هاوڵاتى مەلا بەختیار دەڵێت:" ماستاوكردن گەیشتووەتە رادەیەك، كاربەدەستی دەوڵەتە گەورەكان، نوێنەری نەتەوە یەكگرتووەكان، سەرۆكوەزیرانی عێراق، چاودێرە ناسراوەكانی دونیای سیاسەت، پەیتا پەیتا دەڵێن: دۆخی هەرێمی كوردستان مەترسیدارە". مەلا بەختیار، ئەندامی ئەنجوومەنی باڵای سیاسی و بەرژەوەندییەكانی یەكێتی رۆژی یەکشەممە 04-07-2021 لە ژێر ناوی "دۆخی كوردستان و ماستاو چییەكان" كورتە نووسینێکی رەخنەییانەی لە فەیسبووکی خۆی بڵاوکردووەتەوە و دەڵێت "ماستاوی سیاسییە، زادەی هەڵپەرستییە؛ ئەو كەسانەی كە لە سیاسەتدا، مێژوویان لاوازە، یان بێ هەڵوێست بوون و بەشێك بوون لە تاوانەكان، ئەمانە لە ئاستی مەترسی و تاوانەكان بێ دەنگ دەبن. توانای بیركردنەوەیان كورت كورتە.. ئیتر چاریان نامێنێ، ماستاوكردن نەبێ. بۆ ماستاوكردنیش، وردە وردە لە میدیای دیجیتاڵدا وا شارەزا دەبن، لە مۆنتاژی چالاكییەكانیان و تایتڵی رازیكردنی سەروی خۆیان، كارامە دەبن. رێك نەریتی دیوەخان بە ناوی دیموكراسی و سۆسیالست و بەناوی حیزبایەتییەوە، كۆپی دەكەن." مەلا بەختیار لە نووسینەکەیدا ئاماژەی بەوە داوە "ماستاوی سیاسییە، زادەی هەڵپەرستییە؛ ئەو كەسانەی كە لە سیاسەتدا، مێژوویان لاوازە، یان بێ هەڵوێست بوون و بەشێك بوون لە تاوانەكان، ئەمانە لە ئاستی مەترسی و تاوانەكان بێ دەنگ دەبن. توانای بیركردنەوەیان كورت كورتە.. ئیتر چاریان نامێنێ، ماستاوكردن نەبێ. بۆ ماستاوكردنیش، وردە وردە لە میدیای دیجیتاڵدا وا شارەزا دەبن، لە مۆنتاژی چالاكییەكانیان و تایتڵی رازیكردنی سەروی خۆیان، كارامە دەبن. رێك نەریتی دیوەخان بە ناوی دیموكراسی و سۆسیالست و بەناوی حیزبایەتییەوە، كۆپی دەكەن." لە بەشێکی دیکەی نووسینەکەیدا مەلا بەختیار پێیوایە "ماستاوكردن گەیشتووەتە رادەیەك، كاربەدەستی دەوڵەتە گەورەكان، نوێنەری نەتەوە یەكگرتووەكان، سەرۆكوەزیرانی عێراق، چاودێرە ناسراوەكانی دونیای سیاسەت، پەیتا پەیتا دەڵێن: دۆخی هەرێمی كوردستان مەترسیدارە.. كەچی بەناو سەركردە هەن دەفەرموون: ئەو كەسانەی دەڵێن دۆخی كوردستان خراپە.. رەشبینی بڵاودەكەنەوە." لە کۆتایی نووسینەکەیشدا مەلا بەختیار قسەیەکی نووسەری نێوداری رووسیای بە نموونە هێناوەتەوە و دەڵێت، تۆڵستۆی جوانی فەرمووە کە دەڵێ ''رێزی گێلەکان بگرن چونکە زۆرینەن.'' لیۆ تۆڵستۆی یا کۆنت لیێڤ نیکۆلایێڤیچ، نووسەری نێوداری رووسیایە کە بە نووسەرێکی سەرکەوتوو لە سەرانسەر جیهان ناسراوە. رۆژی 9ی ئەیلوولی 1828 لە دایکبووە و لە مانگی تشرینی دووەمی ساڵی 1910 کۆچی دواییکردووە.
.jpg)
هاوڵاتى وەزیری پەروەردەی هەرێم رایگەیاند: نوسراوی كاتی تاقیكردنەوەكانی پۆلی 12 ساختەكراوەو تاقیكردنەوەكانیش لە 25ی مانگەوە دەستپێدەكات. ئەمڕۆ دووشه‌ممه 5ی ته‌مموزی 2021، ئالان حەمە سەعید وەزیری پەروەردەی هەرێم لە لێدوانێكی رۆژنامەوانیدا رایگەیاند: بڕیاری كاتی تاقیكردنەوەكانی پۆلی 12ی ئامادەیی ساختەكراوەو ئەوەی بڵاوكراوەتەوە پەروەردە دەرینەكردوەو ئێمە هەر راگەیەنراوێكی رەسمی هەبێت لەراگەیاندنە رەسمیەكانی پەروەردەوە رادەگەیەنرێت. وتیشی: ئەوەی بڵاوكراوەوەتەوە ئامانج لێی چەواشەكردنی خوێندكارانە، بۆیە لێرەوە خوێندكاران دڵنیا دەكەینەوە كە رۆژی 25ی 7ی 2021 تاقیكردنەوەكانی پۆلی 12ی ئامادەیی بەسەرجەم بەشەكانەوە دەستپێدەكات. وەزیری پەروەردە دەشڵێت: لەئێستاوە سەرقاڵی ئامادەكارین بۆ تاقیكردنەوەكانی پۆلی 12ی ئامادەیی دابنیكردنی كارەبای بەردەوام لەرۆژانی تاقیكردنەوەو تا ئامێری فێنكەرەوە بۆ خوێندكاران دابنرێت. لە تۆڕە کۆمەڵایەتییەکان نووسراوێکی وەزارەتی پەروەردە بە واژۆی د. ئالان حەمەسەعید، وەزیری پەروەردەی هەرێمی کوردستان بڵاوکراوەتەوە و ئاماژە بەوەکراوە کە "کاتی تاقیکردنەوەکانی پۆلی 12ی ئامادەیی بەهۆی جەژنی قوربانەوە بۆ 1-08-2021 دواخراوە". تاقیکردنەوەکانی پۆلی 12ی ئامادەیی لە رۆژی یەکشەممە 25-07-2021 دەستپێدەکات و رۆژی چوارشەممە 18-8-2021 کۆتایی دێت.
.jpg)
عەمار عەزیز چەند رۆژێكە سوپای توركیا بۆردومانكردنی سنوری قەزای ئامێدی و زاخۆو بەراوری باڵایان كەمكردووە بەپێی وتەی بەڕێوەبەری ناحیەكانی باتیڤاو كانی ماسێ، بەو هۆیەوە دانیشتوانی پێنج گوند چوونەتەوە سەر زەوی و باخ و رەزەكانیان. سوپای توركیا لە 23ی نیسانی ئەمساڵدا هێرشی سەربازیی بۆ ناوچە سنورییەكانی بادینان دەستپێكرد كە بەو هۆیەوە بەقوڵایی دەیان كیلۆمەتر خاكی هەرێمی كوردستانی داگیركردووە. هاووڵاتییەكی گوندی هرور دەڵێت: »چەند رۆژێكە بۆردومانی توركیا كەمیكردووە، بەڵام پێشتر زۆر زۆر بوو». شڤان هروری، بەهاوڵاتى وت:» پێش چەند هەفتەیەك سوپای توركیا رۆژانە چەند جارێك دەوروبەری گوندی هروریان بۆردوومان دەكرد، بەڵام ئەوە چەند رۆژە زۆر كەمیكردووە ، خەڵكی گوندیش لەماڵەكانی خۆیان دەردەچن، هەندێكیان دەچنە سەر رەزو باخی خۆیان و هاتۆچووش ئاسایی بووەتەوە». شڤان باسی لەوەشكرد كە لەڕۆژانی هەینی و شەممە ژمارەیەك خێزانی دهۆك سەردانی گوندەكە دەكەن بەمەبەستی گەشت و سەیران و سەردانی خزم و كەسوكاریان، پێشتر لەدڵەڕاوكێ و ترسێكی زۆردابوون. فەرهاد مەحمود، بەڕێوەبەری ناحیەی باتیڤا سەر بەقەزای زاخۆ لەلێدوانێكدا بە وت:» نزیكەی هەفتەیەكە سوپای توركیا بۆردومانكردنی سنوری ناحیەكەی راگرتووە، ئەوەش وای كردووە وردە وردە خەڵك بگەڕێتەوە سەر ناوچەكانی خۆیان». ناوبراو وتیشی:» پێشمەرگە هیچ پێشڕەوەییەكی نەكردووە، هۆكاری كەمكردنەوەی بۆردوومانكردن تائێستا دیارنیە، بەڵام باس لەكەمبوونەوەی چەكدارانی پەكەكە دەكرێت لەو سنوورانەدا». هەروەها بەڕێوەبەری ناحیەی باتیڤا سەر بەقەزای زاخۆ، ئاماژەی بەوەشكرد لەكۆی (75) گوند لەسنوری ناحیەی باتیڤا، (11) گوند لەماوەی ساڵێكدا چۆڵكراون، هەزاران دۆنم زەوی لەسنوری ناحیەكە سووتان، وتیشی:»مەترسی هەر ماوەو ئەگەری بۆردوومانكردنیش لەئارادا هەیە ، بۆیە ناتوانین بەخەڵكی خۆمان بڵێن سەردانی گوندەكانی خۆیان بكەنەوە». هاوكات بەڕێوەبەری ناحیەی كانی ماسێ ئەوە دووپاتدەكاتەوە كە بۆردومانەكانی سوپای توركیا كەمیكردووەو دەشڵێت:» پێشمەرگە بەهیچ شێوەیەك پێشڕەوی نەكردووە، هەر لەو جێگایەن كەپێش ئوپەراسیۆنی سوپای توركیا دەستپێ بكات، لەوێدابوون، پاسەوانی سنوریش تەنها چوار خاڵی سەربازییان داناوە». سەربەست سەبری، بەڕێوەبەری ناحیەی كانی ماسێ لەلێدوانێكدا بەهاوڵاتى وت:» دوای دوو مانگ ژیان لەپێنج گوندی سنوری كانی ماسێ ئاسایی دەبێتەوە، خەڵك دووبارە گەڕاوەتەوە سەر گوندەكانی خۆیان و دەست بەژیانی خۆیان دەكەن». هێما بۆ ئەوەش دەكات كە بۆردوومانكردنی فرۆكە جەنگییەكانی توركیا بۆ سەر ناوچەكە زۆر كەمبووەتەوە،»سوپای توركیا ناوچە ستراتیژییەكان كەخۆی مەبەستی بووە كۆنترۆڵی كردووەو زیاتر نەهاتووەتە پێش». سەربەست سەبری، جەختی لەوەشكردەوە كە بۆ قەرەبووكردنەوەی ئەو هاووڵاتیانەی زیانیان پێگەیشتووە، لیژنەیەك پێكهێنراوە بەمەیدانی سەردانی چەند شوێنێكیان كردووەو لەگەڵ ئەو كەسانە سەربەست سەبری، جەختی لەوەشكردەوە كە بۆ قەرەبووكردنەوەی ئەو هاووڵاتیانەی زیانیان پێگەیشتووە، لیژنەیەك پێكهێنراوە بەمەیدانی سەردانی چەند شوێنێكیان كردووەو لەگەڵ ئەو كەسانە قسەیان كردووە بۆ تۆماركردنی زیانەكانیان، هەركاتێك تەواو ببێت ئەنجامی راپۆرتەكە رەوانەی پارێزگای دهۆك دەكەن بەمەبەستی قەرەبووكردنەوەیان.
هاوڵاتى بەڕێوەبەرایەتی گشتی ئاو و ئاوەڕۆی ھەرێمی کوردستان رایگه‌یاند:" حکومەت رەزامەندی لەسەر خەرجکردنی بڕی 31 ملیار دینار بۆ روبەڕوبونەوەی بابەتی وشکەساڵی بۆ تەواوی بەڕێوەبەرایەتییەکانی ئاو لەسەرتاسەری کوردستان، کە ژمارەیان 14 بەڕێوەبەرایەتییە". ئەمڕۆ دووشه‌ممه 5ی ته‌مموزی 2021، ئاری ئەحمەد، بەڕێوەبەری گشتی ئاو و ئاوەڕۆی ھەرێمی کوردستان لە کۆنگرەیەکی رۆژنامەوانیدا رایگه‌یاند:" بە بڕی 31 ملیار دینار بۆ رووبەڕووبوونەوەی بابەتی وشکەساڵی بۆ تەواوی بەڕێوەبەرایەتییەکانی ئاو لەسەرتاسەری کوردستان، کە ژمارەیان 14 بەڕێوەبەرایەتییە، وەکو هەنگاوی یەکەمیش حکومەت رەزامەندی لەسەر دوو ملیار و 500 ملیۆن دینار پیشانداوە". سەبارەت بە دروستکرنی شانەی قەیرانەکان کە کار لەسەر وشکەساڵی دەکەن لە پارێزگاکان و یەکە ئیدارییەکان، ئاری ئەحمەد گوتی: "وەکو بەڕێوەبەرایەتی گشتیی ئاو و ئاوەڕۆ پەیوەندیمان بە تەواوی پارێزگاکان و یەکە ئیدارییەکان و قایمقامیەتەکان کردووە، بۆ ئەوەی لیژنە پێکبهێنن، لە هەولێر لیژنە بۆ بابەتی رووبەڕووبوونەوەی وشکەساڵی پێکهێندراوە، چ بۆ بابەتی ئاوی خواردنەوە، چ بۆ بابەتی کشتوکاڵی". بەڕێوەبەری گشتیی ئاو و ئاوەڕۆی ھەرێمی کوردستان ئاماژە بەو بڕە ئاوە دەدات کە رۆژانە لەلایەن بەڕێوەبەرایەتیەکانەوە دابین دەکرێت کە "رۆژانە دەگاتە دوو ملیۆن و 250 هەزار مەتر سێجا، لەڕێگەی پێنج هەزار و 700 بیر و 91 پرۆژە، واتە ئەو بڕە ئاوەی دابین دەکرێت کەمنەکراوەتەوە بەڵکو زیادیکردووە". ئاری ئەحمەد، بە پێویستی زانی لایەنی دووەم کە خزمەتگوزارییەکەی پێدەگات کە هاووڵاتیانن "بەشێک لە بەرپرسیاریێتیەکە هەڵبگرن، بۆ ئەوەی بزانن چ بڕێک ئاو بەکاردەهێنن پێویستە پێوەری ئاو ببەستن، کە ئێستا 60٪ی هاووڵاتیانی هەرێمی کوردستان پێوەریان بەستاوە، لە پێوەریش گرنگتر بەستانی تەوافە، بەهۆی نەبەستنی تەواف لە تانکییەکان ئاوێکی زۆر بەهەدەر دەچێت کە ئەمەش هەم دەبێتە خەرجی لەسەر هاووڵاتیان ئەگەر پێوەریان بەستابێت، هەم وا دەکات حکومەت نەتوانێت لە دابینکردنی ئەو خزمەتگوزارییە بەردەوامبێت، بۆیە گرنگە هاووڵاتیانیش هاوکار بن و بەشێک لە بەرپرسیاریێتیەکە هەڵبگرن، کە ئەمەش کاریگەری باشی لەسەر کۆی خزمەتگوزارییەکە دەبێت، لەگەڵ ئەوەش ستراتیژمان نەگۆڕاوە بۆ دابینکردنی ئاو بە شێوەی 24 کاژێری". سەبارەت بە شاری هەولێر و پرسی ئاو لەو شارە، بەڕێوەبەری گشتیی ئاو و ئاوەڕۆی ھەرێمی کوردستان وتی: "لە سەنتەری شاری هەولێر بەپێی دوایین داتا، ئەو بیرانەی لە ئاستی ئاوەکەیان زۆر دابەزیوە و پێویستیان بە لێدانەوەی بیری نوێ هەیە، 35 بیرە. پێشبینی دەکرێت تاوەکو کۆتایی ئەو وەرزە 10 بۆ 15 بیری دیکەش هەمان دۆخی بەسەر بێت. سەبارەت بە ژمارەی ئەو بیرانەشی ئاستی ئاوەکەیان دابەزیوە لە نێوان 75 بۆ 80 بیر دەبێت، پێشبینی دەکرێت تاوەکو کۆتایی ئەو وەرزە بگاتە 120 بیر، ئەوانە پێویستیان بەوەیە بۆرییەکانیان زیاتر رەوانەی خوارەوە بکرێت و بگاتە نێو ئاوەکەو بۆ ئەوە توانای دابینکردنی ئاوی هەبێت، ئەوانەشی کە زۆر پێویستن کاریان لەسەر بکرێت ژمارەیان 10 بۆ 12 بیرە و راسپێردراون بۆ ئەوەی کاریان لەسەر بکرێت".
هاوڵاتى سەرۆکى هەرێمى کوردستان و باڵیۆزى نوێی ڕوسیا لەعێراق لەکۆبونەوەیەکدا برەودان بە پەیوەندییەکان و فراوانکردنى بوارەکانى هاریکارى و هاوبەشیى عیراق و هەرێمى کوردستان تاوتوێ دەکەن و هەردولا هاوڕا بون کە دۆخى سوریا و کێشەکانى وڵاتەکە دەبێ لە ڕێگه‌ی سیاسییه‌وه چارەسەر بکرێن. ئەمڕۆ دووشەممە سەرۆکایەتی هەرێم بڵاویکردەوە، نێچیرڤان بارزانى، سەرۆکى هەرێمى کوردستان پێشوازى لە ئیلبروس کوتراشیڤ باڵیۆزى تازەى ڕوسیا لە عێراق و شاندێکى یاوەرى کرد.لە کۆبونەوەکەدا نێچیرڤان بارزانى پیرۆزباییى دەستبەکاربونى لێکردوە و هیواى سەرکەوتنى بۆ خواست. هەروەها هەردولا جەختیان لە خواستى دولایەنە بۆ برەودان بە پەیوەندییەکان و فراوانکردنى بوارەکانى هاریکارى و هاوبەشیى عیراق و هەرێمى کوردستان لەگەڵ ڕوسیا کردەوە. ئەوەش هاتوە، باڵیۆزى ڕوسیا سەرسامیى خۆى بە پرۆسەى ئاوەدانکردنەوە و بنیاتنان و پێشکەوتنەکانى هەرێمى کوردستان دەربڕىوە و ئاماژەى بەوە داوە کە وەزارەتى دەرەوەى وڵاتەکەى گرنگى بە پرسى کورد دەدات، هەروەها باسى لە کوردانى ڕوسیا کرد کە لە زۆر بوارى گرنگى وڵاتەکەدا کاران و خاوەن ڕۆڵ و پێگەى دیارن. سەرۆکایەتی هەرێم دەڵێت، جگە لە هەڵبژاردنەکانى پێشوەختە و دۆخى عیراق بەگشتى، کۆرۆنا و هەڵمەتەکانى کوتان بە پێکوتەى دژى پەتاى کۆڤید_19، دۆخى سوریا و دوایین پێشهاتەکانى وڵاتەکە، تەوەرێکى دیکەى کۆبونەوەکە بو. تیایدا هەردولا هاوڕا بون کە دۆخى سووریا و کێشەکانى وڵاتەکە دەبێ لە ڕێگه‌ی سیاسییه‌وه چارەسەر بکرێن.
مەزهەر كەریم ئەندامێكی خانەی راپەڕاندنی بزوتنەوەی گۆڕان ئاماژە بەوە دەدات كە بەشدارن لەحكومەت بەڵام" حكومەتێك هەیە لەدەرەوەی حكومەت، ئەمەش هەقەتەكەیە، كە كۆنتڕۆڵی جومگەكانی حكومەتی كردووە چۆنی بوێت ئاوا هەنگاو دەنێت". دەرباز محەمەد، ئەندامی خانەی راپەڕاندنی بزوتنەوەی گۆڕان لە چاوپێكەوتنێكدا كە لە رۆژنامەی هاوڵاتی ژمارەی 1926 ئەمرۆ دووشەممەدا بڵاوكراوەتەوە لەوەڵامی یەكێك لە پرسیارەكاندا دەڵێت:" وەك هۆشداریمان لەحكومەت بەپێی ئەو رێكەوتنەی هەیە هەندێك شت دەبوو بكرێت نەكراوە". دەشڵێت" بەتایبەت مەسەلەی یاریدەدەری سەرۆكی حكومەت بۆ كاروباری چاكسازی سندوقی داهاتە نەوتییەكان كەهیچ رێگرییەك نیە‌و هیچ كێشەیەك نیە‌و یاساكەی هەیەو دەكرێت تەشكیل بكرێت‌و پێكبهێنرێت". دەرباز محەمەد، رونیكردۆتەوە و وتویەتی"كێشەكە لەوەدایە، بۆچی پێكهێنانی سندوقەكە دوابخرێت، یەعنی ئەمە بۆخۆی كێشەیە، ئایا یاساكە خراپە؟ ئەگەر یاساكە خراپە با هەوڵی هەمواركردنی بدرێت، ئەگەر یاساكە خراپ نیە بۆچی هەوڵی جێبەجێ كردنی نادرێت، چونكە مەلەفی داهاتە نەوتییەكان بۆ خەڵكیش زۆر زۆر گرنگە، ئێمە بەشدارین لەحكومەت، بەس حكومەتێك هەیە لەدەرەوەی حكومەت ئەمەش هەقیقەتەكەیە، كە كۆنتڕۆڵی جومگەكانی حكومەتی كردووە چۆنی بوێت ئاوا هەنگاو دەنێت، بەكوردیەكەی هەتا چەك لەدەرەوەی حكومەت بێت دەسەڵاتیش لەدەرەوەی حكومەت دەبێت. ئەندامەكەی خانەی راپەڕاندنی بزوتنەوەی گۆڕان جەختیش دەكاتەوە گۆڕان قەبولی نیە یاریدەدەری سەرۆكی حكومەت بۆ كاروباری چاكسازی‌و سندوقی داهاتە نەوتییەكان پێكنەهێندراوە و وتی:"بەڵام ماوەتەوە سەرئەوەی رەد فیعلی ئێمە چی دەبێت، ئەگینا ئێمە ماوەی شەش مانگ زیاترە ناومان ناردووە دەبوو ئەو سندوقە پێكبهێنرێت، بەڵام تائێستا ئەو سندوقە پێكنەهێندراوە".
هاوڵاتى ئەمڕۆ دوشەممە بەشێک لەفەرمانبەرانی بەڕێوبەرایەتی گشتی شارەوانییەكانی سلێمانی مانگرتنیان لەدەوام راگەیاند. سەرەڕای تێپەڕبونی 10 رۆژ بەسەر دەستکردن بەدابەشکردنی موچە، تائێستا موچەی مانگی حوزەیرانی وەزارەتی شارەوانی دابەشنەکراوە. داوا دەکەن بەرپرسانی حکومەت و حزبەکان، موچەی فەرمانبەران وەک کارتی فشار بەرامبەر یەکتر بەکارنەهێنن و موچەکانیان لەکاتی خۆیدا دابەشبکرێت.
هاوڵاتى بەڕێوەبەرایەتی ئاسایشی سلێمانی دەڵێت، بازرگانێکی ماددەی هۆشبەریان دەستگیرکردووە و بڕی 106.75 کیلۆگرام ماددەی هۆشبەری جۆری هێرۆین دەستی بەسەرداگیراوە. ئەمڕۆ دووشه‌ممه 5ی ته‌مموزی 2021،لە راگەیێندراوێکدا کە ئاسایشی سلێمانی بڵاویکردووەتەوە دەڵێت "لە درێژەی کار و چالاکییەکاندا و رووبەڕووبوونەوەی دژ بە بازرگانان و ئالوودەبووانی ماددە هۆشبەرەکان بازرگانێکی فرۆشتنی ماددەی هۆشبەر دەستگیرکرا و دەستبەسەر بڕی 106.75 کیلۆگرام ماددەی هۆشبەر لە جۆری هیرۆیندا گیرا." بەڕێوەبەرایەتی ئاسایشی سلێمانی ئاماژە بەوە دەدات کە دەستگیرکردنی بازرگانەکە و دەستبەسەرداگرتنی ئەو بڕە لە ماددەی هۆشبەر بەسەرپەرشتی دەزگای ئاسایشی هەرێمی کوردستان بووە. لە بەشێکی دیکەی راگەیێندراوەکەدا ئاسایشی سلێمانی دەڵێت، لە رۆژی 14-06-2021 دوای کۆکردنەوەی زانیاری ورد توانیویانە "لە کۆگای یەکێک لە نووسینگەکانی هەواڵەکردنی پۆست لەناو شاری سلێمانی تۆمەتبارێک بەناوی (ا،ع، ع) لەدایکبووی ساڵی 1979ی خەڵکی کەرکووک دەستگیربکەن و دەستبگرن بەسەر بڕی 106.75 کیلۆگرام ماددەی هۆشبەر لە جۆری ( هیرۆین )." لە راگەیێندراوەکەدا ئاسایشی سلێمانی دەشڵێت "بەنیازبوون بەپێچراوەیی و بەشاراوە لەناو کەلوپەلی پۆستدا رەوانەی دەرەوەی هەرێمی کوردستانی بکەن." ئاسایشی سلێمانی ئاماژە بەوە دەدات، کە تۆمەتبار بەفەرمانی دادوەر و بەپێی ماددەی 25 لە یاسای ماددە هۆشبەرەکان راگیراوە و دەستبەسەر بڕە تلیاکەکەدا گیراوە و لێکۆڵینەوە له کەیسەکه بەردەوامە.
هاوڵاتى هەرچەندە بڕیاربو ئەمڕۆ دوشەممە و دوای 10 مانگ لە دەستگیركردنیان، پێنج چالاكوانی دیكەی بادینان بە ئامادەبونی پارێزەرانیان لە دادگای تاوانەكانی دوی هەولێر دادگایی بکرێن، بەڵام بەهۆکاری ئامادەنەبونی دادوەری سەرەکی دادگا پرۆسەی دادگاییکردنەکە دواخرا. کاروان گەزنەیی، ئەندامی پەرلەمانی کوردستان رایگەیاند، هەرچەندە بڕیاربو ئەمڕۆ پرۆسەی دادگاییکردنی گیراوانی بادینان بەڕێوەبچێت، بەڵام بەهۆکاری ئامادەنەبونی دادوەری سەرەکی دادگا، پرۆسەی دادگاییکردنەکە دواخراوە. 28ی ئەم مانگەش دادگای تێهه‌ڵچونه‌وه‌ی هه‌رێمی كوردستان، وه‌ڵامی تانه‌ی پارێزه‌رانی به‌رگری له رۆژنامه‌نوس و چالاكوانانی بادینانی دایه‌وه، له‌باره‌ی بڕیاره‌كه‌ی ده‌سته‌ی دوی دادگای تێهه‌ڵچونه‌وه‌ی هه‌ولێر، به‌گوێره‌ی وه‌ڵامه‌كه‌ش، بڕیاری شه‌ش ساڵ زیندانیكردن به‌سه‌ر پێنج چالاكوان و رۆژنامه‌نوسانی دیکەی بادینان چوە بواری جێبه‌جێكردنه‌وه. 16ی (شوبات/2)ی ئه‌مساڵ دوای دو ڕۆژ له‌دانیشتنی دادگا، دادگای دوی هه‌ولێر سزای شه‌ش ساڵ زیندانیكردنی به‌سه‌ر هه‌ریه‌ك له‌رۆژنامه‌نوسان و چالاكوانانی بادینان (شێروان شێروانی، گوهدار زێباری، شڤان سه‌عید، ئه‌یاز كه‌ره‌م، هاریوان عیسا) سه‌پاند. ده‌سته‌ی سزای دادگای پێداچونه‌وه‌ی هه‌رێم له‌بڕیارێكدا كه 28ی (نیسان/4)ی 2021 به واژۆی عه‌بدوڵا عه‌لی ئه‌حمه‌د شرفانی سه‌رۆكی دادگای پێداچونه‌وه ده‌رچوه باس له‌وه‌كراوه، به‌گوێره‌ی یاسای ژماره 21ی ساڵی 2003 برگه‌كانی 47، 48 و 49 بڕیاری دادگا بۆ شه‌ش ساڵ زیندانیكردنی (شێروان شێروانی، ئه‌یاد كه‌ره‌م، گوهدار محه‌مه‌د ئه‌مین، شڤان سه‌عید و هاریوان عیسا) بڕیارێكی دروسته و له‌گه‌ڵ یاسادا گونجاوه.
هاوڵاتى لە ڕوبەڕوبونەوەیەکدا لەگەڵ گروپێکی چەکدار، پێنج جوتیار کوژران و دوو هاوڵاتی دیکەش برینداربوون. دوای سەربەستبووی دوو لە هاوڵاتییە ڕفێندراوەکانی گوندی قەڵای سەر بە شارۆچکەی گوڵاڵە لە خانەقین، کەسوکاری ڕفێندراوەکان و هێزێکی سوپای عێراق بەرەو ڕۆژئاوای شارۆچکەی گوڵاڵە بەڕێکەوتوون و دوای گروپە چەکدارەکە کەوتوون، کە هاوڵاتییەکانیان ڕفاندووە. ڕوبەڕوبوونەوە لەنێوان گروپە چەکدارەکە و کەسکاری ڕفێندراوەکان و سوپای عێراقدا هاتووەتە ئاراوە و شەڕەکە لە دوای ١٢ی شەو تا ٣ی بەرەبەیان بەردەوام بووە. کە کەسوکاری ڕفێندراوەکان کەوتوونەتە کەمینی چەکدارەکانەوە و لە ئەنجامدا پێنجیان کوژراون، کە جووتیار بوون، دوو هاوڵاتی تریش برینداربوون. زیانی گروپە چەکدارەکە نەزاندراوە، بەڵام ماتۆڕێکیان لێ بەجێماوە. لەکاتی ڕوبەڕوبوونەوەکەدا، دوو ڕفێندراوەکە هەڵهاتوون. ئەو هاوڵاتیانەی ڕفێنراون، کورد و عەرەب بوون و ئەوانەشی کوژراون دووانیان کوردن ، دانیشتووی گوندی قەڵان و ئەوانی دیکەش دانیشتوی گوندەکانی ئوم حونتە و شێخ باوەن.
هاوڵاتى ئەمڕۆ دووشه‌ممه 5ی ته‌مموزی 2021، نرخی بەرمیلێک نەوتی خاوی برێنت لە بازاڕەکانی جیهاندا بە 76 دۆلار و 22 سەنتە. هاوکات لە بۆرسەی بازارە جیهانییەکان، نرخی بەرمیلێک نەوتی خاوی ئەمریکیش بە 75 دۆلار و 22 سەنت مامەڵەی پێوە دەکرێت. پێشتر نرخی نەوت بۆ سەروو 70 دۆلار بەرزبووەوە، دوای ئەوەی لە ساڵی رابردووەوە بەهۆی بڵاوبوونەوەی ڤایرۆسی کۆرۆنا و لەکارکەوتنی کارگە گەورەکانی جیهان و راگرتنی جموجوڵی ئامێر و ئۆتۆمبێلەکان، نرخی نەوت بۆ نزمترین ئاستی لە مێژوویدا دابەزی بوو.
.jpg)
ماردین نورەدین كۆتایی هەفتەی رابردوو لەبەشێك لەناحییەكانی سەر بەپارێزگای سلێمانی ناڕەزایەتی و گردبوونەوە ئەنجامدراو باس لەخۆپیشاندانی فراوانیش دەكرێت بەهۆی كەمبوونەوەی پێدانی كاتژمێرەكانی كارەبا، بەرپرسانی كارگێڕی دەیخەنە ئەستۆی حكومەتی هەرێم. رۆژی پێنجشەممەی هەفتەی رابردوو هاووڵاتیانی ناحیەی عەربەت، لەبەردەم بینای بەڕێوەبەرایەتی ناحییەكەدا گردبوونەوەو تێیدا مۆڵەتی یەك هەفتەیاندا بە بەڕێوەبەری ناحییەكە تاكێشەی كەمیی كارەبا چارەسەر بكەن. هەروەها بەهۆی كەمیی كارەباوە بەشێك لەهاووڵا‌تیانی ئاغجەلەرو گوندەكانی قەڵاسێوكە و عەسكەر، خۆپیشاندانیان كردو رێگای ئاغجەلەر – كۆیەیان داخست و رێگەیان نەدا هیچ ئۆتۆمبێلێكی بارهەڵگرو ئۆتۆمبێلی هاووڵاتییانیش تێبپەڕێت. هاوكات بڕیاربوو دوێنێ یەكشەممە خۆپیشاندان لەقەزای سەیدسادق ئەنجامبدرێت، بەڵام رێکخەری خۆپیشاندانەكە دەڵێت بەڵێنیان پێداون كاتژمێرەكانی كارەبا لە (12) كاتژمێرەوە بكەنە (18 بۆ 20) كاتژمێر. شادمیر سدیق، رێكخەری خۆپیشاندانەكەی سەیدسادق لەلێدوانێكدا بە هاوڵاتى وت:»شێخ سالار بەڕێوەبەری كارەبای سلێمانی پەیوەندی پێوەكردین كەكاتژمێرەكانی پێدانی كارەباتان لە (12) كاتژمێر بۆ (18 تا 20) كاتژمێر دەبێت، بەڵام گردبوونەوەو خۆپیشاندان مەكەن». ناوبراو باسی لەوەشكرد چاوەڕێی ئەوەن كە بزانن بەڵێنەكە تاچەندێك جێبەجێ دەكرێت، ئەگەر نەكرا «ئەوا خۆپیشاندانەكان لەگرێزەوە دەبەینە بەردەم قایمقاییەت و بەڕێوەبەرایەتی كارەبا». هاوكات باسی لەوەشكرد هەڤاڵ ئەبوبەكر، پارێزگاری سلێمانی لەڕێگەی پەیوەندی تەلەفونییەوە لەگەڵ دیاری رەفیق، قایمقامی سەیدسادق قسەی كردووەو ئەوانیش پشتیوانیان دەربڕیوە بۆ داواكارییەكانیان. دیاری رەفیق قایمقامی قەزای سەیدسادق لەلێدوانێكدا بە هاوڵاتى وت:»دۆخی كارەبا لەئێستادا لەهەموو كوردستان خراپە نەك تەنیا لای ئێمە رەنگە ئێمە لەكۆمەڵێك شوێن باشتر بین، ئەگەر خۆپیشاندانیش بكرێت لەسەیدسادق ئێمە لەبەرەی خەڵكین و پشتیوانی خەڵكین، خەڵك داواكانیان رەوایە بەتایبەتی لەئێستادا دۆخی كارەبا زۆر خراپە». ناوبراو ئاماژەی بەوەشكرد هیچ بوجەیەك بۆ كارەبا تەرخان نەكراوە، بەڵام ئەوەی هەیە بەرنامەیەكی محەتەیەكی گەورەیان هەیە لەنێوان سەیدسادق و گوندی گامێش تەپە، ئێستا كاری تێدادەكرێت، ئەویش بۆ باشتركردنی ئەو لۆدانەیە لەسەر هێڵی كارەباو هەریەكە لەقەزای پێنجوێن و هەڵەبجەو خورماڵ و سەیدسادق و شارەزور هەمووی سودی لێوەردەگرێت. ناوبراو ئەوەشی دووپاتكردەوە كە لەڕۆژانی پێشوو نووسراوی فەرمیان بۆ وەزارەتی كارەبا ناردووە لەڕێگەی پارێزگای سلێمانییەوە و ئاگاداریان كردوونەتەوە كەدۆخی كارەبا خراپەو پێویستە حكومەتی هەرێم چارەسەری بكات. كەمبوونەوەی كاتژمێرەكانی كارەبا لەدوای 15ی حوزەیرانی مانگی رابردووەوە هاووڵاتیانی ناوچە جیاجیاكانی نیگەران كردووەو لەئێستادا هەندێ ناوچە تەنها (12) كاتژمێر كارەبای نیشتمانیان پێدەدرێت. بڕیاربوو لەگەرمیان و راپەڕین خۆپیشاندان ئەنجامبدرێت، بەڵام بەشێك لەهاووڵاتیان هۆشیاریدانەكەیان گەیاندبوو بەبەرپرسانی كارگێڕیو بەو هۆیەوە سێ بۆ چوار كاتژمێر كارەبای نیشتمانییان بۆ زیاد كراوەتەوە. رەمك رەمەزان قایمقامی قەزای چەمچەماڵ لەلێدوانێكدا بەهاوڵاتى وت:» لەچەمچەماڵ تائێستا بارودۆخی كارەبا باشە، بەهیمەتی هەموو لایەك لەسێ ساڵی رابردوودا توانیمانە كەمترین گرفتمان لەبواری كارەبادا هەبێت، ئێمە تەنیا گرفتی ئاوی خواردنەوەمان هەیە، ئەویش لەهەوڵداین لەڕێگەی حكومەتەوە لەچارەسەر نزیك بووینەتەوە». رۆژی پێنجشەممەی رابردوو هاووڵاتیانی ناحیەی عەربەت چوونە بەردەم بەڕێوەبەرایرتی ناحییەكەو تەنها یەك هەفتە مۆڵەتیاندا ئەگەر كارەبا چارەسەر نەكرێت خۆپیشاندانەكان دەستپێدەكەنەوە. دابان مەحەمەد بەڕێوەبەری ناحییەی عەربەت بە هاوڵاتى وت:»داواكاری خۆپیشاندەران داواكاریەكی سەرتاسەرییە، ئەم كێشانەش سەرتاسەرییە گشتگیرە، سەبارەت بەكێشەی ناحیەكەی خۆمان نووسراومان بەرزكردۆتەوە لەسەر كەموكوڕی داواكانی خەڵك ئەمڕۆ بۆ قایمقامییەتی سلێمانی لەوێشەوە بۆ پارێزگای سلێمانی، ئاماژەمان بەتوڕەی و هیلاكی و ماندوبوونی خەڵك داوە». بەڕێوەبەری ناحیەی عەربەت ئەوەشی خستەڕوو كە «ناكرێت حكومەتێكی مەركەزی دەس نوقاوی ناشەفافی بێ پیلان نەتوانێت چارەسەری گیروگرفتەكانی (25) ساڵی رابردوو بكات، ئێمە بەركەوتنمان هەیە لەگەڵ خەڵك بۆ باسكردنی گلەیی و گازندە زۆر پێویستەكانی روو دەكەنە ئێمە، ئێمەش هەم توانای دەسەڵاتی دارایی هەم ئیداریمان تەواو لەبەردەست نیە كە بەپێی پێویست هاوكارییان بكەین». بەڕێوەبەری ناحیەی عەربەت جەختی لەوەكردەوە كەكێشەكان كێشەی قوڵن، وتیشی:» لەڕاستیدا سەرۆكی حكومەت بەدەرەجەی یەك بەدەرەجەی دوو جێگرەكەی و وەزیرەكانی هەرسێ لایەنی پێكهێنەر بەحزبەكەی خۆشمەوە (بزوتنەوەی گۆڕان) لەبەردەم بەرپرسیارێتیەكی ئەخلاقیدان، پارەو بوجەی ئەم وڵاتە لەدەستی دوو ماڵبات و دوو كۆمپانیاو دوو حزب، ئەگەر دەتوانن ئەمە بكەن فەرموون دەست بەكاربن، من وەك بەڕێوبەری ناحیە خۆم دەبمە پاسەوانی پڕۆژەكانیان پارێزەری ئیشەكانیان و گفتارو كردارەكانیان». «ئەگەر ئەمەیان پێ ناكرێت ئەم كابینەی حكومەتە زۆر بەڕاشكاوی بێتە سەر شاشەكان لەڕاگەیاندنەكان بڵێن ئێمە ئەم خاڵانەمان پێ جێبەجێ ناكرێت و هۆكارەكان ئەمانەن»، قایمەقامی ناحیەی عەربەت وای وت. سەرۆكی فراكسیۆنی سەوز لەئەنجومەنی پارێزگای سلێمانی دەڵێت:» نیگەرانی خەڵك لەوەدایە حكومەت پێشوەختە خەمی چارەسەركردنی كێشەكان ناخوات». رزگار حەمەنوری سەرۆكی فراكسیۆنی سەوز لەئەنجومەنی پارێزگای سلێمانی بەهاوڵاتى وت:» هەر كێشەیەكی خزمەتگوزاری یان هەر كێشەیەك پەیوەندی بەقوتی خەڵكەوە هەبێت ئێمە قسەی لەسەر دەكەین، نیگەرانی خەڵك لەوەدایە حكومەت لەكاتی پێویست یان پێشوەختە خەم ناخوات». رزگار حەمەنوری هێمای بۆ ئەوەشكرد ئێستا سەرەتای وەرزی هاوینە مانگی حەوت و هەشت زۆر گەرمە خەڵك وەسایلی فێنككەرەوە زۆر بەكاردەهێنێت، پێویستە حكومەت پێشوەختە كێشەی كەمی كارەبا چارەسەر بكات كەدەزانن لۆد دەكەوێتە سەر كارەبا پێشتر چارەسەری بكەن. سەرۆكی فراكسیۆنی سەوز لەئەنجومەنی پارێزگای سلێمانی ئەوەشی روونكردەوە «ئەگەر خوا نەخواستە وەزعی كارەبا خراپتر بوو بێگومان كۆبوونەوەی فەرمی یان نافەرمی بۆ دەكەین، ئیتر ئەوەی دیكەی دەكەوێتەوە سەر حكومەتی هەرێم». لەژمارە (1925) هەفتەی رابردوودا، ئومێد ئەحمەد، وتەبێژی وەزارەتی كارەبای حكومەتی هەرێم لەچاوپێكەوتنێكدا لەڕۆژنامەی هاوڵاتى ئەوەی خستەڕوو كە ژێرخانی شەش هەزارو (600) مێگاوات كارەبایان هەیە، بەڵام بەهۆی نەبوونی غازەوە ناتوانن بیخەنە كارو لەئێستادا تەنها سێ هەزارو (300) مێگاوات كارەبا بەرهەمدەهێنن و لەتوانایاندایە رۆژانە (13 بۆ 15) كاتژمێر كارەبای نیشتمانی دابین بكەن. هاوكات ئەوەشی دووپاتكردەوە كەهەزار مێگاوات كارەبای غازی لەپارێزگای دهۆك ئامادەیەو تەنها گەیاندنی غازی پێویستە كە لەگەڵ وەزارەتی سامانە سروشتییەكان لەسەر خەتن تا بۆری غازی بۆ رەوانە بكەن و غازەكە دابین بكرێت، ئەوكات هەزار مێگاواتی دیكە دەچێتە نێو سیستمی كارەباوەو ئەوكات دەتوانن (18 بۆ 19) كاتژمێر كارەبا بدەنە هاووڵاتیان.
هاوڵاتى یاریده‌ده‌رى سه‌رۆکى حکومه‌تى هه‌رێم بۆ کاروبارى دارایى و ئابورى رایگه‌یاند:"پرسى دواکه‌وتنى موچه، به‌شێکى په‌یوه‌ندى به بانکه‌کانه‌وه هه‌یه، به‌شێکیشى له هه‌ندێک ده‌روازه داهات وه‌ک خۆى ناگه‌ڕێته‌وه. رێباز حه‌ملان، یاریده‌ده‌رى سه‌رۆکى حکومه‌تى هه‌رێم بۆ کاروبارى دارایى و ئابورى له‌چاوپێکه‌وتنێکدا له‌گه‌ڵ که‌ناڵ 24 رایگه‌یاند:"ئێمه له‌م کاته‌دا، مانگانه 504 ملیۆن دۆلار ده‌ده‌ینه موچه، به لێڕینى %21ه‌که‌وه. له‌مه‌ش 200 ملیۆن دۆلارى هى داهاتى ناوخۆیه، داهاتى نه‌وتیش 335 ملیۆن دۆلار بووه. واته ئێمه له‌به‌رده‌م ئاسته‌نگێکى گه‌وره‌دا‌ین." هه‌روه‌ها راشیگه‌یاند:"له مانگه‌کانى سه‌ره‌تاى ئه‌مساڵ داهاتى ناوخۆ به‌رزبویه‌وه‌و زۆر باش بوو، ئه‌مه دوو مانگه ئه‌م داهاته که‌میکردوه. ئه‌وه‌ى رونه بۆ خه‌ڵکى باس بکه‌ین، ئه‌مڕۆ جه‌نابى سه‌رۆک وه‌زیران له کۆبونه‌وه‌ى ئه‌نجومه‌نى ئابورى ته‌ئکیدى کرده‌وه، ئه‌وله‌ویه‌تى کارى حکومه‌ت دابینکردنى موچه‌یه‌و ده‌بێت له پێشینه‌ى هه‌مو کاره‌کان بێت." هه‌روه‌ها سه‌باره‌ت به دواکه‌وتنى موچه وتى:"گرنگه 30 رۆژ جارێک موچه دابین بکرێت. به‌ڵام له‌گه‌ڵ ئه‌وه‌شدا پرۆسه‌ى دواکه‌وتنى موچه، به‌شێکى په‌یوه‌ندى به بانکه‌کانه‌وه هه‌یه، که ره‌نگه سیوله له‌به‌ر ده‌ست نه‌بێت، له هه‌ندێک ده‌روازه کێشه‌مان هه‌یه و داهات وه‌ک خۆى ناگه‌ڕێته‌وه." له‌باره‌ى ئه‌وه‌ى بۆچى له هه‌ندێک ده‌روازه‌وه داهات وه‌ک خۆى ناگه‌ڕێته‌وه رێباز حه‌ملان وتویه‌تی"سه‌رۆک وه‌زیران له کۆبونه‌وه‌ى ئه‌مڕۆدا جه‌نابى جێگرى سه‌رۆک وه‌زیرانى راسپارد، که له کۆکردنه‌وه‌ى داهات و رسوماتى وه‌زاره‌ته‌کان و رێکخستنه‌وه‌ى باج له هه‌رێمى کوردستان، به ناوى ئه‌نجومه‌نى وه‌زیران و ئه‌نجومه‌نى ئابورییه‌وه، کاربکات و هه‌مو ده‌سه‌ڵاتێکى سه‌رۆک وه‌زیران درایه جێگرى سه‌رۆک وه‌زیران بۆ ئه‌وه‌ى ئه‌و بابه‌ته چاره‌سه‌ر بکات. هاوكات، له‌باره‌ى پشتبه‌ستن و چاوه‌ڕێکردنى پاره‌که‌ى به‌غداشه‌وه وتویه‌تی"ئێمه ئه‌وه‌نده‌ى خه‌ریکى به‌غداین، پشت به خۆمان ببه‌ستین باشتره، به‌غدا ده‌ستى ده‌ستیمان پێده‌کات و باشتر وایه داهاتى خۆمان کۆبکه‌ینه‌وه‌و چاکسازییه‌کى زۆر پته‌و له بوارى نه‌وتیش به‌ڕێوه‌یه." هه‌روه‌ها له‌باره‌ى داهاته‌کانه‌وه، رێباز حه‌ملان ئاشکرایکردوه "ده‌مه‌وێت هه‌ندێک ورده‌کارى باس بکه‌م. ئێستا 200 ملیۆن دۆلار داهاتى ناوخۆمان هه‌یه جگه له نه‌وت. له‌و بڕه 97 ملیۆن دۆلارى هى گومرگه. %65ى هى هه‌ولێر و دهۆکه و %35ى هى پارێزگاى سلێمانییه. له کۆبونه‌وه‌که‌دا باس له‌وه کرا، دادپه‌روه‌رى هه‌بێت و هه‌مو پارێزگاکان هه‌وڵبده‌ن داهات وه‌ک پێویست کۆبکه‌نه‌وه. هه‌روه‌ها 27 ملیۆن دۆلارى هى باج بو، %83ى هى پارێزگاى هه‌ولێر و دهۆکه و %17ى هى سلێمانى و هه‌ڵه‌بجه‌یه و ئه‌و رێژه‌یه که‌مه، که له باج ده‌گه‌ڕێته‌وه. پێویسته هه‌مو پارێزگاکان وه‌ک یه‌ک هه‌وڵ بده‌ن بۆ گێڕانه‌وه‌ى داهات." هه‌روه‌ها ئه‌وه‌شى وتوه"ئێمه له‌م کاته‌دا، مانگانه 504 ملیۆن دۆلار ده‌ده‌ینه موچه. به لێڕینى %21ه‌که‌وه. له‌مه‌ش 200 ملیۆن دۆلارى هى داهاتى ناوخۆیه. داهاتى نه‌وتیش 335 ملیۆن دۆلار بوه. واته ئێمه له‌به‌رده‌م ئاسته‌نگێکى گه‌وره‌دا‌ین. پێویسته موچه‌خۆرانى کوردستان له‌وه تێبگه‌ن، به‌و داهاته‌ى هه‌مانه موچه‌مان دابین کردوه، به‌ڵام کۆمه‌ڵێک خه‌رجى دیکه‌مان هه‌یه، بۆ نه‌خۆشخانه و رێگه‌وبان و شاره‌وانى و فڕۆکه‌خانه و پاککردنه‌وه‌ى شاره‌کان و خزمه‌تگوزارى گشتیى و به‌ڕێوه‌چونى حکومه‌ت و پڕۆژه‌کان، که ئێستا به‌رده‌وامن. واته ئێمه نه‌وه‌ستاوین و هه‌وڵى چاکسازى و رێکخستنه‌وه به‌رده‌وام ده‌بێت."
هاوڵاتى عه‌بدولستار مه‌جید سه‌رۆکى فراکسیۆنى کۆمه‌ڵى دادگه‌رى رایگه‌یاند، کۆمه‌ڵى دادگه‌رى کوردستان و بزوتنه‌وه‌ى گۆڕان ناویان له لیستى حزبه مۆڵه‌تپێدراوه‌کانى حکومه‌تى هه‌رێمدا نیه. ئه‌مڕۆ یه‌کشه‌ممه چوارى ته‌موزى 2021، عه‌بدولستار مه‌جید سه‌رۆکى فراکسیۆنى کۆمه‌ڵى دادگه‌رى به به‌ڵگه‌وه بڵاویکردوه‌ته‌وه که کۆمه‌ڵى دادگه‌رى کوردستان ناوى له لیستى حزبه مۆڵه‌تپێدراوه‌کانى حکومه‌تى هه‌رێمدا نیه. هه‌ر له‌و لیسته‌دا ناوى بزوتنه‌وه‌ى گۆڕانیشى تێدا نیه که مۆڵه‌تیان له حکومه‌تى هه‌رێمدا هه‌یه. عه‌بدولستار مه‌جید ئاماژه‌ى به‌وه‌ش کردوه، "ئێستا کۆمه‌ڵى دادگه‌ریى مۆڵه‌تى وه‌زاره‌تى ناوخۆى عێراق و وه‌زاره‌تى ناوخۆى هه‌رێمى کوردستان (ئیداره‌ى سلێمانیی) هه‌یه، به‌ڵام له لیستى حزبه مۆڵه‌ت پێدراوه‌کاندا بونى نیه." وتوشیه‌تی،" دواى یه‌کگرتنه‌وه‌ى هه‌ردو ئیداره‌ى هه‌ولێر و سلێمانى بڕیاردرابو ئه‌و حزبانه‌ى له پێشودا مۆڵه‌تى له سلێمانى یان هه‌ولێر وه‌رگرتوه، له حکومه‌تى یه‌کگرتودا ببنه مۆڵه‌تى فه‌رمیی."
هاوڵاتى سه‌رۆکى ته‌ریقه‌تى که‌سنه‌زانى له‌جیهان داواى له‌هاوڵاتیان کرد موجامه‌له‌ى به‌رپسان نه‌که‌ن چونکه ئه‌وان به‌ده‌نگى میلله‌ت گه‌یشتونه‌ته ئه‌و شوێنه و ده‌نگى ئێوه‌ش به‌نرخه و ده‌شڵێت:" خه‌ڵک دژى زوڵم زۆردارى راپه‌ڕێت، ئێمه له‌به‌ره‌ى خه‌ڵک ده‌بین و پاڵپشتى له راپه‌ڕینه‌که ده‌که‌ین" ئه‌مڕۆ یه‌کشه‌ممه چوارى ته‌موزى 2021، شێخ نه‌هرۆ که‌سنه‌زانى له دانیشتنێکدا له ته‌کیه‌ى سه‌ره‌کى که‌سنه‌زانى له‌سلێمانى دوپاتیکرده‌وه که به‌ده‌ستهێنانى کورسى به‌لاى ئه‌وانه‌وه گرنگ نیه، به‌ڵام گرنگه یه‌کێک هه‌ڵبژێردرێت خزمه‌تى گه‌ل بکات و ده‌نگ به‌یه‌کێک بدرێت ئه‌گه‌ر ده‌ستدرێژى کرده سه‌ر مافى هاوڵاتیان بتوانن دواتر لێپێچینه‌وه‌ى له‌گه‌ڵدا بکه‌ن. هه‌روه‌ها وتیشى:" رێکبکه‌ون له‌سه‌ر هه‌ڵبژاردنى که‌سێک که خزمه‌تى گه‌لى عێراق بکات، وتیشی، عێراق له‌پێشه‌وه‌ى نه‌ته‌وه‌کانه‌وه بوه که‌چى ئێستا به‌هۆى گه‌نده‌ڵکارانه‌وه له‌خراپترین ئاستدایه". هاوکات رونیشیکرده‌وه، نه‌هامه‌تى کورد و عه‌ره‌ب یه‌کێکه و هه‌ردوکیان به‌ده‌ست کێشه‌ى ئیداره‌ى حزبیه‌وه ده‌ناڵێنن و پێویسته ئامانجى حزبه‌کان ته‌نها بۆ عێراق و عێراقیه‌کان بێت، ئێستاش هیوایه‌ک ماوه بۆ چاکسازى به‌ڵام "ئه‌گه‌ر دۆخه‌که بگاته بنبه‌ست و خه‌ڵکه‌که دژى زوڵم زۆردارى راپه‌ڕێت، ئێمه له‌به‌ره‌ى خه‌ڵک ده‌بین و پاڵپشتى له راپه‌ڕینه‌که ده‌که‌ین".
