باڵیۆزخانەی ئەمریكا لە عێراق هۆشدارییەکى توند دەدات

وەزیرى خوێندنى باڵا بڕیارێکى گرنگ لە بەرژەوەندى خوێندکارانى پارالێل و ئێواران دەردەکات ئامادەکردنی هاوڵاتی د. ئارام محمد قادر وەزیرى خوێندنى باڵا و توێژینەوەى زانستى بڕیاریدا بە دواخستنی وەرگرتنی پارەی خویندنی پاراڵێڵ و ئێواران لە خوێندکاران و قوتابیان لە سەرجەم قۆناغەکانی خوێندنی بەرایی و خوێندنی باڵا. لە گشتاندنێکدا کە بە ئیمزاى د. ئارام محمد قادر وەزیرى خوێندنى باڵا و توێژینەوەى زانستى دەرچوەو ئاراستەى گشت زانکۆ حکومییەکانى هەرێمى کوردستان کراوە تیایدا هاتوە؛ بە لەبەرچاوگرتنی بەرژەوەندی گشتی و دۆخی دارایی قوتابیان/ خوێندکاران و داهاتی کەسوکار و خێزانەکانیان و دواکەوتنی موچەی موچەخۆران و شایستە داراییەکانیان، بڕیارماندا بە: دواخستنی وەرگرتنی پارەی خویندنی پاراڵێڵ و ئێواران لە خوێندکاران و قوتابیانى سەرجەم قۆناغەکانی خوێندنی بەرایی و خوێندنی باڵا کە بە پارالێل یاخود ئێواران لە زانکۆکان و دامودەزگاکانی سەر بە وەزارەت دەخوێنن. هەر لە بڕیارەکەدا هاتوە؛ پێویستە وەرگرتنی قستەکان بخرێتە مانگەکانی داهاتوی ساڵی ئایندە، بەپێی خشتەیەکی رێکخراو کە رەچاوی بارودۆخی داهات و دارایی هاوڵاتیانی هەرێمی کوردستان بکات.

فەرمانگەی ئەجومەنی نوێنەرانی عێراق کارنامەی دانیشتنی سبەینێی ئەنجومەنی بڵاوکردەوە   ئامادەکردنی هاوڵاتی بەپەێی ئەو کارنامەیەش لە دانیشتنی سبەینێی ئەنجومەنی نوێنەرانی عێراقدا میوانداری محەمەد شیاع سودانی سەرۆکوەزیران دەکرێت. هەر لە دانیشتنی سبەینێدا هەمواری یاسای بودجەی عێراق و چەند بڕگەیەکی تر دەکرێت. بەگوێرەی خشتەی كار، دانیشتنی سبەینێی ئەنجومەنی نوێنەرانی عێراق لە پێنج بڕگە پێكدێت، کە بڕگەی یەكەم تایبەتە بە میوانداریكردنی محەمەد شیاع سودانی، سەرۆك وەزیرانی عێراق و باس لە هۆکاری میوندارییەکەی نەکراوە. دوو بڕگەی دیكە تایبەت بە دەنگدان لەسەر پرۆژە یاسای دەزگای هەواڵگری و هەمواری یەكەمی یاسای پاسپۆرت و بڕگەی چوارمیش تایبەت بە خوێندنەوەی دووەم بۆ هەمواری یەكەمی پرۆژە یاسای بودجەی عێراق، كە تایبەتە بە تێچووی بەرهەمهێنان و گواستنەوەی نەوتی هەرێم، بڕگەی پێنجەمیش تایبەتە بە هەمواری پێنجەمی یاسای فرۆكەوانی شارستانی.

  بۆ ڕای گشتی ئامادەکردنی هاوڵاتی لە چەند پەیج و ماڵپەر و کەناڵێکی ڕاگەیاندن ھەواڵێکی ناڕاست و بەمەبەست و چەواشەکارانە بڵاو کراوەتەوە، کە گۆڕانکاری بەسەر بڕیاری دەستبەسەرداگرتن و قەدەغەکردنی ئۆتۆمبێلە بێسەرەتاکاندا کراوە، یاخود بڕیارەکە گۆڕانگاری بەسەردا ھاتووە و ھەموو جۆرە ئۆتۆمبێلێکی بێسەرەتا ناگرێتەوە. ئێمە وەک لیژنەی ئەمنیی سلێمانی و بە ھەموو لایەکی ڕادەگەیەنین، کە ئەم ھەواڵە دوورە لە ڕاستییەوە و بە ھیچ جۆرێک ھیچ پاشگەزبوونەوە و گۆڕانگارییەک بەسەر بڕیارەکەماندا نەھاتووە چونکە بڕیارێکی سەرپێیی نەبووە و زۆر بە وردی دیراسە کراوە و کۆدەنگی و ھەماھەنگیی سەرجەم لایەنە پەیوەندیدارەکانی لەسەرە و بەتەواوی نیەتمانە کۆتایی بە پاشاگەردانی و یاساشکێنی و شێواندنی سیمای شارستانی و ئارامیی شاری سلێمانی پایتەختی ڕۆشنبیرین، زۆر جیددی و سوورین لەسەر جێبەجێکردنی ھەر بڕیارێک، کە بڕیاری لەبارەوە بدەین.

  - گرووپە چەکدارەکانى مقاوەمە ئەتوانن بچنە سوریاوە. - حکومەتی عێراق دەستوەردان لە بیروباوەڕی ئەو گرووپە چەکدارانەدا ناکات. - هەواڵگريی عێراق توانیویەتی دزە بکاته ناو رێکخراوە تیرۆریستیەکانی سوریا.   یەحیا رەسوڵ وتەبێژی فەرماندەی گشتی هێزە چەکدارەکانی عێراق رایگەیاند گرووپە چەکدارەکانى مقاوەمە ئەتوانن بچنە سوریاوە و حکومەتی عێراق دەستوەردان لە بیروباوەڕی ئەو گرووپە چەکدارانەدا ناکات. یەحیا رەسوڵ لە لێدوانێكی رۆژنامەوانیدا ڕایگەیاند هەواڵگريی عێراق توانیویەتی دزە بکاته ناو رێکخراوە تیرۆریستیەکانی سوریا و سوپای عێراقیش دوودڵ نابێت لە بەئامانج گرتنیان ئەگەر تەنها بیر لەوە بکەنەوە روو لە سنورەکانی عێراق بکەن.  وتيشى: تا ئێستا حەشدی شەعبی نەچۆتە ناو خاکی سوریاوە، بەڵام گرووپەکانی مقاوەمە مافی خۆیانە روو لە سوریا بکەن، ئەوان بیروباوەڕی خۆیان هەیە و حکومەتی عێراقیش دەستوەردان ناکات.

  - چەندین ملیۆن هاوڵاتی توركیا بانگەشەی ئەوەیان كردووە كە حەلەب یەكیەكە لە ویلایەتەكانی وڵاتەكەیان. - لە ساڵی 2015وە رۆژنامە و ڕاگەیاندنەكانی توركیا بانگەشەی ئەوە دەكەن حەلبی سوری بخرێتە سەر  ویلایەتەكانی توركیا.   چەندین ملیۆن هاوڵاتی توركیا لەڕێگەی سۆشیال میدیایاكانى تورکیاوه بانگەشەی ئەوەیان كردووە كە حەلەب یەكیەكە لە ویلایەتەكانی وڵاتەكەیان. لە سۆشیال میدیایانى تورکیا، نەتەوە پەرستە تورکەکان هاشتاگێکیان بڵاوکردوەتەوە، لەژێر ناونیشانی [#HALAB 82] و هەتا ئێستا زیاتر لە 5 ملیۆن کەس بڵاویکردوەتەوە. ئەم هاشتاگەش بە واتای ئەوەیە حەلەب ولایەتی ژمارە 82 یەمینی تورکیايه، چونکە تورکیا خۆی 81 ولایەتە لە ئێستادا. لە ساڵی 2015وە رۆژنامە و ڕاگەیاندنەكانی توركیا بانگەشەی ئەوە دەكەن حەلبی سوری بخرێتە سەر  ویلایەتەكانی توركیا و ببێت بە 82هەمین ویلایەتی ئەو وڵاتە. لەماوەی چەند ڕۆژی ڕابردوو گۆڕانكاری بەپەلە لە سوریا هاتە ئاراوە و گرووپە چەكدارەكانی سەر بە توركیا چەندین ناوچەیان لە سوریا كۆنتڕۆڵكردووە و چارەنووسی نزیكەی ملیۆنێك كورد لە سوریا نادیارە، چونكە ئەو گرووپە چەكدارانە بەنیازن ناوچە كوردیەكانیش داگیربكەن.

- رێگە بە هەندێك خێزانی كوردی ئاوارەی عەفرین دراوە گەڕەكی شێخ مەقسود و ئەشرەفیە چۆڵبكەن. - پرۆسەی ڕاگواستنی پێكهاتەی كورد لە ئارادایە بە سەرپەرشتی توركیا و وڵاتانی تر. - ئەنقەرە پرۆسەی "بەیانی ئازادی" راگەیاندووە كە لەلایەن بەناو سوپای ئازادەوە جێبەجێدەكرێت، لەپێناو ڕاگواستنی كورد لە ریفی باكوری حەڵەب.   سەرچاوە ئاگادارەكان ئاشكرایدەكەن، رێگە بە هەندێك خێزانی كوردی ئاوارەی عەفرین دراوە گەڕەكی شێخ مەقسود و ئەشرەفیە چۆڵبكەن و بەرەو تەبقە بڕۆن لە ریفی رەقە، ئەو پێشهاتەش لەكاتێكدایە هۆشداری دەدرێت لە بوونی خواستێكی خراپ بۆ ڕاگواستنی پێكهاتەی كورد لە ناوچەكە. نزیكەی (150) هەزار كوردی سوریا لەگەڕەكی شێخ مەقسود و ئەشرەفیە لە ریفی باكوری حەڵەب نیشتەجێن. ڕوانگەی سوری بۆ مافەكانی مرۆڤ دەڵێت پرۆسەی ڕاگواستنی پێكهاتەی كورد لە ئارادایە بە سەرپەرشتی توركیا و وڵاتانی تر، دوای ئەوەی بەناو سوپای سوریای ئازاد سێ‌ كەسیان لە تەل رەفعەت سەربڕی. هەر بەپێی زانیاریەكان ئەمڕۆ هەندێك دەنگ لەناو توركیا قسە لەبارەی (حەڵەب 82)  دەكەن، كە مانای ژمارەی ویلایەتێكی نوێی توركیایە. توركیا بەدرێژایی ساڵانی رابردوو ئاماژەی بە پەلاماردانی ناوچەی تەل رەفعەت و منبج كردووە، بەوپێیەی بەشێكن لە ناوچەی ئارام، كە بەنیازە لەنزیك سنورەكانی باشوری دروستی بكات. ئەنقەرە پرۆسەی "بەیانی ئازادی" راگەیاندووە كە لەلایەن بەناو سوپای ئازادەوە جێبەجێدەكرێت، لەپێناو ڕاگواستنی كورد لە ریفی باكوری حەڵەب.

  جومانە غەلای   - لە ئەمڕۆوە تۆماركردنی بایۆمەتریی دەنگدەران لە هەرێمی كوردستان دەستى پێكردووەتەوە. - بۆ ئەومەبەستەش 173 بنكە له هەرێمی كوردستان كراوە دەبن. - كارتی بایۆمەتری بەسەر ئەو كەسانەشدا دابەش دەكرێت كە پێشتر بایۆمەترییان كردووە.   كۆمسیۆنی باڵای سەربەخۆی هەڵبژاردنەكانی عێراق ڕایگەیاند لە ئەمڕۆوە دەستمان كردووەتەوە بە تۆماركردنی بایۆمەتریی دەنگدەرانی هەرێمی كوردستان. جومانە غەلای وتەبێژی كۆمسیۆنەكە تایبەت بە هاوڵاتی ڕاگەیاند دوای كۆتایی هاتنی سەرجەم كاروبارەكانی تایبەت بە پرۆسەی هەڵبژاردنی پەرلەمانی كوردستان، لە ئەمڕۆوە تۆماركردنی بایۆمەتریی دەنگدەران لە هەرێمی كوردستان دەستى پێكردووەتەوە ، بۆ ئەومەبەستەش 173 بنكە له هەرێمی كوردستان كراوە دەبن و پرۆسەكە دەست پێ دەكاتەوە. ئاماژەی بەوەشكرد، جگە لەوەی كە تۆماری بایۆمەتری دەستپێدەكرێتەوە لەهەمان كاتیشدا كارتی بایۆمەتری بەسەر ئەو كەسانەشدا دابەش دەكرێت كە پێشتر بایۆمەترییان كردووە و بەڵام هێشتا كارتی دەنگدانەكانیان وەرنەگرتووەتەوە. رونیشیكردەوە پێش هەڵبژاردنی پەرلەمانی كوردستان نزیكەی 120 هەزار كارتی بایۆمەتری لەلایەن هاووڵاتییانەوە وەرنەگیرابوونەوە، بەڵام لە ئەمڕۆوە هاووڵاتیان دەتوانن سەردانی بنكەكانی كۆمیسیۆن بكەن بۆ وەرگرتنەوەی ئەو كارتانە، چونكە لە دەنگدانی ساڵی داهاتووی هەڵبژاردنی پەرلەمانی عێراق بەبێ‌ كارتی دەنگدان هیچ كەس مافی دەنگدانی نابێت. پێشتر عیماد جەمیل سەرۆكی تیمی ڕاگەیاندنی كۆمسیۆنەكە تایبەت بە هاوڵاتی ڕايگەیاند لە دوای كۆتایی هاتنی ئەركەكانمان سەبارەت بە هەڵبژاردنی پەرلەمانی كوردستان، كارەكانی كۆمسیۆنی هەڵبژاردنەكانی عێراق لە هەرێمی كوردستان بەردەوام دەبێت. وتيشى: كارەكانمان لە هەرێم لەڕێگای هەر سێ‌ نووسینگەكانمان و ناوەندەكانی تۆماركردن كە پێكهاتوون لە 173 ناوەند لەهەرێمی كوردستان بەردەوام دەبێت، بەمەبەستی تۆماركردنی داتاكانی بایۆمەتری دەنگدەرانی نوێ‌ بۆ خۆ ئامادەكردن بۆ هەڵبژاردنەكانی داهاتوویی ئەنجومەنی نوێنەران.

هاوڵاتی - چالاکییە پاڵپشتیکارییەکانی م*ق*ا*و*ە*م*ە لە عێراق و یەمەن و لوبنانەوە بۆ بەرگریی لە گەلى فەلەستین، کۆتایی نەهاتووە. - ئێستا گفتوگۆ لەسەر چالاکییەکانى م*ق*ا*و*ە*م*ە دەکرێت و رێککەوتنێکى روونى لێ نەکەوتووەتەوە.   مقاوەمەی ئیسلامی لە عێراق ڕایگەیاند خۆیان بۆ ئەگەری هێرشی ئیسرائیل ئامادە کردووە. کازم فەرتووسى وتەبێژى کەتائیبی سەیدولشوهەدا کە یەکێکە لە پێکهێنەرانى گرووپى مقاوەمە لە لێدوانێكی رۆژنامەوانیدا ڕایگەیاند چالاکییە پاڵپشتیکارییەکانی مقاوەمە لە عێراق و یەمەن و لوبنانەوە بۆ بەرگریی لە گەلى فەلەستین، کۆتایی نەهاتووە.  سەبارەت بە هۆکاری راگرتنی هێرشەکانی مقاوەمە بۆ سەر ئیسرائیل، فەرتووسی وتی: ئێستا گفتوگۆ لەسەر چالاکییەکانى مقاوەمە دەکرێت و رێککەوتنێکى روونى لێ نەکەوتووەتەوە، لە چەند رۆژێکدا بڕیارێک دەدرێت لەبارەى بەردەوامى لەسەر ئەو رێڕەوەى کە هەیبووە کە پاڵپشتیکردنى غەززە بووە، یان وەستاندنى وەک پاڵپشتییەک بۆ ئاشتى، تاوەکو لەسەر دۆخى غەززەش رەنگ بداتەوە. 18ى تشرینى دووەمی 2024  گیدیۆن سار وەزیری دەرەوەی ئیسرائیل لە نامەیەکدا داواى لە ئەنجوومەنی ئاسایش کرد گوشار بخاتە سەر حکومەتی عێراق بۆ ئەوەی کۆتایی بە هێرشی گرووپە چەکدارەکانی لایەنگری ئێران بۆ سەر ئیسرائیل بهێنێت.  لە نامەکەى وەزیرى دەرەوەى ئیسرائیلدا ناوى چەند گرووپێکى چەکدارى شیعە هاتبوو لەوانە کەتائیبی حیزبوڵڵا، عەسائیبی ئەهلى حەق، سەیدولشوهەدا، ئەنساروڵڵاى ئەوفیا، نوجەبا، رێکخراوى بەدر.  کازم فەرتووسی دەڵێت: ئەو هۆشداری و هەڕەشانە بە جیدى وەردەگیرێن و چەندین رێوشوێن گیراونەتەبەر. حەشدى شەعبى زیاتر لە 67 گرووپی چەکداری هەیە، کەئاتیبى حیزبوڵڵا چوار لیواى لەو هێزە هەیە، نوجەبا یەک لیوا و سەیدولشەهەدا کە ئەبو ئالا وەلائی سەرۆکایەتى دەکات یەک لیوای هەیە.

هاوڵاتی - چالاکییە پاڵپشتیکارییەکانی م*ق*ا*و*ە*م*ە لە عێراق و یەمەن و لوبنانەوە بۆ بەرگریی لە گەلى فەلەستین، کۆتایی نەهاتووە. - ئێستا گفتوگۆ لەسەر چالاکییەکانى م*ق*ا*و*ە*م*ە دەکرێت و رێککەوتنێکى روونى لێ نەکەوتووەتەوە.   مقاوەمەی ئیسلامی لە عێراق ڕایگەیاند خۆیان بۆ ئەگەری هێرشی ئیسرائیل ئامادە کردووە. کازم فەرتووسى وتەبێژى کەتائیبی سەیدولشوهەدا کە یەکێکە لە پێکهێنەرانى گرووپى مقاوەمە لە لێدوانێكی رۆژنامەوانیدا ڕایگەیاند چالاکییە پاڵپشتیکارییەکانی مقاوەمە لە عێراق و یەمەن و لوبنانەوە بۆ بەرگریی لە گەلى فەلەستین، کۆتایی نەهاتووە.  سەبارەت بە هۆکاری راگرتنی هێرشەکانی مقاوەمە بۆ سەر ئیسرائیل، فەرتووسی وتی: ئێستا گفتوگۆ لەسەر چالاکییەکانى مقاوەمە دەکرێت و رێککەوتنێکى روونى لێ نەکەوتووەتەوە، لە چەند رۆژێکدا بڕیارێک دەدرێت لەبارەى بەردەوامى لەسەر ئەو رێڕەوەى کە هەیبووە کە پاڵپشتیکردنى غەززە بووە، یان وەستاندنى وەک پاڵپشتییەک بۆ ئاشتى، تاوەکو لەسەر دۆخى غەززەش رەنگ بداتەوە. 18ى تشرینى دووەمی 2024  گیدیۆن سار وەزیری دەرەوەی ئیسرائیل لە نامەیەکدا داواى لە ئەنجوومەنی ئاسایش کرد گوشار بخاتە سەر حکومەتی عێراق بۆ ئەوەی کۆتایی بە هێرشی گرووپە چەکدارەکانی لایەنگری ئێران بۆ سەر ئیسرائیل بهێنێت.  لە نامەکەى وەزیرى دەرەوەى ئیسرائیلدا ناوى چەند گرووپێکى چەکدارى شیعە هاتبوو لەوانە کەتائیبی حیزبوڵڵا، عەسائیبی ئەهلى حەق، سەیدولشوهەدا، ئەنساروڵڵاى ئەوفیا، نوجەبا، رێکخراوى بەدر.  کازم فەرتووسی دەڵێت: ئەو هۆشداری و هەڕەشانە بە جیدى وەردەگیرێن و چەندین رێوشوێن گیراونەتەبەر. حەشدى شەعبى زیاتر لە 67 گرووپی چەکداری هەیە، کەئاتیبى حیزبوڵڵا چوار لیواى لەو هێزە هەیە، نوجەبا یەک لیوا و سەیدولشەهەدا کە ئەبو ئالا وەلائی سەرۆکایەتى دەکات یەک لیوای هەیە.

تورکیا و ئێران لەسەر روداوەکانی ئەم دواییەی شاری حەلەبی سوریا تەواو ناکۆکن، بەڵام  لەسەر هاریکاری نێوانیان دژ بە کورد کۆکن و هەماهەنگی تەواویان هەیە.   ئامادەکردنی هاوڵاتی دوای سەردانەکەی عەباس عێراقچی وەزیری دەرەوەی ئێران بۆ  تورکیا و کۆبونەوەی لەگەڵ هاکان فیدان، هاوتا تورکییەکەی لە کۆنگرەیەکی رۆژنامەنوسی هاوبەشدا ناکۆکی ئەو دوو وڵاتە ئاشکرابوو سەبارەت بە رووداوەکانی شاری حەلەبی سوریا.   لەوبارەیەوە هەرچی ئێرانە پێی وایە کۆی ئەو روداوانە دەستی دەرەکی لە پشتە، تورکیاش پێی وایە تۆمەتبارکردنی دەستی دەرەکی بۆ روداوەکانی سوریا هەڵەیەکی گەورەیە، ئێران هاوکاری سوریا دەکات لەشەڕی دژ بە چەکدارە توندڕەوەکان، بەڵام تورکیا هاوکار و پشتیوانی ئەو چەکدارانەیە و دیمەشقیش دەڵێت ئەنقەرە چەک و تەقەمەنی پێداون.   لەگەڵ بوونی ئەو هەموو ناکۆکییە بەڵام ئەو دوو وڵاتە لەسەر پرسی بەرنگاربوونەوەی کوردی سوریا تەواو کۆکن و هاریکاری تەواوی یەکتر دەکەن، لەوبارەیەوە وەزیری دەرەوەی تورکیا دەڵێت ئەنقەرە و تاران هاریکاری یەکترن لە بەرەنگاربوونەوەی تیرۆر و هەوڵی هاوبەشیان هەیە دژ بەو دوژمنە کە پارتی کرێکارانی کوردستان و یەکینەکانی پاراستنی گەلە لە سوریا.

- توركيا گرووپە تووندڕەوەكانى جوڵاندووە بۆ فشارخستنەسەر ناوچە كوردییەكان لە باكووری ڕۆژهەڵاتی سووریا. - زۆربەی وڵاتانی ناوچەكە درك بە مەترسیی بارودۆخەكە دەكەن و دوور نییە تووندوتیژی بگەڕێتەوە. - زۆر بە ڕوونی دیارە لە ڕووداوەكانی حەلەب و ئیدلبدا، كە ئەمه پەیامێكی توركیایە. ئامادەکردنی هاوڵاتی هادی جەلۆ مەرعی سەرۆکی دەستەی شرۆڤەکارانی سیاسیی عێراق ڕایگەیاند ئەو شەڕەی لە سووریا هەڵگیرساوە دەستی ڕاستەوخۆی توركیای لەپشتە. هادی جەلۆ مەرعی تایبەت بە هاوڵاتی ڕاگەیاند هەرێمی كوردستان حاڵەتێكی پێشكەوتووە لە ناوچەكەدا و سەركەوتنێكی گەورەی بەدەستهێناوە لە چوارچێوەی پێگەشیتنی سیاسی و ئابووری و ژێرخاندا لە زۆربەی بوارەكاندا و بە ڕووی هەموو جیهانیشدا كراوەتەوە. وتيشى: ئەم پێشكەوتنەی كوردستان ترسی خستە نێو دڵی توركیاوە و لە ترسی ئەوەی كە هەرێمی كوردستان ببێت بە نموونەیەك بۆ گەلی كورد لە ناوچەكانی دیكەدا، چەند كەسێك هەوڵیان دا گرووپە تووندڕەوەكان بجوڵێنێن بۆ فشارخستنەسەر ناوچە كوردییەكان لە باكووری ڕۆژهەڵاتی سووریا و تەلڕەفعەت و گوندەكانی حەماە و چەند ناوچەیەكی تریش. ڕوونیشیكردەوە زۆربەی وڵاتانی ناوچەكە درك بە مەترسیی بارودۆخەكە دەكەن و دوور نییە تووندوتیژی بگەڕێتەوە، بەڵام زۆر بە ڕوونی دیارە لە ڕووداوەكانی حەلەب و ئیدلبدا، كە ئەمه پەیامێكی توركیایە بۆ وڵاتانی نێودەوڵەتی و كارتێكی دانوستانە لەگەڵ بەشار ئەسەد و قەیسەری ڕووسیا بۆ بەدیهێنانی چەند خاڵێك لەو جەنگەی بەرپا بووە، هەروەها بۆ فشار خستنە سەر ڕۆژئاوا و ئەمەریكا و دەرخستنی توانای ئەنقەرە لە جوڵاندنی كاغەزەكان و ئامڕازەكانی. مەترسییەكە لە ڕاستیدا زۆر گەورەیە و هەڕەشەیە بۆ ئاسایش و سەقامگیریی هەموو ڕۆژهەڵاتی ناوەڕاست و هەڵوێستەكانی واشنتن و تاران و كۆمەڵەی ئەورووپی و وڵاتانی كەنداو و مۆسكۆ دەرخەری ئەو ڕاستیەن.

ئەنجومەنی سووریای دیموکرات لە بەیاننامەیەکدا نیگەرانی خۆی سەبارەت بە ڕادەستکردنی شاری حەلەب بەبێ بەرگری دەردەبڕێت. ئامادەکردنی هاوڵآتی ئەنجومەنی سووریای دیموکرات لە بەیاننامەیەکدا نیگەرانی خۆی سەبارەت بە ڕادەستکردنی شاری حەلەب بەبێ بەرگری دەردەبڕێت. لە بەیاننامەکەدا داوای لە کۆمەڵگەی نێودەوڵەتی کردووە دەستبەجێ هەنگاو بنێت بۆ ڕاگرتنی تووندوتیژییەکان لە سووریا.   هەروەها ئەنجومەنەکە جەختی لەسەر پێویستیی دەستپێکردنی گفتوگۆی ئاشتی کردەوە بۆ چارەسەرکردنی قەیرانی سووریا.   ئەم داواکارییانە لەکاتێکدا دێت، کە شەڕ و پێکدادان لە ناوچە جیاوازەکانی سووریا بەردەوامە و هەوڵەکانی نێوەندگیریی نێودەوڵەتی تا ئێستا سەرکەوتوو نەبوون لە ڕاگرتنی تووندوتیژییەکان.

ئەنجومەنی سووریای دیموکرات لە بەیاننامەیەکدا نیگەرانی خۆی سەبارەت بە ڕادەستکردنی شاری حەلەب بەبێ بەرگری دەردەبڕێت. ئامادەکردنی هاوڵآتی ئەنجومەنی سووریای دیموکرات لە بەیاننامەیەکدا نیگەرانی خۆی سەبارەت بە ڕادەستکردنی شاری حەلەب بەبێ بەرگری دەردەبڕێت. لە بەیاننامەکەدا داوای لە کۆمەڵگەی نێودەوڵەتی کردووە دەستبەجێ هەنگاو بنێت بۆ ڕاگرتنی تووندوتیژییەکان لە سووریا.   هەروەها ئەنجومەنەکە جەختی لەسەر پێویستیی دەستپێکردنی گفتوگۆی ئاشتی کردەوە بۆ چارەسەرکردنی قەیرانی سووریا.   ئەم داواکارییانە لەکاتێکدا دێت، کە شەڕ و پێکدادان لە ناوچە جیاوازەکانی سووریا بەردەوامە و هەوڵەکانی نێوەندگیریی نێودەوڵەتی تا ئێستا سەرکەوتوو نەبوون لە ڕاگرتنی تووندوتیژییەکان.

ئامادەکردنی: هاوڵاتی لیژنەی باڵای ئەمنیی پارێزگای سلێمانی بڕیارێکی نوێی دەرکرد سەبارەت بە قەدەغەکردنی هاتوچۆی سەیارە بێسەرەتاکان لە سنووری شارەکەدا. بەپێی بڕیارەکە:   - هەموو ئەو سەیارە بێسەرەتایانەی کە لە شاری سلێمانی سەیارەی بێسەرەتان دەستیان بەسەردا دەگیرێت - رێکاری یاسایی بەرامبەر سەرپێچیکاران دەگیرێتەبەر - خاوەنی سەیارە بێسەرەتاکان تەنها دەتوانن سەیارەکانیان بۆ دەرەوەی هەرێمی کوردستان ببەن - لە ئێستاوە رێگە نادرێت هیچ سەیارەیەکی بێسەرەتا بێتە ناو شاری سلێمانی   ئەم بڕیارە لە چوارچێوەی رێکخستنی هاتوچۆ و پاراستنی سەلامەتی هاوڵاتیان لە شاری سلێمانیدا هاتووە.

  بە فەرمانی سەرۆکوەزیرانی عێراق هەر هاوڵاتییەکی لوبنانی، کە ئاوارەی عێراق بووە و دەیەوێت بگەرێتەوە وڵاتەکەی، لەڕێی فرۆکەخانەی بەغداوە بلیتی بێبەرامبەری بۆ دابین دەکرێت.   محەمەد شیاع سودانی سەرۆکوەزیرانی عێراق ڕاسپاردەی دەرکردوە بۆ دابینکردنی گەشتی بێبەرامبەر بۆ ئەو هاوڵاتییە لوبنانیانەی لە عێراقن و خوازیارن بگەرێنەوە وڵاتەکەیان.   پێشتریش وەزارەتی کۆچ و کۆچبەرانی عێراق ڕایگەیاندبوو ئەو خێزانە لوبنانیانەی ڕوویان لە عێراق کردبوو دەستیان بە گەڕانەوە کردوە بۆ وڵاتەکەیان، ئەو وەزارەتەش چەندین هاوکاری جۆراوجۆری پێشکەش کردوون.