شاسوار عەبدولواحید، لاهوور شێخ جەنگی و ئارام قادر ناتوانن دەنگ بدەن

هاوڵاتی   كۆمیسیۆنی باڵای سەربەخۆی هەڵبژاردنەكانی عێراق، سبەینێ تیروپشك بۆ كارمەندانی ڕۆژی دەنگدان دەكات. كۆمیسیۆنی سەربەخۆی هەڵبژاردنەكانی عێراق، زۆربەی ڕێكارەكانی پڕۆسەی هەڵبژاردنی پەرلەمانی كوردستانی تەواو كردووە، كە بڕیارە 20-10-2024 بەڕێوە بچێت. بەپێی ڕاگەیەنراوێكی كۆمسیۆن، كاتژمێر (10:00)ی سبەینێ یەكشەممە 10-8-2024 لە شاری هەولێر، تیروپشكی تایبەت بە فەرمانبەرانی سەر سندووق (كارمەندانی ڕۆژی دەنگدان) دەكرێت. كۆمیسیۆنی باڵای سەربەخۆی هەڵبژاردنەكانی عێراق، ئەمڕۆ تیروپشكی بۆ ناوی ئەو لیست و كاندیدانە كرد، كە تازە ناویان لە كۆمیسیۆن تۆمار كردووە.

هاوڵاتی ئەمڕۆ شەممە 10ی ئابی 2024، کۆمسیۆنی باڵای سەربەخۆی هەڵبژاردنەکانی عێراق ژمارەی لیست و کاندیدەکانی بۆ هەڵبژاردنی خولی شەشەمی پەرلەمانی کوردستان دیاریکرد. بەپێی تیروپشکەکە بێت لیستی بەرەی گەل بە ژمارە 169 بەشداری هەڵبژاردنی خولی شەشەمی پەرلەمانی کوردستان دەکات، پێشتریش بەرەی گەل هەمان ژمارەی هەبووە و هیچ گۆڕانکارییەک بەسەر ژمارەکەیدا نەهاتووە. بەرەی گەل بزووتنەوەیەکی نوێیە کە ئەمساڵ دامەزراوە و لاهوور شێخ جەنگی سەرۆکایەتیی لیستەکە دەکات بەشدار دەبێت لە هەڵبژاردنی پەرلەمانی کوردستان کە 20ی تشرینی یەکەمی 2024 ئەنجام دەدرێت.

هاوڵاتی بەرەبەیانی ئەمڕۆ لەڕێگەی مۆبایلەوە نامە بۆ ئەندامانی ئەنجوومەنی پارێزگای كەركووك نێردراوە كە ئێوارەی ئەمڕۆ كۆبوونەوەی ئەنجوومەنەكە لە هۆتێلێكی بەغدا بەڕێوەدەچێت، پارتیش دەیەوێت شكست بە كۆبوونەوەكە بهێنێت.  كاتژمێر  (2:00)ی بەرەبەیانی ئەمڕۆ لەلایەن فراكسیۆنەكانی یەكێتی و بابلیۆنەوە نامەیەك لە گرووپی ئەندامانی ئەنجوومەنی پارێزگای كەركووك دادەنرێت و داوا دەكرێت كاتژمێر (8:00)ی ئێوارەی ئەمڕۆ لە هۆتێل ڕەشید لە بەغدا ئامادە بن بۆ بەشداریكردن لە كۆبوونەوەی ئەنجوومەنەكە، بەڵام  كاتژمێر (5:00)ی بەرەبەیان نامەكە ڕەش دەكرێتەوە و كاتژمێر (8:00)ی سەرلەبەیانی ئەمڕۆ جارێكی دیكە دادەنرێتەوە. بەوتەی سەرچاوەیەك لە پارتی ئەوان لە كۆبوونەوەكە ئامادەنابن و دەیانەوێت كۆبوونەوەكە پەكبخەن. یەكێتی و بابلیۆن، بەیەكەوە شەش كورسییان لە ئەنجوومەنی پارێزگای كەركووك هەیە.

 هاوڵاتی کۆمسیۆنی باڵای سەربەخۆی هەڵبژاردنەکانی عێراق ژمارەی لیست و کاندیدەکانی بۆ هەڵبژاردنی خولی شەشەمی پەرلەمانی کوردستان دیاریکرد، ژمارەی لیستەکان و بەربژێرەکان بەمشێوەیەیە: - بەرەى گەل ژمارە 169. - هاوپەیمانى نیشتمانى ژمارە 162. - رەوتى هەڵوێست ژمارە 161. - پارتی دیموكراتی كوردستان ژمارە 190. - یەکێتى نیشتمانیى کوردستان ژمارە 129. - هاوپەیمانى هەرێمى کوردستان ژمارە 133. - هاوپەیمانى سەردەم ژمارە 164. - بزووتنەوەى ئیسلامى کوردستان ژمارە 123. - نەوەی نوێ ژمارە 157. - یەکگرتووی ئیسلامی کوردستان ژمارە 148. - بەرەى تورکمانى عێراقى ژمارە 149. - بزووتنەوەی گۆڕان ژمارە 114. - بزووتنەوەی ئیسلامیی کوردستانی عێراق - ژمارە 198. - کوێخا عومەر تەرەماری - ژمارە 174. - سامانی کەمئەندامان - ژمارە 180. - جەبار محەممەد رەزا سۆڵەیی - ژمارە 119. - جاسم محەممەد حوسێن - ژمارە 106. - رزگار ئیبراهیم مەلا محەممەد - ژمارە 187. - محەممەد مێرگەتی بەرکارەیی - ژمارە 118. - ماهیر محەممەد ئیسماعیل - ژمارە 186. - شانۆ بەگزادە - ژمارە 173. - سامان نامیق ئیسکەندەر - ژمارە 172. - سەفیرە سدقی خورشید - ژمارە 196. - خێرخواز شێروان ئەحمەد بارانی - ژمارە 188. - شەوکەت عیزەت - ژمارە 101. - ئاوات حوسامەدین تەیب - ژمارە 194. - سروە کۆیی - ژمارە 178. - هێرۆ محەممەد - ژمارە 171. - عەلی خۆشناو - ژمارە 176. - عیسا نەسری - ژمارە 195. - ئیدریس خدر حەسەن خدر - ژمارە 182.

هاوڵاتی بڕیارە ئێوارەی ئەمڕۆ لە بەغدا کۆبوونەوەیەک بۆ هەڵبژاردنی پارێزگار، سەرۆکی ئەنجومەنی پارێزگای کەرکوک و جێگرەکانیان بەڕێوەبچێت. بەپێی زانیارییەکان بێت، بڕیارە ئێوارەی ئەمڕۆ شەممە 11ی ئابی 2024، لە هۆتێل ڕەشیدی بەغدا  ئەنجومەنی پارێزگای کەرکوک کۆدەبێتەوە و سەرۆک و جێگرەکانی ئەنجومەنی پارێزگا و پارێزگار و جێگرەکەی هەڵدەبژێردرێن. هەر بەپێی زانیارییە بەدەستهاتووەکان، کۆبوونەوەکە بە بەشداریی یەکێتی، بابیلۆن، تورکمان و بەشێک لە عەرەبەکان دەبێت و پارتى و بەشێک لە پێکهاتەی عەرەب بەشداریی تێدا ناکەن، هەروەها ڕێبوار تەها لە یەکێتی، بۆ وەرگرتنی پۆستی پارێزگار دیاری کراوە و محەمەد حافز لە پێکهاتەى عەرەبى، دەبێتە سەرۆکی ئەنجومەنی پارێزگا و جێگرەکانیشیان لەلایەنەکانی دیکە دەبن. لە ڕۆژی 18ی کانونی یەکەمی 2023وە هەڵبژاردنی ئەنجومەنی پارێزگاکانی عێراق ئەنجامدراوە، بەڵام بەهۆی ناکۆکی نێوان لایەنەکانی کەرکوکەوە تاوەکو ئێستا نەتوانراوە پارێزگار، سەرۆکی ئەنجومەنی پارێزگا و دوو جێگرەکانیان دیاریبکرێت.  

هاوڵاتی   له‌ ناوچه‌ی ڕمێلان لە پارێزگای حه‌سه‌كه‌ لە ڕۆژئاوای كوردستان، به‌درۆن هێرش كرایه‌ سه‌ر بنكه‌یه‌كی سه‌ربازی ئەمریكا، میدیاكانی سوریاش پێشبینی ده‌كه‌ن ‌سه‌رچاوه‌ی هێرشه‌كه‌ عێراق بێت. به‌گوێره‌ی ڕوانگەی سووری بۆ مافەکانی مرۆڤ، دره‌نگانی شه‌وی ڕابردوو به‌درۆن هێرش كرایه‌ سه‌ر  بنکەی سه‌ربازی خەراب ئەلجیر، تایبه‌ت به‌ هێزەکانی هاوپەیمانی نێودەوڵەتی لە ناوچەی ڕمێلانی  حەسەکە. به‌پێی ڕوانگەی سووری، پاش هێرشه‌كه‌ ئاگرێكی گه‌وره‌ له‌بنكه‌كه‌ كه‌وتووەتەوە و‌ تا به‌ره‌به‌یانی ئه‌مڕۆ به‌رده‌وام بووە‌.

هاوڵاتی سەرۆکایەتیی هەرێمی کوردستان ڕایدەگەیەنێت، هيچ جۆرە پێشێلكارى و بێڕێزييه‌ك به‌رامبه‌ر به‌ هه‌ر بير و بڕوا و ئايينێك، قبووڵكراو نیيە و سەركۆنەی دەكەین. لە ڕایگەیەندراوێکدا سەرۆکایەتیی هەرێمی کوردستان ڕایگەیاند، "ماوه‌ى چه‌ند ڕۆژى ڕابردوو كاردانه‌وه‌يه‌كى فراوان به‌تايبه‌تى له‌ تۆڕه‌ کۆمه‌ڵایه‌تییه‌کاندا به‌رامبه‌ر به‌ لێدوانێکی نادروستی كه‌سايه‌تييه‌كى ئێزدى هاته‌ ئاراوه‌. لێره‌دا جه‌خت ده‌كه‌ينه‌وه‌ كه‌ هيچ جۆرە پێشێلكارى و بێڕێزييه‌ك به‌رامبه‌ر به‌ هه‌ر بير و بڕوا و ئايينێك، قبووڵكراو نیيە و سەركۆنەی دەكەین". ئاماژە بەوەشکراوە، "لە هەمانكاتدا هه‌ڵه‌ى كه‌سێك له‌ هه‌ر ئايينێك بێت، نابێ به‌ هه‌ڵه‌ى هه‌موو په‌يره‌وانى ئايينه‌كه له‌ قه‌ڵه‌م بدرێت، بۆيه‌ ده‌بێ هەموو لایەك پابەندی كولتووری یەكترقبووڵكردن و لێبوردەیی و پێكەوەژیان بن و ڕێگە لە دروستبوونی گوتاری ڕق و كینە و نكۆڵیكردن بگیرێت". لە ڕاگەیەندراوەکەدا هاتووشە، "لایەنە پەیوەندیدارەكان بەرپرسن لە بەدواداچوون و لێپرسینەوەی یاسایی، هەموو لایەكيش دڵنیا دەكەینه‌وه‌ كە هەرێمی كوردستان بۆ هەمیشە وەك نموونەی پێكەوەژیانی ئاشتیانە و برایەتی دەمێنێتەوە، هیچ پاساوێك بۆ نانەوەی ئاڵۆزی و پشێوی و دروستكردنی هەڕەشە بۆ سەر هاووڵاتیان و  پێكهاتە ئایینی و نەتەوەییيەكانی كوردستان قبووڵ ناكرێت". ڕاگەیەندراوەكەی سەرۆكایەتی هەرێمی كوردستان لەكاتێكدایە، لێدوانێكی قاسم شەشۆ فەرماندەی پێشمەرگە لە شنگال، لەبارەی پێغەمبەری ئیسلام ناڕەزایی لێكەوتەوە.

هاوڵاتی/ سازگار ئەحمەد دوانیوەڕۆی ئەمڕۆ بەهۆی ڕووبەڕووبوونەوەی هێزەکانی ئاسایش لە ناوچەی قەرەداغی سنووری پارێزگای سلێمانی لەگەڵ چەند چەکدارێک دوو کارمەندی ئاسایش کوژران. رەئوف شێخ کەمال، قایمقامی قەزای قەرەداغ بە هاوڵاتی راگەیاند، "دوانیوەڕۆی ئەمڕۆ هەینی 9ی ئابی 2024، کاتژمێر 5:00 هێزە ئەمنییەکان لەگەڵ چەند کەسێکی نەناسراو لە چیای قەرەداغ رووبەڕووی یەکبوونەتەوە، گومان دەکرێت ئەو کەسانە بۆ دۆزینەوەی شوێنەوار چووبنە ناوچەکە، لە ئەنجامی ڕووبەڕووبوونەوەکە دوو کارمەندی ئاسایش گیانیان لەدەستدا". بەپێی وتەی قایمقامی قەزای قەرەداغ بێت تۆمەتبارەکان دوای ڕووداوەکە هەڵهاتوون و نازانرێت ژمارەیان چەند کەس بووە.  دەزگای ئاسایشی هەرێمی کوردستانیش ڕایگەیاند، "مەفرەزەیەکەی ئاسایشی قەرەداغ بەمەبەستی پاراستنی ئاسایش و ئارامی ناوچەکە و چاودێریکردنی ناوچەیەکی شوێنەواری لە ئەرکدابوون، چەند کەسێکی چەکدار بەمەبەستی دەرهێنان و بردنی شوێنەواری (نەرامسین) لە ناوچە شوێنەوارییەکە بوون، ڕووبەڕووی مەفرەزەکەی ئاسایش بوونەتەوە و بووە هۆی شەهیدبوونی دوو کارمەندی ئاسایش". دەزگای ئاسایشی هەرێم ئاماژەی بەوەشکردووە، "لە ئێستادا هەوڵەکان بەردەوامن بۆ دەستگیرکردنی تۆمەتباران و بەدواداچوون و لێکۆڵینەوە لە ڕووداوەکە".

هاوڵاتی به‌رێوه‌به‌رایه‌تی شه‌هیدان و ئه‌نفالكراوانی هه‌ولێر کەسوکاری شەهیدان و ئەنفالکراوان ئاگادار دەکاتەوە سەردانیان بکەن. ئەمڕۆ هەینی 9ی ئابی 2024، بەڕێوەبەرایەتی شەهیدان و ئەنفالکراوانی هەولێر ڕایگەیاند، "ئاگاداری بنەماڵەی شەهیدان و ئەنفالکراوانی سنووری هەولێر دەکەینەوە، ئەوانەی وارسی شەهیدن و بایۆمەتریان نەکردووە، یان کۆدی بایۆمەتریان نەهێناوە، پێویستە لە رۆژی یەکشەممە و رۆژانی دواتر سەردان بکەن". ئاماژە بەوەشکراوە، " پێویستە هەر وارسێک ناسنامەی شەهیدان و کارتی نیشتیمانی پێبێت". بەپێی ڕاگەیەندراوەکە بێت، ئەم پرۆسەیە بۆ ماوەی 60 رۆژ بەردەوام دەبێت، بە پێچەوانەوە ئەو وارسانەی بایۆمەتریان ئەنجام نەداوە موچەکانیان ڕادەگیرێت.

بەپێى زانیارییەکان، ئەمڕۆ فڕۆکە جەنگییەکانی تورکیا بە چڕى بۆردوومانی هەریەکە لە گوندەکانى گوهەرزی و کانی بەلاڤێ و چیاى مەتینایان لە سنووری شارۆچکەی ئامێدی سەر بە پارێزگای دهۆک کردووەو هێرشەکەش بۆ ماوەى چەند کاتژمێرێک بەردەوام بووە و بەهۆیەوە زیانێکى زۆر بەر ژینگەى ناوچەکە گەشتووە. بەپێى زانیارییەکان، هێرشەکەى دەوڵەتى تورکیا بۆسەر سنوورى ئەو گوندانەى سنوورى ئامێدى بۆ ماوەى چەند کاتژمێرێک بەردەوام بووە و بەهۆیەوە زیانێکى زۆر بە ژینگەى ناوچەکە گەیشتووە. لە ١٥ـی حوزەیرانی ٢٠٢٤، دەوڵەتی تورکیا، بە نزیکەی هەزار سەرباز و ٣٠٠ تانک و زرێپۆشی سەربازییەوە لەشکرکێشییەکی نوێی بۆ سەر باشووری کوردستان دەستپێکرد و نۆ بارەگای نوێی کردەوە، بەوهۆیەشەوە ١٨٤ خێزانی ناچار بە جێهێشتنی زێدی خۆیان کردووە و بە بەردەوامیش بۆردوومانی سنووری پارێزگای دهۆک دەکات.

هاوڵاتی کۆمیسیۆنی باڵای سەربەخۆی هەڵبژاردنەکانی عێراق، سبەینێ تیروپشکێکی تایبەت بۆ پێدانی ژمارە بە هاوپەیمانی و حیزب و کاندیده‌ نوێیەکانی بەشداربوو لە هەڵبژاردنی پەرلەمانی کوردستان دەکات. کۆمیسیۆنی سەربەخۆی هەڵبژاردنەکانی عێراق تائێستا زۆربه‌ی ڕێکاره‌کانی پرۆسەی هەڵبژاردنی پەرلەمانی کوردستانی ته‌واوكردووه‌، كه‌بریاره‌ 20-10-2024 له‌سه‌رجه‌م پاریزگاكانی هه‌رێمی كوردستان به‌ڕێوه‌بچێت. جومانه‌ غه‌لای وته‌بێژی كۆمیسیۆنی باڵای هه‌ڵبژاردنه‌كانی عێراق ڕایگەیاند:ڕۆژی شەممە 10-8-2024 لە هەولێر، تیروپشکێکی تایبەت بۆ پێدانی ژمارە بەو هاوپەیمانی و حیزب و كاندیدانە ده‌کەین كه‌ لە تیروپشکی پێشوودا ژمارەیان وەرنەگرتووە، " ئەم تیروپشکە تەواوکه‌ری تیروپشكه‌كه‌ی پێشووه‌ و له‌ژماره‌ 170 ـه‌وه‌ ده‌ستپێده‌كات، ئه‌و کاندیدانەش ده‌گرێته‌وه‌ کە له‌لیستی هه‌ڵبژاردنی گشتیەوە گواسترانەوە بۆ پشکی كۆتای پێکهاتەکان و ژماره‌ی نوێیان پێده‌درێت. غەلای ئەوەشی وت.

هاوڵاتی ماڵپەڕی شەفافییەت بڵاوی کردەوە و دەڵێت، داهاتی ئەم هەفتەی نانەوتی سنووری پارێزگای سلێمانی، 12 ملیار و 658 ملیۆن و 376 هەزار و 672 دیناربووە. ئەمڕۆ هەینی، 9ی ئابی 2024، ماڵپەڕی شەفافییەت بۆ چاودێری و ڕێکخستنی داھاتە نانەوتییەکانی پارێزگاکانی سلێمانی و ھەڵەبجە و ھەردوو ئیدارەی ڕاپەڕین و گەرمیان، ڕایگەیاند لە 3ی ئاب تاوەکو 9ی ئاب، داهاتی نانەوتی سلێمانی 12 ملیار و 658 ملیۆن و 376 هەزار و 672 دیناربووە. ماڵپەڕی شەفافییەت، ئەوەشی خستۆتەڕوو، داهاتی ئەم هەفتەیەی سلێمانی، بڕی 10 ملیار و 744 ملیۆن و 819 هەزار و 90 دیناری بەشێوەی نەختینە بووە کە دەکاتە 85٪. دەشڵێت، ملیارێک و 520 ملیۆن و 917 هەزار و 200 دینار بەشێوەی چەک بووە. هەر بەپێی داتاکانی ماڵپەڕەکە، 392 ملیۆن و 639 هەزار و 570 دیناریش بەشێوەی مەقاسە بووە. جێگەی ئاماژەیە بە گوێرەی داتاکانی ماڵپەڕی شەفافییەت، داهاتی ئەم هەفتەیەی سلێمانی بەراورد بە هەفتەی ڕابردوو 13 ملیار و پێنج ملیۆن و 507 هەزار و 619 دینار کەمیکردوە، بەجۆرێک لە 27ی تەمووز تاوەکو 2ی ئاب داهاتی سلێمانی 25 ملیار و 663 ملیۆن و 884 هەزار و 291 دیناربووە.

هاوڵاتی هاتووچۆی هەڵەبجە شۆفێران له‌ دیارده‌یه‌ك ئاگادارده‌كاته‌وه‌ و ڕایدەگەیەنێت، سه‌رپێچیكاران تووندترین سزا ده‌درێن. ئەمڕۆ پێنجشەممە 8ی ئابی 2024، بەرێوەبەرایەتیی هاتووچۆی هەڵەبجە ڕایگەیاند، "هەندێ حاڵەت پەیدا بووە کە شوفێر تابلۆی دواوە لێ دەکەنەوە بۆ ئەوەی لە کامێرای تیژڕەویی تۆمار نەکرێن، هاوڵاتییانیش وێنەیان بۆمان دەگرن و ئێمەش رێوشوێنی یاسایی تووندیان لەبەرانبەر دەگرینەبەر".    راشیگه‌یاندووه‌، "هەر شوفێرێک بەو حاڵەتەوە بگیرێ، دەست بەسەر ئۆتۆمبێلەکەیدا دەگیرێ و سزایەکی دارایی تووند دەکرێت".    ئاماژە بەوەشدراوە، "خۆتان لەو جۆرە سەرپێچییە بەدوور بگرن، چونکە ئەگەر نەکەونە بەر چاوی ئەفسەر و کارمەندانی هاتووچۆ، هەزاران هاوڵاتیی بەرپرس و هاوکار هەن کە وێنە و ڤیدیۆتان دەگرن و بۆ هاتوچۆ رەوانەیان دەکەن".

هاوڵاتی   بەڕێوەبەرایەتیی كۆنتڕۆڵكردنی هێنان و دروستكردنی دەرمان و ئامێر و پێداویستیی پزیشكی لە بازاڕی دەرمانی چەند ناوچەیەك، دەستی بەسەر دەرمانێكی ساختەدا گرتووە.  بەڕێوەبەرایەتیی KMCA بەردەوام هۆشداریی دەداتە هاونیشتمانیان دەرمان لەڕێگەی ئۆنڵاین نەكڕن و لە بەدواداچوونی بەردەوام دایە بۆ نەهێشتنی دەرمانی بێ ستیكەر و دوور لە ڕێنماییەكان. بەڕێوەبەرایەتیی (KMCA) بڵاویكردەوە: تیمەكانی چاودێریی دەرمان لە بەڕێوەبەرایەتییەكەیان لە میانی سەردانە مەیدانییەكانیان بۆ شوێنە دەرمانسازییەكانی سەرجەم شار و شارۆچكەكانی كوردستان، دەستیان بەسەر دەرمانێكی ساختەدا گرتووە بە ناوی "Duphaston" بە سێ ژمارە باجی (364935, 361984, 368563). بەڕێوەبەرایەتییەكە داوا لە هەموو شوێنە دەرمانسازییەكان دەكات لە سەرجەم ناوچەكانی هەرێمی كوردستان كە مامەڵەی فەرمی بە كڕین و فرۆشتنی دەرمانەوە بكەن و خۆ بەدوور بگرن لە فرۆشتنی دەرمانی بێ ستیكەر، بەپێچەوانەوە بەتووندی سزادەدرێن.

هاوڵاتی لاهوور شێخ جەنگی، سەرۆكی لیستی بەرەی گەل وەك ئامادەكارییەك بۆ هەڵبژاردنی خولی شەشەمی پەرلەمانی كوردستان، سەردانەکانی لە ناوچەی هەولێر چڕتر کردووەتەوە  و بە تایبەت سەردانی دهۆكیشی کرد. لاهوور شێخ جەنگی، پلانی هەیە سەردانەكانی بەردەوام بێت بۆ ناوچە جیاوازەكانی دیكەی هەرێمی كوردستان، وەك خۆی  دەڵێت، "گۆڕانكاری لە بادینان و هەولێرەوە دەكرێت". لە ماوەی دوو هەفتەی ڕابردوودا، ناوبراو سەردانی هەولێری كرد و پێشوازی لە گەنجان و چین و توێژە جیاوازەكان كرد و ئەوانیش پشتیوانی خۆیان بۆ بەرەی گەل دووپاتكردەوە. هەر لە چوارچێوەی سەردانەكەیدا بۆ هەولێر سەرۆکی بەرەی گەل، بەشداری لە چەند پرسەیەكدا كرد. بەپێی وتەی بەرپرسانی بەرەی گەل، لە هەولێر پێشوازییەكی باش لە لاهوور شێخ جەنگی كراوە لە كاتی سەردانەكەیدا و ئەمەش سەرەتایەكی باشە بۆ بەرەی گەل، كە لە قۆناغی خۆناساندندایە.  پێشوازییەكی باشی لێكرا مامۆستا سابیر فەڕەنسی، ئەندامی سەرکردایەتی بەرەی گەل لە هەولێر بە هاوڵاتی ڕاگەیاند، "سەردانی لاهوور شێخ جەنگی بۆ هەولێر سەردانێکی ئاسایی بوو، لەلایەن جەماوەری بەرەی گەلەوە پێشوازییەکی باشی لێکرا". وتیشی:"لە سەردانەکەیدا سەرۆکی بەرەی گەل پێشوازی لە چین و توێژە جیاوازەکان کرد و دڵنیایی بە خەڵکدا کە بەرەی گەل بەشداری هەڵبژاردن دەکات و گۆڕانکاریی بەڕێوەیە". وەک مامۆستا سابیر فەڕەنسی باسی دەكات"هەولێر بەشێکی گرنگە لە هاوکێشەی سیاسی هەرێمی کوردستان و عێراق، بۆیە لاهوور شێخ جەنگی سەردانی هەولێری کرد، چونکە چەقی ململانێکان لە هەولێرەوە و گۆڕانکاریش لەوێوە دەکرێت". هەروەها لاهوور شێخ جەنگی پێی وایە "سیاسەت لە هەرێمی كوردستان دەبێت گشتگیر بێت و دەبێت مەركەزی سیاسەت لە هەولێر بێت كە پایتەختی هەرێمی كوردستانە". لە چوارچێوەی سەردانەكانیدا ڕۆژی سێشەممە 6ی ئابی 2024، سەرۆکی لیستی بەرەی گەل سەردانی پارێزگای دهۆكی كرد و پێشوازییەكی گەرمی لەلایەن پشتیوانیانی بەرەی گەلەوە لێكرا، هەر لەمیانەی سەردانەكەیدا بۆ هەولێر ڕایگەیاند: "لە 33 ساڵی ڕابردوودا بە ئەنقەست و بیروبۆچوونی حزبایەتی هەوڵدراوە تۆوی ڕق و كینە لەنێوان بادینانی داگیركراو و گەرمیانی ئەنفالكراودا بچێنرێت و هاتنی ئێمە بۆ ئێرە شكاندنی ئەو بەربەستەیە". "گۆڕانكاری لە بادینان و هەولێرەوە دەكرێت، ناكرێت ئێمە لە سلێمانی دانیشین چاوەڕوان بكەین خەڵك لە بادینانەوە گۆڕانكاریمان بۆ بكەن".  لە درێژەی قسەکانیدا، لاهوور شێخ جەنگی وتی: "بە بەرچاومانەوە داگیركەران نیوەی خاكی بادینانیان داگیركردووە و حیزبانی دەسەڵات بە پارتی و بە یەكێتییەوە، وشەیەكیان نەوتووە بەرانبەر بە داگیركارییەكانی توركیا". لە بەشێكی دیكەی وتەكانیدا باسی لەوەكرد، "دەبێت ستۆپێك بكرێت بەو هەموو نادادپەروەرییەی كە بەرانبەر میلـلەتەكەمان دەکرێت، ئێمە تێكدەر نین و خەمخۆری خاك و خەڵكین و بوون بە ئەندام لە بەرەی گەل كارێكی ئاسان نییە، چونكە ئەوانەی بەرەی گەل هەڵدەبژێرن خاك و خەڵكەكەی خۆیان خۆشدەوێت و دژی نادادپەروەری و داگیركاری دەوەستنەوە". لەبارەی سەردانەكەی سەرۆکی بەرەی گەلەوە بۆ پارێزگای دهۆك، زیكری زێباری؛ بەرپرسی بارەگای بەرەی گەل لە دهۆك بە هاوڵاتی وت "سەردانی لاهوور شێخ جەنگی بۆ بادینان سەردانێكی زۆر باشبووە و گرنگی خۆی هەبوو، چونكە یەكەمجارە سەردانی بادینان دەكات و وەك سەرۆکی لیستێکی ئۆپۆزسیۆن لە هەرێمی كوردستان و لە دهۆك كۆبوونەوەیەكی گەورەی جەماوەری لەو شێوەیە بكات". وەك زیكری زێباری ئاماژەی پێكرد "سەردانی لاهوور شێخ جەنگی ئامادەكاریی بوو بۆ هەڵبژاردنی خولی شەشەمی پەرلەمانی كوردستان و كۆبوونەوەیەكی فراوانی لەگەڵ كاندیدانی بازنەی دهۆك ئەنجامدا". بەپێی وتەی زیكری زێباری بێت "سەردانی سەرۆکی بەرەی گەل بۆ دهۆك بەردەوام دەبێت و جەماوەری بەرەی گەل لەو سنوورە زۆر بە باشی پێشوازیان لە لاهوور شێخ جەنگی كردووە، ئەمەش ئاماژەیە بۆ ئەوەی خەڵكی هەرێمی كوردستان چاوەڕێی گۆڕانكارییەكی ڕیشەیی دەكەن، وتیشی، "خەڵیكش پێیان وایە ئەو گۆڕانكارییە بە لاهوور شێخ جەنگی دەكرێت".  "لە شار و شارۆچكەكانی هەرێمی كوردستان زیاتر لە %73ی خەڵك بەشداری هەڵبژاردنی پێشووی پەرلەمانی كوردستانیان نەكردووە، ئەمەش ئەوە دەگەیەنێت خەڵك بێ ئومێد بووە لە دەسەڵات، بۆیە بەرەی گەل بووەتە ئومێدێك بۆ ئەو خەڵكە ناڕازییە لە هەرێمی كوردستان، ئەمەش وایكردووە پێشوازییەكی گەرم لە بەرەی گەل بكرێت و خەڵك هیوایەكی گەورەی بە لاهوور شێخ جەنگی هەبێت".  سەرۆكی هەرێمی كوردستان، ڕۆژی 20-10-2024، وادەی نوێی هەڵبژاردنی گشتیی بۆ خولی شەشەمی پەرلەمانی كوردستان دیاری كردووە، بەرەی گەل كە لاهوور شێخ جەنگی سەرۆكی لیستەكەیەتی، بەشداری هەڵبژاردن دەكات و ئامادەكارییەكانیشی دەستپێكردووە. پێشبینی چی دەكرێت؟ بەپێی بەدواداچوونەكانی هاوڵاتی، پێشبینی دەكرێت لیستی بەرەی گەل كە لاهوور شێخ جەنگی سەرۆكایەتی دەكات، لە سەرجەم شار و شارۆچكەكان دەنگێكی زۆر بەدەست بهێنێت و "سوپرایز" ی هەڵبژاردنی خولی شەشەمی پەرلەمانی كوردستان بێت.