هاوڵاتی کەمێک لەمەوبەر لەهێرشێکی ئاسمانیدا فڕۆکە جەنگییەکانی تورکیا لەچیای شنگال ئۆتۆمبێلێکیان کردە ئامانج . سەرچاوەیەک لە شانگال بە هاوڵاتی وت، لەبەیانی ئەمڕۆوە سوپای تورکیا ناوچەی سەردەشت-ی لە چیای شنگال سێ جار بۆردومان کردوە . وتیشی، لە بۆردومانەکەدا ئۆتۆمبێلێکی جۆری تۆیۆیا هایلۆکس کراوەتە ئامانج و تا ئێستاش زیانە گیانییەکانى ئەم بۆردومانە ئاشکرا نەکراوە. ئاماژه‌ی به‌وه‌شكرد، هێرشەکە لە نزیک کەمپی سەردەشتی سەر چیای شنگال بوە کە بەشێک لە ئاوارەکانی شنگال تێدا نیشتەجێن .
.png)
هاوڵاتی ئەمڕۆ مەکتەبی سیاسیی یەکێتیی نیشتمانیی کوردستان لە سلێمانى کۆدەبێتەوە و تەوەرى سەرەکى کۆبوونەوەکەش پرسى هەڵبژاردنەکانى پەرلەمانى کوردستانە و تێیدا هەڵوێستى خۆى لەبارەی بەشدارینەکردنی پارتی، ئەگەری دواخستنی هەڵبژاردن رادەگەیەنێت. وتەبێژی یەکێتی نیشتیمانی کوردستان سەعدی ئەحمەد پیرە بە میدیا یەکێتی ڕاگەیاند، ئەمڕۆ سێشەممە مەکتەبی سیاسی یەکێتی لە سلێمانی سەبارەت بە پرسی دواخستنی هەڵبژاردن کۆدەبێتەوە. ئەو میدیایە بڵآویشیکردۆتەوە کە کۆبونەوەکە تایبه‌ت ده‌بێت بە گفتوگۆکردن له‌سه‌ر پرسى به‌شدارینه‌كردنى پارتى دیموکراتی کوردستان له هەڵبژاردنی پەرلەمانی کوردستان و ئه‌و ده‌ستپێشخه‌رییانه‌ى له‌باره‌ى دواخستنى هه‌ڵبژاردنى په‌رله‌مانى كوردستان خراونه‌ته‌ڕوو. هاوکات کۆبوونەوەکەی مەکتەبی سیاسیی یەکێتی دوای چەند دەستپێشخەرییەک دێت بە ئاگاداری ئەمریکا و یۆنامی لەبارەی دواخستنی هەڵبژاردنی پەرلەمانی کوردستانەوە. جێگەیباسە ڕۆژی 18 ی مانگی 3 ی 2024، مەکتەبی سیاسی پارتی دیموکراتی کوردستان بەشداری نەکردنی لە هەڵبژاردنی پەرلەمانی کوردستان ڕاگەیاند، هۆکارەکەشی بۆ ئەوە گێڕایەوە کە نایانەوێت بەشداربن لە پرۆسەیەکدا کە نایاسایی، نادەستوری و لە سایەی سیستمێکی سەپێنراودا بێت. ڕۆژی 10 ی مانگی 6 ی 2024، وەکو وادەی ئەنجامدانی هەڵبژاردنی پەرلەمانی کوردستان دیاریکراوەو هەڵبژاردنەکە لەلایەن کۆمیسیۆنی باڵای هەڵبژاردنەکانی عێراقەوە سەرپەرشتی دەکرێت.
هاوڵاتی له به‌رده‌م بنكه‌ی 5ی دابه‌شكردنی موچه‌ی خانه‌نشینانی پێشمه‌رگه قه‌ره‌باڵغی دروسبتوه و خانه‌نشینان له‌سه‌ره‌ی وه‌رگرتنی موچه‌دان و ده‌وترێت، بانك پاره‌ی تیادا نییه. ئەمڕۆ سێشەممە بڕیارە مووچەی مانگی شوباتی مووچه‌ی سێ وه‌زاره‌ت و خانه‌نشینی پێشمه‌رگه دابه‌ش بكرێت بەڵآم بەگوێرەی زانیارییەکان تا کاتژمێر دە هیچ بڕە پارەیەک بەسەر خانەنشیناندا دابەشنەکراوەو پێیان گوتون کە بانک پارەی تێدا نییە. یەکێک لەو موچەخۆرانەی لەو بنکەیە مووچە وەردەگرن بە هاوڵاتی وت، لەگەڵ ئەوەی کاتژمێر هەشت و نیو دەوامی فەرمانگەکان دەستپێدەکات بەڵآم کاتژمێر ١٠ تێپەڕیوەو هێشتا مووچەکانمان نەدراوەپێ. وتیشی ، لە ئێستادا قەرەباڵخییەکی زۆر لەبەردەم بنکەکانی پێنج و شەشی دابەشکردنی موچەی خانەنشینان دروست بووە و پێیان وتوین دەچین پارە دەهێنین. بە پێی خشتەی وەزارەتی دارایی و ئابووری كه پێشتر بڵاویكرده‌وه، ئەمڕۆ سێشەممە 2ی نیسانی 2024، مووچەی مانگی شوباتی وەزارەته‌كانی کارەبا، خوێندنی باڵا و توێژینەوەی زانستی و کاروباری شەهیدان و ئەنفالکراوان. هاوكات هەر ئەمڕۆ کەسوکاری شەهیدان و ئەنفالکراوان، زیندانە سیاسیەکان و خانەنشینی پێشمەرگە مووچەی مانگی شوبات وەردەگرن و بڕیارە سبەینێش مووچەی سەرۆکایەتییەکانی پەرلەمان و ئەنجومەنی وەزیران دابەش بکرێت.
هاوڵاتی مەحمود محەمەد، وتەبێژی پارتی دیموكراتی كوردستان پەیامێکی بڵاوکردەوە و رایگەیاند، ئەگەر هەڵبژاردنیش دوابخرێت، هەر دەبێت ئەو راستكردنەوە دەستووری و یاسایی و تەکنیکیانە ئەنجام بدرێن كە بۆ بەڕێوەچوونی هەڵبژاردنێكی پاك و بێگەرد پێویستە. ئاماژەی بەوەشکرد، دواخستنی هەڵبژاردن وەک بژاردەیەک لەگەڵ پارتی باس کراوە بو ئەوەی پارتی بەشداریی هەڵبژاردن بکات و لێرەوە دووپاتی دەکەینەوە کە پارتی هەمیشە لە گەڵ هەڵبژاردنێکی دەستووری و شەفاف و بێگەردە. دەقی پەیامەکەی پارتی دیموکراتی کوردستان: ئێوارەی ئەمڕۆ لە دەزگایەكی میدیایی هەواڵێك بڵاوكراوەتەوە كە گوایە پارتی داوای دواخستنی بەڕێوەچوونی هەڵبژاردنی بۆ كاتێكی تر كردووە بۆ ئەوەی بە هەمان مەرج و ڕێوشوێن و یاساکانی ئێستا، بەشداری لە هەڵبژاردن بکات. لێرەدا ڕایدەگەیێنین كە ئەم هەواڵە هیچ بنەمایەكی نیە و پارتی لە سەر هەڵوێستی خۆی پێداگرە و هیچ جۆرە دەستوەردانێكی نایاسایی لە هەڵبژاردنەکان قبوڵ ناکات و بە پێویستی دەزانێ هەموو كەموكوڕییە تەكنیكی و پێشێلكارییە دەستووری و یاساییەكان لە شێوازی ئەنجامدانی هەڵبژاردن چارەسەر بكرێن و ڕاست بكرێنەوە، بۆ ئەوەی هەڵبژاردنێکی پاک و ئازاد و دەستووری بەڕێوە بچێت و سەرجەم هاووڵاتیانی کوردستان بە هەموو پێکهاتەکانەوە مافی دەنگدانیان هەبێت و ئەنجامەکانی هەڵبژاردنیش دەستکاری نەکرێن. دواخستنی هەڵبژاردن وەک بژاردەیەک لەگەڵ پارتی باس کراوە بو ئەوەی پارتی بەشداریی هەڵبژاردن بکات و لێرەوە دووپاتی دەکەینەوە کە پارتی هەمیشە لە گەڵ هەڵبژاردنێکی دەستووری و شەفاف و بێگەردە و ئەگەر هەڵبژاردن بۆ كاتێكی تریش دوابخرێت دەبێ ئەو ڕاستكردنەوە دەستووری و یاسایی و تەکنیکیانە ئەنجام بدرێن كە بۆ بەڕێوەچوونی هەڵبژاردنێكی پاك و بێگەرد پێویستە. مەحمود محەمەد وتەبێژی پارتی دیموكراتی كوردستان ١ـی نیسانی ٢٠٢٤
هاوڵاتی بەڕێوەبەرایەتی ئاسایشی هەولێر دەستگیرکردنی چوار تۆمەتباری راگەیاند کە هەوڵیانداوە هەڵبکوتنە سەرماڵێک. بەڕێوەبەرایەتی ئاسایشی هەولێر رایگەیاند ”دوای ئەنجامدانی بەدواداچون لەلایەن هێزەکانمان و بەفەرمانی دادوەری لێکۆڵینەوەی ئاسایشی هەولێر چوار تۆمەتبارمان دەستگیر کرد بەناوەکانی(ش ،م ،ی) و (ع ،س،م) و (ن ، أ ، پ) و (ل ، م ، ک) لە ناویاندا تۆمەتباری سەرەکی (ش ،م ،ی) لەسەر پارەو میرات بووەتە کێشەی کۆمەڵایەتی لەگەڵ ماڵی خاڵەکانی و بەوهۆیەوە سێ تۆمەتبارەکەی تری کەناویان لەسەرەوە هاتووە، چەند جارێک هانداوە لەبەرامبەر بڕێک پارە تاکو هەڵبکوتنە سەر ماڵی ئەو خاڵانەیان و بەو نیازەش چەکی بێ مۆڵەتیان بەکار هێناوە و تەقەیان لەماڵیی خاڵەکانیان کردووە". ئاسایشی هەولێر ئاماژەی بەوەشکردووە ”دواینجاریش لەلایەن تۆمەتبار (ع ، س ، م) هەوڵی سوتاندنی ئۆتۆمبیلەکەی خاڵی دابوو لە گەڕەکی موفتی شاری هەولێر”.
هاوڵاتی وتەبێژی وەزارەتی کارەبای حکومەتی هەرێمی کوردستان رایدەگەیەنێت زیاتر لە ترلیۆنێک و 300 ملیار دینار قەرزیان لەلای هاوڵاتییانە. ئومێد ئەحمەد، وتەبێژی وەزارەتی کارەبا رایگەیاند "زیاتر لە ترلیۆنێک و 300 ملیار دینار قەرزمان لەلای هەموو هاوبەشەکانمانە، لە ساڵی 2021 بە دواوە هەموو ساڵێک لێخۆشبوون لە کرێی کارەبا هەبووە". ئاماژەی بەوەشکردووە "چەند جارێکیش ماوەی لێخۆشبوونەکە درێژکراوەتەوە بۆ سوودی هاوڵاتییان، بڕیاری لێخۆشبوون لە قەرزی کارەبا بە رێژەی 20% لە بەرژەوەندی هاووڵاتییانە و لێی سوودمەند دەبن".
.jpg)
هاوڵاتی كۆمه‌ڵی دادگه‌ری كوردستان ئاماده‌یی خۆی بۆ هه‌ڵبژاردنی په‌رله‌مانی كوردستان ده‌ربڕی و راشیگه‌یاند، ئه‌مڕۆ لیستێكی 59 كاندیدییان ئاڕاسته‌ی كۆمسیۆنی باڵای سه‌ربه‌خۆی هه‌ڵبژاردنه‌كان كردوه. كۆمه‌ڵی دادگه‌ری له‌ڕاگه‌یه‌ندراوێكدا بڵاویكرده‌وه، لیستێكی 59 كاندیدییان ئاڕاسته‌ی كۆمسیۆن كردوه، له بازنه‌ی هه‌ولێر 15 كاندید، له بازنه‌ی سلێمانی 32 كاندید، له بازنه‌ی دهۆك شه‌ش كاندید، له بازنه‌ی هه‌ڵه‌بجه شه‌ش كاندید بون. سه‌باره‌ت به سه‌رۆك لیسته‌كانیش، كۆمه‌ڵی دادگه‌ری ئاشكرایكردوه، "له بازنه‌ی هه‌ولێر عه‌بدولستار مه‌جید ئه‌ندامی ئه‌نجومه‌نی باڵا و سه‌رۆكی فراكسیۆنی كۆمه‌ڵ له خولی پێنجه‌می په‌رله‌مانی كوردستان سه‌رۆكی لیست ده‌بێت، له بازنه‌ی سلێمانییش ڕێبوار حه‌مه‌د خزر ئه‌ندامی ئه‌نجومه‌نی باڵا و وته‌بێژی پێشوی كۆمه‌ڵ سه‌رۆكی لیست ده‌بێت". هاوکات "له بازنه‌ی دهۆك زانای ئایینی م. مه‌لا عه‌نته‌ر بادینی سه‌رۆكایه‌تی لیستی كۆمه‌ڵ ده‌كات، له بازنه‌ی هه‌ڵه‌بجه‌ش كادیری پێشكه‌وتوی كۆمه‌ڵ تۆفیق مسته‌فا ڕه‌حیم سه‌رۆكی لیستی كۆمه‌ڵه". کۆمەڵەی دادگەری یەکەم حیزبی هەرێمە بەشێوەیەکی ڕەسمی ژمارە و ناوی سەرۆکی لیستەکەی بڵاوکردۆتەوە بۆ هەڵبژاردنی پەرلەمانی کوردستان هاوکات هەریەک لە حیزبەکانی دیکەش جگە لە پارتی دیموکراسی کوردستان لیستی ناوی کاندیدەکانیان پێشکەش بە کۆمسیۆن کردووەو ئامادەی خۆیان بۆ هەڵبژاردن دەربڕیوە. رۆژی 10ی حوزه‌یرانی ئه‌مساڵ وه‌كو واده‌ی به‌ڕێوه‌چوونی هه‌ڵبژاردنی خولی شه‌شه‌می په‌رله‌مانی كوردستان دیاریكراوه، ئه‌گه‌ر ئه‌مجاره‌ش هه‌ڵبژاردنه‌كه دوابخرێت، ده‌بێت به چوارجار دواخستن و تاکە حیزب کە ئامادەی هەڵبژاردن نییە پارتی دیموکراتی کوردستانە.
هاوڵاتی لێپرسراوی ده‌زگای هه‌ڵبژاردنه‌كانی یه‌كێتی له‌په‌یامێكدا رایده‌گه‌یه‌نێت، حزبه‌كه‌ی له‌گه‌ڵ ئه‌نجامدانی هه‌ڵبژاردنی په‌رله‌مانی كوردستانه و نایه‌وێت دوابخرێت. رزگار حاجی حه‌مه لێپرسراوی ده‌زگای هه‌ڵبژاردنه‌كانی یه‌كێتی له‌لێدوانێكی رۆژنامه‌وانیدا بڵاویكرده‌وه، "یه‌كێتی له‌گه‌ڵ ئه‌نجامدانی هه‌ڵبژاردنی په‌رله‌مانی كوردستانه له‌و ماوه‌یه‌ی كه له‌لایه‌ن كۆمیسیۆنی باڵای هه‌ڵبژاردنه‌كانی عێراق دیاریكراوه و له‌لایه‌ن سه‌رۆكی هه‌رێمه بریاری له‌سه‌ردراوه‌و واژۆكراوه كه رۆژی 10ی (حوزه‌یران/6)ی 2024". وتیشى: "یەکێتى: بەهیچ شێوەیەک لەگەڵ دواخستنی وادەی هەڵبژاردنەکان نین و پێشمان خۆشە هەموو هێزولایەنە سیاسییەکانی کوردستان بەشداری لەهەڵبژاردنەکەدا بکەن ." ئه‌مڕۆش جومانه غەلای وته‌بێژی كۆمیسیۆنی باڵای سه‌ربه‌خۆی هه‌ڵبژاردنه‌كانی عێراق رایگه‌یاند، رۆژی شه‌ممه‌ی داهاتو تیروپشك بۆ ناوی لیست و كاندیده‌كان ئه‌نجامده‌درێت و به‌رده‌وامیش ده‌بن له ڕێكاره‌كانیان بۆ به‌ڕێوه‌بردنی پرۆسه‌ی هه‌ڵبژاردنی په‌رله‌مانی كوردستان ،هاوکات پارتی دیموکراتی کوردستان ئامادە نییە لیستی کاندیدەکانی بداتە كۆمیسیۆن و هێشتا بڕیاری بەشداریكردنی لە هەڵبژاردنەكاندا نەداوە. رۆژی 10ی حوزه‌یرانی ئه‌مساڵ وه‌كو واده‌ی به‌ڕێوه‌چوونی هه‌ڵبژاردنی خولی شه‌شه‌می په‌رله‌مانی كوردستان دیاریكراوه، ئه‌گه‌ر ئه‌مجاره‌ش هه‌ڵبژاردنه‌كه دوابخرێت، ده‌بێت به چوارجار دواخستن.
هاوڵآتی وته‌بێژی كۆمسیۆنی هه‌ڵبژاردنه‌كانی عێراق رایگه‌یاند، شه‌ممه‌ی داهاتوو له شاری هه‌ولێر تیروپشك بۆ ژماره‌ی لیست و كاندیده‌كان ده‌كه‌ن و تا ئێستاش 54 كاندیدی سه‌ربه‌خۆ ناوی خۆیان تۆمار كردووه. جومانە غەلای، وتەبێژی کۆمیسیۆنی باڵای سەربەخۆی هەڵبژاردنەکانی عێراق بۆ میدیای یەکێتی رایگەیاند "کۆمیسیۆنى باڵای سەربەخۆى هەڵبژاردنەکان پابەندە بە خشتەى ئامادەکارییەکانى هەڵبژاردنى پەرلەمانى کوردستان". وتوشێتی ،" تا ئێستا دوو هاوپەیمانى و 10 حیزب و 54 کاندیدی سەربەخۆ لە کۆمیسیۆن خۆیان تۆمارکردووە و بڕیارە رۆژى 6ى نیسان تیروپشک بۆ ژمارەى لیست و کاندیدەکان بکرێت. ئەمەش لەکاتێکدایە وادەی پێشکەشکردنی لیستی ناوی کاندیدەکان بۆ هەڵبژاردنی پەرلەمانی کوردستان کۆتاییهاتووە، پارتی دیموکراتی کوردستان ئامادە نییە لیستی کاندیدەکانی بداتە كۆمیسیۆن و هێشتا بڕیاری بەشداریكردنی لە هەڵبژاردنەكاندا نەداوە. رۆژی 10ی حوزه‌یرانی ئه‌مساڵ وه‌كو واده‌ی به‌ڕێوه‌چوونی هه‌ڵبژاردنی خولی شه‌شه‌می په‌رله‌مانی كوردستان دیاریكراوه، ئه‌گه‌ر ئه‌مجاره‌ش هه‌ڵبژاردنه‌كه دوابخرێت، ده‌بێت به چوارجار دواخستن.
هاوڵاتی لیژنه‌ی دیاریكردنی نرخی موه‌لیده ئه‌هلییه‌كان کۆبوه‌وه‌و نرخى ئه‌مپێرى موه‌لیده‌كان دیاریكرا، به‌گوێره‌ى نرخی سوته‌مه‌نی له‌بازاڕه‌كاندا نرخی هه‌ر كاتژمێرێك بۆ یه‌ك ئه‌مپێر 40 دینارە، به‌مه‌ش نرخی یه‌ك ئه‌مپێر كاره‌بای موه‌لیده‌ی ئه‌هلی له‌ناوشاری سلێمانی له‌نێوان 13 بۆ 14 هه‌زار دینار ده‌بێت. به‌ڕێوه‌به‌رایه‌تی گشتی كاره‌بای سلێمانی له راگه‌یه‌ندراوێكدا ئه‌مڕۆ دووشه‌ممه 1ی نیسانی 2024 رایگەیاند نرخی یه‌ك ئه‌مپێر كاره‌بای موه‌لیده‌ی ئه‌هلی له‌ناوشاری سلێمانی له‌نێوان 13 بۆ 14 هه‌زار دینار ده‌بێت بەڵآم هەندێک شوێن بەرنامەى کارکردنى موەلیدەکانیان لە حه‌وت (7)ى بەیانى بۆ یه‌كى شەوە، نرخى ئەمپێریان له نێوان 15 هه‌زار و 500 دینار بۆ 17 هه‌زار دینارە. ده‌شڵێت: ئەو موەلیدانەش کە کارکردنیان 24 کاتژمێرییە نرخى ئەمپێریان 19 هه‌زار و 500 دیناره. سەبارەت بە بەرنامەی كاركردنی موەلیدە ئەهلییەكان بۆ مانگی نیسان، كاره‌بای سلێمانی ده‌ڵێت، كاركردنی مولیده‌كان له مانگی نیسان بەم شێوەیە دەبێت: لەمڕۆوە تا یەكەم ڕۆژی جەژن ڕۆژانە لەكاتژمێر (1:00)ى پاشنیوەڕۆ تا (5:00)ى به‌ره‌به‌یان كارده‌كه‌ن. ڕۆژانی جەژن كاركردنیان 24 كاتژمێری دەبێت‌و هەركاتێك كارەبای نیشتمانی كوژایەوە پێویسته كارەبا بدەن به‌هاوڵاتییان، دوای جەژنیش تا كۆتایی مانگی نیسان ڕۆژانە لەكاتژمێر (12:00)ى پاشنیوەڕۆ تا (1:00)ی شەو كاردەكەن، بەیانیانیش لەکاتژمێر 6:30 تا 8:00 ى بەیانى کاردەکەن، بەڵام رۆژانی هەینی‌و شەممان بەیانیان كارناكەن لەبری ئەوە كاتژمێر (11:00)ی پێشنیوەڕۆ كاردەكەن". لیژنه‌ی دیاریكردنی نرخی موه‌لیده ئه‌هلییه‌كان، له‌كۆنووسه‌كه‌دا جه‌ختیان له‌وه كردوه‌ته‌وه كه له‌كاتی كوژاندنه‌وه‌ی كاره‌بای نیشتمانی نابێت كارپێكردنی موه‌لیده و پێدانی كاره‌با به هاووڵاتیان له 10 خوله‌ك زیاتر بخایه‌نێت، به‌پێچه‌وانه‌وه خاوه‌ن موه‌لیده‌كه سزا ده‌درێت.
هاوڵاتی کۆمیسیۆنی باڵای سەربەخۆی هەڵبژاردنەکانی عێراق دەڵێت، تاوەکو 12ـی ئەمشەو لە وەرگرتنی لیستی کاندیدەکان بۆ هەڵبژاردنی پەرلەمانی کوردستان بەردەوام دەبن و هێشتا پارتی دیموکراتی کوردستان سورە لەسەر بەشداری نەکردن. بە گوێرەی زانیارییەکان تاوەکو ئێستا پارتی دیموکراتی کوردستان و بزووتنەوەی گۆڕان لیستی کاندیدانیان پێشکەشنەکردووە، هەریەک لە یەکێتیی نیشتمانیی کوردستان، جووڵانەوەی نەوەی نوێ، کۆمەڵی دادگەری و یەکگرتووی ئیسلامی و بەرەی گەل لیستی خۆیان داوەتە کۆمیسیۆن. رزگار حاجی حه‌مه لێپرسراوی ده‌زگای هه‌ڵبژاردنی یه‌كێتیی رایگه‌یاند، یه‌كێتیی له هه‌ر چوار بازنه‌كه‌ی هه‌ڵبژاردن (هه‌ولێر- سلێمانی- دهۆك- هه‌ڵه‌بجه) لیستی كاندیده‌كانی پێشكه‌ش كردووه ؛یەکێتیی نیشتمانیی کوردستانیش نزیکەی 200 کاندیدی لە هەر چوار پارێزگاکەی هەرێمی کوردستان هەڵبژاردووە ، ئەمڕۆ لیستەکەی رادەست کرد. جوڵانەوەی نەوەی نوێش ئەمڕۆ لیستی کاندیدانی پێشکەشکرد و بەپێی زانیارییەکان جووڵانەوەکە 100کاندیدی بۆ هەر چوار بازنەکەی هەڵبژاردن لە پارێزگاکانی هەرێمی کوردستان هەیە بەم جۆرە؛ 50 لە سلێمانی، 30 لە هەولێر، 14 لە دهۆک و شەشیش لە هەڵەبجە. دەزگای هەڵبژاردنی یەکگرتووی ئیسلامی کوردستانیش هەفتەی رابردوو لیستی ناوی کاندیدەکانیان پێشکەێشکردووە کۆمەڵی دادگەری کوردستانیش ئەمڕۆ لیستی ناوی کاندیدەکانی پێشکەشی کۆمیسیۆن کرد. بزووتنەوەی گۆڕانیش تاوەکو ئێستا ناوی کاندیدەکانی پێشکەش نەکردووە و بەگوێرەی قسەکانی بەرپرسێکی ئەو بزووتنەوەیە ئەمڕۆ پێشکەشی دەکەن بەڵام چاوەڕێی ساتەکانی کۆتاین. لیستی به‌ره‌ی گه‌لیش كه (لاهور شێخ جه‌نگی) سه‌رۆكایه‌تی ده‌كات، له هه‌ولێرو دهۆك لیستی كاندیده‌كانی خۆی بۆ هه‌ڵبژاردنی په‌رله‌مانی كوردستان پێشكه‌ش کردووە. كۆمسیۆنی باڵای سه‌ربه‌خۆی هه‌ڵبژاردنه‌كانی عێراق تا كاتژمێر 12ی ئه‌مشه‌و واده‌ی وه‌رگرتنی لیستی كاندیده‌كانی بۆ هه‌ڵبژاردنی په‌رله‌مانی كوردستان درێژكرده‌وه، تائێستا پارتی دیموكراتی كوردستان سوره له‌سه‌ر ئه‌وه‌ی به‌شداری هه‌ڵبژاردن ناكات. رۆژی 10ی حوزه‌یرانی ئه‌مساڵ وه‌كو واده‌ی به‌ڕێوه‌چوونی هه‌ڵبژاردنی خولی شه‌شه‌می په‌رله‌مانی كوردستان دیاریكراوه، ئه‌گه‌ر ئه‌مجاره‌ش هه‌ڵبژاردنه‌كه دوابخرێت، ده‌بێت به چوارجار دواخستن.
هاوڵاتی سەرۆکایەتى بەرەى تورکمانى عێراق له‌باره‌ی هێرشه‌كه‌ی ئه‌مڕۆی كفرییه‌وه، رایگه‌یاند، ئەو ھێرشە بەڵگەى بەئامانجگرتنى راستەوخۆى پێکھاتەى تورکمانە و ئاماژەیەکى مەترسیدارە. سەرۆکایەتى بەرەى تورکمانى عێراق له راگه‌یه‌ندراوێكدا له‌باره‌ی ته‌قینه‌وه‌كه‌ی كفری كه عه‌لی حسێن ناسراو به (حسێن عەلوش) كوژرا، رایگه‌یاند، "ئه‌و هێرشه تیرۆریستییه بە درۆن کراوە و میوانخانەیەکى هۆزى بەیاتى لە قەزاى کفرى کردوەتە ئامانج و بە هۆیەوە حوسێن عەلوش کوژراوە". سەرۆکایەتیى بەرەى تورکمانى ئاماژەى بەوە داوە،" ئەو ھێرشە بەڵگەى بەئامانجگرتنى راستەوخۆى پێکھاتەى تورکمانە و ئاماژەیەکى مەترسیدارە، کە ئامانج لێى تێکدانى دۆخى ئەمنى و سەقامگیرى و پێکەوەژیانە لەنێوان پێکهاتەکانى کفرى، بەتایبەت لەگەڵ نزیکبوونەوەى هەڵبژاردنى پەرلەمانى کوردستان. " بەرەى تورکمانى داواش لە محەممەد شیاع سوودانى، فەرماندەى گشتى هێزە چەکدارەکانی عێراق، هەروەها داوا لە حکومەتى هەرێمى کوردستان دەکات رێوشوێنى "بەپەلە" و "دەستبەجێ" بگرنەبەر بۆ فەراهەمکردنى ئاسایش لە قەزاى کفرى. ڕاگەیەندراوەکەی بەرەی تورکمانی دوای ئەوە هات پاشنیوه‌ڕۆی ئه‌مڕۆ ته‌قینه‌وه‌یه‌ك له‌نزیك نه‌خۆشخانه‌ی كفری رویدا و به‌هۆیه‌وه هاوڵاتییه‌ك به‌ناوی عه‌لی حسێن ناسراو به (حسێن عەلوش) كوژرا.
هاوڵاتی به‌ڕێوه‌به‌رایه‌تی كاروباری پاسپۆرت له وه‌زاره‌تی ناوخۆی عێراق، پاسپۆرتی (7) كه‌سی هه‌ڵوه‌شانده‌وه، کە ژمارەیەک سەرکردەی ڕۆژهەڵاتی کوردستانی لەنێودایە. به‌گوێره‌ی نووسراوێك كه رۆژی 28ی ئاداری 2024 ده‌ركراوه و وێنه‌یه‌كی ده‌ست وێستگه‌نیوز كه‌وتووه، به ئیمزای ماجید عه‌دنان به‌ڕێوه‌به‌ری كاروباری پاسپۆرتی سه‌ر به وزاره‌تی ناوخۆی عێراق، پاسپۆرتی حه‌وت كه‌سایه‌تی حزبه كوردییه‌كانی ئۆپۆزسیۆنی ئێران پوچه‌ڵ كراوه‌ته‌وه. به‌ڕێوه‌به‌ری كاروباری پاسپۆرتی سه‌ر به وزاره‌تی ناوخۆی عێراق بڕیاریشی داوه له كاتی به‌كارهێنانی ئه‌و پاسپۆرتانه‌دا ، هه‌ڵگره‌كه‌ی ببرێت بۆ نزیكترین بنكه‌ی پۆلیس. بەگوێرەی نوسراوەکە یه‌كێكیان مستەفا هیجری بەرپرسی ناوەندی بەڕێوەبەریی گشتیی حیزبی دێموکراتی کوردستانی ئێرانە . پێشتریش میدیاكانی عێراق و ئێران وێنه‌یه‌ك له پاسپۆرتی مسته‌فا هیجریان بڵاوكردەوه كه به‌ناوی سیاسی خۆی (مسته‌فا محه‌مه‌د ئه‌مین) تۆماركراوه، میدیاكانی ئێران به‌رپرسێكی باڵای حكومه‌تی هه‌رێمیان تۆمه‌تبار كرد به‌وه‌ی پاسپۆرتی عێراقی بۆ هیجری ده‌رهێناوه. به‌گوێره‌ی نوسراوه‌كه‌ی به‌رێوه‌به‌رایه‌تی پاسپۆرتی عێراق، پاسپۆرته‌كه‌ی مسته‌فا هیجری له رۆژی (2/11/2023)دا ده‌رچووه، ئه‌م پاسپۆرته نیگه‌رانی ده‌سه‌ڵاتدارانی ئێرانی به‌رامبه‌ر به عێراق لێكه‌وته‌وه، بۆیه به ناچاری پاسپۆرته‌كه‌یان هه‌ڵوه‌شاندوه‌ته‌وه‌و به نوسراوێكیش هه‌موو ده‌روازه سنورییه‌كانیان له هه‌ڵوه‌شاندنه‌وه‌كه ئاگادار كردووه. هاوکات میدیا عێراقییه‌كان بڵاویانکردۆتەوە، "دوای ئه‌نجامدانی كاره‌كانی لیژنه‌ی هاوبه‌شی ئاسایشی عێراق و ئێران، حكومه‌تی عێراق ئه‌و پاسپۆرتانه‌ی پوچه‌ڵكردووه‌ته‌وه".
هاوڵاتی پڕۆسه‌ی ده‌نگدانی هه‌ڵبژاردنی شاره‌وانییه‌كان له توركیا و باكوری كوردستان كۆتاییهات و سه‌رۆكی ده‌سته‌ی باڵای هه‌ڵبژاردنه‌كانی توركیا رایگه‌یاند، له‌دوای داخستنی ناوه‌نده‌كانی ده‌نگدان ده‌ست به‌جیاكردنه‌وه‌ی ده‌نگه‌كان كرا. ئه‌حمه‌د یه‌نه‌ر سه‌رۆكی ده‌سته‌ی باڵای هه‌ڵبژاردنه‌كانی توركیا رایگه‌یاند، پرۆسه‌ی ده‌نگدان له 32 پارێزگای توركیا و باكووری كوردستان كۆتاییهات وپرۆسه‌ی جیاكردنه‌وه‌ی ده‌نگه‌كان له‌و 32 پارێزگایه ده‌ستیپێكرد. ئه‌مڕۆ یه‌كشه‌ممه هەڵبژاردنی شارەوانییەکان له باکوری کوردستان و تورکیا بەڕێوەچوو، بۆ ئه‌و مه‌به‌سته‌ش 206 هەزار بنکەی هەڵبژاردن ئامادەکران، له هه‌ندێك ناوچه‌كه‌دا له كاتژمێر 7:00ی به‌یانی بۆ 4:00ی ئێواره و له هه‌ندێك ناوچه‌ی دیكه‌دا له 8:00ی به‌یانی بۆ کاتژمێر 5:00ی ئێوارە ناوه‌نده‌كان كرانه‌وه. لەم هەڵبژاردنەدا، 34 پارتی سیاسیی بۆ مسۆگەرکردنی سەرۆکایەتییكردنی 81 شارەوانیی کە 30یان گەورە شارەوانین ركابه‌رییان كرد. هاوکات 973 شارەوانیی شارۆچکەکانن و 390 شارەوانییش بۆ شارەدێکانە، هەروەها 336 موختاریش هەڵدەبژێردرێن، بە گشتی 208,000 سندووقی دەنگدان لە ناوەندەکانی دەنگدان ئامادە کرابوون. لەم هەڵبژاردنەدا 61.441.882 هاووڵاتی باکووری کوردستان و خەڵکی تورکیا مافی دەنگدانیان هەبوو، لە نێویاندا 1.032.610 کەس یەکەمجارە دەنگیاندا. هاوکات لەم هەڵبژاردنەدا پارتی یەکسانیی و دیموکراسیی گەلان (دەم پارتی)یش كه كورد پێكهێنه‌ری سه‌ره‌كییه‌تی چاوی له بردنه‌وه‌ی زۆرترین شاره‌وانییه. جێگەیباسە، لە چەندین ناوچەی باکوری کوردستان ئاڵۆزی لەنێوان پۆلیس و دەنگدەرانی کوردا ڕوی داو بەگوێرەی زانیارییەکانیش ژمارەیەکی زۆر لە هێزە ئەمنییەکان بەکارهێنراون بۆ ساختەکردنی دەنگ لە ناوچە کوردییەکان.
هاوڵاتی پاشنیوه‌ڕۆی ئه‌مڕۆ ته‌قینه‌وه‌یه‌ك له‌نزیك نه‌خۆشخانه‌ی كفری رویدا و كه‌سێك گیانی له‌ده‌ستدا، سه‌رچاوه‌یه‌كی ئاگاداریش ده‌ڵێت، هێرشه‌كه له رێگه‌ی فڕۆكه‌ی بێفڕۆكه‌وانه‌وه ئه‌نجامدراوه. لەم بارەیەوە ساهیر عەلی، قایمقامی قەزای کفری رایگەیاند پاشنیوه‌ڕۆی ئه‌مڕۆ یه‌كشه‌ممه ته‌قینه‌وه‌یه‌ك له نزیك بینایه‌ك له نزیك نه‌خۆشخانه‌ی كفری (ناوبازاڕی كفری) رویداوه به‌هۆیه‌وه هاوڵاتییه‌ك به‌ناوی عه‌لی حسێن ناسراو به (حسێن عەلوش) كوژراوه". وتیشی، تەقینەوەکە لەنێو بازاڕدا بووە و کوژراوەکە مامی بەرپرسی بەرەی تورکمانییە لە قەزاکە. قایمقامی کفری دەشڵێت، "نازانین تەقینەوەکە لە رێگەی چییەوە بووە و چۆن بووە سەرقاڵی لێکۆڵینەوەین." شاهێدحاڵه‌كان كه له شوێنی روداوه‌كه بون ده‌ڵێن، ده‌نگی ته‌قینه‌وه‌یه‌كی به‌هێز له‌كاتی روداوه‌كه‌دا بیستراوه و له‌دوای روداوه‌كه‌ش زیانێكی زۆر به‌ر نه‌خۆشخانه تایبه‌ته‌كه‌ی ناو بازاڕی كفری گه‌یشتوه و هاوكات ته‌نها یه‌ك ته‌رمیش له شوێنه‌كه بینراوه. هاوکات دەزگای ئاسایشی هه‌رێمی كوردستانیش ڕایگەیاندووە، هێشتا لێكۆڵینه‌وه له روداوه‌كه ده‌كه‌ن و دیارنییه كه چی رویداوه. قەزای کفری سەر بە ئیدارەی گەرمیانە، جگە لە کورد، بەشێکی دانیشتووانی قەزاکە لە نەتەوەی تورکمانن.
