هاوڵاتی پارێزگاری سلێمانی له‌روونكردنه‌وه‌یه‌كدا ئاماژه بۆ ئه‌وه‌ده‌كات، ئێمه؛ نه خه‌مڵاندنمان كردووه، نه تاپۆمانكردووه، ته‌نها یاساییانه‌و كارگێڕییانه؛ وه‌ڵامی پرسیاری لیژنه‌ی باڵای ته‌ملیككردنی خانووه حكومییه‌كانمان داوه‌ته‌وه. هه‌ڤاڵ ئه‌بو به‌كر پارێزگاری سلێمانی ئه‌وه‌شده‌خاته‌ڕوو، له‌م ماوه‌یه‌دا یه‌ك، دوو؛ په‌رله‌مانتاری په‌رله‌مانی كوردستان و ئه‌نجومه‌نی نوێنه‌رانی عیراق، بێبه‌ڵگه‌و ناڕه‌وایانه، ده‌یانه‌وێت پارێزگاری سلێمانی ئێستا، كه ته‌نها پارێزگاری كوردستان و عیراقه له‌ڕێی ده‌نگی ڕه‌وای خه‌ڵكه‌وه هه‌ڵبژێردراوه‌و؛ كار بۆ خزمه‌ت، نه‌ك ده‌سكه‌وت، بۆ حكومه‌تی هاووڵاتیی، نه‌ك حیزبیی؛ ده‌كات، له‌به‌رده‌م ڕای گشتیدا بئاڵێننه ئه‌و كاره نایاسایی و ناكارگێڕیی و ناڕه‌واو چه‌ته‌گه‌رییانه‌ی، كه وڵاته‌كه‌ی تێدا نغرۆكراوه، هه‌موو هاووڵاتیانی خۆشه‌ویست دڵنیاده‌كه‌ینه‌وه، كه ئێمه دورین و دورده‌بین له هه‌ر كارێكی نایاسایی و هه‌ر به‌رژه‌وه‌ندییه‌كی تایبه‌تیی و حیزبیی و، هه‌ر زیادكردنێكی شاراوه‌و ئاشكرای بازرگانیكردن به: داوا ڕه‌واكانی خه‌ڵك و ده‌نگ و ڕه‌نگ و سه‌نگ و خوێن و ئیراده‌و تێكۆشان و هه‌ڵوێست و بڕیاریانه‌وه. ئه‌وه‌شی نه‌شاردوه‌ته‌وه ، كه له هه‌وڵێكی تری له‌م جۆره‌دا، پارێزگاری سلێمانی ئێستا تاوانبارده‌كه‌ن به؛ تاپۆكردنی موڵكێكی پارێزگای سلێمانی، له‌سه‌ر به‌ڕێز (ره‌وف مه‌لیك موزه‌فه‌ر)، لێره‌وه به‌هه‌موو لایه‌كی ڕاده‌گه‌یه‌نین: 1) ئه‌م موڵكه؛ له پاشماوه‌ی خانووی ئه‌منه‌كانی سه‌رده‌می ڕژێمی ڕوخاو بووه، كه له ڕاپه‌ڕینه‌وه كه‌وتنه ده‌ست خه‌ڵكی تێكۆشه‌رو ڕاپه‌ڕیوی سلێمانی، ناوبراو تیایدا نیشته‌جێ بووه‌و دواتر ئه‌م موڵكه له ١٤ی شوباتی ٢٠١٠دا، تۆماركراوه به‌ناوی پارێزگای سلێمانییه‌وه، به‌پێی بڕیاری ژماره (١٩٦)ی ڕۆژی ١٤ی شوباتی ٢٠١٠ ی ده‌سته‌ی چاره‌سه‌ركردنی كێشه‌ی موڵكداریی خانووبه‌ره‌وه. له (30/8/2010)وه به‌ڕه‌سمیی داوا له پارێزگاری ئه‌وكاته‌ی سلێمانی كراوه، كه ئه‌م موڵكه به‌كرێ ته‌رخان بكات بۆ نیشته‌جێی خانووه‌كه به‌ڕێز (ملازمی یه‌ك/ ره‌وف مه‌لیك موزه‌فه‌ر) تا به‌پێی ڕێنمایی ژماره (5224) له (26/3/2008)دا كرێی مانگانه‌ی لێوه‌ربگیرێت. پارێزگاری ئه‌وكاته‌ی سلێمانی به فه‌رمانی كارگێڕییان به ژماره (28/1/4118) له (14/2/2011)دا فه‌رمانی ته‌رخانكردنی به‌كرێ؛ داوه. 2) ئه‌م هاووڵاتییه وه‌ك هه‌ر هاووڵاتییه‌كی نیشته‌جێی خانوو و موڵكه حكومییه‌كان، هه‌وڵی به‌رده‌وامی داوه بۆ تاپۆكردنی ئه‌م موڵكه له‌سه‌رخۆی و هه‌موو ڕێكارێكی یاسایی و كارگێڕیی گرتۆته‌به‌ر و دۆسیه‌یه‌كی زیاترله (600) لاپه‌ڕه‌یی ئه‌م بابه‌ته له به‌شی موڵكایه‌تیی پارێزگامان پارێزراوه، له‌گه‌ڵ ئه‌وه‌ی نه خۆی و نه خێزانی سودمه‌ند نه‌بوون له وه‌رگرتنی هیچ موڵكێكی نیشته‌جێبوون، به‌ڵام هه‌میشه داواكه له‌لایه‌ن پارێزگامان و به‌ڕێوه‌به‌رێتیی خانووبه‌ره‌ی میری سلێمانییه‌وه ڕه‌تكراوه‌ته‌وه، چونكه خاوه‌ندارێتییه‌كه‌ی له (2010)وه خراوه‌ته سه‌ر پارێزگامان. 3) بۆ جاری كۆتایی ئه‌م داوایه خراوه‌ته به‌رده‌م لیژنه‌ی باڵای ته‌ملیككردنی خانووه حكومییه‌كانی حكومه‌تی هه‌رێمی كوردستان، كه به‌ڕێز وه‌زیری دارایی سه‌رۆكایه‌تیی ده‌كات به ئه‌ندامێتیی هه‌ریه‌ك له به‌ڕێوه‌به‌ره گشتییه‌كانی تۆماركردنی خانووبه‌ره، باجه‌كان و خانووبه‌ره‌ی میری، كارگێڕی و خۆیه‌تیی وه‌زاره‌تی ناوخۆ، به نوسراویان ژماره (5053)ی (8/12/2020) وه‌ك هه‌موو ئه‌وشوێنانه‌ی ئه‌م نووسراوه‌یان بۆ ڕۆشتووه، داوایان لێكردووین ئایا ناوبراوی ناو ئه‌م نوسراوه‌و نیشته‌جێی ئه‌م موڵكه، یان خێزانه‌كه‌ی سودمه‌ندبوون له وه‌رگرتنی موڵكی حكومیی یان نا؟ ئێمه‌یش نووسراومان كردووه بۆ هه‌موو فه‌رمانگاو یه‌كه كارگێڕییه په‌یوه‌ندیداره‌كانی سنوری پارێزگای سلێمانی و به‌نوسراوی فه‌رمیی، هه‌موویان وه‌ڵامیان داوینه‌ته‌وه كه سودمه‌ندنه‌بوون و ئه‌م وه‌ڵامه‌و هاوپێچه‌كانیمان، ئاراسته‌ی لیژنه‌ی باڵای ته‌ملیككردن كردووه، به‌پێی یاساو ڕێنماییه‌كان؛ بێ ئه‌وه‌ی داوای ته‌ملیككردن یان ڕه‌زامه‌ندیی ته‌ملیككردنیمان دابێت. ٤) به‌هیچ جۆرێك پارێزگاری سلێمانی ده‌سه‌ڵاتی تاپۆكردنی زه‌وی و موڵك و ماڵی نییه، ئه‌م موڵكه به‌پێی بڕیاری ژماره (48)ی ڕۆژی (29/11/2021)ی لیژنه‌ی باڵای ته‌ملیككردنی خانووه حكومییه‌كان؛ بڕیاری ته‌ملیككردنی بۆدراوه‌و ته‌نها وێنه دراوه به پارێزگای سلێمانی بۆ ئاگاداری و به‌پێی یاسا لیژنه‌ی باڵا لایه‌نی بڕیارده‌ره له هه‌ر بابه‌تێكی له‌م شێوه‌یه‌دا. ٥) خه‌مڵاندنی ئه‌م موڵكه به‌پێی ڕێنمایی ته‌ملیككردنی خانووه حكومییه‌كانی ساڵی (2004) كراوه، له ڕۆژی (14/6/2011)دا به واژۆی سه‌رۆكی لیژنه‌ی فه‌رعی ته‌ملیككردنی خانووه حكومییه‌كانه‌وه ئه‌و بڕه دیاریكراوه‌و به نوسراوی ژماره (14955) له (14/6/2011)دا به‌فه‌رمیی ئاراسته‌ی لیژنه‌ی باڵای ته‌ملیككردنی خانووه حكومییه‌كان كراوه‌و له بڕیاری ژماره (48)ی ڕۆژی (29/11/2021) له‌لایه‌ن لیژنه‌ی باڵاوه په‌سه‌ندكراوه‌و هیچ په‌یوه‌ندیی به پارێزگاری ئێستای سلێمانییه‌وه نییه. پارێزگاری سلێمانی روونیشیكردوه‌ته‌وه ،پارێزگامان به‌فه‌رمیی ڕێكاری یاسایی پێویست به‌رامبه‌ر هه‌ركه‌س و لایه‌نێك ده‌گرێته‌به‌ر، كه به‌بێ به‌ڵگه هه‌وڵی دروستكردنی تۆمه‌ت و ناوزڕاندنی پارێزگار یان هه‌ر به‌ڕێوه‌به‌رو فه‌رمانبه‌رێكی ده‌وڵه‌تیی، یان له‌كه‌داركردنی ئه‌م دامه‌زراوه هه‌ڵبژێردراوه بدات. بۆیه لێره‌وه داوا له فه‌رمانگه‌ی داواكاری گشتیی پارێزگای سلێمانی ده‌كه‌ین، كه له‌پێناوی ده‌رخستنی ڕاستییه‌كان و ئاراسته‌كردنی ئه‌وكه‌سانه‌ی ئارامیی خه‌ڵك و ئاسایش و ئاشتیی كۆمه‌ڵایه‌تیی و متمانه‌ی دامه‌زراوه ده‌وڵه‌تییه‌كان و نه‌زمی گشتیی ده‌خه‌نه ژێر مه‌ترسییه‌وه، ڕێكاری یاسایی پێویست بگرێته‌به‌رو، پارێزگای سلێمانیش ئاماده‌یه وه‌ك هه‌میشه نووسراو و به‌ڵگه‌و بڕیاره‌كان بخاته به‌رده‌ست و ئاماده‌ین بۆ هه‌ر لێپرسینه‌وه‌یه‌ك. ده‌شڵێت، هه‌میشه ده‌رگای پارێزگامان كراوه‌یه بۆ هه‌ر كه‌س و په‌رله‌مانتارو دامه‌زراوه‌یه‌كی به‌ڕێز، كه به خه‌می بنكۆڵكردن و زانینی ڕاستییه‌كان و به‌دواداچونی یاساییانه‌ی هه‌ر دۆسییه‌یه‌كه‌وه بێت، له پێناوی لێرسینه‌وه‌و زانین و چاودێریكردن و وردبینیكردن و چاره‌سه‌ركردن و ڕێگریكردن له كاری نایاسایی و گه‌نده‌ڵكاریدا، یه‌كه‌م دامه‌زراوه‌ی جێبه‌جێكردنیش بوین كه هۆبه‌ی زانیاریپێدانمان به‌ر له هه‌موو شوێنه‌كانی تر كردۆته‌وه.
هاوڵاتی دوانیوه‌ڕۆی ئه‌مڕۆ سێ شه‌ممه، سه‌رۆكی ئه‌نجومه‌نی جوله‌كه‌كانی هه‌رێمی كوردستان له‌كۆنگره‌یه‌كی رۆژنامه‌وانیدا مسوڵمان بوونی خۆی راگه‌یاند. ئارام عیزه‌ت مسوڵمان بوونی خۆی ڕاگه‌یاند: ده‌ستله‌كاركێشانه‌وه‌ی خۆم له سه‌رۆكی ئه‌نجومه‌نی باڵای جووه‌كان له هه‌رێمی كوردستان ڕاده‌گه‌یانم. ڕاشیگه‌یاند: چیتر په‌یوه‌ندی به جووه‌كانه‌وه نه‌ماوه‌و ئێستا موسڵمانم و پشتیوان به‌خوا به‌م نزیكانه‌ش سه‌فه‌ری عومره ده‌كه‌م و ئێستا زۆر دڵخۆشم به‌وه‌ی بووم به موسڵمان.
هاوڵاتی بەپێی ئاماری فەرمی نووسینگەی رزگارکردنی کوردانی ئێزدی، تا ئێستا نزیکەی 100 هەزار کوردی ئێزدی بۆ دەرەوەی وڵات کۆچیان کردووە و تەنها 150 هەزار کەس بۆ شنگال گەڕاونەتەوە، هاوکات تا ئێستا دوو هەزار و 717 رفێندراوی ئێزدی (هەزار و 273 مێ و هەزار و 444 نێر) لە ژێر دەستی داعش رزگارنەکراون و تەرمی 146 رفێندراویش دۆزراوەتەوە. نووسینگەی رزگارکردنی کوردانی ئێزدی کە لەلایەن رێکخراوی نەتەوەیەکگرتووەکانیشەوە باوەڕپێکراوە لەئامارێکدا بڵاویکردۆتەوە، لە دوای هێرشی رێکخراوی تیرۆریستی داعش لە 8ـی ئاداری 2014 بۆ سەر شنگال و دەوروبەری، لە کۆی 550 هەزار ئێزدی، 360 هەزار کەسیان ئاوارەبوونە و دوای نەمانی دەسەڵاتی داعش لەو ناوچانە تەنها نزیکەی 150 هەزار کەس بۆ زێدی خۆیان گەڕاونەتەوە. هەروەها لە رۆژی یەکەمی هێرشی تیرۆریستانی داعشەوە، هەزار و 293 ئێزدی شەهیدبوونە، دوو هەزار و 745 مندال بێسەرپەرشتبوونە، 82 گۆڕی بەکۆمەڵ جیا لە گۆڕە تاکەکان دۆزراونەتەوە و 68 مەزارگەی کوردانی ئێزدیان تەقێندراونەتەوە. لەو ماوەیەدا شەش هەزار و 554 کوردی ئێزدی (3548 مێ و 2869 نێر) رفێندراون و تا ئێستا سێ هەزار و 554 رفێندراو (1207 ژن، 339 پیاو، هەزار و 51 منداڵی کچ و 957 منداڵی کوڕ) لە ژێر دەستی داعش رزگارکراون. لە ئامارەکەدا ئەوەش هاتووە کە تا ئێستا دوو هەزار و 717 رفێندراوی ئێزدی (هەزار و 273 مێ و هەزار و 444 نێر) لە ژێر دەستی داعش رزگارنەکراون و تەرمی 146 رفێندراویش دۆزراوەتەوە.
هاوڵاتی لە میانی کۆبوونەوەی لەگەڵ وەزیری دەرەوەی ئازەربایجان، جەیھون بایرامۆڤ ھات لە بارەگای نەتەوە یەکگرتووەکان لە نیویۆرک، سکرتێری گشتیی نەتەوە یەکگرتووەکان، ئەنتۆنیۆ گوتیرێس رایگەیاند کە پاڵپشتی لەو ھەوڵانە دەکەن کە بە ئامانجی دۆزینەوەی چارەسەری ئاشتییانە بۆ گرژییەکانی نێوان ئازرەبایجان و ئەرمینیا خراونەتەگەڕ. وتەبێژی سکرتێری گشتیی نەتەوە یەکگرتووەکان، ستیفان دوجاریک لە راگەیەندراوێکدا ئاماژەی بەوەداوە کە لە کۆبوونەوەکەدا، ھاریکارییەکانی نێوان نەتەوە یەکگرتووەکان و ئازەربایجان تاوتوێ کراوە. ستیفان دوجاریک راشیگەیاندووە کە ھەردوولا بیروڕایان لەبارەی پێشھاتەکانی ئەم دواییەی سەر سنووری نێوان ئەرمینیا و ئازەربایجان ئاڵوگۆڕ کردووە و ھاتووە "ئەنتۆنیۆ گۆتیرێس، ئومێدی کردووە کە ئاگربەستی نێوان ئازرەبایجان و ئەرمینیا بەردەوام بێت و جەختیشی کردووەتەوە لەسەر ئەوەی، نەتەوە یەکگرتووەکان پاڵپشتی لەو ھەوڵانە دەکات کە بە ئامانجی دۆزینەوەی چارەسەری ئاشتییانە بۆ گرژییەکانی نێوان ئازارەبایجان و ئەرمینیا خراونەتەگەڕ". رۆژی ١٢ی ئەیلوولی ٢٠٢٢، وەزارەتی بەرگریی ئازەربایجان رایگەیاندبوو کە سوپای ئەرمینیا لە سنووری داشکەسەن، کەلبەجەر و لاچین بەشێوەیەکی فراوان کاری ئیستیفزازی کردووە و ھێرشی ئەنجامداوە. باسی لەوەش کردبوو کە سوپای ئەرمینیا بە ئاڕاستەی جیاواز مینیان لە زەوی و رێگاکانی نێوان پێگەکانی سوپای ئازەربایجان داناوە و لە ئەنجامی ئەو رێوشوێنانەی یەکە سەربازییەکانی ئازەربایجان گرتوویانەتەبەر شەڕ و پێکدادان روویداوە. مەزهەر محەمەد ساڵح راوێژکاری ئابووری سەرۆک وەزیرانی عێراق ئاشکرای دەکات، رێژەی گەشەی ئابووری بۆ ئەمساڵ پێشبینی نەکراو بووە و بە گوێرەی خەمڵاندنەکانیان بەرزبوونەوەی رێژەی گەشە لە ساڵانی ئایندەش بەردەوام دەبێت. راوێژکاری دارایی لە نوێترین لێدوانیدا ئاشکرای دەکات، بە گوێرەی خەمڵاندنەکانی بانکی جیهانی، گەشەی کۆی بەرهەمی ناوخۆ لەمساڵدا سەدا 9 دەبێت. ئەو راوێژکارە پێی وایە، رێژەی گەشە لەمساڵدا پێشبینی نەکراوە و هۆکارەکەشی بۆ بەرزبوونەوەی ئاستی بەرهەمهێنان و نرخی نەوت لە بازاڕەکانی جیهان دەگەڕیتەوە، کە جەنگی ئۆکرانیا و رێککەوتنی ئۆپێک پڵاس وایکرد نرخی نەوت بۆ بەرزترین ئاستەکانی بەرزبێتەوە. راوێژکاری دارایی ئاماژەی بەوەشدا، رێژەی گەشەی ئابووری عێراق لە سەردەمی بڵاوبوونەوەی پەتای کۆرۆنا بۆ سالب 11 دابەزی، کاتێکدا سەرجەم کەرتە ئابوورییەکان بۆ ماوەی نزیکەی شەش مانگ پەکیان کەوت. لە هەمان کاتدا پێشبینی دەکات، رێژەی گەشە لە ساڵی داهاتوو سەدا 4 تاوەکو سەدا 5 بێت.
هاوڵاتی باڵوێزی ئەڵمانیا لە تورکیا ڕایگەیاند، پەیوەندییەکی پتەو لەنێوان بەرلین و ئەنقەرەدا ھەیە کە بۆ سەدان ساڵ دەگەرێتەوە.و ئامانجی وڵاتەکەی لابردنی ئاستەنگەکانە لەبەردەم بازرگانی نێوان ئەڵمانیا وتورکیادا . یۆرگن شۆلتزباڵوێزی ئەڵمانیا لە تورکیا دوای بەشداریکردنی لە کۆبوونەوەی وەبەرھێنان و ھاریکاریی تورکیا-ئەڵمانیا کە لە پارێزگای کۆجائەلی باکووری رۆژئاوای تورکیا بەڕێوەچوو، رایگەیاند کە ئامانجی وڵاتەکەی دابینکردنی بوارەکانی پەیوەندیی ئاسان و خێرایە لەگەڵ دامەزراوە تورکییەکان، ھەروەھا لابردنی ئاستەنگەکانە لە بەردەم بارزگانانی ئەڵمانیا و تورکیا. ئەو باڵوێزە ڕاشیگەیاند: "پارێزگای کۆجائەلی پێگەیەکی گرنگی ھەیە بۆ ئابووریی ئەڵمانیا و لێرە، زۆرێک لە کۆمپانیا ئەڵمانییەکان کار دەکەن". هەروەها "پەیوەندییە ئابوورییەکان گرنگترین لایەنەکان لە پەیوەندییەکانی نێوان ھەردوولا پێکدەھێنن، بەو پێیەی ئاڵوگۆڕی بازرگانیی نێوان ئەڵمانیا و تورکیا ژمارەیەکی پێوانەیی شکاندووە و گەیشتووەتە ٤٠ ملیار یورۆ". جێگەی باسە ژووری بارزگانی و پیشەسازیی ئەڵمانیا-تورکیا رایگەیاندووە کە ھەناردەکردنی تورکیا بۆ ئەڵمانیا لە ساڵی ٢٠٢١دا بەڕێژەی سەدا ٢٢،٩ بەراورد بە ٢٠٢٠ زیادی کردووە گەیشتووەتە ١٧ ملیار و ٧٠٥ ملیۆن دۆلار، ئاڵوگۆڕی بارزگانیی نێوان ھەردوو وڵات گەیشتووەتە ٤١ ملیار و ١٠٠ ملیۆن دۆلار، ئەوەیش ژمارەیەکی پێوانەییە.
هاوڵاتی راوێژکاری ئابووری سەرۆک وەزیرانی عێراق ئاشکرای دەکات کۆی گەشەی بەرهەمی ناوخۆ بۆ ئەمساڵ پێشبینی نەکراو بووە و زیادی کردووە. مەزهەر محەمەد ساڵح ڕاوێژکاری ئابووری سەرۆک وەزیرانی عێراق لە نوێترین لێدوانیدا ئاشکرای دەکات بە گوێرەی خەمڵاندنەکانی بانکی جیهانی، گەشەی کۆی بەرهەمی ناوخۆ لەمساڵدا سەدا 9 دەبێت. هەروەها ئەوەشی ئاشکراکرد رێژەی گەشەی ئابووری بۆ ئەمساڵ پێشبینی نەکراو بووە و بە گوێرەی خەمڵاندنەکانیان بەرزبوونەوەی رێژەی گەشە لە ساڵانی ئایندەش بەردەوام دەبێت. ئەو ڕاوێژکارە پێی وایە، ڕێژەی گەشەی ئابووری بۆ ئەمساڵ پێشبینی نەکراوەو هۆکەشی بۆ بەرزبوونەوەی ئاستی بەرهەمهێنان و نرخی نەوت لە بازاڕەکانی جیهان دەگەڕیتەوە، کە جەنگی ئۆکرانیا و رێککەوتنی ئۆپێک پڵاس وایکرد نرخی نەوت بۆ بەرزترین ئاستەکانی بەرزبێتەوە. ئەمەش لەکاتێکدایە رێژەی گەشەی ئابووری عێراق لە سەردەمی بڵاوبوونەوەی پەتای کۆرۆنا بۆ سالب 11 دابەزی، کاتێکدا سەرجەم کەرتە ئابوورییەکان بۆ ماوەی نزیکەی شەش مانگ پەکیان کەوت. لە کۆتایدا مەزهەر محەمەد ساڵح ئاماژەی بەوەدا پێشبینی دەکات، رێژەی گەشە لە ساڵی داهاتوو سەدا 4 تاوەکو سەدا 5 بێت.
هاوڵاتی لەلێدوانێکی ڕۆژنامەنوسیدا بەڕێوەبەری کۆمپانیای فرۆشتنی نەوتی خاوی عێراق ناسراو بە سۆمۆ رایگەیاند، داوایان لە کۆمپانیا جیهانییەکان کردووە نەوتی خاو لە هەرێمی کوردستان نەکڕن، حکومەتی هەرێمی کوردستانیش ناچارە بڕیارەکەی دادگەی فیدراڵی جێبەجێ بکات. لەوبارەیەوەعەلا یاسری، بەڕێوەبەری کۆمپانیای سۆمۆ، شەوی رابردوو 19/9/2022، بە ئاژانسی فەرمیی هەواڵەکانی عێراقی راگەیاندووە: بەپێی بڕیارەکەی دادگەی فیدراڵی هەموو ئەو گرێبەستانەی کە حکومەتی هەرێمی کوردستان واژووی کردوون بۆ دەرهێنان و هەناردەکردنی نەوت پووچەڵن. عەلا یاسری وتی: وەزارەتی نەوت رێکاری گرتووەتەبەر بۆ گواستنەوەی ئەم دۆسیەیە بەتەواوەتی (دۆسیەی نەوتی هەرێمی کوردستان) بۆ ژێر دەسەڵاتی حکومەتی فیدراڵی، بەڵام حکومەتی هەرێمی کوردستان ئەم هەنگاوەی لا پەسەند نەبوو، بۆیە وەزارەتی نەوت رێکاری یاسایی گرتەبەر". بەڕێوەبەری کۆمپانیای سۆمۆ دەڵێت: حکومەتی هەرێمی کوردستانیش ناچارە بڕیارەکەی دادگەی فیدراڵی جێبەجێ بکات. دەشڵێت: کۆمپانیای سۆمۆ داوای لە هەموو کۆمپانیا جیهانییەکان کردووە نەوتی خاو لە هەرێمی کوردستان نەکڕن. بە وتەی بەڕێوەبەری کۆمپانیاکە ساڵی رابردوو هەرێمی کوردستان، رۆژانە نزیکەی 420 هەزار بەرمیل نەوتی خاوی هەناردە کرد، بەڵام ئەمساڵ بڕی هەناردەی رۆژانەی دابەزیوە بۆ 355 هەزار بەرمیل لە رۆژێکدا. بەڕێوەبەری کۆمپانیای سۆمۆ دەڵێت:حکومەتی هەرێمی کوردستان نەوتی خاو بە نرخێکی کەمتر دەفرۆشێت بەراورد بە نرخی فرۆشتنی نەوت لە لایەن حکومەتی فیدراڵەوە، جیاوازیی نێوان هەردوو نرخەکە 16 بۆ 20 دۆلار دەبێت بۆ هەر بەرمیلێک.
هاوڵاتی ڕێکخراوێکی تایبەت بەمافەکانی مرۆڤ ڕۆژهەڵاتی کوردستان ڕایدەگەیەنێت لە مانگرتن و ناڕەزایی دەربڕینەکانی ڕۆژی دووشەممە (١٩ی سێپتەمبەری ٢٠٢٢) لانی کەم سێ هاووڵاتیی کورد کوژراون و ٢٢١ هاووڵاتیی دیکەش بریندار بوون. زیاتر لە ٢٥٠ هاووڵاتیی کوردیش بە شێوەی توندوتیژانە لە لایەن هێزە ئەمنییەکانی کۆماری ئیسلامیی ئێرانەوە ڕفێنراون. بە پێی زانیارییەکانی ڕێکخراوی هەنگاوی تایبەت بە مافەکانی مرۆڤ ڕۆژی دووشەممە ، لە ٢٤ شاری ڕۆژهەڵاتی کوردستان خەڵک بە نیشانەی دەربڕینی ناڕەزایەتی بەرامبەر بە کوژرانی ژینا ئەمینی لە لایەن حکومەتی ئێرانەوە مانیان گرت و لە ١٣ شاریش خۆپیشاندان و کۆبوونەوەی ناڕەزایەتی بەڕێوە چوو. مانگرتن لە ٢٤ شار لە ڕۆژی دووشەممە ٢٨ی خەرمانانی ٢٧٢٢ سەرەڕای هەڕەشەی دەزگا ئەمنییەکان، بازاڕییان و کاسبکاران و بەشێکی بەرچاوە لە خاوەن پیشەکانی کەرتی تایبەت لە شارەکانی ئیلام، ئاودانان، مەلەکشاهی، کرماشان ڕوانسەر، جوانڕۆ، پاوە، کامیاران، سنە، دێولان، قوروە، مەریوان، سەقز، بانە، دیواندەرە، بیجاڕ، پیرانشار، سەردەشت، مەهاباد، بۆکان، تیکاب، ئورمیە، شنۆ و کۆتۆل بە شێوەی بەربڵاو لە مانگرتندا بوون بە شێوەیەک کە خەڵک بە مانەوەی لە ماڵەکانیان تەنانەت لە بەڕیوەبردنی کۆمەڵێک چالاکیی کۆمەڵایەتی وەک وەرزشی بەیانیش خۆیان بوارد بۆ ئەوەی بەرامبەر بە کوژرانی ژینا ئەمینی، ٢٢ ساڵە و خەڵکی سەقز، لە لایەن حکومەتەوە، ناڕەزایی خۆیان دەرببڕن. ئەو شارانەی کە هاوکات لەگەڵ مانگرتن، خۆپیشاندان و ناڕەزایی دەربڕینیش تێیاندا بەڕێوە چوو بەگوێرەی ئەو زانیارییانەی بە هەنگاو گەیشتوون، لە ١٣ شاری دیواندەرە، سەقز، بانە، مەریوان، سنە، کامیاران، دێولان، قوروە، تیکاب، مەهاباد، سەردەشت و بۆکان خەڵک ڕژانە سەر سەقامەکان بەڵام بە هێرشی هێزە چەکدارەکانی حکومەت، خۆپیشاندانە مەدەنییەکان بەرەوە توندوتیژی چوون لە ئەنجامدا بە هۆی تەقەی هێزە ئەمنییەکانەوە لانی کەم سێ هاووڵاتی کوژراون و ٢٢١ هاووڵاتیی دیکەش بریندار بوون کە لەم ٢٢١ کەسەی بریندار بوون ٤٣ کەسیان ژن و ٢٤ کەسیشیان مێردمنداڵ بوون. موحسین محەممەدی خەڵکی دیواندەرە، ڕەزا لوتفی ٢٥ ساڵە خەڵکی دێولان و فەرەیدوون مەحموودی خەڵکی سەقز، ئەو سێ هاووڵاتییەن کە بە هۆی تەقەی هێزە حکومەتییەکانەوە کوژراون. شیاوی ئاماژە پێدانە کە شوناسی ژمارەیەکی زۆر لە بریندارەکانیش بۆ هەنگاو ئاشکرا بووە بەڵام بە هۆی پاراستنی ئاسایشی ئەو کەسانە ناویان بڵاو ناکەینەوە. پۆلێنبەندیی هاووڵاتییانی کوژراو و بریندار بەگوێرەی شارەکان دیواندەرە: ١ کوژراو - ٣٣ بریندار (چوار مێردمنداڵ) سەقز: ١ کوژراو و ٣٧ بریندار (١٦ ژن و ٤ مێردمنداڵ) بانە: ٤٠ بریندار (١٠ ژن و ٦ مێردمنداڵ) مەهاباد: ٢٣ بریندار (٨ ژن و ٧ مێردمنداڵ) بۆکان: ١٧ بریندار (٤ ژن و سێ مێردمنداڵ) سنە: ١٤ بریندار (٦ ژن) مەریوان: ٥ بریندار دێولان: ١ کوژراو و ١٦ بریندار بیجاڕ: ٩ بریندار قوروە: ٩ بریندار کامیاران: ١١ بریندار تیکاب: ٧ بریندار (٣ژن) هەر بەگوێرەی بەدواداچوونی هەنگاو ٤ کەس لە بریندارەکانی بۆکان و لەوانەش کچێکی ١٠ ساڵە لە بەشی چاودێریی تایبەتی نەخۆشخانەی "قولیپوور"ی بۆکان خەوێندراون. هەروەها ٥ کەس لە بریندارەکانی سەقز گوازراونەتەوە بۆ تەورێز و ٤ کەس لە بریندارەکانی دیواندەرەش گوازراونەتەوە بۆ ناوەندە تەندروستییەکانی سنە و دۆخی تەندروستیی دوو کەسیان بە ناوەکانی فواد قەدیمی و زانیار کەریمی و هەروەها بریندارێکی سەقز بە ناوی شۆڕش، زۆر ناجێگیرە. هەنگاو زانیویەتی کە لە ناڕەزایی دەربڕینەکانی دوێنێدا لانی کەم ٢٥٠ کەس لە شارەکانی پاوە، کامیاران، سنە، قوروە، دیولان، مەریوان، سەقز، دیواندەرە، بانە، بۆکان، مەهاباد، شنۆ و تیکاب لە لایەن هێزە چەکدارەکانەوە ڕفێنراون یان دەستبەسەر کراون و تا ئێستا هەنگاو توانیویەتی ناو و شوناسی سی کەس لە دەستبەسەرکراوەکان بدۆزێتەوە. جێگای ئاماژەیە ژینا ئەمینی ئێوارەی رۆژی 13-09-2022 لە وێستگەی حەقانیی میترۆی تاران لە لایەن پۆلیسی تارانەوە بە تۆمەتی پابەندنەبوون بە باڵاپۆشی دەستبەسەرکرا و دواتر بۆ گرتووخانەی پۆلیس لە شەقامی وەزیرانی تاران گوێزرایەوە. ئەو کەسانەی لەگەڵ ژینا دەستبەسەرکرابوون بە میدیاکانیان راگەیاندووە، لە کاتی گواستنەوەی بۆ گرتووخانە، هێزەکانی پۆلیس لە ژینایان داوە و لە گرتووخانە دۆخی تەندروستی تێکچووە و بەو هۆیەوە جەڵتەی دڵ و مێشک لێی داوە و دوای سێ رۆژ گیانی لەدەستداوە.
هاوڵاتی تادێت کاردانەوەکانی مەرگی ژینا ئەمینی لەجیهاندا زیاتر دەبێت و وڵاتان و سەرکردە سیاسییەکانی دنیا ئیدانەی ڕەفتارەکانی کۆماری ئیسلامی ئێران دەکەن. لەتازەترین کاردانەوەشدا وەزیری دەرەوەی ئەمریکا نیگەرانی خۆی لەبەرامبەر گیانلەدەستدانی ژینا ئەمینی دەردەبڕێت و داوا لە حکومەتی ئێران دەکات کۆتایی بە سەرکوتکردنی سیستیماتیکی ژنان بهێنێت. لەوبارەیەوە ئەنتۆنی بلینکن، وەزیری دەرەوەی ئەمریکا لە هەژماری خۆی لە تویتەر لەبارەی گیانلەدەستدانی ژینا ئەمینی نووسیویەتی "ئەمریکا و خەڵکی ئێران خەمبارن بۆ گیانلەدەستدانی مەهسا [ژینا]. داوا لە حکومەتی ئێران دەکەین کۆتایی بە سەرکوتکردنی سیستماتیکیی ژنان بهێنێت و رێگە بە خۆپێشاندانی ئاشتییانە بدات." دەشڵێت: دەبوو ئێستا ژینا ئەمینی لەژیاندا بمایە، بەڵام لەبری ئەوە ئەمریکا و گەلی ئێران ماتەمین و دڵتەنگن بەو رووداوە پێشوتریش ئەدریان وەتسن، وتەبێژی ئەنجومەنی ئاسایشی نیشتمانی کۆشکی سپی لە راگەیه‌ندراوێکدا لە بارەی گیان لەدەستدانی ژینا ئەمین دەڵێت، پێشێلکاریی ئاشکرای ئازادییەکانه و ده‌بێت لێپرسینەوە لەو کەسانە بكرێت کە بەرپرسیار بون لەو کارە. وتەبێژی ئەنجومەنی ئاسایشی نیشتمانی کۆشکی سپی دەڵێت: روداوەکە ناخ هەژێنە و بیرمان لای کەسوکاریەتی و گیان لەدەستدانی ژینا ئەمینی سوکایەتییه بەمافەکانی مرۆڤ. جێگای ئاماژەیە ژینا ئەمینی ئێوارەی رۆژی 13-09-2022 لە وێستگەی حەقانیی میترۆی تاران لە لایەن پۆلیسی تارانەوە بە تۆمەتی پابەندنەبوون بە باڵاپۆشی دەستبەسەرکرا و دواتر بۆ گرتووخانەی پۆلیس لە شەقامی وەزیرانی تاران گوێزرایەوە. ئەو کەسانەی لەگەڵ ژینا دەستبەسەرکرابوون بە میدیاکانیان راگەیاندووە، لە کاتی گواستنەوەی بۆ گرتووخانە، هێزەکانی پۆلیس لە ژینایان داوە و لە گرتووخانە دۆخی تەندروستی تێکچووە و بەو هۆیەوە جەڵتەی دڵ و مێشک لێی داوە و دوای سێ رۆژ گیانی لەدەستداوە.
هاوڵاتی له‌به‌یاننامه‌یه‌کدا فەرماندەیی ناوەندیی هێزەکانی ئەمریکا ڕایگەیاند یارمەتی ئۆپەراسیۆنی هێزە کوردەکانیان لە کەمپی هۆل داوە ئەوەش لە ڕێگای پشتیوانیی هەوڵگریەوە. فەرماندەیی ناوەندیی هێزەکانی ئەمریکا لە بەیاننامەیەکدا باس لە دەستگیر کردنی نزیکەی 300 چەکداری داعش لە ناو کەمپی هۆل لە ئۆپەراسیۆنێکی هاوبەشی هێزەکانی سووریا دیموکرات و هاوپەیمانیی نێودەوڵەتی بە سەرۆکایەتی ئەمریکا دەکات. بەگوێرەی بەیاننامەکە، هێزەکانی سووریای دیموکرات وەکوو هاوکاری هێزە ئەمریکییەکان ئۆپەراسیۆنێکیان لەدژی پاشماوەکانی داعش لە کەمپی هۆل لە 25ی ئابەوە دەست پێکرد بوو، کۆتاییان پێهێنا. فەرماندەیی ناوەندیی ئەمریکا ئیدیعای ئەوەی کردووە کە لەم ئۆپەراسیۆنەدا پشتیوانی لە هێزەکانی سووریای دیموکرات کردووە ئەوەش بە پاڵپشتیی هەواڵگری و سیخوڕی.
هاوڵاتی له‌ڕاگه‌یه‌ندراوێکدا فەرماندەیی ئۆپەراسیۆنەکانی نەینەوای حەشدی شەعبی ئەنجامی ئۆپەراسیۆنەکانی چەند ڕۆژی ڕابردووی لە پارێزگاکە خستەروو ، ھاوکات سەرکەوتنی ئۆپەراسیۆنەکانی لە نەینەوا و قووڵایی بیابان لە تیرۆر پشتڕاستکردەوە. ئه‌مڕۆ دوو شه‌ممه"مستەفا عەوادی" سەرۆكی ئەركانی فەرماندەییەکە لە كۆنگرەیەكی رۆژنامەوانیدا رایگەیاند"هێزێكی لیوای 44 حەشد بە پاڵپشتی فەرماندەیی ئۆپەراسیۆنەكانە ھاوبەشەکان و بەڕێوەبەرایەتییەکانی هەواڵگری و زرێپۆش و ئاسایش و تەقەمەنی و ئەندازیاری مەیدانی و لیوای 21 و 25، فەوجی ئەرکی تایبەت، و فڕۆکەوانی سوپا، ئۆراسیۆنێکی چەند رۆژەیان ئەنجامدا. عەوادی راشیگەیاند"ئۆپەراسیۆنەکە بە پشت بەستن بە زانیاری هەواڵگری بوو ، سەبارەت بە دزەکردنی گروپەکانی داعش لە سوریاوە بۆ قووڵایی بیابانەکانی نێوان نەینەوا و سەڵاحەدین و ئەنبار . ئاماژەی بەوەشدا "کە ئۆپەراسیۆنەکان سەرکەوتوو بوون لە کوشتنی ژمارەیەکی زۆر لە چەکدارانی داعش و دەستبەسەرداگرتنی ئۆتۆمبێل و ئامێری تەقینەوەکانیان کە ئامادەکرابوون بۆ تەقینەوە. وتیشی"حەشد پشتی بە زانیارییە گرنگەکانی هاوڵاتیان بەستوە،کە ڕەنگدانەوەی متمانەی گەورەیە لە نێوان هاوڵاتیان وحەشد وھێزە ئەمنییەکانی تر. جەختیشیکردەوە لەوەی کە خەڵکی نەینەوا دڵنیا دەکاتەوە لە بێتوانایی دوژمن جارێکی دیکە هێرش بکاتە سەر شارەکە. ھەروەک دووپاتیشیکردەوە کە سەلامەتی لە دەستی حەشد و هێزە ئەمنییەکاندایە کە بەردەوام دەبن لە ئۆپەراسیۆنی چالاکانە بۆ کۆتاییهێنان بە پاشماوەکانی داعش و مانەوە خۆ حەشاردانیان لە بیابانەکانی ناوچەکە.
.jpeg)
هاوڵاتی له‌لێدوانێکی ڕۆژنامه‌نوسیدا ئەندامێکی شاندی دانوستاندنکاری پارتی لە بەغدا رایگەیاند، کەشی نێوان پارتی و یەکێتی زۆرباشە، ئاماژه بۆ ئه‌وه‌شده‌کات بافل تاڵه‌بانی وتویه‌تی لەسەر یەک کاندید رێکدەکەوین و بە یەک کاندید دەچینە پەرلەمان." به‌نگین ڕێکانی ئه‌ندامی شاندی دانوستاندکاری پارتی دیموکراتی کوردستان له‌به‌غدا به‌که‌ناڵی ڕووداوی ڕاگه‌یاندووه: لە 10 رۆژی رابردوودا گفتوگۆ لەسەر رەشنووسێک بۆ حکومەتی داهاتووی عێراق کرا؛ ئێستا رەشنووسەکە ئامادەیە و ئەمڕۆ دووشەممە چوارچێوەی هاوئاهەنگی پەسندی دەکات، ئەوکات دەچینە قۆناخی واژۆکردنەوە.. دەشڵێت، "سەرۆک بارزانی بڕیاریداوە نەچینە ناو هیچ رێککەوتنێک ئەگەر بەڵگەی نووسراو نەبێت." بەنگین رێکانی، لەبارەی پۆستی سەرۆککۆمار و کاندیدی هاوبەشی پارتی و یەکێتی بۆ پۆستەکە دەڵێت: کەشی نێوان پارتی و یەکێتی زۆرباشە، ئەگەری ئەوەش هەیە یەک کاندیدی هاوبەشیان هەبێت. هاوکات دەشڵێت: "کاک بافڵ خۆی بە ئێمەی گوتووە، لەسەر یەک کاندید رێکدەکەوین و بە یەک کاندید دەچینە پەرلەمان."
هاوڵاتی 44 دادوه‌ر و پارێزەر لە هەرێمی كوردستان لە ڕێگەی یاداشتێكەوە پشتیوانیی كەمپەینی جیهانیی پارێزەران بۆ دیداری عەبدوڵا ئۆجالان دەكەن و داوا لە وەزارەتی دادی توركیا دەكەن، ڕێگەیان بدرێت سەردانی ئۆجالان بكەن. هەروەك لە یاداشتەكەیاندا هاتووە: ئێمە بە نیگەرانییەكی گەورەوە چاودێریی دۆخی زیندانییانی بەندیخانەی دوورگەی ئیمرالی هەریەك لە عەبدوڵا ئۆجەلان، عومەر خەیری كۆنار، وەیسی ئاكتاش و هامیلی یەڵدرم دەكەین، كە ماوەی پتر لە ساڵێكە هیچ هەواڵیكیان نییە. دەقی یاداشتی دادوه‌ران و پارێزەرانی هەرێمی كوردستان: وەزارەتی داد كۆماری توركیا بەڕێز جەنابی وەزیر، ئێمە بە نیگەرانییەكی گەورەوە چاودێریی دۆخیی زیندانییانی بەندیخانەی دورگەی ئیمرالی، هەریەك لە عەبدوڵڵا ئۆجەلان و عومەر خەیری كۆنار و وەیسی ئاكتاش و هامیلی ییڵدرم دەكەین كە ماوەی پتر لە ساڵێكە هیچ هەواڵیكیان نییە. هیچ پاساوێكی یاسایی نییە بۆ ئەو ڕاستییەی كە - جگە لە پێنج سەردانی پارێزەران كە لەنێوان ٢ی ئایار بۆ ٧ی ئابی ٢٠١٩ ئەنجامدراوە - لە ٢٧ی تەموزی ٢٠١١ەوە ڕێگە بە عەبدوڵڵا ئۆجەلان نەدراوە چاوی بە پارێزەرەكانی بكەوێت. كارێكی لەم چەشنە لەگەڵ بنەما دیموكراسییەكاندا ناتەبایە. سێ زیندانییەكەی تر لە وەتەی لە ساڵی ٢٠١٥ەوە هێنراونەتە بەندیخانەی ئیمرالی تەنانەت بۆ یەك جاریش پەیوەندییان لەگەڵ پارێزەراندا نەبووە، ئەمەش بە ڕوونی پێمان دەڵێت كە كێشە بەتایبەت لە بەندیخانەی ئیمراڵی دایە و لە هەڵوێستی سیاسی و یاسایی حكومەتی ناوەندی دایە لە هەمبەر ئەو بەندیخانەیە. ئێمە هەروەك شایەتحاڵی خەم و نیگەرانیی خێزان و هەڤاڵانی عەبدوڵڵا ئۆجەلانین لەپای ئەو ڕاستییەی كە لەپاش پەیوەندییەكی كورتی تەلەفۆنی لە ٢٥ی ئازاری ٢٠٢١ەوە هیچ دەنگێك لە ناوبراوەوە نییە. وەك پارێزەرانێك كە بە وردی چاودێری دۆخی توركیاین، زۆر بەباشی ئاگاداری لێكەوتەی سیاسی و كۆمەڵایەتیی ئەو دۆخەین. لە ڕاپۆرتەكەیاندا سەبارەت بە سەردانەكەیان ساڵی ٢٠١٩ بۆ بەندیخانەی ئیمرالی، كە لە ٥ی ئابی ٢٠٢٠ بڵاوكراوەتەوە، CPT قەدەغەی تەواوەتیی پەیوەندی لەگەڵ دونیای دەرەوە لەسەر ئۆجەلان و سێ زیندانییەكەی تر بە جۆرێك لە بەندكردنی گۆشەگیریی ناوزەدكردووە. CPT ڕایگەیاندووە كە وەها دۆخێك قبووڵكراو نییە و پێچەوانەی پێدراو و ستانداردە نێوەدەوڵەتییەكانی پەیوەست بە مافی مرۆڤە. دەستتێوەردانی بەردەوام لە مافی بەرگری و دۆخی گۆشەگیریی سەپێنراو بەسەر ئۆجەلان و زیندانییەكانی تردا چەندین ڕێكخراوی یاسایی نێوەدەوڵەتیی هێناوەتەدەنگ لەوانەش ELDH و AED و پارێزەران بۆ پارێزەران، هەروەك پەرچەكرداری ڕەخنەیی لەلایەن تۆڕێكی بەرفراوانی پارێزەرانەوە لە بۆنەی جیاوازدا لەگەڵ خۆی هێناوە كە ئەمەش پیشانی دەدات ئەم كەیسە چەند بەرفراوان بەدواداچوونی بۆ دەكرێت. ئێمە لەگەڵ هاوكارە توركیاییەكانمانین و پشتگیریی هەوڵ و خەباتی بێوچانیانین دژی گۆشەگیری و پێشێلكردنی مافی بەرگری. وەك بەشێك لەو هەوڵە، من وەك پاریزەری ئۆجەلان و زیندانییانی تر، داواكارم ڕێگەم بدرێت بە سەردانكردنی بۆ كاركردن لەپێناو شكاندنی قەدەغەی سەر مافی بەرگری. هیواخوازم ڕێگەپێدانی پێویستم بۆ فەراهەم بكرێت. ناو و نازناو:/ پیشە:/ رێكەوت:/ ناوی بەشداربوونی سەرجەم حاكم و پارێزەران لە كەمپینی نێودەوڵەتی بۆ سەردان و ئازادكردنی بەڕێز عەبدوڵڵا ئۆجەلان لە زیندانی ئیمڕاڵیدا: 1- لەتیف مستەفا ئەمین، حاكم، سلێمانی 2- دانا نوری محەمەد، پارێزەری ڕاوێژكار، سلێمانی 3- عوسمان سدیق خالید، پارێزەری ڕاوێژكار، سلێمانی 4- كارمەند محمود عبداللە، پارێزەر، سلێمانی 5- سامی جمال عمر، پارێزەر، سلێمانی 6- وریا محمد حسن، پارێزەر، سلێمانی 7-محمد ساڵح سەلیم، پارێزەر، سلێمانی 8- ڕێزان دلێر مصطفی، پارێزەر، سلێمانی 9- پەیمان عیزەدین عبدالرحمن،پارێزەر، سلێمانی 10- هەرێم عه‌تا یوسف، پارێزەر، سلێمانی 11- كاروان عبداللە عزیز، پارێزەر، كركوك 12- هاوار دارا محمد شریف، پارێزەر، كركوك 13- هەردی حسین سعید، پارێزەر، سلێمانی 14- گوڵ سروش قازی محمد، پارێزەر، هەڵەبجە 15- محمدلطف الله عبدالله، پارێزەر، سلێمانی 16- جمال حمه رشید محمد، پارێزەر، سلێمانی 17- هاوتا عزیز حەمید عزیز، پارێزەر، چەمچەماڵ 18- سەرگوڵ رچاحسن، پارێزەر، سلێمانی 19- مەنیجە حسێن، پارێزەر، سلێمانی 20- ڕێبوار پیرۆت محمود، پارێزەر، سلێمانی- بازیان 21- نەریمان ئەحمەد، پارێزەر، سلێمانی 22- هەڵكەوت محەمەد كەریم، پارێزەر، سلێمانی 23- ئاسۆ سەعید سەفەر، پارێزەر، سلێمانی 24- ئەردەڵان شێخ فاتیح، پارێزەر، سلێمانی 25- هەوراز غازی فەتاح، پارێزەر، هەولێر- كۆیە 26- هێمن ابو بەكر عومەر، پارێزەر، سلێمانی 27- كۆمەڵ سەرمەند سەعید، پارێزەر، كەركوك 28- مزەفەر عومەر، پارێزەر، كەركوك 29- راید نەجدەت ئیسماعیل، پارێزەر، كەركوك 30- دیلان زەین العابدین، پارێزەر، كەركوك 31- كارزان زەین العابدین، پارێزەر، كەركوك 32- هاوار دارا، پارێزەر، كەركوك 33- بەشدار نصرالدین، پارێزەر، كەركوك 34- هەڵمەت جەوهەر، پارێزەر، كەركوك 35- گۆران لەتیف ئەحمەد، پارێزەر، كەركوك 36- ئامانج ناسیح غەفور، پارێزەر، كەركوك 37- ڕێبوار كەریم ئەحمەد، پارێزەر، كەركوك 38- عبدالكریم عومەر حەمید، پارێزەر، كەركوك 39- هەژار ئەحمەد، پارێزەر، كەركوك 40- هاوڕێ ئەحمەد، پارێزەر، كەركوك 41- هاوڕێ فەرهاد، پارێزەر، كەركوك 42- هەوراز نجم الدین، پارێزەر، كەركوك 43- بەختیار حەمە سەعید عەزیز، پارێزەر، كەركوك 44- ئومێد مەحمود حاجی، پارێزەر، سلێمانی
هاوڵاتی ھەپەگە ڕایده‌گه‌یه‌نێت ٢ سه‌ربازی تورکیایان کوشتووه‌و ئاماژه به‌وه‌شده‌کات تورکیا ٣٢ جار به بۆمبی قه‌ده‌غه‌كراو و چه‌كی كیمیایی و ٣٤ جاریش به هێلیكۆپته‌ری هێرشبه‌ری بۆردومانیانیان کردوە. له‌ڕاگه‌یه‌ندراوێکدا ناوه‌ندی راگه‌یاندن و چاپه‌مه‌نی ھێزەکانی پاراستنی گەل ـ هه‌په‌گه، رایگەیاند: ده‌وڵه‌تی توركی داگیركه‌ر ئۆپراسیۆنێكی داگیركاری له باشوری كوردستان ده‌ستپێكردووه و له‌و ئۆپراسیۆنه‌دا بۆمبی قه‌ده‌غه و چه‌كی كیمیایی به‌كارده‌هێنرێن. ده‌شڵێت: به به‌ڵگه‌ش سه‌لمێنراوه كه ئه‌و چه‌كانه‌ی له ئاستی نێو نه‌ته‌وه‌ییدا قه‌ده‌غه‌كراون له‌لایه‌ن ده‌وڵه‌تی توركه‌وه له دژی هێزه‌كانمان به‌كارده‌هێنرێت، به‌ڵام سه‌رباری ئه‌وه‌ش هیچ كاردانه‌وه‌یه‌ك نیشان نادرێت و ئه‌وه‌ش به واتای پشتیوانییه بۆ ده‌وڵه‌تی تورك. هه‌په‌گه ئاماژە بە سودوەرگرتنی سوپای توركیای داگیركه‌ر لە بێ دەنگی کۆمەڵگای نێودەوڵەتی کردووە و دەڵێت: هه‌موو رۆژێك بۆمبی قه‌ده‌غه‌كرا و چه‌كی كیمیایی به‌كارده‌هێنێت. ئه‌مه‌ش به واتای ئه‌وه‌یه كه ده‌یانه‌وێت گه‌ریلا وه‌ك تاكه هێزی پاراستنی ده‌ستكه‌وته‌كانی گه‌لی كورد پاكتاو بكرێت، پاكتاوكاری له‌سه‌ر كوردان بگاته ئه‌نجام و ئه‌مه‌ش له‌لایه‌ن هێزه یه‌كده‌ستخوازه‌كان په‌سه‌ند كراوه. لە بارەی چالاکی گەریلاوە لە دژی داگیرکەران دەڵێت: هێزه‌كانمان له حه‌وت چالاكیدا دوو داگیركه‌ریان سزادا، درۆنێك له‌ناوبرا.لە بەرامبەر چالاکیەکانی گەریلادا وەک ھەپەگە ئاشکرای کردووە: سوپای توركی داگیركه‌ر ٣٢ جار به بۆمبی قه‌ده‌غه‌كراو كه هێزی ته‌قینه‌وه‌یان زۆره و چه‌كی كیمیایی، ٣٤ جار به هه‌لیكۆپته‌ری هێرشبه‌ر و به‌ده‌یان جاریش به چه‌كی قورس گۆڕه‌پانه‌كانی به‌رخودانیان بۆردومان كرد. رونیشیکردووەتەوە: له هه‌مان كاتدا داگیركه‌ران ئاگریان له مادده‌ی پلاستیكی به‌رداوه و رووی دوكه‌ڵه ژه‌هراوییه‌كانیان كردووه‌ته سه‌نگه‌ره‌كانی شه‌ڕی شه‌هید فه‌لاتی گۆڕه‌پانی به‌رخودانی سیدا.
هاوڵاتی دوای 10 رۆژ ماته‌مینی، ئه‌مڕۆ ته‌رمی شاژن ئێلیزبێزی دووه‌م له له‌نده‌ن له ته‌نیشت گۆڕی شازاده فیلیپی هاوژینییه‌وه به‌خاكده‌سپێردرێت. رۆژێكی مێژوویی ئه‌مڕۆ دووشه‌مه، له گه‌وره‌ترین بۆنه‌ی دیپلۆماسی ئه‌م سه‌ده‌یه‌دا پرسه‌ی شاژنه ئیلیزابێس له وێستمینسته‌ر ئابی له‌نده‌ن به‌ڕێوه‌ده‌چێت،پاشان بڕیاره ئێواره‌ی ئه‌مڕۆ له كاتژمێر ٧:٣٠ خوله‌ك، له مه‌راسیمێكی تایبه‌ت كه ته‌نها ئه‌ندامانی خێزانی شاهانه‌ی تێدا ئاماده ده‌بن له ویندسۆر له‌په‌رستگای پاشا جۆرجی شه‌شه‌م ته‌رمی شاژن له‌گه‌ڵ شازاده فیلیپی هاوسه‌ری به‌خاكده‌سپێردرێت. قه‌ڵای ویندسۆرهه‌مان شوێنێكه دایك و باوك و خوشكه‌كه‌ی شاژنی تێدا به‌خاكسپێردراون . بۆ له وێستمینسته‌ر ئابی ؟ مه‌راسیمی پرسه‌ی شاژنه ئێلیزابێس له كاتژمێر ١١ به‌یانیه‌وه له وێستمینسته‌ر ئابی له‌نده‌ن ده‌ستپێكردووه، هه‌مان ئه‌و شوێنه‌یه كه ٧٥ ساڵ پێش ئێستا شاژن تیایدا هاوسه‌رگیری له‌گه‌ڵ شازاده فیلیپ كردوه، هه‌ر هه‌مان شوێنیشه كه شاژن تیایدا مه‌راسیمی تاج له‌سه‌ردانانی بۆ كراوه. پرسه‌ی سه‌ده ئه‌م پرسه‌یه به گه‌وره‌ترین بۆنه‌ی دیپلۆماسی ئه‌م سه‌ده‌یه داده‌نرێت، به‌و پێیه‌ی زیاتر له دوو هه‌زار سه‌رۆك و كه‌سایه‌تی جیهانی له‌هۆڵی وێستمنسته‌ر ئابی بانگهێشتی رێوڕه‌سمه‌كه كراون. سه‌رۆكی هه‌رێم به‌شداره نێچیرڤان بارزانی سه‌رۆكی هه‌رێمی كوردستان، یه‌كێكه له‌و سه‌رۆكانه‌ی جیهان كه له‌لایه‌ن شا چارلسی سێیه‌م، شای به‌ریتانیاوه بۆ ئه‌و مه‌راسیمه بانگهێشتكراوه، هه‌روه‌ها هه‌ریه‌ك له جۆ بایدن، سه‌رۆكی ئه‌مریكا، ئیمانوێل ماكرۆن، سه‌رۆكی فه‌ره‌نسا، جه‌ستن ترودۆ، سه‌رۆكوه‌زیرانی كه‌نه‌دا، ناروهیتۆ، ئیمپراتۆری ژاپۆن، ته‌میم بن حه‌مه‌د ئالسانی، میری قه‌ته‌ر، محه‌ممه‌د بن راشد ئالمه‌كتووم، جێگری سه‌رۆك و سه‌رۆكوه‌زیرانی ئیمارات، شاژن مارگارێت، شاژنی دانیمارك، رانك واڵته‌ر شتاینمایه‌ر، سه‌رۆكی ئه‌ڵمانیا، شا عه‌بدوڵڵای دووه‌م، شای ئوردن، پاشا هارالد، پاشای نه‌رویج و چه‌ندین سه‌رۆك و سه‌ركرده‌ی دیكه به‌شداری رێوڕه‌سمه‌كه ده‌كه‌ن. شه‌ش وڵات بانگهێشت نه‌كراون ئه‌مه‌ش له‌كاتێكدا، زۆرینه‌ی وڵاتانی جیهان بانگهێشت كراون بۆ شداریی له‌و مه‌راسیمه، به‌ڵام شه‌ش وڵات به‌فه‌ڕمی بانگهێشت نه‌كراون، كه بریتین له سوریا، ڤێنزوێلا، ئه‌فغانستان، ڕووسیا، بێلاروس، مینمارن، سه‌ره‌ڕای ئه‌وه‌ش كۆریای باكوور و نیكاراگوا و ئێران ته‌نیا له‌سه‌ر ئاستی باڵیۆز بانگهێشت كراون.
