مەسرور بارزانی: ئەوانەی دەڵێن ئێمە نەوت بە قاچاخ دەفرۆشین با بەڵگە بخەنەڕوو نەک لە خۆوە قسە بکەن

هاوڵاتی لەسەر کێشەی زەوی و زاری جوتیارانی پارێزگای کەرکوک و تۆمارکردنی سکاڵا لەلایەن چەند هاوڵاتیەک ئەمڕۆ دادگای فیدڕاڵی کۆدەبێتەوە  لەسەر سكاڵای چەند چالاكوان و كەسایەتییەك لە پارێزگای کەرکوک، دادگای فیدڕاڵی کۆدەبێتەوە، کە داوادەكەن بڕیارەكانی ژمارە 949 و 824ی مەجلیسی قیادەی سەورەی بەعس هەڵوەشێنرێنەوە. ئەمڕۆ سێشەممە 4ی حوزەیرانی 2024، دادگای باڵای فیدراڵی عێراق تایبەت بە كێشەی زەوی وزاری جووتیارانی گوندەكانی سنوری سەرگەڕان و دووبز و پردێ و داقوق كۆدەبێتەوە. جێگای ئاماژەیە، بەپێی بڕیاری 949 دەستبەسەر زەوی 14 گونددا گیراوە و كۆی گشتی ڕوبەری ئەو زەوییانەش پێكهاتوون لە 44 هەزار دۆنم زەوی، هەروەها بەپێی بڕیاری 824، دەستبەسەر زەوی 9 گوندی سنوری داقوقدا گیراوە كە ڕوبەرەكەی پێكهاتووە لە 38 هەزار دۆنم. تائێستاش، دادگای فیدڕاڵ نۆ دانیشتنی سەبارەت بە كێشەی زەوییەكانی 14 گوندی سنوری سەرگەڕان و دووبز و پردێ و 9 گوندی سنوری داقوق ئەنجامداوە و دوایین دانیشتنیش لە ڕۆژی 24ی نیسانی ڕابردوو ئەنجامدرابوو.

هاوڵاتی بڕیارە ڕۆژی 28ی ئەم مانگە هەڵبژاردنی 14مین خولی سەرۆكایەتیی كۆمار لە سەرتاسەری ئێران و رۆژهەڵاتی كوردستان بەڕێوەبچێت، 81 کەس خۆیان کاندید کردووە لەنێوانیشیاندا 8 کوردن. لەكۆی 287 كەس كە داوایان کە داوانپێشکەشکردووە نۆ پۆستی سەرۆک کۆماری ئێران، تەنها 81 كەسیان مەرجە سەرەتاییەكانیان هەبووە بۆ ناوتۆماركردنی كۆتایی، لەنێو ئەوانیشدا هەشت كەسیان كوردن. ئێوارەی رۆژی دووشەممە، تۆماركردنی كاندیدەكانی خولی 14ی هەڵبژاردنی سەرۆكایەتی ئێران كۆتاییهات، وەزیری ناوخۆی ئێران لەبارەی وردەكاری پرۆسەكەوە رایگەیاند، ماوەی 7 ڕۆژ بۆ هەڵسەنگاندنی شایستەیی وەرگرتن یان رەتكردنەوەی كاندیدەكان لەلایەن ئەنجوومەنی چاودێری و 14 ڕۆژیش بۆ بانگەشە تەرخاندەكرێت. ئەمەش لە کاتێکدایە، کە بەپێی دەستووری ئێران، دەبێت كاندیدەكان كەسانی ئایینی، سیاسی، بە ڕەچەڵەك ئێرانی بن و خاوەنی ڕەگەزنامەی ئەو وڵاتە بن، هەروەها كەسی متمانەپێكراو و باوەڕداربن بە بناغەكانی ئێران و ئایینی فەرمی وڵات.

هاوڵاتی رۆژی دووشەممە 3 حوزەیرانی 2024، لە دوایین رۆژی مۆڵەتی ناونووسینی پاڵێوراوانی سەرۆککۆماری ئێراندا 43 کەس ناویان نووسیوەو خۆیان پاڵاوتووە، بەم شێوەیە لە ماوەی 5 رۆژدا 80 کەس خۆیان بۆ هەڵبژاردنی سەرۆککۆماری ئێران ناونووس کردووە. ئەم هەڵبژاردنە بۆ جێگرتنەوەی ئیبراهیم رەئیسی سەرۆککۆماری ئێران بەڕێوە ئەچێت کە رۆژی 19ی ئایاری 2024، بە هۆی کەوتنە خوارەوەی کۆپتەرەوە گیانی لە دەستدا. بە پێی زانیارییەکان لەم رۆژەدا ژمارەیەک لە نوێنەرانی پێشتری پەرلەمانی ئێران و وەزیر و بەرپرسانی پێشتری ئێران خۆیان بۆ هەڵبژاردنی سەرۆککۆماری پاڵاوتووە. دوانیوەڕۆی ئەمڕۆ دووشەممە 3ی حوزەیران، ئیسحاق جەهانگیری، جێگری یەکەمی حەسەن رووحانی سەرۆککۆماری پێشتری ئێران، خۆی بۆ هەڵبژاردنی سەرۆککۆماری پاڵاوت. جەهانگیری لە هەڵبژاردنی سەرۆککۆماری بۆ ساڵی 2017 بەشداری کردبوو، بەڵام لە بەرژەوەندی حەسەن رووحانیدا کشایەوە و پشتیوانی خۆی لە رووحانی دەربڕی. ساڵی 2021، خۆی پاڵاوتبوو، بەڵام لە لایەن ئەنجومەنی چاودێرییەوە شایستە بوونی رەت کرایەوە و نەچووە لیستی کۆتایی پاڵێوراوەکانەوە. هەروەها هەر لەم رۆژەدا محەممەد باقر قاڵیباف، سەرۆکی پەرلەمانی ئێران، خۆی بۆ هەڵبژاردنی سەرۆککۆماری پاڵاوتووە. مستەفا پوور محەممەدی ، کە پێشتر وەزیری ناوخۆی ئێران بووە و یەکێک بووە لە ئەندامانی لە سەردەمی ئێعدامەکانی هاوینی 1987 بە لێژنەی مەرگ ناویان دەرکردبوو، خۆی بۆ سەرۆککۆماری پاڵاوتووە. ئیبراهیم رەئیسی سەرۆککۆماری پێشتری ئێران کە بە رووداوی کەوتنەخوارەوەی فڕۆکە گیانی لە دەستدا، سەرۆکی ئەو چوار کەسە بوو کە بە لێژنەی مەرگ دەناسران.  

هاوڵاتی ئەمڕۆ دووشەممە 3ی حوزەیارنی 2024، بانکی ناوەندیی عێراق بەپێی نوسراوێک کە بڵاویکردووەتەوە، رایگەیاند، 197 کۆمپانیای قەدەغەکرد لە مامەڵەکردن بە دۆلار لەسەکۆی کڕین و فرۆشتنی دراوی بیانیدا بەھۆی سپیکردنەوەی پارە و بەقاچاخبردنی دۆلار. دەشڵێت، چیتر رێگەیان پێنادرێت بچنە ناو سەکۆی ئەلیکترۆنی بانکەکەوە بۆ کڕین و فرۆشتنی دراوی بیانی. جێگای ئاماژەیە، بانکی ناوەندیی عێراق لە مانگی تشرینی دووەمی 2022، سەکۆیەکی ئەلیکترۆنی دانا بۆ کڕین و فرۆشتنی دۆلار، بە مەبەستی کۆنتڕۆڵکردنی نرخی دۆلار و رێگریکردن لە سپیکردنی دۆلار و بەقاچاخبردنی بۆ دەرەوەی وڵات. لە هەمانکاتدا، بانکی ناوەندیی چەند رێنماییەکی بڵاوکردووەتەوە، کە چاودێری جوڵەی ئەژماری ئەو کۆمپانیایانە دەکات، کە دۆلار و دراوی بیانی لە بانکەکە دەکڕن و ھەر کۆمپانیایەک پابەندی ئەو رێنماییانە نەبێت کڕین و فرۆشتنی دۆلاری لێ قەدەغەدەکرێت.

هاوڵاتی ئەمڕۆ دووشەممە 3ی حوزەیرانی 2024، سەرۆک وەزیرانى عێراق لەدواى پەسەندکردنى خشتەکانى بودجە لەلایەن ئەنجوومەنى نوێنەرانى عێراقەوە راگەیەندراوێکى بڵاوکردەوە  تێیدا، دەستخۆشى لە ئەندامانى ئەنجوومەنى نوێنەران و هێزە سیاسییەکان کرد. لە راگەیەندراوەکەدا هاتووە، سوپاسى هەوڵى سەرۆکایەتى ئەنجوومەنى نوێنەرانى عێراق و هێزە سیاسییەکان و لیژنەکانى ئەنجوومەنى نوێنەران و لیژنەى دارایى دەکات بۆ پەسەندکردنى خشتەکانى بودجە. دەشڵێت، "پشتیوانى ئەنجوومەنى نوێنەران و هێزە سیاسییەکانى بەدەستهێناوە". جێگای ئاماژەیە، ئەمڕۆ ئەنجومەنی نوێنەرانی عێراق بە ئامادەبوونی 199 پەرلەنتار کۆبوونەوە و تێدا بڕیار لەسەر پەسەندکردنی بودجەی ساڵی 2024 درا.

هاوڵاتی د، نەرمین مەعروف رایگەیاند، بۆ ئەوەی چیتر کێشە بۆ مووچەخۆران دروستنەبێت وەزارەتی دارایی عێراق و هەرێمیش پەلەبکەن لە هەنگاوەکان بۆ بەبانکیکردنی مووچەی موچەخۆرانی هەرێمی کوردستان. ئەمڕۆ دوشەممە 3حوزەیرانی 2024، د ، نەرمین مەعروف، ئەندامی لیژنەی دارایی لە پەرلەمانی عێراق رایگەیاند، پەلە بکرێت لە بەبانکیکردنی مووچەی مووچەخۆرانی هەرێمی کوردستان بۆ ئەوەی هاوشێوەی موچە خۆرانی عێراق لە کاتی خۆیاندا مووچە وەربگرن. ئەم پەرلەمانتارە دەشڵێت، لەبەر ئەوەی بەپێی خشتەی بودجەی ساڵی 2024، بڕەکەی دیاریکراوە و بەپێی یاساش ناتوانرێت گۆڕانکاری تێدا بکرێت بۆیە ناتوانرێت هیچ فەرمانبەرێک یاخود خانەنشینێک بە پلە بەرزکردنەوە لەناو بودجەدا بۆ ئەمساڵ شوێنیان بکرێتەوە. ئەوەشی خستەڕوو، ئومێدێک هەیە ئەگەر بێت و تەواوی زانیانیاریەکانیان بگاتە وەزارەتی دارایی حوکمەتی فیدراڵ و وردبینیان بۆ بکرێت ئەو کات ئەگەرێک هەیە پێداچوونەوە بە موچەکانیان دابکرێت. وتیشی، بەردەوام دەبین لە داکۆکیکردن لە مافەکانی خەڵک و مووچەخۆرانی هەرێمی کوردستان تا بە مافە رەواکانی خۆیان دەگەن.

هاوڵاتی ئەمڕۆ دوشەممە 3ی حوزەیرانی 2024، بە ئامادەبوونی 199 پەرلەمانتار ئەنجومەنی نوێنەرانی عێراق کۆبۆوە بۆ بڕیاردان لەسەر خشتەی بودجەی ساڵی 2024، لە کۆبوونەوەکەدا خشتەی بودجەی ئەمساڵ پەسەندکرا. لە خشتەی بودجەی ساڵی 2024ی عێراق، پشکی هەرێمی کوردستان 20 ترلیۆن و 950 ملیار دینارە. بە پێی چەند سەرچاوەیەک لە ئەنجومەنی نوێنەرانی عێراق ، 11 ترلیۆن دیناری بۆ مووچەی موچەخۆرانی هەرێم تەرخانکراوە، دوو ترلیۆن دیناریش گوازراوەتەوە بۆ خەرجی پارێزگاکان لای خۆشیە نەرمین مەعرووف، ئەندامی لیژنەی دارایی ئەنجوومەنی نوێنەرانی عێراق رایگەیاند، مانگانە بەغداد مووچە بۆ فەرمانبەرانی هەرێمی کوردستان دەنێرێت.

هاوڵاتی ئەندامێکی لیژنەی دارایی لە ئەنجومەنی نوێنەرانی عێراق هۆکاری نەناردنی مووچەی هێزە ئەمنییەکانی هەرێمی کوردستان ئاشکرادەکات. د. نەرمین مەعروف، ئەندامی لیژنەی دارایی لە ئەنجومەنی نوێنەرانی عێراق راگەیاند، "ئەمڕۆ دووشەممە 3ی ئایاری 2024 لەگەڵ دکتۆر خلیل غازی، ئەندامی لیژنەی دارایی ئەنجومەنی نوێنەران سەردانی وەزارەتی دارایی فیدڕاڵمان کرد بە مەبەستی بەدواداچوون بۆ چەند پرسێکی دارایی پەیوەست بە پشک و شایستە داراییەکانی هەرێم". ئاماژەی بەوەشکرد، "تایبەت بە هۆکاری دواکەوتنی مووچەی هێزە ئەمنییەکان، پەیوەندی هەیە بە تەواونەبوونی وردبینی لە دیوانی چاودێری دارایی فیدڕاڵی و ئەو تێبینیانەی وەزارەتی دارایی هەیەتی لەسەر زانیاری و لیستی مووچەکانیان".

هاوڵاتی/ سازگار ئەحمەد بڕیارە ئەمڕۆ ئەنجومەنی نوێنەرانی عێراق بۆ دەنگدان لەسەر هەمواری پرۆژە یاسای بودجەی ساڵی 2024 کۆبێتەوە. ئەمڕۆ دووشەممە 3ی حوزەیرانی 2024، دارا سێکانیانی، ئەندامی ئەنجومەنی نوێنەرانی عێراق بە هاوڵاتی راگەیاند، "بڕیارە ئەمڕۆ کاتژمێر 3:00 دوانیوڕۆ ئەنجومەنی نوێنەرانی عێراق بۆ دەنگدان لەسەر هەمواری یاسای بودجەی ساڵی 2024 کۆبێتەوە کە لەلایەن حکومەتەوە نێردراوە بۆ ئەنجومەنی نوێنەران". بودجەى عێراق بۆ ساڵی 2024 زیاتر لە 211 تریلیۆن دینارە کە نزیکەى 12 تریلیۆن دینارى بەراورد بە ساڵى 2023 زیاترە و لەو بڕە پارەیە 20.9 تریلیۆن دینارى پشکى هەرێمى کوردستانە. ئەو ئەندامەی ئەنجومەنی نوێنەرانی عێراق ئاماژەی بەوەشکرد، "ئەو بەشە بودجەیەی لە یاسای بودجەدا بۆ هەرێمی کوردستان تەرخانکراوە بڕێکی باشە، بەڵام جێبەجێکردنی خاڵەکانی یاسای بودجە پەیوەستە بە پابەندبوونی هەردوو حکومەتی هەرێمی کوردستان و عێراق بەو رێککەوتنەی کە لەنێوانیاندا هەیە".  

هاوڵاتی میدیاکانی سووریا رایانگەیاند، "بەرەبەیانی دووشەممە 3ی حوزەیرانی 2024، لە لایەن ئیسرائیلەوە هێرش کراوەتە سەر ناوچەیەک لە نزیک شاری حەلەب و بەو هۆیەوە چەند کەس کوژراون و  بریندار بوون و ئەمە دووهەمین هێرشی لەم جۆرەیە لە ماوەی کەمتر لە هەفتەیەکدا". میدیاکانی سووریا وردەکاری زیاتریان لەم بارەوە بڵاونەکردووەتەوە و دەرنەکەوتووە بە دروستی ئەو شوێنەی کە بۆمباران کراوە لە کوێیە، بەڵام رێکخراوی چاودێری مافی مرۆڤی سووریا رایگەیاندووە، "هێرش کراوەتە سەر چەند شوێنێک لە شارۆچکەی "حەییان" لە باکوور حەلەب و لانیکەم 12 کەس لە میلیشاکانی سەر بە ئێران کوژراون". بەپێی راپۆرتی رێکخراوی چاودێری مافی مرۆڤی سووریا، هێرشەکانی بەرەبەیانی رۆژی دووشەممە 3ی ئایار بووە بە هۆی تەقینەوەیەکی گەورە لە کارگەیەکی و فریاگوزاری خێرا و ئاگرکوژێنەوە خۆیان گەیاندۆتە شوێنی رووداوەکە بۆ رزگارکردنی بریندارەکان. دەوڵەتی سووریا رۆژی چوارشەممە 29ی ئایاری 2024 رایگەیاند، " بەهۆی هێرشە ئاسمانییەکانی ئیسرائیلەوە بۆ سەر شاری بانیاس مناڵێک کوژراوەو دەیان کەس بریندار بوون".

هاوڵاتی هیوا عەلی، "وەک وەزارەتى کشتوکاڵ داوامان کردووە زۆرترین گەنمى جووتیارانى هەرێمى کوردستان، لەلایەن حکومەتى عێراق وەربگیرێت، بەڵام عێراق تەنیا 700 هەزار تۆنى دیاریکردووە و ئەوانیش پێى رازى نەبوون". ئەمڕۆ یەکشەممە 2ی حوزەیرانی 2024، گوتەبێژى وەزارەتى کشتوکاڵ و سەرچاوەکانى ئاوى حکومەتى هەرێمى کوردستان رایگەیاند،" بڕى کڕینەوەى گەنمى جووتیارانى هەرێمى کوردستان، لەلایەن سەرۆکوەزیرانى عێراق یەکلایدەکرێتەوە". هیوا عەلی، دەڵێت، "رۆژى سێشەممە لە کۆبوونەوەى ئەنجوومەنى وەزیرانى عێراق، بڕى کڕینەوەى گەنمى جووتیارانى هەرێمى کوردستان، لەلایەن سودانى یەکلایی دەکرێتەوە و چاوەڕێى ئەوەن ئەو بڕە زیادبکرێت، چونکە دوو ملیۆن تۆن بەرهەمى گەنمیان لەهەرێمى کوردستاندا دەبێت". ئاماژەیبەوەشکرد، "وەک وەزارەتى کشتوکاڵ داوایان کردووە زۆرترین گەنمى جووتیارانى هەرێمى کوردستان، لەلایەن حکومەتى عێراق وەربگیرێت، بەڵام عێراق تەنیا 700 هەزار تۆنى دیاریکردووە و ئەوانیش پێى رازى نەبوون". سەبارەت بەوەرگرتنی پرۆسەی گەنمی جوتیارانی هەرێم کوردستان لە لایەن حکومەتی عێراقەوە وتی، "بڕیاربوو یەکى حوزەیران دەست بە وەرگرتنى پڕۆسەى وەرگرتنى گەنمى جووتیاران بکرێت، بەڵام چاوەڕێى بەغداد دەکەن، تاوەکو بڕى وەرگیراوى گەنم یەکلایی بکاتەوە و پاشان پشکى پارێزگاکانى هەرێمى کوردستان لەسەر بنەماى چاندنى دۆنم بە گەنم یەکلایی دەکرێتەوە". ئەمەش لە کاتێکدایە، لەهەرێمى کوردستان 10 سایلۆ و چەندین تانکیى گەورە لە ژێر زەوى ئامادەکراوە بۆ وەرگرتنى گەنمى جووتیارانى هەرێمى کوردستان.  

هەوراز حوسێن هاوڵاتی، وارشۆ ئەحمەدی نەژاد، سەرۆکی پێشووی ئێران خۆی بۆ پۆستی سەرۆکی ئەو وڵاتە بۆ جاری سێیەم بەربژێردەکاتەوە. ئەمە لەکاتێکدایە، دوای ماوەی سەرۆکایەتییەکەی تاوەکو ئێستا دوو جار ویستوویەتی خۆی بەربژێربکاتەوە، بەڵام لەلایەن ئەنجوومەنی باڵای پارێزەرانی ئێرانەوە داواکارییەکەی قبوڵ نەکرا. رۆژی یەکشەممە 2-6-2024، ئەحمەدی نەژاد، سەرۆککۆماری پێشووی ئێران، داواکاریی بۆ بەربژێربوونی لە هەڵبژاردنی سەرۆکایەتی ئێراندا پێشکێشی ئەنجوومەنی پارێزەران کرد. دوای پێشکێشکردنی داواکارییەکەی رایگەیاند، "دڵنیام ئەگەر ئەوپەڕی توانای نیشتمانیی خۆمان بەکاربهێنین، تەواوی کێشەکانی وڵاتەکە چارەسەر دەبن". بڕیارە 28ی حوزەیرانی ئەمساڵ هەڵبژاردنی سەرۆکایەتی کۆماری ئێران لە رۆژهەڵاتی کوردستان و ئێران بەڕێوەبچێت. ئەوەش دوای ئەوەی ئیبراهیم رەئیسی، سەرۆککۆماری ئێران لە رووداوێکی کەوتنەخوارەوەی فڕۆکەدا گیانی لەدەستدا. ئەحمەدی نەژاد تەمەنی 67 ساڵە و لە 2005 تاوەکو 2013 سەرۆککۆماری ئێران بووە. لە ماوەی سەرۆکایەتی ئەحمەدی نەژاددا، پەیوەندی نێوان ئێران و رۆژئاوا لەوپەڕی خراپیدابووە. هۆکاری سەرەکیش بۆ ئەوە، پرۆگرامی ئەتۆمیی ئێران بوو. داواکاریی بەربژێربوونی ئەحمەدی نەژاد لەلایەن ئەنجوومەنی پارێزەرانی ئێرانەوە دەبێت پێداچوونەوەی بۆ بکرێت، پاشان دەتوانێت دەست بە کامپەینەکەی بۆ بوونەوە بە سەرۆککۆماری ئێران بکات. لە 2017 و 2021دا لەلایەن ئەنجوومەنەکەوە داواکارییەکەی رەتکرایەوە. وەڵامی داواکارییەکەی ئەحمەدی نەژاد و بەربژێرەکانی دیکەی هەڵبژاردنی سەرۆکایەتی کۆماری ئێران، 11ی ئەم مانگە دەدرێتەوە.

هاوڵاتی ئەمڕۆ یەکشەممە 1ی حوزەیرانی 2024، کونسوڵخانەی ئەمریکا لە هەولێر لە ڕێگەی راگەیندراوێکەوە ئاگاداری هاوڵاتیانی عێراقی دەکاتەوە و دەڵێت، بە کورتەنامە و پەیوەندی پێوەکردنی تر هەڵمەخەڵەتێن، مامەڵەش لە گەڵ هیچ بانکێکدا مەکەن جگە لە بانکی بەغدا بۆ پارەدانی ڤیزای ئەمریکا. کونسوڵخانەی ئەمریکا دەشڵێت، ئەگەر پەیوەندیتان پێوەکرا لە رێگەی کورتەنامە یان تەلەفۆن و ئیمێڵەوە بۆ ناردن یاخود ‌حەواڵەکردنی پارە لە بەرامبەر پێدانی ڤیزادا، ئەوە ساختەکارییە و دەبێت خۆتی لێ بەدووربگریت. ئاماژەی بەوەشداوە، مامەڵە لە گەڵ هیچ بانکێکدا مەکەن جگە لە بانکی بەغداد بۆ پارەدانی ڤیزای ئەمریکا. ئەوەشی خستۆیەڕوو، مەهێڵن هەڵتانبخەڵەتێنن، تەنیا شوێن کە پارەی ڤیزای گەشتیاریی ئەمریکای لێوە دەدرێت، یەکێك لە لقەکانی بانکی بەغدایە.  

هاوڵاتی وەزیری ناوخۆی هەرێمی کوردستان، بەدڵنیایەوە پارێزگاری کەرکوک کورد دەبێت و بەدڵی هەمووان دەبێت. ئەمڕۆ یەکشەممە 2ی حوزەیرانی 2024، رێبەر ئەحمەد، وەزیری ناوخۆی هەرێمی کوردستان رایگەیاند، بە دڵنیایەوە پارێزگاری کەرکووک کورد دەبێت و بۆ پڕکردنەوەی پۆستەکە لەگەڵ لایەنەکان لە گفتوگۆ دان، لە ئاییندەیەکی نزیکدا پارێزگارێک دیاری دەکەن کە بە دڵی هەمووان بێت. سەبارەت بە سەردانەکەی مەسرور بارزانی سەرۆک وەزیرانی هەرێم بۆ بەغدا، سەردانێکی زۆر سەرکەوتووبووە. دەشڵێت، لە بەغدا هەموو لایەنەکان کۆک بوون لەسەر ئەوەی بابەتی مووچە بەیەکجاری و بەشێوەیەکی بنەڕەتی چارەسەر بکرێت، سەرۆکی حکومەت زۆر سوورە لەسەر ئەوەی لە ئاییندەیەکی نزیکدا ئەم بابەتە چارەسەر بکرێت.

هاوڵاتی/ سازگار ئەحمەد ئەندامێکی  ئەنجومەنی پارێزگای سەڵاحەدین رایدەگەیەنێت بەهۆی نەبوونی کادرەوە کورد ناتوانێت بەشێک لە پۆستەکان لە قەزای دوزخورماتوو وەربگرێت، ئاماژە بەوەشدەکات باڵانسی دەسەڵات بەلای کوردا نییە. ئەمڕۆ یەکشەممە 2ی حوزەیرانی 2024، یاسین داودی، ئەندامی ئەنجومەنی پارێزگای سەڵاحەدین بە هاوڵاتی راگەیاند، "لە ئێستادا سەرقاڵی دابەشکردنی پۆستین لە شاری تکریت و کار لەسەر وەرگرتنی پۆست دەکەین بۆ کورد و پۆستەکانی بەڕێوەبەری راوێژکار و بەڕێوەبەری وەبەرهێنانمان لە پارێزگای سەڵاحەدین وەرگرتووە". ئاماژەی بەوەشکرد، "لەئێستادا لە هەوڵداین چەندین پۆستی دیکە لە تکریت وەربگرین و دواتر لەگەڵ عەرەب و تورکمانەکان گفتوگۆ دەکەین لەبارەی پۆستەکانی قەزای دوزخورماتوو، کە بەپێی ئەو رێژەی کە ئێستا هەیە لە %12ی پۆستەکانی دوزخورماتوو بۆ کوردە و لە %64ی لای شیعە و تورکمانە و لە %24یش لای عەرەبی سوننەیە".  یاسین داودی باسی لە کێشەیەکی دیکە کرد و وتی، "یەکێک لە کێشەکانی کورد لە قەزای دوزخورماتوو ئەوەیە کە کادیری کورد کەمە بۆ وەرگرتنی پۆستەکان، هەروەها رەنگە هەندێک پۆستمان بەرکەوێت لە ئێستادا نەتوانین وەکو پێویست ئیدارەی بدەین، چونکە باڵانسی هێز بە لای ئێمەدا نییە". ئەو ئەندامەی ئەنجومەنی پارێزگای سەڵاحەدین وتیشی، "لە قەزای خورماتوو داوای پۆستەکانی بەڕێوەبەری پەروەردە و شارەوانیمان کردووە". ئەنجوومەنی پارێزگای سەلاحەدین لە 15 ئەندام پێکهاتووە و تەنها یەک نوێنەری کوردە، ئەویش یاسین داوودییە لە یەکێتیی نیشیمانیی کوردستان، هەروەها قەزای دوزخورماتوو دەکەوێتە سنووری پارێزگای سەلاحەدین و یەکێکە لە ناوچە دابڕاوەکانی هەرێمی کوردستان.