هاوڵاتى عیماد ئه‌حمه‌د ئه‌ندامى سه‌رکردایه‌تى یه‌کێتى رایگه‌یاند:" له 16ى ئۆکتۆبه‌ردا به‌شێکى شیعه‌ى عه‌ره‌ب ماسکى درۆزنانه‌یان به‌رامبه‌ر به ئه‌زمونى فیدڕاڵى له کوردستان داماڵدرا". ئه‌مڕۆ هه‌ینى، 16ى تشرینى یه‌که‌مى 2020، عیماد ئه‌حمه‌د، له وتارێکدا به بۆنه‌ى تێپه‌ڕبونى سێ ساڵ به‌سه‌ر روداوى 16ى ئۆکتۆبه‌ردا رایگه‌یاند"له‌مێژوى نوێماندا (16) ئۆکتۆبه‌رى ساڵى (2017) دواهه‌مین کاره‌سات بو له‌لایه‌ن ده‌سه‌ڵاتدارانى عیراق به‌گشتى و لایه‌نى شیعه‌ى ده‌سه‌ڵاتدار به به‌تایبه‌تى به‌سه‌ر کوردا هات". هه‌روه‌ها ده‌شڵێت:" 16ى ئۆکتۆبه‌ر کاره‌سات و تاوانێک بوو دژ به میلله‌ته‌که‌مان، له‌م رۆژه‌دا به‌رونى هه‌ڵوێستى راسته‌قینه‌ى به‌شێکى شیعه‌ى عه‌ره‌ب ده‌رکه‌وت و ماسکى درۆزنانه‌یان به‌رامبه‌ر به ئه‌زمونى فیدڕاڵى له کوردستان داماڵدرا که چۆن ئه‌وان له سه‌رده‌مى حوکمڕانى و ده‌سه‌ڵاتدا بێ به‌ڵێن و بێ وه‌فا ده‌رچوون و چاکه‌ى کوردو بزوتنه‌وه‌که‌یان له‌به‌رچاونه‌بوو". عیماد ئه‌حمه‌د ریفراندۆم به مافێکى ره‌وا بۆ جێبه‌جێکردنى ئاشتیانه‌ى مافى چاره‌ى خۆنوسین ده‌زانێت و ده‌شڵێت:" به‌ڵام کاتێک بێ ره‌چاوکردنى ته‌رازوى هێز و به‌بێ گوێدان به ئامۆژگارى دۆستان و هه‌ره‌شه‌ى دوژمنان، وه‌ک کورد تاک لایه‌نه ریفراندۆمان ئه‌نجامدا، ئه‌وا وێڕاى ڕه‌وایه‌تى مافه‌که،و سه‌روه‌رییه‌کى مێژوویی، ملله‌ت ده‌نگى خۆى گه‌یاندو دووژمنه‌کانیش گورزى خۆیاند وه‌شاندو سته‌مى رۆژگارى لێکه‌وته‌وه".
هاوڵاتى سه‌رۆکى حکومه‌تى هه‌رێمى کوردستان دۆخى که‌رکووک و ناوچه کوردستانییه‌کانى دیکه به نائاسایى ناوده‌بات ده‌شڵێت:" له خیانه‌ت به زامتر ئه‌وه‌یه، که گه‌ل خیانه‌تکار سزا نه‌دات". مه‌سرور بارزانی، سه‌رۆکى حکومه‌تى هه‌رێمى کوردستان ئه‌مڕۆ هه‌ینى 16ى تشرینى یه‌که‌مى 2020، له ساڵیادى هێرشى سوپاو حه‌شدى شه‌عبى عێراق بۆ سه‌ر که‌رکوک، په‌یامێکى بڵاوکرده‌وه و رایگه‌یاند: "ئه‌و دۆخه نائاساییه‌ى که له ئه‌نجامى خیانه‌تى خاکفرۆشانه‌وه، له که‌رکووک و ناوچه کوردستانییه‌کانى دیکه هاته ئاراوه، جێگه‌ى قبوڵکردن نییه". سه‌رۆکى حکومه‌تى هه‌رێمى کوردستان ده‌شڵێت:" هه‌رگیز زامى خیانه‌تى خاکفرۆشانمان بیر ناچێته‌وه، به‌ڵام له خیانه‌ت به زامتر ئه‌وه‌یه که گه‌ل خیانه‌تکار سزا نه‌دات". رۆژى 16 ى ئۆکتۆبه‌رى 2017، دواى نزیکه‌ى سێ هه‌فته به‌سه‌ر ریفراندۆمدا، حه‌شدى شه‌عبى و هێزه عێراقییه‌کان هێرشیان کرده سه‌ر که‌رکوک و ده‌وروبه‌ری، ناوچه کوردستانییه‌کان که‌وتنه ژێر کۆنترۆڵى حکومه‌تى عێراق و هێزه‌کانى پێشمه‌رگه له‌سه‌رجه‌م میحوه‌ره‌کان کشانه‌وه‌و له‌سه‌دا 51%ى خاکى کوردستان ته‌سلیمى عێراق کرایه‌وه.
هاوڵاتى پۆلیسى هه‌ولێر ده‌ڵێت، به‌ڕێوه‌به‌ره‌که‌یان کۆى موچه‌ى ئه‌م مانگه‌ى خۆى بۆ ژه‌مه خواردنى یه‌ک مانگى 500 ئه‌فسه‌رو کارمه‌ند ته‌رخانکرد. ئه‌مڕۆ هه‌ینى 16ى تشرینى یه‌که‌مى 2020، هۆگر عه‌زیز، وته‌بێژى پۆلیسى هه‌ولێر، ئه‌مڕۆ هه‌ینی، رایگه‌یاند:" عه‌مید دلێر نه‌جار، به‌ڕێوه‌به‌رى پۆلیسى پارێزگاى هه‌ولێر ئه‌مڕۆ ڕێکه‌وتى 16/10/2020، هاوکات له‌گه‌ڵ دابه‌شکردنى موچه‌ى پۆلیسدا، بایى کۆى موچه‌که‌ى خۆی، ژه‌مه خواردنى بۆ 500 ئه‌فسه‌ران و کارمه‌ندانى به‌شى پۆلیسى فریاکه‌وتنى هه‌ولێر دابین کرد بۆ ماوه‌ى یه‌ک مانگ."
هاوڵاتى به‌پێى خشته‌ى دابه‌شکردنى مووچه بڕیاره ئه‌مڕۆ هه‌ینى موچه‌ى وه‌زاره‌تى پێشمه‌رگه، یه‌که‌ى 70 و 80 ، وه‌زاره‌تى ناوخۆ، فه‌رمانده‌ى زێره‌ڤانى و به‌رگرى و فریاکه‌وتن، وه‌زاره‌تى دارایى و لیواى نه‌وت دابه‌شده‌کرێت. وه‌زاره‌تى دارایى هه‌رێم رۆژى چوارشه‌ممه خشته‌ى دابه‌شکردنى مووچه‌ى سه‌رجه‌م وه‌زاره‌ته‌کانى راگه‌یاند و دوێنێ پێنجشه‌ممه‌ش مووچه‌ى وه‌زاره‌تى ته‌ندروستى دابه‌شکرا، ئه‌مڕۆ هه‌ینیش موچه‌ى وه‌زاره‌تى پێشمه‌رگه، یه‌که‌ى 70 و 80 ، وه‌زاره‌تى ناوخۆ، فه‌رمانده‌ى زێره‌ڤانى و به‌رگرى و فریاکه‌وتن، وه‌زاره‌تى دارایى و لیواى نه‌وت دابه‌شده‌کرێت. هه‌روه‌ها بۆ سبه‌ینێ شه‌ممه مووچه‌ى وه‌زاره‌تى په‌روه‌رده، وه‌زاره‌تى شه‌هیدان و ئه‌نجومه‌نى ئاسایش و ده‌زگاى ئاسایش دابه‌شده‌کرێت.
خدر ره‌شۆ شنگالی به‌ڕێوبه‌ری پێشووی ناحیه‌ی "سنوونێ" وه‌ك قائیمقامی نوێی قه‌زای شنگال ده‌ستنیشانكرا، دوای رێككه‌وتنی هه‌ینی رابردووی نێوان حكومه‌تی هه‌رێمی كوردستان و به‌غدا له باره‌ی ئاساییكردنه‌وه‌ی ره‌وشی ئیداری و ئه‌منیی شنگاله‌وه. قادر قاچاخ، بەرپرسی لقی پارتی لە شنگال ڕایگەیاند ھەردوو حکومەتی هەرێم و عیراق لەسەر ئەوە ڕێک کەوتوون خدر ڕەشۆ کە پێشتر بەڕێوەبەری ناحیەی سنوونێ بوو بکرێتە قایمقامی نوێی شنگال و ئەوان چاوەڕوانی هەنگاوی پراکتیکیی حکومەتی عێراقن تا هێزە چەکدارەکان "وەدەر بنرێن" و ئیدارەی نوێی شنگال دەست بە کارەکانی بکات. وتیشی "قایمقام پشکی کوردە و لەنێو کوردیشدا هی پارتییە و پارتی بە ئیستحقاقی خۆی دەزانێت، ئێمە چاوەڕوانی کرداری حکومەتی عێراقین تا ئەو هێزە نایاساییانە دەربکرێن و ئیدارەی نوێ دەستبەکار بێت." "خدر ره‌شۆ شنگالی له‌دایكبووی 1968ه و به‌كالۆریۆسی له یاسا هه‌یه و خه‌ڵكی شنگاله و پێش (2014)، به‌ڕێوبه‌ری ناحیه‌ی سنوونێی سه‌ر به قه‌زای شنگال بووه.
.jpg)
ھاوڵاتی ڕاگەیاندراوی (٢٤) کاتژمێری تایبەت بە نەخۆشی ڤایرۆسی کۆڕۆنای نوێ COVID19 ژمارە (٢٣٢) ١. پشکنین: (٥٣٧٨ پشکنینی نوێ) (٢٠٣٥ هەولێر) (٧٣٠ سلێمانی، ١٧٢ گەرمیان، ٢٢٨ ڕاپەڕین) (٢١٨٣ دهۆك) (٣٠ هەڵەبجە) ٢. تووشبوو: (٩٧٤ تووشبووی نوێ) (٣٢٢ هەولێر) (١٨٣ سلێمانی، ٣١ گەرمیان، ٩٣ ڕاپەڕین) (٣٢٠ دهۆك) (٢٥ هەڵەبجە) ٣. چاکبوون: (٣٧٦ چاکبوون) (١٣٦ هەولێر) (٢٣ سلێمانی، ٣٨ گەرمیان، ١٣ ڕاپەڕین) (١٤٦ دهۆك) (٢٠ هەڵەبجە) ٤. مردن: (٢٨ مردن) (١٠ هەولێر) (٦ سلێمانی) (٩ دهۆك) (٣ هەڵەبجە) ئاماری گشتی: کەڕەنتین هاوڵاتی ٢١٨٧١ (٢١٨٧١ دەرچوو) پشکنین ٥٤٧٢٤٥ (١٩٧٦٨٠ هەولێر، ١٣٠٩٣٨ سلێمانی، ٢١٣٧٧٧ دهۆك، ٤٨٥٠ هەڵەبجە) تووشبوون ٥٩٢٥١ (٢١٥٧٠ هەولێر، ١٩٠٢١ سلێمانی، ١٦٥٩١ دهۆك، ٢٠٦٩ هەڵەبجە) چاکبوون ٣٦٢٧٥ (١٥٩٢٤ هەولێر، ١٠٩٩٧ سلێمانی، ٧٤٢٠ دهۆك، ١٩٣٤ هەڵەبجە) لەژێر چارەسەر ٢٠٨٨٨ (٥٠٢٢ هەولێر، ٦٩٧٨ سلێمانی، ٨٨١٢ دهۆك، ٧٦ هەڵەبجە) مردن ٢٠٨٨ (٦٢٤ هەولێر، ١٠٤٦ سلێمانی، ٣٥٩ دهۆك، ٥٩ هەڵەبجە) بۆ زانیاری زیاتر سەردانی داشبۆردی حکومەتی هەرێمی کوردستان بکەن لەم لینکە (https://gov.krd/coronavirus/dashboard/). وێڕای دەستخۆشی بۆ پزیشکان و کارمەندانی تەندروستی و هەموو تیمەکانی پزیشکی کە لە ئەرکدان، جارێکی تر داوا دەکەین هاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسك و دەستکێش، وە لەکاتی پێویستدا پەیوەندی بکەن بە هێڵی گەرمی ژمارە (١٢٢). وەزارەتی تەندروستی حکومەتی هەرێمی کوردستان ١٥ی تشرینی یەکەم ٢٠٢٠
ھاوڵاتی سەرۆکی حکومەتی هەرێمی کوردستان رایگەیاند هەنگاو دەنێن بەرەو وەبەرهێنانی "وزەی خاوێنتر و هەرزانتر" بۆ کوردستان لە داهاتووشدا وەبەرهێنان لە وزەی سەوزدا دەکەن. مەسرور بارزانی، سەرۆکی حکومەتی هەرێمی کوردستان لە تویتێکدا رایگەیاند، "بەرەو وەبەرهێنانی وزەی خاوێنتر و هەرزانتر بۆ کوردستان هەنگاو دەنێین... دەشێت وزەی سەوز ببێتە کەرتێکی سەرەکی بۆ سەرکەوتنی ئابوورییەکەمان". لە تویتەکەیدا وێنەیەکی هاوپێچکردووە کە تێیدا ئاماژە بەوەکراوە، "رۆژانە، کوردستان سێ هەزار مێگاوات وزە بەرهەم دەهێنێت". لە بەشێکی دیکەی وێنەکەدا باس لە پێکهاتەکانی وزەی ئەمڕۆی هەرێمی کوردستان کراوە و تێیدا هاتووە، "غازی سروشتی ٧٦%، نەوتی قورسی بارکراو ١٣%، وزەی هایدرۆی کارەبایی ٧% و سوتەمەنییەکانیش ٤%ن". وزەی سەوز کە بە دۆستی ژینگە ناسراوە لە سەرچاوەکانی وەکو تیشکی خۆر، با و باران، گەرمی، رووەکەکان، هاوکات تەواوی ئەو سەرچاوانەی کە نابنە هۆی پیسبوونی ژینگە وەردەگیرێت. کوردستان رۆژانە سێ هەزار مێگاوات کارەبا بەرهەمدەهێنێت، سەرۆکی حکومەت دەڵێ "سەرچاوەی بەرهەمهێنانی ئەو کارەبایە بەمشێوەیەیە: - گازی سرووشتی: 76٪ - نەوتی رەش 13٪ - کارۆئاو 7٪ - دیزڵ 4٪
ھاوڵاتی رۆژنامەى ئێکسپرێسی سویدی بڵاوکردەوە، رەجەب تەیب ئەردۆغان سەرۆ کۆماری تورکیا جیهادییەکانی رەوانەى بەرەکانی شەڕ کردووە لە سوریاو لیبیاو شەڕی نیوان ئەرمینیاو ئازەربایجان. رۆژنامەکە نوسیویەتی "ئەردۆغان ئیدی لە دژی ئاسایش و ژیانمان بووەتە هەڕەشەیەکی زۆر گەورە. ئەردۆغان یەکێک لە سوپای هەرە بەهێزەکانی ناتۆی هەیە و لە عێراق، سوریا، لیبیا، ئازەربایجان، سۆمالیا و باکووری قوبرس بنکەى سەربازیی هەیە. رۆژنامەکە باسی لەوەشکردوە کە "ئەردۆغان جیهادییەکان بۆ شەڕ لە دژی کورد، ئەرمەنی و سوریانی رەوانەى بەرەکانی شەڕ دەکات و مووچەیان پێدەدات. ئەردۆغان لە لیبیا لە دژی لائیکەکان شەڕ دەکات. ئەردۆغان رێککەوتننامە نێونەتەوەییەکان پێشێل دەکات و بە کشتی چەک بۆ لیبیا دەنێرێت". رۆژنامەکە نوسیویەتی "زمانی رق و نەفرەتی ئەردۆغان بەرامبەر بە ئەرمەن، کە لە کۆمەڵکوژییەکەی ساڵی ١٩١٥دا بە لانیکەمەوە ملیۆنێک و ٥٠٠ هەزار کەسیان لێ کۆمەڵکوژکراوە، رێگا بە ڕووی توڕەیی و نیگەرانیی قوڵ دا دەکاتەوە"
ھاوڵاتی ئانتۆنی فاوچی پزیشکی تایبەتی نەخۆشیە گوازراوەکان لە ئەمریکا رایەگەیاند بەهاری داھاتوو ڤاکسین بۆ زۆربەی ئەمریکییەکان ئامادە دەبێت و راشیگەیاند هەموو ئەو ڤاکسینانەی لە قۆناخی تاقیکردنەوەدان، "سەلامەت و کاریگەرن". دکتۆر ئانتۆنی فاوچی بە میدیای ئەمریکی راگەیاند "پێشبینی دەکەین لە چارەکی یەکەمی 2021 ڤاکسینەکە بەردەست بێت" و بەوردییش مانگی نیسانی بۆ دابەشکردنی بەسەر ئەمریکییەکاندا دەستنیشانکرد. ئەوەش لەکاتێکدایە دۆناڵد ترەمپ سەرۆکی ئەمریکا پیشتر رایگەیاندبوو لە سەرەتای مانگی 11دا پیش بەڕیوەچوونی ھەڵبژاردنەکان ڤاکسین بەسەر ئەمریکییەکاندا دابەشبکرێت، بەڵام زاناکان ئەمە رەتدەکەنەوە، چونکە دەڵێن ئەگەر ئەمڕۆ ڤاکسین پەسەندبکرێت، پێویستی بە دوو مانگ چاودێری هەیە تاوەکو بزانن چۆن کاری خۆی دەکات. دەیان ڤاکسین لە ئەمریکا بۆ رێگریکردن لە تووشبوون بە کۆرۆنا پەرەیان پێدەدرێت، کەمتر لە 10 ڤاکسینیان لە قۆناخی سێیەمی تاقیکردنەوەدان، هەردوو ڤاکسینی جۆنسن ئاند جۆنسن و ئاسترازینیکا بەهۆی ناسەلامەتییان وەستێندراون. سەبارەت بە گەیشتنی ڤاکسین بە وڵاتانی دەرەوە، سۆمیا سوامیناتان، پسپۆڕی باڵا لە رێکخراوی تەندروستی جیهانی رایگەیاند، پێشبینی دەکەن ساڵی 2022 ڤاکسینی کۆرۆنا لە جیهاندا بەردەست بێت. جەخت دەکاتەوە کە یەکەم کاروانی ڤاکسین لە کەسانی بەتەمەن و تیمە پزیشکییەکان دەدرێت کە لە بەرەی پێشەوەی شەڕن لەدژی ڤایرۆسەکە.
ھاوڵاتی لقی سلێمانیی یەکێتیی مامۆستایان رایگەیاند ھەتاوەکو بڕیار نەدرێت 30 رۆژ جارێک مووچە بەبێ بڕین دابەش بکرێت و لێبڕینەکانیش نەدرێتەوە، بایکۆت ناشکینن. لقی سلێمانیی یەکێتیی مامۆستایان راگەیەندراوێکی بڵاوکردەوە ئەمە دەقەکەیەتی: دوای راگەیاندنی رۆژی 6-10 دە رۆژ دانرا بۆ حکومەتی هەرێمی کوردستان بۆ وەڵام دانەوە، بەڵام تاوەکو ئێستا بەشێوەیەکی فەرمی وەڵام وەرنەگیراوە جگە لە راگەیێندراوی ئەمڕۆ کە بەرواری 14-10 لە راگەیاندنەکانەوە بینرا ئەوەش ئەو دوو خاڵەی کە داواکارابوو باس نەکرا. هەربۆیە ئەنجوومەنی لق پشت بەند بە داواکاریی مامۆستایان و بەڕێوەبەرەکان لە رێگەی گرووپەکانەوە بە تەلەفۆن و کورتەنامە داوای بەردەوام بوونیان کردووە بڕیاردرا بە: 1- بەردەوام بوون لە هەڵوێستی 6-10 2- جەختکردنەوە لەسەر داوکارییەکان کە -30 رۆژ جارێک مووچە دابەش بکرێت بەبێ بڕین - کارکردنەوە بە تەرفیع لە لیستی مووچە - دەرکردنی یاسای پارێزبەندی مامۆستا لە پەرلەمانی کوردستان - بەلیستی جیا 18%ی بڕاو خەرجبکرێتەوە لە هەفتەی داهاتوودا ئەگەر خزمەتی مامۆستا لەبەرچاو دەگیرێت. هەمووان ئەو راستییە دەزانن کە وەزارەتی پەروەردە تەنها سێ پۆلی خوێندنی کردووەتەوە کە ئەوەش یەک و دووی بنەڕەتی لەگەڵ دوانزەی ئامادەیی. بەوەش نۆ پۆلی تر لە دەرەوەی هۆڵەکانی خوێندن و کەمینەی مامۆستا ئەرکی قورس لەسەر شان دەگرن، ززۆرینەی خوێندکار و قوتابی و مامۆستا لە دەرەوەی ناوەندەکانی خوێندن دەبن سەرەڕای کەمیی دابینکردنی بابەتی خۆپارێزی. هەر بۆیە بەردەوام دەبین تاوەکو گرنگیی تەواو دەدرێت بە سێکتەری پەروەردە و باشکردنی گوزەرانی مامۆستا.
ھاوڵاتی مەزڵوم کۆبانی فەرماندەی گشتیی هێزەكانی سوریای دیموكرات (ھەسەدە) پشتیوانی داواكەی سوید بۆ كشانەوەی هێزەكانی توركیا لەناو خاكی رۆژئاوای کوردستان و سوریا دەكات. ڕۆژی سێشەممە ئان لیندا، وەزیری دەرەوەی سوید سەردانی توركیای كرد و لە كۆنگرەیەكی ڕۆژنامەوانیدا لەگەڵ مەولود چاوش ئۆغڵو، وەزیری دەرەوەی ئەو وڵاتە داواكاریی وڵاتەكەی و یەكێتیی ئەوروپای دووبارەكردەوە بۆ كشانەوەی توركیا لە ڕۆژئاوای كوردستان و وتی، "هەڵوێستی بەهێزی یەكێتیی ئەوروپا وەكو خۆی ماوە، بەردەوامین لە هاندانی توركیا بۆ كشانەوە". ئان لیندا وتیشی "یەكێتیی ئەوروپا چاوەڕوانە توركیا هەنگاوی بونیادنەرانە بنێت سەبارەت بە دیموكراسی و مافی مرۆڤ". مەزڵوم عەبدی (کۆبانی)، فەرماندەی گشتیی هێزەكانی هەسەدە لە تویتێکدا وتی "هاوهەڵوێستین لەگەڵ وەزیری دەرەوەی سوید دەربارەی ئەو پێشێلكارییانەی توركیا لە باكووری ڕۆژهەڵاتی سوریا ئەنجامیداوە". لە تویتێكدا، كە درەنگانی شەوی ڕابردوو چوارشەممە 14ی تشرینی یەكەم بڵاویكردووەتەوە وتی "پشتیوانی داواكەی سوید لە توركیا دەكەین دەربارەی كشانەوەی هێزەكانی لە سوریا و كاركردن لەسەر چارەسەرێكی سیاسی كە ڕێز لە یەكێتیی خاكی سوریا و هەمەڕەنگییە سیاسییەكەی بگرێت"
ھاوڵاتی حکومەتی فیدڕاڵی بڕیاریداوە بڕی نەوتی تەرخانکراو بۆ پارێزگاکانی هەرێم لە ٥٠ ملیۆن لیترەوە بۆ ١٥٠ ملیۆن لیتر زیادبکات ئەوەش بەپێی وتەی پارێزگاری سلێمانی. هەڤاڵ ئەبوبەکر پارێزگاری سلێمانی لە فەیسبوکی خۆی بڵاویکردەوە، شەوی رابردوو، لەگەڵ پارێزگارانی هەولێر و دهۆکدا پێشوازییان لە لە وەزیرانی پلاندانان و کۆچ و کۆچبەرانی حکومەتی فیدڕاڵی کردووە. ئەوەشی خستووەتەڕوو، حکومەتی فیدڕاڵی بڕیاریداوە بڕی نەوتی تەرخانکراو بۆ پارێزگاکانی هەرێم لە ٥٠ ملیۆن لیترەوە بۆ ١٥٠ ملیۆن لیتر زیادبکات. پارێزگاری سلێمانی باسی لەوەشکردووە، ئەو بڕە نەوتە بە سێ بەشی یەک لە دوای یەک زیادکراوە. بڕیاربوو حکومەتی عێراق بە دوو قۆناغ بڕێک نەوت بداتە هەرێم، کە لە قۆناغی یەکەمدا ٥٠ ملیۆن لیتر نەوتە و لە مانگی داهاتووشدا دەست بە دابەشکردنی دەکرێت، بەڵام دوێنێ عێراق بڕەکەی بۆ دوو ھێندە زیادکرد.
ھاوڵاتی دەسەڵاتی فڕۆکەوانیی شارستانی عێراق ئەمڕۆ پێنجشەممە رایگەیاند گەشتە ئاسمانییەکانی نێوان عێراق و تورکیا دەستپێدەکاتەوە و هەرێمی کوردستانیش دەگرێتەوەو ھەفتانە عەوت گەشت ئەنجامدەدرێت. بەڕێوەبەرایەتی راگەیاندنی دەسەڵاتی فڕۆکەوانیی شارستانی عێراق رایگەیاند گەشتە ئاسمانییەکانی نێوان عێراق و تورکیا ئەمڕۆ پێنجشەممە دەستپێدەکاتەوە ئەوەش دوای گفتوگۆ و دانووستاندن لەگەڵ لایەنی تورکی. بڕیادراوە هەفتانە هەر لایەک حەوت گەشتی ئاسمانی ھەبێت، واتە هەفتانە لایەنی عێراق حەوت گەشت و لایەنی تورکیش حەوت گەشتی دەبێت و گەشتەکان فڕۆکەخانەکانی هەرێمی کوردستانیش دەگرنەوە. سەرەتای ئەم مانگە ده‌سەڵاتی فڕۆكه‌وانیی شارستانی عێراق رایگەیاند وه‌زاره‌تى ته‌ندروستیی توركیا داواى له ده‌سته‌ى هێڵه ئاسمانییه مه‌ده‌نییه‌كانى توركیا كردووه، گه‌شته‌كانى به گشتى له‌گه‌ڵ عێراق رابگرێت
ئەەمڕۆ پێنجشەممە، تەنھا موچەی وەزارەتی تەندروستی دابەشدەکات و سبەینێ هەینیش، موچەی دیوان و لیواکانی پێشمەرگە، یەکەکانی ٧٠ و ٨٠، وەزارەتی ناوخۆ، فەرماندەیی پێشمەرگەی زێرەڤانی و بەرگری و فریاکەوتن، لیوای نەوت و وەزارەتی دارایی بە لێبڕینی ١٨٪ـەوە دابەشدەکرێت. وەزارەتی دارایی هەرێم بە لێبڕینی ١٨٪ـەوە مووچەی مانگی ئەیلولی سەرجەم وەزارەتەکان لە یەک ھەفتەدا دابەش دەکات. ماوەی دوو مانگ بەسەر دابەشکردنی دوایین موچەدا تێپەڕیوە، کە موچەی مانگی سێ بوو و لەئێستاشدا حکومەت موچەى مانگى نۆ دابەشدەکات، بەبێ ئەوەى چارەنوسى موچەى پێنج مانگى پێشوو ئاشکرا بکات. لە ئەمساڵدا، حکومەتی ھەرێم تەنیا سێ موچەی دابەشکردووە، کە دوو موچەیان بە لێبڕینی ٢١%ـەوە بووە و دابەشکردنی موچەی مانگی ئەیلولیش بە لێبڕینی ١٨%ـەوە دەبێت. ئەمەش لەکاتێکدایە، لە ساڵی ٢٠١٥وە حکومەتی ھەرێم دەستی بە پاشەکەوتکردنی موچەی فەرمانبەران کردووە و بەو پێنج مانگ پاشەکەوتە نوێیەی راگەیەنراوە، تاوەکو ئێستا ١٢ موچەی تەواوی نەداوە و دوو موچەشی بە لێبڕینی ٢١%وە دابەشکردووە.
ڕاگەیاندراوی (٢٤) کاتژمێری تایبەت بە نەخۆشی ڤایرۆسی کۆڕۆنای نوێ COVID19 ژمارە (٢٣١) ١. پشکنین: (٥٣٤٠ پشکنینی نوێ) (١٩١٤ هەولێر) (٨٠٢ سلێمانی، ١٤٧ گەرمیان) (٢٤٤٣ دهۆك) (٣٤ هەڵەبجە) ٢. تووشبوو: (٩١٢ تووشبووی نوێ) (٢٣٥ هەولێر) (١٨٦ سلێمانی، ٢٩ گەرمیان) (٤٣٨ دهۆك) (٢٤ هەڵەبجە) ٣. چاکبوون: (١٩٤ چاکبوون) (١١٥ هەولێر) (٢٨ سلێمانی، ٣٣ گەرمیان) (١ دهۆك) (١٧ هەڵەبجە) ٤. مردن: (٢٠ مردن) (٥ هەولێر) (٧ سلێمانی) (٥ دهۆك) (٣ هەڵەبجە) ئاماری گشتی: کەڕەنتین هاوڵاتی ٢١٨٧١ (٢١٨٧١ دەرچوو) پشکنین ٥٤١٨٦٧ (١٩٥٦٤٥ هەولێر، ١٢٩٨٠٨ سلێمانی، ٢١١٥٩٤ دهۆك، ٤٨٢٠ هەڵەبجە) تووشبوون ٥٨٢٧٧ (٢١٢٤٨ هەولێر، ١٨٧١٤ سلێمانی، ١٦٢٧١ دهۆك، ٢٠٤٤ هەڵەبجە) چاکبوون ٣٥٨٩٩ (١٥٧٨٨ هەولێر، ١٠٩٢٣ سلێمانی، ٧٢٧٤ دهۆك، ١٩١٤ هەڵەبجە) لەژێر چارەسەر ٢٠٣١٨ (٤٨٤٦ هەولێر، ٦٧٥١ سلێمانی، ٨٦٤٧ دهۆك، ٧٤ هەڵەبجە) مردن ٢٠٦٠ (٦١٤ هەولێر، ١٠٤٠ سلێمانی، ٣٥٠ دهۆك، ٥٦ هەڵەبجە) بۆ زانیاری زیاتر سەردانی داشبۆردی حکومەتی هەرێمی کوردستان بکەن لەم لینکە (https://gov.krd/coronavirus/dashboard/). وێڕای دەستخۆشی بۆ پزیشکان و کارمەندانی تەندروستی و هەموو تیمەکانی پزیشکی کە لە ئەرکدان، جارێکی تر داوا دەکەین هاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسك و دەستکێش، وە لەکاتی پێویستدا پەیوەندی بکەن بە هێڵی گەرمی ژمارە (١٢٢). وەزارەتی تەندروستی حکومەتی هەرێمی کوردستان ١٤ی تشرینی یەکەم ٢٠٢٠
