هاوڵاتی دوابهدوای كۆتاییهاتنی چلهی كوژرانی ئیمام حسێن و ئاساییبوونهی ژیانی هاووڵاتیانی بهغداو ناوچهكانی ناوهڕاست و باشووری عێراق، دۆخی سیاسی عێراقیش تاڕادهیهك خهریكه بهرهو هێوربوونهوه دهڕوات و مانۆڕو جموجۆڵه سیاسییهكانی لایهنه سیاسییهكانیش دهستیپێكردووه. رهنگه درووستكردنی هاوپهیمانێتییهكی نوێ بهناوی (بهڕێوبردنی دهوڵهت) كه لهلایهن چوارچێوهی ههماههنگی و پارتی و یهكێتی و سیادهو عهزم (بهبێ رهوتی سهدر) پێكدێت گرنگترین رووداو نوێ بێت لهدۆخی سیاسی عێراقدا ئهویش بهو پێیهی لهچهندمانگی رابردوودا لایهنه سیاسییهكانی عێراق بهسهر دوو بهرهدا دابهشبووبون كهئهوانیش بهرهی چوارچێوهی ههماههنگی و بهرهی رزگاری نیشتمان بوو. سهبارهت بهدرووستكردنی هاوپهیمانیهتی (بهڕێوهبردنی دهوڵهت)، رۆژنامهی (شهرقولئهوسهت) ئاشكرایكردووه: لهناو چوارچێوهی ههماههنگیدا، دهوڵهتی یاسای (نوری مالیكی) سووره لهسهر ئهوهی ئهو هاوپهیمانێتییه درووستبكرێت بهجۆرێك بهر لهههمووان بهڕێوهبهری نووسینگهی مالیكی رایگهیاند كهشتی ئهو هاوپهیمانێـتییه كهوتووهتهڕێ، بهڵام ناڕهزایهتی جهوههری چهند سهركردهیهكی ناو چوارچێوهی ههماههنگی وایكردووه كهشتییهكه هێشتا لهكهناردا لهنگهری گرتبێت. گرنگترین ئهو ناڕهزایهتیانهش لهسێ خاڵی سهرهكیدا خۆیان دهبیننهوه، یهكهمیان بهشێك لهسهركردهكانی چوارچێوهی ههماههنگی وهك (هادی عامری) داوایكردووه پێش راگهیاندن گرهنتی لهموقتهدا سهدرهوه وهربگیرێت كهئهویش بهچوون بۆ لای بۆ حهنانه دهبێت، بهڵام مالیكی دژی ئهوه بووهو داوایكردووه لهمۆتهكهی سهدر خۆیان رزگاربكهن. دووهم ناڕهزایهتیش لهلایهن عهمار حهكیمهوه بووه كهداوایكردووه حكومهتێك لهسهربهخۆكان و نوێنهرانی هێزه ناڕازییهكان درووستبكرێت، سێیهم ناڕهزایهتیش لهلایهن حهیدهر عهبادی سهرۆكوهزیرانی پێشووترهوه بووه كهپێی وابووه پێویسته محهمهد شیاع سودانی لهكاندیدكردنی بۆ پۆستی سهرۆك وهزیرانی بكشێتهوه چونكه جێگای ناڕهزایی خهڵك و سهدرییهكانیشه. لهبارهی ههڵوێستی پارتی دیموكراتی كوردستانیش كهپێشتر لههاوپهیمانی سهدرییهكان لهدژی چوارچێوهی ههماههنگی و ئێستا لهم هاوپهیمانێتییه نوێیهدایه، ڤیان سهبری، سهرۆكی فراكسیۆنی پارتی لهئهنجوومهنی نوێنهرانی عێراق، دهڵێت: لهكاراكردنهوهی پهرلهمانی عێراق بۆ دیاریكردنی سهرۆك كۆمار و پێكهێنانی حكومهتی عێراقدا، پارتی دیموكراتی كوردستان بهپێی شایسته دهستوورییهكانی خۆی بهشداری دهكات. ئهمه لهكاتێكدایه هێشتا پارتی و یهكێتی لهسهر یهك كاندید بۆ پۆستی سهرۆك كۆمار رێكنهكهوتوون و بهپێی لێدوانه فهرمییهكانی ههردوولاش بێت هیچ یهكێكیان سازشیان لهسهر كاندیدهكهی خۆیان نهكردووه، ههر بهههمان هۆكار چوارچێوهی ههماههنگی داوایكردووه كهئهو دوو حزبه خۆیان یهكلایی بكهنهوهو بهیهك كاندیدهوه بۆ پۆستی سهرۆك كۆمار بڕۆنه پهرلهمان. هاوكات وابڕیاره دوای نزیكهی چوار مانگ لهڕاگرتنی كۆبوونهوهكانی ئهنجومهنی نوێنهران بههۆی خۆپیشاندانی لایهنگرانی سهدرهوه، رۆژی چوارشهممه ئهنجومهنی نوێنهرانی عێراق كۆبوونهوهكانی دهستپێبكاتهوهو دهنگ لهسهر دهستلهكاركێشانهوهی محهمهد حهلبوسی سهرۆكی ئهنجومهن و ههڵبژاردنی جێگری سهرۆكی ئهنجومهنی نوێنهران بدات. حكومهتی عێراقیش رێوشوێنی ئهمنی توندی لهبهغداو ناوچهی سهوز گرتۆتهبهر بۆ ههر ئهگهرێك لهكاتی كۆبوونهوهی پهرلهمان. ئهگهر بهپێی ئهو هاوكێشهیه نوێیه بێت كهباسی لێوهدهكرێت، ژمارهی پهرلهمانتارانی هاوپهیمانێتی بهڕێوهبردنی دهوڵهت بهبێ پهرلهمانتارانی سهدر (كهپێشووتر دهستیان لهكاركێشاوهتهوه) نزیكهی 273 پهرلهمانتاره، كهدهنگی ئهم ژمارهیهش دهتوانێت سهرۆك كۆمار دهستنیشانبكات (سهرۆك كۆمار پێویستی به 220 دهنگ ههیه)، دواتریش سهرۆككۆماری نوێ كهسێك بۆ پێكهێنانی حكومهت رادهسپێرێ كهپێویستی بهدهنگی نیوه كۆ یهكی پهرلهمانتاران ههیه. ههموو ئهمانهش لهكاتێكدایه وابڕیاره هێزه ناڕازییهكان له ١ی تشرین خۆپیشاندان دهستپێبكهنهوه.
سوپای پاسدارانی ئێران رایگهیاند، ئۆپهراسیۆنهكانیان بۆسهر ناوچه جیاوازهكانی ههرێم بهردهوام دهبێت. بهپێی راگهیاندراوێكی سوپای پاسدارانی ئێران، بنكهی حهمزه كه بهشێكه له هێزه زهمینییهكانی سوپای پاسداران، له رێگهی تۆپخانه و فرِۆكهی بێفرِۆكهوانهوه هێرشیكردووهته سهر خاکی ههرێم و دهشڵێت، هێرشهكه بۆسهر چهند پێگهیهكی هێزه كوردییهكان بووه له باكوری عێراق. بهپێی راگهیاندروهكه، تۆپبارانهكان له ٢٤ی ئهم مانگهوه دهستیپێكردووه و ئاماژه بهوهشدهكهن، بهردهوام دهبن لهسهر هێرشهكانیان. ئهمرِۆ له چهند ناوچهیهكی ههرێم له رێگای ئێرانهوه به تۆپ و موشهك بۆردومانكرا و بههۆیهوه بهپێی ئاماره سهرهتاییهكان تاوهكو ئێستا پێنج شههید و نزیكی ٤٠ برینداری لێكهوتووهتهوه. سوپای پاسداران لهبارهی هێرشهكهیهوه پهیامێك ئاراستهی بهرپرسانی ههرێمی كوردستان دهكات و دهڵێت: "تاوهكو نههێشتنی ههرِهشهی ئهم هێزانه و ههنگاوی كاریگهریی بهرپرسانی ههرێمی كوردستان نهبینین بۆ جێبهجێكردنی پابهندی و بهرپرسیارێتی خۆیان ئهم ئۆپهراسیۆنه بهردهوام دهبێت."
هاوڵاتی ئێران بۆردومانی بنكه و بارهگای حزبهكانی رۆژھهڵاتی كوردستان له زڕگوێزهڵه و كۆیه و پردێ كرد، بهپێی زانیارییه سهرهتاییهكانیش بۆردومانهكان ژمارهیهك قوربانی لێكهوتووهتهوه، بهڵام بهڕێوهبهری فریاكهوتنی سلێمانی دهلًَێت، تیمهكانی ئێمه هیچ بریندارێكیان نهگواستوهته بۆ نهخۆشخانهی شار. ئێران به فرۆكهی بێفرۆكهوانی بۆمبرێژكراو و به مووشهك بارهگاكانی كۆمهڵهی زهحمهتكێشانی كوردستانی ئێران له گوندی زڕگوێزهڵهی سهر به سلێمانی بۆردومان كرد . به وتهی سهرچاوهیهك، له بۆردومانهكهدا ناوهندی راگهیاندن و كۆمیسیۆن و چهند خانوویهكی كۆمهڵهی شۆڕشگێڕانی زهحمهتكێشانی كوردستانی ئێران كراونهته ئامانج. بهپێی زانیارییهكان ، به زیاتر له ٣٠ درۆنی بۆمبرێژكراو و چهندین مووشهك بنكه و بارهگاكانی حزبی دیموكرات و قوتابخانه و نهخۆشخانه له كۆیه بۆردومانكراون و ١٦٠ منداڵی خوێندنگهی ئازادی و منداڵانی شۆڕشگێرانی دیموكرات ھهڵھاتوون. به وتهی ھاوڵاتیانی رۆژھهڵات، له بۆردومانهكهدا چهند كهسێك گیانیانلهدهستداوه و ژمارهیهكی زۆریش برینداربوون كه له نهخۆشخانهی شهھید دكتۆر خاڵید كۆیه چارهسهریان بۆ دهكرێت. له ھهولێریش سهرجهم نهخۆشخانهكان بۆ پێشوازی له بریندارهكان خرانه حاڵهتی ئامادهباشییهوه. ھهر له درێژهی بۆردومانهكاندا، به فرۆكهی بێفرۆكهوانی بۆمبرێژكراو سهنگهرهكانی پارتی ئازادی كوردستان له پردێ و بهرزاییهكانی پشت ناحیهی سهرگهڕان كرانه ئامانج و چهند بریندارێك ههیه. بهپێی سهرچاوه ناڕهسمییهكان بههۆی ئهو بۆردومانانهوه ژمارهیهك كوژراو و بریندار ههیه، بهڵام سامان نادر بهڕێوهبهری فریاكهوتنی خێرای سلێمانی به هاوڵاتی راگهیاند: ئێمه وهك بهشی فریاكهوتنی سلێمانی هیچ بریندارێكمان نهگواستوهتهوه بۆ نهخۆشخانه، ئهوهشی ههیه له سنووری پارێزگای سلێمانی كوژراو ههبێت، تهنها دهنگۆیهو جارێ پشتڕاستنهكراوهتهوه. وتیشی: پێدهچێت خهڵك به ئۆتۆمبێلی خۆی برینداری گواستبێتهوه بۆ نهخۆشخانه، بهڵام به ئۆتۆمبێلی فریاكهوتن هیچ بریندارێك نهگوازراوهتهوه بۆ نهخۆشخانه.
هاوڵاتی چهند خولهكێك بهر لهئێستا تۆپخانهو درۆنهكانی ئێران له سێ شوێنی جیاوازی ههرێم دهستیان به بۆردومان كرد. بهپێی زانیارییهكانی هاوڵاتی، له ئێستادا بهدرۆن ئێران بۆردومانی ناوچهی زڕگوێزهڵهو كانی شاسوار لهخوارووی پارێزگای سلێمانی دهكات. ههر بهیانی ئهمڕۆ له كۆیهش ، بۆردومانی حزبی دیموكرات و كۆمهڵه كراوهو چهند موشهكێك ئاڕاستهی بارهگای حزبهكهیان كراوه. له لایهكی دیكهشهوه له دهڤهری برادۆست، به چڕی بۆردومانی بناری بهربزین دهكرێت. هاوڵاتی بۆ زیانه گیانییهكانی ئهو بۆردومانهی زرگوێزهڵه پهیوهندی كرد به هێزه ئهمنییهكانی سلێمانییهوه، لهگهڵ ئهوهی بۆردومانهكهیان پێشتڕاستكردهوه، بهڵام رایانگهیاند، تائێستا زیانه گیانییهكان نهزانراوه.
.jpg)
بهرپرسێكی كۆمهڵه بۆ هاوڵاتی: هێزه خۆجێییهكان چهند جارێك ئاگاداریان كردووینهتهوه سنوورهكه چۆڵ بكهین. هاوڵاتی بهرپرسێكی كۆمهڵهی شۆڕشگێڕی ئێران دهڵێت، تا حكومهتی ههرێم بهفهرمی داوایان لێنهكات ئامادهنین ناوچهكانیان چۆڵبكهن، بهرپرسێكی كۆمهڵهی زهحمهتكێشانی كوردستانیش دهڵێت، ئاسایشی چۆمان ئاگاداری كردووینهتهوه ناوچهكه چۆڵ بكهین، بهڵام چۆڵی ناكهین. لهكاتێكدا 11 رۆژه ناڕهزایهتی له رۆژههڵاتی كوردستان و ئێران دژ به كوشتنی ژینا ئهمینی كچه كوردی رۆژههڵات درێژهی ههیه، پارتی دیموكراتی كوردستان لهژێر فشاری ئێراندا سێ هێزی ئۆپۆزسیۆنی ئێرانی ئاگاداركردووهتهوه ناوچهی باڵهكایهتی چۆڵبكهن. سێ هێزهكهی رۆژههڵاتی كوردستان ( كۆمهڵهی زهحمهتكێشانی كوردستان، كۆمهڵهی شۆڕشگێری زهحمهتكێشانی كوردستانی ئێران و حزبی دیموكراتی كوردستانی ئێران) رۆژی سێ شهممه 27-9-2022 كۆبوونهوهیهكیان ئهنجامداوه و بڕیاریانداوه مل بۆ ئهو فشارانه نهدهن كه پارتی دیموكراتی كوردستان بۆ چۆڵكردنی ناوچهكانیان لێیان دهكات، كه پارتیش لهژێر فشاری ئێراندا داوای چۆڵكردنی ناوچهی باڵهكایهتی لێكردوون. سهرچاوهیهكی بهرپرس له كۆمهڵهی زهحمهتكێشانی كوردستان كه نهیویست ناوی بهێنرێت بههاوڵاتی وت:" دوای ئهوهی پارتی دیموكراتی كوردستان له رێگهی ئاسایشی چۆمانهوه ئاگاداری كردینهوه كه دهبێت بهپهلهو ئهمشهو بارهگاكانمان له باڵهكایهتی و سیدهكان و برادۆست بكشێینهوه و بگهڕێنهوه بۆ زڕگوێزو كۆیه، رۆژی سێ شهممه 27-9-2022 كۆبوونهوهی ههرسێ حزبهكه بهڕێوهچوو بڕیاردرا كه نهكشێینهوه". وتیشی: "ئێران هێزێكی زۆری هێناوهته سنورهكهو بهردهوام تۆپباران دهكات و ئهگهر پارتیش گهمارۆمان بدات زۆر سهخت دهبێت بۆمان و ههڕهشهی ئهوهشیان لێكردووین بازگهكانمان بهسهردا دابخهن". هاوكات كاكۆ عهلیار، ئهندامی كۆمیتهی ناوهندی كۆمهڵهی شۆڕشگێر بههاوڵاتی وت:" تاوهكو ئێستا هیچ داوای فهرمی له حكومهتی ههرێمی كوردستانهوه نههاتووه بۆ ئهوهی سهنگهرهكانی سهر سنوور چۆڵبكهین، بهڵام هێزه ئهمنییهخۆجێییهكانی حكومهتی ههرێمی كوردستان له سیدهكان و باڵهكایهتی به حیزبهكانیان وتووه، له سنوور دووربكهونهوه". كاكۆ عهلیار وتیشی:"ناوهندی هاوكاریی حیزبهكانی رۆژههڵاتی كوردستان كۆبوونهتهوه و هاوڕابوون لهسهر ئهوهی نامهیهك ئاراستهی حكومهتی ههرێمی كوردستان بكهن، بۆ ئهوهی بۆ ههماههنگی زیاتر لهگهڵ وهزارهتی پێشمهرگه و لایهنی پهیوهندیدار بكهن". فشاری پارتی دیموكراتی كوردستان لهكاتێكدایه، ئێران چهند ساڵێكه فشار له حكومهتی ههرێمی كوردستان و عێراق دهكات، ئهو هێزه كوردیانه ههرێمی كوردستان جێبهێڵن و بارهگاكانیان چۆڵبكهن چهند جارێكیش مووشهكبارانی كردوون و ناوبهناویش تۆپبارانیان دهكات.
هاوڵاتی بڕیاره ئهمڕۆ چوارشهممه سهعات 4 له سههۆڵهكه بۆ پشتگیریكردن له ئازادیخوازانی كوردستان و ئێران گربوونهوه ئهنجامبدرێت. لهو بارهیهوه چۆمان ههردی چالاكوانی مهدهنی بڵاویكردوهتهوه: ئهمڕۆ لهسههۆڵهكه به دروشمی( پشتیوانی ئازادیخوازانی كوردستان و ئێرانین)و ( ژینا سیمبوولی رِزگاری ژنانه)دهست دهكهین به چالاكییهكهمان، وێنهی ژینا و گیانبهختكردووانی ناڕهزایهتییهكان بهرزدهكهینهوه و دهوهستین، ههروهها نامهی پشتیوانی دهخوێنینهوه كه باس له زوڵم و ستهمی كۆماری ئیسلامیی دهكات وهكو پێشێلكارییهكانی مافی مرۆڤ، لهسێدارهدانی گهنجان، ههژاری، بێكاری، بهردبارانكردن، كۆڵبهری، كۆچ، تیرۆر، حیجابی زۆرهملێ. راشیگهیاندوه،: لهگهڵ سووتاندنی لهچكدا نین و داوا له ههموو بهشداربووان دهكهین رِهچاوی ئهم خاڵه بكهن، تێڕوانینی ئێمه ئهوهیه كه كهسهكان خۆیان ئازادیی پۆشینی جلوبهرگیان ھهبێت؛ نابێت جلوبهرگ بهزۆر بسهپێنرێت، ئهوهی دهیهوێت بهرگریی له ئیرادهی ئازادیی ئینسانهكـان بكات دهتوانێت لهگهڵمان بهشداربێت. ئهوهشی خستوهتهڕوو: ئێمه وهك ڕێكخهرانی ئهم چالاكییه كهسانێكی سهربهخۆین و دوورین له ھهر ئهجێندایهكی حیزبی، ھیواداریین ھهمووان پابهندبن به ئامانجی چالاكییهكه. با پێكهوه پاڵپشتی ڕاپهرِینی كوردستان و ئێران بین.
هاوڵاتی خۆپیشاندانەکانی ئێران لەگەڵ ئەوەی پێی ناوەتە سیانزەهەمین ڕۆژیەوە بەڵام تا دێت فراوانتر دەبن و جگە لە شارە کوردییەکان بەشێک لە شارە گەورەکانی ئێرانیشی گرتۆتەوە. ڕۆژ دوای ڕۆژ خۆپیشاندانەکان لە ئێران بەپێی ئەو گردە ڤیدیۆیانەی کە بۆ هاوڵاتی دەنێردرێت و بڵاوی دەکەینەوە فراوانتر دەبێت و جگە لە شارە کوردییەکان چەندین شاری دیکەی ئێران خۆپیشاندان تێیدا بەردەوامە. ژنان سەرمەشقی خۆپیشاندانەکان لە ئێران دەکەن و بە دروشمی ژن . ژیان. ئازادی شەقامەکانی ئێرانیان پڕ کردووە لە دەنگی ناڕەزای و بە حکومەتی ئێران دەڵێن سەردەمتان بەسەر چوو کۆنەپەرستی باوی نەماوە. سایتی هاوڵاتی هەر لە سەرەتای خۆپیشاندانەکانەوە وەک تاکە میدیای بەرپرس و بەجێهێنانی ئەرکی نیشتیمانی خۆی بە ڤیدۆو تێکست و وێنە ،سات بە سات خۆپیشاندانەکانی بۆ بینەر و خوێنەرەکانی گواستۆتەوەو پیشەییانە پەیامی خۆپیشاندەرانی ئێرانی گواستۆتەوە. جێگەی باسە لەگەڵ ئەوەی چاوەڕوان دەکرا خۆپیشاندانەکان کەمببنەوە بەڵام لەگەڵ ئەوەی ئەمشەو کە خۆپیشاندانەکان پێ ئەنێتە سیانزەهەمین شەوەوە بە پێی ئەو گرتە ڤیدیۆییانەی بۆ هاوڵاتی دەنێردرێت خۆپیشاندەران بە جۆشوخرۆشێکی زیاترەوە هاتونەتە سەر شەقامەکان و دروشمی ژن. ژیان. ئازادی. دەڵێنەوە.
هاوڵاتی ئەمڕۆ ٢٧/٩/٢٠٢٢ سەرۆکی شارەوانیی هەڵەبجە دەستگیرکرا و لە ئێستادا لە بەڕێوەبەرایەتیی پۆلیسی هەڵەبجە دەستبەسەرە. بەپێی زانیارییەکان یەکێک لەو تۆمەتانەی ئاراستەی کوێستان ئەکرەم، سەرۆکی شارەوانیی هەڵەبجە دەکرێت ئەوەیە، گوایە رێکاری تووندی بەرامبەر زێدەڕۆیی لەسەر زەوی و موڵکی گشتی نەگرتووەتە بەر. هەروەها بە گوێرەی زانیارییەکان وا بڕیارە رۆژی چوارشەممە 28-09-2022، کۆبوونەوەی ئەنجوومەنی شارەوانیی هەڵەبجە بەڕێوەبچێت. ، لەبری کوێستان ئەکرەم، سەرۆکی شارەوانی، عومەر مەحموود، بەڕێوەبەری تۆمارکردنی خانووبەرەی هەڵەبجە سەرپەرشتیی کۆبوونەوەکە دەکات.
هاوڵاتی هێزەکانی بەڕێوبەرایەتی گشتی دەزگای دژەتیرۆر_ CTG، لە ئۆپەراسیۆنێکی تایبەتدا تواندرا تیرۆرستێکی داواکراوی سەربە داعش (م.ج.ک) دەستگیر بکرێت لە قەزای رانییەو ڕادەستی هەواڵگری پۆلیسی بەغداد کرا بەمەبەستی رادەستکردنی بە دادگا و سزادانی بەپێی ماددەی تیرۆر
هاوڵاتی ئەمڕۆ سێشەممە 27ی ئەیلوول، مەسرور بارزانی سەرۆکی حکومەتی هەرێمی کوردستان، سەردانی جووتیار محەمەد سەلیم بەربهاری لە گوندی بەربهار کرد لە پارێزگای دهۆک، کە یەکێکە لە جووتیارە نموونەییەکانی دەڤەرەکە . سەرۆکی حکومەت دوای ئەوەی لە نزیکەوە ڕەز وباخ و بەرهەمەکەی بەسەرکردەوە و گوێی لە سەرنج و تێبینی و پێشنیارەکانی ئەو جووتیارە نموونەیە گرت، دووپاتیکردەوە کە حکومەتی هەرێمی کوردستان، گرنگیی و بایەخێکی زۆر، بە کەرتی کشتوکاڵ و بەرهەمی ناوخۆیی دەدات و بە هەموو شێوەیەک پشتیوانیی لە جووتیارانی کوردستان دەکات. بۆ ئەم مەبەستەش، کاری بۆ دۆزینەوەی بازاڕی دەرەکی بۆ بەرهەمی ناوخۆیی کوردستان کردووە و هەنگاوی کردەییش لەم ڕووەوە نراون، کە ئێستا پەتاتە و چەند بەروبوومێکی دیکە دەنێردرێنە دەرەوە و بەم زووانەش، هەنار هەناردەی دەرەوە دەکرێت. هەروەها بڕیاڕیشە لە ساڵی داهاتووەوە، ژمارەیەکی دیکەی بەرووبوومی کوردستان بگەنە بازاڕەکانی دەرەوە. سەرۆکی حکومەت هەروەها ئاماژەی بەوەدا، کە حکومەتی هەرێم، دەیەوێت بناخەیەکی پتەوی پیشەسازی کشتوکاڵی لە هەرێمی کوردستان بنیات بنێت، لە پێناو گەشەپێدانی کەرتی کشتوکاڵ و پاراستنی بەرووبوومی ناوخۆیی و زیاتر ڕەخساندنی دەرفەتی کار.
هاوڵاتی بەرواری ٢٧/٩/٢٠٢٢ لیژنەی داکۆکیکردن لە ڕۆژنامەنوسان cpj بەیاننامەیەکیان بڵاوکردەوە سەبارەت بەو ڕۆژنامە نوسانەی لە ماوەی چەند ڕۆژی خۆپیشاندانەکانی ئێراندا دەستگیرکراون و داوای ئازاد کردنیان دەکات. لیژنەی داکۆکی لە ڕۆژنامەنوسان ڕایگەیاند،لە دەستپێکی ناڕەزایەتی دەربڕینی گشتی لە ئێران لە دوای گیان لەدەستدانی ژینا(مەهسا)ئەمینی لە کاتی دەسبەسەرکردنی لە لایەن گەشتی ئیرشادەوە، تا ئێستا لانیکەم ٢٠ ڕۆژنامە نووس دەستگیرکراون. لێژنەی داکۆکی کردن لە ڕۆژنامە نووسان(CPJ ) جەختی لەوەش کردەوە کە، دەسەڵات دارانی ئێران دەبێت بە بێ مەرج و لە زووترین کاتدا تەواوی ئەو ڕۆژنامە نووسانەی کەخۆپیشاندانەکانی ئێرانیان ڕوماڵکردووە ئازاد بکرێن و ئینتەرنێت بۆ خەڵکی دوبارە بەردەست بکرێتەوە. هەروەها ڕاشیگەیاند لە سەرەتای دەستپێکردنی ناڕەزایەتیەکانی خەڵک لە کوردستان و ئێران ئەو ڕۆژنامە نووسانەی کە ویستوویانە خۆپیشاندانەکانی ناڕەزایەتی ڕووماڵ بکەن لە لایەن هێزە ئەمنیەکانی حکومەتی ئێرانەوە دەستبەسەرکراون و هیچ زانیارییەک لەسەرچارەنووسی زۆربەیان لە بەر دەست دا نییە.
هاوڵاتی وتەبێژی یەکێتی ئەوروپا لە ڕاگەیەندراوێکدا ڕایگەیاند سزا بەسەر هەموو ئەو کەس و دامەزراوانە دەسەپێنن کە ریفراندۆم لە ناوچە کۆنتڕۆڵکراوەکانی ئۆکرانیا رێکدەخەن. وتیشی "یەکێتی ئەوروپا بە هەموو شێوەیەک ریفراندۆم لە ئۆکرانیا لەلایەن روسیاوە رەتدەکاتەوە". پیتەر ستانۆ وتەبێژی سیاسەتی دەرەوەی یەکێتی ئەوروپا لەلێدوانێکدا ئاماژەی بەوەدا ئەو ڕیفراندۆمەی لە ناوچە داگیرکراوەکانی ئۆکرانیا لە لایەن ڕوسیاوە ئەنجام دەدرێت نا یاساییە وهەموو ئەو کەس و دامەزراوانەی بەشدارن لە ئامادەکردنی ئەم ڕاپرسییەدا پێویستە سزا بدرێن. وتەبێژی کۆمسیۆنی سیاسەتی دەرەوەی یەکێتی ئەوروپا باسی لەوەشکرد ئەو کەسانەی لەسەر بانگهێشتی مۆسکۆ بەناوی چاودێری نێودەوڵەتی ئامادەبوون، دەکەونە ناو لیستی سزاکانی یەکێتی ئەوروپاوە. ئەمە لەکاتێکدایە،بەگوێرەی ئەنجامە بەراییەکانی گشتپرسیی چوار پارێزگای رۆژهەڵات و باشووری رۆژهەڵاتی ئۆکراینا کە لە ژێر دەسەڵاتی رووسیادان، 96٪ی بەشداربووانی گشتپرسییەکە بە "بەڵێ" دەنگیان داوە بۆ چوونە سەر رووسیا و جیابوونەوەیان لە ئۆکراینا.
هاوڵاتی لەڕاگەیەندراوێکدا هەپەگە ڕایگەیاند، لە چالاکییەکانی گەریلاکانی کوردستاندا لە ناوچەی زاپی باشووری کوردستان هەشت سەربازی سوپای تورکیا کوژراون. بەگوێرەی ڕاگەیەندراوێکی ناوەندی ڕاگەیاندن و چاپەمەنیی هێزەکانی پاراستنی گەل-هەپەگە، گەریلاکان لە ناوچەی زاپی باشووری کوردستان زنجیرەیەک چالاکییان لە ڕۆژانی ٢٦ و ٢٧ی ئەیلول دژی سوپای تورکی داگیرکەر ئەنجامداوە. هەپەگە دەڵێت: لە چالاكییەكانی هێزەكانماندا هەشت داگیركەر سزادران و خێمەیەکی سەربازییش تێکشکێندراوە. لەبارەی هێرشە داگیرکارییەکانی سوپای تورکیشەوە ڕایگەیاندووە، سوپای داگیركەری تورك ١٦ جار بە بۆمبی ئەتۆمی تاكتیكیی و چەكی كیمیایی، سێ جار بە فڕۆكەی جەنگیی، ٤٠ جار بە هێلیکۆپتەری هێرشبەر و دەیان جار بە هاوەن و چەكی قورس ناوچەكانی بەرخۆدانی بۆردوومان و تۆپباران كردووە. ئەمە لەکاتێکدایە شەوی پێشووتر سنوری چیای گارە وبەرەبەیانی ئەمڕۆش بەرزاییەکانی گوندی سگێرێ لە سنوری قەزای ئامێدی لە لایەن فڕۆکە جەنگییەکانی تورکیاوە بۆردومان کران.
هاوڵاتی لەکۆنفرانسێکی ڕۆژنامەنوسیدا وتەبێژی ئاسایشی گەرمیان رایگەیاند، هێزەکانیان لەم مانگەدا توانیویانە باندێکی 9 کەسی بەکارهێنان و بازرگانی ماددەی هۆشبەر دەستگیربکەن، کە دانیشتووی گەرمیان بوون و بەشێکیان پێشینەی تاوانکارییان هەبووە. عوسمان عەبدولکەریم، وتەبێژی ئاسایشی گەرمیان، ئەمڕۆ سێشەممە لە کۆنفرانسێکی رۆژنامەنووسیدا رایگەیاند "هێزەکانی ئاسایشی کەلار، لەم مانگەدا توانیویانە باندێکی نۆ کەسی دەستگیربکەن، کە لە قۆناغی یەکەمدا، پێنج کەسیان دەستگیرکران و لێکۆڵینەوەکانماندا دوو کەسیان دانیان بەوەدا نا، کە بازرگانی بە ماددەکانەوە دەکەن، سیانەکەی دیکەشیان دانیان بەوەدا نا کە بەکارهێنەری ماددەی هۆشبەرن". ئاماژەی بەوەشکرد "لە قۆناغی دووەمدا تونیمان چوار کەسی دیکە دەستگیربکەین، بەتۆمەتی بەکارهێنانی ماددەی هۆشبەر، سەرجەم تۆمەتبارەکان بەگوێرەی ماددەی 30 لە یاسای بەرەنگاربوونەوەی ماددە هۆشبەرەکان مامەڵەیان لەگەڵدا دەکرێت". عوسمان عەبدولکەریم باسی لەوەشکرد، کەسێکی دیکەشیان لەگەڵ ئەندامانی ئەو باندەدا دەستگیرکردووە، کە تۆمەتبارە بە داڵدەدانی یەکێک لە تۆمەتبارەکان و بەگوێرەی ماددەی 270 لە یاسای سزادانی عێراقی مامەڵەی لەگەڵ دەکرێت. لە چوارچێوەی هەڵمەتەکەی ئاسایشی گەرمیاندا بۆ دەستگیرکردنی ئەو تۆمەتبارانە، دەستگیراوە بەسەر 150 گرام، ماددەی هۆشبەردا لە جۆرەکانی (کریستاڵ و حەشیش)دا، وتەبێژی ئاسایشی گەرمیان دەڵێت "سەرجەم تۆمەتبارەکان خەڵکی کەلار و دەوروبەرین و بەشێکیان پێشینەی تاوانکارییان هەبووە".
هاوڵاتی بەیانیی ئهمرۆ سێشەممە 27/9/2022 له ڕێوڕهسمێكدا كه له سهرۆكايهتيى ههرێمی كوردستان بهڕێوهچوو، بهشێكى ديكهی پێداويستیيهكانی سەنگەری پێشمەرگە كە لەلایەن سەرۆكایەتیی هەرێمی كوردستانەوە دابینكراوە، ڕادهستى نوێنهرى وهزارهتى كاروبارى پێشمهرگه كرا. لە ڕێوڕەسمەكەدا ههريهك له ليوا ئهسكهندهر حهجى ساڵح بهرپرسى فهرمانگهى كاروبارى سهربازیی سهرۆكايهتيى ههرێمی كوردستان و ههردوو ليواى ڕوكن هۆشمهند حهيدهر و نهجمهدين عومهر نوێنهرانی وهزارهتى پيشمهرگه بهشداربوون. هەردوولا دووپاتیان كردەوە كە ئهو بهدهنگهوههاتنهى سهرۆكى ههرێمی كوردستان و دابينكردنى پێداويستی و تۆكمهكردنى سهنگهرهكانی پێشمەرگە كاريگهريى بهرچاوی له پاراستنى گيانى پێشمهرگه و تواناى بهرگرييان، ههبووه. ئهم پرۆسهيه كۆتايىی ساڵی 2021 به فەرمان و پشتيوانيى سهرۆك نێچيرڤان بارزانى، سهرۆكى ههرێمی كوردستان فهرماندهى گشتيى هێزهکانی پێشمهرگه دهستپێكرا،. پێداويستييهكان جگه له كهرستهى بهرگرى، پرۆسهى سهنگهرسازى و بيناكردنى جێى حهوانهوه و خۆپارێزى دهگرێتهوه كه بێ جياوازى و به پێى پێويست دهخرێنه خزمهت سهرجهم ميحوهر و سهنگهرهكانى پێشمهرگهوه.
