ناوەڕۆکى کۆبونەوەکەى مەزڵوم عەبدی و تۆم باراک

هاوڵاتى  جارێکی دیکە دادگاییکردنی ئومێد بەرۆشکی و بەدەل بەرواری لە دادگای هەولێر دواخرا. تیمی پارێزەرانی دەستگیرکراوانی بادینان لە کۆنگرەیەکی رۆژنامەوانیدا رایانگەیاند، هەرچەندە بڕیار بوو ئەمڕۆ دادگاییکردنی ئومێد بەڕۆشکی و مامۆستا بەدەل بەرواری بەڕێوەبچێت، بەڵام دانیشتنەکە بۆ کاتێکی دیکە دواخرا. باوكى به‌ده‌ل به‌روارى له‌به‌رده‌م دادگاى هه‌ولێره‌وه‌ ڕایگه‌یاند، داهاتى هه‌رێمى كوردستان له‌ ئه‌مریكا زیاتره‌ حكومه‌ت و ده‌سه‌ڵات ناتوانێت پاره‌ى خه‌ڵك نه‌دات و بڵێت ده‌بێت بێده‌نگ بن ده‌ڵێت" ئه‌ورۆژه‌ ڕۆشت میلله‌ت نه‌زانێت چى ڕوده‌دات" باوكى به‌ده‌ل به‌روارى ئه‌وه‌ش ده‌خاته‌ڕوو، ئه‌وڕۆژه‌ ڕۆشت كه‌ له‌گونده‌كان بگه‌ڕێن و به‌خه‌ڵك بڵێن وه‌ره‌ ببه‌ پێشمه‌رگه‌و ببه‌ پارتى و ئێمه‌ش ئاگامان له‌ده‌ره‌وه‌ى خۆمان نه‌بێت و پێمان بڵێن به‌هارتان بۆ دروست ده‌كه‌ین. باوكى مامۆستا به‌ده‌ل باس له‌وه‌ش ده‌كات، ئه‌گه‌ر كوڕه‌كه‌ى تاوانى هه‌بێت خۆى به‌ده‌ستى خۆى له‌ناوجه‌رگه‌ى هه‌ولێر هه‌ڵیده‌واسێت،ده‌ڵێت" مامۆستایانى به‌ڕێز و میله‌ت ئه‌م حكومه‌ته‌یان قابیله‌ چونكه‌ بێده‌نگن و به‌ده‌ل به‌روارى له‌سه‌ر مافى هاووڵاتیان ده‌ستگیركراوه‌". نزیکەی ساڵێک پێش ئێستا ئەو دوو چالاکوانە لەلایەن هێزە ئەمنییەکانەوە دەستگیرکران و دواتریش لە لایەن دادگای دهۆکەوە بە تۆمەتی خراپ بەکارهێنانی ئامێرەکانی پەیوەندیکردن و ئەنجامدانی خۆپیشاندا بڕیاری زیندانیکردنیان بۆ دەرچوو.

هاوڵاتى  وەزارەتی دەرەوەی ئێران هەرێمی کوردستان رایگەیاند:" ناوەندگەلێک لەخاکی هەرێمی کوردستان بۆ پەروەردەی هێزە چەکدارەکانی دژە شۆڕشی ئێران هەیە کە لەوێوە ئۆپراسیۆن دژ بەئێران دەکەن‌و چەک دەگوازنەوەو باج‌و سەرانە لەبازرگان‌و کۆڵبەرەکان وەردەگرن". ئەمڕۆ سێشەممە 12ی تشرینی یه‌كه‌می 2021، بەگوێرەی ئاژانسی هەواڵی"میهر" سەعید خەتیب زادە وتەبێژی وەزارەتی دەرەوەی ئێران، لەکۆنگرەیەکی ڕۆژنامەوانیدا وتویەتی:"ناوەندگەلێک لەخاکی هەرێمی کوردستان بۆ پەروەردەی هێزە چەکدارەکانی دژە شۆڕشی ئێران هەیە کە لەوێوە ئۆپراسیۆن دژ بەئێران دەکەن‌و چەک دەگوازنەوەو باج‌و سەرانە لەبازرگان‌و کۆڵبەرەکان وەردەگرن". خەتیب زادە وتویه‌تى:"ئەو بنکانە ئەبێت دابخرێن، چونکە ئەو بابەتە لەگەڵ نیازپاکی دراوسێیەتیدا نایەتەوە، ئەو بنکانە چیتر ناتوانن ببنە سەرچاوەی نائارامی بۆ کۆماری ئیسلامیی ئێران، لەبەرئەوەی تاران وەڵامیان دەداتەوە". چەند ڕۆژێک پێشتر لیوا ڕەحیم سەفەوی ڕاوێژکاری سەربازیی عەلی خامنەیی ڕێبەری باڵای ئێران لەلێدوانێکی ڕۆژنامەوانیدا ڕایگه‌یاند، ڕازینابن گروپە چەکدارییە بەرهەڵستکارەکانی ئێران لەسەر خاکی هەرێمی کوردستان بن. ڕاوێژکارەکەی خامنەیی لەبەشێکی تری قسەکانیدا وتبوی:"بەهەرێمی کوردستان دەڵێین، ڕازیی نابین ئەو گروپە چەکدارییە بەرهەڵستکارانە لەناوچەکانی ژێر کۆنترۆڵی ئێوەدابن، لەبەرئەوەی ئەو گروپانە هەندێک کێشەو سەرئێشە بۆ ئێران دروستدەکەن، هەرچەندە بەمەترسییەکی گەورەش هەژمارناکرێن". ماوەی زیاتر لە مانگێكە ئێران بە ڕێگەی جۆراوجۆر هۆشداری دەداتە هەرێمی كوردستان و عێراق بۆ دەركردنی حزبە ڕۆژهەڵاتیەكان.

  هاوڵاتى مه‌سعود بارزانى لەبارەی سەرکەوتنی پرۆسەی هەڵبژاردن پەیامێکی بڵاوکردەوە و رایگەیاند، " سەركەوتنی پارتی لەو هەڵبژاردنەدا بە مانای سەركەوتنی پڕەنسیب و بەها و ئەو بنەمایانەیە كە خەباتی گەلی كوردستانی لەسەر وەستاوە. دەشڵێت "هیوادارم لە دوای ئەم هەڵبژاردنە لایەنە كوردستانییەكان یەكڕیز و تەواوكاری یەکدی بن." رۆژی دووشەممە 11-10-2021 مه‌سعود بارزانی پەیامێکی بە بۆنەی سەركەوتنی پڕۆسەی هەڵبژاردنی ئەنجوومەنی نوێنەرانی عێراق و سەركەوتنی پارتی دیموكراتی كوردستان لەو هەڵبژاردنەدا بڵاوکردەوە و پیرۆزبایی لە گەلی كوردستان کرد.  بەپێی ئەو ئەنجامانەی کۆمیسیۆن بڵاوی کردوونەتەوە، پارتی دیموکراتی کوردستان لەم هەڵبژارنە 32 کورسی بەدەستهێناوە.مه‌سعود بارزانی پیرۆزبایی لە کادیر و ئەندام و لایەنگرانی حیزبەکەی دەکات و دەڵێت "سەركەوتنی پارتی لەو هەڵبژاردنەدا بە مانای سەركەوتنی پڕەنسیب و بەها و ئەو بنەمایانەیە كە خەباتی گەلی كوردستانی لەسەر وەستاوە و، پەیامێكە بۆ هەموو لایەك كە گەلی كوردستان لە هیچ بارودۆخێكدا دەستبەرداری مێژوو و بەهاكانی نابێت. پێویستە ئەو سەركەوتنەی پارتی ببێتە هۆی ئەوەی بەرپرس و كادیر و ئەندامانی پارتی زیاتر خزمەتی خەڵك بكەن و، هەمیشە ئەو ئامۆژگارییە بە نرخەی بارزانیان لەبیر بێت، "لە سەركەوتندا مەغروور نەبن و لە شكست نائومێد نەبن". مه‌سعود بارزانی سەرکەوتنی ئەم پرۆسەیەی هەڵبژاردن بەرزدەنرخێنێت و دەستخۆشی لە کۆمیسیۆن و هێزە ئەمنییەکان و لایەنە پەیوەندیدارەکانی هەرێمی کوردستان و عێراق دەکات و دەشڵێت "رۆڵی بەڕێز مستەفا كازمی سەرۆكوەزیران لە ئەنجامدانی هەڵبژاردنەكان بەرز دەنرخێنین." لە بەشێکی دیکەی پەیامەکەیدا مه‌سعود بارزانی داوایەک ئاراستەی لایەنە كوردستانییەكان دەکات و رایدەگەیێنێت "هیوادارم لە دوای ئەم هەڵبژاردنە لایەنە كوردستانییەكان یەكڕیز و تەواوكاری یەكتری بن. هیوادارم هەموو لایەنەكان بەیەكەوە و بۆ یەك ئامانجی هاوبەش و لەپێناو بەرژەوەندییە باڵاكانی كوردستان و بەرگریكردن لە ماف و دەستكەوتەكانی گەلی كوردستان كار بكەن." دەقی پەیامەکەی مه‌سعود بارزانى لەبارەی سەركەوتنی پڕۆسەی هەڵبژاردن ‎بەناوی خودای مەزن و دلۆڤان ‎بە بۆنەی سەركەوتنی پڕۆسەی هەڵبژاردنی ئەنجوومەنی نوێنەرانی عێراق و سەركەوتنی پارتی دیموكراتی كوردستان لەو هەڵبژاردنەدا پیرۆزبایی لە گەلی كوردستان دەكەم.  پیرۆزبایی لە كادیر و ئەندام و لایەنگرانی پارتی دەكەم كە توانیان لە كێبڕكێیەكی مەدەنی و ئارامدا سەركەوتنێكی گەورە بۆ پارتی و ڕێبازەكەیان مسۆگەر بكەن و ڕۆحی شەهیدان ئاسوودە بكەن. سەركەوتنی پارتی لەو هەڵبژاردنەدا بە مانای سەركەوتنی پڕەنسیب و بەها و ئەو بنەمایانەیە كە خەباتی گەلی كوردستانی لەسەر وەستاوە و، پەیامێكە بۆ هەموو لایەك كە گەلی كوردستان لە هیچ بارودۆخێكدا دەستبەرداری مێژوو و بەهاكانی نابێت. پێویستە ئەو سەركەوتنەی پارتی ببێتە هۆی ئەوەی بەرپرس و كادیر و ئەندامانی پارتی زیاتر خزمەتی خەڵك بكەن و، هەمیشە ئەو ئامۆژگارییە بە نرخەی بارزانیان لەبیر بێت، "لە سەركەوتندا مەغروور نەبن و لە شكست نائومێد نەبن". ‎هەر بەم بۆنەیەوە سوپاسی كۆمیسیۆنی باڵای هەڵبژاردن و دەزگا ئەمنییەكان و سەرجەم لایەنە پەیوەندیدارەكانی هەرێمی كوردستان و عێراقی فیدڕاڵ دەكەم كە بە شەونخونی و ماندووبوونیان بوونە هۆی سەركەوتنی پڕۆسەی هەڵبژاردنی ئەنجوومەنی نوێنەرانی عێراق و دەستخۆشیان لێ دەكەم. هەروەها ڕۆڵی بەڕێز مستەفا كازمی سەرۆك وەزیران لە ئەنجامدانی هەڵبژاردنەكان بەرز دەنرخێنین. ‎سەركەوتنی پڕۆسەی هەڵبژاردن سەركەوتنی ئیرادەی گەل و سەركەوتنی دیموكراسیە. هەر بۆیەش هیوادارم لە دوای ئەم هەڵبژاردنە لایەنە كوردستانییەكان یەكڕیز و تەواوكاری یەكتری بن. هیوادارم هەموو لایەنەكان بەیەكەوە و بۆ یەك ئامانجی هاوبەش و لەپێناو بەرژەوەندییە باڵاكانی كوردستان و بەرگریكردن لە ماف و دەستكەوتەكانی گەلی كوردستان كار بكەن و، لەسەر بنەمای شەراكەتی ڕاستەقینە پەیوەندییەكانی هەرێمی كوردستان و عێراقی فیدڕاڵ بنیات بنێنەوە. ‎جارێكی تر سوپاس بۆ گەلی كوردستان و سوپاسی تایبەتیش بۆ خوشك و برایانی خۆڕاگر و خاوەن بیروباوەڕ لە كەركووكی دڵی كوردستان. ‎مسعود بارزانی ‎١١ی تشرینی یەكەمی ٢٠٢١

هاوڵاتى مەکتەبی هەڵبژاردنی لقی 11ی پارتی رایگەیاند:" ئەنجامی هەڵبژاردنی بازنەی چواری سلێمانی بە تەواوی رەتدەکەنەوە و پێیانوایە ژمارەی دەنگی بەربژێرەکەیان بە هەڵە بڵاوکراوەتەوە یان گۆڕدراوە".  ئەمڕۆ دووشه‌ممه‌ 11ی تشرینی یه‌كه‌می 2021، کۆمیسیۆنی باڵای سەربەخۆی هەڵبژاردنەکان ئەنجامی بەرایی هەڵبژاردنی پەرلەمانی عێراقی بڵاوکردەوە، بەپێی ئەنجامەکە بەربژێری پارتی لە سنووری لقی 11ی پارتی کە ناسکە عەبدوڵڵا بوو دەنگی پێویستی نەهێناوە، بەڵام مەکتەبی هەڵبژاردنی لقی 11ی پارتی ئەنجامەکەی کۆمیسیۆن رەتدەکاتەوە. مەکتەبی هەڵبژاردنی لقی 11ی پارتی لە بەیاننامەیەکدا رایگەیاند: "ئەمڕۆ   کاتژمێر شەشی ئێوارە ئۆفیسی سلێمانیی کۆمیسیونی باڵای سەربەخۆی هەڵبژاردنەکانی عێراق ئەنجامی بەرایی پارێزگای سلێمانی راگەیاند. بەپێی راگەیێندراوەکەی کۆمیسیۆن کاندیدی پارتیمان لە بازنەی چواری سلێمانی ناسکە عەبدوڵڵا 11 هەزار و 742 دەنگی بە دەستهێناوە". مەکتەبی هەڵبژاردنی لقی 11ی پارتی دەڵێت بەربژێرەکەیان زیاتر لەو دەنگانەی هێناوە کە کۆمیسیۆن رایگەیاندووە و دەڵێت: "ئێمە  ئاماری تەواوی ئەنجامی هەڵبژاردنی گشتیمان لەبەردەستە، کە بریکارەکانمان لە بنکەکانی دەنگدان لە کۆمسیونی هەڵبژاردن وەریانگرتووە تەنیا لە هەڵبژاردنی گشتیدا  13,416 دەنگمان بەدەستهیناوە". مەکتەبی هەڵبژاردنی لقی 11ی پارتی پێیوایە ئەو ئەنجامەی کۆمیسیون رایگەیاند "بە هەڵە تۆمارکراوە یان دەستێکی لە پشتە" بۆیە بە تەواوی رەتیدەکەنەوە. داوا لە کۆمیسیۆن دەکەن پێداچوونەوە بە راگەیاندنی ئەم ئەنجامەدا بکات و بۆ ئەو بابەتە سکاڵا تۆمار دەکەن. بازنەی چواری سلێمانی کە دووکان، چوارقوڕنە، حاجیاوا، رانیە، بێتواتە و قەڵادزێ دەگرێتەوە، بەپێی ئەنجامەکەی کۆمیسیۆن، ئەو چوار بەربژێرە زۆرترین دەنگیان ‌هێناوە: سروە عەبدولواحید (نەوەی نوێ) 22634 دەنگ سۆران عومەر سەعید (کۆمەڵ) 18868 دەنگ غەریب ئەحمەد مستەفا (یەکێتی) 15360 دەنگ بەدریە حوسێن عەزیز (یەکێتی): 13456  

هاوڵاتى ئەحمەدی حاجی رەشید، کاندیدی کۆمەڵی دادگەری کوردستان لە بازنەی سێی پارێزگای سلێمانی لەبارەی سەرنەکەوتنی لەهەڵبژاردنەکان پەیامێکی بڵاوکردەوەو رایگەیاند، "چانس یاوەرم نەبوو، نەمتوانی سەركەوتن بەدەستبهێنم لەوەش پەشیمان نیم كەلەزێدی خۆم بەربژێر بووم". ئەحمەدی حاجی رەشید لەپەیامەکەیدا ئاماژەی بەوەشکردوە، "من یەكێك بووم لە بەربژێرەكانی بازنەی (3) خوازیار بووم بتوانم سەركەوتن بەدەست بێنم و ئەگەر بتوانم خزمەتێك بەتاكی هاوڵاتی لەهەردوو ئاستی عێراق و هەرێمی كوردستان و دانیشتوانی سنوری بازنەی (3)پێشكەش بكەم، دیارە چانس یاوەرم نەبوو وە نەمتوانی سەركەوتن بەدەستبهێنم، دیارە جێگای متمانەی تەنها ئەو خەڵكە بووم كە دەنگیان پێداوم." ئەوەشی خستوەتەڕو، سوپاسی ئەو کەسانە دەکات کە دەنگیان پێداوە و "لەوەش پەشیمان نیم كەلەزێدی خۆم بەربژێر بووم وخۆم خستە بەردەم  بڕیاری ئێوەی بەڕێز و دواجاریش بڕیارەكەتانم قبوڵ كرد بەوپەڕی نیگەرانیەوە چونكە جگە لە دڵسۆزی هیچی ترم نەبوو بۆتان." ئەمڕۆش محه‌مه‌د حه‌كیم، وته‌بێژی كۆمه‌ڵی دادگه‌ریی كوردستان دوای راگه‌یاندنی ئه‌نجامه‌ به‌راییه‌كانی هه‌ڵبژاردنه‌ پێشوه‌خته‌كه‌ی ئه‌نجومه‌نی نوێنه‌رانی عێراق پەیامێکی بڵاوکردەوە و رایگەیاند، "داوای لێبوردن له‌ هه‌موو كادیر و ئه‌ندامانمان ده‌كه‌ین، كه‌ نه‌مانتوانی ئه‌و ئه‌نجامه‌ به‌ده‌ستبهێنین كه‌ له‌به‌رچاومانگرتبوو". ئەوە لەکاتێکدایە بەگوێرەی ئەنجامە بەراییەکان کۆمەڵی دادگەری کوردستان رێژەی دەنگ و کورسییەکانی لەپەرلەمانی عێراق 50% کەمیانکردووە و کورسییەکی پەرلەمانی مسۆگەرکردوە، لەکاتێکدا لەخولی رابردوی پەرلەماندا خاوەنی دوو کورسی بوو، هەروەها ئەحمەدی حاجی رەشید یەکێک لەکاندیدە ناسراوەکانی ئەو حزبە لەبازنەی سێی سلێمانی بۆ خولێکی دیکەی پەرلەمان دەنگی پێویستی بەدەستنەهێنا.

هاوڵاتى  شه‌ماڵ عه‌بدولوه‌فا، ئەندامی پێشوی خانەی ڕاپەڕاندنی بزوتنەوەی گۆڕان پێی وایه‌ كه‌ باشتر و جواتر و جوامێرانه‌تره‌ خانه‌ی راپه‌ڕاندنی گۆڕان ده‌ست له‌ خانه‌كه‌ هه‌ڵبگرن. دوای راگه‌یاندنی ئه‌نجامه‌ به‌راییه‌كان، ده‌ركه‌وت كه‌ بزوتنه‌وه‌ی گۆڕان ئه‌نجامێكی ئه‌وتۆی نه‌بوه‌ و هیچ كاندیدێكی سه‌ركه‌وتوو نه‌بووه‌، هه‌ندێك له‌ سه‌ركرده‌كانی پێشووی ئه‌و بزوتنه‌وه‌یه‌ ئه‌نجامه‌كه‌ به‌ شكست بۆ گۆڕان ده‌زانن، له‌وباره‌یه‌وه‌ شه‌ماڵ عه‌بدولوه‌فا، ئەندامی پێشوی خانەی ڕاپەڕاندنی بزوتنەوەی گۆڕان پێی وایه‌ كه‌ باشتر و جواتر و جوامێرانه‌تره‌ خانه‌ی راپه‌ڕاندنی گۆڕان ده‌ست له‌ خانه‌كه‌ هه‌ڵبگرن. شەماڵ عەبدولوەفا، ئەندامی پێشوی خانەی ڕاپەڕاندنی بزوتنەوەی له‌ هه‌ژماری تایبه‌تیی خۆی له‌ تۆڕی كۆمه‌ڵایه‌تیی فه‌یسبوك نوسیویەتی:"دوای ھەڵبژاردنی ئەنجومەنی نوێنەران‌و پاش شکستھێنانی بەرچاوی بزوتنەوەی گۆڕان بەدەرنەچونی ھیچ کاندیدێک، باشترو جوانترو جوامێرانەترە کە ئێوە دەست لەئەندامێتی خانەی ڕاپەڕاندن ھەڵبگرن"، دەشڵێت:"دەستلەكاركێشانەوە ھەڵوێستێكی جوانەو بگرە ھیچ نەنگی نییە، ئێوە نە خیانەتتان کردوە، نە وڵاتتان فرۆشتوە، ئێوە ھەڵەتان کردوە، ئێوە سەرکەوتونەبون لەئیدارەدانی بزوتنەوەکە". شه‌ماڵ عه‌بدولوه‌فا داواش ده‌كات كه‌ :"ئەم دەستلەكاكێشانەوەیە ببێتە نەریتێکی پۆزەتیف لەکوردستاندا، ھەر کاتێك یەکێ شکستیھێنا بادەست لەوکارە ھەڵبگرێت". ئه‌وه‌ش له‌كاتێكدایه‌ ئەمڕۆ خانەی راپەڕاندنی بزووتنەوەی گۆڕان لەبارەی ئەنجامە بەراییەكانی هەڵبژاردنی ئەنجوومەنی نوێنەرانی  عێراق راگەیەندراوێكی بڵاوكردەوە كە تیایدا هاتووە:"‎ئەنجامە بەراییەكانی ھەڵبژاردنی ئەنجومەنی نوێنەرانی عێراق دەری خست؛ كاندیدەكانی بزوتنەوەی گۆڕان دەنگی پێویستیان نەھێناوە و سەرنەكەوتون." ‎لەبەشێكی تری راگەیەندراوەكەدا هاتووە:"بە راشكاوی دەڵێین كە پێویستمان بە گۆڕانكاری و بەخۆداچونەوەی ریشەیی بزوتنەوەكە و سیاسەتەكانی ھەیە، چونكە دەنگدەرانمان ھەڵوێستیان وەرگرتوە و زۆرینەیان بایكۆتی ھەڵبژاردنیان كردوە، وەكچۆن زۆرینەی ھاوڵاتیان ھەمان شتیان كردوە."

هاوڵاتى  لە پەیوەندییەکی تەلەفۆنییدا سەرۆککۆماری عێراق پیرۆزبای لە سەرۆکی حکومەت کرد بۆ ئەو ئەنجامەی پارتی دیموکراتی کوردستان بەدەستیهێناوە. ئەمڕۆ دووشه‌ممه‌ 11ی تشرینی یه‌كه‌می 2021، بەپێی راگەیێنراوێکی نووسینگەی سەرۆکوەزیرانی هەرێمی کوردستان، رۆژی دووشەممە 11-10-2021 مەسرور بارزانی، سەرۆکوەزیرانی هەرێمی کوردستان پەیوەندییەکی تەلەفۆنی لە بەرھەم ساڵح، سەرۆککۆماری عێراق پێگەیشت.  لە راگەیێنراوەکەدا ئاماژە بەوە دراوە، لە پەیوەندییەکەدا بەرهەم ساڵح، سەرۆککۆماری عێراق "بە بۆنەی سەرکەوتنی پرۆسەی هەڵبژاردنی ئەنجوومەنی نوێنەران لە هەرێمی کوردستان و سەرانسەری عێراق، پیرۆزبایی لە سەرۆکی حکومەت کرد و هەڵبژاردنی بە پرۆسەیەکی سەرکەوتوو ناوبرد." لە بەشێکی راگەیێنراوەکەدا ئاماژە بەوە دراوە کە "سەرۆککۆمار پیرۆزبایی لە سەرۆکی حکومەت کرد بۆ ئەو ئەنجامەی پارتی دیموکراتی کوردستان بەدەستیهێناوە." بەپێی ئەو ئەنجامانەی کە تاوەکو ئێستا کۆمیسیۆن رایگەیاندون؛ پارتی دیموکراتی کوردستان 32 کورسی بەدەستهێناوە و لایەنەکانی دیکەش بەمشێوەیەیە: یەکێتی: 15 کورسی، جووڵانەوەی نەوەی نوێ 9 کورسی، یەکگرتووی ئیسلامی 4 کورسی، کۆمەڵی دادگەری 1 کورسی و بزووتنەوەی گۆڕانیش هیچ کورسییەکی بەدەستنەهێناوە هەر لە پەیوەندییە تەلەفۆنییەکەدا هەردوولا جەختیان لەوە کردووەتەوە، کە پێویستە گشت لایەنەکان، هەرچی زووتر بکەونە گفتوگۆ و بە هاوکاری و هەماهەنگی کار بکەن بۆ ئەوەی ئەنجامی هەڵبژاردنەکان، بخەنە خزمەت بەرژەوەندیی هەرێمی کوردستان و سەرانسەری عێراق و خزمەتێکی شایستەی سەرجەم گەلانی عێراق بکرێت. پرۆسەی دەنگدانی تایبەت لە 8ی مانگی ئۆکتۆبەر و پرۆسەی دەنگدانی گشتیی لە هەڵبژاردنی پێشوەختی پەرلەمانی عێراق لە 10ی ئۆکتۆبەری 2021 بەڕێوەچوون. 

  هاوڵاتى  لە دوای بزووتنەوەی گۆڕان، کۆمەڵی دادگەریی کوردستان لەبارەی کەمبوونەوەی دەنگەکانی لە هەڵبژاردنی ئەمجارەی عێراق داوای لێبووردنی کرد و وتەبێژی کۆمەڵ دەڵێت "ئەو ئەنجامانەی بەدەستمان هێناوە لە ئاست چاوەڕوانییەکانمان نەبوو، هەربۆیە داوای لێبووردن دەکەین." محەممەد حەکیم، وتەبێژی کۆمەڵی دادگەریی کوردستان لە پەیامێکدا لەبارەی هەڵبژاردنی پێشوەختەی پەرلەمانی عێراق و ئەو دەنگانەی بەدەستیان هێناوە دەڵێت "ئەنجوومەنی باڵا و سەرکردایەتی بەرپرسیاریێتی ئەم دۆخە لە ئەستۆ دەگرێت." وتەبێژی کۆمەڵی دادگەریی کوردستان لە بەشێکی دیکەی پەیامەکەدا ئاماژە بەوە دەدات "هەنگاوەکانمان بە ئاراستەی چارەسەری دۆخەکە دەستپێدەکەین و کۆمەڵ دۆخی زۆر سەختتر لەمەشی تێپەڕاندووە، بە بەرنامەیەکی نوێوە خۆمان بۆ هەڵبژاردنی کوردستان ئامادە دەکەین." هەر لە پەیامەکەدا ئەندامانی کۆمەڵی دادگەری دڵنیا دەکاتەوە کە بە بەرنامەیەکی نوێوە خۆیان بۆ هەڵبژاردنی کوردستان ئامادە دەکەن. بەپێی ئەو ئەنجامانەی کە تاوەکو ئێستا راگەیێنراون، کۆمەڵی دادگەریی کوردستان 1 کورسی بەدەستهێناوە ئەویش لە سنووری بازنەی 4ی پارێزگای سلێمانی.  وتەبێژی کۆمەڵی دادگەریی کوردستان راشیدەگەیێنێت "پڕۆسەی هەڵبژاردنی پێشوەختەی عێراق هاوکات بوو لەگەڵ تەواوبوونی کۆنگرەی چوارەمی کۆمەڵ، لە کاتێکدا سەرقاڵی تەشکیلکردنەوەی ئۆرگانەکانمان بووین چووینە نێو بانگەشەی هەڵبژاردن." لە کۆتایی پەیامەکەیدا سەبارەت بە ئەنجامەکان رایگەیاندووە "ئەو ئەنجامانەی بەدەستمان هێناوە لە ئاست چاوەڕوانییەکانمان نەبوو، هەربۆیە داوای لێبووردن دەکەین." هەر ئەمڕۆ دووشەممە 11-10-2021 خانەی راپەڕاندنی بزووتنەوەی گۆڕان راگەیێندراوێکی لەبارەی کەمبوونەوەی دەنگەکانی بڵاوکردەوە و تێیدا داوای لێبووردنی لە دەنگدەرانی کردووە و دەڵێت، "بەربژێرەکانی بزووتنەوەی گۆڕان دەنگی پێویستیان نەهێنا و سەرنەکەوتوون".   خانەی راپەڕاندنی بزووتنەوەی گۆڕان رایگەیاندووە، دان بەوەدا دەنێن کە "هەڵە و کەموکوڕی لە ئێمە بووە کە سەرەڕای هەلومەرجە بابەتییەکان، بۆیە متمانەی خەڵکمان بەدەستنەهێناوە".  

هاوڵاتى موقتەدا سەدر رایگەیاند:" گوشاری ناوخۆی و دەرەکی لەسەر کۆمیسیۆن هەیە". هۆشداریش دەدات و دەڵێت، بەوردی ئاگایان لەو دەستوەردانانەیە، نابێت دەستوەردان بکرێت و ئەوان بە وردی چاودێریی ئەو دەستوەردانانە دەکەن. موقتەدا سەدر، رێبەری رەوتی سەدر لە تویتێکدا رایگەیاند، ئەم هەڵبژاردنە بە سەرپەرشتییەکی نێودەوڵەتی و عەربی ئەنجامدراوە و لەلایەن ئەوانەوە دانی پێدانراوە. هەروەها دەشڵێت، "بەو پێیە نابێت دەستوەردان لە بڕیارەکانی کۆمیسیۆنی باڵای سەربەخۆی هەڵبژاردنەکان بکرێت یان گوشارەکان لەسەری زیادبکرێن نە لەناوخۆوە نە لە دەرەوە و نە لەلایەن هەندێک لە وڵاتانی هەرێمی و نێودەوڵەتی، هەڵبژاردن کاروبارێکی ناوخۆییە".  

هاوڵاتى ناوندی ڕاگەیاندنی هێزەکانی پاراستنی گەل-هەپەگە  ڕایگەیاند:" دوو هێلیکۆپتەریان کردە ئامانج". ئەمڕۆ دووشه‌ممه‌ 11ی تشرینی یه‌كه‌می 2021، ناوندی ڕاگەیاندنی هێزەکانی پاراستنی گەل-هەپەگە، لەسەر چالاکییەکانی گەریلا و هێرشەکانی دەوڵەتی داگیرکەری تورک، ڕاگەیەندراوێکی بڵاوکردەوە: لە ڕاگەیەندراوەکەدا هاتووە، کە لە چوارچێوەی هەڵمەتی شۆڕشگێڕیی بازەکانی زاگرۆسدا، لە ١٠ی ی تشرینی یەکەم کاتژمێر لەنێوان ١١:١٠ بۆ ١١:٤٥ خولەکی شەو، گەریلاکان هێلیکۆپتەرێکی جەنگییان کردە ئامانج، کە دەیویست بۆردوومانی گۆڕەپانی وەرخەل بکات لە هەرێمی ئاڤاشین، لە ئەنجامدا گورز لەو هێلیکۆپتەرە درا و هێلیکۆپتەرەکانی دیکەش بە ناچاریی لە ناوچەکە دوورکەوتنەوە. ئاماژە بۆ ئەوەش کراوە، هەر ١٠ی تشرینی یەکەم، کاتژمێر ١١:٣٠ خولەکی شەو، هێلیکۆپتەرە جەنگییەکان، کە دەیانویست گردی وەرخەل لە هەرێمی زاپ بۆردوومان بکەن، لە سێ لاوە گەریلا چالاکیی لەدژ ئەنجامدان و لە ئەنجامدا گورز لە هێلیکۆپتەرێک درا. هەمان ڕۆژ، کاتژمێر ١١:٠٠ بۆ ٠١:٠٠ی شەو، لە هەرێمی زاپ، هێزەکانمان ئەو هێلیکۆپتەرانەیان ناچار بە کشانەوە کرد، کە دەیانویست بۆردوومانی گۆڕەپانی شەهید شاهان و گردی شەهید سمکۆ بکەن. ئەوەش هاتووە: شەوی نۆ و ١٠ی ئەم مانگە، هێلیکۆپتەر بە ئاسمانی گردی سلێمان، مارڤانۆس، مام ڕەشۆ، تابورا عەرەبان، وەرخەل و بانستا-دا سووڕانەوە، لە هەمان کاتدا، گردی شەهید ڕزگار، شەهید فرات، شەهید ئینتیقام، گوندی دڕێ، دۆڵی باسیا و گۆڕەپانەکانی کارتال و وەرخەل بە هێلیکۆپترە بۆردوومان کران. هەروەها، هاتووە: لە ٩ی تشرینی یەکەم، کاتژمێر لەنێوان ٠٩:٠٠ بۆ ١١:٠٠ی شەو، لە مەتینا هێلیکۆپتەر بە ئاسمانی هێڵی قاسوورادا سووڕایەوە، هەمان کات دەوروبەری گوندی هرور، دێشیش، سەراروو، کێستە و گۆڕەپانی کۆردینە، بە هێلیکۆپتەر بۆردوومان کراون. لە کۆتایی ڕاگەیەندراوەکەی هەپەگەدا هاتووە: ١٠ی تشرینی یەکەم، ٠٨:٠٠ و ١٠:٣٠ خولەکی شەو، لە هەرێمی زاپ لە گۆڕەپانی چیای ڕەش و گوندی هۆر لە گۆڕەپانی شەهید ڕۆستەم بە فڕۆکەی جەنگیی بۆردوومان کران.

 هاوڵاتى كۆمیسیۆنی باڵای سەربەخۆی ھەڵبژاردنەكان لەعیراق رایگەیاند:" ئەنجامی بەرایی ھەڵبژاردنەكانی پێشوەختە لە ١٠ پارێزگا، رادەگەیەنن". دەڵێت:" ئەمڕۆ دووشه‌ممه‌ 11ی تشرینی یه‌كه‌می 2021، جەلیل عەدنان، سەرۆكی كۆمیسیۆنی باڵای سەربەخۆیی ھەڵبژاردنەكان لە عیراق، لە كۆنگرەیەكی رۆژنامەوانییدا ئاماژەی بەوەدا، كۆمیسۆن ئەنجامی بەرایی ھەڵبژاردنەكانی پێشوەختە لە پارێزگاكانی دیالە، دیوانییە، موسەننا، میسان، واست، دھۆك، سەڵاحەددین، كەربەلا، نەجەف و ھەولێر رادەگەیەنێت. جەلیل عەدنان وتیشی: "ئەم ئەنجامە بەراییانە بە داتا لە رێگای گواستنەوەی فلاشمیمۆری و سندوقەكانی دەنگدان، بەدەست بە كۆمیسیۆن گەیشتوون". سەرۆكی كۆمیسیۆنی باڵای سەربەخۆیی ھەڵبژاردنەكان لە عێراق، جەلیل عەدنان باسی لەوەش كرد، ئەو سندوقانەی دەنگدان كە كێشەیان تیایدا روویداوە سبەی سێشەممە، دەگوزارێنەوە نووسینگەی نیشتمانیی. کۆمسیۆنی باڵای هەڵبژاردنەکانی عێراق دەنگ و ژمارەی کورسی لایەنەکانی لە هەڵبژاردنی پێشوەختی پەرلەمانی عێراق لە ژمارەیەک پارێزگا ئاشکرا کرد. لە پارێزگای هەولێر دەنگەکان بەمشێوەیەن نەهرۆ مەحمود (پارتی): 29649 دەنگ محەممەد سدیق- (پارتی): 24128 دەنگ سیپان عەزیز-(پارتی): 25233 دەنگ ئەنجامەکان لە بازنەی دوی پارێزگای هەولێر    وەزیرە ئەحمەد (نەوەی نوێ)  18459 دەنگ خدر عەلی مەنتک (پارتی ) 17992 دەنگ ئامانج مەحمود هەرکی (پارتی ) 15882 دەنگ کوردۆ عومەر (یەکێتی) 13846 دەنگ   بازنەی سێی پارێزگای هەولێر  رێبوار هادی (پارتی – هەولێر): 17202 دەنگ ڤیان عەبدولعەزیز (نەوەی نوێ – هەولێر) 11063 دەنگ لەیلا ئەکرەم سەعید (پارتی – هەولێر) 7078 دەنگ   بازنەی چواری پڕێزگای هەولێر محەممەد ئیسماعیل (نەوەی نوێ) 17913 دەنگ مەریوان قەرەنی (پارتی – هەولێر) 15118 دەنگ سەباح سوبحی (پارتی – هەولێر)   نەهلە قادر (پارتی – هەولێر) 9995 دەنگ بازنەی دوی پارێزگای کەرکوک ئەرشەد رەشاد عەبدوڵا (تورکمان) 19584 دەنگ  گەیلان قادر (هاوپەیمانی کوردستان/یەکێتی)  11232 دەنگ نەجوا حەمید محەمەد (پارتی) 10018  دەنگ  سەوسەن عەبدولواحید (تورکمان) 6542 دەنگ بازنەی سێی کەرکوک: محمەد عەلی محمەد تەمیم 21046 دەنگ راکان سەعید 12890 دەنگ  وەسفی عاسی حسێن  9670 دەنگ بازنەی یەکی پارێزگای کەرکوک شاخەوان عەبدوڵا پارتی: 31548 دەنگ  ئومێد محەممەد، نەوەی نوێ: 19489 دەنگ  دیلان غەفور- هاوپەیمانی کوردستان: 18173 دەنگ  سەباح حەبیب، هاوپەیمانی کوردستان: 13243 دەنگ 

 هاوڵاتى بەرپرسی لیژنەی باڵای هەڵبژاردنی یەکێتی دەڵێت، "یەکێتی ئەنجامی ھەڵبژاردنی لە ھەولێر رەتکردۆتەوە". دەشڵێت، "دەستکاری دەنگەکان کراوەو یەکێتی بەڵگەی ھەیە کە تەزویر لە چەند بازنەیەکدا ئەنجامدراوە". ئەمڕۆ دووشه‌ممه‌ 11ی تشرینی یه‌كه‌می 2021، لە کۆنگرەیەکی رۆژنامەوانیدا، بەرپرسی لیژنەی باڵای هەڵبژاردنی یەکێتی لە هەولێر  وتی،"ئەنجامەکانی هەڵبژاردن لە هەولێر ڕەتدەکەینەوە و ئەنجامەکان دەستکاری کراون و وەک یەکێتی سکاڵامان تۆمارکردووە و چاوەڕوانی ئەنجامی سکاڵاکەین".   ئاماژەی بەوەشکرد، "لە بازنەکانی سنوری پارێزگای هەولێر ئەنجامەکان لە دەرەوە داخڵی ئامێرەکانی دەنگدان کراون و ئەنجامی ڕاستەقینە نین، بۆیە ئێمە ئەو ئەنجامە ڕەتدەکەینەوە". دەربارەی هەبوونی ڕێککەوتن لەنێوان بافڵ تاڵەبانی و پارتی بۆ دەستکاریکردنی دەنگەکان، باسی لەوەکرد، "بەهیچ شێوەیەک ڕێککەوتنی لەوشێوەیە نییە و ئەو دەنگۆیانە دروستکراون".  هاوکات لەبارەی ڕێککەوتنی پارتی و نەوەی نوێ، لیژنەی باڵای هەڵبژاردنی یەکێتی ئەوەی خستەڕوو، "ئەنجامەکانی هەولێر و دهۆک نەک ڕێککەوتنی ناوخۆی لەسەر کراوە، بەڵکو دەستی دەرەکیشی تێدایە".  

  هاوڵاتى بزووتنەوەی گۆڕان ڕایگەیاند:"بە راشكاوی دەڵێین كە پێویستمان بە گۆڕانكاری و بەخۆداچونەوەی ریشەیی بزوتنەوەكە و سیاسەتەكانی ھەیە، چونكە دەنگدەرانمان ھەڵوێستیان وەرگرتوە و زۆرینەیان بایكۆتی ھەڵبژاردنیان كردوە." ئەمڕۆ دووشه‌ممه‌ 11ی تشرینی یه‌كه‌می 2021، خانەی راپەڕاندنی بزووتنەوەی گۆڕان لەبارەی ئەنجامە بەراییەكانی هەڵبژاردنی ئەنجوومەنی نوێنەرانی  عێراق راگەیەندراوێكی بڵاوكردەوە كە تیایدا هاتووە:"‎ئەنجامە بەراییەكانی ھەڵبژاردنی ئەنجومەنی نوێنەرانی عێراق دەری خست؛ كاندیدەكانی بزوتنەوەی گۆڕان دەنگی پێویستیان نەھێناوە و سەرنەكەوتون." ‎ ئاماژەی بەوەشكراوە:"لێرەوە، دوای سوپاس و پێزانینمان بۆ بانگەشەكاران و ھەڵسوڕاوانی دڵسۆز، داوای لێبوردن لە دەنگدەرانی بزوتنەوەی گۆڕان دەكەین و، دان بەوەدا دەنێین كە ھەڵە و كەموكوڕی لە ئێمە بوە كە سەرەڕای هەلومەرجە بابەتیەكان بۆیە متمانەی خەڵكمان بەدەستنەھێناوە. " ‎لەبەشێكی تری راگەیەندراوەكەدا هاتووە:"بە راشكاوی دەڵێین كە پێویستمان بە گۆڕانكاری و بەخۆداچونەوەی ریشەیی بزوتنەوەكە و سیاسەتەكانی ھەیە، چونكە دەنگدەرانمان ھەڵوێستیان وەرگرتوە و زۆرینەیان بایكۆتی ھەڵبژاردنیان كردوە، وەكچۆن زۆرینەی ھاوڵاتیان ھەمان شتیان كردوە." ‎ خانەی راگەیەراندنی گۆڕان لەكۆتایی راگەیەندراوەكەیدا دەڵێت:"ئەم واقعە تاڵەش، پێویستی بە بڕیار و ھەڵگرتنی بەرپرسیارێتیە، ئێمە ئامادەین ئەو بەرپرسیارێتیە لەئەستۆ بگرین و، لە نزیكترین كاتدا گۆڕانكاری ریشەیی دەكەین." دوێنی 10-10-2021 هەڵبژاردنی نوێنەرایەتی عێراق بەرێوەچوو، تائێستا تەنیا ئەنجامە بەوراییەكان راگەیەندراون و بەو پێیە بزوتنەوەی گۆران هیچ كاندیدێكی نەیتوانیوە دەنگی پێویست بەدەست بهێنێت.بەو پێیەی بەر لە مانگێك پێش هەڵبژاردنی پێشوەختەی عێراق یەكێتی و گۆران هاوپەیمانییەتیان راگەیاند و پێكەوە بەناوی هاوپەیمانی كوردستانی بەشداری هەڵبژاردنیان كرد.

    هاوڵاتى پارێزگارى سلێمانى ڕایگەیاند:" بۆ ئێمە سەرکەوتنی پرۆسەکە لەسەرکەوتنی هەرکەس‌و قەوارەیەک گرنگتربوو".دەڵێت:" ئەم هەڵبژاردنە کۆتایی ڕێگا نییە، سەرەتایەکی نوێیە بۆ خەباتێکی مەدەنیی‌و یاساییانەی وەها کە هەنگاو بەرەو حکومەتی هاوڵاتیی‌و دەوڵەت‌و سەروەریی یاسا بەرێت". ئەمڕۆ دووشه‌ممه‌ 11ی تشرینی یه‌كه‌می 2021،  دواى کۆتاییهاتنی پرۆسەی هەڵبژاردن، هەڤاڵ ئەبوبەکر پارێزگاری سلێمانی له‌پەیامێکدا ڕایگه‌یاند، بۆ ئەوان لەدامەزراوەی بەڕێوەبردندا سەرکەوتنی پرۆسەکەو مانادانەوە بەهەڵبژاردنەکان وەک شاڕێی گۆڕانکارییەکان؛ لەسەرکەوتنی هەرکەس‌و قەوارەیەک گرنگتر بوە. ده‌شڵێت:"پیرۆزبایی خۆمان پێشکەشی هەموو ئەو کاندیدو قەوارانە دەکەین کە توانییان لەناو بێمتمانەیی‌و بێباکیی‌و بەشدارینەکردنی ژمارەیەکی هەرەزۆری هاوڵاتیاندا؛ متمانەی بەشێک لەدەنگدەران بەدەستبێنن‌و ڕەوایەتیی نوێنەرایەتیی هەموو خەڵکی کوردستان‌و عێراق بۆ ئەندامێتیی ئەنجومەنی نوێنەرانی عێراق وەربگرن". پارێزگارى سلێمانى ئه‌وه‌شى ڕونكردۆته‌وه‌، "هەموو ئەو کاندیدو قەوارانەشی نەیانتوانی پشکی سەرکەوتن لەکەمترین ڕێژەی بەشداریکردن بەدەستبێنن، لەبەردەم تاقیکردنەوەی سەرکەوتنێکی نوێدا دەبن ئەگەر بتوانن دڵی شکاوو متمانەی لەقکراوو بێخزمەتیی‌و گوێپێنەدانی ناڕازیی‌و دڵسۆزەکانی دوو لەسەر سێی هاوڵاتیانی بەشدارنەبوو لەهەڵبژاردنەکاندا؛ چاکبکەنەوەو ڕاستبکەنەوە". ته‌ئكیدیكردۆته‌وه‌، "بۆ ئێمە لەدامەزراوەی بەڕێوەبردندا سەرکەوتنی پرۆسەکەو مانادانەوە بەهەڵبژاردنەکان وەک شاڕێی گۆڕانکارییەکان؛ لەسەرکەوتنی هەرکەس‌و قەوارەیەک گرنگتربوو، هەر ئەمەشمانکرد کە زەمینەی ئارام‌و هاوسەنگ‌و هاوبەش بۆ هەمولایەک بەبێ جیاوازیی زامنبکەین‌و بانگەشەیەکی ئارام‌و پارێزراوو هەڵبژاردنێکی هێمن‌و مەدەنیانە بەڕێبکەین". جه‌ختده‌كاته‌وه‌، "ئەم هەڵبژاردنە کۆتایی ڕێگا نییە، سەرەتایەکی نوێیە بۆ خەباتێکی مەدەنیی‌و یاساییانەی وەها کە هەنگاو بەرەو حکومەتی هاوڵاتیی‌و دەوڵەت‌و سەروەریی یاسا بەرێت؛ دیارە بۆ ئەو ڕێبوارانەی کە دەتوانن ڕاستگۆیانە ڕێگاکە تەیبکەن".

    هاوڵاتى بەپێی ئەنجامە بەراییەكانی هەڵبژاردن كورد حەوت كورسی لە پارێزگای كەركوك مسۆگەر كردووە، عەرەب سێ كورسی و  توركمان تەنیا دوو كورسی بەدەستهێناوە. ئەمڕۆ دووشه‌ممه‌ 11ی تشرینی یه‌كه‌می 2021، بەپێی ئەنجامە بەراییەكانی هەڵبژاردن كورد شەش كورسی لە پارێزگای كەركوك مسۆگەر كردووە، عەرەب سێ كورسی و  توركمان تەنیا دوو كورسی بەدەستهێناوە. بازنەی یەكەم لەم بازنەیە پێنج كورسی هەیە، هەریەكە لە شاخەوان عەبدوڵا لە پارتی  و ئومێد محەمەد لە نەوەی نوێ كورسی خۆیان مسۆگەر كردووە، لە یەكێتی دیلان غەفور، سدیق عومەر، كورسی پێنجەم لە نێوان كاندیدی سەربەخۆ لە نەتەوەی عەرەب مهیمن حەمدانی و موئەید غازی لە یەكێتی  یەكلایینەبۆتەوە. بازنەی دوو لە بازنەی دوو كە چوار كورسی بۆ دانراوە و دەنگدەرەكانی تێكەڵەیەكن لە عەرەب، كورد و توركمان، ئەرشەد ساڵحی لە بەرەی توركمانی دەنگی یەكەمی بەدەستهێناوە، دوای ئەویش گەیلان قادر لە یەكێتی. كورسی سێیەمیش بۆ عەمار كەهیە یەكلاییبۆتەوە لە نەتەوەی توركمان. هەرچی كۆتای ژنانە، بەپێی سەرچاوەكەی (كەركوك ناو) بۆ نەجوە كاكەیی، كاندیدی پارتی دیموكراتی كوردستان یەكلاییبۆتەوە. بازنەی سێ بازنەی سێی كەركوك كە باشور و باشوری خۆرئاوای پارێزگاكە دەگرێتەوە و سێ كورسی بۆ دانراوە، هەرسێ كورسییەكە بۆ نەتەوەی عەرەب یەكلاییبۆتەوە. لەو بازنەیە راكان سەعید جبوری، پارێزگاری كەركوك بەوەكالەت دەنگی یەكەمی هێناوە، دوای ئەویش محەمەد تەمیم و ساهرە جبوری لە حزبی تەقەدوم، بە سەرۆكایەتی محەمەد حەلبوسی هەردوو كورسییەكەی تریان مسۆگەر كردووە. ئەنجامی كۆتایی بەپێی ئەنجامە بەراییەكان كورد 6 كورسی عەرەب 3 كورسی توركمان 2 كورسی (سوننەیەك و شیعەیەك) كورسییەكی تر لە نێوان كاندیدی سەربەخۆ لە نەتەوەی عەرەب مهیمن حەمدانی و موئەید غازی لە یەكێتیدا هێشتا یەكلایینەبۆتەوە.