- ئەنجوومەنی وەزیرانی هەرێمی کوردستان ئەمڕۆ كۆبونەوەی ئاسایی خۆی ئەنجامدەدات و گفتوگۆ لەبارەی دو پرسەوە دەكرێت. - بریتین لە پڕۆسەی سەرژمێری گشتی دانیشتوان و پێدانی پارە بەشێوەی قیست لەلایەن زیادەڕۆكارانەوە. ئامادەکردنی: هاوڵاتی ئەنجوومەنی وەزیرانی هەرێمی کوردستان بڕیارە ئەمڕۆ كۆبونەوەی ئاسایی خۆی ئەنجامبدات و گفتوگۆ لەبارەی دو پرسەوە دەكرێت كە بریتین لە پڕۆسەی سەرژمێری گشتی دانیشتوان و پێدانی پارە بەشێوەی قیست لەلایەن زیادەڕۆكارانەوە. حكومەتی هەرێم لە بەیاننامەیەكدا بڵاویكردەوە ئەنجومەنی وەزیرانی هەرێمی کوردستان ئەمڕۆ چوارشەممە بە سەرۆكایەتی مەسرور بارزانی كۆببێتەوە و چەند تەوەرێك تاوتوێ دەكات لەوانە خستنەڕوی ڕاپۆرتێکە لەلایەن وەزیری پلاندانان سەبارەت بە بەڕێوەچونی قۆناغی یەکەمی سەرژمێریی گشتیی دانیشتوان كه لە ڕۆژانی 20 بۆ 21 ئەم مانگە لە عێراق و هەرێمی كوردستان به‌ڕێوه‌چو و هه‌روه‌ها قۆناغ و هەنگاوەكانی دیكەی پرۆسەكه ده‌خرێته به‌رباس و گفتوگۆكردن. رونیشیكردەوە تەوەرێكی دیكەی كۆبونەوە بریتیە لە، پرۆژە بڕیارێكی پێشنیازكراو لەلایەن وەزارەتی شارەوانی و گەشتوگوزارەوە ده‌خرێته‌ڕو سەبارەت بە پاژەكردن یان (پێدان بە قیست)ی ئەو بڕە پارەیەی كە لە زیادەڕۆكار وەردەگیرێت كە بە زێدەڕۆیی خانووی نیشتەجێبونی لە سنوری شارەوانییەكان دروست كردوە.
- شەپۆلى بارانبارین تا نێوە شەو لە سەرجەم ناوچەکانى هەرێم بەردەوام بێت. - نمە باران و بەفر بارین بە شێوەى بچڕ بچڕ بەردەوام دەبێت تا سبەى بەیانى ڕۆژى چوارشەممە. ئامادەکردنی: هاوڵاتی بەڕێوەبەرایەتی كەشناسی و بومەلەرزەزانی هەرێم پێشبینیكرد ئەو شەپۆلە باران بارینەى کە ئەم ئێوارەیە دەستى پێکرد، تا نێوە شەو لە سەرجەم ناوچەکانى هەرێم بەردەوام بێت. بەڕێوەبەرایەتیەكە، ئەمشەو لە ڕاگەیەندراوێكدا بڵاویكردەوە، پێشبینى دەکرێت ئەو شەپۆلە باران بارینەى کە ئەم ئێوارەیە دەستى پێکرد لە سەرجەم ناوچەکانى هەرێم بەردەوام بێت بە شێوەى نمە باران و هەندێکات دەگۆڕێت بۆ بارانى مام ناوەند لە ناوچەى جیا جیا تا نێوە شەو. ئاماژەی بەوەشكرد، دوای نیوەشەو شەپۆلەكە لە سەنتەرى شارەکان کۆتایی دێت، بەڵام لە ناوچە شاخاویەکان نمە باران و بەفر بارین بە شێوەى بچڕ بچڕ بەردەوام دەبێت تا سبەى بەیانى ڕۆژى چوارشەممە و دواتر شەپۆلەكە كۆتایی دێت. بڕی بارانى 12 کاتژمێرى ڕابردووى هەندێک لە ناوچەکانى هەرێم: هەولێر 6.6 ملم شەمامک 6.6 ملم خەبات 9.4 ملم پیرمام 9.0 ملم سلێمانى 6.1 ملم چەمچەماڵ 10.2 ملم دهۆک 7.8 ملم زاخۆ 5.8 ملم ئاکرێ 8.4 ملم بامەرنێ 4.6 ملم مانگیش 9.4 ملم بارزان 6.2 ملم بازیان 9.4 ملم دەربەندیخان 1.4 ملم حاجى ئۆمەران 0.8 ملم سۆران 11.0 ملم هەڵەبجە 4.4 ملم هەڵشۆ 12.8 ملم کەلار 0.2 ملم مەیدان 0.4 ملم پێنجوێن 5.0 ملم مێرگەسور 4.2 ملم سیدەکان 6.6 ملم چۆمان 8.4 ملم کەرکووک 2.8 ملم دووز خورماتوو 5.4 ملم
- توانای ح*ز*ب*و*ڵ*ا*ی لوبنانمان بۆ چەندین دەیە گەڕاندوەتەوە دواوە. - ڕێککەوتنی ئاگربەست بەو مانایەیە کە ئێمە لە ئێستاوە سەرنجمان لەسەر هەڕەشەی ئێران دەبێت. - لابردنی هەڕەشەی ئێران لە پێشینەی کارەکانە بۆ دەستەبەرکردنی ئاسایشی ئیسرائیل. بنیامین نەتەنیاهوو سەرۆك وەزیرانی ئیسرائیل ڕایگەیاند تواناكانی حزبوڵای لوبنان و بەرهەمهێنانی موشەک و هەموو سەرکردەکانی و زۆربەی ژێرخانەکانیمان لەناوبرد. بنیامین نەتەنیاهۆ، ئەمشەو لە كۆنگرەیەكی ڕۆژنامەوانیدا ڕایگەیاند توانای حزبوڵای لوبنانمان بۆ چەندین دەیە گەڕاندوەتەوە دواوە و ئەگەر ئەوان ئاگربەستەکە بشکێنن زۆر بەتوندی هێرش دەكەینە سەریان. ئاماژەی بەوەشكرد توانای بەرهەمهێنانی موشەکی حزبوڵامان لەناوبرد، ئیتر ئەوان وەک جاران بەهێز نەماون و هەمو سەرکردەکانی و زۆربەی ژێرخانەکانیشمان لەناوبرد، هەروەها یەکێک لە ئامانجەکانی ئاگربەست جیاکردنەوەی گۆڕەپانەکان و گۆشەگیرکردنی حەماسە و ئەوان دوای ئاگربەست بە تەنیا دەبن. باسی لەوەشكرد ڕێککەوتنی ئاگربەست بەو مانایەیە کە ئێمە لە ئێستاوە سەرنجمان لەسەر هەڕەشەی ئێران دەبێت و بڕیارمداوە هەمو شتێک بکەم بۆ ئەوەی ئێران نەتوانێت چەکی ئەتۆمی بەدەست بهێنێت. ئەوەشی خستەڕو، لابردنی هەڕەشەی ئێران لە پێشینەی کارەکانە بۆ دەستەبەرکردنی ئاسایشی ئیسرائیل، هەروەها ئێمە بەردەوامین لە چارەسەرکردنی مەترسیی فڕۆكە بێفڕۆكەوانەكانی سوریا، بەو كارە بەشار ئەسەدی سەرۆكی ئەو وڵاتە یاری بە ئاگر دەکات. وتيشى: پابەندم بە ئاسایشی خەڵكی وڵاتەكەمەوە، پابەندین بە تەواوکردنی لەناوبردنی تواناکانی حەماس، پابەندین بە نەهێشتنی حەماس لە کەناری ڕۆژئاوا، پابەندین بە گەڕاندنەوەی ئەو بارمتانەی كە لە غەززە ماون، هەروەها هەموو هاوڵاتیانی باکور دەگەڕێنینەوە سەر ماڵ و حاڵی خۆیان.
- توانای ح*ز*ب*و*ڵ*ا*ی لوبنانمان بۆ چەندین دەیە گەڕاندوەتەوە دواوە. - ڕێککەوتنی ئاگربەست بەو مانایەیە کە ئێمە لە ئێستاوە سەرنجمان لەسەر هەڕەشەی ئێران دەبێت. - لابردنی هەڕەشەی ئێران لە پێشینەی کارەکانە بۆ دەستەبەرکردنی ئاسایشی ئیسرائیل. بنیامین نەتەنیاهوو سەرۆك وەزیرانی ئیسرائیل ڕایگەیاند تواناكانی حزبوڵای لوبنان و بەرهەمهێنانی موشەک و هەموو سەرکردەکانی و زۆربەی ژێرخانەکانیمان لەناوبرد. بنیامین نەتەنیاهۆ، ئەمشەو لە كۆنگرەیەكی ڕۆژنامەوانیدا ڕایگەیاند توانای حزبوڵای لوبنانمان بۆ چەندین دەیە گەڕاندوەتەوە دواوە و ئەگەر ئەوان ئاگربەستەکە بشکێنن زۆر بەتوندی هێرش دەكەینە سەریان. ئاماژەی بەوەشكرد توانای بەرهەمهێنانی موشەکی حزبوڵامان لەناوبرد، ئیتر ئەوان وەک جاران بەهێز نەماون و هەمو سەرکردەکانی و زۆربەی ژێرخانەکانیشمان لەناوبرد، هەروەها یەکێک لە ئامانجەکانی ئاگربەست جیاکردنەوەی گۆڕەپانەکان و گۆشەگیرکردنی حەماسە و ئەوان دوای ئاگربەست بە تەنیا دەبن. باسی لەوەشكرد ڕێککەوتنی ئاگربەست بەو مانایەیە کە ئێمە لە ئێستاوە سەرنجمان لەسەر هەڕەشەی ئێران دەبێت و بڕیارمداوە هەمو شتێک بکەم بۆ ئەوەی ئێران نەتوانێت چەکی ئەتۆمی بەدەست بهێنێت. ئەوەشی خستەڕو، لابردنی هەڕەشەی ئێران لە پێشینەی کارەکانە بۆ دەستەبەرکردنی ئاسایشی ئیسرائیل، هەروەها ئێمە بەردەوامین لە چارەسەرکردنی مەترسیی فڕۆكە بێفڕۆكەوانەكانی سوریا، بەو كارە بەشار ئەسەدی سەرۆكی ئەو وڵاتە یاری بە ئاگر دەکات. وتيشى: پابەندم بە ئاسایشی خەڵكی وڵاتەكەمەوە، پابەندین بە تەواوکردنی لەناوبردنی تواناکانی حەماس، پابەندین بە نەهێشتنی حەماس لە کەناری ڕۆژئاوا، پابەندین بە گەڕاندنەوەی ئەو بارمتانەی كە لە غەززە ماون، هەروەها هەموو هاوڵاتیانی باکور دەگەڕێنینەوە سەر ماڵ و حاڵی خۆیان.
- بەغدا ئامادەیە پارەی مووچەی دوو مانگی موچەخۆرانی هەرێم بە تەواوی بنێرێت. - بە ئەگەرێكی زۆریشەوە مووچەی مانگێك پاشەكەوت دەكرێت. بەگوێرەی زانیارییەكان بەغدا ئامادەیە پارەی موچەی دوو مانگی موچەخۆرانی هەرێم بە تەواوی بنێرێت و بە ئەگەرێكی زۆریشەوە موچەی مانگێك پاشەكەوت دەكرێت. سەرچاوەكانی هەواڵ ڕایانگەیاند تاوەكو ئێستا هیچ نوسراوێكی فه‌رمى له وه‌زاره‌تی داراییه‌وه بۆ دابه‌شكردنی موچه نييه، به‌ڵام ئه‌گه‌ری پاشه‌كه‌وتكردنی موچه‌ی یه‌كێك له‌و سێ مانگه‌ی ئه‌مساڵ هه‌یه. وتيشيان: بەغدا باس لەوەدەكات سێ گوژمه پاره دەنێرێت، بۆ هەرمانگێك 760 ملیار دینارە، بەرپرسانی هەرێمیش باس لەوەدەكەن ئەو بڕە بەشی موچە ناكات و دەیانەوێت دو موچە دابەش بكەن و موچەیەك پاشەكەوت بكەن. به‌گوێره‌ی وته‌ی به‌رپرسانی حكومه‌تی هه‌رێمی كوردستان، له ئێستادا بۆ دابه‌شكردنی موچه‌ی هه‌ر مانگێكه پێویستیان به نزیكه‌ی ترلیۆنێك دینار هه‌یه. بەرپرسێك لە گەنجینەكانی پارێزگای سلێمانی باسی لەوەكرد پاشەكەوت ئەگەری بەهێزە و موچەی مانگێگ پاشەكەوت دەكرێت، بەڵام دیار نییە ئەو پاشەكەوتە بۆ موچەی مانگی (تشرینی یەكەم) دەبێت یاخود بۆ موچەی مانگی (كانونی یەكەم) دەبێت، لەهەمو حاڵەتەكیانیشدا موچەی مانگێك پاشەكەوت دەبێت. ئەوەشی خستەڕو، حكومەتی هەرێمی كوردستان تاكو ئێستا هیچ ڕێنمایی و ڕونكردنەوەیەكی لەباریەوە نەداوە و چاوەڕوان دەكەین لە چەند ڕۆژی داهاتودا گفتوگۆكان لەگەڵ بەغدا یەكلایی ببێتەوە و ڕێنمایی پێویست بۆ گەنجینەكان دەربكرێت.
-لێخۆشبوونی 20% قەرزی کارەبا کۆتایی هاتووە. - دەبێت لە ئەنجومەنی وەزیرانەوە بڕیاری نوێ بدرێت لەبارەی تازەکردنەوەی لێخۆشبوونەکە. - لە ئێستادا ئەوانەی قەرزی کارەبایان لایە دەتوانن قەرزەکان بکەنە قیست. دوای کۆتایی هاتنی ئەو وادەیەی ئەنجومەنی وەزیران دیاریکردبوو بۆ لێخۆشبوونی قەرزی کارەبا ئێستا لێخۆشبوونی 20% قەرزی کارەبا کۆتایی هاتووە و هیچ وادەیەکیش دیاری نەکراوە بۆ تازەکردنەوەی. ئومێد ئەحمەد وتەبێژی وەزارەتی کارەبا ڕایگەیاند: لێخۆشبوونی قەرزی کارەبا دوای کۆتایی هاتنی وادەکەی راگیراوە و دەبێت لە ئەنجومەنی وەزیرانەوە بڕیاری نوێ بدرێت لەبارەی تازەکردنەوەی لێخۆشبوونەکە و بۆ ئەوەش ئێمە وەکو وەزارەتی کارەبا پێمان باشە تازە بکرێتەوە و چاوەڕوان دەکەین بزانین ئەنجومەنی وەزیران بڕیاری نوێ دەدات لەوبارەیەوە. باسی لەوەشکرد، لەکاتی بڕیارەکە هەرچەندە دۆخی خەڵک لە رووی داراییەوە رەنگە وەکو پێویست نەبووبێت بەڵام بەدەنگەوە هاتنی باش هەبووە بۆ دانەوەی قەرزەکان. ئەوەشی وت، لە ئێستادا ئەوانەی قەرزی کارەبایان لایە دەتوانن قەرزەکان بکەنە قیست و مانگانە پارەکە بدەنەوە.
.png)
- روسیا رایگەیاند لەچەند رۆژی ڕابردوودا ئۆكرانیا دوو هێرشی كردووەتە سەریان بە مووشەكی ئەتاكمسی ئەمریكی. - مووشەكەكان ئامانجی خۆیان پێكاوە و دوو سەربازی ڕوسی برینداربون و ڕادارێكیشی تێكشكاندووە. ئامادەکردنی: هاوڵاتی ڕوسیا ڕایگەیاند ئۆكرانیا بە مووشەكی ئەمریكی هێرشی كردووەتە سەريان. ئەمڕۆ سێشەممە روسیا رایگەیاند لەچەند رۆژی ڕابردوودا ئۆكرانیا دوو هێرشی كردووەتە سەریان بە مووشەكی ئەتاكمسی ئەمریكی. وەزارەتی بەرگری ڕوسیا لە بەیاننامەیەكدا رونیكردەوە هێزەكانی ئۆكرانیا چەند دامەزراوەیەكیان لە ناوچەی كۆڕسكی ڕوسی سنوری بۆردومان كردووە. وتیشی: مووشەكەكان ئامانجی خۆیان پێكاوە و دوو سەربازی ڕوسی برینداربون و ڕادارێكیشی تێكشكاندووە. پێشتر ڕوسیا هۆشداریدا بە ئۆكرانیا ئەگەر بێتو ئەو مووشەكە ئەمریكیە بەكاربهێنێت لە دژی بەتوندی وەڵامی دەداتەوە
- روسیا رایگەیاند لەچەند رۆژی ڕابردوودا ئۆكرانیا دوو هێرشی كردووەتە سەریان بە مووشەكی ئەتاكمسی ئەمریكی. - مووشەكەكان ئامانجی خۆیان پێكاوە و دوو سەربازی ڕوسی برینداربون و ڕادارێكیشی تێكشكاندووە. ئامادەکردنی: هاوڵاتی ڕوسیا ڕایگەیاند ئۆكرانیا بە مووشەكی ئەمریكی هێرشی كردووەتە سەريان. ئەمڕۆ سێشەممە روسیا رایگەیاند لەچەند رۆژی ڕابردوودا ئۆكرانیا دوو هێرشی كردووەتە سەریان بە مووشەكی ئەتاكمسی ئەمریكی. وەزارەتی بەرگری ڕوسیا لە بەیاننامەیەكدا رونیكردەوە هێزەكانی ئۆكرانیا چەند دامەزراوەیەكیان لە ناوچەی كۆڕسكی ڕوسی سنوری بۆردومان كردووە. وتیشی: مووشەكەكان ئامانجی خۆیان پێكاوە و دوو سەربازی ڕوسی برینداربون و ڕادارێكیشی تێكشكاندووە. پێشتر ڕوسیا هۆشداریدا بە ئۆكرانیا ئەگەر بێتو ئەو مووشەكە ئەمریكیە بەكاربهێنێت لە دژی بەتوندی وەڵامی دەداتەوە
.png)
- رێژەی دانیشتوانی کوردستان لەکۆی گشتیی عێراق دەگاتە 14.028%. - ئەمەش بە واتای زیادبونی پشکی هەرێمە لە بودجەدا. ئامادەکردنی: هاوڵاتی نەبیل مەرسومی شارەزایی ئابوری عێراق ڕایگەیاند، بەگوێرەی ئەنجامەكانی سەرژمێریی گشتی دانیشتوان دەبێت پشكی هەرێمى كوردستان لە بودجەى عێراقدا بەرزببێتەوە. نەبیل مەرسومی ئەمڕۆ سێشەممە لە ڕاگەیەندراوێكدا لە پەڕەی تایبەتی خۆی لە تۆڕی كۆمەڵایەتی فەیسبوك بڵاویكردەوە، بە پشتبەستن بە سەرژمێری گشتی دانیشتوان، ژمارەی دانیشتوانی عێراق گەیشتوەتە 45 ملیۆن و 407 هەزار کەس، بەپێی قسەی وەزیری پلاندانانی کوردستان، ژمارەی دانیشتوانی هەرێمی کوردستان گەیشتوەتە شەش ملیۆن و 370 هەزار کەس. ئاماژەی بەوەشكرد، ئەوە بەو مانایە دێت کە رێژەی دانیشتوانی کوردستان لەکۆی گشتیی عێراق دەگاتە 14.028%، ئەمەش بە واتای زیادبونی پشکی هەرێمە لە بودجەدا. وتيشى: پشكی هەرێم لە یاسایی بودجەدا بە رێژەی 12.67% دیاركرابو، بەڵام سەرژمێریی گشتی دانیشتوان پشکی هەرێم لە بودجە بەرزدەكاتەوە بۆ 14.028%.
-698 خوێندکارى دیکە لە زانکۆ حكومیەکانی هەرێمی كوردستان وەرگیران. - ئەو 698 خوێندکارە بەشێوازى (زانکۆلاین، پارالێل، ئێواران) ناویان لە زانکۆ و پەیمانگەکان هاتووەتەوە. ئامادەکردنی: هاوڵاتی وەزارەتى خوێندنى باڵا و توێژینەوەى زانستى حكومەتی هەرێمی كوردستان ڕایگەیاند لە ئەنجامى پڕکردنەوەى کورسى بەتاڵ، 698 خوێندکارى دیکە، بە هەرسێ شێوازی (زانکۆلاین، پارالێل، ئێواران) لە زانکۆ حكومیەکانی هەرێمی كوردستان وەرگیران. وەزارەتەكە ئەمڕۆ سێشەممە لە ڕاگەیەندراوێكدا بڵاویكردەوە، ئەنجامى پڕکردنەوەى کورسى بەتاڵ، 698 خوێندکاری دیکە لە زانکۆکانى هەرێمى کوردستان وەرگیران. ئاماژەی بەوەشكرد، وەزارەتى خوێندنى باڵا له پێناو ڕەخساندنى دەرفەتی زیاتر بۆ دەرچوانى قۆناغى 12ی ئامادەیى، ئەوانەى ناویان لەهیچ شوێنێک نەهاتبوەوە، دەرگاى پێشکەشکردنى کردەوە و ئەو خوێندكارانە وەرگیران. وتيشى: ئەو 698 خوێندکارە بەشێوازى (زانکۆلاین، پارالێل، ئێواران) ناویان لە زانکۆ و پەیمانگەکان هاتووەتەوە و بەگوێرەی کۆنمرەکانیان بۆ ساڵى خوێندنى 2024-2025 وەرگیران.
- یەكێك لە برا كوردەكان هات بۆ لام و پێی وتم: مەسعود بارزانی ئەیەوێت بتبینێت. - مەسعود بارزانی پێشوازیەكی گەرمی لێكردم و رێزێكی زۆری لێنام. - لێی پرسیم: چیت پێویستە بۆت بكەم؟. ئامادەکردنی: هاوڵاتی جەمال مستەفا زاوا و سكرتێری دووەمی سەدام حسێن سەرۆك كۆماری عێراقی لەسێدارەدراو ئاشكرای كرد كە مەسعود بارزانی سەرۆكی پارتی دیموكراتی كوردستان داوای كردووە بیبینێت و رێزێكی زۆری لێناوە. جەمال مستەفا لە گفتوگۆیەكی تایبەت لەگەڵ رۆژنامەی شەرقولئەوسەت رایگەیاند دوای ئەوەی لە حوزەیرانی 2021 لەزیندانی ئازاد كرام یەكێك لە هاوڕێكانم گەیاندمی تاكو هەولێر و لەویش لە ماڵی براكەم نیشتەجێبوم و میوانێكی زۆر ڕویتێدەكردم. وتیشی: یەكێك لە برا كوردەكان هات بۆ لام كە پەیوەندیەكی وەزشیمان هەبوو پێكەوە، پێی وتم: مەسعود بارزانی ئەیەوێت بتبینێت و بەیانی من دەتبەم بۆ لای. رونیشیكردەوە مەسعود بارزانی پێشوازیەكی گەرمی لێكردم و رێزێكی زۆری لێنام و دانیشتین و قسەمان كرد و سوپاسیم كرد كە دەرگای بۆ هەموو ئاوارە عەرەبەكانی عێراق كردووەتەوە و سوپاسی هەڵوێستی گەورەی نیشتیمانییم كرد و ئەویش لێی پرسیم: چیت پێویستە بۆت بكەم؟، منیش وتم: تەنها پاسپۆرتێك تاكو بگەمە لای خێزانەكەم، پاشان كەسێكی بۆ ناردم و وێنەیان گرتم و پەنجەمۆریان وەرگرتم و چاودێری مامەڵەكەیان كردم لە بەغدا، بەڵام حكومەتی عێراق رەتیكردەوە پاسپۆرتم بۆ دەربكات.
- هەندێك پرسمان هەیە تاكو ئێستا گفتوگۆی لەسەر دەكەین بە تایبەتی پشكی نەوتی هەرێم. - كشانەوەی هێزەكانی هاوپەیمانان بەبێ ئامادەكردنی سوپای عێراق كێشە دروست دەكات. - جیاوازیەكی زۆر لەنێوان ئۆپۆزسیۆنی ئێران و توركیا هەیە. مەسعود بارزانی سەرۆكی پارتی دیموكراتی كوردستان پەیوەندیەكانی نێوان هەرێمی كوردستان و ناوەند لە بەغدا بەباش وەسفكرد. مەسعود بارزانی لە لێدوانێكدا بۆ سكای نیوز رایگەیاند پەیوەندی نێوان هەرێمی كوردستان و ناوەندی بەغدا باشە، بەڵام هەندێك پرسمان هەیە تاكو ئێستا گفتوگۆی لەسەر دەكەین بە تایبەتی پشكی نەوتی هەرێم. وتیشی: سەبارەت بە بارودۆخی ناوخۆیی، رێكخراوی داعش تاكو ئێستا هەڕەشەیەكی جددیە و كشانەوەی هێزەكانی هاوپەیمانان بەبێ ئامادەكردنی سوپای عێراق كێشە دروست دەكات، چونكە عێراق لاوازیەكی راستەقینەی پێوە دیارە لە هێزە ئاسمانیەكانیدا. رونیشیكردەوە پەیوەندی كورد لەگەڵ ئێران و توركیا ئاساییە و لەبەرژەوەندی كورد نیە ئەو پەیوەندیانە تێكبچێت و رێگە بەكەسیش نادەین دەستوەردان لە كاروباری ناوخۆیی كوردستان بكات. باسی لەوەشكرد جیاوازیەكی زۆر لەنێوان ئۆپۆزسیۆنی ئێران و توركیا هەیە، ئۆپۆزسیۆنی ئێران دەست لە كاروباری ناوخۆیی عێراق وەرنادات و گوێڕایەڵی ڕینماییەكانە، بە پێچەوانەی پارتی كرێكارانی كوردستان كە دەستوەردان دەكات و گوێڕایەڵی ڕێنماییەكان نابێت.
- سەرۆکی دادگای باڵای فیدراڵی لەگەڵ شاندێکی فراكسۆنه‌كانی کوردستان تاوتوێی مووچەی فەرمانبەرانی هەرێميان كرد. -ئامادەبووان گفتوگۆیان كرد لەسەر بڕیاری دادگای باڵای فیدراڵی سەبارەت بە مووچەی فەرمانبەرانی هەرێمی کوردستان. دادوەر جاسم محمد عەبود سەرۆکی دادگای باڵای فیدراڵی لەگەڵ شاندێکی فراكسۆنه‌كانی کوردستان تاوتوێی بڕیاری دادگای تایبه‌ت بە مووچەی فەرمانبەرانی هەرێم كرد. ڕاگه‌یاندنی دادگای باڵای فیدراڵی لە بەیاننامەیەکدا ڕایگەیاند سەرۆکی دادگای فیدراڵی لە بارەگای دادگا پێشوازی لە شاخوان عەبدوڵڵا جێگری سەرۆکی ئەنجوومەنی نوێنەران و شاندی یاوەری کرد كه‌پێكهاتبوو له‌مەریوان قەرنی جێگری سەرۆکی فراكسیۆنی پارتی دیموكراتی كوردستان و هه‌رێم كه‌مال سه‌رۆكی فراكسیۆنی یەکێتی نیشتیمانی كوردستان وسروە عەبدولواحید سەرۆکی فراكسیۆنی نەوەی نوێ وجەمال کۆچەر سەرۆکی فراكسیۆنی یەکگرتووی ئیسلامی و سۆران عومەر سەرۆکی فراكسیۆنی كۆمه‌ڵه‌ی دادگه‌ری ئیسلامی. ئاماژەی بەوەشکرد سەرۆکی دادگای باڵای فیدراڵی بەخێرهاتنی شاندەكەی كرد و ستایشی ڕۆڵی یاسادانان و چاودێریکردنی ئەنجومەنی نوێنەرانى کرد. ڕوونیشیکردەوە ئامادەبووان گفتوگۆیان كرد لەسەر بڕیاری دادگای باڵای فیدراڵی ژمارە 224 و ژمارە یەکگرتووەکەی 269/ فیدراڵی/2023، سەبارەت بە مووچەی فەرمانبەرانی هەرێمی کوردستان و وردبینی جێبەجێکردنی ڕێکارەکانی سەبارەت بەم بڕیارە به‌شێوه‌یه‌ك کە خزمەت بە مافی تاکەکان بكات. ئاماژە بەوەشی كرد كه‌ئه‌ندامانی شانده‌كه ستایشی بڕیارە تۆكمه‌كه‌ی دادگایان كرد كه‌پشت به دەستوور ده‌به‌ستێت و جه‌ختیان له‌سه‌ر گرنگی له‌به‌رچاوگرتنی مافی عێراقییەکان بەبێ جیاوازی لە نێو پێکهاتەکانیدا كرده‌وه.
- بارانبارین له‌ناوچه جیاجیاكانی هه‌رێم و به‌فربارین له‌ناوچه شاخاویه‌كان به‌رده‌وام ده‌بێت - پله‌كانی گه‌رماش به‌ڕێژه‌یه‌كی به‌رچاو نزم ده‌بنه‌وه. به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێمى كوردستان پێشبینیكرد ئه‌مڕۆ و سبه‌ینێ بارانبارین له‌ناوچه جیاجیاكانی هه‌رێم و به‌فربارین له‌ناوچه شاخاویه‌كان به‌رده‌وام ده‌بێت و پله‌كانی گه‌رماش به‌ڕێژه‌یه‌كی به‌رچاو نزم ده‌بنه‌وه. به‌ڕێوه‌به‌رایه‌تیەكە له‌ڕاگه‌یه‌ندراوێكدا بڵاویكرده‌وه، ئه‌مڕۆ سێشه‌ممه له‌دوای نیوه‌رۆ ئاسمانی هه‌رێم ده‌گۆرێت بۆ هه‌وری ته‌واو پاشان كاریگه‌ری شه‌پۆڵی باران بارین چالاك ده‌بێته‌وه له‌سه‌رجه‌م ناوچه جیاجیاكان، ماوه‌ی دابارین له‌نێوان كاته‌كانی دوای نیوه‌ڕۆ تاوه‌كو دره‌نگانی شه‌و ده‌بێت، شێوازی دابارین له‌سه‌ر ناوچه شاخاوییه سنورییه‌كان به‌فر ده‌بارێت و له لوتكه‌ی شاخه به‌رزه‌كان به‌فرێكی كه‌م ده‌بێت، سه‌نته‌ری پارێزگاكان و قه‌زاو ناحیه‌كان بارانی مامناوه‌ند و هه‌ندێك كات نمه‌باران ده‌بێت. ئاماژه‌ی به‌وه‌شكردوه، خێرايی با له‌سه‌رخۆ و مامناوه‌ند ده‌بێت له‌نێوان 10-20 كیلۆمه‌تر له‌كاتژمێرێكدا ده‌بێت و هه‌ندێك كات چالاك ده‌بێت بۆ سه‌روی 25 كیلۆمه‌تر له‌كاتژمێرێكدا. ئه‌وه‌شیخستۆته‌ڕو، سبه‌ی چوارشه‌ممه، ئاسمان ساماڵ و سارد ده‌بێت و پله‌كانی گه‌رما نزم ده‌بنه‌وه به‌نزیكه‌ی 2-5 پله، له‌ناوچه شاخاوییه سنورییه‌كان نزیك ده‌بێته‌وه له (سفر)ی پله‌ی سیلیزی وه هه‌ندێك ناوچه بۆ ژێر سفری پله‌ی سیلیزی . به‌رزترین پله‌كانی گه‌رمای پێشبینیكراو به پله‌ی سیلیزی : هه‌ولێر : 13 پله‌ی سیلیزی سلێمانی : 12 پله‌ی سیلیزی دهۆك : 8 پله‌ی سیلیزی كه‌ركوك : 14 پله‌ی سیلیزی هه‌ڵه‌بجه : 13 پله‌ی سیلیزی زاخۆ : 8 پله‌ی سیلیزی حاجی ئۆمه‌ران : 3 پله‌ی سیلیزی سۆران : 12 پله‌ی سیلیزی گه‌رمیان : 18 پله‌ی سیلیزی
- داوا له حكومه‌تی فیدراڵ ده‌كات، ڕێكاری زۆر توندتر بگرنه‌به‌ر بۆ ڕوبه‌ڕوبونه‌وه‌ی ئه‌و تاوانبارانه‌ی كه بازرگانی به ژیانی مرۆڤەوە ده‌كه‌ن. - پێویسته به توندترین شێوه ڕوبه‌ڕوی مافیاكان و بازرگانه‌كانی مادده‌ی هۆشبه‌ر ببینه‌وه و سزای توند بدرێن. - به‌شێوه‌یه‌كی زۆر به‌رفراوان و هه‌مه‌لایه‌نه كار له‌سه‌ر قه‌ڵاچۆكردن و ڕوبه‌ڕوبونه‌وه‌ی ئه‌م كێشه‌یه دەكەین. مه‌سرور بارزانی سه‌رۆكی حكومه‌تی هه‌رێمى كوردستان داوا له حكومه‌تی فیدراڵ ده‌كات، ڕێكاری زۆر توندتر بگرنه‌به‌ر بۆ ڕوبه‌ڕوبونه‌وه‌ی ئه‌و تاوانبارانه‌ی كه بازرگانی به ژیانی مرۆڤەوە ده‌كه‌ن. سه‌رۆكی حكومه‌تی هه‌رێم ئه‌مڕۆ سێشه‌ممه له شاری هه‌ولێر، به‌ردی بناغه‌ی سه‌نته‌ری هۆشیاری و شیاندنه‌وه‌ی ئالووده‌بوانی مادده هۆشبه‌ره‌كانی دانا و له وتارێكدا رایگه‌یاند، به‌ره‌نگاربونه‌وه‌ی مادده هۆشبه‌ره‌كان، پرسێكی زۆر گرنگه به لای حكومه‌تی هه‌رێمی كوردستانه‌وه، بۆیه به‌شێوه‌یه‌كی زۆر به‌رفراوان و هه‌مه‌لایه‌نه كار له‌سه‌ر قه‌ڵاچۆكردن و ڕوبه‌ڕوبونه‌وه‌ی ئه‌م كێشه‌یه ده‌كات كه هه‌ڕه‌شه‌یه‌كی مه‌ترسیداره بۆ سه‌ر كۆمه‌ڵگه‌كه‌مان و زیانی هه‌مه‌لایه‌نه‌ی ته‌ندروستی و كۆمه‌ڵایه‌تی و ئابوری و ئه‌منی له هه‌مو بواره‌كانی ژیانمان ده‌دات و هۆیه‌كی سه‌ره‌كیی لاوازكردنی گه‌نج و لاوه‌كانمان و سه‌رمایه‌ی مرۆییشمانه، بۆیه ئێمه به هه‌مو شێوه‌یه‌ك كار بۆ ڕێگه‌گرتن له زیاتر ته‌شه‌نه‌كردنی ئه‌م هه‌ڕه‌شه گه‌وره‌یه ده‌كه‌ین. ئاماژه‌ی به‌وه‌شكرد حكومه‌تی هه‌رێم لیژنه‌یه‌كی باڵای بۆ به‌ره‌نگاربونه‌وه‌ی مادده هۆشبه‌ره‌كان پێكهێناوه كه ژماره‌یه‌ك له وه‌زاره‌ت و داموده‌زگا په‌یوه‌ندیداره‌كان تێیدا به‌شدارن، هه‌روه‌ها سندوقێكیش بۆ په‌ره‌پێدان و شیاندنه‌وه و چاره‌سه‌ریی توشبوان و ئالووده‌بوانی مادده‌ی هۆشبه‌ر دروستكراوه و دروستكردنی ئه‌م سه‌نته‌ره‌ش، به‌شێكه له هه‌وڵه‌كانمان بۆ یارمه‌تیدانی توشبوان و ئالوده‌بوان و هاوكاریكردنیان بۆ دوباره شیاندنه‌وه‌یان و گه‌ڕاندنه‌وه‌یان بۆ ژیانی ئاسایی. ئه‌وه‌شیخسته‌ڕو خاڵێكی گرنگ هه‌یه كه له بابه‌تی به‌ره‌نگاربونه‌وه‌ی مادده هۆشبه‌ره‌كان پێویسته باسی بكه‌ین و هه‌میشه له‌به‌رچاوی بگرین، ئه‌ویش ئه‌وه‌یه، كه ئێمه له كاتێكدا پێویسته به توندترین شێوه ڕوبه‌ڕوی مافیاكان و بازرگانه‌كانی مادده‌ی هۆشبه‌ر ببینه‌وه و سزای توند بدرێن، به‌ڵام ده‌بێت جیاوازی بكه‌ین له نێوان ئه‌و بازرگانه تاوانبارانه و ئه‌وانه‌ی به هه‌ر هۆیه‌كه‌وه، به‌داخه‌وه ده‌بنه قوربانی و ئاڵووده‌ی مادده هۆشبه‌ره‌كان ده‌كرێن. وتيشى: زۆر به‌داخه‌وه ئێستا ئه‌م دیارده‌یه زۆر زیادی كردوه و ئێمه ڕۆژانه ده‌بینین كه هه‌ڵمه‌تی ده‌ستگیركردنی كۆمه‌ڵێك بازرگان بڵاو ده‌كرێنه‌وه له ده‌زگاكانی ڕاگه‌یاندن، ڕاسته ده‌ستگیركردنی ئه‌مانه زۆر جێی ده‌ستخۆشییه، به‌ڵام له دڵه‌وه زۆر نیگه‌رانین كه ده‌بینین ئه‌م دیارده‌یه به شێوه‌یه‌ك ته‌شه‌نه‌ی كردوه كه بوه‌ته هه‌واڵی ڕۆژانه. ئه‌وه‌شی راگه‌یاند، داوا له حكومه‌تی فیدراڵ ده‌كه‌م كه ڕێكاری زۆر زۆر توندتر بگرنه‌به‌ر بۆ ڕوبه‌ڕوبونه‌وه‌ی ئه‌و تاوانبارانه‌ی كه بازرگانی به ژیانی ئینسان ده‌كه‌ن، به ژیانی خه‌ڵك ده‌كه‌ن، وا ده‌كه‌ن دایك له منداڵی خۆی بێبه‌ش بێ، منداڵ له نازی دایك بێبه‌ش بێت، باوك له كوڕ دور بخرێته‌وه، هاوسه‌ره‌كان له یه‌ك جیا بكرێنه‌وه، ئه‌مه گه‌وره‌ترین تاوانه كه تاوانبارێك ده‌توانێت به‌رامبه‌ر به كۆمه‌ڵگه‌كه‌ی بكات، بۆیه پێویسته هه‌مومان له ڕێگه‌ی په‌رله‌مان و یاسادانان، له ڕێگه‌ی توندتركردنی ڕێكاره یاساییه‌كان، ڕوبه‌ڕوبونه‌وه‌ی ئه‌م دیارده ترسناكه هه‌رچی پێویسته بكه‌ین، تاكو بتوانین كۆمه‌ڵگه‌ی خۆمان له‌م دیارده مه‌ترسیداره، پاك بكه‌ینه‌وه. ئه‌وه‌شی رونكرده‌وه، "داوام وایه هیچ پاساوێك نه‌مێنێ، نه پێگه‌ی سیاسی، نه ده‌سه‌ڵات، نه هێز، هیچ شتێك نه‌بێته پاساو بۆ ئه‌وه‌ی چاوپۆشی له‌و بازرگانانه بكرێن كه له ژێر هه‌ر ناوێك، ئێستا وایانكردوه خه‌ڵكێكی بێتاوان، ببنه قوربانیی یه‌كه‌می ئه‌م مه‌ترسییه. ئه‌وه‌ی له‌سه‌ر حكومه‌تی هه‌رێمه پێویسته ، ده‌یكات بۆ ڕوبه‌ڕوبونه‌وه، له لایه‌كی تریشه‌وه پێویسته هه‌مو هه‌وڵێك بده‌ین له‌گه‌ڵ ده‌زگا په‌یوه‌ندیداره‌كان، ڕێكخراوه نێوده‌وڵه‌تییه‌كان، وه‌زاره‌تی ته‌ندروستی، په‌روه‌رده و لایه‌نه په‌یوه‌ندیداره‌كانی تر، تاكو ئه‌م جۆره سه‌نته‌رانه په‌ره پێ بده‌ین و ئاماده‌كاری بكه‌ین بۆ جیاكردنه‌وه‌ی تاوانباران و بازرگانان له‌وانه‌ی كه توشبون و به‌داخه‌وه بونه‌ته قوربانیی ئه‌م دیارده‌یه.
