن مریشكمان ئەبێت، واتا تۆ پێویستیت بە مریشكی دەرەكی نییە، لە وڵاتانی ترەوە بێتە هەرێمی كوردستانەوە . دووپاتیشیكردەوە لە هەرێمی كوردستان بەروبوومی مریشكی سپی لە خواست هاوڵاتیانی هەرێمی كوردستان چەند بەرامبەرێك زیاترە، بەڵام حكومەتی هەرێم دەچێت مریشكی بەستوو لە دەرەوەی هەرێم دەهێنێت، ئەمەش بە واتای ئەوەی حكومەتی هەرێم پڕۆژەكانی خۆی لەناو دەبات.
هاوڵاتی - تەرمی گەنجێك لە شاری سلێمانی دۆزرایەوە. - کارمەندى هێزەکانى کۆماندۆیە و لەلایەن کەسێکەوە کوژراوە. - هۆکارى کوشتنەکەشى پەیوەندى بە کێشەیەکى کۆمەڵایەتییەوە هەبووە. تەرمی گەنجێك لە شاری سلێمانی دۆزرایەوە دواتر دەركەوت كارمەندی هێزەكانی كۆماندۆیە. سەرچاوەیەكی ئەمنی ئاشكرایكرد ئەو گەنجەى ئەمڕۆ لە سلێمانى تەرمەکەى لە گەڕەکى قڕگە دۆزرایەوە، کارمەندى هێزەکانى کۆماندۆیە و لەلایەن کەسێکەوە کوژراوە و هۆکارى کوشتنەکەشى پەیوەندى بە کێشەیەکى کۆمەڵایەتییەوە هەبووە. وتيشى: گەنجەكە ناوی به‌ڵێن فه‌رهاديه و كارمه‌ندی هێزه‌كانی كۆماندۆیه و دوو مانگه هاوسه‌رگیری كردوه.
هاوڵاتی -پارتی بارەگاى هەدەپەى لە هەولێر داخست و رەوانەی سلێمانی كران. - ئاسایشی هەولێر بانگی كردوون و دواتر بە دوو ئۆتۆمبیل لە سماقوڵییەوە رەوانەی سنوری سلێمانی كردوون. هەدەپە رایگەیاند پارتی بارەگاكەمانی لە هەولێر داخست و ڕەوانەی سلێمانی كردین و ئاسایشی هەولێر نوێنەرەكان و بەرپرسەكانی ئەو حزبەی باكوری كوردستانی بە دوو ئۆتۆمبیل رەوانەی سلێمانی كرد. نوێنەرانی هەدەپە لە كۆنگرەیەكی رۆژنامەوانیدا لە سلێمانی رایانگەیاند هاوكات لەگەڵ ناڕەزایەتییەكانی باكوری كوردستان دژ بە لادانی سەرۆك شارەوانییەكانی كوردو دانانی (قەیوم) لە شوێنەكانیان لەلایەن حكومەتی ئەردۆغانەوە، لە هەولێریش بارەگای (هەدەپە) داخراوە. وتيشيان: ماوەی پێنج ساڵە نوێنەرایەتی هەدەپە-یان كردووە لە هەولێرو هیچ كێشەیەكیان بۆ هەرێمی كوردستان دروست نەكردووە، نازانن به چ هۆكارێك لە هەولێر دەركراون. رونیشیانكردەوە ئاسایشی هەولێر بانگی كردوون و دواتر بە دوو ئۆتۆمبیل لە سماقوڵییەوە رەوانەی سنوری سلێمانی كردوون. لەلایەن خۆیەوە ئاژانسی فورات نیوز بڵاویكرده‌وه، جارێکی دیکە ئاسایشی پارتی لە هەولێر ڕێگریی لە ئه‌ندامانی پارتی دیموكراتی گه‌لان (هەدەپە) كرد کە کاری سیاسیی خۆیان بکەن، لەو چوارچێوەیەشدا نوێنەرایەتی هەدەپە لە باشوری کوردستان و ئەندامەکانی لە هەولێر بەرەو سلێمانی دورخستوەتەوە. ئاژانسی فورات نیوز ئه‌مڕۆ هه‌ینی بڵاویكرده‌وه، "هێزه‌كانی ئاسایشی هەولێر بە زۆر نوێنەرایەتی هەدەپە و ئەندامەکانی ناچار کردوە بچنە ناو ئۆتۆمبێل و لە هەولێر دوریانی خستوەتەوە". هەدەپە كورتكراوەی ناوی (پارتی دیموكراتی گەلان)ە، كە ئێستا ناوی خۆی گۆڕیوە بۆ (دەم پارتی)و سەرەكیترین نوێنەری كوردە لە پەرلەمانی توركیادا.
هاوڵاتی - لە شارۆچكەی رانیە ئۆتۆمبێلێکی جۆری پیکاب لە چوار کەسی داوە. - تەندروستی یەکێکیان ناجێگیرە. شەوی رابردوو لە بەردەم نەخۆشخانەی منداڵان لە شارۆچكەی رانیە ئۆتۆمبێلێکی جۆری پیکاب لە چوار کەسی داوە و لە ئێستاشدا تەندروستی یەکێکیان ناجێگیرە. بەڕێوەبەرایەتی هاتوچۆی راپەرین لە سنوری سلێمانی لەبارەی برینداربوونی چوار كەس بەهۆی ڕووداوێكی هاتوچۆوە ڕاگەیەندراوێكی بڵاوكردەوە و رونیكردەوە درەنگانی شەوی رابردوو لە بەردەم نەخۆشخانەی منداڵان لە شارۆچكەی رانیە ئۆتۆمبێلێکی جۆری پیکاب لە چوار کەسی داوە. باسی لەوەشكرد لە ئێستاشدا تەندروستی یەکێک لە بریندارەكان ناجێگیرە. شەوی چوارشەممەش لەسەر ڕێگای قوڵقوڵە نزیک کانی گۆران لە سنوری مێرگەپان له پارێزگای سلێمانی ڕووداوێکی هاتووچۆ لەنێوان دو ئۆتۆمبێلی جۆرەكانی نیسان پیكاب و تۆیۆتا كرۆلای تایبەت ڕویدا و به‌وهۆیه‌وه شه‌ش كه‌س برینداربون. جێگای باسە چەندین ساڵە هۆشداری دەدرێتە حكومەتی هەرێمی كوردستان و داوای لێدەكرێت، ئەو رێگاوبانانە چاك بكات كە چەندین كارەساتی دڵتەزێنی لێدەكەونەوە.
هاوڵاتی - داهاتی یه‌ك هه‌فته‌ی سلێمانی و هه‌ڵه‌بجه به‌راورد به داهاتی هه‌فته‌ی پێشوو زیاتر له سه‌دا 44 كه‌میكردووه. - داهاتی یه‌ك هه‌فته‌ی سلێمانی بڕی 10 ملیار و 515 ملیۆن و 785 هه‌زار و 525 دینار بووه. داهاتی یه‌ك هه‌فته‌ی سلێمانی و هه‌ڵه‌بجه به‌راورد به داهاتی هه‌فته‌ی پێشوو زیاتر له سه‌دا 44 كه‌میكردووه كه زیاتر له 8 ملیار دینار ده‌كات. ماڵپه‌ڕی شه‌فافیه‌ت بڵاویكرده‌وه داهاتی یه‌ك هه‌فته‌ی سلێمانی له رۆژی 2ی تشرینی دووه‌م تا ئه‌مڕۆ 8ی تشرینی دووه‌می 2024، بڕی 10 ملیار و 515 ملیۆن و 785 هه‌زار و 525 دینار بووه. ماڵپه‌ڕه‌كه ئاماژه‌ی به‌وه‌داوه كه له‌و بڕه 6 ملیار و 406 ملیۆن و 41 هه‌زار و 575 دیناری نه‌ختینه‌یه كه سه‌دا 61ی كۆی داهاته‌كه ده‌كات. ئه‌وه‌ش خراوه‌ته‌ڕوو كه 4 ملیار و 109 ملیۆن و 743 هه‌زار و 95 دیناری به‌شێوه‌ی چه‌كه كه رێژه‌ی 39% پێكده‌هێنێت. بەپێی ئەم خشتەیەش داهاتی ئه‌م هه‌فته‌یه‌ی سلێمانی و هه‌ڵه‌بجه به‌راورد به هه‌فته‌ی پێشوو كه 18 ملیار و 804 ملیۆن و 558 هه‌زار و 698 دینار بووه، 8 ملیار و 288 ملیۆن و 873 هه‌زار و 173 دینار و به‌ڕێژه‌ی 44.79 % كه‌میكردووه. به‌گوێره‌ی ماڵپه‌ڕی شه‌فافیه‌ت، ئێستا رۆژانه سه‌رجه‌م داهاته نانه‌وتییه‌كانی پارێزگاكانی سلێمانی و هه‌ڵه‌بجه و هه‌ردوو ئیداره‌ی سه‌ربه‌خۆی گه‌رمیان و راپه‌ڕین له ماڵپه‌ڕه‌كه تۆمار ده‌كرێت و بڵاوده‌كرێته‌وه. له 15ی كانوونی یه‌كه‌می 2022 قوباد تاڵه‌بانی جێگری سه‌رۆك وه‌زیرانی هه‌رێمی كوردستان پڕۆژه‌ی شه‌فافییه‌تی له‌باره‌ی داهات و خه‌رجی راگه‌یاند.
هاوڵاتی -بارانبارین دەستپێدەكات. - پلەكانی گەرماش دادەبەزن. دەستەی كەشناسی عێراق پێشبینیكرد بارانبارین دەستپێبكات و گۆڕانكاری لە پلەكانی گەرما رووبدات. دەستەكە لە بەیاننامەیەكدا بڵاویكردەوە سبەینێ شەممە لەهەموو ناوچەكانی عێراق پەڵەهەور دەبێت و پلەكانی گەرماش جێگیر دەبێت و پلەكانی گەرما لەسلێمانی ودهۆك 21 و لە هەولێر 22 و لە كەركوك 23 دەبێت. رونیشیكردەوە رۆژی یەكشەممە لەناوچەی ناوەڕاستی عێراق نمە باران دەبارێت و هەرێمی كوردستانیش بارانێكی لەسەرخۆ بەخۆوە دەبینێت. پێشبینیشیكرد رۆژی دووشەممە لەهەموو ناوچەكانی عێراق بارانبارین دەستپێبكات لەگەڵ هەورە برووسكە بەتایبەتی لەناوچە شاخاوەیەكان و پلەكانی گەرماش دادەبەزن، تەنها ناوچەی باشوری عێراق نەبێت ئاسمان ساماڵ دەبێت.
هاوڵاتی -بارانبارین دەستپێدەكات. - پلەكانی گەرماش دادەبەزن. دەستەی كەشناسی عێراق پێشبینیكرد بارانبارین دەستپێبكات و گۆڕانكاری لە پلەكانی گەرما رووبدات. دەستەكە لە بەیاننامەیەكدا بڵاویكردەوە سبەینێ شەممە لەهەموو ناوچەكانی عێراق پەڵەهەور دەبێت و پلەكانی گەرماش جێگیر دەبێت و پلەكانی گەرما لەسلێمانی ودهۆك 21 و لە هەولێر 22 و لە كەركوك 23 دەبێت. رونیشیكردەوە رۆژی یەكشەممە لەناوچەی ناوەڕاستی عێراق نمە باران دەبارێت و هەرێمی كوردستانیش بارانێكی لەسەرخۆ بەخۆوە دەبینێت. پێشبینیشیكرد رۆژی دووشەممە لەهەموو ناوچەكانی عێراق بارانبارین دەستپێبكات لەگەڵ هەورە برووسكە بەتایبەتی لەناوچە شاخاوەیەكان و پلەكانی گەرماش دادەبەزن، تەنها ناوچەی باشوری عێراق نەبێت ئاسمان ساماڵ دەبێت.
هاوڵاتی -بارانبارین دەستپێدەكات. - پلەكانی گەرماش دادەبەزن. دەستەی كەشناسی عێراق پێشبینیكرد بارانبارین دەستپێبكات و گۆڕانكاری لە پلەكانی گەرما رووبدات. دەستەكە لە بەیاننامەیەكدا بڵاویكردەوە سبەینێ شەممە لەهەموو ناوچەكانی عێراق پەڵەهەور دەبێت و پلەكانی گەرماش جێگیر دەبێت و پلەكانی گەرما لەسلێمانی ودهۆك 21 و لە هەولێر 22 و لە كەركوك 23 دەبێت. رونیشیكردەوە رۆژی یەكشەممە لەناوچەی ناوەڕاستی عێراق نمە باران دەبارێت و هەرێمی كوردستانیش بارانێكی لەسەرخۆ بەخۆوە دەبینێت. پێشبینیشیكرد رۆژی دووشەممە لەهەموو ناوچەكانی عێراق بارانبارین دەستپێبكات لەگەڵ هەورە برووسكە بەتایبەتی لەناوچە شاخاوەیەكان و پلەكانی گەرماش دادەبەزن، تەنها ناوچەی باشوری عێراق نەبێت ئاسمان ساماڵ دەبێت.
هاوڵاتی - بانکی عێراقی بۆ بازرگانی TBI وتیمی هەژماری من یەکەمین کۆبوونەوەیان ئەنجامدا. - بانكی TBI و هه‌ژماری من رێكەوتن له‌سه‌ر خێراكردنی تۆماری فه‌رمانبه‌ران. - نزیكه‌ی 700 هه‌زار فه‌رمانبه‌ر خۆیان له پرۆژه‌ی (هه‌ژماری من) تۆمار كردوه. وه‌زاره‌تی دارایی و ئابوری حكومه‌تی هه‌رێمی كوردستان رایگەیاند بانكی عێراقی بۆ بازرگانی (TBI) ورتیمی هه‌ژماری من یه‌كه‌مین كۆبونه‌وه‌یان دوابه‌دوای واژۆكردنی گرێبه‌سته‌كه‌یان ئه‌نجامدا و به‌مزوانه‌ش ده‌ست به دابه‌شكردنی زیاتر له 10,000 كارتی بانكی (TBI) ده‌كرێت. وەزارەتەكە لە بەیاننامەیەكدا بڵاویكردەوە ئه‌مڕۆ پێنجشه‌ممه تیمی (هه‌ژماری من) و شاندی ته‌كنیكی بانكی تی بی ئای یه‌كه‌مین كۆبونه‌وه‌یان دوابه‌دوای واژوكردنی گرێبه‌سته‌كه‌یان ئه‌نجامدا و ڕێككه‌وتن له‌سه‌ر خێراكردنی تۆماری فه‌رمانبه‌ران، گه‌یاندنه‌وه‌ی كارته‌كان و دانانی ئامێره‌كانی ڕاكێشانی پاره (ATM) له سه‌رتاسه‌ری هه‌رێمی كوردستان. رونیشیكردەوە له مانگی (ئایار)ی ئه‌مساڵ، بانكی عێراقی بۆ بازرگانی (TBI) به ڕێكه‌وتنێكی سه‌ره‌تایی هاته نێو پڕۆژه‌ی (هه‌ژماری من) و بوه هه‌شته‌م بانكی به‌شداربوی پڕۆژه‌كه، هه‌فته‌ی ڕابردوش، هه‌ریه‌ك له حكومه‌تی هه‌رێمی كوردستان و بانكی عێراقی بۆ بازرگانی (TBI) گه‌یشتنه ڕێككه‌وتنێكی فه‌رمی له‌سه‌ر ناوه‌ڕۆكی گرێبه‌ست و واژۆیان له‌سه‌ری كرد به مه‌به‌ستی جێبه‌جێكردنی پرۆسه‌ی به بانكیكردنی موچه‌ی فه‌رمانبه‌رانی هه‌رێمی كوردستان له چوارچێوه‌ی پڕۆژه‌ی (هه‌ژماری من). باسلەوەشكراوە هاوشێوه‌ی بانكه به‌شداربوه‌كانی دیكه، له‌مه‌ودوا خزمه‌تگوزارییه‌كانی بانكی TBI بۆ موچه‌خۆرانی هه‌رێمی كوردستان فراوانتر ده‌بێت، نمونه‌ی ئه‌و خزمه‌تگوزارییانه‌ی كه ڕێكه‌وتنیان له‌سه‌ركراوه بریتین له‌وه‌ی بانكه‌كه دو لقی نوێ له پارێزگاكانی هه‌ولێر و سلێمانی بكاته‌وه و ده‌یان ئامێری ڕاكێشانی پاره له‌نێو كابینه‌كانی (هه‌ژماری من) له سه‌رانسه‌ری هه‌رێمی كوردستان جێگیر بكات، به‌مزوانه‌ش ده‌ست به دابه‌شكردنی زیاتر له 10,000 كارتی بانكی (TBI) ده‌كرێت. وه‌زاره‌تی دارایی و ئابوری داواى له‌و موچه‌خۆرانه كرد كه تا ئێستا خۆیان تۆمارنه‌كردوه، به‌زوترینكات سه‌ردانی بریكارانی (هه‌ژماری من) بكه‌ن تاوه‌كو خۆیان تۆماربكه‌ن. هه‌ر به‌گوێره‌ی راگه‌یه‌ندراوه‌كه، ئێستا نزیكه‌ی 700 هه‌زار فه‌رمانبه‌ر خۆیان له پرۆژه‌ی (هه‌ژماری من) یاخود به‌بانكیكردنی موچه (ته‌وتین) تۆمار كردوه، هه‌مو ئه‌و فه‌رمانبه‌رانه‌ی له ڕێگه‌ی هه‌شت بانكه‌كه‌ی ناو پرۆژه‌ی هه‌ژماری من خۆیان له به‌بانكیكردنی موچه (ته‌وتین) تۆمار ده‌كه‌ن، له‌داهاتودا له هه‌مو ئه‌و خزمه‌تگوزاریه دارایی و بانكیانه سودمه‌ند ده‌بن، كه بانكه‌كان پێشكه‌ش به‌موچه‌خۆران و فه‌رمانبه‌رانی ده‌كه‌ن.
