.jpeg)
.png)
هاوڵاتی - ئێمە سەیری راستییەکان دەکەین و لەسەر بنەمای راستییەکان لە سووریا مامەڵە دەکەین. - ژیرانە و لۆژیکی نەبوو کە هێزەکانی ئێران لە بری سوپای سووریا شەڕ بکەن. - دوایین هێز کە گۆڕەپانی شەڕی سووریایان بەجێهێشت، سوپای پاسداران بوون. حوسێن سەلامی فەرماندەی گشتی سوپای پاسدارانی ئێران ڕایگەیاند ئێران سەیری راستییەکان دەکات و لەسەر بنەمای راستییەکان لە سووریا مامەڵە دەکات. حوسێن سەلامی لە کۆبوونەوەیەکدا لەگەڵ فەرماندە باڵاکانی سوپای پاسداران هەڵسەنگاندنی بۆ پێشهاتەکانی سووریا و رووخانی دەسەڵاتی بەشار ئەسەدی کرد، رایگەیاند، "ئێمە سەیری راستییەکان دەکەین و لەسەر بنەمای راستییەکان لە سووریا مامەڵە دەکەین، بە شانازییەوە دەتوانم بڵێم، دوایین هێز کە گۆڕەپانی شەڕی سووریایان بەجێهێشت، هێزەکانی سوپای پاسداران بوون." بە پێویستيشى دەزانێت ستراتیژەکان بەپێی هەلومەرجەکان بگۆڕدرێن و دەڵێت: "ئێمە ناتوانین بە وەستان و سەقامگیری لە ستراتیژیدا کێشە جیهانی و ناوچەییەکان چارەسەر بکەین." بە وتەی جەنەراڵ سەلامی، "ژیرانە و لۆژیکی نەبوو" کە هێزەکانی ئێران لە بری سوپای سووریا شەڕ بکەن، "هەندێک کەس چاوەڕێی ئەوەیان لێدەکردین ئێمە لە بری سوپای سووریا شەڕمان کردبا، ئایا مەعقوڵە ئێمە هەموو سوپای پاسداران و هێزەکانی بەسیج سەرقاڵ بکەین بۆ شەڕکردن لە وڵاتێکی دیکە، لە کاتێکدا سوپای ئەو وڵاتە خۆی تەماشاکەرە؟" دانى بەوەشدا نا، کە هەموو رێگەکانی گواستنەوەی هێزیان بۆ سووریا لەسەر داخرابوو. لەگەڵ ئەوەشدا هەموو هەوڵێکیان دەدا هاوکاریی سووریا بکەن. وتيشى: بەر لە چەند مانگێک زانیارییان لەسەر جموجوڵی گرووپە چەکدارەکانی دژبەری حکومەتی ئەسەد هەبووە و حکومەتی سووریایان لەوە ئاگادار کردووەتەوە، "بەڵام لەبەر ئەوەی لەنێو حکومەتی سووریادا ئیرادەی گۆڕانکاری، شەڕ و بەرگری بە مانا راستەقینەکەی نەبوو، بەداخەوە ئەم رووداوانەمان بینی." رەتیشيکردەوە، کۆماری ئیسلامیی ئێران لق و پۆپەکانی لە ناوچەکە لەدەستدابێت و رێگەی گەیاندنی یارمەتی بۆ بەرەی مقاوەمە داخرابن، "ئێستاش رێگەکان بۆ پشتیوانی لە بەرەی مقاومە کراوەن، بەو شێوەیە نییە کە هەموو رێگەکان تایبەت بن بە سووریا، تەنانەت لەوێشدا رەنگە وردە وردە فۆرمێکی دیکە وەربگرێتەوە."
هاوڵاتی - ئێمە سەیری راستییەکان دەکەین و لەسەر بنەمای راستییەکان لە سووریا مامەڵە دەکەین. - ژیرانە و لۆژیکی نەبوو کە هێزەکانی ئێران لە بری سوپای سووریا شەڕ بکەن. - دوایین هێز کە گۆڕەپانی شەڕی سووریایان بەجێهێشت، سوپای پاسداران بوون. حوسێن سەلامی فەرماندەی گشتی سوپای پاسدارانی ئێران ڕایگەیاند ئێران سەیری راستییەکان دەکات و لەسەر بنەمای راستییەکان لە سووریا مامەڵە دەکات. حوسێن سەلامی لە کۆبوونەوەیەکدا لەگەڵ فەرماندە باڵاکانی سوپای پاسداران هەڵسەنگاندنی بۆ پێشهاتەکانی سووریا و رووخانی دەسەڵاتی بەشار ئەسەدی کرد، رایگەیاند، "ئێمە سەیری راستییەکان دەکەین و لەسەر بنەمای راستییەکان لە سووریا مامەڵە دەکەین، بە شانازییەوە دەتوانم بڵێم، دوایین هێز کە گۆڕەپانی شەڕی سووریایان بەجێهێشت، هێزەکانی سوپای پاسداران بوون." بە پێویستيشى دەزانێت ستراتیژەکان بەپێی هەلومەرجەکان بگۆڕدرێن و دەڵێت: "ئێمە ناتوانین بە وەستان و سەقامگیری لە ستراتیژیدا کێشە جیهانی و ناوچەییەکان چارەسەر بکەین." بە وتەی جەنەراڵ سەلامی، "ژیرانە و لۆژیکی نەبوو" کە هێزەکانی ئێران لە بری سوپای سووریا شەڕ بکەن، "هەندێک کەس چاوەڕێی ئەوەیان لێدەکردین ئێمە لە بری سوپای سووریا شەڕمان کردبا، ئایا مەعقوڵە ئێمە هەموو سوپای پاسداران و هێزەکانی بەسیج سەرقاڵ بکەین بۆ شەڕکردن لە وڵاتێکی دیکە، لە کاتێکدا سوپای ئەو وڵاتە خۆی تەماشاکەرە؟" دانى بەوەشدا نا، کە هەموو رێگەکانی گواستنەوەی هێزیان بۆ سووریا لەسەر داخرابوو. لەگەڵ ئەوەشدا هەموو هەوڵێکیان دەدا هاوکاریی سووریا بکەن. وتيشى: بەر لە چەند مانگێک زانیارییان لەسەر جموجوڵی گرووپە چەکدارەکانی دژبەری حکومەتی ئەسەد هەبووە و حکومەتی سووریایان لەوە ئاگادار کردووەتەوە، "بەڵام لەبەر ئەوەی لەنێو حکومەتی سووریادا ئیرادەی گۆڕانکاری، شەڕ و بەرگری بە مانا راستەقینەکەی نەبوو، بەداخەوە ئەم رووداوانەمان بینی." رەتیشيکردەوە، کۆماری ئیسلامیی ئێران لق و پۆپەکانی لە ناوچەکە لەدەستدابێت و رێگەی گەیاندنی یارمەتی بۆ بەرەی مقاوەمە داخرابن، "ئێستاش رێگەکان بۆ پشتیوانی لە بەرەی مقاومە کراوەن، بەو شێوەیە نییە کە هەموو رێگەکان تایبەت بن بە سووریا، تەنانەت لەوێشدا رەنگە وردە وردە فۆرمێکی دیکە وەربگرێتەوە."
ئامادەكردنی: محمد فاتح حامد - ئەم گرووپانە ترسیان هەیە لەوەی كە هاوڵاتیانی ناوچە سوننە نشینەكان و ناوچە سنوریەكانی نزیك لە سوریا یاخی ببن لەو میلیشیانە. - پريشكی ئەم ئاگر و پشێویانە بەر هەرێمی كوردستان نەكەوتووە و سەقامگیری هەرێم گرنگە بۆ ئەمریكا و رۆژئاوا وهەرێمی كوردستان پارێزراوە. - سەرەی لێدانی گرووپەكانی بەرەی موقاوەمەی عێراقە كە بەشێكن لە تۆڕی تاران. بینەر كوردی توێژەری كاروباری نێودەوڵەتی لە واشنتن ڕایگەیاند سەرەی لێدانی گرووپەكانی بەرەی موقاوەمەی عێراقە كە بەشێكە لە تۆڕی تاران و ئەگەری لێدان لەم گرووپانە ئەگەرێكی پێشبینیكراوە. بینەر كوردی تایبەت بە هاوڵاتی ڕاگەیاند بەرەی موقاوەمەی عێراق بەشێكە لەو تۆڕانەی كە تاران بۆ سەپاندنی هەژمون تا ئێستا بەكاری هێناوە و لێدانی گرووپی موقاوەمەی ئیسلامی عێراق دەكەوێتە سەر ئەوەی، دەبنە ترسێكی واقعی بۆ جيۆسیاسی و ئەو گۆڕانكاریانەی لەناوچەكەدا ڕوودەدەن. وتيشى: ئەم گرووپانە ترسیان هەیە لەوەی كە هاوڵاتیانی ناوچەكانی دەشتی نەینەوا لە شنگال و ناوچە سوننە نشینەكانی تر و لە ناوەڕاستی عێراق و ناوچە سنوریەكانی نزیك لە سوریا یاخی ببن لەو میلیشیانە و ئەمەش ئەگەرێكە كە لە ئارادایە. ڕونیشیكردەوە تاكو ئێستا حكومەتی عێراق واتا بەرەی سودانی تا ڕادەیەكی باش توانیوێتی بێلایەنی خۆی لەم ڕووداوانە بخاتەڕوو، بەڵام ئەگەرێكی پێشبینیكراوە كە گەردەلولەكە عێراقیش بگرێتەوە دژ بەو گرووپانە . باسی لەوەشكرد هەرەسهێنانی عێراق وەكو دەوڵەت كارێكی قورس و ئاڵۆزە چونكە سەقامگیری عێراق گرنگە بۆ ئەمریكا و بۆ ئێران و لەهەمان كاتدا ئەمریكا لەعێراقدا ئامادەیی سەربازی و سیاسی دیبلۆماسی هەیە و هاوپەیمانی نێودەوڵەتی لێیە و جوگرافیای عێراق زۆر گرنگە بۆ ئۆپراسیۆنەكانی هاوپەیمانی دەوڵەتی بۆ بەگژداچوونەوەی داعش، بەڵام پريشكی ئەم ئاگر و پشێویانە بەر هەرێمی كوردستان نەكەوتووە و سەقامگیری هەرێم گرنگە بۆ ئەمریكا و رۆژئاوا وهەرێمی كوردستان پارێزراوە. دووپاتیشیكردەوە بەپێی هەموو ئاماژەكان بێت بەڵێ سەرەی لێدانی گرووپەكانی بەرەی موقاوەمەی عێراقە كە بەشێكە لە تۆڕی تاران و ئەگەری لێدان لەم گرووپانە ئەگەرێكی پێشبینیكراوە.
هاوڵاتی - وەزیری دەرەوەی بەریتانیا: پەیوەندیەكی گرنگم بە سودانیەوە كرد و تاوتوێی ڕۆڵی سەرەكی عێراقمان كرد لە زامنكردنی سەقامگیری ناوچەكە. - وەزیری دەرەوەی بەریتانیا ڕایگەیاند لەگەڵ محەمەد شیاع سودانی سەرۆك وەزیرانی عێراق ڕێكەوتین لەسەر پێویستی گواستنەوەی دەسەڵاتی سیاسی لە سوریا. دەیڤد لامی وەزیری دەرەوەی بەریتانیا ڕایگەیاند لەگەڵ محەمەد شیاع سودانی سەرۆك وەزیرانی عێراق ڕێكەوتین لەسەر پێویستی گواستنەوەی دەسەڵاتی سیاسی لە سوریا. دەیڤد لامی لە پێگەی خۆی لە ئێكس ئەمڕۆ پێنجشەممە بڵاویكردەوە پەیوەندیەكی گرنگم بە سودانیەوە كرد و تاوتوێی ڕۆڵی سەرەكی عێراقمان كرد لە زامنكردنی سەقامگیری ناوچەكە و ڕێكەوتین لەسەر پێویستی گواستنەوەی پڕۆسەی سیاسی لە سوریا بە جۆرێك هەڵوێستی هەموو سوریەكان لەخۆبگرێت لەپێناو بنیاتنانەوەی ژیانیان. ئەمڕۆ نووسینگەی سودانی لەبەیاننامەیەكدا بڵاویكردەوە كە وەزیری دەرەوەی بەریتانیا پەیوەندی پێوە كردووە و سەرۆك وەزیرانی عێراقیش هەڵوێستی نەگۆڕی عێراقی دووپاتكردووەتەوە لەسەر گرنگی پاراستنی ئاسایش و خاك و سەروەری سوریا.
هاوڵاتی - گفتوگۆكان له‌گه‌ڵ سه‌ركردایه‌تی نوێی سوریا په‌یوه‌ندییان به بونی هێزه‌كانی ڕوسیا له به‌نده‌ری ده‌ریایی ته‌ڕتوس و بنكه‌ی ئاسمانی حمه‌یمیمه‌وه هه‌یه. - بنكه‌ی ده‌ریایی ته‌ڕتوسی ڕوسیا و بنكه‌ی ئاسمانی حمه‌یمیم له سوریا دامه‌زراوه‌ی سه‌ره‌كی پێكده‌هێنن بۆ پاراستنی كاریگه‌ریی مۆسكۆ له ڕۆژهه‌ڵاتی ناوه‌ڕاست. ئاژانسی هه‌واڵی بلومبێرگ بڵاویكردەوە ڕوسیا نزیكه له گه‌یشتن به ڕێككه‌وتن له‌گه‌ڵ سه‌ركردایه‌تی نوێ له سوریا بۆ مانه‌وه‌ی دوو بنكه‌ی سه‌ربازی گرنگ له‌و وڵاته. ئاژانسه‌كه له زاری سه‌رچاوه ئاگاداره‌كانی مۆسكۆ و ئه‌وروپا و ڕۆژهه‌ڵاتی ناوه‌ڕاسته‌وه بڵاویكرده‌وه ڕایگه‌یاندوه، گفتوگۆكان له‌گه‌ڵ سه‌ركردایه‌تی نوێی سوریا په‌یوه‌ندییان به بونی هێزه‌كانی ڕوسیا له به‌نده‌ری ده‌ریایی ته‌ڕتوس و بنكه‌ی ئاسمانی حمه‌یمیمه‌وه هه‌یه. به‌گوێره‌ی ئه‌و سه‌رچاوه‌یه له ڕوسیا، وه‌زاره‌تی به‌رگری ڕوسیا پێی وایه لێكتێگه‌یشتنێكی نافه‌رمی له‌گه‌ڵ ده‌سته‌ی ته‌حریر شام هه‌یه كه ڕێگه به ڕوسیا ده‌دات له‌و دوو بنكه‌یه‌دا بمێنێته‌وه، به‌ڵام ئه‌و سه‌رچاوه‌یه هۆشداریداوه له‌وه‌ی ڕه‌نگه دۆخه‌كه له‌ژێر ڕۆشنایی ناسه‌قامگیریی سوریادا بگۆڕێت. دیمیتری پێسكۆڤ وته‌بێژی كرێملین وه‌ڵامی داواكارییه‌كه‌ی نه‌دایه‌وه بۆ لێدوان، هاوكات بلومبێرگ بڵاویكرده‌وه كه نه‌یتوانیوه ئه‌م زانیاریانه له‌گه‌ڵ به‌رپرسانی حكومه‌تی ئینتقالی سوریا پشتڕاست بكاته‌وه. بنكه‌ی ده‌ریایی ته‌ڕتوسی ڕوسیا و بنكه‌ی ئاسمانی حمه‌یمیم له سوریا دامه‌زراوه‌ی سه‌ره‌كی پێكده‌هێنن بۆ پاراستنی كاریگه‌ریی مۆسكۆ له ڕۆژهه‌ڵاتی ناوه‌ڕاست و حه‌وزی ده‌ریای ناوه‌ڕاست، تا ئه‌فریقا. بنكه‌ی ته‌ڕتوس له ساڵی 1971 به‌پێی ڕێككه‌وتنێكی نێوان حافز ئه‌سه‌د سه‌رۆكی پێشوی ئه‌مریكا و باوكی به‌شار ئه‌سه‌د و یه‌كێتی سۆڤیه‌ت له به‌نده‌ری ته‌ڕتوس دامه‌زراوه و تاكه بنكه‌ی هه‌میشه‌یی ڕوسیایه له ناوچه‌ی ده‌ریای ناوه‌ڕاست. ڕوسیا له سه‌ره‌تای ده‌ستێوه‌ردانه‌كانی له سوریا له ساڵی 2015ه‌وه خاوه‌ندارێتی بنكه‌ی حمه‌یمیم بوه كه پشت به دابینكردنی چه‌ك و كه‌لوپه‌ل ده‌به‌ستێت كه له ڕێگه‌ی ده‌ریاوه ده‌گاته ته‌ڕتوس كه نزیكه‌ی 60 كیلۆمه‌تر له باشوره‌وه دوره.
هاوڵاتی - ده‌توانین بڵێین د*ا*ع*ش به‌هێزتر بووه، به‌تایبه‌تی له بیابانه‌كانی سوریا. - ئێستا به‌شێك له ئه‌ندامه‌كانی ده‌چنه ناو ئه‌و ناوچانه‌ی كه له‌لایه‌ن هێزه‌كانی سوریای دیموكراته‌وه كۆنترۆڵكراون. - پلانه‌كه‌یان هێرشكردنه سه‌ر زیندانی جویران و كه‌مپی هۆڵ له‌خۆده‌گرێت. مه‌زڵوم عه‌بدی فه‌رمانده‌ی هێزه‌كانی سوریای دیموكرات (هه‌سه‌ده)، ڕایگەیاند چەكدارانی داعش به توندی ده‌ستیانكردوه به گه‌ڕانه‌وه بۆ چالاكییه‌كان له بیابانه‌كانی سوریا. مه‌زڵوم عه‌بدی له چاوپێكه‌وتنێكدا له‌گه‌ڵ سكای نیوز دوپاتیكرده‌وه كه داعش به توندی ده‌ستیكردوه به گه‌ڕانه‌وه بۆ چالاكییه‌كان له بیابانه‌كانی سوریا و ئێستا داعش به‌راورد به قۆناغی پێشو چالاكتر بووه. وتیشی: به دڵنیاییه‌وه ده‌توانین بڵێین داعش به‌هێزتر بووه، به‌تایبه‌تی له بیابانه‌كانی سوریا، پێشتر خۆیان حه‌شاردابو، به‌ڵام ئێستا به ئاشكرا له‌سه‌ر زه‌وی كارده‌كه‌ن. ئاماژه‌ی به‌وه‌شكرد، سوپای سوریا كه پێشتر شه‌ڕی داعشی ده‌كرد، ئێستا له‌و ناوچه‌یه‌دا ئاماده نییه كه داعش چالاكیه‌كانی تێیدا ده‌ستپێكردۆته‌وه. باسی له‌وه‌شكرد، "داعش ته‌نیا له بیابانه‌كاندا چالاكییه‌كانى سنوردار نییه، به‌ڵكو ئێستا به‌شێك له ئه‌ندامه‌كانی ده‌چنه ناو ئه‌و ناوچانه‌ی كه له‌لایه‌ن هێزه‌كانی سوریای دیموكراته‌وه كۆنترۆڵكراون. مه‌زڵوم عه‌بدی ده‌شڵێت، "یه‌كێك له روداوه پڕ له ئازاره‌كان ئه‌وه‌یه كه چه‌ند ڕۆژێك له‌مه‌وبه‌ر چه‌كدارانی داعش سێ هه‌ڤاڵمانیان له حه‌سه‌كه شه‌هیدكرد". ئه‌وه‌شی ئاشكراكردوه، "ئێمه ده‌زانین كه پلانه‌كه‌یان هێرشكردنه سه‌ر زیندانی جویران و كه‌مپی هۆڵ له‌خۆده‌گرێت، بۆیه پێویسته به‌په‌له چاره‌سه‌ری ئه‌م مه‌ترسیه بكرێت"، هۆشداریشیدا له‌وه‌ی ئه‌گه‌ر به شێوه‌یه‌كی یه‌كلاكه‌ره‌وه مامه‌ڵه له‌گه‌ڵ ئه‌م هه‌ڕه‌شه‌یه نه‌كرێت، ڕه‌نگه دۆخه‌كه زیاتر تێكبچێت.
هاوڵاتی - ئه‌وه‌ی له سوریا رویدا كه داڕمان و خۆڕاده‌ستكردن بوو، چاوه‌ڕوان نه‌ده‌كرا. - هۆشداریشیدا له جوڵه‌ی پاشماوه‌كانی د*ا*ع*ش له بیابان و شانه نوستوه‌كانی حزبی به‌عس له عێراق. نوری مالیكی سه‌رۆكی هاوپه‌یمانی ده‌وڵه‌تی یاسا ڕایگەیاند ئاگاداری جموجۆڵی پاشماوه‌كانی داعش له بیابانه‌كان و خۆكۆكردنه‌وه‌ی حزبی به‌عس بن له عێراق. نوری مالیكی ، ئه‌مڕۆ پێنجشه‌ممه، هۆشدارییدا له جموجۆڵی پاشماوه‌كانی داعش له بیابانه‌كان و خۆكۆكردنه‌وه‌ی حزبی به‌عس له عێراق و راشیگه‌یاند، "ئه‌وه‌ی له سوریا رویدا كه داڕمان و خۆڕاده‌ستكردن بوو، چاوه‌ڕوان نه‌ده‌كرا. نوری مالیكی له میانی دیداره‌كه‌یدا له‌گه‌ڵ به‌شی ڕاگه‌یاندنی چوارچێوه‌ی هه‌ماهه‌نگی رایگه‌یاندوه، "میلله‌ته‌كه‌مان به مێژوه‌كه‌ی و جه‌ماوه‌ره‌كه‌ی و سه‌ركرده‌كانی گه‌وره‌یه، عێراق دیموكراسییه ده‌وڵه‌تێكه كه تیایدا گواستنه‌وه‌ی ئاشتیانه‌ی ده‌سه‌ڵات هه‌یه و لێكتێگه‌یشتن و ڕێككه‌وتن له ئاماده‌بونی چوارچێوه‌ی هه‌ماهه‌نگی و هاوپه‌یمانی ئیداره‌ی ده‌وڵه‌تدا گرنگی تایبه‌تی خۆی هه‌یه". ئاماژه‌ی به‌وه‌شكرد، "عێراق وڵاتێكه كه له‌سه‌ر بنه‌مای ده‌ستور دامه‌زراوه، ئێمه‌ش حه‌ز ده‌كه‌ین دڵنیابین له‌وه‌ی ڕێبازه‌كه‌مان له‌گه‌ڵ ده‌ستور و بنه‌ما یاساییه‌كان یه‌كده‌گرێته‌وه". وتیشی، "به‌شێك له شه‌ڕی میدیایی ده‌رونییه بۆئه‌وه‌ی دۆخێكی سه‌رلێشێواوی و گومان له‌نێوان پێكهاته‌كانی پڕۆسه‌ی سیاسی و پێكهاته‌كانی و لایه‌نه‌كانی دروست بكه‌ن"، ڕونیشیكرده‌وه، "قه‌یرانه‌كه زۆر گه‌وره‌یه و به‌داخه‌وه ئه‌وه‌ی له سوریا ڕویدا، ئه‌مه‌ی له فۆڕمی داڕمان و ته‌سلیمبون بو، چاوه‌ڕوان نه‌ده‌كرا". نوری مالیكی هۆشداریشیدا، "جوڵه‌ی پاشماوه‌كانی داعش له بیابان و شانه نوستوه‌كانی حزبی به‌عس له ئامانجه‌كانی قه‌یرانی سوریا بۆ كۆكردنه‌وه‌ی شه‌قامی عێراقی".
هاوڵاتی - ئه‌وه‌ی له سوریا رویدا كه داڕمان و خۆڕاده‌ستكردن بوو، چاوه‌ڕوان نه‌ده‌كرا. - هۆشداریشیدا له جوڵه‌ی پاشماوه‌كانی د*ا*ع*ش له بیابان و شانه نوستوه‌كانی حزبی به‌عس له عێراق. نوری مالیكی سه‌رۆكی هاوپه‌یمانی ده‌وڵه‌تی یاسا ڕایگەیاند ئاگاداری جموجۆڵی پاشماوه‌كانی داعش له بیابانه‌كان و خۆكۆكردنه‌وه‌ی حزبی به‌عس بن له عێراق. نوری مالیكی ، ئه‌مڕۆ پێنجشه‌ممه، هۆشدارییدا له جموجۆڵی پاشماوه‌كانی داعش له بیابانه‌كان و خۆكۆكردنه‌وه‌ی حزبی به‌عس له عێراق و راشیگه‌یاند، "ئه‌وه‌ی له سوریا رویدا كه داڕمان و خۆڕاده‌ستكردن بوو، چاوه‌ڕوان نه‌ده‌كرا. نوری مالیكی له میانی دیداره‌كه‌یدا له‌گه‌ڵ به‌شی ڕاگه‌یاندنی چوارچێوه‌ی هه‌ماهه‌نگی رایگه‌یاندوه، "میلله‌ته‌كه‌مان به مێژوه‌كه‌ی و جه‌ماوه‌ره‌كه‌ی و سه‌ركرده‌كانی گه‌وره‌یه، عێراق دیموكراسییه ده‌وڵه‌تێكه كه تیایدا گواستنه‌وه‌ی ئاشتیانه‌ی ده‌سه‌ڵات هه‌یه و لێكتێگه‌یشتن و ڕێككه‌وتن له ئاماده‌بونی چوارچێوه‌ی هه‌ماهه‌نگی و هاوپه‌یمانی ئیداره‌ی ده‌وڵه‌تدا گرنگی تایبه‌تی خۆی هه‌یه". ئاماژه‌ی به‌وه‌شكرد، "عێراق وڵاتێكه كه له‌سه‌ر بنه‌مای ده‌ستور دامه‌زراوه، ئێمه‌ش حه‌ز ده‌كه‌ین دڵنیابین له‌وه‌ی ڕێبازه‌كه‌مان له‌گه‌ڵ ده‌ستور و بنه‌ما یاساییه‌كان یه‌كده‌گرێته‌وه". وتیشی، "به‌شێك له شه‌ڕی میدیایی ده‌رونییه بۆئه‌وه‌ی دۆخێكی سه‌رلێشێواوی و گومان له‌نێوان پێكهاته‌كانی پڕۆسه‌ی سیاسی و پێكهاته‌كانی و لایه‌نه‌كانی دروست بكه‌ن"، ڕونیشیكرده‌وه، "قه‌یرانه‌كه زۆر گه‌وره‌یه و به‌داخه‌وه ئه‌وه‌ی له سوریا ڕویدا، ئه‌مه‌ی له فۆڕمی داڕمان و ته‌سلیمبون بو، چاوه‌ڕوان نه‌ده‌كرا". نوری مالیكی هۆشداریشیدا، "جوڵه‌ی پاشماوه‌كانی داعش له بیابان و شانه نوستوه‌كانی حزبی به‌عس له ئامانجه‌كانی قه‌یرانی سوریا بۆ كۆكردنه‌وه‌ی شه‌قامی عێراقی".
هاوڵاتی - ئەوەی لە سوریا رویدا پرۆژەیەکی زایۆنی - تورکی بوو بە پشتیوانی ئەمریکا. - روداوەکانی سوریا و روخانی دەسەڵاتی بەشار ئەسەد پەڵەیەکی ڕەشە بە نێوچەوانی تورکیا و ئەو گروپانەش کە پشتیوانی لێدەکردن. هادی عامری ئەمینداری ڕێكخراوی بەدر ڕایگەیاند رووداوەکانی سوریا پەڵەیەکی ڕەشە بە نێوچەوانی تورکیا و ئەو گروپانەش کە پشتیوانی لێدەکردن. هادی عامری هێرشی توندی کردە سەر تورکیا و رایگەیاند ئەوەی لە سوریا رویدا پرۆژەیەکی زایۆنی - تورکی بوو بە پشتیوانی ئەمریکا. عامری دەشڵێت: روداوەکانی سوریا و روخانی دەسەڵاتی بەشار ئەسەد پەڵەیەکی ڕەشە بە نێوچەوانی تورکیا و ئەو گروپانەش کە پشتیوانی لێدەکردن، ئاینی پیرۆزی ئیسلامیش لێیان بێبەرییە بەهۆی هاوکاریکردنی رژێمی زایۆنی.
هاوڵاتی - ئەوەی لە سوریا رویدا پرۆژەیەکی زایۆنی - تورکی بوو بە پشتیوانی ئەمریکا. - روداوەکانی سوریا و روخانی دەسەڵاتی بەشار ئەسەد پەڵەیەکی ڕەشە بە نێوچەوانی تورکیا و ئەو گروپانەش کە پشتیوانی لێدەکردن. هادی عامری ئەمینداری ڕێكخراوی بەدر ڕایگەیاند رووداوەکانی سوریا پەڵەیەکی ڕەشە بە نێوچەوانی تورکیا و ئەو گروپانەش کە پشتیوانی لێدەکردن. هادی عامری هێرشی توندی کردە سەر تورکیا و رایگەیاند ئەوەی لە سوریا رویدا پرۆژەیەکی زایۆنی - تورکی بوو بە پشتیوانی ئەمریکا. عامری دەشڵێت: روداوەکانی سوریا و روخانی دەسەڵاتی بەشار ئەسەد پەڵەیەکی ڕەشە بە نێوچەوانی تورکیا و ئەو گروپانەش کە پشتیوانی لێدەکردن، ئاینی پیرۆزی ئیسلامیش لێیان بێبەرییە بەهۆی هاوکاریکردنی رژێمی زایۆنی.
هاوڵاتی - بڕیارمانداوە ڕەگەزنامەی نزیکەی 700 هەزار کەس هەڵوەشێننەوە کە زۆربەیان عێراقی و ئێرانین. - لەسەردەمی رژێمی پێشوو لە بارودۆخێکی نا ئاساییدا رەگەزنامەیان پێدراوە. - ئەو کەسانەی رەگەزنامەیان پێدراوە لە کاتی شەڕ و پێکدادانەکانی سوریا بووە و بە شێوەیەکی نایاسایی رەگەزنامەیان پێدراوە. فەرمانگەی ڕەگەزنامەی سوریا لە دیمەشق ڕایگەیاند بڕیارمانداوە ڕەگەزنامەی نزیکەی 700 هەزار کەس هەڵوەشێننەوە کە زۆربەیان عێراقی و ئێرانین. فەرمانگەكه لەبەیاننامەیەکدا رایگەیاند بڕیاریانداوە ڕەگەزنامەی نزیکەی 700 هەزار کەس هەڵوەشێننەوە کە زۆربەیان عێراقی و ئێرانین و لەسەردەمی رژێمی پێشوو لە بارودۆخێکی نا ئاساییدا رەگەزنامەیان پێدراوە. هەر لە بەیاننامەکەدا هاتووە ئەو کەسانەی رەگەزنامەیان پێدراوە لە کاتی شەڕ و پێکدادانەکانی سوریا بووە و بە شێوەیەکی نایاسایی رەگەزنامەیان پێدراوە. چاودێرانیش دەڵێن پێدانی رەگەزنامە بەو کەسانە لەلایەن رژێمی ئەسەدەوە بەشێک بووە لە هەوڵەکانی ئەو رژێمە بۆ پتەوکردنی باری سیاسی و سەربازی لەکاتی هەڵگیرسانی شۆرشدا.
هاوڵاتی - هێزی ئاسمانی عێراق هێرشی ئاسمانیی ئه‌نجامداوه و هه‌شت حەشارگەی باندە تیرۆریستییەکانی داعشیان كردە ئامانج لە زنجیرە چیای حەمرین. - هەمو ئەو حەشارگانەی كە مەفرەزەكانی داعش وەك پەناگە و گواستنەوە و شوێنی عەمباركردنی چەك و كەلوپەل بەكاریان دەهێنا وێرانكران. شانەی ڕاگەیاندنی ئەمنی عێراق ڕایگەیاند هه‌شت مۆڵگه‌ی چه‌كدارانی داعشمان له چیای حه‌مرین له‌ناوبردوه. شانەكه له ڕاگه‌یه‌ندراوێكدا باسی له‌وه‌كردوه، "كاری هاوبەشی ئەمنی و هەواڵگریی نێوان دەزگاو فەرمانگەكانی هەواڵگری ڕۆڵی گەورەی هەبوە لە لەناوبردنی حەشارگەكانی تیرۆریستان و بەدواداچون بۆ ئەندامەكانیان، هەروەها لە ڕێگەی زانیاریی دروست لە دەزگای هەواڵگری نیشتمانی عێراق و بەڕێوەبەرایەتی هەواڵگری سەربازی و بەڕێوەبەرایەتی گشتی هەواڵگری و ئاسایش، هێرشكرایه سه‌ر پێگه‌كانی داعش". ئاماژه‌ی به‌وه‌شكردوه، "هێزی ئاسمانی عێراق هێرشی ئاسمانیی ئه‌نجامداوه و هه‌شت حەشارگەی باندە تیرۆریستییەکانی داعشیان كردە ئامانج لە زنجیرە چیای حەمرین لە ناو كەرتەكانی فەرماندەیی ئۆپەراسیۆنەكانی كەركوك". وتيشى: هەمو ئەو حەشارگانەی كە مەفرەزەكانی داعش وەك پەناگە و گواستنەوە و شوێنی عەمباركردنی چەك و كەلوپەل بەكاریان دەهێنا وێرانكران.
هاوڵاتی - بانگەوازێک بۆ هەموو سورییەکانی دەرەوەی وڵات دەکەم، ئێستا سوریا وڵاتێکی ئازادە کە شایەنی شانازییه، وەرەنەوە. - مافی هەمو خەڵک و هەمو مەزهەبەکان لە سوریا مسۆگەر دەکرێت. محەمەد بەشیر سەرۆکی حکومەتی ڕاگوزه‌ر لە سوریا ڕایگەیاند داوا لە هاوڵاتیانی وڵاتەکەم دەكەم کە وڵاتەکەیان به‌جێهێشتوه بگەڕێنەوە زێدی خۆیان و مافی هەمو مەزهەبەکان گەرەنتی دەکەین. محەمەد بەشیر لە چاوپێکەوتنێکدا لەگەڵ ڕۆژنامەی کۆریێر دێلا سێرای ئیتاڵی باسی له‌وه‌كردوه، "بانگەوازێک بۆ هەموو سورییەکانی دەرەوەی وڵات دەکەم، ئێستا سوریا وڵاتێکی ئازادە کە شایەنی شانازییه، وەرەنەوە"، جەختی لەوەکردەوە کە "مافی هەمو خەڵک و هەمو مەزهەبەکان لە سوریا مسۆگەر دەکرێت". دوابەدوای ڕاسپاردنی بۆ سەرۆکایەتی حکومەتی ئینتقالی تا 1ی ئازاری 2025، بەشیر جەختی لەوەکردەوە، کە کاتی ئەوە هاتوە هاوڵاتیانی چێژ لە "سەقامگیری و ئارامی" وەربگرن، ئه‌وه‌ش دو ڕۆژ دوای ئەوەی کوتلە ئۆپۆزسیۆنەکان بەشار ئەسەد سەرۆک کۆماریان ڕوخاند، کە هەڵات بۆ مۆسکۆ دوای ئەوەی بۆ ماوەی چارەک سەدەیەک حوکمڕانی وڵاتەکەی کرد.
هاوڵاتی - عێراق ئەندامێکی سەرەکی هاوپەیمانی نێودەوڵەتی دژی داعشە و پابەندە بە هاوکاری لەگەڵ هاوپەیمانیەتیەكە. - گرنگە ڕێز لە هەڵبژاردەی ئازادانەی گەلی سوریا بگرین و ئامادەین بۆ یارمەتیدانی گەلی سوریا. محەمەد شیاع سودانی، سەرۆکی ئەنجومەنی وەزیرانی عێراق جەختی لەسەر گرنگی ڕێزگرتن لە هەڵبژاردەی ئازادانەی گەلی سوریا کردەوە. نوسینگەی ڕاگەیاندنی سەرۆکی ئەنجومەنی وەزیران، لە راگەیەندراوێكدا بڵاویكردەوە، محەمەد شیاع سودانی سەرۆکی ئەنجومەنی وەزیران و فەرماندەی گشتی هێزە چەکدارەکان پێشوازی لە جەنەراڵ مایکل کۆرێلا فەرماندەی فەرماندەیی ناوەندی ئەمریکا و شاندەکەی یاوەری کرد. ئاماژەی بەوەشكرد، لە دیدارەکەدا تاوتوێی هاوکاری و هەماهەنگی نێوان عێراق و هاوپەیمانی نێودەوڵەتی لە بەرەنگاربونەوەی تیرۆر و ڕوبەڕوبونەوەی توندڕەوی کرا، هەروەها تاوتوێی دوایین پێشهاتەکانی سوریا و کاردانەوە بەردەوامەکانی ناوچەکە کرا. محەمەد شیاع سودانی لەمیانی كۆبونەوەكەدا جەختی لەوە کردەوە، "عێراق ئەندامێکی سەرەکی هاوپەیمانی نێودەوڵەتی دژی داعشە و پابەندە بە هاوکاری لەگەڵ هاوپەیمانیەتیەكە بۆ ڕوبەڕوبونەوە و بەدواداچون بەدوایی گروپە تیرۆریستییەکاندا، بەشێوەیەک کە ئاسایش و سەقامگیری ناوچەکە بپارێزێت". ئاماژەی بەوەشكرد، "گرنگە ڕێز لە هەڵبژاردەی ئازادانەی گەلی سوریا بگرین و ئامادەین بۆ یارمەتیدانی گەلی سوریا لەم دۆخ و قۆناغی گواستنەوەدا، هەروەها بەردەوام دەبین لەگەڵ وڵاتانی عەرەبی و دراوسێدا بۆ هاوکاریکردنی سورییەکان و چەسپاندنی ئاسایش و سەقامگیری لە ناوچەکە". سودانی باسی لەوەشكرد، "پاراستنی ئاسایشی سوریا و یەکپارچەیی خاک و سەلامەتی گەلەکەی و ئەو فرەچەشنییە نەتەوەیی و ئایینی و کۆمەڵایەتییەی پێویستە، هەروەها دەبێت ڕێگری لە هێرشێك بۆ سەر هەر یەکێک لە پێکهاتەکانی گەلی سوریا یان پیرۆزییە ئایینییەکانیان بكرێت، عێراق بەدوای ڕەوتی ڕوداوەکان و کردارە متمانەپێکراوەکاندا دەڕوات نەک قسەکان".
هاوڵاتی - عێراق ئەندامێکی سەرەکی هاوپەیمانی نێودەوڵەتی دژی داعشە و پابەندە بە هاوکاری لەگەڵ هاوپەیمانیەتیەكە. - گرنگە ڕێز لە هەڵبژاردەی ئازادانەی گەلی سوریا بگرین و ئامادەین بۆ یارمەتیدانی گەلی سوریا. محەمەد شیاع سودانی، سەرۆکی ئەنجومەنی وەزیرانی عێراق جەختی لەسەر گرنگی ڕێزگرتن لە هەڵبژاردەی ئازادانەی گەلی سوریا کردەوە. نوسینگەی ڕاگەیاندنی سەرۆکی ئەنجومەنی وەزیران، لە راگەیەندراوێكدا بڵاویكردەوە، محەمەد شیاع سودانی سەرۆکی ئەنجومەنی وەزیران و فەرماندەی گشتی هێزە چەکدارەکان پێشوازی لە جەنەراڵ مایکل کۆرێلا فەرماندەی فەرماندەیی ناوەندی ئەمریکا و شاندەکەی یاوەری کرد. ئاماژەی بەوەشكرد، لە دیدارەکەدا تاوتوێی هاوکاری و هەماهەنگی نێوان عێراق و هاوپەیمانی نێودەوڵەتی لە بەرەنگاربونەوەی تیرۆر و ڕوبەڕوبونەوەی توندڕەوی کرا، هەروەها تاوتوێی دوایین پێشهاتەکانی سوریا و کاردانەوە بەردەوامەکانی ناوچەکە کرا. محەمەد شیاع سودانی لەمیانی كۆبونەوەكەدا جەختی لەوە کردەوە، "عێراق ئەندامێکی سەرەکی هاوپەیمانی نێودەوڵەتی دژی داعشە و پابەندە بە هاوکاری لەگەڵ هاوپەیمانیەتیەكە بۆ ڕوبەڕوبونەوە و بەدواداچون بەدوایی گروپە تیرۆریستییەکاندا، بەشێوەیەک کە ئاسایش و سەقامگیری ناوچەکە بپارێزێت". ئاماژەی بەوەشكرد، "گرنگە ڕێز لە هەڵبژاردەی ئازادانەی گەلی سوریا بگرین و ئامادەین بۆ یارمەتیدانی گەلی سوریا لەم دۆخ و قۆناغی گواستنەوەدا، هەروەها بەردەوام دەبین لەگەڵ وڵاتانی عەرەبی و دراوسێدا بۆ هاوکاریکردنی سورییەکان و چەسپاندنی ئاسایش و سەقامگیری لە ناوچەکە". سودانی باسی لەوەشكرد، "پاراستنی ئاسایشی سوریا و یەکپارچەیی خاک و سەلامەتی گەلەکەی و ئەو فرەچەشنییە نەتەوەیی و ئایینی و کۆمەڵایەتییەی پێویستە، هەروەها دەبێت ڕێگری لە هێرشێك بۆ سەر هەر یەکێک لە پێکهاتەکانی گەلی سوریا یان پیرۆزییە ئایینییەکانیان بكرێت، عێراق بەدوای ڕەوتی ڕوداوەکان و کردارە متمانەپێکراوەکاندا دەڕوات نەک قسەکان".
.png)
