هاوڵاتى دانەگاز و نەوتی هیلال رایانگەیاند " تاوەکو ئێستا دوو ملیار دۆلار وەبەرهێنانیان کردووە لە کێڵگەی کۆرمۆر و "تاوەکو ئەمڕۆ 332 ملیۆن بەرمیل هاوتای نەوت بەرهەمهاتووە کە ئەمەش بودجەیەکی زۆری بۆ هەرێمی کوردستان پاشەکەوت کردووە". دانەگاز و نەوتی هیلال لە راگەیاندراوێکی هاوبەشیان بڵاوکردەوە و رایانگەیاند " تاوەکو ئێستا دوو ملیار دۆلار وەبەرهێنانیان کردووە لە کێڵگەی کۆرمۆر و "تاوەکو ئەمڕۆ 332 ملیۆن بەرمیل هاوتای نەوت بەرهەمهاتووە کە ئەمەش بودجەیەکی زۆری بۆ هەرێمی کوردستان پاشەکەوت کردووە، سەرەڕای چەندین سوودی ئابووریی گەورە". کارکردن لە پرۆژەکەدا بەهۆی بڵاوبوونەوەی ڤایرۆسی کۆرۆناوە ماوەی یەک ساڵ بوو وەستابوو، بەڵام ئێستا پرۆژەکە بەکارخراوەتەوە بە ئامانجی گەیشتن بە ئامانجی پلان بۆ داڕێژراو لە نیسانی 2023، وەکو لە راگەیێندراوەکەدا دەڵێت، ئەمەش "دوای رێککەوتن بووە لەگەڵ هەریەکە لە حکومەتی هەرێمی کوردستان و بەڵێندەرەکە بۆ هەڵگرتنی هێزی زاڵ". بەپێی گرێبەستێکی فرۆشتنی گاز کە لە ئازاری 2019 مۆرکرا، لەگەڵ وەزارەتی سامانە سرووشتییەکانی حکومەتی هەرێمی کوردستان، پێرڵ پترۆڵیۆم هەڵدەستێت بە دابینکردنی گازی زیاتر بۆ ئیشپێکردنی کارەبا بە سووتەمەنییەک کە نرخەکەی هەرزانە و لەڕووی ژینگەشەوە خاوێنترە، دەبێتە هۆی زیادکردنی ئاستی بەرهەمهێنانی کارەباش. لە راگەیێندراوە هاوبەشەکەی دانەگاز و نەوتی هیلالدا هاتووە "ئێستا زیاتر لە 80%ی کارەبای هەرێمی کوردستان بەو گازە کاردەکات کە لەلایەن ئەو کۆمپانیایانەوە بەرهەمدەهێنرێت". راگەیێندراوەکە تێیدا ئەوە خراوەتەڕوو، دوای پرۆژەی هێڵی KM250 پلان هەیە بۆ زیادکردنی هێڵێکی دیکەی KM500 و ئەمەش ئاستی بەرهەمهێنانی رۆژانە دەگەیێنێتە یەک ملیار پێ سێجا لە ساڵی 2024دا، ئاماژەی بەوەش کردووە "ئێستا ئاستی بەرهەمهێنانی گازی سرووشتی لە وێستگەی کۆرمۆر 440 ملیۆن پێ سێجایە لە رۆژێکدا، لەگەڵ 15 هەزار و 700 بەرمیل کۆندێسەیت لە رۆژێکدا، هەروەها رۆژانە هەزار و 20 تۆن گازی شل بەرهەمدەهێندرێت لەو وێستگەیە. بەگشتی رۆژانە 110 هەزار و 400 بەرمیل هاوتای نەوت بەرهەمدەهێندرێت، ئەمەش گەورەترین وەبەرهێنانی کەرتی تایبەتە لە پرۆژەی گاز لە عێراق". دانەگاز و نەوتی هیلال لەو راگەیێندراوەدا دەشڵێن، تاوەکو ئێستا دوو ملیار دۆلار وەبەرهێنانیان کردووە لە کێڵگەی کۆرمۆر و "تاوەکو ئەمڕۆ 332 ملیۆن بەرمیل هاوتای نەوت بەرهەمهاتووە کە ئەمەش بودجەیەکی زۆری بۆ هەرێمی کوردستان پاشەکەوت کردووە، سەرەڕای چەندین سوودی ئابووریی گەورە". لە راگەیێندراوەکەدا باس لەوە کراوە کە لە سایەی پرۆژەکەوە توانراوە رێگە لە بڵاوبوونەوەی 43 ملیۆن تۆن گازی دوانەئۆکسیدی کاربۆن بگیرێت لەڕێگەی گۆڕینی سووتەمەنیی شل بۆ گازی وشک، ئەوەش بە بەشداریکردنێکی کارا لە کەمکردنەوەی گۆڕانکاری لە کەشوهەوا و کەمکردنەوەی رێژەی پیسبوونی هەوا لە هەرێمی کوردستان ناودەبات. مەجید جەعفەر، سەرۆکی جێبەجێکاری نەوتی هیلال و سەرۆکی دەستەی کارگێڕیی دانەگاز دەڵێت "پاش تێپەڕبوونی ساڵێک بەسەر دواکەوتن بەهۆی ڤایرۆسی کۆرۆناوە، خۆشحاڵین بە دووبارە دەستپێکردنەوەی پرۆژەی فراوانکردنی KM250 بۆ وەبەرهێنانی 600 ملیۆن دۆلار و زیادکردنی بەرهەمهێنانی گاز بە رێژەی 60% لە دوو ساڵی داهاتوودا کە ئەمەش زیاتر پاڵپشتیی بەرهەمهێنانی کارەبا دەکات لە هەرێمی کوردستان". پاتریک ئەڵمان وارد، سەرۆکی جێبەجێکاری دانەگاز رایگەیاندووە، لەگەڵ هاوبەشەکانیان لە پێرڵ پترۆڵیۆم خۆشحاڵن بەوەی کە دەتوانن وەبەرهێنانی زیاتر بکەن لە کەرتی گازی هەرێمی کوردستان و دەستەبەرکردنی سووتەمەنییەکی پاکتر و متمانەپێکراو و پاڵپشتیکردنی گەشەسەندنی ئابووریی هەرێمی کوردستان، دەشڵێت "وەرگرتنی شایستە داراییەکانمان لە کاتی خۆیدا و بە شێوەیەکی بەردەوام، زیاتر متمانەمان پێدەبەخشێت بۆ بەردەوامیدان بە وەبەرهێنان کە ئێستا پێدەنێتە قۆناخی دووەمی فراوانکردنی کۆرمۆر، کە لەژێر پرۆتۆکۆلی تووندی تەندروستی جێبەجێ دەکرێت بۆ دڵنیابوون لە سەلامەتیی کارمەندان و دابینکارانی خزمەتگوزاری". پرۆژەی گازی کوردستان لە ساڵی 2007 دامەزرا، کاتێک دانەگاز و نەوتی هیلال گرێبەستێکیان لەگەڵ حکومەتی هەرێمی کوردستان واژۆ کرد بۆ بەدەستهێنانی مافی تایبەت بە قەبڵاندن و پەرەپێدان و بەرهەمهێنان و بەبازاڕکردن و فرۆشتنی بەرهەمە نەوتییەکان لە هەردوو وێستگەی کۆرمۆر و چەمچەماڵ لە هەرێمی کوردستان. دوای تێپەڕبوونی 15 مانگ بەسەر پرۆژەکە و لە تشرینی یەکەمی 2008 بەرهەمهێنانی گاز لە کۆرمۆر دەستیپێکرد لە وێستگەیەک کە تازە دروستکرابوو، دانەگاز دەڵێت "ئەمە ریکۆردێکی پێوانەیی تۆمارکرد لە کەرتی پیشەسازیدا"، لە ساڵی 2009 کۆنسۆرتیۆمی پێرڵ پترۆڵیۆم پێکهێنرا لەلایەن هەریەکە لە دانەگاز و نەوتی هیلال وەکو خاوەن پشک و، هەریەک لە OMV، MOL و RWE بە رێژەی 10%. بەپێی ئەو راگەیێندراوە هاوبەشەی دانەگاز و نەوتی هیلال، ژمارەی ستافی هەمیشەیی کە بەردەوام لە پرۆژەکە کاردەکەن، لە 500 کەس زیاترە و "85%یان [لە ستافەکە] خۆماڵین و لەنێویاندا پۆستی باڵا هەیە".
هاوڵاتى حکومەتی هەرێمی کوردستان بودجەیەکی تایبەت بە کاریگەرییەکانی كە‌مبارانی و وشكەساڵی تەرخانکرا وراشیگەیاند "لەگەڵ وڵاتانی دراوسێش گفتوگۆ دەکرێت". ئەمڕۆ دوشەممە بەسەرپەرشتی قوباد تاڵە‌بانی جێگری سەرۆکی ئەنجومەنی وەزیران و ئامادەبونی بریکاری وەزارەتی کشتوکاڵ وسەرچاوەکانی ئاو و پارێزگارانی هەولێر، سلێمانی، دهۆك، هەڵەبجە و سەرپەرشتیارانی ئیدارەی راپەڕین و گەرمیان و نوێنەرانی وەزارەتەکانی شارەوانی و پلاندانان، کۆبونەوەیە‌كی تایبەت بەشێوازەکانی ڕوبەڕوبونەوەی وشکەساڵی لەهەرێمی کوردستان بەڕێوە‌چو. لەراگەیەنراوی کۆبونەوەکەدا هاتوە، بەوردی باس لەکاریگەرییەکانی كە‌مبارانی و وشكەساڵی لەسەر ناوچە جیاجیاکانی هەرێم کراوە و پلانی حكومەت و لایە‌نە پە‌یوە‌ندیدارە‌كان بۆ روبە‌روبونە‌وە‌ی ئەو دیاردەیە خرایەڕو. باس لەوەشکراوە، بەمەبەستی کەمکردنەوەى زیانە ئابورییەکانی وشکەساڵی لەسەر سێکتەرە جیاوازەکان، بودجەیەکی تایبەت تەرخانکرا و بڕیاردرا کە ئەولەویەت بدرێت بەزامنکردنی دابینکردنی ئاوی پاک بۆ هاوڵاتییان هەروەها گرنگی بدرێت بە پرۆژەکانی کەرتی کشتوکاڵی و پیشەسازی. لەدواى تاوتوێکردنی هەمەلایەنەی شێوازەکانی روبەروبونەوەى ئەم دیاردەیە لەسەر هەرێمی کوردستان، پێویستی دانانی پلانی گونجاو و تەرخانکردنی بودجەی پێویست دوپاتکرایەوە بۆ دروستکردنی بەنداوی بچوک لەپێناو گلدانەوەى ئاوی باراناو و دواتر سودلێوەرگرتنەوەى لەبوارى کشتوکاڵیدا. لەراگەیەنراوەکەدا ئاماژە بەوەشکراوە، بڕیاردراوە لەگەڵ حکومەتی فیدراڵ ئەم پرسە باس بکرێت بۆ ئەوەی هاوکاربن لەچارەسەرکردنی هەر گرفتێکدا کەروبەروى هەرێم ببێتەوە بەهۆى کاریگەرییەکانی وشکەساڵییەوە. ئەوەش خراوەتەڕو، جەخت لەوەکرایەوە کەدەبێ حکومەتی هەرێمی کوردستان لەرێى کەناڵە دیبلۆماتییەکانییەوە لەگەڵ وڵاتانی دراوسێ هەماهەنگی بکات بۆ کۆنترۆڵکردنی شێوازەکانی بەردانەوەى ئاوی بەنداوەکان بەجۆرێک کە بە‌رژە‌وە‌ندی هەرێمی کوردستان لە‌بە‌رچاو بگیریت و ئەو بارگرانییە کەمبکاتەوە کەبەهۆى وشکەساڵییەوە روبەروى ناوچەکە دەبێتەوە.
شاناز حەسەن لیستە هاوبەشی حزبە كوردستانیەكانی ناو كەركوك تا ئێستا نەگەیشتونە ڕێككەوتنی كۆتایی لەبارەی لیستێكی هاوپەیمانی و چاوەرێی دوا وەڵامی پارتی دەكەن بۆ بەشداری كردن یان نەكردن و دوا وادەش بۆ پێشكەشكردنی لیست یەكی ئایارە، بەڵام بەرپرسێكی یەكێتی لە كەركوك دەڵێت:» لیستێك بەناوی لیستی كەركوكی كوردستانی پێشكەش بە كۆمسیۆن كراوەو ئەوەی تا ئێستا یەكلابووەتەوە تەنها گۆران و كۆمەڵ كاندیدیان دەبێت لەگەڵ یەكێتی، ئەوانی دیكە تەنها پشتیوانی دەكەن». لەكۆبوونەوەكەی 9یشوباتی 2021 دا كەبارەگای مەڵبەندی كەركوكی كۆمەڵی دادگەری كوردستان بەڕێوەچوو، حزبەكان پێشنیاری ئەوەیان خستبووەڕوو كە لەبازنەی یەكەمدا تەنها پارتی و یەكێتی كاندیدیان هەبێت لایەنەكانی دیكە كاندیان نەبێت و لەبازنەی دووەم دا ئەو دووحزبە كاندیدیان نەبێت و كار بۆكاندیدانی حزبەكانی تر بكەن، و لەبازنەی سێیەمیشدا تەنها پارتی و یەكێتی كاندیدیان هەبێت، بەڵام یەكێتی و پارتی ئەو پێشنیارەیان ڕەتكردووەتەوە و بریارە ئەمڕۆ و سبەینێ یەكێتی و لایەنەكانی دیكە دوا كۆبونەوە ئەنجام بدەن، سەرەرای ئەوەی هەندێك زانیاری جەختلەوە دەكەنەوە كە پارتی لیستی خۆی پێشكەشی كۆمسیۆنی باڵای هەڵبژاردنەكانی عێراق كردووە. لەهەڵبژاردنی پێشووی پەرلەمانی عێراقدا، لەكۆی 12 كورسی یەكێتی توانی شەش ئەندام بنێرێتە پەرلەمانی عێراق، بەڵام لەدوای رووداوەكانی 16ی ئۆكتۆبەرو ریفراندۆم دۆخی كەركوك تێكچوو و كورد لەو شارە دەسەڵاتی نەماو پارێزگاریشیان لە كورد وەرگرتەوە. خەسرەو گۆران، بەرپرسی مەكتەبی هەڵبژاردنی پارتی لەدوو هەفتەی رابردوودا جەختی لەوەكردەوە كە پارتی لە كەركوك و ناوچە جێ ناكۆكەكان بە لیستی جیا بەشداری هەڵبژاردنەكان دەكات، بەڵام سەرەرای ئەو لێدوانانە یەكێتی و لایەنەكانی دیكە تا 48 كاتژمێری دیكە چاوەرێی كۆتا وەڵامی پارتی دەكەن. جێگری لێپرسراوی مەڵبەندی كەركوك و بەرپرسی پەیوەندییە نیشتمانییەكانی یەكێتی، دەڵێت:» لیستێكی كەركوكی كوردستانی پێشكەش بە كۆمسیۆنی باڵای هەڵبژاردنەكانی عێراق كراوەو ئەگەر لەسەر میكانیزمەكە رێكبكەوین هەر ئەو لیستە دەروات بەبێ پارتی». جەنگی عیزەدین، جێگری لێپرسراوی مەڵبەندی كەركوك و بەرپرسی پەیوەندییە نیشتمانییەكانی یەكێتی، لە لێدوانێكدا بەهاوڵاتی وت» تاكو ئێستا بە ڕەسمی لەهیچ لایەنێكەوە رانەگەیەندراوە و حزبە كوردستانیەكان و هاوپەیمانەتیەكە هەڵنەوەشاوەتەوە، بەڵكو ئێمە كاتمان ماوە و لە ئەمڕۆ یان بەیانی كۆبونەوەی كۆتایمان دەبێت». لیستێكی كەركوكی كوردستانی پێشكەش بە كۆمسیۆنی باڵای هەڵبژاردنەكانی عێراق كراوەو ئەگەر لەسەر میكانیزمەكە رێكبكەوین هەر ئەو لیستە دەروات بەبێ پارتی جێگری لێپرسراوی مەڵبەندی كەركوك، وتیشی:» تەنیا پارتی نەبێت هەموو حزبە كوردستانیەكانی دیكەی ناو كەركوك كارمان بۆ ئەوە كردووە كە هاوپەیمانەتیەكە سەر بگرێت و هاوراش بوین بۆیە تەنیا ئەوە ماوە لە چەند رۆژی داهاتوودا هاوپەیمانێتیەكە كارا بكەینەوە». جەنگی عیزەدین ئەوەشی رونكردەوە:» پارتی تەنیا لە ئەوەدا ناكۆكە دەڵێن لەناوچە جێناكۆكەكان بەتەنیا دادەبەزن وتیشی:» لیستێكی كەركوكی كوردستانی پێشكەش بە كۆمسیۆنی باڵای هەڵبژاردنەكانی عێراق كراوەو ئەگەر لەسەر میكانیزمەكە رێكبكەوین هەر ئەو لیستە دەروات بەبێ پارتی». هاوكات هێمای بۆ ئەوەش كرد كە میكانیزمەكە ئەوەیە كە بزانن چەند لایەن كاندیدیان دەبێت، چونكە تا ئێستا بزوتنەوەی گۆران و كۆمەڵی دادگەری یەكلابونەتەوە كە یەكی كاندیدێكیان دەبێت، لایەنەكانی وەك یەكگرتوو و حزبی شوعی و لایەنەكانی دیكە تەنها پشتیوانی لیستە كوردستانییەكە دەكەن. ناوبراو جەختی پێشیوابوو هاوپەیمانی وەك حزبە كوردستانیەكانی تری كەركوك بەدەر لە پارتی هەموو پەیوەست بوون پێوەیی و رەنگە لەم چەند رۆژەی داهاتوودا بگەینە كۆتایی و هاوپەیمانەتیەكە بچێتە بواری جێبەجیكردنەوەو رابگەیەندرێت. بەرپرسی لقی سێی پارتی لەكەركوك دەڵێت بڕیاری كۆتایی و قسەی حزب لای خەسرەو گۆران بەرپرسی مەكتەبی هەڵبژاردنە. محەمەد خورشید، بەرپرسی لقی سێی پارتی لە كەركوك لەلێدوانێكدا بەهاوڵاتی وت:» دەتوانن قسە لەگەڵ خەسرەو گۆران بكەن بەرپرسی مەكتەبی هەڵبژاردن، چونكە بریاری كۆتایی و قسەی حزب لای ئەوە». دەربارەی ئەوەی خەسرەو گۆران پێشتر ئەوەی دووپاتكردووەتەوە كە پارتی بە جیا بەشداری هەڵبژاردن دەكات، بەڵام لایەنەكان چاوەرێی وەڵامی پارتین، بەرپرسی لقی سێی پارتی وتی:» بریاری حزب لەوبارەیەوە لای خەسرەو گۆرانە. لەلایەكی دیكەوە كارگێڕی مەڵبەندی چواری كۆمەڵی دادگەری كوردستان دەڵێت:» پێكهێنانی لیستێكی هاوبەش لەكەروكك خواستی هەموو لایەنەكان بوو و تەنیا پارتی نەبێت كە دواتر ئەوانیش رای خۆیان دەربڕی و وتیان كە هاوراین و پێمان خۆشە بەڵام بە كرداری نەهاتنە ناو لیستەكە و كۆبونەوەكانەوە». محەممەد عەلی، كارگێری مەڵبەندی چواری كۆمەڵی دادگەری، لەكەركوك لە لێدوانێكدا بەهاوڵاتی وت» ئێستاش گەشبینین بە لیستێكی هاوبەشی حزبە كوردستانیەكان لەناو كەركودا بۆ یەكریزی حزبە كوردستانەكان و بەهێزبنی پێگەی كورد لەناو كەركوك و بۆ پرسی یەهێزبونی خاك و پێگەی كورد لێرە». ئەم بەرپرسەی كۆمەڵی دادگەری كوردستان، ئەوەشی ڕونكردەوە یەكیك لە كێشەكانی كورد ئەوەیە لە دوا كاتدا دەكەونە گفتوگۆ و كۆبونەوە، ڕەنگە ئەمە هەندێكی بە مەبەست بێت یاخود رێككەوتنی ژێر بەژێر كرابێت، چونكە ئەوەی كە جێگەی داخە لە كەركوك هەموو جارێك لیست دروست كراوە و مژدە دراوە بە خەڵك و لە كۆتا كاتەكاندا تێكدراوە،وتی:» بۆیە هیوادارم ئەمە دوبارە نەبێتەوە». هاوكات ئەوەشی دووپاتكردەوە كە ئەوەیان دەكەوێتە سەر حزبە سیاسیەكان تا چەند حزبی سیاسین و دواكەوتەی لایەنی سیاسی دیكە نین و تاچەند خاوەنی بریاری خۆیانن، وتیشی:» ئێمە وەك كۆمەڵی دادگەری هەرگیز خۆمان بە هیچ لایەنێكەوە گرێ نەداوە بۆیە پارتی بەشداری بكات یان نا، ئێمە خۆمان حزبین و بەهیچ لایەنێكەوە نەبەستراوین كە بەداخەوە ئەوە هەیە و پارتی و یەكێتی هەر یەكەی هەندێك لایەنی بەستووە بە خۆیەوە كە ئەمە گەورەترین كێشەی حزبایەتیە لە كوردستان». هاوكات پێشیوابوو لە بەشداری نەكردنی هەر لایەنێكدا كەركوكیەكان و لایەنەكە خۆی زیان دەكات و دوبارە دەبێتە پەرت بونی دەنگەكانی كورد و چونكە هەمیشە سەركەوتنەكان لە پێكەوەیی لایەنەكاندا هاتووەتەدی.
هاوڵاتى محەمەد جواد زەریف رایده‌گه‌یه‌نێت، ئێمە لەم ناوچەیەدا دەمێنینەوە و ئەوە ئەوانن لێرە دەڕۆن و دەبێت پەیوەندییەکانمان لەسەر بنەمای دۆستایەتی رێکبخەین. محەمەد جواد زەریف وەزیری دەرەوەی ئێران لە كۆنگره‌یه‌كى رۆژنامەوانیدا لە بەغدا رایگەیاند، "هیوادارین عێراق لەم ناوچەیەدا بەهێزتربێت." وەزیری دەرەوەی ئێران ئەوەشی خستووەتەڕوو، "ئێمە لەم ناوچەیەدا دەمێنینەوە و ئەوە ئەوانن لێرە دەڕۆن و دەبێت پەیوەندییەکانمان لەسەر بنەمای دۆستایەتی رێکبخەین." باسی لەوەشکردووە، "ئەگەر ئەمریکا بگەڕێتەوە رێککەوتنی ئەتۆمی ئەوا ئێمەش دەگەڕێینەوە ناو رێککەوتنەکە." محەمەد جواد زەریف وەزیری دەرەوەی ئێرانئەمرۆ بە سەردانێك گەیشتە بەغدا و بریارە سبەینێ سەردانی هەرێمی كوردستان بكات.
هاوڵاتى كۆمه‌ڵێك له دادوه‌ران وو ئه‌ندامانى داواكارى گشتى له هه‌رێم یاداشتێكیان بڵاوكردۆته‌وه و تێیدا ئاماژه به‌وه ده‌كه‌ن، گەر پێشتر هەر بیانوویەك بۆ لێبڕینى مووچە هەبووبێت ئێستا بە بەرزبوونەوەى نرخى نەوت بۆ سەرووى ٦٥ $و زیادبوونى داهاتى ناوخۆو ڕێككەوتن لەگەڵ حكومەتى فیدڕاڵ ئەوا بوار بۆ ئەو بیانووانەى نەهێشتۆتەوه. ده‌قى یاداشتى کۆمەڵێك لە دادوەران و ئەندامانى داواکارى گشتى:- ئێمەى دادوەران و ئەندامانى داواكارى گشتى کە لە خوارەوه ناومان هاتووه،پشتگیرى لە هەڵوێستى جوامێرانەى هاوپیشەمان بەڕێز دادوەر،گۆران عبدالخالق بەرزنجى، دەکەین سەبارەت بە نایاسایی بوونى بەردەوامی لێبڕینى مووچەى فەرمانبەران و مامۆستایان و پێشمەرگە و پۆلیس وتەندروستكاران ودادوەران ولێکۆڵەرەوان و یاریدەدەرانى دادوەرى وخانەنشینانى ڕاستەقینەى هەرێمى كوردستان لەالیەن حكومەتەوه، وە ئەوبەتەنها نیە وئێمەش لەگەڵ هەڵوێستى ئەوین، وه داواكارین هەروەك چۆن لەیاداشتێكى پێشووترمان ئاماژەمان پێداوە لە ڕێكەوتى ٢٠/٨/٢٠٢٠ كە لە لە لایەن ٤٨ دادوەرو ئەندامى داواكارى گشتیەوه واژۆ كرابوو؛ حكومەتى هەرێمى كوردستان چاكسازى ڕاستەقینە ئەنجام بدات وە كۆتایی بەشێوازى نایاسایی دوومووچە و سێ مووچەو هەزاران بندیوار بهێنێت، نەك دەست بۆ شایستەیەكببرێت كە بە یاسا ڕیكخراوه وتەنها بە یاساش دەتوانرێت دەستكارى بكرێت كە ئەویش مووچەى فەرمانبەرانە. گەر پێشتر هەر بیانوویەك بۆ لێبڕینى مووچە هەبووبێت ئێستا بە بەرزبوونەوەى نرخى نەوت بۆ سەرووى ٦٥ $و زیادبوونى داهاتى ناوخۆو ڕێككەوتن لەگەڵ حكومەتى فیدڕاڵ ئەوا بوار بۆ ئەو بیانووانەى نەهێشتۆتەوه، وە لەهەمان کاتدا داواكارین کاری زیاتر بکرێت بۆ چەسپاندنى سەروەرى یاسا و وە ڕێزى تەواو لەسەربەخۆیی دامەزراوەى دەسەاڵتى دادوەرى بگیرێت؛ و دەستوەردانى حیزبی لەكاروبارى دادگاكان ڕێگەى لێ بگیرێت وە بە هەموو شێوەیەک قەدەغە بكرێت. وەهەروەها پشتگییرى خۆمان بۆ نووسراوى ئەنجومەنى دادوەرى بەڕێز ژمارە١/٦/٨٧٨ لە ١٩/٤/٢٠٢١ دەردەبڕین سەبارەت بە كۆتایی هێنان و نایاسایی بوونى بڕینى لە ٥٠ %مووچەى دادوەران و ئەندامانى داواكارى گشتى و لێبڕینى مووچەى فەرمانبەرانى دەسەاڵتى دادوەرى،وە ئێمە دووپاتى داواى كۆتایی هێنان بە لێبڕینى مووچەى سەرجەم فەرمانبەران دەكەین، چاوەڕوانیین بەڕێز حكومەتى هەرێمى كوردستان بەزووترین كات بەڵێنەكانى جێ بەجێ بكات لە ئەنجامدانى چاكسازی و كۆتایی هێنان بە لێبڕنى مووچە و گێڕانەوەى سەرجەم مافی فەرمانبەران لە مووچەو شایستە بڕاوەكانیان بە درووست كردنى ژمارەى بانكى بۆیان وەک چۆن لەیاساى چاکسازى لە مووچەو دەرماڵە ئاماژەى بۆ کراوە ، بەپێچەوانەوه تاوەكو كۆتایی مانگی٥ هەڵویستى ترى مەدەنیانەمان دەبێت. بەیاننامەیەك بۆ ڕای گشتى لەلایەن کۆمەڵێك لە دادوەران و ئەندامانى داواکارى گشتى کۆمەڵێک لەدادوەران و ئەندامانى داواکارى گشتى ٢٠٢١ نیسانى ٢٦ 1 .حاكم گۆران عبدالخالق بەرزنجى 2 .حاكم ابراهیم عبداهلل محمود 3 .حاكم اسماعیل عبدالرحمن مال رسول 4 .حاكم ئاراز حمە علی فیچ اهلل 5 .حاكم ئاالن احمد 6 .حاكم بختیار علی حمە امین 7 .حاكم بختیار محمد علی عارف 8 .حاكم بدرالدین كریم بەرزنجى 9 .حاكم بورهان احمد محمود 10 .حاكم بەهجەت حسن صالح 11 .حاکم پشتیوان هاشم ابراهیم 12 .حاكم توفیق نامق رچا 13 .حاكم جاسم محمد بابا 14 .حاكم جیمن عمر 15 .حاكم حبیب حمید علی 16 .حاكم حسن احمد عباس 17 .حاكم حسین احمد 18 .حاكم حیدر محمود محمد 19 .حاكم د. نرمین ابو بكر محمد 20 .حاكم دانا بكر رسو 21 .حاكم دانا كریم محمد 22 .حاكم دانا محمود حمە صالح 23 .حاكم دلێر نریمان سوبحان 24 .حاكم دیندار نعمان 25 .حاكم رزگار علی قادر 26 .حاكم رزگار محمدامین 27 .حاكم روخسار قادر عبداهلل 28 .حاكم روناك نورى ڕۆستەم 29 .حاكم رەوەند معصوم 30 .حاكم سالار محمد رشید 31 .حاكم سامى سلیمان فه‌قى 32 .حاكم سامی حمید سمین 3 .حاكم ستار سمایل 34 .حاكم سردار حسن كاوانی 35 .حاكم سلیمان مینە ابراهیم 36 .حاكم سۆزان شریف 37 .حاكم سیروان خچر مصگفى 38 .حاكم شكر قادر حمدامین 39 .حاكم شوان خوا كرم 40 .حاكم شیما‌و عزیز 41 .حاكم صباح احمد نادر 42 .حاكم صالح الدین لگیف 43 .حاكم گالب مجید 44 .حاكم عبدالباسگ مسعود كه‌ردى 45 .حاكم عبدالرحمن خچر 46 .حاكم عبدالعزیز احمد عزیز 47 .حاكم عبدالكریم حیدر / خانەنشین 48 .حاكم علی مهدی 49 .حاكم عماد فارس 50 .حاكم فائق حمە قادر یوسف 51 .حاکم کامران حمد أمین وەستا 52 .حاكم كریم حامد 53 .حاكم گۆران فرج محمد صالح 54 .حاكم لقمان صدیق خۆشناو 55 .حاكم محمد شفیق 56 .حاكم محمد علی ریكانى 57 .حاكم مراد محمد علی 58 .حاكم میهرەبان احمد حسن 59 .حاكم هیمن محمد حسن 60 .حاكم هیوا فاریق دزەیى 61 .حاكم یونس عپمان.
شاناز حەسەن وتەبێژی وەزارەتی تەندروستی حكومەتی هەرێم ئەوە ئاشكرادەكات تائێستا سێ هەزارو (800) پزیشك و كارمەندی تەندروستی تووشی كۆرۆنا بوون و لەو ژمارەیەش (200)یان گیانیان لەدەستداوە. ئاسۆ حەوێزی وتەبێژی وەزارەتی تەندروستی حكومەتی هەرێم لەلێدوانێكدا بەهاوڵاتى: وت:» هەركات ڤاكسینی تەواو لەبەردەستدا بوو دەتوانین بیكەینە بڕیار تاهەمموو فەرمانبەران وەریبگرن». هەروەها وتیشی:» تائیستا لە هەرێمی كوردستاندا سێ هەزار و (800) كارمەندو پزیشك تووشی كۆرۆنا بوون و زیاتر لە (200) كەسیان گیانیان لەدەستداوە». ناوبراو باسی لەوەشكرد بەردەوام پێویستیان بەكارمەندو پزیشك هەبووە و داوایان كردووە، چونكە ژمارەیەكی زۆر لەكارمەندو پزیشكان تووشی كۆرۆنا بوون»بەردەوام كێشەی كەمی كارمەندو پزیشكمان هەیە». ئاسۆ حەوێزی جەختی لەوەشكردەوە كەدۆخی كۆرۆنا مەترسیدارەو ئەو شوێنانەی ماویانە بەتایبەت بۆ وەرگرتنی چاودێری چڕو ورد زۆر سنوردارەو ژمارەیەكی زۆر كەم دەتوانین نەخۆش وەربگرین. هاوكات هێرش سەلیم جێگری بەڕێوەبەرایەتی گشتی تەندروستی سلێمانی بەهاوڵاتى: وت:» هەر كارمەندو پزیشكێك بەكۆرونا لەناوەندی تەندروستیدا گیانی لەدەستدا هاوكاری پێنج ملیۆن دینار بۆ خانەوادەكەی خەرج دەكرێت». جێگری بەڕێوەبەری تەندروستی سلێمانی ئەوەشی روونكردەوە كە تائێستا هەشت بۆ نۆ كارمەند كە گیانیان لەدەستداوە كەسوكاریان ئەو بڕە پارەیەیان بۆ خەرجكراوە لەسنوری سلێمانیدا. ناوبراو جەختی لەوەکردەوە کەدۆخی کۆرۆنا لەژێر کۆنترۆڵدایەو وتیشی: «راستە ئاماری گیانلەدەستدان بەکۆرۆنا زیادی کردووە، ئەوانەی دەمرن تەمەنیان لەسەروو (60) ساڵەوەیەو نەخۆشیی دیکەیان هەیە، هەندێکیشیان لەگەنجان پێکهاتوون، هێشتا ئەو مەترسییە زۆرەی نییە کەقەدەغەی هاتوچۆ بکرێت».
هاوڵاتى هێزەكانی پاراستنی گەل (هەپەگە) لەدژی هێرشە داگیركارییەكانی دەوڵەتی تورك جەخت دەكەنەوە كە «دەوڵەتی داگیركەری تورك سەرەڕای بەكارهێنانی بۆمبی كیمیایی نەیتوانیوە پڕشڕەوی بكات». دوێنێ ناوەندی پاراستنی گەل (هەپەگە) لەدژی ئەو هێرشانەی دەوڵەتی داگیركەری تورك بۆ سەر هەرێمەكانی ئاڤاشین، مەتیناو زاپ، دەستیپێكردووە، راگەیەندراوێكی بڵاوكردەوە. لەڕاگەیەندراوەكەدا ئاماژە بەوەدراوە، كە دەوڵەتی داگیركەری تورك سەرەڕای بەكارهێنانی بۆمبی كیمیایی نەیتوانیوە پێشڕەوی بكات، راشیگەیاندووە:» دەیان سەربازی تورك تائێستا سزادراون». هەروەها ئەوەیان خستۆتەڕوو كەسوپای تورکیا 23ی نیسانی 2021، لە هەرێمەكانی مەتینا، ئاڤاشین و زاپی سەر بەهەرێمەكانی پاراستنی میدیا دەستی بەئۆپەراسیۆنی داگیركەری كرد، لەو كاتەوەی كە هێرشەكە دەستیپێكردووە تائێستا، «هێزەكانی گەریلامان بە رۆحێكی فیدایی لەبەرانبەر داگیركەران بەرخۆدان دەكەن. هاوكات هەپەگە ئەوەیان ئاشكراكردووە نۆ سەربازی توركیایان كوشتووەو بەسزایان گەیاندوون. هێزەكانی پاراستنی گەل ئەوەشیان باسكردووە كە لە ئاڤاشین لەدژی داگیركەران چالاكی ئەنجامدراو گورزی گەورە بەر داگیركەران كەوت و چوار جار بەناچاری لە تونێلەكانی شەڕ كشاونەتەوە. هەروەها هەپەگە ئەوەشیان ئاشكرا كردووە كەداگیركەران سەگێكیان بۆ تونێلەكان نارد كەكامێرای پێوە بەسترابوو» هێزەكانمان دەستیان بەسەر كامێرەكەدا گرت». سوپای داگیركەری تورك دوای ئەوەی گورزی گەورەی بەركەوت، گازی ژەهراوی بەكارهێناوە»سوپای داگیركەری تورك لەگردی مامرەشۆ لەبەرانبەر بەرخۆدانی گەریلاكانمان گورزی گەورەی بەركەوت و لەبەرانبەر تونێلەكانی شەڕو سەنگەری گەریلا، گازی ژەهراوی بەكارهێنا. بەم شێوە نامەردانەیەش نەیانتوانی بچنە ناو تونێلەكانی هێزەكانمان». هەپەگە ئەوەشی روونكردووەتەوە كە گەریلا لەبەرخودان بەردەوامە بەرانبەر هێزەكانی داگیركەری تورك لەهەموو ئەو ناوچانەی شەڕی تێدا ئەنجام دەدرێت و دەشڵێن:» تائێستا شەڕ بەردەوامە».
شاناز حەسەن رۆژی 21ی نیسان چوارشەممەی رابردوو وتەبێژی حكومەتی هەرێم رایگەیاند كەهێشتا سیناریۆی لێبڕینی مووچە یەكلانەبووەتەوە، چونكە چاوەڕێی كۆبوونەوەی داهاتووی ئەنجومەنی وەزیران دەكەن، بەڵام وەزارەتی دارایی دوێنێ یەكشەممە دەستی بەدابەشكردنی مووچە بەلێبڕینی لەسەدا 21 كرد، سەرۆكی لیژنەی دارایی لەپەرلەمانی كوردستان: نەناردنی بەشە بودجەی پێویست لەبەغداوە پێویستە هەڵوەستەی لەسەر بكرێت و چاوەڕێ بكەین تا دەنێردرێت. دوای ئەوەی 31ی ئازاری 2021 پەرلەمانی عێراق بودجەی پەسەندكرد پشكی هەرێم لەماددەی (11) جێگیر كرا كە لەبەرانبەر داهاتی (250) هەزار بەرمیل نەوتی رۆژانە بەنرخی كۆمپانیای سۆمۆی نیشتمانی عێراق زائیدەن داهاتە نانەوتییەكان، پشكی هەرێم رەوانە بكرێت كە لەساڵەكەدا (11) ترلیۆن و (484) ملیار دینارەو مانگانە (956) ملیار دینار دەكات. فەرمانبەرانی هەرێمی كوردستان دەڵێن هیچ بەهانەیەك بۆ لێبرینی مووچە نەماوە دوای رێككەوتن لەگەڵ بەغداو دەڵێن:» چیتر بێدەنگ نابین لەو ناهەقییە». دیاری بەكر، فەرمانبەر لە بەڕێوەبەرایەتی رۆشنبیری هەولێر، لەلێدوانێكدا بۆ هاوڵاتی: وتی:» لەئێستادا حكومەتی هەرێم هیچ بەهانەیەكی بۆ لێبرینی مووچەی فەرمانبەران نەماوەو پێویستە ئێمەش چیتر بێدەنگ نەبین لەو ناهەقییە». ناوبراو وتیشی:» ئەوەی كە زۆر گرنگە هەنگاوی خەڵكە، تا بێدەنگ بین حكومەتی هەرێم لەسەر لیبڕینی مووچە بەردەوام دەبێت». ئەو فەرمانبەرەی بەڕێوەبەرایەتی رۆشنبیری هەولێر ئەوەشی باسكرد كە بارودۆخ و گوزەری خەڵك لەئێستادا زۆر خراپەو خەڵك چیتر ژیانی ناڕوات بەلێبڕینی مووچەو دواكەوتنی مووچەكەی بۆیە پێویستە حكومەت بیر لەخەڵكی فەقیرو هەژار بكاتەوە. هاوكات نازەنین عوسمان، فەرمانبەر لەبەڕێوەبەرایەتی ئاوی سلێمانی، لە لێدوانێكدا بۆ هاوڵاتی: هێمای بۆ ئەوەكرد لێبڕینی مووچە هیچ كات یاسایی نەبووە و حكومەت گەورەترین زوڵمی لە مووچەخۆران كردووە، بۆیە پێویستە كۆتایی پێبهێنرێت. ئەم فەرمانبەرە دایكی سێ منداڵە وتیشی:» ئەو مووچەیەی بە دوو مانگ جارێك وەریدەگرم تەنیا بەشی پێداویستی رۆژانەم دەكات و ناتوانم لەخواردن و شتە زۆر پێویستیەكان زیاتر هیچی تری پێبكەم». نازەنین پێشیوابوو حكومەتی هەرێم لەئێستادا ئەو پاساوەشی نەما بڵێت رێكکەوتن لەسەر بودجەو مووچە نەكراوەو بەغدا پارە نانێرێت. سەرۆكی لیژنەی دارایی لەپەرلەمانی كوردستان"نەناردنی بەشە بودجەی پێویست لەبەغداوە پێویستە هەڵوەستەی لەسەربكرێت و چاوەڕێ بكەین تا دەنێردرێت و دەشڵێت:» لەهەوڵەكانمان بەردەوامین بۆ نەهێشتنی لێبڕینی مووچە" سەرۆكی لیژنەی دارایی لەپەرلەمانی كوردستان پێیوایە كە نەناردنی بەشە بودجەی پێویست لەبەغداوە پێویستە هەڵوەستەی لەسەربكرێت و چاوەڕێ بكەین تا دەنێردرێت و دەشڵێت:» لەهەوڵەكانمان بەردەوامین بۆ نەهێشتنی لێبڕینی مووچە». زیاد جەبار، سەرۆكی لیژنەی دارایی لەپەرلەمانی كوردستان، لەلێدوانێكدا بەهاوڵاتی: وت:» ئێمە پێشترو ئێستاش جەختمان لەوە كردۆتەوە كە لێبڕینی مووچە نایاساییە، بۆیە پێویستە حكومەت لەكاتی ئێستادا كەبارودۆخی دارایی حكومەت باش بوو دەبێت مووچەی تەواو بدات، وەك فراكسیۆنی یەكیتی ئەوەشمان راگەیاندووە كەپێویستە بەپێی ئەو داهاتەی حكومەت لەبەر دەستیدایە دەتوانێت مووچەی تەواو بدات». ناوبراو وتیشی» ئێمە وەكو ئەركی خۆمان و ئەوەی لە پەیڕەودا هەیە ئەركی پەرلەمانتارە دەیكەین و بەردەوامیش كردوومانە، قسەشمان لەسەر ئەوە كردووە كەپێویستە حكومەت مووچە بەبێ لێبڕین دابەش بكات و كۆتایی بەلێبڕینی مووچە بێت». زیاد جەبار ئاماژەی بەوەشكرد لەئێستادا هەنگاوەكان بۆ پێدانی یاداشت و كۆتاییهاتنی لێبڕینی مووچە كردووەو بەردەوامیش دەبن لەهەوڵەكانیان، بەڵام وتیشی:»نەناردنی بەشە بودجەی پێویست لەبەغداوە پێویستە هەڵوەستەی لەسەربكرێت و چاوەرێ بكەین تا دەنێردرێ«. رۆژی چوارشەممە 21ی نیسان، وتەبێژی حكومەتی هەرێم باسی لەوەكرد كە تائێستا سیناریۆی لێبڕینی مووچەی یەكلانەبووەتەوە، چونكە چاوەڕێی كۆبوونەوەی داهاتوی ئەنجومەنی وەزیران دەكەن، بەڵام وەزارەتی دارایی بەلێبڕینی لەسەدا 21 دەستی بەدابەشكردنی مووچە كرد. جوتیار عادل وتەبێژی حكومەتی هەرێم رایگەیاند رۆژی چوارشەممە لەكۆنگرەیەكی رۆژنامەوانیدا رایگەیاند» 25ی مانگ مووچە دابەشدەكرێت، دەستدەكرێت بەدابەشكدرنی مووچەو بەڵام تائێستا نازانرێت لیستی مووچە چۆن دەبێت، تائێستا سیناریۆی لێبڕینی مووچە یەكلانەبووەتەوە، چونكە چاوەڕێی كۆبوونەوەی داهاتوی ئەنجومەنی وەزیران دەكەین و لەسەر بنەمای داهاتەكان بڕیار دەدەین»، بەڵام وەزارەتی دارایی دوێنێ یەكشەممە بەلێبڕینی لەسەدا 21 دەستی بەدابەشكردنی مووچە كرد. لێبڕینی مووچەی مانگی نیسان لەكاتێكدایە كەهەفتەی رابردوو دانا عەبدولكەریم، وەزیری ئاوەدانكردنەوەی حكومەتی هەرێم بۆ هاوڵاتی ئەوەی دووپاتكردەوە كە چاوەڕێی میكانزمی جێبەجێكردنی ماددەی 11ی یاسای بودجەی عێراقن كەوەفدێكی حكومەتی هەرێم دەچێتە بەغدا، وتیشی:» هەموو حكومەت لەگەڵ ئەوەدایە مووچە بەبێ لێبڕین دابەشبكات و ئەولەویەت بۆ مووچە دەبێت».
هاوڵاتى هێزه‌کانى پاراستنى گه‌ل(هه‌په‌گه) له‌دژى هێرشه داگیرکارییه‌کانى ده‌وڵه‌تى تورک بۆسه‌ر هه‌رێمه‌کانى پاراستنى مه‌دیا، “هه‌نگاوى شۆرشگێرانه‌ى بازه‌کانى زاگروسی” راگه‌یاند. ئه‌مڕۆ ناوه‌ندى پاراستنى گه‌ل(هه‌په‌گه) له‌دژى ئه‌و هێرشانه‌ى ده‌وڵه‌تى داگیرکه‌رى تورک بۆسه‌ر هه‌رێمه‌کانى ئاڤاشین، مه‌تینا و زاپ، ده‌ستیپێکردووه، ڕاگه‌یه‌ندروێکى بلاوکرده‌وه. له ڕاگه‌یه‌ندراوه‌که‌دا ئاماژه به‌وه‌دراوه، که ده‌وڵه‌تى داگیرکه‌رى تورک سه‌ره‌ڕاى به‌کارهێنانى بۆمبى کیمیاوى نه‌یتوانیوه پیشڕه‌وى بکات، ڕاشیگه‌یاندووه:" ده‌یان سه‌ربازى تورک تا ئێستا سزادراون". ده‌قى راگه‌یه‌ندراوى ناوه‌ندى راگه‌یاندن و چاپه‌مه‌نى هه‌په‌گه: “ده‌وڵه‌تى داگیرکه‌رى تورک له ٢٣ى نیسانى ٢٠٢١دا له هه‌رێمه‌کانى مه‌تینا، ئاڤاشین و زاپى سه‌ر به هه‌رێمه‌کانى پاراستنى میدیا ده‌ستى به ئۆپه‌راسیۆنى داگیرکه‌رى کرد. له‌و کاته‌وه‌ى که هێرشه‌که ده‌ستیپێکردووه و تا ئێستا، هێزه‌کانى گه‌ریلامان به رۆحێکى فیدایى له به‌رانبه‌ر داگیرکه‌ران به‌رخۆدان ده‌که‌ن و له هه‌رێمه‌کانى ئاڤاشین و زاپ، ‘هه‌نگاوى شۆرشگێرى هه‌ڵۆکانى زاگرۆسیان’ ده‌ستپێکرد. له چوارچێوه‌ى هه‌نگاوه‌که‌دا گورزى گه‌وره له داگیرکه‌ران دراوه و ئه‌م چالاکیانه‌ى که له ژێره‌وه باسى کراوه ئه‌نجامدراون. به‌پێى زانیارییه‌کان ٩ سه‌رباز کوژراون له ٢٤ى نیسان کاتژمێر ٠٩:٠٠ و ١٢:٣٠ دا سوپاى داگیرکه‌رى تورک له گردى مامره‌شۆى سه‌ر به هه‌رێمى ئاڤاشین له‌دژى داگیرکه‌ران چالاکى ئه‌نجامدرا. گورزى گه‌وره به‌ر داگیرکه‌ران که‌وت و ٤ جار به ناچارى له تونێله‌کانى شه‌ێ کشانه‌وه. له هه‌مان رۆژدا کاتژمێر ١٢:٣٠ سه‌ربازانى داگیرکه‌رى تورک، هێرشیان کرده سه‌ر تونێکه‌کانى شه‌ڕێ هێزه‌کانمان. هێزه‌کانمان دوو جار که‌وانیاندا. له دوو چالاکیه‌که‌دا لانیکه‌م ٩ سه‌ربازى تورک کوژران. داگیرکه‌ران نه‌یانتوانى پێشڕه‌وى بکه‌ن و کشانه‌وه. داگیرکه‌ران دواتر سه‌گێکیان بۆ تونێله‌کان نارد که کامێراى پێوه به‌سترابوو. هێزه‌کانمان ده‌ستیان به‌سه‌ر کامێره‌که‌دا گرت. کاتژمێر ١٥:٣٠ داگیرکه‌ران به‌ره‌و تونێله‌کانى شه‌ێ به‌ڕێکه‌وتن و هێزه‌کانمان دواى ئه‌وه‌ى له‌وانیاندا، جارێکیتر گه‌ڕانه‌وه. له چالاکیه‌که‌دا ژماره‌یه‌ک داگیرکه‌ر سزادران و بریندار بوون. کاتژمێر ١٨:٠٠ هێزه‌کانمان دوو جار به سابۆتاژ داگیرکه‌رانیان کرده ئامانج. له چالاکیه‌که‌دا داگیرکه‌رێک سزادرا. داگیرکه‌ران ناچار بوون بکشێنه‌وه و هێزه‌کانمان له نزیکه‌وه جارێکیتر له‌وانیاندا. له‌ویش ژماره‌یه‌ک داگیرکه‌ر سزادران و بریندار بوون به‌ڵام ژماره‌یان نازانرێت. داگیرکه‌ران کاتژمێر ٢١:٣٠ به فڕۆکه‌ى شه‌ێ گۆڕه‌پانه‌کانى شه‌ڕیان بۆردومان کرد و ویستیان بکه‌وتنه هه‌رێمه‌که. هێزه‌کانمان له نزیکه‌وه له داگیرکه‌رانیاندا. داگیرکه‌ران گورزێکى گه‌وره‌یان به‌رکه‌وت و جارێکى دیکه کشانه‌وه. سوپاى داگیرکه‌رى تورک دواى ئه‌وه‌ى گورزى گه‌وره‌ى به‌رکه‌وت، گازى ژه‌هراوى به‌کارهێنا داگیرکه‌ران گورزى گه‌وره‌یان به‌رکه‌وت و له گردى مامره‌شۆ له‌به‌رانبه‌ر هێزه‌کانمان تێکشکاند. داگیرکه‌ران له به‌رانبه‌ر گه‌ریلاى سه‌رفرازى مۆدێرنیته‌ى دیموکراتیک هیچ ئه‌نجامێکیان به‌ده‌ستنه‌هێنا و ده‌ستیان به شێوه‌ى شه‌ڕى ده‌ره‌وه‌ى مرۆڤایه‌تى کرد. سوپاى داگیرکه‌رى تورک له گردى مامره‌شۆ له‌به‌رانبه‌ر به‌رخۆدانى گه‌ریلاکانمان گورزى گه‌وره‌ى به‌رکه‌وت و له‌به‌رانبه‌ر تونێله‌کانى شه‌ێ و سه‌نگه‌رى گه‌ریلا، گازى ژه‌هراوى به‌کارهێنا. به‌م شێوه نامه‌ردانه‌یه‌ش نه‌یانتوانى بچنه ناو تونێله‌کانى هێزه‌کانمان. له ٢٣ى نیساندا سوپاى داگیرکه‌رى تورک سه‌ربازى له‌سه‌ر گۆڕه‌پانى مه‌رڤانۆساى ئاڤاشین و گردى شه‌هید سه‌ردار دانا. له ٢٤ى نیسان له کاتژمێر ١٤:٠٠دا ٤ جار گازى ژه‌هراوى به‌کارهێنان بۆ ئه‌وه‌ى پێشبکه‌ون و هێزه‌کانمان له نزیکه‌وه له داگیرکه‌رانیاندا. له‌باره‌ى کوژراو و بریندارى دوژمن هیچ زانیاریه‌ک نه‌زانراوه. له هه‌مانکاتدا کاتژمێر ٠٩:٣٠ هێزه‌کانى یه‌ژاستارمان، له چوارچێوه‌ى هه‌نگاوى شۆڕشگێرى هه‌ڵۆکانى زاگرۆس له گردى سه‌ردار له داگیرکه‌رانیاندا. له‌م چوارچێوه‌یه‌دا ژماره‌یه‌ک داگیرکه‌ر کوژران و بریندارکران به‌ڵام ژماره‌یان نه‌زانرا. نیوه‌ڕۆى ٢٤ى مانگ سوپاى داگیرکه‌رى تورک له گۆڕه‌پانى شوکێى ئاڤاشین، گردى زێرین، گردى شه‌هید بێکه‌س و گردى پیرامیت ده‌ستى به ئۆپه‌راسیۆن کرد. ئۆپه‌راسیۆنه‌که به‌رده‌وامه. له ئێواره‌ى ٢٤ى نیساندا تا سه‌رله‌به‌یانى ٢٥ى نیسان گۆڕه‌پانه‌کانى مامره‌شۆ، ئاریس – فاریس، کارتاڵ، مه‌رڤانۆ و گردى شه‌هید سه‌ردار له‌لایه‌ن فڕۆکه جه‌نگیه‌کان و هه‌لیکۆپته‌ره‌کانى کۆپراوه بۆردومان کران. دوپاى داگیرکه‌رى تورک جارێکى دیکه سه‌ربازى له گۆڕه‌پانه‌کانى مامره‌شۆ و شه‌هید سه‌رداردانا. له ٢٤ى نیسان کاتژمێر ٠٨:٣٠ هێزه‌کانمان له گه‌لى نێروه‌ى زاپ له‌داگیرکه‌رانیاندا. له چالاکیه‌که‌دا ژماره‌یه‌ک داگیرکه‌ر سزادران و ژماره‌یه‌کیش برینداربوون به‌ڵام ژماره‌یان نه‌زانرا. له ٢٤ى نیسان کاتژمێر ٨:٣٠ دا داگیرکه‌ران هه‌وڵیاندا به‌ره‌و گردى شه‌هید هارونى گۆڕه‌پانى به‌ده‌وێى زاپ بڕۆن. هێزه‌کانمان له‌دژى داگیرکه‌ران چالاکیان ئه‌نجامدا. له چالاکیه‌که‌دا ژماره‌یه‌ک داگیرکه‌ر سزادران، به‌ڵام ژماره‌یان نه‌زانرا. کاتژمێر ١٧:٣٠ خوله‌کى ٢٤ى نیسان له گۆڕه‌پانى جیلوى بچووک هێزه‌کانمان له داگیرکه‌رانیاندا. له چالاکیه‌که‌دا داگیرکه‌رێک سزادرا و ژماره‌یه‌کیش بریندار بوون. هێزه‌کانى پاراستنى ئاسمانى له داگیرکه‌رانیاندا هیزه‌کانى پاراستنى ئاسمانى شه‌هید ده‌لال له چوارچێوه‌ى که‌مپه‌ینى ‘ کات کاتى ئازادیه’دا له کاتژمێر ١٤:٤٠ و ١٦:٥٠ى ٢٤ى نیسان به ئامێرى ئاسمانى له داگیرکه‌رانیاندا له گردى زه‌ندووراى هه‌رێمى مه‌تینا. له چالاکیه‌که‌دا ئامانجه‌که به باشى پێکرا. به‌ره‌به‌یانى ٢٥ى نیسان سوپاى داگیرکه‌رى تورک سه‌ربازى له نێوان گردى زه‌ندوره و ئه‌له‌مون جێگیر کرد و ده‌ستى به که‌شف کرد. سوپاى تورک که گورزى گه‌وره‌ى خوارد، هه‌رێمه‌که‌ى بۆردومان کرد کاتژمێر له‌نێوان ١٣:٠٠ و ١٣:٣٠ى ٢٤ى نیسان فڕۆه جه‌نگیه‌کانى داگیرکه‌ران گردى هه‌کارى هه‌رێمى مه‌تینایان بۆردومان کرد. هه‌مان رۆژ کاتژمێر له‌نێوان ١٩:٠٠ و ٢٢:٠٠ به ئۆبۆس گردى زه‌ندورێى هه‌رێمى مه‌تینا بۆردومانکرا. له کاتژمێر له‌نێوان ٢١:٠٠ و ٢٢:٠٠ به هه‌لیکۆپته‌رى کۆبرا، گردى کۆردینه، گردى زه‌ندورا و گۆڕه‌پانى ده‌ڕار بۆردومان کران. کاتژمیر ٢٢:٥٥ گردى ئامێدى له ئامێدى به فڕۆکه‌ى شه‌ێ بۆردومانکرا. کاتژمیر ٢٢:٠٠ فڕۆکه جه‌نگیه‌کان له ده‌وروبه‌رى گوندى بازێى کانیماسێیان بۆردومان کرد. له کاتژمێر ٢١:٣٠ى ٢٤ى نیسان فڕۆکه جه‌نگیه‌کانى گۆره‌پانى گۆشینى خواکورک و سه‌رله‌ئێواره‌ش گۆڕه‌پانه‌کانى سیدا و کانیشکاى زاپ بۆردومانکران.”
هاوڵاتى له ئێستادا له شه‌قامى سه‌هۆڵه‌که‌ى سلێمانى خۆپیشاندانه و هێزه ئه‌منییه‌کان ده‌یانه‌وێت بڵاوه به خۆپیشاندانه‌که بکه‌ن. ئه‌مشه‌و یه‌ک شه‌ممه 25ى نیسان له شه‌قامى سه‌هۆڵه‌که خۆپیشاندان دژى له‌شکرکێشى تورکیا بۆ سه‌ر ناوچه‌کانى ناوچه‌ى زاب ئه‌نجام دراو له‌لایه‌ن هێزه ئه‌منییه‌کانه‌وه ئابڵوقه دراون.
هاوڵاتى کۆمیته‌ى په‌یوه‌ندییه‌کانى کۆما جڤاکێن کوردستان(که‌جه‌که) ڕایده‌گه‌یه‌نێت" هێرشى تورکیا بۆ سه‌ر خاکى هه‌رێمى پاراستنى مێدیا به‌ڕه‌زامه‌ندى سه‌رۆک وه‌زیرانى هه‌رێمى کوردستانه". ئه‌مڕۆ یه‌کشه‌ممه 25ى 2021، کۆمیته‌ى په‌یوه‌ندییه‌کانى کۆما جڤاکێن کوردستان(که‌جه‌که) له به‌یاننامه‌یه‌کدا ئاماژه‌ى به‌وه‌کردووه، به‌رپرسانى تورکیا له‌گه‌ل به‌رپرسانى وڵاتانى ئه‌ورووپایى و ئه‌مریکادا چاوپێکه‌وتنیان ئه‌نجامداوه و ئه‌مه ده‌رخه‌رى ئه‌وه‌یه که ئه‌م هێرشه به پشتگیرى و ده‌ستوورى ئه‌و وڵاتانه کراوه. هه‌روه‌ها ئاماژه به‌وه‌شکراوه که"له‌گه‌ل سه‌رۆک وه‌زیرى هه‌رێمى کوردستان قسه‌کراوه و ئه‌ویش ئه‌رێنى داوه، گه‌له‌کۆمه‌ى نێونه‌ته‌وه‌یى که ساڵى 1999 له‌سه‌ر شه‌خسى رێبه‌ر ئاپۆ و له‌دژى ته‌ڤگه‌رى ئازادى کوردستان کرا". له ڕاگه‌یه‌ندراوه‌که‌دا ئه‌وه‌ش هاتووه" ئه‌م هێرشانه بۆ ته‌واو کردنى قڕکردنى کوردان هێرشێکى به‌رفراوانه. هێرش له‌سه‌ر به‌شێکى مه‌زن له هه‌رێمه‌کانى پاراستنى مه‌دیا ئه‌نجام ده‌درێت که له ژێر کۆنتڕۆڵى گه‌ریلادایه". ده‌قى راگه‌یه‌نراوى کۆماجڤاکێن کوردستان(که‌جه‌که): " ده‌وڵه‌تى تورک له شه‌وى ٢٣ له‌سه‌ر ٢٤ى نیسان له هه‌رێمه‌کانى پاراستنى مه‌دیا که له ژێر کۆنتڕۆڵى گه‌ریلادایه، ده‌ستى به هێرشێکى به‌رفراوانکردووه. دواى تێکشکاندنى له گارێ، چاوه‌ڕوانى ئه‌م هێرشه ده‌کرا، له‌خۆیدا پلانى تێکبردن که له هاوینى ٢٠١٤ ئاماده‌کرابوو، به ته‌سفیه‌کردنى تێکۆشانى ئازادیى گه‌لى کورد بۆ ته‌واوکردنى قڕکردنى کوردان بوو. ئه‌م هێرشانه بۆ ته‌واو کردنى قڕکردنى کوردان هێرشێکى به‌رفراوانه. هێرش له‌سه‌ر به‌شێکى مه‌زن له هه‌رێمه‌کانى پاراستنى مه‌دیا ئه‌نجام ده‌درێت که له ژێر کۆنتڕۆڵى گه‌ریلادایه. ئه‌م هێرشه بۆ ئامانجێکى به‌م ڕه‌نگه‌یه. به زانابوون و به پلان له ساڵیداى کۆمه‌ڵکووژیى ئه‌رمه‌نییه‌کان ده‌تیان به هێرش کرد. به شێوه‌یه‌کى ئاشکرا ئه‌و په‌یامه ' چۆن ئه‌رمه‌نییه‌کانمان قڕکرد، چاره‌نووسى ئێوه‌ش ئاواها ده‌بێت' ده‌ده‌ن. چۆن قڕکردنى ئه‌رمه‌نییه‌کان به پشتگیرى ئه‌ڵمانیا و بێده‌نگى وڵاتانى ئه‌ورووپایى و ئامریکا ئه‌نجامدرا، ده‌خوازن قڕکردنى کوردانیش به بێده‌نگى و پشتگیرى ئه‌ڵمانیا و وڵاتانى ئه‌ورووپایى و ئامریکا پێک بهێنێت. پیش ئه‌م هێرشه‌ى بۆ قڕکردن، به‌رپرسانى تورک له‌گه‌ل به‌رپرسانى وڵاتانى ئه‌ورووپایى و ئه‌مریکادا چاوپێکه‌وتنیان ئه‌نجامداوه و ئه‌مه ده‌رخه‌رى ئه‌وه‌یه که ئه‌م هێرشه به پشتگیرى و ده‌ستوورى ئه‌و وڵاتانه کراوه. هه‌روه‌ها له‌گه‌ل سه‌رۆک وه‌زیرى هه‌رێمى کوردستان قسه‌کراوه و ئه‌ویش ئه‌رێنى داوه. گه‌له‌کۆمه‌ى نێونه‌ته‌وه‌یى که ساڵى ١٩٩٩ له‌سه‌ر شه‌خسى رێبه‌ر ئاپۆ و له‌دژى ته‌ڤگه‌رى ئازادى کوردستان کرا، ئه‌مڕۆ به‌م شێوه‌یه به‌رده‌وام ده‌کات. ئه‌مریکا و وڵاتانى ئه‌ورووپایى به هۆى به‌رژه‌وه‌ندى شه‌خسى و بۆ ئه‌وه‌ى ده‌وڵه‌تى تورک به‌کار بهێنن، قڕکردنى کوردانیان ئه‌رێ کردووه، پشتگیرى ئه‌م قڕکردنه ده‌که‌ن. هه‌روه‌ها به ئه‌رێ کردنى قڕکردنى کوردان ده‌خوازن هه‌ندێک کێشه‌ى خۆیان له‌گه‌ل تورکیا چاره‌سه‌ربکه‌ن، تورکیاش بۆ قڕکردنى کوردان خاکى تورکیا پێشکه‌شى هێزه نێونه‌ته‌وه‌ییه‌کان ده‌کات. ده‌وله‌تى تورکیا ئه‌رێ کردن و پشتگیرى هێزه نێونه‌ته‌وه‌ییه‌کانیان ورگرت. له‌سه‌ره‌تادا په‌ده‌که بێده‌نگى هێزه سیاسیه کوردییه‌کان به واتاى ڕه‌واییدانه به‌م هێرشانه. له هه‌ر کوێ له دژى کورد هێرشێک ئه‌نجام بدرێت ده‌بێت هێزه سیاسى و گه‌لى کورد ناره‌زایه‌تى نیشان بده‌ن. به پێى به‌رپرسیاره‌تى نه‌ته‌وه‌یى خۆیان ماماڵه بکه‌ن، بێده‌نگى هێزه سیاسییه‌کان قه‌بووڵ ناکرێت. کاتێک له‌دژى باشوورى کوردستان هێرش ئه‌نجامدرا، په‌که‌که، گه‌ریلا و گه‌لى کورد ده‌ستبه‌جى هه‌ڵویستیان نیشاندا و ڕابوون. جێگه‌ى تێرامانه که گه‌لو په‌ده‌که له هه‌مبه‌ر هێرشێکى ئاوه‌ها به‌رفراوان بێده‌نگه. په‌ده‌که ماوه‌ى سالێکه گه‌لیک قادى گه‌ریلاى گه‌مارۆ داوه. له‌خواکورک ده‌رکه‌وت که به ئاشکرا پشتگیرى ده‌وڵه‌تى تورکیاى کرد و به‌م شێوه‌یه هه‌ڵویستى خۆى له‌هه‌مبه‌ر ده‌وڵه‌تى تورک ئاشکرا کرد. گه‌لى کورد چاوه‌ڕوانه که په‌ده‌که له دژى ئه‌م هێرشانه هه‌ڵوێستێکى ئاشکرا نیشان بدات.به‌هۆى ئه‌وه‌ى به‌م شێوه‌یه لێکده‌درێته‌وه که هێرشى داگیرکارى ده‌وڵه‌تى تورک له‌سه‌ر بنگه‌ى پشتگیرى هێزه نێونه‌ته‌وه‌ییه‌کان ئه‌نجامدراوه . په‌ده‌که به‌شدارى هێرشه‌کانى ده‌وڵه‌تى تورک نه‌بێتیش، به هه‌ڵویست و بێده‌نگى خۆى له هه‌مبه‌ر ئه‌م هێرشانه، ده‌که‌وێته دۆخێکى ئاوه‌ها که ڕه‌وایى داوه به‌م هێرشانه و پشتگیرى ده‌کات. ئه‌گه‌ر په‌ده‌که و هێزه سیاسییه کوردییه‌کان له‌دژى هێرشه‌کان رابن، ده‌وڵه‌تى تورک ناتوانیت له قادى نێونه‌ته‌وه‌ییدا پشتگیرى وه‌ربگرێت، ناویرێت له‌م ئاسته‌دا هیرش بکات. ئه‌م هێرشه‌ى ده‌وڵه‌تى تورک هاوکات هێڕشێکى ئاوه‌هایه که ئیراده‌ى سیاسى حکومه‌تى عێراقى نه‌بینیوه و هه‌ڕه‌شه له یه‌کپارچه‌یى عێراقیش ده‌کات. هه‌ربۆیه ئه‌گه‌ر عێراق له‌دژى ئه‌م هێڕشانه‌دا هه‌ڵویستێک نیشان بدات ناڕه‌وایى هێرشه‌کانى تورکیا نیشان ده‌دات و لاوزى ده‌کات. ئه‌گه‌ر عێراق له دژى ئه‌م هێرشانه هه‌ڵویست نیشان نه‌دات ئه‌وا هێرشه‌کانى تورکیا ئاسایى ده‌بیت و له‌دژى یه‌کپارچه‌یى عێراق هێرش بکات. ئه‌گه‌ر عێراق ئه‌م هێرشانه له دژى یه‌کپارچه‌یى خۆى ببینێت، ده‌بێت ڕاگه‌یه‌نراو بدات، داواى کۆتایى هێنان به هێرشه‌کان بکات و به‌م شێوه‌یه به‌رپرسیاره‌تى خۆى به‌جێگه بهێنێت. یان به بێده‌نگى ده‌سه‌ڵاتدارى عێراقیش شه‌ریکى ئه‌م هێرشانه‌ن، له لایه‌کیشه‌وه به هه‌لوێستى خۆى له‌دژى تورکیا ڕۆلێکى مێژوویى ده‌گێڕێت. گه‌لى کورد، دۆست و هێزه دیموکراتیکه‌کان ده‌بێت بزانن که ئه‌م هێرشه بۆ قڕکردنه.ته‌نیا له دژى گه‌ریلا نییه، له‌شه‌خسى گه‌ریلا له‌دژى هه‌موو گه‌لى کورده. به‌ته‌مان به ته‌سفیه‌کردنى گه‌ریلا پرۆژه‌ى قڕکردنى گه‌لى کورد ته‌واو بکه‌ن. نه ته‌نیا له باکوورى کوردستان، ده‌خوازن که هێزه‌کانى ئازادى له هه‌موو پارچه‌کانى کوردستان ته‌سفیه بکه‌ن و به‌م شێوه‌یه کورد قڕبکه‌ن. هاوکات ئه‌م هێرشه له‌دژى ده‌ستکه‌وته‌کان و ناوچه ئازاده‌کانى باشوورى کوردستان و رۆژئاوایه. ده‌بیت مرۆڤ نه‌که‌وێته ناو چاوه‌روانییه‌کى ئاوه‌ها دا که ته‌نیا به‌رخۆدانى گه‌ریلا کۆتایى به داگیرکارى ده‌هێنێت. ئه‌م هێرشه له دژى ته‌واوى کوردانه. هێرشێکه بۆ له ناوبردنى گه‌لى کورده. هه‌ر بۆیه ده‌بیت کوردان له هه‌رشوینێک ڕاپه‌ڕن و له‌گه‌ل گه‌ریلا ببنه یه‌ک. تێکۆشانى ئازادى و دیموکراسى ته‌نیا به تێکۆشانى ئازدى گه‌ریلا سه‌رناکه‌وێت. ده‌بێت گه‌ل و گه‌ریلا یه‌کبگرن، له دژى دژمنى داگیرکه‌ر تێکۆشانى هاوبه‌ش بکه‌ن. راپه‌ڕینى گه‌لى کورد له نه‌ورۆز و هه‌ڵویست نیشاندانیان، ده‌بێت له گه‌ل تێکۆشانى گه‌ریلادا ببێته یه‌ک. گه‌ریلا به رۆحى هه‌فتانین و گارێ به شیوه‌یه‌کى فیدایى شه‌ڕده‌کات. له‌م چوارچێوه‌یه‌دا بۆ شکاندنى هێرشێکى ئاوه‌ها به‌رفراوان ده‌بیت گه‌ل و گه‌ریلا ببنه یه‌ک و ولامێکى مێژوویى بده‌ن به‌م هێرشانه. کات ئه‌و کاته‌یه که به به ڕۆحى هه‌ڵمه‌تی' کات کاتى ئازادیه' گه‌ل رابیت. هێرشه داگیرکارییه‌کى ده‌وڵه‌تى تورک له سه‌رهه‌رێمه‌کانى پاراستنى مه‌دیا هاوکات هێرشى داگیرکردن و خستنه سه‌ر خۆى باشوورى کوردستانه. به ته‌سفیه‌کردنى گه‌ریلا ده‌خوازیت ناوه‌ند و سه‌رچاوه‌ى به‌رخۆدانى باشوورى کوردستان بێکاریگه‌ر بکات، ئیراده‌ى سیاسى هێزه‌کانى باشوورى کوردستان بشکێنێت و باشوورى کوردستانیش بخاته ناو سیسته‌مى قڕکرد. هه‌ربۆیه هونه‌رمه‌ندان و ڕۆشنبیرانى باشوورى کوردستان که جیلى پێشه‌نگى کۆمه‌ڵگه‌ن ، ده‌بیت له‌دژى هێڕشه‌کان هه‌ڵویست نیشان بده‌ن، له‌گه‌ل گه‌لى باشوورى کوردستان ده‌ست به قۆناغێکى نوێى به‌رخۆدان بکه‌ن. هه‌ر شار، شارۆچکه، ناوچه ده‌بێت ببێته وارى به‌رخۆدان له دژى داگیرکه‌ران. گرینگه گه‌لى باشوورى کوردستان هه‌ستى وڵاتپارێزى خۆیان نیشان بده‌ن. ئه‌و رۆحى به‌رخۆدانیه‌ى که گه‌لى ئامیدی، دێره‌لووک و شیلادزێ له دژى داگیرکه‌ران نیشانیادا، ده‌بێت له ته‌واى باشوورى کوردستان بڵاو بێته‌وه. ده‌بێت بێنه ناو ریزه‌کانى گه‌ریلا و به‌شدارى به‌رخۆدان بن. هه‌موو گه‌لانى ڕۆژهه‌ڵاتى ناوین و هێزه دیموکراسییه‌کان ده‌بیت بزانن که ئه‌م هێرشه هێرشێکه له‌سه‌ر ڕه‌نجى ئازادى و دیموکراسى گه‌لانى رۆژهه‌ڵاتى ناوین. ده‌وڵه‌تى تورک دوژمنى هه‌موو هێزه ئازادیخواز و دیموکراتیکه‌کانه له رۆژهه‌ڵاتى ناویندا. بۆ ئه‌وه‌ى که سیاسه‌تى پیلانگێڕى خۆى له دژایه‌تى هێزه دیموکراییه‌کاندا ده‌بینێته‌وه. هه‌ربۆیه ده‌بیت هه‌موو هێزه ئازادیخوازه‌کانى رۆژهه‌لاتى ناوین له پاڵ گه‌ریلادا بمێننه‌وه. هه‌موو هێزه دیموکراسییه‌کانى جیهان له دژى ئه‌م هێڕشانه‌ى که به هاوکارى ئه‌مریکا و ئه‌رووپا بۆ قڕکردنى گه‌لى کورد ده‌ستیپێکردووه ده‌بیت هه‌ڵوێست نیشان بده‌ن و ببنه پاڵپشتى گه‌لى کورد و گه‌ریلا. ده‌وله‌تى تورک ئه‌مڕۆکه بووته ناوه‌ندى دوژمنایه‌تى ئازادى و دیموکراسی، هه‌روه‌ها کوردستان بووه‌ته مه‌شغه‌لى ئازادى و دیموکراسی. سه‌رکه‌وتنى گه‌ریلا و گه‌لى کورد ببێته سه‌رکه‌وتنى هه‌موو هێزه ئازادیخواز و دیموکراتیکه‌کان. له‌سه‌رووى هه‌مووانه داوا ده‌که‌ین له ئه‌مریکا و ئه‌ورووپا، له‌هه‌موو ئه‌و هێزانه‌ى که تورکیا ده‌پارێزن و هاوکارى ده‌که‌ن ، واز له پشتگیرى ئه‌م هێرشانه بهێنن که ده‌سه‌ڵاتى فاشیستى ئاکه‌په و مه‌هه‌په بۆ قڕکردنى کوردن ده‌ستیان پێکردووه. با نه‌بنه هاوکارى قڕکردنى کوردان! بێده‌نگى ئه‌وان له قڕکردنى ١٩١٥ و هاوکارى ئه‌ڵمانیا ئیستاکه له قڕکردنى کورداندا دووباره ده‌بێته‌وه. له‌م لایه‌نه‌وه له‌سه‌ر ناوى گه‌لانى ئه‌مریکا و ئه‌رووپا هه‌موو ده‌سه‌ڵاتدارانى ، له دژى ئه‌م هێرشانه‌ى تورکیا ده‌بێت هه‌لوێستیان هه‌بێت و نه‌بنه هاوکارى دوڵه‌تى تورک بۆ قڕکردنى کوردان و له‌دژى ڕابن."
هاوڵاتى وەزارەتی تەندروستی هەرێمی کوردستان ئاماری رۆژانەی تایبەت بە ڤایرۆسی کۆرۆنای بڵاوکردەوە و رایگەیاند، 843 تووشبووی نوێی ڤایرۆسەکە دەستنیشانکراون و لەو ماوەدا 15 تووشبووی کۆرۆنا گیانیان لەدەستداوە، هاوکات 794 تووشبووی پێشووش چاکبوونەتەوە. بەپێی ئامارەکەی وەزارەتی تەندروستی، لە 24 کاژێری رابردوودا شەش هەزار و 139 پشکنینکراون، ئەنجامی پشکنینی 843 کەس پۆزەتیڤ بوون، زۆرترین تووشبوو لە پارێزگای سلێمانی بووە.
هاوڵاتى ناوەندی راگەیاندنی ڕاگەیاندنی یەکینەکانی ڕۆژهەلاتی کوردستان (یەرەكە) لەسەر ئەو هێرشەی شاری مەریوان كە كراوەتە سەر هێزەكانیان ئاماژە بە ئەوە دەدات " هێزە مشەخۆر و جاش و داگیركەرەكانی ئێران بە فرۆكەی سیخوڕی هێرشیان كردۆتە سەر گەریلاكانام و ئێمەش وەڵاممان داونەتەوە". ئەمڕۆیەكشەممە 25 نیسانی 2021 ناوەندی ڕاگەیاندنی یەکینەکانی ڕۆژهەلاتی کوردستان (یەرەكە)، لەسەر ئەو هێرشەی لە مەریوان کراوەتە سەر هێزەکانی، ڕاگەیەندراوێکی بڵاوکردەوە. دەقی راگەیاندراوی ناوەندی ڕاگەیاندنی یەکینەکانی ڕۆژهەلاتی کوردستان (یەرەكە) :- لە ماوەی ڕابردوودا، هێزە مشەخۆر و داگیرکەرەکانی دەوڵەتی ئێران بە فڕۆکەی سیخوڕی، هێلیکۆپتەر و تۆپ، هێرشیان کردووەتە سەر گەریلاکانمان، لە ١٨ی ئەم مانگەدا لە ناوچەوی دیواندەڕە بە هێلیکۆپتەر دەستیان بە ئۆپەراسیۆن کرد، لەم ئۆپەراسیۆنەدا گردی بەهاروەند کە پار گرتبوویان و بەهۆی زستانەوە چۆڵیان کردبوو، گرتەوە و هێزەکانمان بۆ ڕوونەدانی شەڕ بە هەستیاری هەڵسوکەوتیان کرد. لە ڕۆژی ٢١ی ئەم مانگەدا لە گوندی ئاقچەی مەریوان، هەندێک گروپی جاشی دەوڵەتی ئێران، کەمینیان بۆ هێزەکانمان دانابوو، گەریلاکانمان کە ئەو کاتە ئەرکەکانیان تێدەپەڕاند، هەستیان بەو کەمینە کرد و لەنێوان هێزەکانمان و ئەو جاشانە شەڕ ڕڕوویدا. لەم شەڕەدا وەک دەزانرێت، ئەو کەسانەی دەستیان لە شەهیدکردنی شەهید زیلان پەپولە، شەهید تۆڵهەڵدان، شەهید ئاگر ئورفا، دەیان پێشمەرگە و وڵاتپارێزانمان، هەبوو سزادران، بە تایبەتی چەند جاشێک بەناوەکانی عوسمان جیهانی، ناسر و جاشێکی دیکە کە ناوەکەی نەزاندراوە کوژران و هەندێک جاشی دیکەش برینداربوون. سەرەڕای هێرشی چەتە و جاشەکانی دەوڵەت، گەریلاکانمان بۆ ئەوەی شەڕ ڕوونەدات بە هەستیاری هەڵسوکەوتیان لەگەڵ قۆناغی ئاگربەست کردووە، دوای ئەمەش تا هێزەکانی دەوڵەت و گروپە جاشەکانی هێرش نەکەنە سەر گەریلاکانمان، قۆناغی ئاگربەست بەردەوام دەبێت، لە بەرامبەر ئەو هێزانەی هێرشە بکەنە سەرمان، لەسەر بنەمای پاراستنی ڕەوادا، وەڵامی پێویست دەدەینەوە.
هاوڵاتى سەرۆکی هەرێمی کوردستان رایگەیاند " ئامادەین بۆ پێشوازیی لە بریندارانی روداوەکەی نەخۆشخانەی ئيبن ئه‌لخه‌تيبى بەغدا". داوا دەکات هۆكاره‌كانى كه‌وتنه‌وه‌ى ئاگره‌كه ئاشكرا بکرێن و "لێپێچينه‌وه له هه‌ر كه‌مته‌رخه‌مييه‌ك" بكرێت. نێچیرڤان بارزانی، سەرۆکی هەرێمی کوردستان لەبارەی روداوی ئاگرکەوتنەوە لە نەخۆشخانەیەکی بەغدا ئەمرۆ یەكشەممە 25 نیسانی 2021 پەیامێکی بڵاوکردەوە و رایگەیاند "رووداوى به‌ئازار و دڵته‌زێنى ئاگركه‌وتنه‌وه‌ى شه‌وى رابردوو له نه‌خۆشخانه‌ى ئيبن ئه‌لخه‌تيبى تايبه‌ت به نه‌خۆشه‌كانى كۆرۆنا له به‌غدا كه تيايدا ده‌يان كه‌س گيانيان له ده‌ست دا و بريندار بوون، هه‌موومانى هه‌ژاند". نێچیرڤان بارزانی ئامادەیی هەرێمی کوردستان بۆ هاوکاریی بریندارانی روداوەکە دەردەبڕێت و رایدەگەیێنێت: "هه‌رێمى كوردستان به هه‌موو شێوه‌يه‌ك ئاماده‌ى هه‌موو هاوكارييه‌كى پێويسته و نه‌خۆشخانه‌كانى به ته‌واوى ئاماده‌ن بۆ پێشوازيكردن له بريندارانى رووداوه‌كه و پێشكه‌شكردنى هه‌موو چاودێرييه‌كى پزيشكيى پێويست". سەرۆکی هەرێمی کوردستان داوای لێپێچینەوە لە کەمتەرخەمییەکان دەکات و رایدەگەیێنێت: "لايه‌نه په‌يوه‌ندیداره‌كان ده‌بێ هۆكاره‌كانى كه‌وتنه‌وه‌ى ئاگره‌كه ئاشكرا بكه‌ن و لێپێچينه‌وه له هه‌ر كه‌مته‌رخه‌مييه‌كدا بكرێت و له هه‌موو شوێنێك ئه‌وپه‌ڕى رێكاره‌كانى سه‌لامه‌تى بگيرێنه‌به‌ر بۆ ئه‌وه‌ى جارێكى ديكه رووداوى وا دڵته‌زێن له هيچ شوێنێكى وڵات دووباره نه‌بنه‌وه". نێچیرڤان بارزانی لە پەیامەکەیدا پرسه و سه‌ره‌خۆشيى "قووڵ"ی ئاراسته‌ى خانه‌واده و كه‌سوكارى قوربانيان و ته‌واوى گه‌لى عێراق ده‌كات و رایدەگەیێنێت "هاوسۆز و هاوبه‌شى خه‌م و په‌ژاره‌يانم. له خواى مه‌زن داواكارم گيانيان به به‌زه‌يى و ميهره‌بانيى خۆى شاد بكات و شيفاى به‌په‌له بۆ برينداران بنێرێت". شەوی رابردوو ئاگر لەنەخۆشخانەیەكی تایبەت بە كۆرۆنا لە بەغدا كەوتەوە و بەهۆیەوە 27 کەس گیانیان لەدەستدا، دەیان کەسی دیکەش برینداربوون.
هاوڵاتى بەپێی خشتەی راگەیاندراوی وەزارەتی دارایی ئەمڕۆ یەكشەممە وەزارەتی تەندروستی و دارایی و ئابوری، ناوخۆ، زێرەڤانی و بەرگری فریاکەوتن، لیوای نەوت و70 و 80 و رەگەزنامە موچە وەردەگرن. بەگوێرەی خشتەی دابەشکردنی موچە، ئەمرۆ یەكشەممە 25 نیسانی 2021 موچەی فەرمانبەرانی وەزارەتی تەندروستی، دیوان و لیواکانی وەزارەتی پێشمەرگە، یەکەی 70 و 80، وەزارەتی دارایی و ئابوری، وەزارەتی ناوخۆ، فەرماندەی پێشمەرگەی زێرەڤانی و بەرگری فریاکەوتن، لیوای نەوت و رەگەزنامە دابەشدەکرێت. وەزارەتی دارایی هەرێمی کوردستان رایگەیاند، دابەشکردنی موچەی مانگی نیسان بە پێی میکانیزمی مانگی پێشو دەستپێدەکات . وەزارەتی دارایی هەرێمی کوردستان رۆژی پێنجشەممەی رابردوو لەراگەیەنراوێکدا بڵاویکردەوە، 25ی نیسان دەستدەکرێت بە دابەشکردنی موچەی مانگی (4)ـی فەرمانبەران بە پێی میکانیزمی مانگی پێشوو، واتا موچەی فەرمانبەران بە لێبڕینی 21% و پلە باڵاکانیش بەلێبڕینی 50% دابەشدەکرێت.
