.jpeg)
شاناز حەسەن بەغدا بڕیاری داوە 200 ملیار دینارەكە بۆ حكومەتی هەرێمی كوردستان رەوانە بكات. سەرچاوەیەك لە ئەنجومەنی وەزیرانی عێراقەوە بە میدیا عێراقییەكانی راگەیاندووە لە كۆبونەوەی ئەمڕۆ سێ شەممەی ئەنجومەنی وەزیراندا، مستەفا كازمی بریاریداوە كە بڕی 200 ملیار دیناری مانگانە بۆ هەرێم رەوانە بكرێت و بۆ ئەو مەبەستە وەزیری دارایی راسپاردووە. فارس عیسا، سەرۆكی نوێنەرایەتی حكومەتی هەرێم لە بەغدا ئەوەی بە هاوڵاتی راگەیاند:" كە بەم زوانە بەغدا 200 ملیار دینارەكە رەوانەی هەرێم دەكات". ئاماژەی بەوەش دا، وەكو پێشووتر دوای تەواوبوونی ڕێكارە ئیداری و كارگێڕییەكان، 200 ملیار دینارەكە دەنێردرێت. به گوێره‌ى رِێككه‌وتنێك كه له نێوان حكوومه‌تى هه‌رێمى كوردستان و حكوومه‌تى عێراق، به‌غدا مانگانه 200 ملیار دینار وه‌ك "سولفه‌یه‌ك" وه‌كوو به‌شی هه‌رێمى كوردستان ده‌نێرێت و له‌گه‌ڵ داهاتی ناوخۆدا، مووچه‌ی فه‌رمانبه‌رانی هه‌رێمی كوردستانی پێ دابین و دابه‌ش ده‌كرێ.
هاوڵاتى پارێزگاری هەولێر رایگەیاند:" تا ئێستا بڕی 7 ملیار دینار بۆ هاوکاری زیانلێکەوتووانی هەولێر کۆکراوەتەوە و بەمزووانە دابەشدەکرێت". ئومێد خۆشناو، پارێزگاری هەولێر لە کۆنگرەیەکی رۆژنامەوانیدا رایگەیاند: " بڕی 7 ملیار دینار لەو پارەیەی کۆکراوەتەوە بۆ زیانلێکەوتووانی لافاوەکەی هەولێر ئامادەیە و هەوڵدەدەین بەمزووانە دابەشی بکەین. پێشتریش 4 ملیار دینار بۆ کەلوپەل و پێداویستی وەک هاوکاریی سەرەتایی دابەشکراوە و ئەوە جیاوازە لەو 7 ملیار دینارەی کە ماوە." پارێزگاری هەولێر لە بەشێکی دیکەی قسەکانیدا دڵنیایی دا کە "بەزووترین کات" پارەکە دابەشدەکەن و دەشڵێت "هۆکاری ئەوەی کە تاوەکو ئێستا دابەشنەکراوە ئەوەیە کە زیانەکان بە زیاتر لە 21 ملیار دینار خەمڵێنرابوون، بەڵام ئێستا تەنیا 7 ملیار کۆکراوەتەوە. هەروەها ئەوانەیشی هۆکاری دروستبوونی لافاوەکەن بە دڵنیاییەوە سزای ماددی دەدرێن و دواتر لەگەڵ 7 ملیارەکە تێکەڵ دەکرێت و دەست بە دابەشکردنی دەکەین بەپێی زیانەکان." سەبارەت بەوەی کە بەشێک لە ماڵەکان ئۆتۆمبێلەکانیان بەهۆی لافاوەکە تووشی زیان بووە، پارێزگاری هەولێر گوتی " خەمڵاندنمان بۆ ئەوانەش کردووە کە ئۆتۆمبێلەکانیان تووشی زیان بووە و ئەوانیش بە دڵنیاییەوە قەرەبووی ئۆتۆمبێل وەردەگرنەوە بەپێی زیانەکان." رۆژی 17-12-2021 بەهۆی بارانی بەخوڕ لە چەند شوێنێکی شاری هەولێر و دەوروبەری لافاو دروستبوو، بەو هۆیەوە 12 هاونیشتمانی گیانیان لەدەستدا.
هاوڵاتى سه‌رۆكى هه‌رێمى كوردستان پێشوازى له ڤيلله ڤاريۆلا باڵيۆزى يه‌كێتيى ئه‌ورووپا كرد و نێرده‌ى ڕاوێژكاريى يه‌كێتيى ئه‌ورووپاش هاريكارى و پشتگيرى بۆ عيراق و هه‌رێمى كوردستان نيشان دا تا له بواره مه‌ده‌نييه‌كاندا يارمه‌تيده‌ر بن و هه‌رێمى كوردستانيش بتوانێت سوودمه‌ند بێت له به‌رنامه‌كانى نێرده‌ى يه‌كێتيى ئه‌ورووپا و كاركردنى له‌سه‌ر چاكسازى له كه‌رتى سڤيلدا . پێشنيوه‌ڕۆى ئه‌مڕۆ سێشه‌ممه 2022/3/15 نێچيرڤان بارزانى، سه‌رۆكى هه‌رێمى كوردستان، پێشوازى له ڤيلله ڤاريۆلا باڵيۆزى يه‌كێتيى ئه‌ورووپا و ئان مێسكانه‌ن سه‌رۆكى نێرده‌ى ڕاوێژكاريى يه‌كێتيى ئه‌ورووپا له عيراق كرد. له كۆبوونه‌وه‌يه‌كدا دوايين پێشهاته‌كانى دۆخى سياسيى عيراق و ته‌حه‌دييه‌كانى به‌رده‌مى، هێرشه مووشه‌كييه‌كه‌ى سه‌ر هه‌ولێر، هه‌وڵه‌كان بۆ پێكهێنانى حكوومه‌تى داهاتووى عيراق، ئاماده‌يى و ڕۆڵ و چالاكيى يه‌كێتيى ئه‌ورووپا له بواره جياكاندا له عيراق و هه‌رێمى كوردستان و بواره‌كانى هاريكاريى نێوانيان، پرسى كۆچ و كۆچبه‌ران و مافى مرۆڤ و ئازاد‌ييه‌كان، دۆخى شه‌ڕ له ئۆكرانيا و كاريگه‌رى و لێكه‌وته‌كانى، تاوتوێ كران. باڵيۆزى يه‌كێتي ئه‌ورووپا له عيراق پوخته‌يه‌كى له كار و چالاكييه‌كانى يه‌كێتيى ئه‌ورووپا و دامه‌زراوه‌كانى له عيراق و هه‌رێمى كوردستان و پلانى داهاتوويان پێشكه‌ش كرد و جه‌ختى له خواستى يه‌كێتي ئه‌ورووپا بۆ بره‌ودان به په‌يوه‌ندييه‌كانى له‌گه‌ڵ عيراق و هه‌رێمى كوردستان و يارمه‌تيدانيان بۆ به‌هێزكردنى دامه‌زراوه‌كان، به‌ڕێوه‌بردن، ئاوه‌دانكردنه‌وه، كه‌رتى وه‌به‌رهێنان و سيستمى بانكى، دووپات كرده‌وه. نێرده‌ى ڕاوێژكاريى يه‌كێتيى ئه‌ورووپاش هه‌موو ئاماده‌يى و پشتگيرييه‌كى نێرده‌كه‌يانى بۆ پێشكه‌شكردنى هاريكارى و پشتگيرى بۆ عيراق و هه‌رێمى كوردستان نيشان دا تا له بواره مه‌ده‌نييه‌كاندا يارمه‌تيده‌ر بن و هه‌رێمى كوردستانيش بتوانێت سوودمه‌ند بێت له به‌رنامه‌كانى نێرده‌ى يه‌كێتيى ئه‌ورووپا و كاركردنى له‌سه‌ر چاكسازى له كه‌رتى سڤيلدا كه بواره‌كانى تايبه‌ت به تاوانى ڕێكخراو، كۆچى ناياسايى، پاراستنى شوێنه‌واره‌كان، به‌ڕێوه‌بردنى قه‌يرانه‌كان، بابه‌ته‌كانى جێنده‌ر، دادوه‌رى و چه‌ند بوارێكى ديكه، ده‌گرێته‌وه. لاى خۆيه‌وه نێچيرڤان بارزانى سوپاسى هه‌ڵوێستى يه‌كێتيى ئه‌ورووپا و ڕاگه‌يه‌نراوه‌كه‌ى ده‌رباره‌ى هێرشى مووشه‌كيى بۆ سه‌ر هه‌ولێر كرد و جه‌ختى له گرنگيى ئاماده‌يى و ڕۆڵى يه‌كێتيى ئه‌ورووپا و دامه‌زاروه‌كانى له عيراق و هه‌رێمى كوردستان كرده‌وه كه ده‌توانن له بواره جياكاندا يارمه‌تيده‌ر بن، به‌تايبه‌تى له بواره‌كانى ديموكراسى و مافه‌كانى مرۆڤ و چاكسازى و دادوه‌رى و گه‌لێك بوارى ديكه‌دا كه بۆ ئێستا و داهاتووى عيراق و هه‌رێمى كوردستان پێويستن.
هاوڵاتى بەرپرسی کۆمپانیای گشتی گواستنەوەی دانەوێڵەی عێراق رایگەیاند:" بڕیاریان داوە بڕی تەواوی ئەو گەنمەی لە هەولێر و دهۆک و نەینەواش هەیە وەربگرن لەپێناو هاوکاریکردنی جوتیاران". محەمەد حەنون بەرپرسی کۆمپانیای گشتی گواستنەوەی دانەوێڵەی عێراق لەراگەیەندراوێکدا رایگەیاند:" لەدانیشتنی یانزەیەمی دوێنێیاندا ژمارەیەک بڕیاریان بۆ پشتگیری جوتیاران دەرکردووە لەسەر بنەمای ئەوەی قۆناغی داهاتوو پێویستی پێیەتی و بەپێی ئەو هەلومەرجەی لە ئێستادا جیهان پێیدا تێپەڕدەبێت. ئاماژەی بەوەشکردووە، داواکاری یەکێتی گشتی کۆمەڵەی کشتوکاڵی کە کێشەی جوتیارانی قەزای شێخان و زلیکان و ناوچەکانی دەوروبەرییان خستبووە روو چارەسەرکراوە و ئەوانەش وەردەگیرێت و دەخرێنە کۆگاکانی دەوڵەتەوە. باسی لەوەشکردووە، بەمەبەستی ئاسانکاری بۆ بەبازاڕکردنی ئەو بڕەی کە لە بەروبوومی گەنمی ناوچەی ئەلئەزیری سەر بە پارێزگای میسان بەرهەم دەهێنرێت و بەمەبەستی یارمەتیدانی جوتیاران، لیژنەکە بەبازاڕکردنی بڕی ئەوگەنمەی لە لقی کۆمپانیاکە لە بەسرە هەیە پەسەند کردووە.
هاوڵاتى لە ئێستادا پلانی روسیا بە ئامانجكردنی بنكە سەربازییەكانی ئۆكرانیایە تا بتوانن لەروی چەك و تەقەمەنی وورەی سەربازەكانەوە كاریگەریان هەبێت، وەزارەتی بەرگریی روسیا دەڵێت:" ئەو شوێنەی کردوومانەتە ئامانج شوێنی راهێنانکردن بووە بەو چەکدارانەی لە وڵاتانی دیکەوە چوونەتە ئۆكرانیا بۆئەوەی دژی هێزەکانی روسیا شەڕبکەن". ڤۆلۆدیمیر زیلینسکی، سەرۆکی ئۆکراینا دەڵێت "بە 30 مووشەک یەک ناوچەی لڤیڤ کرایە ئامانج. لە ئەنجامدا 35 کەس کوژران و 134 کەسی دیکە بریندار بوون. هیچ شتێکی ئەوتۆ لەوێ نییە کە ببێتە هەڕەشە بۆ سەر خاکی رووسیا. سنوورەکانی ناتۆش 20 کیلۆمەتر لەوێوە دوورن." وەزارەتی بەرگریی رووسیا دەڵێت، ئەو شوێنەی کردوویانەتە ئامانج شوێنی راهێنانکردن بووە بەو چەکدارانەی لە وڵاتانی دیکەوە چوونەتە ئۆکراینا بۆئەوەی دژی هێزەکانی رووسیا شەڕبکەن. ئیگۆر کۆناشینکۆڤ، وتەبێژی وەزارەتی بەرگریی روسیا وتی "رژێمی کیێڤ لەم بنکەیەدا ناوەندێکی راهێنان و هاوئاهەنگی بۆ بە کرێگیراوی دەرەکی کردووەتەوە پێش ئەوەی دژی روسیا شەڕیان پێبکات. هێرشەکەمان سەروو 180 بە کرێگیراوی دەرەکی کوشتووە. ئەمە چارەنووسی هەموو بەکرێگیراوێک دەبێت کە دەچێتە ئۆكرانیا."
هاوڵاتى بافڵ تاڵەبانی رایگەیاند:" لەگەڵ سەرکردەکانی چوارچێوەی ھەماھەنگی هەنگاوەکانی زاڵبوون بەسەر کێشەکان و تێپەڕاندنی بەربەستەکان تاوتوێ کران و جەخت لە زمانی دیالۆگ و تێگەیشتنی هاوبەش کرایەوە". نوسینگەی بافڵ جەلال تاڵەبانی، لە پەیجی فەرمی خۆی لە تۆڕی کۆمەڵایەتیی فەیسبووک نووسیویەتی:" وەفدی باڵای یەکێتی لە بەغدا لەگەڵ سەرکردەکانی چوارچێوەی ھەماھەنگی کە پێکھاتبوون لە نووری مالکی، سەرۆکی ھاوپەیمانیی دەوڵەتی یاسا، حەیدەر عەبادی، سەرۆکی ھاوپەیمانیی نەسر و قەیس خەزعەلی، ئەمینداری گشتی بزووتنەوەی عەسائیب ئەھلی حەق و چەند سەرکردەیەک لە ھاوپەیمانیی فەتح کۆبوونەوە". بەپێی راگەیێندراوەکەی بافڵ تاڵەبانی، لە کۆبوونەوەکەدا گفتوگۆ لەبارەی پێکھێنانی حکومەتی نوێی عێراق کراوە "هەنگاوەکانی زاڵبوون بەسەر کێشەکان و تێپەڕاندنی بەربەستەکان تاوتوێ کران و جەخت لە زمانی دیالۆگ و تێگەیشتنی هاوبەش کرایەوە". بافڵ تاڵەبانی لە راگەیێندراوەکەیدا ئاماژەی بەوەشکردووە، پاراستنی ئارامی و سەقامگیری سیاسی و ئابووری لە ناوچەکە تەوەرێکی دیکەی کۆبوونەوەکە بوو، جەخت لەوە کرایەوە کە دەبێت کێشەکان بە گفتوگۆ و دیالۆگ چارەسەر بکرێن و رێگەچارەیەکی گونجاو بۆ تێپەڕاندنی بەربەستەکانی بەردەم پێکهێنانی حکومەتی نوێی عێراق بدۆزرێتەوە. هەردوولا هاوڕابوون کە دەبێت حكومەتێكی بەهێز و خزمەتگوزار دروست بكرێت بەشێوەیەک کە وەڵامدەرەوەی خواستی هەموو نەتەوە و پێکهاتەکانی عێراق بێت.
.jpg)
هاوڵاتى سەرۆکی هەرێمی کوردستان رایگەیاند:" سەردانەکەی مستەفا کازمی دەرخەری پاڵپشتییەکی بەهێزە بۆ کوردستان". نێچیرڤان بارزانی، سەرۆکی هەرێمی کوردستان تویتێکی لەبارەی سەردانەکەی مستەفا کازمی، سەرۆکوەزیرانی عێراق بۆ هەولێر بڵاوکردەوە و تێیدا هاتووە، "خۆشحاڵ بووم بە پێشوازیکردنی هاوڕێم و سەرۆکوەزیرانی عێراق مستەفا کازمی و وەفدەكەی بۆ هەولێر. سەردانەکەی کە رۆژێک دوای هێرشە ترسنۆکانەکە هات بۆسەر پایتەختەکەمان، دەرخەری پاڵپشتییەکی بەهێزە بۆ کوردستان". سەرۆکی هەرێمی کوردستان لە بەشێکی دیکەی تویتەکەیدا نووسیویەتی، "لەگەڵ سەرۆکوەزیرانی عێراق و هاوبەشە نێودەوڵەتییەکانمان کار دەکەین بۆ رێگەگرتن لە پێشێلکاریی زیاتری سەروەریی عێراق".
هاوڵاتى دوو گروپی ناو حەشدی شەعبین و پاڵپشتی خۆیان بۆ هێرشە موشەكیەكەی ئێران بۆ سەر خاكی هەرێمی كوردستان و شاری هەولێر دەربری و بە "پیرۆزیی" ناویدەبەن. بەپێی هەواڵێکی میدیا عیراقییەکان، ئەمڕۆ دووشەممە ئەکرەم کەعبی، کە گرووپەکەی لە ناو حەشدی شەعبیدا بە لیوای 12ی حەشد ناسراوە، لە تیلیگرامی تایبەتی خۆیان لەبارەی هێرشەکەی دوێنێی سەر هەولێر رایگەیاندووە، "ئەو بۆردوومانە پیرۆزەی کە لە ئێرانی پیرۆزەوە ئەنجامدرا و کرایەسەر چەند بارەگایەکی مۆساد و زایۆنستەکان، کە خاکی پیرۆزی عێراقیان پیس کردووە رەوایە." هەروەها دەشڵێت، "ئەوانەی ئەو زایۆنستە داگیرکەرانەیان لە خاکی عێراق ئامێز گرتووە و هەوڵەکانیان بۆ جیابوونەوە و دروستکردنی دەوڵەتێکی کوردی لە ژێر چاودێری ئیسرائیل و ئەمریکا بۆلاوازکردنی عێراقە، لەگەڵ پارچەپارچەکردنی سەروەریی و یەکێتی خاکەکەی". هەروەها جەخت دەکاتەوە لەوەی، "داڵدەدانی گرووپەکانی مۆسادی زایۆنستی دژبەری عێراق و ئێران و گەلانی ناوچەکە لە هەرێمی کوردستان، ماف دەداتە هەر لایەنێک بیانکاتە ئامانج و کۆتایی بە بوونی ناڕەوایان لەوێ بهێنێت." ئەکرەم کەعبی، ئەمینداری گشتیی گرووپی نوجەبا، ئەمریکا لە ساڵی 2008ەوە سزای بەسەردا سەپاندووە و لە مانگی سێی ساڵی 2019ەوە گرووپەکەی بە گرووپێکی تیرۆریستی ناساندووە. ئەم پاڵپشتییەی ئەمینداری گشتیی گرووپی نوجەبا بۆ هێرشەکەی ئێران بۆ سەر هەولێر، دوای چەند کاتژمێرێک هات لە پاڵپشتی گرووپی حیزبوڵڵای عێراق، کە یەکێکە لە گرووپەکانی حەشدی شەعبی، بۆ ئەو هێرشە. ئەمە لەكاتێكدایە ئەمرۆ مستەفا كازمی، سەرۆك وەزیرانی عێراق سەردانی هەولێری كرد و ئیدانەی هێرشەكەی كرد.
هاوڵاتى کونسوڵی گشتی روسیا لە هەولێر پەیامێکی پیرۆزبایی جەژنی نەورۆز ئاراستەی پارێزگاری سلێمانی دەکات و رایگەیاند:" هیوادارین ئەم بۆنە پڕ شکۆیە ببێتە هەوێنی خێر و خۆشی و ئارامی و تەبایی سەقامگیری بۆ خەڵکی هەرێمی کوردستان و کۆماری عێراق". هەر لەنوسراوەکەدا هاتوە، ئاواتەخوازین ساڵی تازە بۆ هەمو خەڵکی هەرێمی کوردستان و بەڕێزتان ببێتە ساڵێکی پڕ سەرکەوتن و دەستکەوتەکان. هەڤاڵ ئەبوبەكر، پارێزگاری سلێمانی، لە تۆری كۆمەڵایەتی تایبەتی خۆی وێنەی نوسراوەكەی كۆنسلوڵخانەی روسیای بڵاوكردۆتەوە و نوسیویەتی :" روسیا پیرۆزبایی جەژنی نەورۆز لە سلێمنی دەكات".
.jpg)
هاوڵاتى وەزیری دەرەوەی ئەمریکا لەبارەی پەیوەندییە تەلەفونییەكەی لەگەڵ مەسرور بارزانی، دەڵێت:" لەگەڵ مەسرور بارزانی تاوتوێی یەکڕیزی و یەکگرتوویی کورد و پێویستیی پێکهێنانی حکومەتێکمان کرد کە عێراقییەکان و خاکەکەیان بپارێزێت". وەزیری دەرەوەی ئەمریکا، بلینکن دەڵێت:"پاڵپشتیی خۆم دەربڕی بۆ مەسرور بارزانی، سەرۆکوەزیرانی هەرێمی کوردستان و سەرکۆنەی هێرشەکەی ئێرانم کرد بۆسەر هەولێر کە پێشێلی سەروەریی عێراقە". وەزیری دەرەوەی ئەمریکا لە تویتێکدا ئاماژەی بەوەش کردووە: " لەگەڵ مەسرور بارزانی تاوتوێی یەکڕیزی و یەکگرتوویی کورد و پێویستیی پێکهێنانی حکومەتێکمان کرد کە عێراقییەکان و خاکەکەیان بپارێزێت". لەبارەی پەیوەندییە تەلەفۆنییەکەوە پێشتر مەسرور بارزانی رایگەیاند، "هاوڕابووین کە ئەم هێرشە تیرۆریستییە، پێشێلکاریيەکی زەقی سەروەریی عێراقە". سەرۆکوەزیرانی هەرێمی کوردستان ئاماژەی بەوەش کرد، لەگەڵ وەزیری دەرەوەی ئەمریکا "جەختی لەسەر پێویستیی رووبەڕووبوونەوەی ئەو دەنگۆ و بانگەشە ناڕاستانە كردەوە کە لەم ساڵانەی دواییدا بڵاودەکرێنەوە و دەکرێنە پاساو بۆ هێرشکردنە سەر هەولێر". بەرەبەیانی رۆژی یەکشەممە 13-03-2022 بە 12 مووشەک هێرشکرایە سەر هەولێر و سوپای پاسدارانی ئێران لە راگەیێندراوێکدا بەرپرسیارێتیی هێرشەکەی لەئەستۆگرت و لەبارەی هۆکاری هێرشەکەوە ئاماژەی بەوە دا، "لە ئەنجامی تاوانەکانی ئەمدواییەی رژێمی ساختەی زایۆنی و راگەیاندنی پێشتر بەوەی کە ئەو تاوانانە بێ وەڵام نامێننەوە.
هاوڵاتى لەودای ئەوەی دوێنێ لەلایەن سوپای پاسدارانەوە بە 12 موشەك كۆنسوڵخانەی ئەمریكا لەهەولێر كرایە ئامانج، ئەمرۆ مستەفا كازمی گەیشتە هەولێر و لەگەڵ سەرۆكی هەرێمی كوردستان كۆبوەوە مستەفا کازمی، سەرۆکوەزیرانی عێراق و فەرماندەی گشتی هێزە چەکدارەکانی عێراق بە سەرۆکایەتی وەفدێك کە پێکهاتوون لە جومعە عناد، وەزیری بەرگری و عوسمان غانمی، وەزیری ناوخۆ و قاسم ئەعرەجی، راوێژکاری ئەنجوومەنی نیشتمانی عێراق، گەیشتنە شاری و هەولێر و لەلایەن مەسرور بارزانی، سەرۆکوەزیرانی هەرێمی کوردستان لە فڕۆکەخانەی نێوەدەوڵەتی هەولێر پێشوازیان لێکرا. مستەفا کازمی و نێچیرڤان بارزانی کۆبوونەوەیەکی گرنگیان دەبێت سەرۆکوەزیرانی عێراق لەگەڵ سەرۆکوەزیرانی هەرێمی کوردستان و مەسعود بارزانی کۆبووەوە، پاشان سەردانی ئەو شوێنانەیان لە شاری هەولێرکرد کە مووشەکباران کرابوون. مستەفا کازمی سەرۆکوەزیرانی عێراق گەیشتە نووسینگەی سەرۆکایەتی هەرێمی کوردستان و لەلایەن نێچیرڤان بارزانی، سەرۆکی هەرێمی کوردستان و قوباد تاڵەبانی، جێگری سەرۆکی حکومەت پێشوازی لێکرا. مستەفا کازمی و نێچیرڤان بارزانی کۆبوونەوەیەکی گرنگیان دەبێت و تێیدا پەیامی هەرێمی کوردستان لەلایەن سەرۆکی هەرێمی کوردستانەوە بگەیێندرێت بە خودی مستەفا کازمی و چاوەڕوانیش دەکرێت هەردوولا پەیامی هاوبەشیان هەبێت. بڕیارە دوای کۆبوونەوەکە نێچیرڤان بارزانی، سەرۆکی هەرێمی کوردستان یاوەری مستەفا کازمی، سەرۆکوەزیرانی عێراق ووەفدی یاوەری بکات بۆ فڕۆکەخانەی نێودەوڵەتی هەولێر، لەوێشەوە سەرۆکوەزیرانی عێراق و شاندی یاوەری بگەڕێنەوە بەغدا. بەپێی راگەیێندراوی وەزارەتی ناوخۆی حکومەتی هەرێمی کوردستان، 12 مووشەکی دوورمەودای بالیستی لە سنوورەکانی دەرەوەی عێراق، لە رۆژهەڵاتەوە ئاراستەی باڵەخانەی نوێی کۆنسوڵخانەی ئەمریکی لە هەولێر کران و سوپای پاسدارانی ئێران لە راگەیێندراوێکدا بەرپرسیارێتیی هێرشەکەی لە ئەستۆ گرت. هێرشە مووشەکییەکەی سەر هەولێر کاردانەوەی زۆری لێکەوتەوە، سەرۆک بارزانی لەڕێی تەلەفۆنەوە پەیوەندی بە موقتەدا سەدر، رێبەری رەوتی سەدر کرد، بەپێی راگەیێندراوێکی بارەگای بارزانی، هەردوولا رێککەوتن لێکۆڵینەوە لە دەنگۆی بوونی بنکە و بارەگای ئیسرائیل لە هەولێر بکرێت. بارەگای بارزانی بڵاویکردەوە رۆژی یەکشەممە 13ی ئاداری 2022 سەرۆک مەسعود بارزانی لەڕێی تەلەفۆنەوە پەیوەندی بە سەید موقتەدا سەدر کرد: "لەو پەیوەندییەدا بیروڕا لەبارەی پەلاماری مووشەکیی شەوی رابردوو بۆ سەر هەولێر ئاڵوگۆڕ کرا و، هەردوولا لەسەر ئەوە رێککەوتن کە لیژنەیەکی لێکۆلینەوە بۆ دەرخستنی راستییەکان پێکبهێندرێت لەسەر ئەو ئیدعایەی کە گوایە بارەگای ئیسرائیلی لە هەولێر هەن و کراوەتە بیانوو بۆ پەلاماردانی هەولێر".
هاوڵاتى وەزارەتی دەرەوەی ئێران رایگەیاند:" بەر لە هێرشەکەی سەر هەولێر، چەند جارێک هۆشداریمان دابووە عیراق کە خاکی وڵاتەکەیان لە لایەن لایەنی سێیەمەوە بۆ هێرشکردنە سەر وڵاتەکەمان بەکارنەهێندرێت. بەپێی هەواڵێکی ماڵپەری ئەلعەرەبییە، سەعید خەتیبزادە، وتەبێژی وەزارەتی دەرەوەی ئێران رایگەیاندووە، "بەر لە هێرشەکان چەند جارێک هۆشداریمان داوە بە حکومەتی عیراق بۆ ئەوەی رێگربێت لایەنی دەرەکی خاکەکەیان بەکاربهێنێت لە دژی ئێمە." خەتیبزادە ئاماژەی بەوەش کردووە، هەر جۆرە هێرشێکیش لە لایەن ئیسرائیل و سەهیۆنییەکانەوە دژی وڵاتەکەمان بکرێت، بە توندترین شێوە بەرپەرچی دەدەینەوە. ئه‌مه‌ش له‌كاتێكدایه كه دوای هێرشه‌كه‌ی شه‌وی رابردوی سه‌ر هه‌ولێر، سوپای پاسدارانی ئێران رایگه‌یاند كه به‌رپرسن له‌و هێرشه و ئامانجیان وه‌شاندنی گورز بوه له‌و بنكانه‌ی كه ئیسرئیل له هه‌ولێر هه‌یه‌تی.
.jpg)
پارێزگاری هەولێر، لە لێدوانێکی رۆژنامەوانیدا رایگەیاند:" ماوەی 50ساڵە دەنگۆی بنکەی بونی مۆساد بڵاودەکرێنەوە، بەڵام ئەوانە هەموی ناراستن و هیچ بنکەیەکی مۆساد لە هەولێر بونی نییە، بەڵام بنکە و کونسوڵخانەی ئیسرائیل لە زۆر وڵات بونیان هەیە". ئاشکراشیکرد، پێویستە عێراق هەڵوێستی هەبێت و سەروەری خاکەکەی بپارێزێت، چونکە وڵاتێک سەروەری وڵاتێکی دیکەی پێشێل کردوە و موشەکبارانی کردوە بەبێ هیچ هۆکارێک. هاوكات رۆژنامه‌نوسی به‌ناوبانگی ئیسرائیل ده‌نگۆكانی ئێران ره‌تده‌كاته‌وه و دەڵێت:" به خودای موسا، ئه‌گه‌ر موساد بنكه‌ی له هه‌ولێری كوردستان هه‌بوایه، سوپای پاسداران نه‌یده‌وێرا بۆردومانی بكات". ئیدی كۆهین، رۆژنامه‌نوسی به‌ناوبانگی ئیسرائیل ده‌نگۆكانی ئێران ره‌تده‌كاته‌وه كه گوایه به موشه‌كه‌كانیان، بنكه‌ی ده‌زگای هه‌واڵگریی ئیسرئیلیان له هه‌ولێر كردوه‌ته ئامانج. كۆهین له هه‌ژماری تایبه‌تیی خۆی له تۆڕی كۆمه‌ڵایه‌تیی تویته‌ر نوسیویه‌تی: "به خودای موسا، ئه‌گه‌ر موساد بنكه‌ی له هه‌ولێری كوردستان هه‌بوایه، سوپای پاسداران نه‌یده‌وێرا بۆردومانی بكات". ئه‌مه‌ش له‌كاتێدایه كه دوای هێرشه‌كه‌ی شه‌وی رابردوی سه‌ر هه‌ولێر، سوپای پاسدارانی ئێران رایگه‌یاند كه به‌رپرسن له‌و هێرشه و ئامانجیان وه‌شاندنی گورز بوه له‌و بنكانه‌ی كه ئیسرئیل له هه‌ولێر هه‌یه‌تی.
هاوڵاتى وەزارەتی دارایی و ئابووریی هەرێمی کوردستان راگەیێنراوێکی بڵاوکردەوە و دەڵێت: "به پێویستی ده‌زانین سه‌رجه‌م مووچه‌خۆران دڵنیابكه‌ینه‌وه كه دابه‌شكردنی مووچه ته‌نانه‌ت له رۆژانی جه‌ژنی نه‌ورۆزیش به‌رده‌وام ده‌بێت" وەزارەتی دارایی ئاماژە بەوەش دەدات، خشته‌ی مووچەی وەزارەتەکانی دیکە کە دابەشنەکراون، له پێگه‌ی فه‌رمی وه‌زاره‌ت رۆژانه بڵاوده‌كه‌نەوە. لە کۆبوونەوەی رۆژی 5-3-2022 ئەنجوومەنی ئابووریی هەرێمی کوردستان، مەسرور بارزانی، سەرۆکوەزیرانی هەرێمی کوردستان فەرمانی کرد کە دەست بە دابەشکردنی مووچەی مانگی شوباتی 2022 بکرێت، بەبێ لێبڕین. لە 10ی ئەم مانگەوە دەست بەدابەشكردنی موچە كراو و تائێستا تەنیا وەزارەتی تەندروستی و وەزارەتی پێشمەرگە و لیواكانی سەر بە وەزارەتەكە موچەی وەرگرتووە. لە هەرێمی کوردستاندا یەک ملیۆن و 251 هەزار و 451 مووچە خۆر هەن، کە 751 هەزار و 805 کەسیان فەرمانبەری سەربازی و شارستانین؛ 242 هەزار و 269 کەسیان خانەنشینن. حکومەت بۆ پێدانی مووچە بێ لێبڕین مانگانە 895 ملیار دیناری پێویستە، کە ساڵانە 10 تریلیۆن و 740 ملیار دینار دەکات
هاوڵاتى وه‌زاره‌تی ده‌ره‌وه‌ی عێراق بانگهێشتی باڵیۆزی ئێران له به‌غدا، ئیره‌ج مه‌سجیدی بۆ وه‌زاره‌تی ده‌ره‌وە كردوه و به‌هۆی هێرشه‌كه‌ی سه‌ر هه‌ولێره‌وه، نامەیەکی ناڕەزایی داوەتێ. به‌پێی ئاژانسی فه‌رمی هه‌واڵی عێراق، وه‌زاره‌تی ده‌ره‌وه‌ی عێراق بانگهێشتی باڵیۆزی ئێران له به‌غدا، ئیره‌ج مه‌سجیدی بۆ وه‌زاره‌تی ده‌ره‌وە كردوه و به‌هۆی هێرشه‌كه‌ی سه‌ر هه‌ولێره‌وه، نامەیەکی ناڕەزایی داوەتێ. ئەمەش لەكاتێكدایە شەوی رابردوو ئیرەج مەسجدی، باڵیۆزی ئێران لە بەغداد رایگەیاند:« لەماوەی چەند ڕۆژی داهاتوودا سێ بنكەی دیكەی موساد لەهەولێر دەكەینە ئامانج ».
