هاوڵاتی -ئەمشەو شاندی کوردی بەهاوپەیمانی فەرەنسا و ئەمریکا لەدیمەشق بن و گفتوگۆ لەگەڵ دەسەڵاتدارانی نوێی سوریا دەستپێبکەن. - مەزڵوم عەبدی فەرماندەی هێزەکانی سوریای دیموکرات سەرپەرشتی دانوستان و کۆبونەوەکانى وەفدی کوردی دەکات. - هاکان فیدان وەزیری دەرەوە و ئیبراهیم کاڵن سەرۆکی دەزگای هەواڵگری تورکیا و سەرۆکی دەزگای هەواڵگری قەتەریش لە دیمەشق دەبن. ئەمشەو شاندی کوردی بەهاوپەیمانی فەرەنسا و ئەمریکا لەدیمەشق دەبن بۆ گفتووگۆ كردن لەگەڵ دەسەڵاتدارانی نوێی سوریا. بڕیارە ئەمشەو شاندی کوردی بەهاوپەیمانی فەرەنسا و ئەمریکا لەدیمەشق بن و گفتوگۆ لەگەڵ دەسەڵاتدارانی نوێی سوریا دەستپێبکەن و مەزڵوم عەبدی فەرماندەی هێزەکانی سوریای دیموکرات ( هەسەدە ) سەرپەرشتی دانوستان و کۆبونەوەکانى وەفدی کوردی دەکات. هاوکات هاکان فیدان وەزیری دەرەوە و ئیبراهیم کاڵن سەرۆکی دەزگای هەواڵگری تورکیا ( میت ) و سەرۆکی دەزگای هەواڵگری قەتەریش لە دیمەشق دەبن.
هاوڵاتی - تورکیا داوای هەڵوێستێکی روون و یەکلاییکەرەوەی ئەمریکا دەکات سەبارەت بە یەکینەکانی پاراستنی گەل. - تورکیا داواش لە وەزیری دەرەوەی ئەمریکا دەکات سنورێک بۆ پەیوەندییەکانیان لەگەڵ یەکینەکانی پاراستنی گەل دابنێن. - بە پێچەوانەوە تورکیا ئەوەی پێویست بێت دەیکات بۆ پاراستنی سنورەکانی. رۆژنامەی شەرقلئەوسەت بڵاویكردەوە تورکیا داوای هەڵوێستێکی روون و یەکلاییکەرەوە لە ئەمریکا دەکات سەبارەت بە یەکینەکانی پاراستنی گەل. رۆژنامەی شەرقلئەوسەت لە زاری سەرچاوەیەکەوە بڵاویکردەوە: لە میانی سەردانەکەی وەزیری دەرەوەی ئەمریکا، ئەنتۆنی بلینکن بۆ ئەنقەرە، کە بڕیارە سبەینێ هەینی سەردانی ئەو وڵاتە بکات، تورکیا داوای هەڵوێستێکی روون و یەکلاییکەرەوەی ئەمریکا دەکات سەبارەت بە یەکینەکانی پاراستنی گەل کە پێکهێنەری سەرەکی هێزەکانی سوریای دیموکراتە. ئەو سەرچاوەیە دەشڵێت: تورکیا داواش لە وەزیری دەرەوەی ئەمریکا دەکات سنورێک بۆ پەیوەندییەکانیان لەگەڵ یەکینەکانی پاراستنی گەل دابنێن بە پێچەوانەوە تورکیا ئەوەی پێویست بێت دەیکات بۆ پاراستنی سنورەکانی. پێشتریش وتەبێژی ئاسایشی نەتەوەیی ئەمریکا ڕایگەیاندبوو ئیدارەی ئەمریکا گرنگی زۆر بە راوەدونانی تیرۆریستانی داعش دەدات ئەوەش بەواتای ئەوەدێت کە هاوبەشییان لەگەڵ هێزەکانی سوریای دیموکرات بەردەوام دەبێت.
هاوڵاتی - تورکیا داوای هەڵوێستێکی روون و یەکلاییکەرەوەی ئەمریکا دەکات سەبارەت بە یەکینەکانی پاراستنی گەل. - تورکیا داواش لە وەزیری دەرەوەی ئەمریکا دەکات سنورێک بۆ پەیوەندییەکانیان لەگەڵ یەکینەکانی پاراستنی گەل دابنێن. - بە پێچەوانەوە تورکیا ئەوەی پێویست بێت دەیکات بۆ پاراستنی سنورەکانی. رۆژنامەی شەرقلئەوسەت بڵاویكردەوە تورکیا داوای هەڵوێستێکی روون و یەکلاییکەرەوە لە ئەمریکا دەکات سەبارەت بە یەکینەکانی پاراستنی گەل. رۆژنامەی شەرقلئەوسەت لە زاری سەرچاوەیەکەوە بڵاویکردەوە: لە میانی سەردانەکەی وەزیری دەرەوەی ئەمریکا، ئەنتۆنی بلینکن بۆ ئەنقەرە، کە بڕیارە سبەینێ هەینی سەردانی ئەو وڵاتە بکات، تورکیا داوای هەڵوێستێکی روون و یەکلاییکەرەوەی ئەمریکا دەکات سەبارەت بە یەکینەکانی پاراستنی گەل کە پێکهێنەری سەرەکی هێزەکانی سوریای دیموکراتە. ئەو سەرچاوەیە دەشڵێت: تورکیا داواش لە وەزیری دەرەوەی ئەمریکا دەکات سنورێک بۆ پەیوەندییەکانیان لەگەڵ یەکینەکانی پاراستنی گەل دابنێن بە پێچەوانەوە تورکیا ئەوەی پێویست بێت دەیکات بۆ پاراستنی سنورەکانی. پێشتریش وتەبێژی ئاسایشی نەتەوەیی ئەمریکا ڕایگەیاندبوو ئیدارەی ئەمریکا گرنگی زۆر بە راوەدونانی تیرۆریستانی داعش دەدات ئەوەش بەواتای ئەوەدێت کە هاوبەشییان لەگەڵ هێزەکانی سوریای دیموکرات بەردەوام دەبێت.
ئامادەكردنی: محمد فاتح حامد - ڕێكەوتن لەسەر ڕادەستكردنی نەوتی هەرێمی كوردستان بە حكومەتی عێراقی هەنگاوێكی گرنگە بۆ پتەوكردنی سەقامگیری ئابوری و سیاسی لەعێراقدا. - ناكۆكی دارایی نێوان حكومەتی ناوەندی و حكومەتی هەرێمی كوردستان كەمدەكاتەوە و وەبەرهێنانی ناوخۆیی و دەرەكی زیاتر دەبێت. - ئەم هەنگاوە دەبێتە هۆی كەمبونەوەی گەندەڵی و متمانەی هاوڵاتیان بە حكومەت زیاتر دەكات. ئەنوار خەفاجی مافناسی عێراقی ئەو خاڵە ئەرێنیانە بۆ هاوڵاتی ئاشكرا دەكات ئەگەر بێتو داهاتی نەوتی كوردستان ڕادەستی حكومەتی عێراق بكرێت. ئەنوار خەفاجی تایبەت بە هاوڵاتی ڕاگەیاند ڕێكەوتن لەسەر ڕادەستكردنی نەوتی هەرێمی كوردستان بە حكومەتی عێراقی هەنگاوێكی گرنگە بۆ پتەوكردنی سەقامگیری ئابوری و سیاسی لەعێراقدا. وتیشی: ڕادەستكردنی داهاتی نەوتی هەرێم دەبێتە هۆی دروستبونی یەك بودجەی بەهێز و دەرئەنجام ئابوری وڵات بەهێز دەكات، هەروەها ناكۆكی دارایی نێوان حكومەتی ناوەندی و حكومەتی هەرێمی كوردستان كەمدەكاتەوە و وەبەرهێنانی ناوخۆیی و دەرەكی زیاتر دەبێت. ڕونیشیكردەوە: ئەم هەنگاوە دەبێتە هۆی كەمبونەوەی گەندەڵی و متمانەی هاوڵاتیان بە حكومەت زیاتر دەكات و دڵنیایی زیاتر بە وەبەرهێنەرە نێودەوڵەتیەكان دەدات و ڕێگە خۆشكەر دەبێت بۆ زیادبونی وەبەرهێنانی بیانی و چالاكبونی بواری ئابوری وڵات. باسی لەوەشكرد ئەگەر ئەو ڕێكەوتنە نەوتیە لەنێوان هەرێم و بەغدا بكرێت ئابوری نێوان هەرێمی كوردستان و ناوچەكانی دیكەی عێراق پتەوتر دەبێت و سەرچاوەكانی بەشێوەیەكی دادپەروەرانەتر داەبەشدەكرێت و هاوڵاتیانی پارێزگاكانی عێراق هەست بە دادپەروەری و يەكسانی دەكەن. لە كۆتایی قسەكانیدا بۆ هاوڵاتی مافناسی عێراقی ئەنوار خەفاجی وتی: یەكخستنی هەناردەكردنی نەوت لەنێوان هەرێمی كوردستان و حكومەتی ناوەندی پێگەی عێراق بەهێز دەكات بۆ دانوستاندن لەگەڵ كۆمپانیا نێودەوڵەتیەكانی و لایەنەكانی دیكەی بازاڕی نەوت.
هاوڵاتی -حکومەتی هەرێم دەستخۆشی لە هەموو هەوڵێک دەکات بۆ چارەسەرکردنی بابەتی مووچەی خەڵکی هەرێمی کوردستان. - ئەنجومەنی وەزیران، وەزارەتی دارایی ڕاسپارد کە لە کاتی گەیشتنی هەر بڕە پاریەکی تر، لە بەغداوە ڕاستەوخۆ دەست بەدابەشکردنی مووچەكان بکات. - بڕیاردرا، شاندی حکومەتی هەرێمی کوردستان، لە حەفتەی داهاتوودا، سەردانی بەغدا بکات. مەسرور بارزانی سەرۆكی حكومەتی هەرێمی كوردستان ڕایگەیاند حکومەتی هەرێم لە گەڵ حکومەتی فیدراڵ بەردەوامە بۆ دابینکردنی مووچە وچاوەڕوانین لە چەند ڕۆژی داهاتوودا تەواوی شایستەی دارایی مانگەکانی 10 و 11 و12 بنێرێت. مەسرور بارزانی لە بەیاننامەیەكدا ڕایگەیاند ئەمڕۆ سەرپەرشتی کۆبوونەوەی ئەنجومەنی وەزیرانی هەرێمی کوردستانمان کرد ولە دەستپێکی کۆبوونەوەدا، تیشکمان خستە سەر دوایین گۆڕانکاری و پەرەسەندنەکانی بارودۆخی ئێستای سووریا، لەمبارەیەوە دووپاتمان کردەوە کە هەرێمی کوردستان، خۆی بە دوور دەگرێت لە هەر کێشە و ململانێیەکی هەرێمی و نێودەوڵەتیی و وەک هەمیشەش بە فاکتەری ئارامیی و سەقامگیری لە ناوچەکە دەمێنێتەوە و خوازیاری باشترین پەیوەندییە لەگەڵ وڵاتانی دراوسێ لە سەر بنەمای ڕێزلەیەکترگرتن و بەرژەوەندی هاوبەش. وتيشى: لە بڕگەی یەکەمی کۆبوونەوەدا، بەڕێزان ئاوات شێخ جەناب وەزیری دارایی و ئابووری و ئومێد سەباح سەرۆکی دیوانی ئەنجومەنی وەزیران، ڕاپۆرتێکیان دەربارەی دوایین پێشهاتەکانی پەیوەندیدار بە بابەتی مووچە و هەموارکردنەوەی یاسای بودجەی گشتیی فیدرال و خشتەکانی هاوپێچی یاساکە بۆ ساڵی دارایی 2025 پێشکەش کرد. ئەنجومەنی وەزیران جەختی کردەوە کە حکومەتی هەرێمی کوردستان، ئەرک و پابەندییەکانی خۆی بە تەواوی و بە باشترین شێوە، جێبەجێ کردووە و لە هەوڵەکانیشی لە گەڵ حکومەتی فیدراڵ بەردەوامە بۆ دابینکردنی مووچە و شایستە داراییەکانی هەرێمی کوردستان و لەم ڕووەوە، چاوەڕوانین حکومەتی فیدراڵ ، لە چەند ڕۆژی داهاتوودا، تەواوی شایستەی دارایی مانگەکانی 10 و 11 و12 بنێرێت، تا لە نزیکترین دەرفەتدا، مووچە دابەش بکرێت، کە بەداخەوە، بەهۆی ڕێکارەکانی وەزارەتی دارایی فیدڕاڵ، سەرەڕای ئەوەی ئێستا لە مانگی 12ین و مووچەخۆرانی ناوچەکانی دیکەی عێراق، مووچەی مانگی 12 وەردەگرن، بەڵام مووچەخۆرانی هەرێم، تا ئێستاش مووچەی مانگەکانی 10 و 11 ئەمساڵیان وەرنەگرتووە، لە کاتێکدا وەزارەتی دارایی هەرێم، سەرجەم کەموکوڕیی لیستەکانی مووچەی چارەسەرکردووە ولیستی مووچەی هەر سێ مانگەکەی بە تەواوی و بە بێ کەموکوڕیی بۆ وەزارەتی دارایی فیدڕاڵ ناردووە. بۆ ئەم مەبەستە ئەنجومەنی وەزیران، داوا لە ئەنجومەنی وەزیرانی فیدڕاڵ دەکات، لە کۆبوونەوەی داهاتوویان کە بڕیارە سبەی ئەنجام بدرێت، پشت بەو دەسەڵاتەی پێیان دراوە، بە گوێرەی ماددەی 60 لە یاسای بودجەی عێراق ، چارەسەری بنەڕەتی کورتهێنانی تەرخانکراویی مووچەی هەرێم بکەن، تاکوو مووچەخۆرانی هەرێم، هاوتای هاوەڵەکانیان لە ناوچەکانی دیکەی عێراق ، مووچەکانیان بەتەواویی و لە وادەی یاسایی خۆیان وەربگرن و چی دی پاساو و بیانووی تەکنیکی، نەکرێتە بەربەست لەبەردەم شایستە داراییەکانی مووچەخۆران کە پێویستە دوور بێت لە هەموو ناکۆکییەک. دووپاتیشیكردەوە هەروەها حکومەتی هەرێم دەستخۆشی لە هەموو هەوڵێک دەکات لە سەر ئاستی فیدراڵی و هەرێمی بۆ چارەسەرکردنی بابەتی مووچەی خەڵکی هەرێمی کوردستان. ئەنجومەنی وەزیران، وەزارەتی دارایی و ئابووری ڕاسپارد کە لە کاتی گەیشتنی هەر بڕە پاریەکی تر، لە بەغداوە بۆ تەواوکاری مووچە، ڕاستەوخۆ دەست بەدابەشکردنی مووچەكان بکات. هەروەها بڕیاردرا، شاندی حکومەتی هەرێمی کوردستان، لە حەفتەی داهاتوودا، بۆ بەدواداچوونی پرسی هەموارکردنەوەی بودجەی گشتیی فیدراڵ و خشتە داراییەکانی هاوپێچی یاساکە بۆ ساڵی دارایی 2025 ، سەردانی بەغدا بکات. دواتر هەر لە چوارچێوەی یەکخستنەوەی ڕێکار و ڕێسا داراییەکان لە نێوان هەردوو حکومەتی هەرێم و حکومەتی فیدڕاڵ، لە بڕگەی دووەمی کۆبونەوەکە ، وەزیری دارایی و ئابووری ، پێشنیاری هاوبەشی وەزارەتی دارایی و ئابووری و ئەنجومەنی گشتیی ڕاژەی بۆ هاوتاکردنی ناونیشانە وەزیفییەکان لە هەرێمی کوردستان لەگەڵ حکومەتی فیدراڵ خستەڕوو، ئەمەش بۆ جێبەجێکردنی خشتەی نوێی ناونیشانە وەزیفیەکان کە لە یاسای ساڵی 2024 ی هەموارکراوی میلاک هاتوون، لە دوای گفتوگۆ، ئەنجومەنی وەزیران وەزارەتەکانی ڕاسپارد بەداداچوون بۆ ئەم هەموارە بکەن کە لە خشتەی ناونیشانە وەزیفیەکانی یاسای میلاک هاتووە، بە ڕەچاوکردنی تایبەتمەندیی دامەزراوەکانی هەرێم و بەرژەوەندی فەرمانبەران تا لە کۆبوونەوەکانی داهاتوو بڕیاری پێویستی لەبارەوە بدرێت. رونیشیكردەوە بڕگەی کۆتایی کۆبوونەوە تایبەت بوو بە خستنەڕووی ڕاپۆرتێکی بەڕێز ئایدن مەعروف وەزیری هەرێم بۆ کاروباری پێکهاتەکان لەبارەی دۆخی پێکهاتەکان و بەیەکەوەژیان لە هەرێمی کوردستان . ئەنجومەنی وەزیران پابەندبوونی هەرێمی کوردستانی بە پاراستن و داکۆکیکردن و پەرەپێدانی مافەکانی پێکهاتە ئایینی و نەتەوەییەکان و دۆخی بەیەکەوەژیانی ئاشتییانەی هەرێمی کوردستان، دووپات کردەوە.
ئامادەكردنی: محمد فاتح حامد - پێویستە حكومەتی عێراق پابەند بێت بەبڕیارەكەی دادگای فیدڕاڵیەوە و مووچەكان لەكاتی دیاریكراوی خۆییدا بنێرێت. - هاوڵاتیانی هەرێمیش هاوڵاتی عێراقن و نابێت هیچ جیاوازی لەنێوان هاوڵاتیاندا بكرێت. - پێویستە لەسەر حكومەتەكەی سودانی كێشە هەڵواسراوەكانی نێوان حكومەتی فیدڕاڵی عێراق و حكومەتی هەرێم چارەسەر بكات. سەفا لامی شارەزای عێراقی لەبواری یاسا ڕایگەیاند پێویستە حكومەتی عێراق مووچەی هەرێم بنێرێت و ڕێكاریش بەرامبەر حكومەتی هەرێم بگرێتەبەر. سەفا لامی تایبەت بە هاوڵاتی ڕاگەیاند سەبارەت بە مووچەی فەرمانبەرانی هەرێمی كوردستان، دوای بڕیاری دادگای فیدڕاڵی، پێویستە حكومەتی عێراق پابەند بێت بەبڕیارەكەی دادگای فیدڕاڵیەوە و مووچەكان لەكاتی دیاریكراوی خۆییدا بنێرێت، بەو پێیەی هاوڵاتیانی هەرێمیش یەكسانن بەرامبەر بەیاسا سەبارەت بە ماف و ئەركەكان، هاوڵاتیانی هەرێمیش هاوڵاتی عێراقن و نابێت هیچ جیاوازی لەنێوان هاوڵاتیاندا بكرێت، ئەمە دەقێكی دەستوریە كە دەبێت هەموو هاوڵاتیانی عێراق یەكسانبن . دووپاتیشیكردەوە پێویستە حكومەتی عێراق بڕیارەكانی دادگای فیدڕاڵی جێبەجێبكات و دەبێت پابەند بێت بە پێدانی مووچەی فەرمانبەرانی هەرێمی كوردستا نەوە. وتيشى: پێویستە لەسەر حكومەتەكەی سودانی كێشە هەڵواسراوەكانی نێوان حكومەتی فیدڕاڵی عێراق و حكومەتی هەرێم چارەسەر بكات و پێویستیشە حكومەتی هەرێم پابەند بێت بە ڕادەستكردنی داهاتی نەوتەوە بە وەزارەتی دارایى عێراق و لەڕێگای سۆمۆوە نەوتی هەرێم بخرێتە بازاڕەوە، پێویستە ئەم كێشانە چارەسەر بكرێن، پێویستە حكومەتی فیدڕاڵی عێراق دووربكەوێتەوە لەسزادانی هاوڵاتیان و دەتوانێت یاسا و ڕێكارەكان لەگەڵ حكومەتی هەرێم جێبەجێبكات.
هاوڵاتی - ئەمڕۆ ئاسمان ساماڵ و پەڵەهەور دەبێت. - پلەکانی گەرما کەمێک بەرز دەبێتەوە. بەڕێوەبەرایەتی گشتی کەشناسی هەرێمى كوردستان پێشبینیكرد ئەمڕۆ ئاسمان ساماڵ و پەڵەهەور دەبێت، پلەکانی گەرما لە سبەینێوە نزم دەبنەوە. بەپێی ڕاپۆرتی کەشناسی هەرێم ئەمڕۆ چوارشەممە، ئاسمان ساماڵ و پەڵە هەور دەبێت لە دواى نیوەڕۆ بۆ پەڵە هەور و نیمچە هەور دەگۆڕێت. دەشڵێت: پلەکانی گەرما کەمێک نزم دەبنەوە لە تۆمارکراوەکانى دوێنێ. باسی لەوەشکردووە: سبەینێ پێنجشەممە، ئاسمان نیمچە هەور دەبێت ناوچە شاخاویەکان نیمچە هەور و هەورى تەواو دەبێت. پلەکانی گەرما نزیک دەبێتەوە لە تۆمارکراوەکانى ئەمڕۆ لە هەندێ ناوچە کەمێک نزم دەبێتەوە. بەرزترین پلەکانی گەرمای پێشبینیکراو بە پلەی سیلیزی: هەولێر: 20 پلەى سیلیزى سلێمانی: 18 پلەى سیلیزى دهۆک: 19 پلەى سیلیزى کەرکوک: 22 پلەى سیلیزى هەڵەبجە: 18 پلەى سیلیزى زاخۆ: 20 پلەى سیلیزى حاجی ئۆمەران: 7 پلەى سیلیزى سۆران: 16 پلەى سیلیزى گەرمیان: 22 پلەى سیلیزى
ئامادەكردنی: محمد فاتح حامد - حكومەتی عێراق ناچار دەكات پابەند بێت بە جێبەجێكردنی هەندێك لە بڕگەكانی رێكەوتنە نێودەوڵەتیەكان. - لایەنە ناوخۆیەكانی عێراق هەوڵێكی زۆریان دواە دانوستاندن لەگەڵ ئەمریكا بكەن. نەوال موسەوی شرۆڤەكاری سیاسی عێراقی ڕایگەیاند عێراق هەوڵێكی زۆری داوە بۆ دانوستاندن لەگەڵ ئەمریكا و پەوەندیەكانيشى لەگەڵ هەرێم پەیوەسته بە پێكهێنانی حكومەتی نوێوه نەوال موسەوی تایبەت بۆ هاوڵاتی ئاشكرا كرد دوابەدوای ئەو گۆڕانكاریە بەپەلە و گەورانەی لە ناوچەكە ڕوویاندا لایەنە ناوخۆیەكانی عێراق هەوڵێكی زۆریان دواە دانوستاندن لەگەڵ ئەمریكا بكەن. ڕاشیگەیاند سەرەڕای هەوڵی لایەنە عێراقیەكان بۆ دانوستاندن لەگەڵ ئەمریكیەكان بەڵام عێراق ڕووبەڕووی فشارێكی گەورە بووەتەوە و حكومەتی عێراق ناچار دەكات پابەند بێت بە جێبەجێكردنی هەندێك لە بڕگەكانی رێكەوتنە نێودەوڵەتیەكان، بێجگەلە چەند چاكسازیەك كە پێویستە بكرێت بۆ پاراستنی ڕژێمەكەى. وتيشى: سەبارەت بە پەیوەندیەكانی نێوان عێراق و هەرێمی كوردستان بەهۆی قورسی بارودۆخەكەوە هێمنیەكی ڕێژەیی لەنێوانیاندا هاتوووەتە ئاراوە، بەڵام باشەڕۆژی پەیوەندیەكانیان پەیوەستە بە چاكسازیە چاوەڕوانكارەوەكان و پێكهێنانی حكومەتی نوێی هەرێمی كوردستان و ئەو ئەولەویەتانەی ناوەند كاری لەسەر دەكات و ئەو ئامانجانەی كە دەكرێت جێبەجێبكرێن.
ئامادەكردنی: محمد فاتح حامد - حكومەتی عێراق ناچار دەكات پابەند بێت بە جێبەجێكردنی هەندێك لە بڕگەكانی رێكەوتنە نێودەوڵەتیەكان. - لایەنە ناوخۆیەكانی عێراق هەوڵێكی زۆریان دواە دانوستاندن لەگەڵ ئەمریكا بكەن. نەوال موسەوی شرۆڤەكاری سیاسی عێراقی ڕایگەیاند عێراق هەوڵێكی زۆری داوە بۆ دانوستاندن لەگەڵ ئەمریكا و پەوەندیەكانيشى لەگەڵ هەرێم پەیوەسته بە پێكهێنانی حكومەتی نوێوه نەوال موسەوی تایبەت بۆ هاوڵاتی ئاشكرا كرد دوابەدوای ئەو گۆڕانكاریە بەپەلە و گەورانەی لە ناوچەكە ڕوویاندا لایەنە ناوخۆیەكانی عێراق هەوڵێكی زۆریان دواە دانوستاندن لەگەڵ ئەمریكا بكەن. ڕاشیگەیاند سەرەڕای هەوڵی لایەنە عێراقیەكان بۆ دانوستاندن لەگەڵ ئەمریكیەكان بەڵام عێراق ڕووبەڕووی فشارێكی گەورە بووەتەوە و حكومەتی عێراق ناچار دەكات پابەند بێت بە جێبەجێكردنی هەندێك لە بڕگەكانی رێكەوتنە نێودەوڵەتیەكان، بێجگەلە چەند چاكسازیەك كە پێویستە بكرێت بۆ پاراستنی ڕژێمەكەى. وتيشى: سەبارەت بە پەیوەندیەكانی نێوان عێراق و هەرێمی كوردستان بەهۆی قورسی بارودۆخەكەوە هێمنیەكی ڕێژەیی لەنێوانیاندا هاتوووەتە ئاراوە، بەڵام باشەڕۆژی پەیوەندیەكانیان پەیوەستە بە چاكسازیە چاوەڕوانكارەوەكان و پێكهێنانی حكومەتی نوێی هەرێمی كوردستان و ئەو ئەولەویەتانەی ناوەند كاری لەسەر دەكات و ئەو ئامانجانەی كە دەكرێت جێبەجێبكرێن.
هاوڵاتی مەزڵوم عەبدی فەرماندەی گشتیی هێزەکانی سووریای دیموکرات رایگەیاند ئامادەین بۆ بەشداریی لە پڕۆسەی سیاسی و پەیوەندی لەگەل حکومەتی نوێ لە دیمەشق و دەشبێت لە گفتوگۆکاندا، سەرجەم پێکهاتەکانی کۆمەڵگەی سوریا بەشدار بن. مەزڵووم عەبدی لە چاوپێکەوتنێکیدا لەگەڵ کەناڵی ( الحدث) رایگەیاند: ئەو ڕووداوانەی لە شاری ڕەقا ڕوودەدەن، دەبێت بە گفتوگۆ چارەسەر بکرێن و دەشڵێت: ئەو ناوچانەی کۆنترۆڵمان کردبوون، ئامانجمان بەرەنگاربوونەوەی داعش بوو. هەر لەو چاوپێکەوتنەیدا رایگەیاند: ئامادەین بۆ بەشداریی لە پڕۆسەی سیاسی و پەیوەندی لەگەل حکومەتی نوێ لە دیمەشق لە داهاتوودا پەیوەندیمان ڕاستەوخۆ بە حکومەتی ناوەندیی سوریاوە دەبێت و پێویستیشە لە گفتوگۆکاندا، سەرجەم پێکهاتەکانی کۆمەڵگەی سوریا بەشدار بن. وتيشى: هیچ پەیوەندییەک یان ڕێککەوتنێکی فەرمیمان لەگەڵ ڕژێمی ئەسەد نەبووە و ئێمە لە هەموو لایەنەکانی دیکە زیاتر بەرکەوتە و پێکادانمان لەگەڵ ڕژێمی ئەسەد هەبوو. لە بەشێکی تری چاوپێکەوتنەکەی، مەزڵوم عەبدی دەڵێت: لەرێگەی دۆستە ئەمریكییەكانمانەوە لە هەوڵی پەیوەندین لەگەڵ تورکیا بۆ هێورکردنەوەى گرژییەکان و هەوڵی بەستنی پەیوەندین لەگەڵ هێزەكانی (هەیئەی تەحریری شام ) دەدەین.
هاوڵاتی - شەڕڤانانمان لە منبج بەردەوامن لە بەرگریکردن بۆ وەستاندنی ئەو هێرشانەی لە رۆژئاوای فوڕاتەوە دەکرێن. - بە نێوەندگیریی ئەمریکا گەیشتینە رێککەوتنێک بۆ ئاگربەست لە منبج، لەپێناو پاراستنی ئاسایش و سەلامەتی هاوڵاتیان. - شەڕڤانانی ئەنجومەنی سەربازیی منبج، بەزوترین کات لە ناوچەکە دەچنە دەرەوە. مەزڵوم عەبدی فەرماندەی گشتیی هێزەكانی سوریای دیموكرات (هەسەدە) ڕایگەیاند، بەنێوەندگیری ئەمریکا گەیشتنە رێککەوتنێک بۆ ئاگربەست لە منبج و شەڕڤانانی ئەنجومەنی سەربازی شارەكە بەزوترین کات لە ناوچەکە دەچنە دەرەوە. مەزڵوم عەبدی، لەپەرەی تایبەتی خۆی لە پلاتفۆڕمی "X" ڕایگەیاند، لەکاتێکدا شەڕڤانانمان لە منبج بەردەوامن لە بەرگریکردن بۆ وەستاندنی ئەو هێرشانەی لە رۆژئاوای فوڕاتەوە دەکرێن، ئێمە بە نێوەندگیریی ئەمریکا گەیشتینە رێککەوتنێک بۆ ئاگربەست لە منبج، لەپێناو پاراستنی ئاسایش و سەلامەتی هاوڵاتیان. ئاماژەی بەوەشكرد، "شەڕڤانانی ئەنجومەنی سەربازیی منبج، کە لە ڕۆژی 27ـی مانگی ڕابردوەوە بەرپەرچی هێرشەکان دەدەنەوە، بەزوترین کات لە ناوچەکە دەچنە دەرەوە، ئامانجی ئێمە ئاگربەستە لە تەواوی سوریا و چونە نێو پرۆسەی سیاسیە لەپێناو داهاتوی وڵات دا".
هاوڵاتی - شەڕڤانانمان لە منبج بەردەوامن لە بەرگریکردن بۆ وەستاندنی ئەو هێرشانەی لە رۆژئاوای فوڕاتەوە دەکرێن. - بە نێوەندگیریی ئەمریکا گەیشتینە رێککەوتنێک بۆ ئاگربەست لە منبج، لەپێناو پاراستنی ئاسایش و سەلامەتی هاوڵاتیان. - شەڕڤانانی ئەنجومەنی سەربازیی منبج، بەزوترین کات لە ناوچەکە دەچنە دەرەوە. مەزڵوم عەبدی فەرماندەی گشتیی هێزەكانی سوریای دیموكرات (هەسەدە) ڕایگەیاند، بەنێوەندگیری ئەمریکا گەیشتنە رێککەوتنێک بۆ ئاگربەست لە منبج و شەڕڤانانی ئەنجومەنی سەربازی شارەكە بەزوترین کات لە ناوچەکە دەچنە دەرەوە. مەزڵوم عەبدی، لەپەرەی تایبەتی خۆی لە پلاتفۆڕمی "X" ڕایگەیاند، لەکاتێکدا شەڕڤانانمان لە منبج بەردەوامن لە بەرگریکردن بۆ وەستاندنی ئەو هێرشانەی لە رۆژئاوای فوڕاتەوە دەکرێن، ئێمە بە نێوەندگیریی ئەمریکا گەیشتینە رێککەوتنێک بۆ ئاگربەست لە منبج، لەپێناو پاراستنی ئاسایش و سەلامەتی هاوڵاتیان. ئاماژەی بەوەشكرد، "شەڕڤانانی ئەنجومەنی سەربازیی منبج، کە لە ڕۆژی 27ـی مانگی ڕابردوەوە بەرپەرچی هێرشەکان دەدەنەوە، بەزوترین کات لە ناوچەکە دەچنە دەرەوە، ئامانجی ئێمە ئاگربەستە لە تەواوی سوریا و چونە نێو پرۆسەی سیاسیە لەپێناو داهاتوی وڵات دا".
ئامادەكردنی: محمد فاتح حامد - سەبارەت بە هەرێمی كوردستان سنوورداركردنی رۆژنامەوانی هەیە و دەبێت ڕێگا بە دەسەڵاتی چوارەم بدرێت و دەستكراوەبن. - زۆرێك لە خێزانەكان نووسراوو و ڕاپۆرتی پزیشكیان لایە كە دەیسەلمێنێت زیندانیانی عێراق لەژێر ئەشكەنجەدا دانپێدانەكانیان وەرگیراون. - سكاڵای هەڵبەستكراو دژ بە چالاكوانی بەسرە هەیە و زیاتر لە 26 حاڵەتی بەرزكردنەوەی سكاڵامان تۆماركردووە. عەلی عەبادی سەرۆكی ناوەندی عێراق بۆ مافی مرۆڤ ڕایگەیاند لە زیندانەكانی عێراق ئەشكەنجەدان هەیە و حكومەتی هەرێمیش دەبێت پابەندبێت بە پەیماننامە نێودەوڵەتیەكانەوە. تایبەت بە هاوڵاتی ڕاگەیاند لە پارێزگای بەسەرە چالاكوانان و داكۆكیكەرانی مافی مرۆڤ و خۆپیشاندەران دەستكراوە نین و كارەكانیان سنوورداركراوە. وتيشى: سكاڵای هەڵبەستكراو دژ بە چالاكوانی بەسرە هەیە و زیاتر لە 26 حاڵەتی بەرزكردنەوەی سكاڵامان تۆماركردووە لەلایەن لایەنە جێبەجێكارەكانەوە كە مەبەست لێی دەمكوتكردنە و ئەمەش ئاماژەیەكی مەترسیدارە، سەبارەت بە پیسبونی ژینگە و بڵاوبونەوەی نەخۆشی شێرپەنجە، زیاتر لە 9 هەزار كەس لەم پارێزگایە دووچاری ئەو نەخۆشیە بوون. داواشمانكردووە هاوكات لەگەڵ پەسەندكردنی یاسای لێبوردنی گشتی، هەڵمەتی لەسێدارەدان لە عێراقدا ڕابگیرێت بەشێوەیەكی كاتی، زۆرێك لە خێزانەكان نووسراوو و ڕاپۆرتی پزیشكیان لایە كە دەیسەلمێنێت لەژێر ئەشكەنجەدا دانپێدانەكانیان وەرگیراون. لە درێژەی قسەكانیدا بۆ هاوڵاتی عەلی عەبادی ڕونیكردەوە: سەبارەت بە هەرێمی كوردستان سنوورداركردنی رۆژنامەوانی هەیە و دەبێت ڕێگا بە دەسەڵاتی چوارەم بدرێت و دەستكراوەبن ، هیوادارین حكومەتی هەرێمی كوردستان پابەند بێت بەو ستانداردانەی كە لەڕێگەی ڕێكەوتنەكانی دەوڵەتی عێراقەوە جێبەجێكراون لە دوای ساڵی 2003وە لەچوارچێوەی پەیماننامە نێودەوڵەتیەكان و جاڕنامەی جیهانی بۆ مافی مرۆڤ كە عێراق لە پێشەنگی ئەو وڵاتانە بووە كە كۆمەڵەی نەتەوەیەكگرتوەكانیان دامەزراندووە.
هاوڵاتی - درۆنەکە لە شارۆچکەی دەرباسیە لە حەسەکە خراوەتە خوارەوە. - درۆنی تورکیا پازدە جار بۆردومانی دەوروبەری پردی قەرەقۆزاکی کردووە. ئەمڕۆ درۆنێکی توركى له جۆری ئاکسونگور له سوريا خراوەتە خوارەوە. بەپێی سەرچاوەیەکی نزیک لە هەسەدە : ئەمڕۆ درۆنێکی جۆری ئاکسونگورى جۆری توكی له سوريا خراوەتە خوارەوە. وتيشى: درۆنەکە لە شارۆچکەی دەرباسیە لە حەسەکە خراوەتە خوارەوە. هاوکات درۆنی تورکیا پازدە جار بۆردومانی دەوروبەری پردی قەرەقۆزاکی کردووە.
ئامادەكردنی: محمد فاتح حامد - مووچە و شایستە دارایەكان ئەركى سەرشانی حكومەتى هەرێمه كە دابینی بكات بۆ مامۆستایان. - بەردەوامی بایكۆت ئاستی زانستی خوێندكاران دادەبەزێنێت و شەڵەژانی دەرونی كۆمەڵایەتی لای خوێندكار و مامۆستا دروست دەكات. -كاریگەری نەرێنیشی بۆ سەر خێزانەكان دەبێت و تێروانینیان بەرامبەر بە خوێندن دەگۆڕێت. دكتۆر دارا ئەنوەر زۆراب کۆمەڵناسی پەروەردەیی ڕایگەیاند بایكۆتی دەوامی قوتابخانەكان لە هەرێمی كوردستان كاریگەری خراپی دەبێت لەسەر ناوەندەكانی خوێندن. دارا ئەنوەر زۆراب تایبەت بە هاوڵاتی ڕاگەیاند دەبێت حكومەتی هەرێمی كوردستان و لایەنی پەیوەندیدار مافی مامۆستایان بدەن بۆ جێبەجێكردنی ئەركەكانی سەرشانی خۆیان. وتيشى: مووچە و شایستە دارایەكان ئەركى سەرشانی حكومەتى هەرێمه كە دابینی بكات بۆ مامۆستایان و پێویستە پێداویستی قوتابخانەكانیش دابین بكرێت. رونیشیكردەوە: بەردەوامی بایكۆت ئاستی زانستی خوێندكاران دادەبەزێنێت و شەڵەژانی دەرونی كۆمەڵایەتی لای خوێندكار و مامۆستا دروست دەكات و كاریگەری نەرێنیشی بۆ سەر خێزانەكان دەبێت و تێروانینیان بەرامبەر بە خوێندن دەگۆڕێت. دووپاتیشیكردەوە: دەبێت بەهەموو لایەكەوە هەوڵبدرێت ژینگەیەكی گونجاو بۆ قوتابیان و مامۆستایان و توێژەران و فێربون و پەروەردەكردن دروست بكرێت لە هەرێمی كوردستان.
