.jpg)
هاوڵاتی سەرۆکوەزیرانی هەرێمی کوردستان رایگەیاند:" من سوورم لە سەر پاراستنی هەموو ژن و کچ و منداڵێک كه له مه‌ترسیدان. دەزانم کە پێویستی بە کات و پابەندبوونێكی جیدی هەیە". سەرۆکوەزیرانی هەرێمی کوردستان پەیامێکی بڵاوکردەوە و دەڵێت "لەگەڵ وەزیری ناوخۆ لەسەر رووداوی دڵته‌زێنی شنیار خان گفتوگۆمان كرد و ستایشی كارمه‌ندانی پۆلیسم کرد بۆ دەستگیرکردنی تاوانباره‌كه و پشتگیریی خۆمم بۆ سزادانی تاوانباران دووپات کردەوە." مەسرور بارزانی، دەڵێت "زۆر نیگەران و خه‌مبارم به رووداوەکانی ئەم دواییەی تووندوتیژی دژ بە ژنان و ئافرەتان لە هەرێمی کوردستان. لێره‌دا دووباره‌ی ده‌كه‌مه‌وه كه هیچ شه‌ڕەفێک له ژن كوشتندا نییه." سەرۆکوەزیرانی هەرێمی کوردستان سەبارەت بە "سووتانی شنیار ئەنوەر لەلایەن هاوژینەکەی"ـەوە و دواتر گیانلەدەستدانی دەڵێت "لەگەڵ وەزیری ناوخۆ لەسەر رووداوی دڵته‌زێنی شنیار خان گفتوگۆمان كرد و ستایشی كارمه‌ندانی پۆلیسم کرد بۆ دەستگیرکردنی تاوانباره‌كه و پشتگیریی خۆمم بۆ سزادانی تاوانباران دووپات کردەوە." لە بەشێکی دیکەی پەیامەکەدا ئاماژەی بەوەداوە "تەنیا لەم ساڵەدا، 9 ئافرەتی بێتاوان لە ئەنجامی تووندوتیژی خێزانییەوە کوژراون، ئەم تاوانانە ده‌بێت بووەستن و وەک خەڵکی کوردستان، نابێت قبووڵی بکەین، وەک حکومەتیش ئێمە ھاوکار و پاڵپشتی دادگا دەبین لەسەپاندنی تووندترین سزا بۆ ئەم تاوانانە." مەسرور بارزانیی دڵنیایی دەدات لە پاراستنی ژنان و کچان و منداڵان کە لە مەترسیدان و دەشڵێت "من سوورم لە سەر پاراستنی هەموو ژن و کچ و منداڵێک كه له مه‌ترسیدان. دەزانم کە پێویستی بە کات و پابەندبوونێكی جیدی هەیە، ھەربۆیە بنبڕکردنی ئەم دیاردە نامرۆڤانەیە، پێویستی بە به‌شداریی هه‌موومان هەیە وەک چالاکانی کۆمەڵگەی مەدەنیی و به‌رپرسان و کەسایەتییە ئاینیی و کۆمەڵایەتییەکان، ھەروەھا پێویستمان بە ئەنجامدانی چاكسازیی لە سیستەمی دادوەریدا ھەیە. ئێمە ھەموو ھەوڵی خۆمان دەخەینەگەڕ بۆ کۆتاییھێنان بەم تاوانانە." بەرەبەیانی رۆژی شەممە 19-02-2022 شنیار هونەری 21 ساڵ لەمالەكەی خۆیدا لەلایەن هاوسەرەكەیەوە سوتێنرا و دوای نیوەرۆی ئەمرۆ گیانی سپارد.
هاوڵاتی وەزارەتی دادی تورکیا رایگەیاند:" لەریگەی ئینتەرپۆڵەوە داوامان لە ئیمارات كردووە سێدات پێکەر رادەستمان بكاتەوە". ئاژانسی دەوڵەتی تورکیا بڵاویکردەوە وەزارەتی دادی تورکیا هەنگاوی ناوە بۆ ئەوەی سێدات پێکەرلە ئیماراتەوە پەلکێشی تورکیا بکاتەوە. بۆ ئەم مەبەستەش لەڕێی ئینتەرپۆڵەوە دەستی بە هەوڵەکانی کردووە. داواکاریی رادەستکردنەوەی پێکەر لەلایەن داواکارانی گشتیی ئیستەنبووڵ و بورسە ئامادەکراوە. سێدات پێکەر پێشتر لە بەرپرسانی تورکیا نزیک بوو و رێگەپێدراو بوو لە زۆر کاردا. بەڵام ماوەی زیاتر لە دوو ساڵە نێوانی لەگەڵ بەرپرسانی تورکیا تێکچووە، ماوەیەک لە ئەوروپا بوو و ئێستاش لە ئیمارات دەژی. ساڵی رابردوو لەڕێی پلاتفۆرمەکانی تۆڕی کۆمەڵایەتییەوە زنجیرەیەک ڤیدیۆی بڵاوکردەوە و نهێنی و وردەکاریی بەرپرس و بازرگانانی ئاشکرا کرد. بەڵام ماوەیەکە بێدەنگە. ڤیدیۆکانی پێکەر لە ناوخۆی تورکیا کاردانەوەی زۆری بەدوای خۆیدا هێنا، تەنانەت خودی ئەردۆغانیش قسەی لەسەر کرد و بەبێ ئەوەی ناوی سێدات ببات بە "سیخوڕ" ناوی برد. هەر دوای ناوبردنی بە سیخوڕ لەلایەن ئەردۆغانەوە، سێدات پێکەر، هەشتەمین ڤیدیۆی خۆی کە ماوەکەی 70 خولەک بوو، وەڵامی رەجەب تەیب ئەردۆغان سەرۆککۆماری تورکیا دایەوە و رایگەیاند، بەبەڵگەوە بۆ تەواوی جیهان دەیسەلمێنێ کە سیخوڕ نییە و دەشڵێت لەو تۆمارە ڤیدیۆییەی لە رۆژانی داهاتوودا بڵاویدەکاتەوە، هەموو شتێک لەگەڵ ئەردۆغان یەکلایی دەکاتەوە.
هاوڵاتی ئەنجوومەنی وەزیرانی هەرێمی کوردستان رایگەیاند:" بڕیاری دادگای باڵای فیدراڵی عێراق سەبارەت بە نەوت و گازی هەرێمی کوردستان، بە نادەستووری و نادادپەروەرانەیە". رۆژی چوارشەممە 23 ی شوباتی 2022 ئەنجوومەنی وەزیرانی هەرێمی کوردستان بە سەرۆکایەتیی مەسرور بارزانی، سەرۆکی ئەنجوومەنی وەزیرانی هەرێمی کوردستان و ئامادەبوونی قوباد تاڵەبانی، جێگری سەرۆکوەزیران کۆبووەوە. لە بەشێکی کۆبوونەوەکەدا ئەنجوومەنی وەزیران گفتوگۆی دەربارەی بڕیاری دادگەی باڵای فیدراڵیی عێراق لە رۆژی 15-02-2022 کرد تایبەت بە کەرتی نەوت و گاز لە هەرێمی کوردستان، لە راگەیێندراوی حکومەتی هەرێمی کوردستاندا هاتووە، "دوای گفتوگۆی چڕ و هەمەلایەنەی بڕیارەکە، ئەنجوومەنی وەزیران بڕیاری دادگای باڵای فیدراڵیی عێراق سەبارەت بە نەوت و گازی هەرێمی کوردستان، بە نادەستووری و نادادپەروەرانە دادەنێت". هەروەها حکومەتی هەرێمی کوردستان جەختی لەوە کردووەتەوە، "هەرێمی کوردستان بەردەوام دەبێت لە هەوڵەکانی بۆ پارێزگاریکردن و داکۆکیکردن لە ماف و دەسەڵاتە دەستوورییەکانی خۆی، ھەروەک لە دەستووری عێراق جێگیر کراون کە زۆرینەی خەڵکی عێراق لە ساڵی 2005 دەنگیان بەو دەستوورە دا. لە هەمان کاتدا، حکومەتی هەرێمی کوردستان هەڵوێستی نەگۆڕی خۆی دووپاتدەکاتەوە بۆ بەردەوامبوون لە کارکردنی هاوبەش لەگەڵ حکومەتی فیدراڵی بۆ گەیشتن بە رێککەوتن لەسەر چۆنێتیی چارەسەرکردنی ئەم بابەتە". لە کۆبوونەوەکەدا مەسرور بارزانی، سەرۆکوەزیرانی هەرێمی کوردستان کورتەیەکی دەربارەی سەردانی شاندی حکومەتی هەرێمی کوردستان بە سەرۆکایەتیی مەسرور بارزانی بۆ وڵاتی قەتەر و بەشداریکردن لە کۆنفرانسی ئاسایشی میونشن خستەڕوو. سەرۆکوەزیرانی هەرێمی کوردستان ئاماژەی بەوە کردووە، "لە هەموو دیدارەکانماندا، هەڵوێستی هەرێمی کوردستانمان دەربارەی هەموو بابەتە پەیوەندیدارەکان روونکردەوە و جەختمان لەوە کردەوە، کە هەرێمی کوردستان فاکتەرێکی گرنگی ئاسایش و سەقامگیرییە لە ناوچەکەدا".
عەمار عەزیز ئەمرۆ بە بریاری سەرۆكی هەرێمی كوردستان سزای زیندانیانی بادینان بە ریژەی لە سەدا %60 كەمكرایەوە و بەو پییەش تەنیا لە سەدا %40 سزاكەیان ماوە كە دوای شەش مانگی دیكە تەواو دەبێت و ئازاد دەكرێن. رێڤینگ یاسین، پارێزەری زیندانکراوانی بادینان تایبەت به هاوڵاتی ی وت"بەپێی ئەو زانیاریانەی دەستم کەوتووە سەرۆکی هەرێمی کوردستان بڕیاریداوە بە کەمکردنەوەی سزای زیندانکراوانی بادینان بۆ60٪، تەنیا 40٪دەمێنێتەوە، ئێمە چاوەریێ مەرسومی سەرۆکایەتی هەرێمی کوردستانین تا بە رەسمی بڵاوبکەینەوە". ریڤینگ یاسین ووتیشی" ئەمە بڕیاری لێخۆش بوون نیە تەنیا سزایەکەیان کەمکراوەتەوە، ئینجا حساب دەکریت کە ئەوە چەندە لە زیندان دان دواتر لێکدەدرێتەوە و ئەو ماوەی کە ماوەتەوە لەدوای 60لەسەد ماوەکەی تەواو دەکەن و ئازاد دەکرێن".
هاوڵاتی ئەمرۆ ئەنجوومەنی وەزیرانی هەرێمی کوردستان کۆدەبێتەوە و سێ تەوەر گفتوگۆۆ دەكات یەكێك لە تەوەرە سەرەكییەكان بریارەكەی دادگای فیدرالییە لەبارەی بە نادەستوری فرۆشتنی نەوت و گازی هەرێمی كوردستان. حکومەتی هەرێمی کوردستان رایگەیاند، رۆژی چوارشەممە 23ی شوباتی 2022، ئەنجوومەنی وەزیرانی هەرێمی کوردستان کۆبوونەوەی هەفتانەی خۆی بە سەرۆکایەتیی مەسرور بارزانی، سەرۆکی حکومەت و ئامادەبوونی قوباد تاڵەبانی، جێگری سەرۆکی حکومەت، ئەنجامدەدات. لە کۆبوونەوەکەدا ئەم بابەتانەی خوارەوە دەخرێنە بەر باس: - خستنەڕووی پوختەی ئەنجامی سەردانی شاندی حکومەتی هەرێمی کوردستان بۆ وڵاتی قەتەر، و بەشداریکردنی لە کۆنفرانسی ئاسایشی میونشن لە ئەڵمانیا. - خستنەڕووی دوایین بڕیاری دادگەی باڵای فیدراڵیی عێراق لە رۆژی 15-02-2022 تایبەت بە کەرتی نەوت و گاز لە هەرێمی کوردستان. - خستنەڕووی رەشنووسی رۆژژمێری کشتوکاڵی لە هەرێمی کوردستان - عێراق.
.jpg)
هاوڵاتی وتەبێژی ئەنجومەنی باڵای كۆمسیۆن و راپرسی هەرێمی كوردستان ئاماژە بەوە دەدات كە چاوەڕوانی دیاری كردنی وادەی هەڵبژاردنن كە ئەوەش لەلایەن سەرۆكی هەرێمی كوردستانەوە مەرسومی بۆ دەردەچێت. دوای ئەوەی پەرلەمانی كوردستان رۆژی 10ی شوباتی 2022 دیاری كرد بۆ فراكسیۆنەكان تا بۆچوونی خۆیان لەبارەی وادەی هەڵبژاردن و هەمواری یاسای هەڵبژاردن و ئەنجومەنی كۆمسیاران بخەنەڕوو دەركەوت سەرجەم فراكسیۆنەكان لەگەڵ ئەوەدان كە هەڵبژاردن لەوادەی خۆی و لە 30ی ئەیلولی ئەمساڵدا ئەنجام بدرێت. هاوكات، پێشەوا هەورامی وتەبێژی فراكسیۆنی پارتی لەلێدوانێكدا بۆ هاوڵاتیئەوەی دووپاتكردەوە كە بەم زووانە سەرۆكایەتی هەرێم وادەی هەڵبژاردن لەكاتی خۆیدا مەرسومی هەرێمی بۆ دەردەكات. ئەنجومەنی باڵای هەڵبژاردن و راپرسی هەرێمی كوردستان دەڵێن تا 1ی نیسانی ئەمساڵ پرسی هەڵبژاردنی پەرلەمانی كوردستان و هەمواری یاسای هەڵبژاردن و ئەنجومەنی كۆمسیاران یەكلابكرێتەوە. شیروان زرار، وتەبێژی ئەنجومەنی باڵای كۆمسیۆنی هەڵبژاردن و راپرسی هەرێمی كوردستان لەلێدوانێكدا بەهاوڵاتیوت:» وەكو یاسا ئێمە پێنج بۆ شەش مانگمان پێویستەو دەبێت موراعاتی كۆمسیۆن بكرێت كە 1ی نیسان تا 1ی تشرینی یەكەم لەبەردەستدا بێت بۆ ئامادەكارییەكان». هەروەها باسی لەوەشكرد هەمواری یاسای هەڵبژاردن پەیوەندی بەپەرلەمان و فراكسیۆنەكانەوە هەیە كە هەر هەموارێكی بكەن تا ئەو وادەیە ئەوان وەكو كۆمسیۆنی باڵای هەڵبژاردن و راپرسی هەرێم پێوەی پابەند دەبن. شیروان زرار ئەوەشی روونكردەوە كە خۆیان نووسراوی فەرمییان داوەتە پەرلەمان كە وادەكەمان تەواو بووە و ئەنجومەنێكی نوێ دیاری بكرێت، وتیشی:» بەپێی یاسا پەرلەمان دەتوانێت بۆ خولێكی دیكە متمانەمان پێدەدەن كە خۆی دوو ساڵی رۆیشتووە واتا سێ ساڵی دیكەی ماوە ئەوكات سەرپەرشتی هەڵبژاردنەكان دەكەین».
.jpg)
هاوڵاتی قوباد تالەبانی رایگەیاند:" بیستنی ھەواڵی ژیانئاوایی شنیار خەمباری کردم. شنیارخان ھاوڵاتیەکی بێ تاوان بوو، تەنھا ژن بوونی تاوانی بوو". قوباد تالەبانی جیگری سەرۆكی حكومەتی هەرێم لەپەیامێكدا لەدوای كۆچی دوای شنیاری تەمەن 21ساڵ نوسویەتی:" لە کاتێکدا دەستخۆشی لە ھێزەکانی پۆلیس و ئاسایش دەکەم کە دەستبەجێ تاوانبارانی ئەم تاوانانە دەستگیردەکەن، بەڵام بە ئازارم کە لە ساڵی ٢٠٢٢ دا ھێشتا لە کۆمەڵگەیەکدا دەژین پیاوانێک ھەن وا بیردەکەنەوە کە ھەڕەشە، ئازاردان و کوشتنی ژنان ئاساییە". جیگری سەرۆكی حكومەتی هەرێم راشیگەیاند:" لەوەش بە ئازارتر ئەو بێ ھەڵوێستییە شەرمھێنەرەی کۆمەڵگاکەمانە. ئەرکی ئێمە تەنھا گرتن و سزادانی ژنکوژان نییە، بەڵکو وەک کۆمەڵگا پێکەوە بە پیر و گەنج، حکومەت و کۆمەڵگای مەدەنی، دادگا و مزگەوتەکان، بە یەک دەنگ بڵێین بەسە، چی دی جێی قبوڵ نییە و کاتی کۆتاییھێنانە بە کلتوری ژنکوشتن، چونکە ھیچ شەرەفێک لە ژن کوشتندا نییە".
هاوڵاتی سەرۆکی روسیا رایگەیاند:" "وڵاتەکەمان هەمیشە کراوەیە بۆ دیالۆگی راستگۆیانە و راستەوخۆ، بۆ چارەسەری دیپلۆماسی بۆ کێشە هەرە ئاڵۆزەکان". ئەمڕۆ چوارشەممە 23ی شوباتی 2022، لە پەیامێکی ڤیدیۆییدا بەبۆنەی "رۆژی بەرگری لە خاکی باوباپیران"، ڤلادیمیر پوتن، سەرۆکی روسیا ئاماژەی بەوە کرد کە "وڵاتەکەمان هەمیشە کراوەیە بۆ دیالۆگی راستگۆیانە و راستەوخۆ، بۆ چارەسەری دیپلۆماسی بۆ کێشە هەرە ئاڵۆزەکان". سەرۆکی روسیا ستایشی هێزە چەکدارەکانی وڵاتەکەیی کرد کە هەمیشە ئامادەی جەنگن و گوتی، دڵنیایە لەوەی کە هێزە چەکدارەکانی وڵاتەکەی ئامادەن بۆ بەرگریکردن لە بەرژەوەندیی نیشتمانیی وڵاتەکەیان. وتەکانی پووتین لەکاتێکدایە کە پەرلەمانی وڵاتەکەی رۆژی سێشەممە 22-02-2022 بە زۆرینەی دەنگ ناردنی هێزی بۆ ئۆکراینا پەسندکرد و سەرۆکی روسیاش فەرمانی کرد بە ئەنجامدانی ئۆپەراسیۆنی "ئاشتیپارێزی" لەو دوو ناوچەیەی دانی بە سەربەخۆییاندا ناوە. لە پەیامە ڤیدیۆییەکەدا سەرۆکی روسیا وتیشی، "بەردەوام دەبین لە گەشەپێدانی سیستمی چەکی پێشکەوتوو، لەنێویاندا هایپەرسۆنیک و ئەوانەی لەسەر بنچینەی فیزیایی نوێ بونیاد دەنرێن، هەروەها تەکنەلۆژیای دیجیتاڵیی پێشکەوتوو بەشێوەیەکی فراوان و هۆکارەکانی هەواڵگریی دەستکرد زیاتر بەکاردەهێنین". بەرپرسانی رۆژئاوا چەند هەفتەیەکە هۆشداری دەدەن لەوەی کە سەرۆکی روسیا ئامادەکاری بۆ داگیرکردنی تەواوی ئۆکراینا دەکات. رۆژی سێشەممە 22-02-2022 جۆ بایدن، سەرۆکی ئەمریکا چەند سزایەکی دژی روسیا راگەیاند و وتیشی، داگیرکردنی ئۆکراینا "دەستیپێکرد"، بەڵام هێشتا کات ماوە بۆ خۆبەدوورگرتن لە جەنگ.
سازدانی: ئارا ئیبراهیم ئەندامێكی پەرلەمانی عێراق لە فراكسیۆنی یەكگرتوو دەڵێت بە سازان و رێككەوتن هەرێم دەتوانێت مەلەفی نەوت لەگەڵ بەغدا چارەسەر بكات و دەشڵێت:» بەغدا مولزەم دەبێت بودجەی تەواو بۆ هەرێمی كوردستان بنێرێت». موسەننا ئەمین، ئەندامی فراكسیۆنی یەكگرتوو لە پەرلەمانی عێراق بەهاوڵاتی وت:" بەخۆدزینەوە لە دەسەڵاتی ئیتحادی و لە دەستورو مامەڵەكردنی مەلەفی پڕ گەندەڵی بەمەلەفی نەوت ئەم وڵاتە پێشناكەوێت، ئەوەی دروست دەبێت بەم شێوەیە كۆمەڵێك بەرپرسی دەوڵەمەندی گەورە كۆمپانیای زەبەلاح كە خاوەنی ملیارەها دۆلارن، بەڵام حكومەتی هەرێم ئیحتیاتاتی نەقدی نییە". ئەم پەرلەمانتارە وتیشی:" كام كۆمپانیای بچووكی حزب بگریت ملیارێك دۆلار لە گیرفانیدایە هەیانە دەیان ملیاری هەیە، ئەمە چ معادەلەیەكی حوكمڕانی و بەڕێوەبردنە ئەوان لەسەر حسابی سامانی ئەم وڵاتە ببنە خاوەنی ملیارەها دۆلار لەكاتێكدا لەسەدا 70ی داهاتی نەوت بۆ خەڵك نەبێت و پێتوابێت دەستكەوتە بۆ هەرێمی كوردستان كە زیاتر 30 ملیار دۆلار قەرزار بیت كەئەنەما نەوتی كڕیوە نەك نەوتی فرۆشتووە".
هاوڵاتی سەرۆکی ئەمریکا رایگەیاند:"ئەوەی روسیا لە رۆژهەڵاتی ئۆکراینا دەیکات "سەرەتای داگیرکردنی ئۆکراینایە". جۆ بایدن، سەرۆکی ئەمریکا رۆژی سێشەممە 22-02-2022 وتارێکی پێشکێش کرد و وتی، "پلانم هەیە دەستبکەم بە سەپاندنی سزا، ئەوەش وەکو وەڵامدانەوەیەک. سزاکانمان زۆر لەوانە قوورستر دەبن ئێمە و هاوپەیمان و هاوبەشەکانمان لە ساڵی 2014دا سەپاندمانن. ئەگەر رووسیا داگیرکاریی زیاتر بکات، ئەوا ئێمەش ئامادەین سزای زیاتر بسەپێنین". سەرۆکی ئەمریکا لە بەشێکی دیکەی وتەکانیدا رەخنەی لە ڤلادیمیر پووتین، سەرۆکی رووسیا گرت لە بەرامبەر بڕیارەکەی رۆژی 21-02-2022 و ئەوەی خستەڕوو، ئەوەی پووتین کردی پێشێلکاریی روونی یاسای نێودەوڵەتییە و "دەبێت کۆمەڵگەی نێودەوڵەتیش کاردانەوەی تووندی بەرامبەری هەبێت". بایدن وتیشی، "پووتین بە شێوەیەکی راستەوخۆ هێرشی کردووەتە سەر مافی هەبوونی ئۆکراینا. ئەو بە شێوەیەکی ناڕاستەوخۆش هەڕەشەی لەو ناوچەیە کرد کە پێشتر لەژێر دەسەڵاتی رووسیادا بوو، لەوانەش ئەو وڵاتانەی ئێستا دیموکراسی تێیاندا گەشەی کردووە و ئەندامی ناتۆن".
هاوڵاتی بافڵ تاڵەبانی ڕایگەیاند:" لەم قۆناغەدا لە هەر کاتێک زیاتر پێویستیی هاوکاریی کردنی یەکتر هەیە، چونکە "ئەگەر ئەمە نەكرێت ئارامی و ئاسایشی خەڵك لە ھەندێك ناوچە دەكەونە مەترسییەوە". ئەمڕۆ سێشەممە 22ی شوباتی 2022 بافڵ تاڵەبانی لە دەباشان پێشوازی كرد لە وەفدێكی هێزەكانی هاوپەیمانی نێودەوڵەتیی بە سەرپەرشتی كۆڵۆنێل تۆد بورۆ و لە دیدارێكدا جەخت لە گرنگی پەیوەندیی نێوان هێزەکانی پێشمەرگە و هێزەکانی هاوپەیمانان کرایەوە. لە دیدارەکەدا بافڵ تاڵەبانی ستایشی رۆڵی هێزەکانی هاوپەیمانانی کرد لە ڕووبەڕووبوونەوەی تیرۆر و ئەوەشی ڕاگەیاند، "مەترسی تیرۆر هێشتا کۆتایی نەهاتووە و پێویستە هاریکاریی یەکدی بین". هەروەها ئەوەشی خستەڕوو، لەم دۆخە سیاسییە ناجێگیرەدا، لە هەر کاتێک زیاتر پێویستیی هاوکاریی کردنی یەکتر هەیە، چونکە "ئەگەر ئەمە نەكرێت ئارامی و ئاسایشی خەڵك لە ھەندێك ناوچە دەكەونە مەترسییەوە". هەروەها بافڵ تاڵەبانی بە وەفدی میوانی ڕاگەیاند، پەرۆشن بۆ درووستکردنی هێزێکی هاوبەشیی نیشتیمانی و ڕێکارەکانی درووستکردنی بەرەوپێش چوون و "یەكێتی پەرۆشی بنیادنانی ھێزێكی كوردستانیی یەكگرتووی پڕچەك و راھێنراوە لەسەر بنەما و زانستی سەربازی سەردەم".
هاوڵاتی چەندین وڵاتی ئەوروپا و رۆژئاوا لەدژی بریارەكەی پوتن بۆ داگیركردنی ئۆكرانیا سزای جۆراو جۆر بەسەر روسیادا دەسەپێنن. دیارترینیان وڵاتی ئەلكانیایە كە بۆری غازی وڵاتەكەی لەگەڵ روسیادا بری و بەریتانیاش هەموو هەژمارە بانكیەكانی راگرت. ئەمڕۆ سێشەممە 22ی شوباتی 2022، وەک وەڵامدانەوەیەک بۆ لێدوانەکانی ڤڵادیمێر پوتین و ناساندنی ناوچەکانی دۆنیتسک و لوهانسک وەک 2 هەرێمی سەربەخۆ، ڕۆژئاوا نیگەرانییەکانی زیادبوون و چەند وڵاتێکی ئەوروپا نیازی سەپاندنی سزایان بەسەر ڕووسیادا هەیە. لە ئیستادا ئەڵمانیا پێشنیاری سەپاندنی سزای ئابووری کردووە بۆ وەزارەتی ئابووری وڵاتەکە، وەک بەشێک لە سزا سەپێندراوەکانیان بۆ هەڵوێستەکانی پوتین و زیادبوونی گرژییەکان. پوتین لە وتارەکەی دوێنێ شەویدا ڕایگەیاند، "مۆسكۆ دان ده‌نێت به سەربەخۆیی هه‌ردوو ناوچەی دۆنیتسك و لۆهانسك-ی سەربە هەرێمی دۆنباس و رێککەوتنی دۆستایەتی و هاریکاریی لەگەڵیان واژوو كرد".
.jpg)
هاوڵاتی ئه‌نجوومه‌نی نوێنه‌رانی عیراق ڕایگەیاند:" 59 كه‌س خۆیان بۆ پۆستی سەرۆک کۆماری عێراق کاندیدکردووە و 26 كه‌سیان دوورخراونه‌ته‌وه". ئەمڕۆ سێشەممە 22ی شوباتی 2022، بەپێی راگه‌یه‌ندراوێکی ئه‌نجوومه‌نی نوێنه‌رانی عیراق، 59 كه‌س خۆیان بۆ پۆستی سەرۆک کۆماری عێراق کاندیدکردووە و 26 كه‌سیان دوورخراونه‌ته‌وه له‌به‌ر چه‌ند هۆیه‌ك له‌وانه: چوار کاندید خۆیان داواى کشاندنەوەیان کردووە، 14 یان مەرجەکانیان تێدا نەبووە، پێنجیان بڕوانامەى پێویستیان نەبووە، ئەوانەى دیکەش رێوشوێنەکانى لێپرسینەوە و دادوەرى و مەرجى تەمەنیان تێدا نەبووە و 33 کەس پەسەندکراون کە ئەمانەن: 1-فيصل محسن عبود صياد الكلابي 2-عبد اللطيف محمد جمال رشيد الشيخ محمد 3-رزكار محمد امين حمه سعيد رمضان 4-رعد خضير دفاك صايل الجنابي 5-خالد صديق عزيز محمد 6-احمد موح عمران شبين الربيعي 7-شهاب احمد عبد الله علي النعيمي 8-خديجة خدايخش اسد قلاوس 9-حيدر رشيد عبد الرزاق كعيد الطائي 10-كمال عزيز محمد رحيم قيتولي 11-حسين محسن علوان حسين الحسني 12-جمال كبسون حميد عباس 13-احمد خليل خضير خليل كاخوري 14-اقبال عبد الله امين حسن حيلاوي 15-برهم احمد صالح احمد 16-لؤي عبد الصاحب عبد الوهاب محمد 17-كاظم خضير عباس حسن داوغنة 18-جبار حسن جاسم عبود 19-ريبوار اورحمن وستاصالح عارف 20-ئوميد عبد السلام قادر طه بالاني 21-هادي عبد الحسين صدام محمد الفريجي 22-عمر صادق مصطفى مجيد العبدلي 23-حمزة بريسم ثجيل مصحب المعموري 24-ثائر غانم محمد علي العثمان 25-احمد يحيى جاسم جويد الساعدي 26-ريبر احمد خالد زبير بارزاني 27-حسين احمد هاشم وداعة الصافي 28-ظافر عبد الأمير جبار عبود القريشي 29-احمد ساجت هاشم حسن العامري 30-محمد عبيد جدوع عبد الله 31-علي عبد حمد داود الطائي 32-عمر احمد كريم حسن به رزنجي 33-فائزة جبار محمد باباخان
(2).jpg)
هاوڵاتی راوێژکارێکی سەرۆکی هەرێمی کوردستان رایگەیاند، "له‌گه‌ڵ تيمى نه‌ته‌وه يه‌كگرتووه‌كان له عێراق (يونيتاد) و هه‌موو لايه‌نه په‌يوه‌ندیداره‌كانيش له‌سه‌ر ئاستى نێوده‌وڵه‌تى له هه‌وڵ و ته‌قه‌لاكانمان به‌رده‌وامين، بۆئه‌وه‌ى كۆمه‌ڵكوژى و ئه‌و كاره‌ساته‌ى به‌سه‌ر ئێزدييه‌كاندا هات، وه‌كو جينۆسايد بناسرێت". رۆژی سێشەممە 22-02-2022 نه‌واز هادى، راوێژكارى سه‌رۆكی هەرێمی کوردستان به نوێنه‌رايه‌تيى نێچيرڤان بارزانى له رێوڕه‌سمى هه‌ڵدانه‌وه‌ى شه‌ش گۆڕى به‌كۆمه‌ڵى کوردانی ئێزديدا ئاماده بوو، كه له گوندى حه‌ردان سه‌ر به قه‌زاى شنگال به‌ڕێوه‌چوو، وێڕاى كه‌سوكارى قوربانيان و پياوانى ئايينيى ئێزديان، ژماره‌يه‌ك لە به‌رپرسانيش له عێراق و هه‌رێمى كوردستان تێيدا به‌شداربوون. لە رێوڕه‌سمه‌كه‌دا نه‌وزاد هادى گوته‌يه‌كى به نوێنه‌رايه‌تيى نێچيرڤان بارزانى، سەرۆکی هەرێمی کوردستان پێشكێش کرد و وتی، "هه‌ڵدانه‌وه‌ى چه‌ند گۆڕێكى ديكه‌ى به‌كۆمه‌ڵى خوشك و برايانى ئێزديمان، لێره له حه‌ردان، هه‌ڵدانه‌وه‌ى لاپه‌ڕه‌يه‌كى ديكه‌ى به خوێن سوورى مێژووى گه‌لى كوردستان و ئه‌م وڵاته‌يه كه هه‌ميشه دووژمنان ويستوويانه قڕى بكه‌ن و له‌ناوى ببه‌ن". نەوزاد هادی ئاماژەی بەوە کرد، "له‌گه‌ڵ تيمى نه‌ته‌وه يه‌كگرتووه‌كان له عێراق (يونيتاد) و هه‌موو لايه‌نه په‌يوه‌ندیداره‌كانيش له‌سه‌ر ئاستى نێوده‌وڵه‌تى له هه‌وڵ و ته‌قه‌لاكانمان به‌رده‌وامين، بۆئه‌وه‌ى كۆمه‌ڵكوژى و ئه‌و كاره‌ساته‌ى به‌سه‌ر ئێزدييه‌كاندا هات، وه‌كو جينۆسايد بناسرێت". راوێژکاری سەرۆکی هەرێمی کوردستان ئاماژەی بەوەش کرد، "له كاتێكدا ئه‌وپه‌ڕى هاوسۆزيمان له‌گه‌ڵ یەکە بە یەکەی بنەماڵەی سه‌ربه‌رزى قوربانيان دووپات ده‌كه‌ينه‌وه، ته‌واوى خوشك و برايانى ئێزديمان و هه‌موو لايه‌ك دڵنياده‌كه‌ينه‌وه كه سه‌رۆك نێچيرڤان بارزانى و سه‌رۆكايه‌تى و هه‌رێمى كوردستان به‌گشتى، وه‌كو هه‌ميشه پشتيوان و هاوكار و يارمه‌تيده‌رى خوشك و برايانى ئێزديمان ده‌بن، چ لێره لە وڵات، چ له هه‌ر شوێنێكى دونيا بن". دەقی وتارەکەی نەوزاد هادی: به‌ناوى خواى گه‌وره و ميهره‌بان خانه‌واده و كه‌سوكارى سه‌ربه‌رزى قوربانيان ئاماده‌بووانى به‌ڕێز.. سڵاوتان لێ بێت.. سه‌ره‌تا ده‌مه‌وێت سڵاو و ڕێزى جه‌نابى سه‌رۆك نێچيرڤان بارزانى و سه‌رۆكايه‌تيى هه‌رێمى كوردستان و هاوخه‌مى و هاوسۆزييان له‌گه‌ڵ ئێوه، به هه‌مووتان بگه‌يه‌نم. ئه‌مڕۆ هه‌موومان پێكه‌وه لێره‌ين بۆ ئه‌وه‌ى شاهيدى دەرەنجامی تاوانێكى ديكه‌ى تيرۆرستانى داعش، دوژمنانى مرۆڤايه‌تى بين، كه وه‌ك ده‌يان تاوانى دڕنده‌ى ديكه، به‌رامبه‌ر به خوشك و برايانى ئێزديمان، ئه‌نجاميان داوه. هه‌ڵدانه‌وه‌ى چه‌ند گۆڕێكى ديكه‌ى به‌كۆمه‌ڵى خوشك و برايانى ئێزديمان، لێره له حه‌ردان، هه‌ڵدانه‌وه‌ى لاپه‌ڕه‌يه‌كى ديكه‌ى به خوێن سوورى مێژووى گه‌لى كوردستان و ئه‌م وڵاته‌يه كه هه‌ميشه دوژمنان ويستوويانه قڕى بكه‌ن و له‌ناوى ببه‌ن. ويستوويانه پێكه‌وه‌يى و ته‌بايى و فره‌يى و كولتوورى جوانى پێكه‌وه‌ژيان و يه‌كترقبووڵكردن و لێبورده‌يى له‌نێوان پێكهاته‌كانى گه‌له‌كه‌ماندا بسڕنه‌وه و تۆوى ڕق و كينه و دووبه‌ره‌كى بچێنن. به‌ڵام بێگومان ويست و شه‌ڕخوازييان، هه‌ميشه به‌رامبه‌ر به خواست و ئيراده‌ى گه‌له‌كه‌مان، چۆكى داداوه و هيچ كوشت و بڕ و كۆمه‌ڵكوژى و فه‌رمانێك، گه‌لى كوردستان و خوشك و برايانى ئێزدى ناچارى ڕاده‌ستبوون نه‌كردووه و ناكات. به‌ڵێ، ئێمه كه ئێستا شاهيدى هه‌ڵدانه‌وه‌ى ژماره‌يه‌ك گۆڕى به‌كۆمه‌ڵى كه‌سوكار و دايكان و خوشك و برايانى ئێزديمان ده‌بين، برينێكى ديكه‌ى قووڵ و به‌سام، له دڵ و ده‌روونى هه‌مووماندا ده‌بێته‌وه، به‌ڵام هه‌رگيز له ئيراده‌مان، له ئيراده‌ى خوشك و برايانى ئێزديمان بۆ ژيان، بۆ به‌رده‌وامى، بۆ ڕووبه‌ڕووبوونه‌وه و ڕه‌تكردنه‌وه‌ى سته‌م، كه‌م ناكاته‌وه. مێژوو شاهيده كه هه‌رچى تاوان و كوشت و بڕ و كۆمه‌ڵكوژى به‌رامبه‌ر به‌م گه‌له كراوه، هه‌ميشه به‌هێزترى كردووه. ئازار و مه‌ينه‌تى به‌هێزترى كردووين و به‌هێزترمان ده‌كات. هه‌رچى فه‌رمانه و به‌سه‌ر خوشك و برايانى ئێزديماندا هاتوون، هه‌ميشه ئيراده‌ى ژيان و به‌رده‌وامى و به‌ره‌نگاربوونه‌وه و ڕاده‌ستنه‌بوونى له هه‌موو تاكێكى ئێزديدا پته‌وتر كردووه. ئه‌مڕۆش هه‌ر وايه، ڕاسته ئازارمان هه‌يه، ڕاسته هه‌ڵدانه‌وه‌ى گۆڕى به‌كۆمه‌ڵى خه‌ڵكى بێتاوان و مه‌ده‌نيمان، ئاگرێك له دڵماندا ده‌كاته‌وه، تاوانێكه و هه‌رگيز بيرناچێته‌وه، به‌ڵام له هه‌مان كاتدا، هێزيكى زياتر به ئێمه و به هه‌موو خوشك و برايانى ئێزديمان ده‌به‌خشێت. زياتر هانمان ده‌دات بۆ ئه‌وه‌ى له‌پێناو داهاتوويه‌كى باشتردا، داهاتوويه‌كى بێ شه‌ڕ و خوێن، بێ فه‌رمان و كۆمه‌ڵكوژى، ده‌ستى يه‌كتر بگرين و هه‌موو پێكه‌وه كار بكه‌ين. ڕاسته تيرۆرستان خوشك و برايانى ئێزدیمانی كۆمه‌ڵكوژ كرد، به‌ڵام هه‌رگيز ناتوانن وابه‌سته‌يى و خۆشه‌ويستييان بۆ خاك و وڵاته‌كه‌يان، بۆ پيرۆزى و ئايينه‌كه‌يان بكوژن. هه‌رگيز ناتوانن گيانى پێكه‌وه‌ژيان و ته‌بايى و يه‌كترقبووڵكرن و لێبورده‌يى له‌ناو پێكهاته‌كاندا له‌ناو به‌رن. ئاماده‌بووانى به‌ڕێز.. له كاتێكدا ئه‌وپه‌ڕى هاوسۆزيمان له‌گه‌ڵ یەکە بە یەکەی خانه‌واده‌ى سه‌ربه‌رزى قوربانييان دووپات ده‌كه‌ينه‌وه، ته‌واوى خوشك و برايانى ئێزديمان و هه‌موو لايه‌ك دڵنيا ده‌كه‌ينه‌وه كه سه‌رۆك نێچيرڤان بارزانى و سه‌رۆكايه‌تى و هه‌رێمى كوردستان به‌گشتى، وه‌ك هه‌ميشه پشتيوان و هاوكار و يارمه‌تيده‌رى خوشك و برايانى ئێزديمان ده‌بن چ لێره لە وڵات، چ له هه‌ر شوێنێكى دنيا بن. هه‌ر له مه‌جليسى ڕووحانييه‌وه تا هه‌موو ناوه‌ند و خاوه‌ن پێگه‌يه‌كى ناو ئێزدييان، له‌گه‌ڵ هه‌موويان كار ده‌كه‌ين و له هه‌وڵدا ده‌بين، بۆ گێڕانه‌وه‌ى قوربانييانى ئێزدى بۆ ناو كۆمه‌ڵگه و داخستنى ئه‌و لاپه‌ڕه ڕه‌شه‌ى داعش كردييه‌وه. هه‌رێمى كوردستان هه‌روه‌ها له‌گه‌ڵ حكوومه‌تى فيدراليى عيراق خه‌ريكه و هه‌موو هه‌وڵێك ده‌دات بۆ ئه‌وه‌ى كه‌سوكارى قوربانييانى ئێزدى قه‌ره‌بۆ بكرێنه‌وه، بۆ ئه‌وه‌ى ياساى ڕزگاربووانى ئێزدى به باشترين شێوه جێبه‌جێ بكرێت. بۆ ئه‌وه‌ى شه‌نگال بكرێته پارێزگا و ئارامى و سه‌قامگيرى بۆ بگه‌ڕێته‌وه، تا خه‌ڵكه‌كه‌ى بتوانن جارێكى ديكه بچنه‌وه سه‌ر زێد و ماڵ و حاڵيان و ده‌ست به پرۆسه‌يه‌كى فره‌لايه‌نى ئاوەدانكردنه‌وه و دابينكردنى خزمه‌تگوزارييه‌كان بكرێت. بۆ ئه‌مه‌ش پێمان وايه ده‌بێ ڕێككه‌وتنى شه‌نگال له‌نێوان حكوومه‌تى فيدرال و حكوومه‌تى هه‌رێمى كوردستاندا جێبه‌جێ بكرێت كه باشترين چاره‌سه‌رى ئه‌م قۆناغه‌يه و ده‌بێ به‌ربه‌سته‌كانى به‌رده‌م جێبه‌جێكردنى ڕێككه‌وتنه‌كه، هه‌ڵبگيرێن. هه‌روه‌ها به هه‌مان خواست و ئيراده و گه‌رموگوڕيى ڕۆژى يه‌كه‌مى ده‌ستكردن به پرۆسه‌ى ڕزگاركردنى ڕفێنراوه ئێزدييه‌كان، دڵنياتان ده‌كه‌ينه‌وه كه له‌سه‌ر فه‌رمانى سه‌رۆك نێچيرڤان بارزانى، تا يه‌ك تاقه خوشك و برايه‌كى ئێزديى ڕفێنراو ماوه، هه‌موو هه‌وڵێك بۆ ڕزگاركردنيان به‌رده‌وام ده‌بێت تا ده‌گه‌ڕێنه‌وه ناو كه‌سوكاريان، يان يه‌كجارى چاره‌نووسيان ڕوون ده‌بێته‌وه. هه‌روه‌ها له‌گه‌ڵ تيمى نه‌ته‌وه يه‌كگرتووه‌كان له عيراق (يوونيتاد) و هه‌موو لايه‌نه په‌يوه‌نداره‌كانيش له‌سه‌ر ئاستى نێوده‌وڵه‌تى له هه‌وڵ و ته‌قه‌للاكانمان به‌رده‌وامين، بۆ ئه‌وه‌ى كۆمه‌ڵكوژى و ئه‌و كاره‌ساته‌ى به‌سه‌ر ئێزدييه‌كاندا هات، وه‌ك جينۆسايد بناسرێت. بۆ ئه‌وه‌ى تاوانباران بدرێنه دادگا و دادپه‌روه‌رى بۆ قوربانيانى ئێزدى جێبه‌جێ ببێت. له‌م پێناوه‌دا تا ده‌گه‌ينه ئامانج به‌رده‌وام ده‌بين و هه‌موو ئاماده‌يى و كه‌ناڵه‌كانى په‌يوه‌ندى و تواناكانمان ده‌خه‌ينه گه‌ڕ. به‌ڕێزان.. ڕابردووى تاڵى ئه‌م وڵاته و ئه‌و هه‌موو شه‌ڕ و ماڵوێرانى و كاره‌سات و نه‌هامه‌تيانه‌ى به‌سه‌ر گه‌لانى عيراق و كوردستاندا هاتوون، ئيتر ده‌بێ ببنه په‌ند و وانه‌يه‌كى گه‌وره و هه‌موومان هان بدات به‌رامبه‌ر ئێستا و داهاتووى نه‌وه‌كانمان، به‌رپرسياريه‌تى هه‌ڵگرين و هه‌رچى پێويسته بيكه‌ين، بۆ ئه‌وه‌ى نه‌وه‌كانمان جا له هه‌ر نه‌ته‌وه و ئايين و پێكهاته‌يه‌ك بن، ئه‌زموونه تاڵه‌كانى ڕابردوو نه‌ژينه‌وه. مێژوو سه‌لماندوويه‌تى، نكۆڵيكردن و سه‌ركوتكردنى پێكهاته‌كان و زه‌وتكردن و پێشێلكردنى مافه‌كانيان له‌م وڵاته، ته‌نيا ماڵوێرانى و كاره‌سات و نائارامى و ناسه‌قه‌مگيرى و داهاتوويه‌كى ناديار و ناڕوون له‌گه‌ڵ خۆيدا ده‌هێنێت و هيچى تر. بۆيه وه‌ك جه‌نابى سه‌رۆك نێچيرڤان بارزانى چه‌ندين جار دووپاتى كردووه‌وه، ئيتر كاتى ئه‌وه‌يه هه‌موومان ڕاستگۆيانه سوود له هه‌ڵه‌كانى ڕابردوو وه‌ربگرين، دان به هه‌ڵه‌كانماندا بنێين، به ڕوانگه‌يه‌كى تازه‌وه سه‌يرى دۆخى وڵات بكه‌ين و چاره‌سه‌رى واقعى بۆ كێشه‌كان بدۆزينه‌وه. له كۆتاييدا، ديسان دووپاتى ده‌كه‌ينه‌وه كه هه‌رێمى كوردستان به هه‌موو هێز و تواناكانييه‌وه، له پشت خوشك و برايانى ئێزدى و ته‌واوى قوربانييانى ده‌ستى تيرۆر ده‌وه‌ستێت و تا كۆتايى به‌رگرييان لێده‌كات بۆ ئه‌وه‌ى مافه ئاينى و نه‌ته‌وه‌يييه‌كانيان پارێزراو بن و جارێكى ديكه كاره‌سات و كۆمه‌ڵكوژى و مه‌ينه‌تى نه‌بيننه‌وه. به‌و شێوه‌يه‌ى كه له پرۆسه‌ى ئازاديى شه‌نگال و ئه‌و ده‌ڤه‌ره‌دا، هه‌زاران پێشمه‌رگه‌ى قاره‌مان كه ڕاسته‌وخۆ له‌ژێر فه‌رمانده‌ييى جه‌نابى سه‌رۆك مه‌سعوود بارزانى، زه‌برى جه‌رگبڕيان وه‌شانده تيرۆرستانى داعش و تێكياشكاندن و شه‌نگال و ئه‌م ده‌ڤه‌ره خۆشه‌ويسته بست به بست ئازاد كرا. سوپاس بۆ كۆمه‌ڵگه‌ى نێوده‌وڵه‌تى و دۆستانمان له ئه‌مه‌ريكا و ئه‌ورووپا و له هه‌ر شوێنێكى جيهان، كه خه‌مى خوشك و برايانى ئێزدييان بوو. هاوكار بوون بۆ كه‌مكردنه‌وه‌ى ئازار و مه‌ينه‌تييه‌كانى ئێزدييان و به‌هاناوه‌چوون و يارمه‌تيدانيان. هه‌مووان دڵنيا ده‌كه‌نه‌وه كه هه‌رێمى كوردستان وه‌ك هه‌ميشه پارێزه‌رى پێكه‌وه‌ژيان و ته‌بايى و يه‌كترقبووڵكردن و لێبورده‌يى ده‌بێت تا هه‌موو پێكهاته‌كانى كوردستان و عيراق، له هه‌ر ئايين و نه‌ته‌وه‌يه‌ك بن، ئازاد و پارێزراو بن و هه‌ست به دڵنيايى و ئارامى بكه‌ن. سڵاو له گيانى شه‌هيدان و ته‌واوى قوربانيانى ده‌ستى تيرۆر. سڵاو له گيانى ئه‌و پێشمه‌رگه قاره‌مانانه‌ى بۆ ڕزگاركردنى شه‌نگال به سه‌ركردايه‌تى و فه‌رمانده‌ييى سه‌رۆك مه‌سعوود بارزانى، گيانيان به‌خشى. بۆ هه‌ميشه به ڕێز و شكۆوه يادى هه‌موويان ده‌يكه‌ينه‌وه. له‌گه‌ڵ ئه‌وپه‌ڕى ڕێز و حورمه‌تمان
هاوڵاتی دادگاى باڵاى فیدراڵیی عێراق رایگەیاند:" لە پێناو بەدیهاتنى یەکسانى" بڕیاریانداوە بەوەى سێ بڕگەى مادەى 13ى یاسای هەڵبژاردنەکان نادەستوورین، کە تایبەتن بە ژمارەى کورسیی کۆتای هەر سێ پێکهاتەى شەبەک، ئێزدى و کوردى فەیلی". ئەمڕۆ سێشەممە 22-02-2022 دادگاى باڵاى فیدڕاڵىی عێراق دانیشتنێکى تایبەتى ئەنجامدا لەبارەى سکاڵایەکەوە، کە خالیدە خەلیل رەشۆ، ئەندامى کوردی ئێزدى ئەنجوومەنى نوێنەرانى عێراق لەدژى سەرۆکى ئەنجوومەنەکە پێشکەشى دادگاکەى کردوە. لەو سکاڵایەدا پەرلەمانتارە ئێزدییەکە تانەى لە بڕگەیەکى مادەى 13ى یاساى هەڵبژاردنەکانى عێراق داوە، کە ساڵى 2020 لەلایەن ئەنجوومەنى نوێنەرانەوە دەرکراوە و تیێیدا ئاماژەى بەوەکردوە یاساکە مافى داوەتە کریستیانەکان لە سنوورى پارێزگاى دهۆک، کە دوو کورسیی کۆتایان هەبێت لەکاتێکدا هیچ کورسییەکى کۆتا لەوشارە بۆ ئێزدییەکان نییە کە بە وتەى سکاڵاکارەکە ژمارەیان لەو پارێزگایە زیاترە لە کریستیانەکان. دادگاى باڵا فیدراڵى ئاماژەى بەوەداوە: "لە پێناو بەدیهاتنى یەکسانى" بڕیاریانداوە بەوەى سێ بڕگەى مادەى 13ى یاسای هەڵبژاردنەکان نادەستوورین، کە تایبەتن بە ژمارەى کورسیی کۆتای هەر سێ پێکهاتەى شەبەک، ئێزدى و کوردى فەیلی، هەروەها بڕیاریداوە کە داوا لە ئەنجوومەنى نوێنەران بکات لەبرى ئەو سێ بڕگەیەى یاساى هەڵبژاردنەکان بڕگەى جێگرەوە گەڵاڵە بکات، تاوەکو بنەماى یەکسانى لەنێوان ئەو سێ پێکهاتەیە و هەریەک لە پێکهاتەکانى دیکەى کریستیان و سابیئە بچەسپێت. بەگوێرەى یاساى هەڵبژاردنەکانى عێراق کریستیانەکان پێنج کورسیی کۆتایان لە ئەنجوومەنى نوێنەران هەیە کە دابەشبوون بەسەر پارێزگاکانى بەغدا، کەرکووک، نەینەوا، هەولێر و دهۆک، لەکاتێکدا ئێزدییەکان و شەبەک یەکى یەک کورسیی کۆتایان لە پارێزگاى نەینەوا هەیە، هاوکات کۆتایەک بۆ کوردانى فەیلی لە پارێزگاى واست و کۆتایەکى دیکە بۆ سابیئە لە بەغداى پایتەخت دیاریکرابوو.
.jpg)
