.jpeg)
(3).jpg)
هاوڵاتی قوباد تاڵەبانی جێگری سەرۆكوەزیرانی ھەرێمی کوردستان له ساڵیادی 34 ساڵه‌ی كیمیابارانكردنی هه‌ڵه‌بجه‌دا په‌یامێكی بڵاوكرده‌وه و رایگه‌یاند: "لەمساڵدا هەرچی لەتواناماندا بێت کاردەکەین بۆ گەڕاندنەوەی رووفاتی ئەو شەهیدانەی کە لە وڵاتی ئێرانن، ئێسک و پروسکی ئەو ئازیزانەمان گەورەترین بەڵگەن لەسەر یەکێ لەدڕندانەترین تاوانەکانی مێژووی مرۆڤایەتی". قوباد تاڵەبانی جێگری سەرۆكوەزیرانی ھەرێمی کوردستان له ساڵیادی 34 ساڵه‌ی كیمیابارانكردنی هه‌ڵه‌بجه‌دا په‌یامێكی بڵاوكرده‌وه و رایگه‌یاند: "لەمساڵدا هەرچی لەتواناماندا بێت کاردەکەین بۆ گەڕاندنەوەی رووفاتی ئەو شەهیدانەی کە لە وڵاتی ئێرانن، ئێسک و پروسکی ئەو ئازیزانەمان گەورەترین بەڵگەن لەسەر یەکێ لەدڕندانەترین تاوانەکانی مێژووی مرۆڤایەتی". باسی له‌وه‌شكردووه: "بەدواداچوونی تەواو دەکەین بۆ دۆسیەی منداڵە ونبووەکانی هەڵەبجە و هەوڵی دۆزینەوە و گەڕانەوەیان دەدەین بۆ ناو خێزان و کەسوکارەکانیان، ئه‌وه‌ش لە رێی پشکنینی DNA، لەگەڵ ئەمەشدا پێداچوونەوە دەکەین بەلیستی قەرەبووکردنەوەکاندا، بەتایبەتی ئەوانەی تا ئێستا زەویان وەرنەگرتووە، هەوڵی دابینکردنی زەویان بۆ دەدەین". قوباد تاڵه‌بانی ده‌شڵێت: "بەردەوامیش دەبین لەگفتوگۆکانمان لەگەڵ حکومەتی ناوەندی بۆ فشاری زیاتر لەپێناو قەرەبووکردنەوەی تەواوی کەسوکاری قوربانیانی هەڵەبجە، نوێنەرانی کوردیش لە بەغدا دەبێت ئەم پرسە بکەنە ئەولەوییەتی کاری خۆیان".
.jpg)
شەنای فاتیح لەمانگی رابردوودا لەلایەن دوو پەرلەمانتاری كوردستانەوە سكاڵای یاسایی دژی كۆمپانیایەكی دەرمان لەشاری سلێمانی تۆماركرا بەتۆمەتی ئەوەی كەكۆمپانیای ناوبراو ساختەكاری لەدەرمانی نەخۆشانی شێرپەنجەدا كردووەو خاوەنی كۆمپانیاكەش ئەوە رەتدەكاتەوەو دەڵێت:» ئێمە دەرمانەكانمان لەتوركیا كڕیوە و وەزارەتی تەندروستی ئیمێڵیان بۆ سویسرا كردووە». پەرلەمانتارێك:» كۆمپانیای دلێر فارما دەرمانی ساختەی بەناوی كۆمپانیایەكی سویسرییەوە هێناوە عەلی حەمەساڵح، ئەندامی پەرلەمانی كوردستان لەفراكسیۆنی گۆڕان لەلێدوانێكدا بەهاوڵاتی وت: «ئێمە دۆسیەی ئەو كۆمپانیایەمان ناردووە بۆ داواكاری گشتی و ئەوراقی رەسمی كوالێتی كۆنترۆڵمان هەیە كە لەمانگی كانوونی یەكەمی ٢٠٢٠ەوە كەیسی ئەم كۆمپانیایە ئاشكرا بووە». هەروەها وتیشی:» بەساختەكاری كۆمپانیای ناوبراو دەرمانێكی ساختەی بەناوی كۆمپانیایەكی سویسرییەوە هێناوەتە كوردستان و كۆمپانیا سویسریەكەش رایگەیاندووە كەئەو دەرمانە هی كۆمپانیاكەی ئەوان نییە». هاوكات، ئەبوبەكر هەڵەدنی، پەرلەمانتاری كوردستان لەفراكسیۆنی یەكگرتوو دەڵێت بەدواداچوونیان بۆ زانیارییەكان كردووەو چوونەتە بنج و بناوانی كەیسەكە پاشان سكاڵایان تۆماركردووە و پاش دەستكەوتنی هەندێ بەڵگەنامە و دۆكیۆمێنت بە رێكاری پەیڕەوی لە رێگای سەرۆكایەتی پەرلەمانەوە ئاراستەی داواكاری گشتی هەرێمیان كردووەو راستەوخۆ سكاڵاكەو بەڵگەنامەكانیان ناردووە بۆ داواكاری گشتی بەمەبەستی جێبەجێكردنی رێكارە یاسایەكان. هاوكات ئاماژەی بۆ ئەوەشكرد كە پێش ئەوەی سكاڵاكە تۆماربكەن، هەمان سكاڵا لەدەستەی دەستپاكی هەرێمی كوردستان لەلایەن چەند كەسێكەوە تۆماركراوە و رێكارە یاساییەكانیش لەلایەن دەستەی دەستپاكییەوە دەستیپێكردبوو، بەڵام ئەوان وەك پەرلەمانتار ئاگاداری ئەو سكاڵایە نەبوون. سەبارەت بەهەمان پرس، وەزارەتی تەندروستی حكومەتی هەرێمی كوردستان لە راگەیەندراوێكدا، رایگەیاند كەدۆسیەی ئەو كۆمپانیایە ماوەی نزیكەی ساڵێك پێش ئێستا ئاشكرا كراو دەستبەجێ رێكارە یاساییەكان و دەستبەسەرداگرتن و راگرتنی كۆمپانیاو لێكۆڵێنەوە بەچاودێری دادوەری داواكاری گشتی ئەنجامدراوەو دۆسیەكە ساغبووەتەوە كەدەرمانێكی ساختەیە و رەوانەی دادگا كراوە. بەڕێوەبەری كوالێتی كۆنترۆڵی دەرمان:»كۆمپانیای دلێر فارما ساختەكاری لەدۆكیۆمێنتی دەرماندا كردووە». د.شێروان صادق عەلی، بەڕێوەبەری كوالێتی كۆنترۆڵی دەرمان، بە هاوڵاتی وت:» چەندین كەیسی دەرمان و ساختەكاری دۆكیۆمێنت و تەقلیدی شێوەی دەرمان لەدادگاكانی كوردستاندا هەیەو كەیسی ئەو كۆمپانیایەش یەكێكە لەكەیسەكان و كوالێتی كۆنترۆڵی دەرمان لەبەدواداچوونەكانیدا بۆی دەركەوت كە كۆمپانیای دلێر فارما ساختەكاری لەدۆكیۆمێنتی دەرماندا ئەنجامداوە و ئەم بەدواداچوونە ماوەی ساڵێكە ئەنجامدراوە». بەڕێوەبەری كوالێتی كۆنترۆڵی دەرمان پێشیوابوو كە ئەوان وەك كوالێتی كۆنترۆڵی دەرمان هەر بابەتێك كەگومانی لێبكەن لیژنەی لێكۆڵینەوەی بۆ پێكدەهێنن بەئامادوبوونی نوێنەری داواكاری گشتی و پاش پشتڕاستبوونەوەشی نووسراو بۆ وەزارەتی تەندروستی دەكرێت. لای خۆیەوە حاكم ئەحمەد ئەنوەر، بەرپرسی دەستەی دەستپاكی هەرێمی كوردستان، لە لێدوانێكدا بە هاوڵاتی وت:»پێش ئەوەی سكاڵای ئەو كۆمپانیایە لەمیدیاكانەوە بڵاوببێتەوە، سكاڵایەكی فەرمی لەسلێمانییەوە هاتە لای ئێمە و پاش بڵاوبوونەوەشی وەزیری تەندروستی هاتە سەرخەت». حاكم ئەحمەد، ئەوەشی خستەڕوو كە ئەنجامەكان كاتیان پێویستەو بەردەوامین لەكۆكردنەوەی بەڵگەكان. لەبەرانبەردا، خاوەنی كۆمپانیای دلێر فارما سەرتاپای ئەو قسانە وەك تۆمەت بۆ كۆمپانیاكەیان وەسف دەكات و دەڵێت:» دەرمانەكانمان لەتوركیا كڕیوەو وەزارەتی تەندروستی ئیمێڵیان بۆ سویسرا ناردووە». دلێر حەسەن، خاوەنی كۆمپانیای دلێر فارما بۆ بازرگانی دەرمان، لەلێدوانێكدا بەهاوڵاتی وت: «ئێمە سەرتاپای ئەو تۆمەتانە رەتدەكەینەوە، ئێمە لەمانگی 7ی 2017 دروستبووین و ماوەی دوو ساڵە دەرمان بە نەخۆشخانەی هیوا دەدەین». هاوكات، دلێر حەسەن ئاماژەی بۆ ئەوەشكرد، كە ئەوان هیچ دەرمانێكی ساختەیان نەهێناوە، چونكە هێنانی دەرمانی ساختەو ساغبوونەوەی گرتن و داخستنی كۆمپانیاكەی بەدواوەیە، وتیشی «ئێمە تائێستا لەگوڵ كاڵترمان پێنەوتراوەو هەم ئەوانەی باس دەكرێن دوورن لە راستییەوە». خاوەنی كۆمپانیاكە جەختی لەوەشكردەوە كە تەنها یەك كێشەیان لەگەڵ وەزارەتی تەندروستی هەبووە ئەویش لەسەر ئیمێڵێك بوو و ئیمێڵێك هاتووە و دەڵێت ئەو دەرمانانە هی ئێمە نین، بەڵام «ئێمە دەرمانەكانمان لەتوركیا كڕیوە و ئەوان ئیمێڵیان بۆ سویسرا كردووە، كە ئەمەش دوو بابەتی جیاوازن». « وەزارەتی تەندروستی لیژنەیەكی پێكهێنا بەئامادەبوونی نوێنەری داواكاری گشتی لەهەولێرو لیژنەكە پەیوەندیان بەتوركیاوە كردو وەڵامی دانەوە كە ئەو دەرمانانە لەتوركیا دەفرۆشرێن و هیچ كێشەیەكی زانستی بۆ نەخۆش نیە و ئێمە لەسەر بڕیاری ئەو لیژنەیە رێگەپێدانی دەرمانەكانمان وەرگرت و دەرمانەكانماندا بە نەخۆشخانەی هیواو نزیكەی85٪ی دەرمانەكان تەواو بووە و چەند كارێكی كارگێڕی ماوەو بەم نزیكانە لێدوانی تایبەتیمان دەبێت و وەزارەتی تەندروستی كۆمپانیاكەی ئێمەی داوە بەدادگا لەسەر كوالێتی دەرمان نەبووە كە ساختە بووە یان نا، بەڵكو لەسەر ئەوراق بووە»، خاوەنی كۆمپانیای دلێر فارما وای وت.
هاوڵاتی مەسرور بارزانی لە پەیامەکەیدا نووسیویەتی، ئەگەرچی چەند ساڵێکە هەڵەبجە لەلایەن حکومەتی هەرێمی کوردستانەوە کراوەتە پارێزگا، "بەڵام بەداخەوە تائێستاش، حکومەتی فیدراڵی لە ئاستی پێویستدا وەک پارێزگایەک مامەڵە لەگەڵ هەڵەبجەدا ناکات و رێکارەکانی بەپارێزگابوونی، کێشە و ئاستەنگی بۆ دروست دەکرێت." حکومەتی هەرێمی كوردستان، وەکو مەسرور بارزانی ئاماژەی پێکردووە، "خۆی بە قەرزاری کەسوکاری شەهیدانی هەڵەبجە و هەموو شەهیدانی کوردستان دەزانێت و ئەرکی لەپێشینەی حکومەتە کە خزمەتێکی شایستەی هەڵەبجە و دانیشتووانە خۆشەویستەکەی بکات."
.jpg)
هاوڵاتی سەرۆکی ھەرێمی کوردستان لە رۆژی یادی کیمیابارانکردنی ھەڵەبجەدا داوایی قەرەبووکردنەوە لە حکومەتی عێراق دەکات و دوڵێت:« لەم یادەدا داوا لە دەوڵەتی عێراق دەکەین، وەک ئەرکی یاسایی و دەستوریی خۆی قەرەبووی خێزان و کەسوکاری شەھیدان و ئەو قوربانیانیانەی ھێشتا لە ژیاندان و ژینگەی ھەڵەبجە قەرەبوو بکەنەوە». نێچیرڤان بارزانی، سەرۆکی هەرێمی کوردستان لە پەیامێکدا رایگەیاند، ده‌بێ له هه‌موو روويه‌كه‌وه زياتر خزمه‌تى هه‌ڵه‌بجه بكرێت و له‌م ياده‌دا "داوا ده‌كه‌ين ده‌وڵه‌تى عيراق وه‌ك ئه‌رك و پابه‌نديى ياسایی خۆى، خێزان و كه‌سوكارى شه‌هيدان، ئه‌و قوربانييانه‌ى هێشتا له ژياندان و ژينگه‌ى هه‌ڵه‌بجه قه‌ره‌بوو بكاته‌وه و چيتر پشتگوێ نه‌خرێن." لەبارەی بەپارێزگابوونی هەڵەبجەش، سەرۆکی هەرێمی کوردستان داوا دەکات عێراق "هه‌موو هه‌نگاوه‌كانى به‌پارێزگابوونى [هەڵەبجە] ته‌واو بكات، تا به‌و شێوه‌يه كه‌مێكيش بێت له خه‌ميان كه‌م بكاته‌وه." سەرۆکی هەرێمی کوردستان داوا لە كۆمه‌ڵگه‌ى نێوده‌وڵه‌تى و جيهانى پێشكه‌وتوو دەکات کە له هه‌وڵى به‌رده‌وامدا بن بۆ ئه‌وه‌ى رێگه نه‌درێت كاره‌ساتى هه‌ڵه‌بجه له هيچ شوێنێكى ديكه‌ى سه‌رزه‌مين دووباره ببێته‌وه و چه‌كى كۆمه‌ڵكوژ و به‌رهه‌مهێنانى، يه‌كجارى و به ته‌واوى قه‌ده‌خه بكرێت و به هه‌موو شێوه‌يه‌ك رێگه له به‌كارهێنانى بگيرێت." نێچیرڤان بارزانی جەختی کردووەتەوە کە "باشترين ياد و وه‌فادارى و رێز بۆ گيانى شه‌هيدانى هه‌ڵه‌بجه و ته‌واوى كوردستان، ئه‌وه‌يه هه‌موو هێز و لايه‌ن و پێكهاته‌كانى كوردستان يه‌كڕيز و ته‌بابن و پێكه‌وه كاربكه‌ن تاوەکو ته‌واوى مافه ده‌ستوورييه‌كانى گه‌لى كوردستان به‌ده‌ست بهێنين و فيدراڵى و قه‌واره‌ى ده‌ستووريى هه‌رێمى كوردستان بپارێزين." كيميابارانكردنى هه‌ڵه‌بجه، وەکو سەرۆکی هەرێمی کوردستان نووسیویەتی "هه‌وڵێكى بێئه‌نجامى تاوانكارانى مێژوو بوو، تا ئيراده‌ى پۆڵايينى گه‌لى كوردستان بۆ ئازادى و سه‌رفرازى تێكبشكێنن، به‌ڵام وه‌ك هه‌ميشه به خۆڕاگرى مايه‌وه. دەشڵێت، "ده‌بێت له هه‌موو روويه‌كه‌وه زياتر خزمه‌تى هه‌ڵه‌بجه بكرێت." لە کۆتایی پەیامەکەی سەرۆکی هەرێمی کوردستاندا هاتووە، "هه‌موو لايه‌كيش وانه له په‌نده‌كانى مێژوو ببينين و بۆ ئێستا و داهاتوويه‌كى باشتر، بيانكه‌ينه رێنيشانده‌ر."
ئارا ئیبراهیم قایمقامی ناوەندی هەڵەبجە لەیادی 34 ساڵەی كیمیابارانكردنی شارەكەیاندا دەڵێت كەدوو مانگ پێش ئێستا داواكاریەكانیان بەسەرۆكی حكومەت گەیاندووەو دەتوانن ئەمڕۆ چوارشەممە لەكۆبوونەوەی ئەنجومەنی وەزیران بڕیاری جێبەجێكردنی بدەن، دەشڵێت:»سەردانی بەرپرسانمان ناوێت و خزمەتمان دەوێت». نوخشە ناسیح، قایمقامی ناوەندی پارێزگای هەڵەبجە لەلێدوانێكدا بۆ هاوڵاتی ئاماژەی بەوەكرد كە پارێزگای هەڵەبجە لەوە دەرچووە كەبەرپرسان بێنە شارەكە، وتیشی:» ئێمە نامانەوێت بەرپرس بێتە هەڵەبجە دەمانەوێت كار بۆ خزمەتكردنی هەڵەبجە بكرێت، چونكە دوو مانگ پێش ئێستا بەنووسراوی فەرمی داواكاریەكانمان بۆ سەرۆكی حكومەت ناردووەو دەتوانن ئەمڕۆ لەكۆبوونەوەی ئەنجومەنی وەزیران بڕیاری لەسەر بدەن و جێبەجێی بكەن». ناوبراو لەبارەی 34 ساڵەی یادی كیمیابارانكردنی هەڵەبجەدا هێمای بۆ ئەوەكرد كە بڕیاردراوە ئەمساڵ هاوشێوەی ساڵی رابردوو، كاتژمێر ١٠ی بەیانی پاش وتارێك لەسەر مەزاری شەهیدان تاجە گوڵینە دادەنرێت، وتیشی: « بانگهێشتنامەی فەرمی بۆ هیچ كەسێك نەنێردراوە، بەڵام لەپێشوازی میوانەكاندا دەبین، چونكە ئەم یادە لەدەرەوەی كوردستانیش دەكرێتەوە و پەیوەندیمان پێوە كراوە كە لە رانیە یادی هەڵەبجە دەكرێتەوە، بۆیە پێویست ناكات ئێمە بەكەس بڵێین وەرە بۆ هەڵەبجەو پێویستە خەڵك خۆی بێت.» هاوكات قایمقامی هەڵەبجە ئاماژەی بۆ ئەوەشكرد، كەئەوان زۆر لەبەرپرسانی باڵای حكومەت نیگەرانن، چونكە تائێستا لەئاستی خواست و داواكاریەكانی ئەواندا نەبووە. « بەركەوتەی چەكی كیمیایی هەیە تائێستاو دوای ٣٤ ساڵ قەرەنەی چاوی پێویستەو پارە نییە بۆی بكرێت، كەیسی منداڵە ونبووەكانی هەڵەبجە تائێستا هیچ ئەنجامێكی نییەو كەسوكاری شەهید هەیە تائێستا پارچەزەویەكی وەرنەگرتووە»، قایمقامی ناوەندی پارێزگای هەڵەبجە وادەڵێت. نوخشە ناسیح، ئەوەشی دووپاتكردەوە كەئێستاش نەچووە بچێت و ئەمڕۆ چوارشەممە 16ی ئازاری 2022 كۆبوونەوەی ئەنجومەنی وەزیرانەو دەتوانن دڵی هەڵەبجەییەكان خۆشبكەن. سەرەڕای ئەوەی بەپارێزگابوونی هەڵەبجە كەوتووەتە بواری جێبەجێكردنەوە، بەڵام هێشتا چەندین بەڕێوەبەرایەتی بۆ دانەنراوەو كێشەی كەمی میلاكیان هەیە. نوخشە ناسیح باسی لەوەكرد كەپێداویستی بەپارێزگابوونی هەڵەبجە دابین نەكراوە، «ئێمە ناومان پارێزگای هەڵەبجەیە و چەند رێكارێكمان ماوە جێبەجێبكرێن، وەك: دروستكردنی كۆمەڵێك بەڕێوەبەرایەتی و دابینكردنی بودجەیەكی تایبەت بۆ ژێرخانی ئابووری پارێزگاكە». هێشتا ئەنجومەنی پارێزگای هەڵەبجە بەهۆی ناكۆكییەكانی پارتی و یەكێتی لەبارەی پێوەری دابەشكاری ژمارەی كورسییەكانی و دابەشكردنی پۆستە خزمەتگوزارییەكان یەكلایینەكراوەتەوە. قایمقامی ناوەندی پارێزگای هەڵەبجە ئەوەشی روونكردەوە كەئەنجومەنی پارێزگا هەبێت باشترە بۆ خزمەتكردنی پارێزگاكە، بەڵام نەبوونیشی رێگر نییە لەبەردەم خزمەتكردنی پارێزگای هەڵەبجەدا.
(6).jpg)
هاوڵاتی پەیەدە ڕایگەیاند:" پێویستە تورکیا لەوڵات بکرێتە دەرەوە و خۆبەرێوبەرایەتی باکور و ڕۆژهەڵاتی سوریا هیزەکانی سوریای دیموکرات 'هەسەدە' ببن بە بەشێک لەدەستوری سوریا تاوەکو ئاڵۆزییەکانی سوریا چارەسەر ببن". ئەمڕۆ سێشەممە 15ی ئازاری 2022، ئەنجومەنی پارتی یەکێتیی دیموکراتیک 'پەیەدە'دوای تێپەربوونی 11 ساڵ بەسەر ئاڵۆزییەکانی سوریادا ڕاگەیانرداوێکی بڵاوکردەوە ئاماژەی بەوەدا "دوای تێپەڕبوونی 11 ساڵ ئاڵۆزییەکانی وڵات گۆڕان بۆ شەڕی توند ئامێز و خوێناویی لەنێوان هێزەکانی ئۆپۆزسیۆنی سوریا و حکومەتی سوریا، لەم ئاڵۆزییە ناوخۆییەدا هێزە نێودەوڵەتییەکان دەستێوەردانیان کرد و کردیان بە شەرێکی جیهانی، لەئەنجامی ئاڵۆزییەکانیش نیوەی گەلی سوریا ئاوارەی وڵاتانی تر بوون". پەیەدە لەڕاگەیاندراوەکەیدا باسی لەوەشکردووە، "شۆڕشی سوریا بەهیوای هێنانە کایەی سیستەمێکی دیموکراتی و ئازادی دەستپێکرد، بەڵام بەداخەوە ئامانجی شۆڕشەکە بەدی نەهات و لەڕێیڕاستی خۆی لایدا و گۆڕا و بووە هۆکارێک بۆ بەدیهێنانی لایەنە شۆڤینییەکان و دەسەڵاتدارە ڕادیکاڵەکان کە پڕۆژەکانی دیموکراتییان ڕەتکردەوە هەربۆیە هەرێمەکانی وڵاتیان ڕادەستی دەوڵەتی تورکیا و هاوپەیمانەکانی کرد، حکومەتی سوریاش بەکارهێنانی هێز هەوڵدەدات دەستبەسەر ئەو هەرێمانە بگرێتەوە کە بەهەماهەنگی لەگەڵ ئێمە کۆنترۆڵی کردنەوە". لە راگەیانراوەی پەیەدەدا ئەوەش هاتووە، "ئێمە لەڕێگای ئەم بەیاننامەیە بانگەوازی ئاشتی ڕادەگەینین و ئامانجمانە لەڕێگای گفتوگۆوە ئاڵۆزییەکانی وڵات کۆتاییان پێبێت، هەروەها پێویستە تورکیا لەوڵات بکرێتە دەرەوە و خۆبەرێوبەرایەتی باکور و ڕۆژهەڵاتی سوریا هیزەکانی سوریای دیموکرات 'هەسەدە' ببن بە بەشێک لەدەستوری سوریا تاوەکو ئاڵۆزییەکانی سوریا چارەسەر ببن".
.jpg)
هاوڵاتی باڵیۆزی ئێران له به‌غدا رایگه‌یاند كه لایه‌كان خواستی گه‌یشتن به رێككه‌وتنیان هه‌یه. ئیره‌ج مه‌سجدی به ئاژانسی هه‌واڵی فه‌رمی ئێرانی راگه‌یاندوه كه حكومه‌تی تاران پشتیوانی له رێككه‌وتنی نێوان ره‌وتی سه‌در و چوارچێوه‌ی هه‌ماهه‌نگی ده‌كات، گفتوگۆكانی ئێستای نێوانیشیان ئه‌رێنییه. "نابێت درز و لێكترازانی نێوان هێزه شیعه‌كان درێژه بكێشێت، هیوادارین بگه‌نه ته‌وافوق له‌سه‌ر كوتله‌ی گه‌وره و دیاریكردنی سه‌رۆك وه‌زیران و هیواداریشین له‌گه‌ڵ كورد و سوننه بگه‌نه رێككه‌وتن"، مه‌سجدی وای وتوه. باڵیۆزی ئێران له عێراق پێشبینیشی كردوه كه دۆخی نێوان لایه‌نه سیاسییه‌كانی عێراق به‌ره‌و قۆناغی ئه‌رێنی بڕوات و به‌دووری نه‌زانی لایه‌نه‌كان له‌سه‌ر پێكهێنانی حكومه‌ت بگه‌نه ئه‌نجام، وتیشی كه گه‌یشتن به بنبه‌ست خزمه‌ت به به‌رژه‌وه‌ندیی هیچ لایه‌ك ناكات.
.jpg)
هاوڵاتی ئەنجوومەنی نوێنەرانی عێراق رایگەیاند، 45 کەس وەکو كاندید خۆیان بۆ پۆستی سەرۆک کۆماری عێراق ناونووسکردووە و پێنج کەس بە هۆکاری جیاوازكاندیدبوونیان رەتکراوەتەوە. هاوكات :" رۆژی 26ـی ئەم مانگە کۆبوونەوە بۆ هەڵبژاردنی سەرۆک کۆماری نوێی عێراق یاریكرد. ئەنجوومەنی نوێنەرانی عێراق ئەمڕۆ سێشەممە 15-03-2022 بڵاویکردەوە، لەو 45 کەسەی کە وەکو كاندید خۆیان بۆ پۆستی سەرۆک کۆمار ناونووس کردووە، چوار کەس بەهۆی نەبوونی بڕوانامە و کەسێکیش بەهۆی تێبینی یاسایی لەسەری رەتکراونەتەوە، هەروەها 40 کەس وەکو كاندید کە مەرجەکانیان تێدا بووە لەو کێبڕکێیەدا دەمێننەوە. ناوی ئەو كاندیدرانەی کە مەرجەکانیان تێدایە: 1. بەرهەم ئەحمەد ساڵح 2. رێبەر ئەحمەد خالد 3. رزگار محەممەد ئەمین حەمە سەعید 4. رێبوار عەوڕەحمان وەستا ساڵح 5. خالد سددیق عەزیز 6. فەیسەڵ محسن عەبود 7. شەهاب ئەحمەد عەبدوڵڵا 8. حسێن ئەحمەد هاشم 9. ئەحمەد موح عیمران 10. ئەحمەد یەحیا جاسم 11. سەباح ساڵح سعید 12. کازم خدیر عەباس 13. لوئەی عبدالساحب عەبدولوەهاب 14. حەمزە بەریسم سەجیل 15. حوسێن موحسن عەلوان 16. عەبدولەتیف محەممەد جەمال 17. عومەر سادق مستەفا 18. سائیر غانم محەممەد عەلی 19. ئیقبال عەبدوڵڵا ئەمین 20. خەدیجە خدایخش ئەسەد 21. جەبار حەسەن جاسم 22. هادی عبدولموحسین جاسم 23. رەعد خدیر دفاک سایل 24. ئومێد عەبدولسەلام قادر 25. حەیدەر رەشید عەبدولڕەزاق 26. کەمال عەزیز محەممەد رەحیم 27. جەمال کەبسوون حەمید 28. ئەحمەد خەلیل خدر 29. زافر عەبدولئەمیر جەبار 30. ئەحمەد خەلیل خدیر 31. محەممەد عوبێد جەدوع 32. عەلی عەبد حمد داود 33. عومەر ئەحمەد کەریم 34. فائیزە جەبار محەممەد 35. سەعد جەمیل ناسر 36. عەلی عەباس رەسەن 37. تەها حەمە رەشید عبدولڕەحمان 38. فەتیحە فەتحوڵڵا حەسەن 39. خالد مستەفا حوسێن 40. عەبدولعەزیز ئەحمەد محەممەد
ژووری ئۆپراسیۆنەکانی چاودێریی ئابووری پارێزگای سلێمانی لەبارەی نرخی ئارد و بەنزین و غازەوە بریاری دا
هاوڵاتی ژوری ئۆپەراسیۆنەکانی چاودێرئی ئابوریی پارێزگای سلێمانی رایگەیاند:" لەكۆبونەوەی ئەمرۆدا بریار لەسەر نرخی بەرهەمە خۆراكیەكان و دابینكردنی ئارد بۆ نانەوا و سەمونخانەكان و جێگركردنی نرخی غاز و بەنزین درا. ژوری ئۆپەراسیۆنەکانی چاودێرئی ئابوریی پارێزگای سلێمانی راگەیەندراوێکی بڵاوکردەوە و تیایدا هاتووە، ئەمڕۆ ژوری ئۆپراسیۆنەکانی چاودێریی ئابووریی پارێزگای سلێمانی، پاڵپشت بە بڕیارەکانی کۆبوونەوەی ڕۆژی 9ی 3ی 2022ی ئەنجومەنی وەزیران و راگەیەنراوی کۆبوونەوەی وەزارەتی ناوخۆ تایبەت بە دۆخی بازاڕ لە 13ی 3ی 2022دا، کۆبوونەوەیەکی سازکرد. کۆبوونەوەکە بە سەرپەرشتی هەریەک لە هەڤاڵ ئەبوبەکر، پارێزگاری سلێمانی و بەئامادەبوونی سەرۆکی ئەنجومەنی پارێزگای سلێمانی و قائمقامی قەزای مەڵبەندی سلێمانی و فەرمانگا پەیوەندیدارەکان و ژوری بازرگانی و پیشەسازیی سلێمانی بوو. کۆبوونەوەکە تایبەت بە دابینکردن و گواستنەوە و هێنانە ناوەوە و هەڵگرتن و خستنەڕووی٧ نرخی پێداویستیە سەرەکیەکانی هاووڵاتیان و پاراستنی ئاسایشی خۆراک و پێداویستیەکان و بەرژەوەندیی گشتیدا بووە. لە کۆبوونەوەکەدا بڕیاردرا بە: یەکەم: جەخت کردنەوە لەسەر یاداشتی پارێزگاری سلێمانی بە نووسراوی پارێزگای سلێمانی/ نووسینگەی تایبەت ژمارە (25) لە (13/ 3/ 2022)ی تایبەت بە پێشنیازەکان بۆ چارەسەرکردنی ئەم بارودۆخانە، کە هاوپێچی ئەم نووسراوە کراوە. دووەم: لە ڕۆژی (15/ 3/ 2022)وە لەلایەن بەڕێوەبەرایەتی نەوت و کانزاکانی سلێمانیەوە بە هەماهەنگیی قائمقامیەتی قەزای مەڵبەندی سلێمانی و بەڕێوەبەرایەتی چاودێریی بازرگانی و بەڕێوەبەرایەتی ئاسایشی ئابووریی لەو (5) بەنزینخانەیەی بۆ دابینکردنی بەنزینی پشتیوانیکراو لە سنوری شاری سلێمانیدا دیاریکراوە ڕۆژانە (1) بەنزینخانە بۆ ئۆتۆمبێلی ژمارە تایبەت و، (2) بەنزینخانە بۆ ئۆتۆمبێلی تاکسی، ڕۆژێک بۆ ژمارەی تاک و ڕۆژێک بۆ ژمارەی جووت و، (2) بەنزینخانە بۆ پاسەکانی هێڵی گواستنەوەی گشتیی تەرخان دەکرێت. سێیەم: بە دەستپێشخەریی بازرگانان و ژوری بازرگانیی و پیشەسازیی سلێمانی بڕێک ئارد بێ بەرامبەر بۆ هەر نانەواخانەو سەمونخانەیەک دابیندەکرێت. لیژنەکانی قائیمقامیەتی قەزای مەڵبەندی سلێمانی بە هەماهەنگیی بەڕێوەبەرایەتی چاودێریی بازرگانی و بەڕێوەبەرایەتی ئاسایشی ئابووریی، ڕێکاری پێویست بۆ ئەم مەبەستە دیاریدەکەن. چوارەم: بۆ جێبەجێکردنی بڕیاری ئەنجومەنی وەزیران، داوا لە کۆمپانیای دابینکردنی غاز دەکرێت، کە پابەندی تەواوی ناوەڕۆکی بڕیاری ئەنجومەنی وەزیران پەیوەست بە دابینکردنی پێداویستی هاووڵاتیان و دابینکردنی غاز بە نرخێکی پشتیوانیکراو بۆ نانەواخانەکان، بێت. پێنجەم: داوا لە هەموو وەزارەتە پەیوەندیدارەکان کرا، بۆ جێبەجێکردنی کرداریی بڕیارەکانی ئەنجومەنی وەزیران و وەزارەتی ناوخۆ، پێویستە دەسەڵاتی تەواو بەپێی تایبەتمەندیی وەزارەتەکانیان بۆ بەڕێوەبەرێتی گشتیی و بەڕێوەبەرێتی پارێزگاکان داببەزێنن، بۆئەوەی بتوانن ڕۆڵی کارای خۆیان لە چارەسەرکردنی ئەم دۆخەدا ببینن. شەشەم: ژوری ئۆپراسیۆنەکانی چاودێریی ئابووریی، دەسەڵاتی تەواو دەدات بە سەرۆکی یەکە کارگێڕییەکان، کە سەرۆکایەتیی لیژنەی هاوشێوە لە یەکە کارگێڕییەکانیاندا بکەن بەهەماهەنگیی فەرمانگا پەیوەندیدارەکانیان لە سنورەکەیانداو چاودێریی وردی قەبارەی خستنەڕوو و کوالێتی و نرخی کاڵاکان بکەن و ڕێکاری یاسایی بەرامبەر قۆرخکارو سەرپێچیکار بگرنەبەر. حەوتەم: پێویستە ڕێگری و بەربەستی نێوان شارەکانی هەرێمی کوردستان هەڵبگیرێت لە جوڵەپێکردنی کاڵاکان و بەرهەم و پێداویستیە کشتوکاڵیی و پەلەوەریی و ڤێتێرنەرییەکانداو دەرفەتی هاوسەنگ و هاوبەش بۆ هەموو لایەک فەراهەم بکرێت بەبێ جیاوازیی. هەشتەم: دیاریکردنی ڕەسید لە وەزارەتەکانەوە بۆ پێداویستیە سەرەکییەکان لاببرێت و، چاودێریکردنی کوالێتی و نرخ بکرێتە بنەما. نۆیەم: ڕێگا بە کێڵگە پەلەوەرییەکان بدرێت خۆیان پێداویستیەکانی خۆیان بەپێی توانای بەرهەمهێنانیان لە دەرەوەو ناوەوەی وڵات دابین بکەن. دەیەم: پێویستە ئەو بانکە ئەهلییانەی دۆلار بە نرخی فەرمیی لە بانکی ناوەندیی عیراق وەردەگرن، بەپێی مانیفێستی فەرمیی داخڵکردنی کەرەستە خۆراکییە سەرەکییەکان، دۆلار بۆ بازرگانان بە نرخی فەرمیی دابینبکەن. یانزەیەم: داوا لە وەزارەتە پەیوەندیدارەکان بکرێت فەرمانبەری پێویست بۆ فەرمانگاکانی (چاودێری بازرگانی، دابەشکردنی ئارد، دابەشکردنی خۆراک) دابین بکەن و پشتیوانیی دارایی و تەکنیکییان بکەن بۆئەوەی بتوانن بەباشترین شێوە ئەرکەکانیان جێبەجێ بکەن.
هاوڵاتی پارێزگاری كەركوك لەنوسراوێكدا تەنها سێ كاتژمێر مۆڵەت بە كورد دەدات لەناو شاری كەركوك و لە جەژنی نەورۆزدا ئاهەنگ بگێڕن بەبێ بەرزكردنەوەی هیچ دروشمێكی نەتەوەیی. ئەمڕۆ سێشەممە 15ی ئازاری 2021، بەپێی نوسراوێكی پارێزگای كەركوك كە واژۆی راكان جبوری لەسەرە و ئاراستەی نوسینگەی ئەندامانی پەرلەمانی عێراق كراوە لە فراكسیۆنی یەكێتیی هاتوە، پیرۆزبایی لە گەلی كورد دەكەن بەبۆنەی جەژنی نەورۆزەوە و رەزامەندی دەربڕدراوە كە رۆژی 20ی (ئادار/3)ی 2022 لەكاتژمێر 4:00 تا 7:00ی ئێوارە ئەو یادە بكەنەوە. هاوكات، لەبەشێكی تری نووسراوەكەدا هاتووە ئەو وادەیە بەبێ مۆڵەت دان بە بەرزكردنەوەی دروشمی نەتەوەیی یاخود نواندنی رەفتارێك زیان بەكەشی برایەتی پێكهاتە و ئاینەكانی كەركوك بگەیەنێت.
شاناز حەسەن بەغدا بڕیاری داوە 200 ملیار دینارەكە بۆ حكومەتی هەرێمی كوردستان رەوانە بكات. سەرچاوەیەك لە ئەنجومەنی وەزیرانی عێراقەوە بە میدیا عێراقییەكانی راگەیاندووە لە كۆبونەوەی ئەمڕۆ سێ شەممەی ئەنجومەنی وەزیراندا، مستەفا كازمی بریاریداوە كە بڕی 200 ملیار دیناری مانگانە بۆ هەرێم رەوانە بكرێت و بۆ ئەو مەبەستە وەزیری دارایی راسپاردووە. فارس عیسا، سەرۆكی نوێنەرایەتی حكومەتی هەرێم لە بەغدا ئەوەی بە هاوڵاتی راگەیاند:" كە بەم زوانە بەغدا 200 ملیار دینارەكە رەوانەی هەرێم دەكات". ئاماژەی بەوەش دا، وەكو پێشووتر دوای تەواوبوونی ڕێكارە ئیداری و كارگێڕییەكان، 200 ملیار دینارەكە دەنێردرێت. به گوێره‌ى رِێككه‌وتنێك كه له نێوان حكوومه‌تى هه‌رێمى كوردستان و حكوومه‌تى عێراق، به‌غدا مانگانه 200 ملیار دینار وه‌ك "سولفه‌یه‌ك" وه‌كوو به‌شی هه‌رێمى كوردستان ده‌نێرێت و له‌گه‌ڵ داهاتی ناوخۆدا، مووچه‌ی فه‌رمانبه‌رانی هه‌رێمی كوردستانی پێ دابین و دابه‌ش ده‌كرێ.
هاوڵاتى پارێزگاری هەولێر رایگەیاند:" تا ئێستا بڕی 7 ملیار دینار بۆ هاوکاری زیانلێکەوتووانی هەولێر کۆکراوەتەوە و بەمزووانە دابەشدەکرێت". ئومێد خۆشناو، پارێزگاری هەولێر لە کۆنگرەیەکی رۆژنامەوانیدا رایگەیاند: " بڕی 7 ملیار دینار لەو پارەیەی کۆکراوەتەوە بۆ زیانلێکەوتووانی لافاوەکەی هەولێر ئامادەیە و هەوڵدەدەین بەمزووانە دابەشی بکەین. پێشتریش 4 ملیار دینار بۆ کەلوپەل و پێداویستی وەک هاوکاریی سەرەتایی دابەشکراوە و ئەوە جیاوازە لەو 7 ملیار دینارەی کە ماوە." پارێزگاری هەولێر لە بەشێکی دیکەی قسەکانیدا دڵنیایی دا کە "بەزووترین کات" پارەکە دابەشدەکەن و دەشڵێت "هۆکاری ئەوەی کە تاوەکو ئێستا دابەشنەکراوە ئەوەیە کە زیانەکان بە زیاتر لە 21 ملیار دینار خەمڵێنرابوون، بەڵام ئێستا تەنیا 7 ملیار کۆکراوەتەوە. هەروەها ئەوانەیشی هۆکاری دروستبوونی لافاوەکەن بە دڵنیاییەوە سزای ماددی دەدرێن و دواتر لەگەڵ 7 ملیارەکە تێکەڵ دەکرێت و دەست بە دابەشکردنی دەکەین بەپێی زیانەکان." سەبارەت بەوەی کە بەشێک لە ماڵەکان ئۆتۆمبێلەکانیان بەهۆی لافاوەکە تووشی زیان بووە، پارێزگاری هەولێر گوتی " خەمڵاندنمان بۆ ئەوانەش کردووە کە ئۆتۆمبێلەکانیان تووشی زیان بووە و ئەوانیش بە دڵنیاییەوە قەرەبووی ئۆتۆمبێل وەردەگرنەوە بەپێی زیانەکان." رۆژی 17-12-2021 بەهۆی بارانی بەخوڕ لە چەند شوێنێکی شاری هەولێر و دەوروبەری لافاو دروستبوو، بەو هۆیەوە 12 هاونیشتمانی گیانیان لەدەستدا.
هاوڵاتى سه‌رۆكى هه‌رێمى كوردستان پێشوازى له ڤيلله ڤاريۆلا باڵيۆزى يه‌كێتيى ئه‌ورووپا كرد و نێرده‌ى ڕاوێژكاريى يه‌كێتيى ئه‌ورووپاش هاريكارى و پشتگيرى بۆ عيراق و هه‌رێمى كوردستان نيشان دا تا له بواره مه‌ده‌نييه‌كاندا يارمه‌تيده‌ر بن و هه‌رێمى كوردستانيش بتوانێت سوودمه‌ند بێت له به‌رنامه‌كانى نێرده‌ى يه‌كێتيى ئه‌ورووپا و كاركردنى له‌سه‌ر چاكسازى له كه‌رتى سڤيلدا . پێشنيوه‌ڕۆى ئه‌مڕۆ سێشه‌ممه 2022/3/15 نێچيرڤان بارزانى، سه‌رۆكى هه‌رێمى كوردستان، پێشوازى له ڤيلله ڤاريۆلا باڵيۆزى يه‌كێتيى ئه‌ورووپا و ئان مێسكانه‌ن سه‌رۆكى نێرده‌ى ڕاوێژكاريى يه‌كێتيى ئه‌ورووپا له عيراق كرد. له كۆبوونه‌وه‌يه‌كدا دوايين پێشهاته‌كانى دۆخى سياسيى عيراق و ته‌حه‌دييه‌كانى به‌رده‌مى، هێرشه مووشه‌كييه‌كه‌ى سه‌ر هه‌ولێر، هه‌وڵه‌كان بۆ پێكهێنانى حكوومه‌تى داهاتووى عيراق، ئاماده‌يى و ڕۆڵ و چالاكيى يه‌كێتيى ئه‌ورووپا له بواره جياكاندا له عيراق و هه‌رێمى كوردستان و بواره‌كانى هاريكاريى نێوانيان، پرسى كۆچ و كۆچبه‌ران و مافى مرۆڤ و ئازاد‌ييه‌كان، دۆخى شه‌ڕ له ئۆكرانيا و كاريگه‌رى و لێكه‌وته‌كانى، تاوتوێ كران. باڵيۆزى يه‌كێتي ئه‌ورووپا له عيراق پوخته‌يه‌كى له كار و چالاكييه‌كانى يه‌كێتيى ئه‌ورووپا و دامه‌زراوه‌كانى له عيراق و هه‌رێمى كوردستان و پلانى داهاتوويان پێشكه‌ش كرد و جه‌ختى له خواستى يه‌كێتي ئه‌ورووپا بۆ بره‌ودان به په‌يوه‌ندييه‌كانى له‌گه‌ڵ عيراق و هه‌رێمى كوردستان و يارمه‌تيدانيان بۆ به‌هێزكردنى دامه‌زراوه‌كان، به‌ڕێوه‌بردن، ئاوه‌دانكردنه‌وه، كه‌رتى وه‌به‌رهێنان و سيستمى بانكى، دووپات كرده‌وه. نێرده‌ى ڕاوێژكاريى يه‌كێتيى ئه‌ورووپاش هه‌موو ئاماده‌يى و پشتگيرييه‌كى نێرده‌كه‌يانى بۆ پێشكه‌شكردنى هاريكارى و پشتگيرى بۆ عيراق و هه‌رێمى كوردستان نيشان دا تا له بواره مه‌ده‌نييه‌كاندا يارمه‌تيده‌ر بن و هه‌رێمى كوردستانيش بتوانێت سوودمه‌ند بێت له به‌رنامه‌كانى نێرده‌ى يه‌كێتيى ئه‌ورووپا و كاركردنى له‌سه‌ر چاكسازى له كه‌رتى سڤيلدا كه بواره‌كانى تايبه‌ت به تاوانى ڕێكخراو، كۆچى ناياسايى، پاراستنى شوێنه‌واره‌كان، به‌ڕێوه‌بردنى قه‌يرانه‌كان، بابه‌ته‌كانى جێنده‌ر، دادوه‌رى و چه‌ند بوارێكى ديكه، ده‌گرێته‌وه. لاى خۆيه‌وه نێچيرڤان بارزانى سوپاسى هه‌ڵوێستى يه‌كێتيى ئه‌ورووپا و ڕاگه‌يه‌نراوه‌كه‌ى ده‌رباره‌ى هێرشى مووشه‌كيى بۆ سه‌ر هه‌ولێر كرد و جه‌ختى له گرنگيى ئاماده‌يى و ڕۆڵى يه‌كێتيى ئه‌ورووپا و دامه‌زاروه‌كانى له عيراق و هه‌رێمى كوردستان كرده‌وه كه ده‌توانن له بواره جياكاندا يارمه‌تيده‌ر بن، به‌تايبه‌تى له بواره‌كانى ديموكراسى و مافه‌كانى مرۆڤ و چاكسازى و دادوه‌رى و گه‌لێك بوارى ديكه‌دا كه بۆ ئێستا و داهاتووى عيراق و هه‌رێمى كوردستان پێويستن.
هاوڵاتى بەرپرسی کۆمپانیای گشتی گواستنەوەی دانەوێڵەی عێراق رایگەیاند:" بڕیاریان داوە بڕی تەواوی ئەو گەنمەی لە هەولێر و دهۆک و نەینەواش هەیە وەربگرن لەپێناو هاوکاریکردنی جوتیاران". محەمەد حەنون بەرپرسی کۆمپانیای گشتی گواستنەوەی دانەوێڵەی عێراق لەراگەیەندراوێکدا رایگەیاند:" لەدانیشتنی یانزەیەمی دوێنێیاندا ژمارەیەک بڕیاریان بۆ پشتگیری جوتیاران دەرکردووە لەسەر بنەمای ئەوەی قۆناغی داهاتوو پێویستی پێیەتی و بەپێی ئەو هەلومەرجەی لە ئێستادا جیهان پێیدا تێپەڕدەبێت. ئاماژەی بەوەشکردووە، داواکاری یەکێتی گشتی کۆمەڵەی کشتوکاڵی کە کێشەی جوتیارانی قەزای شێخان و زلیکان و ناوچەکانی دەوروبەرییان خستبووە روو چارەسەرکراوە و ئەوانەش وەردەگیرێت و دەخرێنە کۆگاکانی دەوڵەتەوە. باسی لەوەشکردووە، بەمەبەستی ئاسانکاری بۆ بەبازاڕکردنی ئەو بڕەی کە لە بەروبوومی گەنمی ناوچەی ئەلئەزیری سەر بە پارێزگای میسان بەرهەم دەهێنرێت و بەمەبەستی یارمەتیدانی جوتیاران، لیژنەکە بەبازاڕکردنی بڕی ئەوگەنمەی لە لقی کۆمپانیاکە لە بەسرە هەیە پەسەند کردووە.
هاوڵاتى لە ئێستادا پلانی روسیا بە ئامانجكردنی بنكە سەربازییەكانی ئۆكرانیایە تا بتوانن لەروی چەك و تەقەمەنی وورەی سەربازەكانەوە كاریگەریان هەبێت، وەزارەتی بەرگریی روسیا دەڵێت:" ئەو شوێنەی کردوومانەتە ئامانج شوێنی راهێنانکردن بووە بەو چەکدارانەی لە وڵاتانی دیکەوە چوونەتە ئۆكرانیا بۆئەوەی دژی هێزەکانی روسیا شەڕبکەن". ڤۆلۆدیمیر زیلینسکی، سەرۆکی ئۆکراینا دەڵێت "بە 30 مووشەک یەک ناوچەی لڤیڤ کرایە ئامانج. لە ئەنجامدا 35 کەس کوژران و 134 کەسی دیکە بریندار بوون. هیچ شتێکی ئەوتۆ لەوێ نییە کە ببێتە هەڕەشە بۆ سەر خاکی رووسیا. سنوورەکانی ناتۆش 20 کیلۆمەتر لەوێوە دوورن." وەزارەتی بەرگریی رووسیا دەڵێت، ئەو شوێنەی کردوویانەتە ئامانج شوێنی راهێنانکردن بووە بەو چەکدارانەی لە وڵاتانی دیکەوە چوونەتە ئۆکراینا بۆئەوەی دژی هێزەکانی رووسیا شەڕبکەن. ئیگۆر کۆناشینکۆڤ، وتەبێژی وەزارەتی بەرگریی روسیا وتی "رژێمی کیێڤ لەم بنکەیەدا ناوەندێکی راهێنان و هاوئاهەنگی بۆ بە کرێگیراوی دەرەکی کردووەتەوە پێش ئەوەی دژی روسیا شەڕیان پێبکات. هێرشەکەمان سەروو 180 بە کرێگیراوی دەرەکی کوشتووە. ئەمە چارەنووسی هەموو بەکرێگیراوێک دەبێت کە دەچێتە ئۆكرانیا."
