ناسنامەی ٥٤ کوژراوی کورد لە خۆپیشاندانەکانی ئێران ئاشکرا بوو

وەزارەتی دارایی و ئابووریی حکوومەتی هەرێمی کوردستان، لە ڕاگەیەندراوێکدا وەڵامێکی توندی قسەکانی سەرۆکی دەستەی دەروازە سنوورییەکانی عێراق دەداتەوە و ڕایدەگەیەنێت، هۆکاری کەمبوونەوەی داهاتی دەروازەکانی عێراق بۆ "گەندەڵی و دەستتێوەردانی میلیشیاکان" دەگەڕێتەوە، نەک هەرێمی کوردستان. ئەم وەڵامەی وەزارەتی دارایی دوای ئەوە دێت کە ڕۆژی 11ـی ئەم مانگە، لە دانیشتنێکی ئەنجوومەنی نوێنەرانی عێراقدا، عومەر وائیلی، سەرۆکی دەستەی دەروازە سنوورییەکانی عێراق میوانداری کرابوو، بەگوێرەی ڕاگەیەندراوەکەی وەزارەتی دارایی، ناوبراو "بەبێ ئامادەبوونی نوێنەری حکوومەتى هەرێم و دوور لە هەموو عورفێکی یاسایی، هۆکاری کەمیی داهاتی دەروازەکانی عێراقی خستووەتە ئەستۆی هەرێم و ژمارەیەک تۆمەتی بێ بنەمای ئاراستە کردووە". هۆکارە ڕاستەقینەکانی دابەزینی داهاتی عێراق وەزارەتی دارایی بە چەند خاڵێک وەڵامی تۆمەتەکان دەداتەوە و ئاشکرای دەکات کە ئەگەر داهاتی دەروازەکانی عێراق کەمی کردبێت، هۆکارەکەی بۆ ئەمانە دەگەڕێتەوە: 1-گەندەڵی ئیداری و دارایی و نەبوونی دەسەڵاتی حکوومەت  بەسەر بەشێک لە دەروازەکاندا. 2- دەستتێکەڵکردن لەگەڵ قاچاخچی و سەرۆک هۆزەکان بۆ هێنانەناوەوەی کاڵا بەبێ گومرگ. 3- وەرگرتنی بەرتیل و گەندەڵی ڕێکخراو لەژێر ناوی "تەرکیات" بۆ بارهەڵگرەکان. 4-بەرزکردنەوەی لەناکاو و بەرچاوی باج لەسەر کاڵاکان (زیاتر لە 30 هێندە)، کە بووەتە هۆی گۆڕینی ڕێڕەوی بازرگانی. تۆمەتی قاچاخچێتی و خاڵە گومرگییە نایاساییەکان سەبارەت بە تۆمەتی هێنانەناوەوەی کاڵای قەدەغەکراو، وەزارەتەکە ڕەتیدەکاتەوە و دەڵێت: "پێچەوانەکەی ڕاستە، چەندین کاڵا لە هەرێم قەدەغەن کەچی لە دەروازەکانی عێراقەوە بە قاچاخ دەهێنرێنە نێو هەرێم". هەروەها وەزارەتی دارایی ڕەخنە لە دانانی خاڵە گومرگییەکانی (ئەلسەد، چیمەن و دارەمان) دەگرێت لە نێوان شارەکانی عێراق و هەرێم و بە "نایاسایی و سەرچاوەی گەندەڵی و بەرتیل" ناویان دەبات، کە بوونەتە هۆی دووجار باج وەرگرتن لە بازرگانان، شتێک کە لە هیچ یاسایەکی دنیادا بوونی نییە. مووچە و نەوت  لە بەشێکی دیکەی وەڵامەکەدا، وەزارەتی دارایی وەڵامی قسەکانی وائیلی دەداتەوە سەبارەت بە مووچە و نەوتی بەسڕە و دەڵێت: "ناردنی پشکی هەرێم دەستوورییە و خێر نییە، دەوڵەتی عێراق لەسەر نەوتی کەرکووک و کوردستان دامەزراوە کاتێک نەوتی بەسڕە بوونی نەبوو، بۆیە دەبێت عێراق قەرەبووی تاوانەکانی ڕژێمەکانی پێشوو بەرامبەر کورد بکاتەوە نەک (منەت) بەسەردا بکات". وەزارەتەکە وەبیر عێراقی دەهێنێتەوە کە لە شەڕی داعش و سەردەمی کۆرۆنا مووچەی خەڵکی کوردستانیان بڕیوە، لەکاتێکدا "لە کۆی 94 ترلیۆن دیناری پشکی هەرێم لە 7 ساڵی ڕابردوودا، تەنها 33 ترلیۆن نێردراوە". دزی سەدە و هەڕەشەی یاسایی لە کۆتایی ڕاگەیەندراوەکە، وەزارەتی دارایی دەپرسێت: "ئەگەر دابەزینی داهات لە ئەستۆی هەرێمە، ئەی کێ بەرپرسە لە دزی سەدە و دەستکاریکردنی سندوقی چاودێری کۆمەڵایەتی؟". وەزارەتەکە ئامادەیی خۆی بۆ وردبینی و شەفافیەت دووپات دەکاتەوە و هۆشداریش دەدات کە مافی خۆیانە ڕێکاری یاسایی بەرامبەر هەر بەرپرسێک بگرنەبەر کە تۆمەتی بێ بنەما ئاراستەی هەرێمی کوردستان بکات.

هێزەکانی سووریای دیموکرات 'هەسەدە' هۆشداری دەدات لەوەی کە پەرەسەندنی گرژییەکان و هێرشی گرووپەکانی سەر بە دیمەشق، مەترسی بۆ سەر ئاسایشی زیندانەکانی داعش دروست کردووە. ناوەندی ڕاگەیاندنی هێزەکانی سووریای دیموکرات، ئەمڕۆ پێنجشەممە، 15ـی کانوونی دووەمی 2026، لە ڕاگەیەندراوێکدا هۆشداری دا، بەهۆی ئەم دۆخە ئەمنیی و هێرش و کۆکردنەوەی هێز لەلایەن گرووپەکانی سەر بە دیمەشقـەوە بۆ سەر ناوچەکانی باکوور و ڕۆژهەڵاتی سووریا دروست بووە، جموجۆڵی شانەکانی داعش دەستی پێکردووەتەوە. ئاماژەی بەوەشکردووە، "شانە تیرۆریستییەکانی داعش هەوڵ دەدەن ئەم ئاڵۆزی و گرژییە سەربازییانە بقۆزنەوە بۆ ئەنجامدانی هێرش بۆ سەر ئەو زیندانانەی کە چەکدارەکانیانی تێدایە." سەبارەت بە دۆخی ئێستای زیندانەکان، هەسەدە دڵنیایی داوە کە هێزەکانیان لە ئامادەباشی و وریایی تەواودان و سەرجەم ڕێوشوێنە پێویستەکانیان گرتووەتەبەر، جەختیشیان کردووەتەوە،"ئێستا زیندانەکان ئارامن و لەژێر کۆنتڕۆڵی تەواودان و ڕێگە بە هیچ پێشێلکارییەکی ئەمنی نادرێت." لە کۆتایی ڕاگەیەندراوەکەدا، هەسەدە هۆشدارییەکی توندی داوە لەوەی کە بەردەوامی ئەم گرژییە سەربازییانە دەبێتە هۆی تێکدانی سەقامگیری گشتی و دروستبوونی مەترسی ڕاستەقینە لەسەر زیندانەکان، ئەمەش هەڕەشەی گەڕانەوەی ناوچەکە دەکات بۆ خاڵی سفر دوای ساڵانێک لە قوربانیدان بۆ لەناوبردنی تیرۆر.

پێشنيوه‌ڕۆى ئه‌مڕۆ پێنجشه‌ممه‌ 2026/1/15 به‌ڕێز نێچيرڤان بارزانى، سه‌رۆكى هه‌رێمى كوردستان، پێشوازیى له‌ ده‌سته‌ى به‌ڕێوه‌به‌رى كۆمه‌ڵه‌ى ئامه‌دسپۆر كرد. له‌ ديدارێكدا ده‌سته‌ى به‌ڕێوه‌به‌رى ئامه‌دسپۆر ئامانجى سه‌ردانه‌كه‌يان بۆ هه‌رێمى كوردستان خسته‌ ڕوو كه‌ بۆ پته‌وكردنى په‌يوه‌ندييه‌كانى كۆمه‌ڵه‌كه‌يانه‌ له‌گەڵ لايه‌نه‌ په‌يوه‌نديداره‌كانى بوارى وه‌رزش و ڕێكخراوه‌ مه‌ده‌نييه‌كان له‌ هه‌رێمى كوردستان. هه‌روه‌ها پوخته‌يه‌كيان له‌سه‌ر مێژووى دامه‌زراندن و كار و چالاكييه‌كانى ئامه‌دسپۆر و په‌يامى كۆمه‌ڵه‌كه‌يان خسته‌ ڕوو كه‌ په‌يامى ئاشتى و برايه‌تييه‌. لاى خۆيه‌وه‌ سه‌رۆك نێچيرڤان بارزانى ده‌ستخۆشیى له‌ ئامه‌دسپۆر كرد و هه‌موو پشتگيرييه‌كى بۆ سه‌رخستنى كار و چالاكييه‌كانيان نيشان دا. به‌ڕێزيان هه‌روه‌ها جه‌ختى له‌ گرنگيى وه‌رزش كرده‌وه‌ وه‌ك كه‌ناڵێك بۆ گه‌ياندنى په‌يامى ئاشتى و برايه‌تى و كاركردن له‌پێناو پێشخستنى گيانى وه‌رزشى و هاوكارى و پره‌نسيپه‌ مرۆييیه‌كاندا.

وەزیری سامانە سروشتییەکانی حکومەتی هەرێمی کوردستان بۆ ئاڤا ئاشکرای کرد لە ساڵی ڕابردوودا 22 ملیۆن بەرمیل نەوت لە ڕێگەی سۆمۆوە هەناردەکراوە و ڕۆژانە 250 بۆ 270 هەزار بەرمیل ڕەوانە دەکرێت، لەو ڕێژەیە 50 هەزار بەرمیلی بۆ بەکاربردنی ناوخۆی هەرێمی کوردستانە. کەمال محەممەد، وەزیری سامانە سرووشتییەکانی کوردستان بە وەکالەت، بە ئاڤای ڕاگەیاند، ڕێککەوتنی سێقۆڵی هەناردەکردنەوەی نەوتی هەرێمی کوردستان، بۆ مانگی سێی ئەمساڵ درێژکراوەتەوە و لە ماوەی ڕابردوو و ئیستاش حکومەتی هەرێمی کوردستان پابەندی تەواوی ڕێککەوتنەکە بووە، بەڵام لەبەرامبەردا حکومەتی فیدراڵی عێراق، پابەندی ڕێککەوتنەکە نییە، ئەمەش وایکردووە مووچەی مووچەخۆرانی هەرێمی کوردستان دوابکەوێت. ئاماژەی بەوەشکرد، دەبێت لەمەودوا لە حکومەتی فیدڕاڵ بوودجە بنێرێت نەک مووچە، ئەو مووچەیەی بۆ مووچەخۆرانی هەرێمی کوردستان دەنێرێت 58%ـی  داهاتی نەوتی و نانەوتی هەرێمی کوردستانە.

کەشى پێشبینیکراوى 48 کاتژمێرى داهاتوو ئەمڕۆ پێنچ شەممە    15-01-2026 کەش /  ئاسمان پەڵە هەور بۆ نیمچە هەور دەبێت لە ناوچە شاخاوییەکان ئەگەری بارینی کەمێک نمە باران هەیە لە ناوچە سنورییەکان ئەگەری بارینی کەمێک بەفر بارین هەیە .  خێراى با / لەسەرخۆ  ( 5– 10 ) کم/ک.  ئاراستەی با / باکوورى ڕۆژئاوا دەبێت  مەوداى بینین / ( 8  – 10 )کم دەبێت  پلەکانی گەرما /  نزیک دەبێتەوە لە تۆمارەکانی دوێنێ  هەولێر : 8 پلەی سیلیزی  پیرمام : 3 پلەی سیلیزی سۆران : 5 پلەی سیلیزی  حاجی ئۆمەران : 1 پلەی سیلیزی  سلێمانی : 5  پلەی سیلیزی چەمچەماڵ : 6  پلەی سیلیزی هەڵەبجە : 5 پلەی سیلیزی  دهۆک :  7 پلەی سیلیزی زاخۆ : 7 پلەی سیلیزی  ئاکرێ : 6 پلەی سیلیزی سبەى هەینی  ‌ 16-01-2026 کەش/ ئاسمان ساماڵ و پەڵە هەور دەبێت . خێراى با / لەسەرخۆ  ( 5– 10 ) کم/ک.  ئاراستەی با / باکوورى ڕۆژئاوا دەبێت  پلەکانی گەرما/ نزیک دەبێتەوە لە تۆمارکراوەکانی ئەمرۆ مەوداى بینین / لە نێوان 8 – 10 کم.  بەرزترین پلەکانی گەرمای پێشبینیکراو بە پلەی سیلیزی هەولێر : 9 پلەی سیلیزی پیرمام : 3 پلەی سیلیزی سۆران : 5 پلەی سیلیزی   حاجی ئۆمەران : 0 پلەی سیلیزی سلێمانی : 6 پلەی سیلیزی چەمچەماڵ: 7 پلەی سیلیزی  هەڵەبجە : 5 پلەی سیلیزی دهۆک : 7 پلەی سیلیزی زاخۆ: 8  پلەی سیلیزی ئاکرێ: 7 پلەی سیلیزی

ئیلهام ئەحمەد، هاوسەرۆكی پەیوەندییەكانی دەرەوەی ئیدارەی خۆسەر دەڵێت: دۆخەكە زۆر سەخت و مەترسیدارە، تائێستا هەموو بەڵێنانەی شام بە كۆمەڵگەی  نێودەڵەتی و ئەو شاندانەی داوە سەردان دەكەن، تەنها لە چوارچێوەی بەڵێندا ماوەتەوە، ئەوەی دەیكەن پێچەوانەی بەڵێنەكانیانەو كۆمەڵگەی خۆیان قڕ دەكەن. ئیلهام ئەحمەد لە پەیامێكدا دەڵێت: تەنها لە خێزانەكەی من لە شێخ مەقسود (7) كەس گیانی لە دەستداوە، كە لەناو پاسێكدا بوون و درۆنێك لێیداون و گیانیان لەدەستداوە، ماڵی خەڵكی تاڵان دەكەن، جیهان بێدەنگە لە ئاستی ئەو تاوانانەی بەرامبەر بە ژنە شەڕڤانەكان دەكرێت كە جیهان قەرزاری ئەوانە.  ئاماژە بەوەشدەكات: جیهان تائێستا هەڵوێستێكی روونی بەرامبەر ئەو داعشانەو بەرامبەر ئەو تاوانانەى ئەنجامدەدرێن، ئەگەر ئەمڕۆ هەڵوێستێكی توندیان بەرامبەر نەگیرێتەبەر ئەو شەڕ بۆ دەرەوە پەلدەكێشێت، جارێكی بیری توندڕەوی پەلدەكێشێتەوە بۆ وڵاتانی دەرەوە.

د. عەلی قەرەداغی، سەرۆکى یەكێـتی جیهانی زانایانی موسڵمان داوایەکی بەپەلە لە لایەنەکانی سوریا دەکات و دەڵێت: کوشتنی موسڵمانان حەرامکراوە.   د. عەلی محێدین قەرەداغی، سەرۆکی یەکێتیی جیهانیی زانایانی موسڵمان  بانگەوازێکی ئاڕاستەی هەموو لایەنە ناکۆکەکانی سوریا کرد بۆ ڕاگرتنی شەڕ و گەڕانەوە بۆ مێزی گفتوگۆ لەپێناو چارەسەرکردنی کێشەکان. "بانگەوازێک بۆ ڕاگرتنی شەڕ و خوێنڕشتن و چارەسەرکردنی کێشەکان لە ڕێگەی گفتوگۆوە بە ناوی خۆمەوە داوا لە هەموو لایەنەکانی سوریا دەکەم: تکایە شەڕ و کوشتار وەلابنێن، خوێنڕشتن ڕاگرن، لە پێناو ئاشتەوایی گشتگیر و بونیادنانی سوریایەکی نوێ، هەروەها پابەندبوون بەو ڕێککەوتننامەیەی لە نێوان حکومەت و (هەسەدە) واژۆکراوە، و پەلەکردن لە جێبەجێکردنی بڕگەکانی بە نیازێکی پاک و لە چوارچێوەی سوریایەکی یەکگرتوو، کە مافە ڕەواکانی گەلی کوردی تێدا دەستەبەرکرابێت. ئەمە ئەرکێکی شەرعییە، هەروەک چۆن ئەرکێکی نیشتمانی و مرۆییشە، چونکە ئاشتەوایی خێرە، بەڵکو فەتحێکی ڕوون و مایەی خێر و بەرەکەتە بۆ گەلی سوریا. جەنگ و کوشتار لە نێوان موسڵماناندا فیتنەیەکە شوێنەواری مەترسیداری هەیە، و هەمووی شەڕە و هەرگیز خێری تێدا نییە، ئەزموونە مێژووییەکانیش ئەو ڕاستییە دەسەلمێنن؛ هەر بۆیە قورئانی پیرۆز جەختی لەسەر حەرامکردن و بە تاوانکردنی کوشتنی موسڵمانان کردووەتەوە و خودای گەورە دەفەرموێت: { وَمَن يَقْتُلْ مُؤْمِنًا مُّتَعَمِّدًا فَجَزَا ؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا } (النساء: 93). بەڵکو خودای گەورە کوشتنی یەک مرۆڤی بە ناحەق وەک کوشتنی هەموو خەڵکی جیهان داناوە؛ وەک دەفەرموێت: { أَنَّهُ مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا } (المائدة: 32). بەجێهێنانی ئەرکی ئایینی و نیشتمانی وادەخوازێت کە کێشەکان لە ڕێگەی دیالۆگی بونیادنەر و نیازێکی پاک و ڕاستگۆیانە چارەسەر بکەن بۆ گەیشتن بە ئاشتەوایی گشتگیر و سڕینەوەی ئەو ستەم و کێشانەی کە ڕژێمی ستەمکاریی لەناوچووی پێشوو جێیهێشتوون. هەروەها داوایان لێدەکەم کاروانی برایەتی، ئاوەدانکردنەوە، زانست و شارستانییەت سەرڕێبکەن لە پێناو بونیادنانی سیستەمێکی نوێ کە مافی هەمووان بپارێزێت و جێگەی هەمووانی تێدا ببێتەوە، تاوەکو سوریا ببێتە نموونەیەکی ڕاستەقینەی گەشەسەندووی، وەک خودای گەورە دەفەرموێت: { وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ  وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ } (التوبة: 105). لە کۆتاییدا دەمەوێت ئەوە ڕوون بکەمەوە کە شانازیی ئەوەم پێبڕاوه هەر لە سەرەتای شۆڕشەوە بە هەموو توانامەوە پشتیوانی و پاڵپشتی گەلی سوریا بکەم. هەروەک لە ڕێگەی "ڕێکخراوی ڕابیتەی مرۆیی" کە لە هەرێمی کوردستانی عێراق دامانمەزراندووە، بە شێوەیەکی کارا بەشداربووین لە هاوکاریکردنی خوشک و برایانی ئاوارەی سوریا لە هەرێمی کوردستان و لە ناوخۆی سوریاشدا، کە قوربانیی تاوانەکانی ڕژێمی ستەمکاری پێشوو بوون. هەروەها ئەو زانکۆیەی کە دامانمەزراندووە [زانکۆی گەشەپێدانی مرۆیی لە هەرێمی کوردستانی عێراق] سەدان خوێندکاری کوردی سوریای بۆ خوێندن وەرگرتووە بە خۆڕایی و بێ بەرامبەر، ئەم پڕۆژەیە تا ئێستاش بەردەوامە. لە لایەکی ترەوە هەوڵێکی زۆرم داوە بۆ ئاشتەوایی و نزیککردنەوەی لایەنەکان و هێشتاش بەردەوامم. هەروەها داوا لە دڵسۆزان و چاکەخوازان دەکەم ئەوەی لە توانایاندایە بیکەن بۆ وازهێنان لە شەڕ و گەڕانەوە بۆ ڕێککەوتنه واژۆکراوەکە و تەواوکردنی، داواکارین لە خودا تێیدا سەرکەوتوومان بکات و شتێک ڕوونەدات ئێمە و هەموو خۆشەویست و دڵسۆزێک خەمبار بکات... ئامین. ڕایدەگەیەنم کە ئەم بانگەوازەم ئاڕاستەی هەردوو لایەنەکە کردووە، و هیوا و گومانێکی زۆرم هەیە کە بە دەم ئەم داواکارییە وە بێن. هەروەها ئامادەیی خۆم نیشان دەدەم بۆ خستنەگەڕی هەوڵی زیاتر لەپێناو ڕاگرتنی شەڕ و بەشداریکردن لە بەدیهێنانی ئاشتەوایی و جێبەجێکردنی ڕێککەوتنەکە. پڕۆفیسۆر دکتۆر عەلی محێدین قەرەداغی 14 / 1 / 2026"

یاریدەدەری سەرۆکی حکوومەتی هەرێمی کوردستان ئاشکرای دەکات، لە سێ مانگی کۆتایی ساڵی 2025دا نزیکەی 20 ملیۆن بەرمیل نەوتیان ڕادەستی بەغدا کردووە، هەروەها لە ساڵی 2025دا دەبوو زیاتر لە 12 ترلیۆن دینار بۆ هەرێم بنێردرێت، بەڵام بەغدا تەنیا 10 ترلیۆنی ناردووە، هاوکات پەسەندکردنی بودجەی سێ ساڵەی عێراق بە بڕیارێکی هەڵە وەسف دەکات و ڕایدەگەیەنێت، چوارشەممە 14ی کانوونی دووەمی 2026، ڕێباز حەملان، یاریدەدەری سەرۆکی حکوومەتی هەرێمی کوردستان مێوانی گەشتی هەواڵەکانی کوردستان24 بوو و گوتی: پەسەند کردنی بودجەی سێ ساڵ لەلایەن حکوومەتی سوودانییەوە، دەرەنجامێکی زۆر خراپی بۆ هەرێمی کوردستان هەبوو و بڕیارێکی هەڵە بوو. کێشەی ئێمە لەگەڵ حکوومەتی فیدراڵ لەسەر مووچە نییە، بەڵکوو لەسەر بودجەیە، ئەگەر بەدواداچوونێک بۆ چەند ساڵی ڕابردوو بکەین، دەزانین کە برە پارەیەکی زۆری حکوومەتی هەرێمی کوردستان دەکەوێتە لای حکوومەتی فیدراڵییەوە، بەتایبەت لە بودجەی وەبەرهێنان. یاریدەدەری سەرۆکی حکوومەتی هەرێمی کوردستان گوتیشی: یەک نەبوونی لایەنە سیاسییەکانی هەرێمی کوردستان وای کردووە لە بەرانبەر عێراق لاواز بێت و بەو شێوەیە مامەڵەمان لەگەڵ بکرێت. لە ساڵی 2023 بەغدا تەنیا چوار ترلیۆن و 698 ملیار دینار دیناری بۆ مووچەخۆرانی هەرێمی کوردستان ناردبوو، کە دەکاتە نزیکەی پێنج مووچە، واتە سێ مووچە نەنێردراوە، لە ساڵی 2024 لە 10 ترلیۆن و 709 ملیار دینار، 10 ترلیۆن و 26 ملیاران بۆ مووچە خەرج کرد، کە لێرە دەکاتە نزیکەی مووچەی دوو مانگ نەنێردرا، هاوکات لە ساڵی 2025 حکوومەتی فیدراڵ دوو مووچەی مووچەخۆرانی هەرێمی کوردستان نەنێردراوە. سەبارەت بەو لێدوانانەی کە دەڵێن لە ساڵی 2025 زۆرترین پارە بۆ هەرێمی کوردستان نێردراوە، ڕێباز حەملان گوتی: دەبووایە لە ساڵی 2025، بڕی 12 ترلیۆن و 471 ملیار دینار لەلاین حکوومەتی فیدراڵەوە بۆ هەرێم بنێردرابا، بەڵام لەو بڕە تەنیا 10 ترلیۆن و 413 ملیار دینار نێردراوە، هاوکات تەنیا لەو ساڵە حکوومەتی هەرێمی کوردستان 919 ملیار و 346 ملیۆن دینار لە داهاتی نانەوتی بۆ بەغدا ناردووە. ڕێباز حەملان، یاریدەدەری سەرۆکی حکوومەتی هەرێمی کوردستان باسی لەوەش کرد، چونکە ئەوان دوو مووچەیان نەناردووە، ئێمەش نزیکەی 240 ملیار دینارمان نەناردووە. ڕێباز حەملان ڕاشیگەیاند، ئەگەر داهاتی ناوخۆی حکوومەتی هەرێمی کوردستان مانگانە 200 ملیار دینار و 120 ملیار دینار بۆ بەغدا بنێردرێت، ئەوا تەنیا 80 ملیار دەمێنێتەوە، کە دەکاتە 50 ملیۆن دۆلار، کە بە هیچ شێوەیەک ناکرێت حکوومەتێک بە چوار پارێزگا و شەش ملیۆن هاووڵاتی ئەوا داهاتەکەی بێت. هاوکات سەبارەت بە هەناردەکردنی نەوت بۆ بەغدا، ئاماژەی دا، لە 27ی ئەیلوولی 2025، تاوەکوو 31ی کانوونی یەکەم، 19 ملیۆن و 594 هەزار بەرمیل نەوت بۆ بەغدا نێردراوە و داهاتەکەی هەموو چووتە سەر هەژماری وەزارەتی دارایی عێراق، بەمەش مووچەی فەرمانبەرانی هەرێمی کوردستان بە ڕێژەی %70 لەلایەن خۆمانەوە دابین دەکرێت.

ئاژانسی هەواڵی "رۆیتەرز" لە زاری سێ سەرچاوەی ئاگادارەوە بڵاویكردووەتەوە: گرووپە چەکدارە جوداخوازە کوردییەکان هەوڵیانداوە لە عێراقەوە سنور ببەزێنن بۆ ناو ئێران، لە ئاماژەیەكدا بۆ هەوڵی لایەنە بیانیەكان كە رەنگە بە دوای قۆستنەوەی  ناڕەزایەتییەکانی ئێراندابن، ئەوەش دواى چەند ڕۆژێک لە سەرکوتکردنی خۆپیشاندانەكان دژی تاران. ئەو سێ سەرچاوەیه كە لەنێویاندا بەرپرسێکی باڵای ئێرانی هەیە،  رایانگەیاندووه: دەزگای هەواڵگری تورکیا له چەند رۆژی رابردوودا سوپای پاسدارانی ئێرانی لەبارەی ئەو سنور بەزاندنه لەلایەن چەکداره کوردەكانەوە ئاگادار کردووەتەوه . بەرپرسەكەی  ئێران وتویەتی: روبەڕوبونەوەی چەكداری لەنێوان سوپای پاسداران و چەکداره کوردەكان روویداوە، كە بەوتەی ئەو هەوڵ دەدەن نا ئارامی دروست بکەن و ناڕەزایەتییەکان بقۆزنەوه. سوپای پاسداران هێزێکی دەستەبژێرە کە شەپۆلەکانی پێشوی نائارامییەکانی ئێرانی سەرکوت کردووە. رێکخراوی هەواڵگریی نیشتمانیی تورکیا (میت) هیچ لێدوانێکی لەو بارەیەوە نەدا، هەروەها سەرۆکایەتی کۆماری تورکیاش لە ئەنكەرە هیچ لێدوانێکی نەدا، تورکیا کە چەکدارە کوردەکان لە باکووری عێراق بە تیرۆریست دەزانێ، لە چەند رۆژی رابردوودا هۆشداری دا هەر دەستێوەردانێکی دەرەکی لە ئێران قەیرانەکانی ناوچەکە بەرەو هەڵکشان دەبات. ئەو بەرپرسه ئێرانییه رایگەیاندووە: ئەو چەکدارانه له عێراق و تورکیاوه رەوانه کراون، تاران داوای لەو وڵاتانه کردووه رێگە لە هاتنی چەكداران و چەك بۆ ئێران بگرن. گروپێكی مافی مرۆڤ رایدەگەیەنێت، لە هەڵمەتەكانی سەركوتكردنی  چەند رۆژی رابردووی ئێران دوو هەزارو 600 کەس کوژراون، کە لەلایەن ئەمریکاوە هاندەدرێن و هەڕەشەی دەستوەردانیش دەكات.

نێچیرڤان بارزانی، سەرۆکی هەرێمی کوردستان پێشوازی لە پاتریک دۆڕێل، باڵیۆزی فەرەنسا لە عێراق و شاندێکی یاوەری کرد؛ نێچیرڤان بارزانی لەبارەی رەوشی سووریا گوتی، "هەرێمی کوردستان هەموو پشتگیرییەک لە مافەکانی گەلی کورد و هەموو پێکهاتەکان لە سووریا دەکات".  کۆبوونەوەکە ئەمڕۆ چوارشەممە بوو، سەرۆکایەتیی هەرێمی کوردستاند دەڵێت، لە کۆبوونەوەکەدا هەردوولا هیوایان خواست رێکارەکانی هەڵبژاردنی سەرۆککۆمار و دەستنیشانکردنی سەرۆکوەزیرانی عێراق لە وادەی یاسایی خۆیاندا بەڕێوەبچن و حکومەتێک پێکبێت کە وەڵامدەرەوەی چاوەڕوانییەکانی هاووڵاتییان و ئاڵنگارییەکان بێت. هەروەها جەختیان لە گرنگیی پەلەکردن لە پێکهێنانی کابینەی نوێی حکومەتی هەرێمی کوردستان کردەوە. نێچیرڤان بارزانی و پاتریک دۆڕێل نیگەرانییان دەربارەی دۆخی ئاڵۆزی ناوچەکە دەربڕی و هاوڕابوون لەسەر گرنگیی پاراستنی ئارامی و سەقامگیری و چارەسەرکردنی کێشەکان بە دیالۆگ و رێگە دیپلۆماسییەکان. دووپاتیان کردەوە کە گرژییەکان و رووبەڕووبوونه‌وه‌ی سەربازی، ئاڵۆزییەکانی ناوچەکە زیاتر دەکەن. سەبارەت بە پێشهاتەکانی سووریا، سەرۆکی هەرێمی کوردستان دووپاتی کردەوە کە هەرێمی کوردستان هەموو پشتگیرییەک لە مافەکانی گەلی کورد و هەموو پێکهاتەکان لە سووریا دەکات. نێچیرڤان بارزانی گوتی: "هەر لە سەرەتای رووداوەکانی حەلەبەوە، لەگەڵ هەموو لایەنەکان لە هەوڵدا بووین بۆ راگرتنی شەڕ و پاراستنی سەقامگیری، لە هەوڵەکانمان بۆ هێورکردنەوە بەردەوامین." لای خۆیەوە، باڵیۆزی فەرەنسا وێڕای دووپاتکردنەوەی پشتگیریی وڵاتەکەی بۆ عێراق و هەرێمی کوردستان، ستایشی هەوڵەکانی نێچیرڤان بارزانی لەپێناو ئارامی و سەقامگیریدان کرد. پڕۆسەی ئاشتی لە تورکیا و چەند پرسێکی دیکەی جێی بایەخی هەردوولا، تەوەرێکی دیکەی کۆبوونەوەکە بوو.

هێزەکانی سوریای دیموکرات 'هەسەدە' لە راگەیەنراوێکدا بڵاویکردەوە، لە بەرەبەیانی ئەمڕۆوە، ناوچەکانی دێر حافر، مەسکەنە و بەنداوی تشرین، لەلایەن چەکدارانی دیمەشق و بەفڕۆکەی بێفڕۆکەوانی تورکی بۆردومان دەکرێت، ئەمەش مەترسییەکی زۆری لەسەر ئاسایشی مەدەنی و دامەزراوە گرنگەکانی ناوچەکە دروستکردووە. ناوەندی راگەیاندنی هێزەكانی سوریای دیموكرات لە بەیاننامەیەكدا: 🔹لە بەرەبەیانی ئەمڕۆوە، ناوچەکانی دێرحافرو مەسکەنەو بەنداوی تشرین هەڵکشانی سەربازيی بەردەوام بەخۆوە دەبینن. 🔹دوژمنكارییەكی چڕ لەلایەن گروپەكانی سەر بە دیمەشقەوە هاوشانی هەڵکشانی هێرشی فڕۆکە بێفڕۆکەوانەکانی تورکیا بەردەوامە. 🔹لە کاتژمێرەکانی سەرەتای بەیانیدا، گروپەكانی دیمەشق چەندین جار هێرشیان کردە سەر دەوروبەری بەنداوی تیشرین و بە بەکارهێنانی فڕۆکەی بێفڕۆکەوانی خۆکوژ و تۆپخانە و هاوەن. 🔹ژمارەی هێرشەکان 12 كردنە ئامانجی تێپەڕاندووە، گوندەکانی ئەلمەحشیەو شێخ حەسەن و گوندی قشلە کردووەتە ئامانج، تۆپبارانی دەوروبەری بەنداوەکەش تا کاتی بڵاوبونەوەی ئەم راپۆرتە بەردەوامە. 🔹گروپەکانی سەر بە دیمەشق بە ئامانجگرتنی ژێرخان و دامەزراوە خزمەتگوزارییەکانيان لە شارۆچکەی دێرحافر چڕكردووەتەوە.  🔹بارەگای پۆستەخانەی دێرحافر بە تۆپخانەو فڕۆکەی بێفڕۆکەوانی خۆکوژ بۆردومان کرا. 🔹فڕۆکەیەکی بێفڕۆکەوانی خۆکوژی نانەواخانەی دێرحافری کردە ئامانج و کارەکانی پەکخست و مەترسی راستەوخۆی بۆ سەر ئاسایشی خۆراکی دانیشتووان دروستکرد. 🔹هێزەکانمان هەوڵێکی دزەکردنیان لە لایەن گروپەكانی سەربە دیمەشق لەمیحوەری گوندی زوبەیدە لە گوندەواری باشوری دێرحەفەر بەرپەرچ دایەوە.  🔹هەوڵەکە شکستی هێنا و هێرشبەرەکان ناچاربوون هەڵبێن، سەرەڕای ئەوەی بە پشتیوانی فڕۆکەی بێفڕۆکەوان و بەکارهێنانی دۆشکەدا ئەنجامدرا. 🔹هاوتەریب ناوچەکە شایەتی چالاکیی چڕو پڕی فڕۆکە بێفڕۆکەوانەکانی بایراکتەری تورکیا بوو.  🔹فڕۆکەیەکی بێفڕۆکەوانی تورکیا پێگەیەکی سەربازیی سەر بە هێزەکانمانی لە شاری مەسکەنە کردە ئامانج، بەبێ ئەوەی هیچ زیانێکی گیانی لێبکەوێتەوە.  🔹ئەمە دووەم هێرشی لەو جۆرە بوو لەو رۆژەدا، پێگەیەکی دیکەش گوندی ئەلبوعاسی، لە گوندەواری تەبقە، کرایە ئامانج. 🔹فڕۆکە بێفڕۆکەوانەکانی تورکیا بەردەوام بوون لە کردنە ئامانجی شاری مەسکەنە بۆ چوارەم جار لە سەرەتای دەستپێکردنی هەڵکشانەكانەوە، ئەمەش ئاماژەیەکی روونە بۆ زیادبوونی خێرایی هێرشە ئاسمانییەکان لە ناوچەکەدا.

بەشی پێشبینی بەڕێوەبەرایەتی گشتیی کەشناسی و بوومەلەرزەزانی هەرێمی کوردستان، پێشبینی کەشوهەوای ئەمڕۆ چوارشەممە و پێنجشەممەی بڵاو کردەوە و ئەگەری بەفر و باران بارین هەیەو لە ئێوارەدا کاریگەری ئەم شەپۆڵە کۆتای دێت و لە شەودا ئەگەری دروست بوونی تەم هەیە. . ئەمڕۆ چوارشەممە، 14ی کانوومی دووەمی 2026، بەڕێوەبەرایەتی گشتیی کەشناسی و بوومەلەرزەزانی هەرێمی کوردستان، پێشبینی کەشوهەوای 48 کاژێری داهاتووی بڵاو کردەوە تێیدا هاتووە؛ کاریگەری شەپۆڵی باران بارین و بەفر بارین لەسەر ناوچە جیا جیاکانی هەرێم بەردەوامی دەبێت تا کاتەکانی دوای نیوەرۆ، نمە باران لەسەر ناوچەی جیا جیا دەبێت و ئەگەری بەفر بارین لە سەنتەری پارێزگای سلێمانی و دهۆک هەیە بە تێکەڵی لەگەڵ باران." پیشبینی کەشوهەوای ئەمڕۆ چوارشەممە: خێراى با: لەسەرخۆ ( 5– 15 ) کم/ک.  ئاراستەی با: باشوورى ڕۆژهەڵات مەوداى بینین: (7 – 9 )کم دەبێت  پلەکانی گەرما: نزم دەبێتەوە بە (3 - 5) پلەی سیلیزی بەراورد بە دوێنێ  بەرزترین پلەی گەرمی پێشبینی کراوی ئەمڕۆ بە پلەی سیلیزی؛ هەولێر : 8 پلەی سیلیزی  پیرمام : 4 پلەی سیلیزی سۆران : 2 پلەی سیلیزی  حاجی ئۆمەران : 1- پلەی سیلیزی  سلێمانی : 6  پلەی سیلیزی چەمچەماڵ : 7  پلەی سیلیزی هەڵەبجە : 6 پلەی سیلیزی  دهۆک : 6 پلەی سیلیزی زاخۆ : 6 پلەی سیلیزی  ئاکرێ : 6 پلەی سیلیزی بە گوێرەی ڕاپۆرتەکەی بەڕێوەبەرایەتی گشتیی کەشناسی و بوومەلەرزەزانی هەرێمی کوردستان، سبەى پێنچ شەممە ‌15ی کانوونی دووەمی 2026، لە کاتەکانی بەیانی ئاسمان نیمچە هەور دەبێت، لەگەڵ نمە بارانێکی کەم لەسەر ناوچە شاخاوییەکان و لە ناوچە سنووریەکان بەفرێکی کەم دەبێت، لە دوای نیوەرۆ ئاسمان بۆ ساماڵ و پەڵە هەور دەگۆرێت. پیشبینی کەشوهەوای ڕۆژی پێنجشەممە: خێراى با: لەسەرخۆ ( 10 –5 ) کم/ک . ئاراستەی با: باشوورى ڕۆژهەڵات پلەکانی گەرما: نزیک دەبێتەوە لە تۆمارکراوەکانی ئەمرۆ مەوداى بینین: 7– 8 کم.  بەرزترین پلەی گەرمی پێشبینی کراوی سبەی بە پلەی سیلیزی؛ هەولێر : 8 پلەی سیلیزی پیرمام : 5 پلەی سیلیزی سۆران : 2 پلەی سیلیزی   حاجی ئۆمەران : 0 پلەی سیلیزی سلێمانی : 6 پلەی سیلیزی چەمچەماڵ: 7 پلەی سیلیزی  هەڵەبجە : 6 پلەی سیلیزی دهۆک : 6 پلەی سیلیزی زاخۆ: 6  پلەی سیلیزی ئاکرێ: 6 پلەی سیلیزی

پرۆسەی وردبینیکردنی کردن لە کاندیدەکان بۆ پۆستی سەرۆککۆماری داهاتووی عێراق لە پەرلەمان گەیشتووەتە قۆناغەکانی کۆتایی لە ماوەی 48 کاتژمێری داهاتوو ناو کاندیدە پەسەندکراوەکان بڵاودەکاتەوە. کێبڕکێی کاندیدەکانی پۆستی سەرۆککۆمار لە قۆناغەکانی کۆتاییە، بەپێی زانیارییەکانی ئاڤا، لە کۆی 81 کاندید تا ئێستا 23 کاندید ماون، تەنیا نۆیان کوردن. سەرچاوەیەكی بەرپرس لە پەرلەمانی عێراق، بە ئاڤا میدیای وت: "پرۆسەی وردبینکردنی ناوی کاندیدانی سەرۆککۆمار لەلایەنە پەیوەندارەکان گەڕاوەتەوە فەرمانگەی یاسایی پەرلەمانی عێراق و لە کۆی 81 کاندید 23 کاندید ماون کە 12یان جێگرکراون." ٠ نۆ کورد و 11 کاندیدی  دیکە، لێکۆڵینەوەیان لەبارەوە دەکرێت، بەشێک لەم 11ـیە کوردن، ئێستا پەرلەمان عێراق، چاوەڕێی گەڕانەوەی بڕوانامەکانیان لە وەزارەتی خوێندنی باڵا دەکات. ئەو نۆ کاندیدە کوردەی خۆیان بۆ پۆستی سەرۆککۆماری عێراق کاندید کردووە، ئەمانەن: ٠ نەوزاد هادی، کاندیدی پارتی دیموکراتی کوردستان.  ٠ فوئاد حوسێن، کاندیدی پارتی دیموکراتی کوردستان. ٠ نزار ئامێدی، کاندیدی یەکێتی نیشتمانی کوردستان. ٠ لەتیف ڕەشید، سەر بە یەکێتی نیشتمانیی کوردستان. ٠ موسەننا ئەمین، کاندیدی یەکگرتووی ئیسلامیی کوردستان. ٠ سەردار عەبدوڵڵا، سەربەخۆ. ٠ شوان داوودی، سەربەخۆ. ٠ عەبدوڵڵا عالیەوایی، سەربەخۆ. ٠ حوسێن تەها حەسەن سنجاری، سەربەخۆ.  دوورخستنەوەی کاندیدەکان بۆ چەند هۆکارێک دەگەڕێتەوە وەکو؛ نەبوونی ئەزموونی سیاسی، دەستپاکی و نەبوونی بڕوانامە، هاوکات بەشێکیان بەر ڕێکارەکانی دەستەی لێپرسینەوە و دادپەروەری کەوتوون کە پەیوەستە بە ڕیشەكێشكردنی بەرپرس و ئەندامانی حیزبی بەعس. تەواوی پرۆسەی وردبینیکردن لەلایەن لیژنەی تایبەتمەندی پەرلەمانەوە تەواو دەکرێن، دواتر بە فەرمی ناوی کاندیدەکان ڕادەگەیێنرێت، کاندیدە دوورخراوەکانیش ماوەی سێ ڕۆژیان لە بەردەمە بۆ ئەوەی لە دادگای فیدراڵ سکاڵا تۆمار بکەن. دادگا، لە ماوەی سێ ڕۆژ وەڵامی سکاڵاکان دەداتەوە، دواتر پەرلەمانیش لە ماوەی سێ ڕۆژ لیستی کۆتایی کاندیدە پەسەند کراوەکان ڕادەستی سەرۆکایەتیی پەرلەمان دەکات، پێویستە لە 29 مانگ هەڵبژاردن بۆ پۆستی سەرۆککۆمار بکرێت و پڕۆسەکە کۆتایی بێت، ئینجا پڕۆسەی هەڵبژاردن بۆ سەرۆکوەزیران عێراق دەست پێ دەکات. 

ئەنجوومەنی وەزیرانی هەرێمی کوردستان بڕیاریدا داوای 7 مووچەی نەدراوی فەرمانبەرانی و بودجەی ئەم ساڵیش لە عێراق بکات؛ هاوکات رێژەی 14٪ بۆ پشکی هەرێمی کوردستان لە بودجەدا بکرێتە بنەما. کۆبوونەوەی ئەمڕۆی ئەنجوومەنی وەزیرانی هەرێمی کوردستان کۆتاییهات و ژمارەیەک بڕیاری دا؛ کە وێنەیەکی سەنگەر عەبدولڕەحمان، بێژەری نیوڕۆژی تۆڕی میدیایی رووداو کەوتووە. ئەنجوومەنی وەزیران بڕیاریدا، دانەوەی 7 مووچەی نەدراوی ساڵانی رابردوو، بودجە بۆ یەک ساڵ و رێژەی 14٪ بکرێتە بنەما بۆ پشکی هەرێمی کوردستان لە بودجەی عێراق دا. هاوکات لە بڕیارەکانی دیکەی ئەنجوومەنەکەدا هاتووە، کە گفتوگۆی هەرێمی کوردستان لەسەر بودجە دەبێت نەک مووچە؛ جگە لەوەی گفتوگۆ لەسەر بەشەبودجەی فیدراڵی هەرێمی کوردستانیش بکرێت. ئەنجوومەنی وەزیرانی هەرێمی کوردستان بڕیاری ئەوەیشی داوە کە داوا لە عێراق بکات، لە بودجەی ساڵی 2026دا، مافی هەرێمی کوردستان لە دامەزراندن دیاری بکرێت؛ رێککەوتن بۆ هەناردەکردنی نەوت لە دوای مانگی 3 درێژ بکرێتەوە. لە کۆبوونەوەکەی ئەمڕۆدا، گفتوگۆ لەبارەی زیادکردنی داهاتی وەزارەتەکان کرا؛ هاوکات وەزارەتەکان راپۆرت لەسەر داهاتیان دەدەنە ئەنجوومەنی وەزیران. ئەمە لەکاتێکدایە کە بڕیارە شاندێکی حکومەتی هەرێمی کوردستان، بۆ گفتوگۆ لەسەر بودجەی ساڵی 2026 بچێتە بەغدا.

بەرپرسی پەیوەندییەکانی دەرەوەی بەڕێوەبەرایەتیی خۆسەری باکوور و ڕۆژهەڵاتی سووریا، ئاماژە بەوە دەکات، هیچ کەسێک بە تەنیا خاوەنی سووریا نییە، بەڵکوو هەموو نەتەوە و پێکهاتەکان دەبێت بە ئاشتیانە تێیدا بژین. ئەمڕۆ سێشەممە، 13ـی کانوونی دووەمی 2026، لە کۆنگرەیەکی ڕۆژنامەوانیدا  ڕایگەیاند: ئیلهام ئەحمەد، بەرپرسی پەیوەندییەکانی دەرەوەی بەڕێوەبەرایەتیی خۆسەری باکوور و ڕۆژهەڵاتی سووریا، ڕایگەیاند: پێویستە گرەنتی ژیان هەبێت، پێویستە چارەسەرێکی سیاسی سووریا بۆ بارودۆخی بکرێت و هەڵوێستێکی جیددی لەلایەن دەسەڵاتدارانی سووریاوە هەبێت بۆ چارەسەرکردنی کێشەکان، پێویستە ئیرادە هەبێت هەموو پێکهاتە و نەتەوە جیاوازەکانی سووریا بەیەکەوە بژین، چونکە تەنیا ئەوان لە سووریا ناژین، بەڵکوو سووریا لە ژمارەیەک نەتەوە و پێکهاتەی جیاواز پێکهاتووە. ئیلهام ئەحمەد، گوتیشی: قسە تەنیا بەس نییە، کە دەگوترێت، کورد خۆشەویستی ئێمەنە، بەڵکوو دەبێت لە کردەوەکانیان ڕەنگبداتەوە، هەروەها فشارێکی نێودەوڵەتیی هەبێت بۆ ڕاگرتنی هێرشەکان لەلایەن سوپای عەرەبی سووریاوە، ئێمە هەمیشە ئامادەییمان نیشانداوە بۆ گفتوگۆ، بەڵام جەخت لە ڕاگرتنی هێرشەکان دەکەینەوە. هەروەها ئاماژەی بەوە داوە، حکوومەتی دیمەشق ئەوەی لە ڕاگەیاندەکان باسی دەکات، تەنیا چەواشەکارییە، چونکە لە ڕاستیدا هیچ یەکێک لە بەڵێن و کردارەکانی جێبەجێ ناکات، کۆمەڵگەی نێودەوڵەتیی و وڵاتانی ڕۆژئاوا بەرانبەر بە هێرشەکانی سوپای عەرەبی سووریا بێدەنگ و بێ هەڵویستن، ئەمەش کارێکی هەڵەیە. داوا دەکەین دۆناڵد ترەمپ، سەرۆکی ئەمەریکا دەستپێشخەریی بکات و ئاشتی لە ناوچەکە بەرقەرار بێت، بەڵام دوای کوژرانی سەدان هاووڵاتی کورد و دواتر داوای ئاشتی بکرێت ئەوکات شتێک بەناوی ئاشتی نامێنیت، پرسی کورد بەمشێوەیە چارەسەر ناکرێت. رۆژی سێشەممە، 6ـی کانوونی دووەمی 2026، سوپای عەرەبیی سووریا، بە پشتیوانی گرووپە چەکدارەکانی ئەبو حەمشە و حەمزات، دوای ئاڵۆزییەکانی هەشتی ئەم مانگە، لە 10ـی مانگەوە بە زیاتر لە 40 هەزار چەکدار و چەکی قورسەوە هێرشیان کردە سەر هەردوو گەڕەکە کورنشینەکەی حەلەب، دوای پێنج ڕۆژ لە شەڕ و پێکدادانی نێوان هێزەکانی ئاسایشی هەسەدە و سوپای عەرەبیی سووریا، هەردوو گەڕەکە کەوتنە دەستی هێزەکانی سووریا.