ڕێباز حەملان: لە سێ مانگدا 20 ملیۆن بەرمیل نەوت ڕادەستی بەغدا کراوە

پۆلیسی بەریتانیا هەوڵەکانی ئێران بۆ کوشتن و رفاندن لە وڵاتەکەی ئاشکرا دەکات و کەناڵێکی تەلەڤیزیۆنی فارسیی بەهۆی هەڕەشەکانی سوپای پاسداران نوسینگەی سەرەکیی لە لەندەنەوە دەگوازێتەوە بۆ واشنتۆن. مەت جوکس، یاریدەدەری بەڕێوبەری پۆلیسی دژەتیرۆر لە بەریتانیا ئەمڕۆ شەممە رایگەیاند؛ هێزەکانی پۆلیس بە هاوکاریی دەزگای هەواڵگریی ناوخۆی وڵاتەکە 15 پلان و هەوڵی دەسەڵاتی کۆماری ئیسلامی ئێرانیان بۆ رفاندن و کوشتنی دانیشتوان و هاوڵاتییانی بەریتانیا پوچەڵ کردوەتەوە. دژە تیرۆری بەریتانیا رونی کردوەتەوە؛ کۆماری ئیسلامی ئێران لە ساڵی رابردودا زیاترین هەوڵی داوە بۆ کوشتن و رفاندنی ئەو کەسانەی ئامانجی بوە یان نەیاری دەسەڵاتی ئەو وڵاتەکە بون. پۆلیس ئاماژەی بەوە کردوە؛ ئەمساڵ هەوڵەکانی کۆماری ئیسلامی ئێران بەردەوام بوە و لە شاری لەندەن پۆلیس ناچار بوە هێزەکانی بۆ بەرگریی تەلەڤیزیۆنێکی فارسی زمان بخاتە ئەرکەوە و لە شوێنی نوسیگەی سەرەکیی جێگیر بکرێن. جوکس وتویەتی هەفتەی رابردو کەسێک دەستگیرکراوە کە سەر بە کۆماری ئیسلامی ئێران بوە و هەوڵی هێرشکردنە سەر نوسینگە و کارمەندانی ئەو تەلەڤیزیۆنەی داوە. لێدوانی ئەو بەرپرسەی پۆلیسی دژە تیرۆر لە کاتێکدایە ئەمڕۆ کەناڵی تەلەڤیزیۆنی فارسی (ئیران ئینتەرنەشناڵ) رایگەیاند؛ بەهۆی هەڕەشەکانی سەریان نوسینگەی سەرەکی و پەخشی کەناڵەکەیان لە لەندەنەوە بۆ واشنتۆن لە ئەمریکا گواستوەتەوە. بەرپرسانی سوپای پاسدارن و کۆماری ئیسلامی ئێران خاوەنداریی ئەو کەناڵە دەگەڕێننەوە بۆ سعودیە و چەندجارێک هەڕەشەی هێرشکردنە سەریان کردوە.    

هاوڵاتی کامالا هەریس جێگری سەرۆکی ئەمەریکا ئەمڕۆ هەینی لە وتارەکەیدا لە کۆنفرانسی ئاسایشی میونشن ڕایگەیاند کە ئەمەریکا بە فەرمی ئەوەی دەستنیشان کردوە کە ڕووسیا تاوانی دژ بە مرۆڤایەتی لە ئۆکرانیا ئەنجامداوە. جێگری سەرۆکی ئەمەریکا لە وتارەکەیدا لە میونشن کە لە سەروبەندی ساڵڕۆژی دەستدرێژی سەربازیی ڕووسیا بۆ سەر ئۆکرانیا پێشکەشکرا، بە ئاماژەدان بە ئەزموونی خۆی لە بواری پاڕێزەری و کارکردنی وەک داواکاری گشتی لە ویلایەتی کالیفۆرنیا، ڕایگەیاند ه "لە حاڵەتی کردەوەکانی ڕووسیا لە ئۆکرانیا بەڵگەکانمان پشکنیوە، ئێمە پێوەرە یاساییەکان دەزانین و گومانی تێدا نییە: ئەمانە تاوانی دژ بە مرۆڤایەتین". جێگری سەرۆکی ئەمەریکا ئەو کارانەی بە "بەربەری و نامرۆڤانە" ناوبرد و گوتی "ئەمەریکا بە فەرمی ئەوەی دەستنیشان کردوە کە ڕووسیا تاوانێکی دژ بە مرۆڤایەتی ئەنجامداوە". لە ساڵی ڕابردوودا ئەمەریکا و هاوپەیمانەکانی وێڕای پاڵپشتی و پێشکەشکردنی هاوکاری دارایی و سەربازی بۆ ئۆکرانیا، سزای توندیان بەسەر ڕووسیادا سەپاندووە. هاریس ئه‌وه‌شی خسته‌ڕوو، سەبارەت بە ناردنی چەک لەلایەن کۆریای باکوور و ئێرانەوە بۆ رووسیا و پتەوکردنی پەیوەندییەکانی نێوان مۆسکۆ و بەیژینگ، نیگەرانن و لە هاوکارییەکانیشیان بۆ ئۆکرانیا بەردەوام دەبن. جێگری سەرۆکی ئەمه‌ریکا هه‌روه‌ها گوتی: "نابێت بە هێز سنووری وڵاتان بگۆردرێت، دەبێت هەموو وڵاتان رێز لە سەروەری یاسا بگرن، ئێمە هەمیشە بەهێز بووین و دەبێت هەمیشە بە بەهێزی بمێنینەوە، بەڵام ئەگەر پوتن ئەم جەنگە ببباتەوە ئەوا دەبێتە سەرمەشق و نموونەیەک بۆ هەموو دەوڵەتە دیکتاتۆرەکانی دیکە و هاوشێوەی رووسیا مامەڵە دەکەن". لە کۆتایدا  ڕایگەیاند کە ناتۆ لە ئیستادا لە هەموو کاتێک بەهێزترە.  

ئەمریکا و وڵاتانی ئەوروپا لەسەر بەرنامە ئەتۆمییەکەی هۆشداریی دەدەنە ئێران و واشنتۆن جەخت لەوە دەکاتەوە کە تاران دەرفەتی گەڕانەوە بۆ رێککەوتنی ئەتۆمیی لەدەستداوە. نێد پرایس، وتەبێژی وەزارەتی دەرەوەی ئەمریکا، رایگەیاند؛ ئەمڕۆ شەممە لە پەراوێزی کۆنفڕانسی ئاسایشی میونخ لە ئەڵمانیا ئەنتۆنی بلینکن، وەزیری دەرەوەی وڵاتەکەی سەبارەت بە پرسی ئێران لەگەڵ وەزیرانی دەرەوی ئەڵمانیا و فەڕەنسا و بەریتانیا کۆبوەتەوە. بە وتەی پرایس، ئەمریکا، ئەڵمانیا، فەڕەنسا، بەریتانیا کە لە بەشداربوانی رێککەوتنی ئەتۆمیی ساڵی (2015)ن لە هەنگاوەکانی ئێران بۆ پەرەپێدانی بەرنامە ئەتۆمییەکەی و هاوکاری نەکردنی ئاژانسی نێودەوڵەتیی وزەی ئەتۆمیی نیگەرانن و دەیانەوێت ئەو وڵاتە ناچار بکەن بە پابەندبون بە یاسا و رێسا نێودەوڵەتییەکان. وەزیرانی دەرەوەی چوار وڵاتەکە لە کۆنفڕانسی ئاسایشی میونخ ئیدانەی دەسەڵاتی کۆماری ئیسلامی ئێرانیان کردوە بەهۆی ئەو توندوتیژیانەی بەرامبەر خەڵک و خۆپیشاندەران دەیکات و جەختیان لەوە کردەوە کە دژی هەوڵەکانی دەسەڵاتی ئەو وڵاتە بۆ ناسەقامگیریی ناوچەکە دەوەستنەوە. هاوکات جۆن کیربی، راوێژکاری ئاسایشی نیشتیمانیی ئەمریکا بە تەلەڤیزیۆنی (فڕانس 24)ی راگەیاندوە؛ شتێک نەماوە بە ناوی گەڕانەوە بۆ رێککەوتنی ئەتۆمیی چونکە دەسەڵاتی کۆماری ئیسلامی ئێران بە هەنگاوەکانی لە ناوخۆ و دەرەوەی وڵاتەکەی ئەو دەرفەتەی لەدەستدا. کیربی ئاماژەی بەوە کردوە کە ئێران زیاتر لە 100 فڕۆکەی بێفڕۆکەوانی رەوانەی روسیا کردوە کە لە جەنگ دژی ئۆکرانیا بەکاری هێناون و دەبێت تاران بەرپرسیارێتی ئەو کارانەی لە ئەستۆ بگرێت. ئەو بەرپرسە ئەمریکا جەختی لەوە کردەوە کە واشنتۆن لەگەڵ لەندەن و بەرلین و پاریس بڕیاریان داوە هەماهەنگیی زیاتر بکەن بۆ بەرەنگاربونەوەی ئێران و هەوڵەکانی بۆ تێکدانی سەقامگیریی لە ناوچەی رۆژهەڵاتی ناوەڕاست.  

هاوڵاتی بەڕێوەبەرایەتی هاتوچۆی پارێزگای سلێمانی ئەمڕۆ شەممە داوای لەهاوڵاتیان کرد، بەمەبەستی راییکردنی مامەڵەکانیان لە بەشی مۆڵەت سەردانیان نەکەن و رایگەیاند، بەهۆی کێشەی تەکنیکییەوە کارەکانمان ‎لە بەشی مۆڵەت ڕاگرتوە، لە رۆژانی داهاتو لەکاتی دەستپێکردنەوەی کارەکان هاوڵاتیان ئاگاداردەکەنەوە. هاتوچۆی پارێزگای سلێمانی لەڕاگەیەندراوێکدا بڵاویکردەوە، ‎بەشی مۆڵەت لە هاتوچۆی سلێمانی ئاگاداری هاوڵاتییان دەکات کە سبەینێ یەکشەممە سەردانیان نەکەن بەمەبەستی ڕاییکردنی مامەڵەکانیان. ئاماژەی بەوەشکردوە، "لە ئێستادا بەهۆی کێشەی تەکنیکییەوە کارەکانمان ڕاگرتوە ‎لەکاتی کردنەوەی بەشی مۆڵەت لە رۆژانی داهاتو و دوبارە راییکردنەوەی مامەڵەکانتان لە پەیج و ماڵپەڕی هاتوچۆی سلێمانی رایدەگەیەنین". هاتوچۆی پارێزگای سلێمانی ئەوەشیخستۆتەڕو، "‎ئەو هاوڵاتییانەی کە رۆژی پێنجشەممە نیوەی مامەڵەکانیان تەواو کراوە بەهەمانشێوە سبەینێ سەردانی بەشی مۆڵەت نەکەن تا ئاگادارکردنەوەی داهاتومان".   ‎دەقی ئاگادارکردنەوەکەی هاتوچۆی سلێمانی: ئاگادارییەک لە بەشی مۆڵەتی هاتووچۆی سلێمانی هاتووچۆی سلێمانی ‎بەشی مۆڵەت لە بەڕێوەبەرایەتی هاتووچۆی سلێمانی ئاگاداری هاوڵاتییان دەکات کە سبەینێ رۆژی یەک شەممە واتە ڕێکەوتی 19/02/2023 سەردان نەکەن بەمەبەستی ڕاییکردنی مامەڵەکانیان لەبەرئەوەی لە ئێستادا بەهۆی کێشەی تەکنیکییەوە کارەکانمان ڕاگرتووە ‎لەکاتی کردنەوەی بەشی مۆڵەت لە رۆژانی داهاتوو و دووبارە راییکردنەوەی مامەڵەکانتان لە پەیج و ماڵپەڕی هاتووچۆی سلێمانی رایدەگەیەنین. ‎هەروەها ئەو هاوڵاتییانەی کە رۆژی پێنج شەممە نیوەی مامەڵەکانیان تەواو کراوە بەهەمان شێوە سبەینێ سەردانی بەشی مۆڵەت نەکەن تا ئاگادارکردنەوەی داهاتوومان.

هاوڵاتی باسم عەوادی وتەبێژی حکومەتی عێراق ئەمڕۆ شەممە رایگەیاند، ئەوەی لەرۆژنامەی (الێباح) لەژێر ناوی (ئایا قەوارەی هەرێمی کوردستان هەڵدەوەشێتەوە) بڵاوکراوەتەوە بۆچونی کەسیەو بەهیچ شێوەیەک گوزارشت لە بۆچونی فەرمی حکومەت ناکات. باسم عەوادی وتەبێژی حکومەتی عێراق  لەڕونکردنەوەیەکدا بڵاویکردەوە، دوپاتیدەکەینەوە ئەوەی لە ڕۆژنامەی (الێباح)، لەژێر ناونیشانی (ئایا هەرێمی کوردستان هەڵدەوەشێتەوە؟)، لە لەرۆژی 18ی شوباتی 2023 بڵاوکراوەتەوە، بۆچونێکی کەسیە و بەهیچ شێوەیەک گوزارشت لە بۆچونی فەرمی حکومەت ناکات.  ئاماژەی بۆ ئەوەشكرد: مادەكانی دەستووری عێراق و ئەوەی كە عێراق دەوڵەتێكی فیدراڵییە و باقی ئەو پەرەگرافانەی كە شێوەی پەیوەندی نێوان حكومەتی فیدراڵی و هەرێمی كوردستانی ڕێكخستووە، یەكێكە لەگرنگترین دەستكەوتەكانی عێراقی نوێ كەحكومەت كاردەكات بۆ پتەوكردن و پشتیوانیكردن وەك حكومەتێكی شەرعی هەڵبژێردراو بەپێی دەستوور و پابەندە بە بەكارهێنانی و هەروەها هەموو یاسا بەركارەكانی عێراق. رۆژی شەممە 18-2-2023، رۆژنامەی سەباحی عێراقی کە رۆژنامەیەکی فەرمیی حکومەتی عێراقە باسی لە ئەنجامدانی راپرسییەک کرد لەبارەی بارودۆخی هەرێمی کوردستان بەبێ ئەوەی هیچ روونکردنەوەیەک لەبارەی راپرسییەکە و ژمارەی ئەو کەسانە بدات کە بەشدارییان تێداکردووە و دەڵێت: "بەهۆی ناکۆکییەکانی هەردوو حیزبی دەسەڵاتدار، لە راپرسییەکیدا کە سەنتەرێکی ئەکادیمی بۆ راپرسی و شیکردنەوە ئەنجامیداوە خەڵکی هەرێمی کوردستان بێ هیوابوونی خۆیان لە دەسەڵاتی سیاسی هەرێمی کورستان راگەیاندووە و خوازیاری گەڕانەوەن بۆ سەر بەغدا." لەبەرامبەریشدا فەرمانگەی میدیا و زانیاریی حکومەتی هەرێمی کوردستان وه‌ڵامی راپۆرته‌که‌ی ڕۆژنامەی "الێباح"ی عێراقی دایەوە و رایگەیاند، ئه‌و راپرسیه‌ی رۆژنامه‌که‌ پشتی پێبه‌ستوه‌ هیچ بنەمایەکی زانستی نییە و دورە لە ڕاستییەوە. ئەوەشیخستەڕو، "هەرێمی کوردستان، خاوەن قەوارەیەکی یاسایی و دەستورییە و بەرهەمی خوێنی هەزاران شەهید و خۆڕاگری پێشمەرگە قارەمانەکانە و هیچ دەسەڵاتێک تواناى هەڵوەشاندنەوەی هەرێمى کوردستانى نییە و بە نوسینی ڕۆژنامەیەکی مایەپوچ هەڵناوەشێتەوە".

هەسەدە رایگەیاند، لە دوو ئۆپراسیۆنی هێزەکانیاندا لە رۆژهەڵاتی دێرەزۆر، دوو ئەمیری داعش کوژراون. ناوەندی راگەیاندنی هێزەکانی سوریای دیموکراتی (هەسەدە)، لە راگەیەندراوێکدا ئاماژەی بەوەکرد، هێزەکانیان دوو ئۆپراسیۆنی تایبەتیان بە هاوکاری هاوپەیمانی نێودەوڵەتی دژی داعش، لەدژی شانە شاراوەکانی تیرۆریستانی داعش لە رۆژهەڵاتی دێرەزۆر ئەنجامداوە. هەسەدە ئاماژەی بەوەداوە، لە ئۆپراسیۆنی یەکەمدا کە هێزەکانی دژە تیرۆر (یات) بەشداریان کردووە، ئەمیرێکی داعش بە ناوی موهەنەد ئەلساری ئەلفەدخەم کوژراوە کە دەستی لە ژمارەیەک پلانی تیرۆرکردنی کەسایەتیەکانی باکور و رۆژهەڵاتی سوریادا هەبووە. دووەم ئۆپراسیۆنیش لە گوندی حەجینی رۆژهەڵاتی دێرەزۆر ئەنجامدراوە. لە ئۆپراسیۆنەکەدا، شەڕڤانانی هەسەدە و هێزەکانی هاوپەیمانان بەشداریان کردووە و ئەمیرێکی دیکەی داعش بە ناوی حەمزە ئەلحومسی، خۆی تەقاندووتەوە و چوار سەربازی هاوپەیمانان بریندار بوون. هەسەدە ئاشکرای کرد کە لە ئۆپراسیۆنەکاندا دەست بەسەر ژمارەیەک چەک و تەقەمەنیشدا گیراوە.

بومەلەرزەکەی 6ی شوبات کە ناوەندەکەی باکوری کوردستان بوو، کاریگەری لەسەر هەرێمی فوراتی رۆژئاوای کوردستانیش داناوە. پاڵاوگەی ئاوای کۆبانێ کە ئاوی 18 گوند دابین دەکات درزی بردووە و بەشێکی لەکار کەوتووە. دوای لێکۆلینەوەکان کە لەلایەن تیمەکانی سەر بە خۆبەڕێوەبەری باکور و رۆژهەڵاتی سوریاوە ئەنجامداوە، دەرکەوت، پاڵاوگەی ئاوی کۆبانێ زیانی بەرکەوتووە و ناتوانێت وەک جاران ئاوی خواردنەوە بۆ ماڵان دابین بکات. مەسعود بۆزی هاوسەرۆکی بەڕێوەبەرایەتی ئاوی هەرێمی فورات بۆ ئاژانسی هاوارنیوز رایگەیاند، پاڵاوگەکە ئاوی 18 گوندی کۆبانێ دابین دەکات، لەو گوندانە 50 هەزار کەس دەژین و ئەمەش کارەساتێکی مرۆیی لێدەکەوێتەوە. بۆزی وتیشی، پاڵاوگەکە زۆر کۆنە و پێویستە بە زوترین کات نۆژەن بکرێتەوە یان پاڵاوگەیەکی نوێ دروست بکرێت. هاوسەرۆکی بەڕێوەبەرایەتی ئاوی هەرێمی فورا دەشڵێت، جگە لەوە بومەلەرزەکە زیانی بە تۆڕەکانی ئاویش گەیاندووە و تاوەکو خۆبەڕێوەبەرێتیەکە بودجەی تایبەت دابین دەکات، ئەوان بە بودجەی خۆیان هەوڵی چارەسەری کاتی دەدەن. شاری کۆبانێ هاوسنورە لەگەڵ شارۆچکەی پرسوسی سەر بە پارێزگای روحای باکوری کوردستان. بومەلەرزەکەی ٦ی شوبات کە ناوەندەکەی پارێزگای مەرەشی باکوری کوردستان بوو، کاریگەریەکی لەسەر شارەکە دروست کرد، بەڵام جگە لە چەند بریندارێک، زیانی گیانی لێنەکەوتەوە. لە کۆبانێ جگە لە پاڵاوگەی ئاوەکە، زیان بە ١٣ قۆتابخانەی گەیشتووە و پرۆسەی خوێندن لەو قۆتانخانانە راگیراون.

دەمیرتاش داوای دەستلەکارکێشانەوەی ئەردۆغان و دورکەوتنەوەی لە سیاسەت دەکات و دەڵێت: ئەوە بۆ ئەو، باشترین کۆتایی سیاسییە. سەڵاحەدین دەمیرتاش لە تویتەر، ئامۆژگاریی بولنت ئارینج، یەکێک لە دامەزرێنەران پارتی داد و گەشەپێدان(ئاکەپە)و سەرۆکی پێشوتری پەرلەمانی تورکیا دەکات و دەڵێت: ئەردۆغان تا ئێستا گوێت لێدەگرێت، بۆیە داوای لێبکە دەست لە پۆستی سەرۆک کۆمار بکێشێتەوە و دەست لە سیاسەت هەڵگرێ. دەمیرتاش ئاماژەی بەوە کردوە کە دەستلەکارکێشانەوە، گونجاوترین کۆتایی کاری سیاسیی ئەردۆغانە و باشترە لەوەی بەشداریی هەڵبژاردنەکان بکات و شکست بێنێت. ئەو لە کۆتایی پەیامەکەی لە تویتەر نوسویویەتی: بە دەیان هەزار کەس لە بومەلەرزەکەدا، گیانیان لەدەستداوە و سەدان هەزار کەس ماڵ و حاڵی خۆیان لەدەستداوە و چی هەیە لەوە زیاتر کە ئەردۆغان دەست لەکاربکێشێتەوە. پەیامەکەی دەمیرتاش لە کاتێکدایە، پێشتر ئارینج داوای دواخستنی هەڵبژاردنەکانی تورکیا کردبو بەهۆی روداونی بومەلەزەکەی باکوری کوردستان و ئەو وڵاتە، بەڵام ئۆپۆزسیۆن ئەو داوایە رەت کردوەتەوە و رایگەیاند: ئەو هەنگاوە هەوڵێکە بۆ درێژکردنەوەی تەمەنی دەسەڵاتی ئەردۆغان.  

کەشناسیی هەرێمی کوردستان، کەشى پێشبینیکراوىشارەکانى هەرێمى کوردستانى بڵاوکردەوەو بەگوێرەى پێشبینیەکان ئەمرۆ سبەینێ ئاسمان ساماڵ دەبێت لەگەڵ پەیدابوونی هەندێک پەڵە هەور لە ناوچە شاخاویەکان، هەروەها پلەکانى گەۆماش بەمشێوەیەى لاى خوارەوە دەبێت. بەپێی ڕاگەیاندراوەکە کەش و هەوای ئەمڕۆ  18ی2 ئاسمان ساماڵ دەبێت لەگەڵ پەیدابوونی هەندێک پەڵە هەورلە ناوچە شاخاویەکان. پلەکانی گەرما نزیک دەبێتەوە لە تۆمارکراوی رۆژی پێشوو.  خێراى با / 5 – 15  کم/س.  ئاراستەی با / باکورى خۆرئاوا مەوداى بینین / 8 - 10 کم  پلەکانی گەرما / لەسەر نەخشەدا ئاماژەیان پێدراوە . کەشناسی کەشوهەوای سبەی 19ی2 بەم شێوە ڕاگەیاند ئاسمان ساماڵ دەبێت لەگەڵ پەیدابوونی هەندێک پەڵە هەورلە ناوچە شاخاویەکان. پلەکانی گەرما / بەرز دەبێت بە (1-2) پلەی سیلیزی بە بەراورد لە تۆمارکراوی رۆژی پێشوو. خێراى با / 5 – 15  کم/س.  ئاراستەی با / باکورى خۆرئاوا مەوداى بینین / 8 - 10 کم  کەشناسی لە کۆتایدا بەرزترین پلەکانی گەرمای پێشبینیکراو بە پلەی سیلیزی بەم شێوە بڵاوکردۆتەوه : هەولێر : 13  سلێمانی : 12 دهۆک : 12  کەرکوک : 15 هەڵەبجە : 13 زاخۆ : 13 سۆران : 10 گەرمیان : 18

بەسەدان ئاوارەی سوری کە لە تورکیا دەژین، دوای بومەلەرزەکەی ٦ی شوبات، تورکیایان جێهێشتووە و چوونەتەوە سوریا. جەیمز گریگوری رۆژنامەنووس بی بی سی لە راپۆرتێکدا ئاماژەی بەوەکرد، حکومەتی تورکیا رێگەی بە ئاوارە سوریەکان داوە کە دوای بومەلەرزەکە تورکیا جێبهێڵن و بگەڕێنەوە سەر زێدی خۆیان. ئەو رۆژنامەنووسە، لەو شارانەی کە بومەلەرزەکە زیانێکی زۆری پێگەیاندوون، چاوی بە ژمارەیەک ئاوارەی سوریا کەوتووە و دەڵێت، " ئاوارە سوریەکان ئاماژەیان بەوەکردووە کە دوای بومەلەرزەکە رێژەی توندوتیژی لەبەرامبەریان زیادی کردووە." ئاوارەیەک بە جەیمز گریگوری راگەیاندووە، دوای بومەلەرزەکە هیچ شوێنێک نییە کە تێیدا بژین، چەندین جار هەوڵیانداوە، پەناگەیەک بدۆزنەوە، بەڵام هاوڵاتیانی تورکیا لە هەموو شوێنێک دەریان دەکەن و پێیان دەڵێن، پێویستە وڵاتەکەمان جێبهێڵن. ئاژانسی فرانس پرێسیش لەبارەی ئەم پرسەوە لێدوانی ژمارەیەک ئاوارەی سوریای وەرگرتووە. ئاژانسە باسی ئەوە دەکات کە ئاوارە سوریەکان دوای بومەلەرزەکە جارێکی دیکە ئاوارە بوونەتەوە و لە مزگەوتەکانیشدا جێگەیان نابێتەوە. بۆیە هەوڵ دەدەن هەرچۆنێک بێت، بگەڕێنەوە سوریا. بەگوێرەی دوایین ئامار، لە سوریا نزیکەی پێنج هەزار و ٨٠٠ کەس لە بومەلەرزەکەدا گیانیان لەدەستداوە، بەڵام لە تورکیاش پێشبینی دەکرێت هەزار و ٥٠٠ ئاوارەی سوریا لەنێو ئەو کەسانەدا بن، کە لە باکوری کوردستان و سوریا گیانیان لەدەستداوە.

‎ ‎نرخی دۆلار بەرامبەر دینار 152,000 ‎نرخی ئێرۆ بەرامبەر دینار 162,000=€100 ‎نرخی پاوەن بەرامبەر دینار 181,000=£100 ‎نرخی كرۆنی دانیماركی بەرامبەر دینار 1000=206,000 ‎نرخی كرۆنی سوید بەرامبەر دینار 1000=144,000 ‎نرخی كرۆنی نەرویجی بەرامبەر دینار 1000=144,000 ‎نرخی تمەن بەرامبەر دۆلار $100=4,780,000 ‎نرخی ئێرۆ بەرامبەر دۆلار €100=107$ ‎نرخی پاوەن بەرامبەر دۆلار  £100=119$ ‎نرخی لیرەی تورکی بەرامبەر دۆلار 1890=100$ ‎نرخی كرۆنی دانیماركی بەرامبەر دۆلار 1000=136$ ‎نرخی کرۆنی سویدی بەرامبەر دۆلار  1000=93$ ‎نرخی كرۆنی نەرویجی بەرامبەر دۆلار 1000=95$ ‎

محەمەد شیاع سودانی ، سەرۆک وەزیرانی عێرق جەخت لە گرنگی پشتیوانی یەکێتی ئەوروپا بۆ هەوڵەکانی حکومەت بۆ بەرەنگاربوونەوەی گەندەڵی و وەرگرتنەوەی کەسانی داواکراو و پارە دزراوەکان دەکاتەوه.   لە ڕاگەیەندراوێکی نووسینگەی ڕاگەیاندنی سەرۆک وەزیرانی عێراق، هاتووە "سەرۆک وەزیران لە شوێنی نیشتەجێبوونی خۆی له موینشینی ئەڵمانیا، لەگەڵ سەرۆکی کۆمیسیۆنی ئەوروپا، ئورسال فۆندرەلێن، لە پەراوێزی بەشداریکردنی 59مین کۆنفرانسی ئاسایشی میونشن لە  کۆبووە، لە میانی کۆبوونەوەکەدا، پێداچوونەوەیان بە پەیوەندییەکانی نێوان عێراق و هەموو وڵاتانی یەکێتی ئەوروپادا کرد.  سودانی دووپاتی کردەوە، " لەویستی عێراق بۆ دامەزراندنی هاوبەشی گەشەپێدان و پێشکەوتوو لەگەڵ وڵاتانی یەکێتی لە بوارە جیاجیاکاندا"، ئاماژەی بەوەدا کە "کۆبوونەوەکانی لەگەڵ سەرکردەکانی ئەڵمانیا و فەرەنسا و ئیتاڵیا لەسەر ڕێگای هاریکاری ئابووری، و بنیاتنانی پەیوەندییەکانی هاوکاری بۆ ڕووبەڕووبوونەوەی ئاستەنگە ئابوورییەکان و کاریگەرییەکانی گۆڕانی کەشوهەوا و بنیاتنانی سەقامگیری کاریگەربون".   ناوبراو ئاماژەی بە "ڕێککەوتنی چوارچێوەی نێوان وەزارەتی دارایی و بانکی وەبەرهێنانی ئەوروپا و کرانەوە بەڕووی وەبەرهێنانی کۆمپانیا ئەوروپییەکان و بەشداریکردنیان لە کەرتی خزمەتگوزاری لە عێراق" کرد، جەختیشیکردەوە "لە گرنگی یەکێتی ئەوروپا بۆ پاڵپشتیکردنی هەوڵەکانی حکومەت بۆ بەرەنگاربوونەوە". گەندەڵی و وەرگرتنەوەی کەسانی داواکراو و پارە دزراوەکان”.  لای خۆیەوە ڤۆندرالن "پشتیوانی خۆی بۆ سەرۆک وەزیران و بڕیارە چاکسازییەکانی دەربڕی، هەروەها ئامادەیی هەموو وڵاتانی یەکێتی ئەوروپا بۆ هاوکاری و ئاڵوگۆڕکردن لەگەڵ عێراق".   ئاماژەی بە "جددی وڵاتانی ئەوروپا کرد لە دۆزینەوەی هاوبەشی ڕاستەقینە لە بوارەکانی وزە و وزەی نوێبووەوە".

ئیسرائیل رایگەیاند؛ ئیران دەیەوێت چەک بە 50 وڵات بفرۆشێت و لەگەڵ سەرجەم ئەو وڵاتانە لە دانوستاندایە، پێگەیەکی ئەمریکی ئاشکرای دەکات تەلئەبیب هەوڵی توندوتۆڵکردنەوە پەیوەندییەکانی لەگەڵ ریاز دەدات دژی کۆماری ئیسلامی. یوئاڤ گاڵانت، وەزیری بەرگریی ئیسرائیل لە کۆنفڕانسی ئاسایشیی میونخ  رایگەیاند؛ ئێران سەرقاڵی ئەوەیە چەک و موشەک بە 50 وڵات بفرۆشێت و داوای لە کۆمەڵگەی نێودەوڵەتیش کرد رێگریی لە هەنگاوەکانی ئەو وڵاتە بۆ فرۆشتنی چەک بکەن. گاڵانت وتویەتی: ئێران دەیەوێت فڕۆکەی بێفڕۆکەوان و موشەک بەو وڵاتانە بفڕۆشێت و تا ئێستا لەگەڵ بیلاڕوس و ڤەنزوێلا رێککەوتوە. بە وتەی گاڵانت ئێران، بەرنامە ئەتۆمییەکەشی مایە مەترسییەوە و بە فرۆشتنی موشەک و کەرەستەی سەربازیی دەبێتە هۆی ناسەقامگیریی لە رۆژهەڵاتی ناوەڕاست و جیهان. وەزیری بەرگری ئێسرائیل داوای کردوە جێگرەوەیەک بۆ رێککەوتنی ئەتۆمیی نێوان ئێران و وڵاتانی 5+1 پێکبهێنرێت بۆ ئەوەی دەسەڵاتی تاران نەتوانێت بەرنامەی ئەتۆمیی و موشەکی و سەربازییەکانی پەرەپێبدات. لە لایەکی دیکەوە ئاژانسی هەواڵی بلۆمبێرگ بڵاوی کردەوە؛ ئیسرائیل دژی ئێران دەیەوێت پەیوەندییە سەربازیی و هەواڵگرییەکانی لەگەڵ سعودیە زیاد بکات. ئاژانسەکە ئاشکرای کردوە؛ رۆژی هەینی (17/2/2023) لە پەراوێزی کۆبونەوەی هێزەکانی ئەمریکا و ئەنجومەنی وڵاتانی هاریکاریی کەنداو لە ریاز، بەرپرسانی ئیسرائیل و سعودیە کۆبونەتەوە و پرسی ئێران سەرەکیترین بابەتی کۆبونەوەکەیان بوە. بە پیێ زانیارییەکانی بلۆمبێرگ، بڕیارە بەرپرسانی سعودیە و ئیسرائیل لە پراگ پایتەختی وڵاتی چیک کۆببنەوە بۆ توندوتۆڵکردنی پەیوەندییە سەربازیی و هەواڵگرییەکانیان بە مەبەستی رێگریی لە هەنگاوەکانی ئێران لە ناوچەکە و رۆژهەڵاتی ناوەڕاست.    

هاوڵاتی لەگەڵ سەرهەڵدانی ناڕەزایەتییەكان سەرەڕای هەموو قەیرانەكان دەسەڵاتی ئێران رووبەڕووی زۆری ژمارەی زیندانیان و كورتهێنانی بودجەی زیندانەكان بووەوەو ئەو وڵاتە كەخاوەنی پلەو ریزبەندی جیهانییە لە رووی ژمارەی زیندانیانەوە دەیەوێت بەتیرێك دوو نیشان بپێكێت و بەناوی لێبوردنی گشتییەوە خۆی لەقەیرانی زیندان دەرباز بكات. لەساڵانی رابردووشدا ئێران بەدەركردنی لێبوردنی گشتیی نزیكەی 20 بۆ 35 هەزار زیندانیی ئازاد دەكرد كەتاوانێكی ئەوتۆیان لەسەر نەبوو یان بەشێكی زۆری سزاكەیان تێپەڕاندبوو، بەڵام ئەمساڵ لەهەنگاوێكی سەرنجڕاكێشدا لێبوردنێكی بەرفراوانتری بەقەبارەی سێ هێندەی ساڵانی رابردوو دەركرا. دەسەڵاتی ئێران دەیەوێت بەئازادكردنی نزیكەی 100 هەزار كەس بەلێبوردنی گەشتی لەلایەن رابەری كۆماری ئیسلامی لەلایەك تێچووی زیندانەكانی و لەلایەكیش ژمارەی بەندكراوەكانی كەمبكاتەوەو زیاتر لە 39 هەزار دەستگیركراوی ناڕەزایەتییەكان منەتبار بكات كە تائێستا زۆربەی ئەو چالاكوانانەی كەئازادكراون خۆیان نەخستووەتە ژێر باری ئەو منەتەو رایانگەیاندووە بەهیچ شێوەیەك داوایان نەكردووە كەلێبوردن بیانگرێتەوەو نموونەی ئەوە زارا محەمەدی، مامۆستای زیندانیكراوی كورد بوو كەئێوارەی هەینی (10/3/2023) ئازاد كرا. كوردو زیندان پێگەی تایبەت بەبەرگریی لەزیندانیكراوان لەئێران (united4iran.org) ئاشكرای كردووە؛ بەپێی ئەوەی 60% خەڵكی ئێران بەزمانی فارسی قسە دەكەن و بەڕەچەڵەك بەفارس ئەژمار دەكرێن، دەبێت بەپێوەرە كۆمەڵایەتی و مرۆییەكان 60% رێژەی كەسانی زیندانیكراون لەو وڵاتە لەڕەچەڵەكی فارس بن بەڵام لەئامارەكاندا دەردەكەوێت كەدوای رەچەڵەكی توركمان، فارسەكان كەمترین كەسیان لەزیندانەكاندایەو لەبەرامبەردا زۆرترین ژمارەی زیندانی كورد بەتۆمەتی جیاوازیی ئایینی و سیاسیی لەزیندانەكانی ئێراندان. ئەو پێگەیە روونیكردووەتەوە كورد لە ریزبەندی یەكەمی زیندانیكراوانی ئێراندا كەزۆرترین كەسی بەتۆمەتی سیاسی و ئایینی لەزیندانەكانی ئەو وڵاتەدان و دوای ئەوەشی فارس لەپلەی دووەمی تۆمەتی سیاسی و عەرەب لەپلەی سێیەم و بلوچ لەپلەی چوارەمی زیاترین زیندانیانی سیاسیی ئێراندا دێن. كۆماری ئیسلامی ئێران بەبیانووی جێبەجێكردنی یاساو شەرعی ئیسلامی یەكێكە لەو وڵاتانەی زیاترین سزای زیندانی بەسەر نەیاران و هاووڵاتیانی سەرپێچیكاری خۆیدا دەسەپێنێت و ئەمەش ئەو وڵاتەی كردووەتە هەشتەمین بۆ دەیەمین زیندانی گەورەی جیهان و چوارەم زیندانی گەورەی وڵاتانی ئیسلامی. كۆمارێك لەزیندانی ئامارە فەرمییەكانی ئێران دەریدەخەن كەساڵانە نزیكەی 650 هەزار كەس سزای زیندانیان بەسەردا دەسەپێنرێت و بەوەش لە 44 ساڵی تەمەنی دەسەڵاتی كۆماری ئیسلامی بەسەر ئێراندا نزیكەی 29 ملیۆن كەس لەكۆی 85 ملیۆن هاوڵاتی بەتۆمەتی جیاوزا لانیكەم بۆ جارێكیش بێت زیندانیی كراون. بەپێی زایارییەكانی پێگەی ئەلیكترۆنی ناوەندی نێودەوڵەتی زیندانیانی جیهان (prisonstudies.org) لەساڵی 1980 واتە تەنها یەك ساڵ دوای بەدەسەڵات گەیشتنی كۆماری ئیسلامی لەئێران ژمارەی زیندانیكراوانی وڵاتەكە 10هەزار كەس بووە كەدوای 13ساڵ ئەو ژمارەیە بۆ زیاتر لە 101هەزار زیندانیی بەرز بووەتەوەو لەساڵی 2001 گەیشتووەتە 158 هەزار و لەساڵی 2018 بۆ زیاتر لە 240 هەزار زیندانیی بەرزبووەتەوە، بۆیە ئێران لەساڵی 2018 دەبێتە هەشتەم وڵات  لەجیهان  كەزیاترین زیندانیكراوی هەیە. ئێران هەفتەیەكە بانگەشەی لێبوردنێكی گەشتی دەكات كە بەپێی لێبوردنەكە نزیكەی 100 هەزار زیندانی و دەستگیركراوی ئەو وڵاتە ئازاد دەكرێن و لەئامارە نافەرمییەكانیش دەركەوتووە لەماوەی نزیكەی پێنج مانگی ناڕەزیەتییەكاندا زیاتر لە 30 هەزار كەس دەستگیرکراون و ژمارەی زیندانیانی ئەو وڵاتەش بۆ زیاتر لە 200 هەزار كەس بەرزبووەتەوە لەكاتێكدا بڕیاربووە تەنها 20 هەزار كەس لەزیندانەكانی ئێراندا هەبێت. شەوی هەینی لەچوارچێوەی لێبوردنە گشتییەكەی ئێران ژمارەیەك چالاكوان ئازادكران بەبێ ئەوەی پێشتر خۆیان یان پارێزەرەكانیان ئاگاداركرابێتنەوە و تەنانەت هەندێك لەو زیندانیانە ئەو لێبوردەنەیان رەتكردووەتەوە كە لەلایەن عەلی خامنەیی، رابەری كۆماری ئیسلامی ئێران راگەیەنراوە.   گەورەترین لێبوردن لەمێژووی ئێران یاسای ژمارە 110ی دەستوری ئێران بەپێی بەندی 11 ئاماژە بەوەكراوە كەتەنها یەك كەس بەڕاوێژ لەگەڵ سەرۆكی دەزگای دادی وڵاتەكە دەتوانێت لێخوشبوون یان لێبوردنی گشتی بۆ تاوانبارو زیندانیان دەربكات كەئەویش عەلی خامنەیی رابەری كۆماری ئیسلامییە. خامنەیی ئەمساڵیش هاوشێوەی ساڵانی رابردوو بەبۆنەی دامەزراندنی كۆماری ئیسلامی لێبوردنێكی گشتیی دەكرد كە بەو جیاوازییەی كەزیاترین زیندانیی بەراورد بەفەرمانەكانی پێشووی بەر ئەو لێبوردنە دەكەون كەژمارەیان دەگاتە 100 هەزار كەس. سەرچاوەكانی ناوخۆی ئێران بڵاویانكردووەتەوە لێبوردنە گشتییەكەی ئەمجارە بڕیارە 100 هەزار زیندانیی بگرێتەوە كە لانیكەم 39 هەزار زیندانییان لەدەستگیركراوانی ناڕەزایەتییەكانی رۆژهەڵاتی كوردستان و ناوچەكانی تری ئێرانە لەدوای مەرگی ژینا ئەمینی. خامنەیی لەساڵی 2019 بەهۆی یادی 40 ساڵەی دامەزراندنی كۆماری ئیسلامی ئێران  لێبوردنێكی گشتیی دەركرد كە 94 هەزار زیندانیی دەگرتەوەو نزیكەی 61 هەزار زیندانیی ئازادكران، بەڵام لەساڵی 2020 و لەهەماندا یاددا لێخۆشبوونی بۆ سێ هەزار و 840 زیندانیی وڵاتەكەی دەركردووە كە لێخۆشبوونەكە ئازادكردن و سوككرنی سزای ئەو ژمارە زیندانیەی لەخۆگرتووە، بۆیە فەرمانی ئەم دواییەی بەبۆنەی 44 ساڵی دامەزراندنی كۆماری ئیسلامی بەراورد بەسەرجەم لێبوردنەكانی دیكە زیاترین زیندانیی دەگرێتەوە، بەڵام بەپێی مەرجەكان بێت كەمترین ژمارەی دەستگیركراوانی ناڕەزایەتییەكان دەگرێتەوە. مەرجەكانی ئەو لێبوردنە گشتییە ئەوەیە كەنابێت هیچ دەستگیركراوێك تۆمەتی سیخوڕی لەسەر بووبێت و تۆمەتبار كرابێت بە پەیوەندیی راستەوخۆ لەگەڵ دەزگا هەواڵگرییە بیانیەكان و هاوكات تۆمەتی كوشتن و برینداركردنی لەسەر نەبێت و هەروەها ئەو دەستگیركراوانە نابێت هیچ جۆرە سكاڵایەكیان لەسەر تۆمار كرابێت و دەستیان نەبووبێت لەكردنەوەی ئاگرو دروستكردنی بەربەست لەشەقام و شوێنە گشتییەكان و هێرشیان نەكردبێتە سەر دامودەزگا حكومییەكان.   قەیران و بودجەی زیندانیان ناوەندی سیستمی زیندانەكان لەجیهان(World Prison Brief) بڵاویكردووەتەوە؛ ئێران خاوەنی 189 هەزار زیندانییەو بەوەش دەبێتە دەیەمین وڵاتی جیهان كەزیاترین زیندانیی هەیە لەكاتێكدا ناوەندی زیندانەكانی وڵاتەكە رایگەیاندووە ژمارەی زیندانییانی ئێران زیاتر لە 240 هەزار كەسە. ئاشكرابووە هەر زیندانییەك مانگانە لانیكەم 222 دۆلاری پێویستەو بەهۆی ئەوەی لەم دواییانەشدا زیاترین بەشداربووی ناڕەزایەتییەكان دەستگیركراون و دەبێت رەوانەی زیندانەكان بكرێن، خەرجییەكانی حكومەت بەرزدەكەنەوە. بودجەی ئەمساڵی زیندانەكانی ئێران بە 198 ملیۆن دۆلار دیارییكراوەو لەبەراوردەكاندا دەركەوتووە ئەگەر ئەو ژمارە زۆرە لەزیندانەكاندا بمێننەوە لانیكەم پێویستیان بە 79 ملیۆن دۆلاری دیكەیە. لێبوردنە گەشتییەكەی خامنەیی كە بۆ یادی 44 ساڵەی دامەزراندنی كۆماری ئیسلامی ئێران بووە دوو ئامانج دەپێكێت كە لەلایەك زیندانەكانی ئێران لەو قەرەباڵغی و لەكورتهێنانی بودجە رزگار دەكات و لەلایەكی دیكەشەوە دەسەڵاتی وڵاتەكەی بەلێبوردەو خۆگونجێن پیشاندەدات كە تائێستا پێچەوانەی ئەوە دەركەوتووە.   جێ‌ لەزیندانەكاندا نەماوە بەپێی ئامارە رەسمییەكان بۆ هەر 100 هەزار كەس لەدانیشتوانی ئێران بەرۆژهەڵاتی كوردستانیشەوە نزیكەی 290 كەس زیندانیی دەكرێن و لەهەر ساڵێكدا نزیكەی 650 هەزار كەس لەدانیشتوانی ئێران بۆ ماوەی تەنانەت 24 كاتژمێریش بێت، زیندانیی دەكرێن لەكاتێكدا توانای لەخۆگرتنی زیندانەكانی ئێران 88 هەزار كەسە. بەهۆی ئەوە ژمارەو سزای زیندانیكردن لەئێران زۆرە پێدەچێت هەر هاووڵاتییەك تاكۆتایی ژیانی لەو وڵاتە بەلانی كەمەوە 24 كاتژمێر زیندانیكردنی بەربكەوێت. ئێران خاوەنی 268 زیندانی ئاشكرایە لە 31 پارێزگا كە 108 زیندانیان لەلایەن دەزگای دادی وڵاتەكەوە سەرپەرشتیی دەكرێن و سوپای پاسدارن 29 زیندانی هەیە و وەزارەتی هەواڵگریی ئێران (ئیتلاعات) نزیكەی 51 زیندانی هەیە، بۆیە هەر كەسێك رێی بكەوێتە زیندانەكانی سوپای پاسداران و ئیتلاعات رەنگە بەتەواوەتیی بێسەروشوێن ببێت چونكە هیچ زانیارییەكی فەرمیی لەسەر بڵاوناكرێتەوە. زیندانەكانی قەرچەك، فەشافویە، عادل ئاباد، ئێوین، وەكیل ئاباد، ورمێ بەمەترسیدارترین و گەورەترین زیندانەكانی ئێران و رۆژهەڵاتی كوردستان لەقەڵەمدەدەرێن كەسەرجەمیان لەلایەن ئەمریكاوە سزایان بەسەردا سەپێنراوە. رێكخراوەكانی مافی مرۆڤی رۆژهەڵاتی كوردستان ئاشكرایانكردووە تەنها لەو بەشەی كوردستان نزیكەی حەوت هەزار كەس لەناڕەزایەتییەكاندا دەستگیركراون و دوور نییە بەو لێبوردنە سزای زۆرینەیان كەم ببێتەوەو ژمارەیەكیشیان ئازادبكرێن، بەڵام ئەوەش ناتوانێت ناڕەزایەتییەكانی رۆژهەڵات راگرێت بەتایبەت كەجگە لەو زیندانیانە 130 كەس كوژراون.

هاوڵاتی بەرپرسانی  بولگاریا ڕۆژی هەینی ڕایانگەیاند 18 کۆچبەریان بە مردوویی لە بارهەڵگرێکی چۆڵکراودا دۆزیوەتەوە کە کۆچبەری نایاسای گواستۆتەوە. وەزارەتی ناوخۆی بولگاریا ڕایگەیاند دەستیان بەسەر بارهەڵگرێکدا گرتووە کە 40پەنابەری نایاسای گواستۆتەوە کە لە ژێر دارێکدا خۆیان شاردۆتەوە و 18یان گیانیان لەدەستداوە. هاوکات بە یەکێک لە لە کوشندەترین ڕووداوەکانی قاچاخچێتی بە مرۆڤەوە تا ئێستا لەو وڵاتەدا ناوبرا. ئەم ڕوداوە لە کاتێکدایە ئەو وڵاتە ڕێوشوێنێکی توندی گرتۆتە بەر بۆ وەستاندنی کۆچی نایاسای و بەزاندنی سنورەکانی بە شێوەیەک  بە درێژایی 234 کیلۆمەتر سیاجی تەلی داناوە کە نزیکەی هەموو سنوورەکەی لەگەڵ تورکیا دەکات . دوای ئاگادارکردنەوەی هێزەکانی ناوخۆ، بارهەڵگرەکەیان لە نزیک گوندی لۆکۆرسکۆ دۆزییەوە کە 20 کیلۆمەتر (12 میل) باکووری ڕۆژهەڵاتی سۆفیای پایتەختی بولگاریا بووە. سەبارەت بە هۆکاری مردنیان ئەسین مێدجیڤ وەزیری تەندروستی بەڕۆژنامەنووسانی وت: "ناتوانم بە دڵنیای بڵێم کە چیڕویداوە بەڵام ڕێژەی ئۆکسجین لەناو بارهەڵگرەکەدا کەمبووە و شوێنەکەیان سارد بووە هاوکات تەڕ بوون و دڵنیاشم چەند ڕۆژێکە نانیان نەخواردووە" . هەربۆیە هۆکاری مردنی کۆچبەرەکان تائێستا نادیارە و بە ڕەسمی ڕانەگەیەندراوە. وتیشی،  14 کەسیان  لە بارهەڵگرەکەدا بە زیندوویی دۆزراونەتەوە، کە هەشتیان لە حاڵەتی سەختدان، گواسترانەوە بۆ نەخۆشخانە و 10کەسی دیکەیان لە شوێنێکی نزیک ڕوداوەکە دۆزراونەتەوە بۆ پشکنین گواستراونەتەوە بۆ نەخۆشخانە. بە پێی رادیۆی گشتی  بی ئێن ئاڕ، باوەڕ دەکرێت هەموو ئەو کەسانەی لە بارهەڵگرەکەدا بوون پیاو بوون و خەڵکی  ئەفغانستان بوون. وەزارەتی ناوخۆ ڕاشیگەیاند لێکۆڵینەوە بۆ دۆزینەوەی قاچاخچێکان دەستی پێکردووە. بە پێی ئەو ئامارانەی پۆلیسی سنووری ئەو وڵاتە بڵاویکردۆتەوە  لە ساڵی 2022دا 164 هەزار هەوڵی "پەڕینەوەی نایاسای" ی پوچەڵکراوەتەوە، ئەمەش بە بەراورد بە 55 هەزار لە ساڵی 2021دا.