.jpeg)
- گرووپە چەكدارەكان بە سەركردایەتی دەستەی تەحریری شام 14 شار و شارۆچكەیان لە گوندی حەمای باكور كۆنتڕۆڵكردووە. - كشانەوەیەكی تەواوەتی و گشتگیر هەیە لەلایەن سوپای سوریاوە بە فەرمانی سەركردایەتیە سەربازیەكانیان. - گرووپە چەكدارەكانی سوریا فڕۆكەخانەی نێودەوڵەتی حەلەبیان كۆنتڕۆڵ كرد. ئامادەکردنی: هاوڵاتی بە سەركردایەتی دەستەی تەحریرى شام ، گرووپە چەكدارەكانی سوریا فڕۆكەخانەی نێودەوڵەتی حەلەبیان كۆنتڕۆڵ كرد و چوونە نێو گوندی حەماەوە. ڕامی عەبدولڕەحمان بەڕێوەبەری ڕوانگەی سوری بۆ مافەكانی مرۆڤ ڕایگەیاند گرووپە چەكدارەكان بە سەركردایەتی دەستەی تەحریری شام 14 شار و شارۆچكەیان لە گوندی حەمای باكور كۆنتڕۆڵكردووە. وتیشی: كشانەوەیەكی تەواوەتی و گشتگیر هەیە لەلایەن سوپای سوریاوە بە فەرمانی سەركردایەتیە سەربازیەكانیان و دەستەی تەحریری شام لەماوەی دوو كاتژمێردا ئەو 14 شار و شارۆچكەییان كۆنتڕۆڵ كردووە و تەنها 15 كیلۆمەتر لە ناوەندی شاری حەماوە دورن. گرووپە چەكدارەكان لەچەند گرتەیەكی ڤیدیۆیی بڵاویان كردەوە كە چوونەتە نێو فڕۆكەخانەی نێودەوڵەتی حەماوە و كۆنتڕۆڵیان كردووە، دوای ئەوەی ئەمڕۆ هەسەدە ڕایگەیاند كە ئەو فڕۆكە خانەییان كۆنتڕۆڵ كردووە.
-بێگومان ئەو گۆڕانكاریانەی سوریا كاریگەری لەسەر عێراقیش دەبێت. -من پێموایە هەڕەشەیەكی ڕاستەوخۆ هەیە لەسەر عێراق بە دیاریكراوی لەسەر ناوچەكانی موسڵ و سەڵاحەدین. - ئەگەر هەڕەشەش بكەوێتە سەر موسڵ و سەڵاحەدین، ئاسایشی هەرێمی كوردستانیش دەكەوێتە ژێر هەڕەشەوە. ئامادەکردنی: هاوڵاتی محەمەد حەسەن ساعدی شرۆڤەكاری سیاسی عێراقی ڕایگەیاند بارودۆخی سوریا ناجێگیرە و بۆتە هەڕەشەیەك بۆ سەر ئاسایشی نیشتیمانی، ئەمەش دەبێتە هەڕەشەیەك بۆ سەر عێراق. ساعدی تایبەت بە هاوڵاتی ڕاگەیاند بێگومان ئەو گۆڕانكاریانەی سوریا كاریگەری لەسەر عێراقیش دەبێت و هەمووان دەزانن كە گۆڕانكاری لە ناوچەكە ڕاستەوخۆ كاریگەری لەسەر عێراق دەبێت بەتایبەتی سوریا كە كۆمەڵگەی هۆڵی تیایە كە ژمارەیەك لە تیرۆریست و خێزانەكانیان و منداڵەكانیان لەخۆ دەگرێت. وتيشى: من پێموایە هەڕەشەیەكی ڕاستەوخۆ هەیە لەسەر عێراق بە دیاریكراوی لەسەر ناوچەكانی موسڵ و سەڵاحەدین و ڕەنگە لەم ناوچانە هەندێك شانەی نوستووی تیرۆریستان جموجۆڵ بكەن، كە تاكو ئێستاش بونیان هەیە لە شاخەكانی مەكحول و ناوچە سنوریەكان، ئەگەر هەڕەشەش بكەوێتە سەر موسڵ و سەڵاحەدین، ئاسایشی هەرێمی كوردستانیش دەكەوێتە ژێر هەڕەشەوە. رونیشیكردەوە حكومەتی عێراق ڕێكاری زۆر باشی گرتووەتەبەر بە پاراستنی ئاسایشی سنورەكان و تەلبەندكردنی سنورەكان و كۆنكرێتكردنیی و دانانی كامێرای پێشكەوتوو و چاودێریكردنی سنورەكان لەڕێگەی فڕۆكەی بێفڕۆكەوان و چەند ڕێوشوێنێكی ئەمنی زۆر تۆكمە، بەهەمان شێوە وەزیری بەرگریش ڕاستەوخۆ چاودێری بارودۆخەكە دەكات لەگەڵ وەزیری ناوخۆ و سەركردەی گشتی چەكدارەكانی عێراق و سەركردە ئەمنیەكان و سەركردەكانی سوپاش.
-بێگومان ئەو گۆڕانكاریانەی سوریا كاریگەری لەسەر عێراقیش دەبێت. -من پێموایە هەڕەشەیەكی ڕاستەوخۆ هەیە لەسەر عێراق بە دیاریكراوی لەسەر ناوچەكانی موسڵ و سەڵاحەدین. - ئەگەر هەڕەشەش بكەوێتە سەر موسڵ و سەڵاحەدین، ئاسایشی هەرێمی كوردستانیش دەكەوێتە ژێر هەڕەشەوە. ئامادەکردنی: هاوڵاتی محەمەد حەسەن ساعدی شرۆڤەكاری سیاسی عێراقی ڕایگەیاند بارودۆخی سوریا ناجێگیرە و بۆتە هەڕەشەیەك بۆ سەر ئاسایشی نیشتیمانی، ئەمەش دەبێتە هەڕەشەیەك بۆ سەر عێراق. ساعدی تایبەت بە هاوڵاتی ڕاگەیاند بێگومان ئەو گۆڕانكاریانەی سوریا كاریگەری لەسەر عێراقیش دەبێت و هەمووان دەزانن كە گۆڕانكاری لە ناوچەكە ڕاستەوخۆ كاریگەری لەسەر عێراق دەبێت بەتایبەتی سوریا كە كۆمەڵگەی هۆڵی تیایە كە ژمارەیەك لە تیرۆریست و خێزانەكانیان و منداڵەكانیان لەخۆ دەگرێت. وتيشى: من پێموایە هەڕەشەیەكی ڕاستەوخۆ هەیە لەسەر عێراق بە دیاریكراوی لەسەر ناوچەكانی موسڵ و سەڵاحەدین و ڕەنگە لەم ناوچانە هەندێك شانەی نوستووی تیرۆریستان جموجۆڵ بكەن، كە تاكو ئێستاش بونیان هەیە لە شاخەكانی مەكحول و ناوچە سنوریەكان، ئەگەر هەڕەشەش بكەوێتە سەر موسڵ و سەڵاحەدین، ئاسایشی هەرێمی كوردستانیش دەكەوێتە ژێر هەڕەشەوە. رونیشیكردەوە حكومەتی عێراق ڕێكاری زۆر باشی گرتووەتەبەر بە پاراستنی ئاسایشی سنورەكان و تەلبەندكردنی سنورەكان و كۆنكرێتكردنیی و دانانی كامێرای پێشكەوتوو و چاودێریكردنی سنورەكان لەڕێگەی فڕۆكەی بێفڕۆكەوان و چەند ڕێوشوێنێكی ئەمنی زۆر تۆكمە، بەهەمان شێوە وەزیری بەرگریش ڕاستەوخۆ چاودێری بارودۆخەكە دەكات لەگەڵ وەزیری ناوخۆ و سەركردەی گشتی چەكدارەكانی عێراق و سەركردە ئەمنیەكان و سەركردەكانی سوپاش.
- لە سلێمانی و هەڵەبجە و ڕاپەڕین و گەرمیان پارەدانی كاش ڕادەگیرێت و لە سبەینێوە كار بە پارەدان بە سیستمی كارت دەكەن. - بۆ ئەوەی کارەکانیان بۆ ڕایی بکرێت و ببن بەخاوەنی کارتی زانیاری پێویستە ھەڵگری یەکێک لەکارتەکانی (Visa card—Master card) بن. - بەھیچ جۆرێک کار بەپێدانی پارە بەدەستی ناکرێت. ئامادەکردنی: هاوڵاتی بەڕێوەبەرایەتی نووسینگەکانی زانیاری سلێمانی ڕایگەیاند، لە سلێمانی و هەڵەبجە و ڕاپەڕین و گەرمیان پارەدانی كاش ڕادەگیرێت و لە سبەینێوە كار بە پارەدان بە سیستمی كارت دەكەن. بەڕێوەبەرایەتیەكە لە ڕاگەیەنراوێكدا ئاماژەی بەوەكردووە، بەپێی ڕێنمایی گشتی ڕەگەنامەی ھەرێم داوا لە ھاووڵاتیان دەکەین لە سبەینێ یەک شەممە بەرواری ٢٠٢٤/١٢/١ لەکاتی سەردان کردنیان بۆ بەڕێوەبەرایەتیمان بۆ ئەوەی کارەکانیان بۆ ڕایی بکرێت و ببن بەخاوەنی کارتی زانیاری پێویستە ھەڵگری یەکێک لەکارتەکانی (Visa card—Master card ) بن. ڕاشیگەیاندووە لە پارێزگای سلێمانی و پارێزگای ھەڵەبجە و ھەردوو ئیدارەی سەربەخۆی گەرمیان و ڕاپەڕین بەھیچ جۆرێک کار بەپێدانی پارە بەدەستی ناکرێت، بەڵکو تەنھا بە پارەدانی ئەلکترۆنی لەڕێگەی ئامێری (POS) ەوە دەبێت. بەپێی بڕیاری حكومەتی عێراقی، سیستمی پارەدانی كاش نامێنێت و لە بەنزینخانە و فەرمانگەكان و ماركێت و كاروبارەكانی دیكەی ڕۆژانەدا دەبێت پارەدان بكرێتە سیستمی كارت و هاووڵاتیان هەژماری بانكی بۆخۆیان بكەنەوە.
- ئامانجمان ئەوەیە ناوچەكانی ژێر دەسەڵاتی هێزەكانی كورد و ه*ە*س*ە*د*ە بخەینە ژێر دەسەڵاتی خۆمان. - بەنیازن هێرش بکەنە سەر ئەو گروپە کوردانەی کە بەشێک لە پارێزگای حەلەبیان لە باکوری ئەو وڵاتە کۆنترۆڵکردوە. ئامادەکردنی: هاوڵاتی فەرماندەیی ئۆپەراسیۆنە سەربازییەکانی هێزە چەكدارەكانی سوریا ڕایگەیاند ئامانجمان ئەوەیە ناوچەكانی ژێر دەسەڵاتی هێزەكانی كورد و هەسەدە بخەینە ژێر دەسەڵاتی خۆمان. ئەو فەرماندەییه ئەمڕۆ شەممە لە ڕاگەیەندراوێكدا بڵاویكردەوە، ئەو ئۆپەراسیۆنەی كە دەستیان پێكردوە بە ئاماجی كۆتایی هێنانە بە زوڵم و ستەم و ئازادكردنی دانیشتوانی ئەو ناوچانەیە كە هێرشەكانیان بۆ ئەنجامداوە، هەروەها بەنیازن هێرش بکەنە سەر ئەو گروپە کوردانەی کە بەشێک لە پارێزگای حەلەبیان لە باکوری ئەو وڵاتە کۆنترۆڵکردوە. بە وتەی خۆیان ئۆپەراسیۆنێکیان دەستپێکردوە بۆ ڕزگارکردنی ئەو ناوچانەی کە لەلایەن ڕژێمی ئەسەد و میلیشیا ئێرانیەكان و هێزەكانی سوریای دیموكرات(هەسەدە) کۆنترۆڵکراون. گروپە چەكدارەكانی سوریا كە لەژێر ناوی سوپای سوریایی ئازادا كۆبونەتەوە، لە دوو ڕۆژی ڕابردودا زۆربەی شاری حەلەبی سوریایان کۆنترۆڵکرد.
- ئامانجمان ئەوەیە ناوچەكانی ژێر دەسەڵاتی هێزەكانی كورد و ه*ە*س*ە*د*ە بخەینە ژێر دەسەڵاتی خۆمان. - بەنیازن هێرش بکەنە سەر ئەو گروپە کوردانەی کە بەشێک لە پارێزگای حەلەبیان لە باکوری ئەو وڵاتە کۆنترۆڵکردوە. ئامادەکردنی: هاوڵاتی فەرماندەیی ئۆپەراسیۆنە سەربازییەکانی هێزە چەكدارەكانی سوریا ڕایگەیاند ئامانجمان ئەوەیە ناوچەكانی ژێر دەسەڵاتی هێزەكانی كورد و هەسەدە بخەینە ژێر دەسەڵاتی خۆمان. ئەو فەرماندەییه ئەمڕۆ شەممە لە ڕاگەیەندراوێكدا بڵاویكردەوە، ئەو ئۆپەراسیۆنەی كە دەستیان پێكردوە بە ئاماجی كۆتایی هێنانە بە زوڵم و ستەم و ئازادكردنی دانیشتوانی ئەو ناوچانەیە كە هێرشەكانیان بۆ ئەنجامداوە، هەروەها بەنیازن هێرش بکەنە سەر ئەو گروپە کوردانەی کە بەشێک لە پارێزگای حەلەبیان لە باکوری ئەو وڵاتە کۆنترۆڵکردوە. بە وتەی خۆیان ئۆپەراسیۆنێکیان دەستپێکردوە بۆ ڕزگارکردنی ئەو ناوچانەی کە لەلایەن ڕژێمی ئەسەد و میلیشیا ئێرانیەكان و هێزەكانی سوریای دیموكرات(هەسەدە) کۆنترۆڵکراون. گروپە چەكدارەكانی سوریا كە لەژێر ناوی سوپای سوریایی ئازادا كۆبونەتەوە، لە دوو ڕۆژی ڕابردودا زۆربەی شاری حەلەبی سوریایان کۆنترۆڵکرد.
- ئەو پانتاییانەی کە ه*ە*س*ە*د*ە کۆنتڕۆڵی کردوون زۆر گەورەیە و هەندێک شوێنی ستراتیجیش لە خۆ دەگرێت. - گرنگی ئەم فراوانکردنە لەوەدایە کە گەڕکی شێخ مەقسود پارێزتراوتر دەبێت. - گرنگییەکی دیکەی ئەم پێشڕەوییە لەوەدایە کە گەیشتنی کۆمەک و یارمەتی لە ناوچەکانی دیکەی ژێر دەسەڵاتی ه*ە*س*ە*د*ە بۆ حەلەب ئاسانتر دەکات. ئامادەکردنی: هاوڵاتی لەچوارچێوەی ئەو گۆڕانكاریە بەپەلانەی لە سوریا ڕوو دەدەن، ئەو پانتاییانەی کە هەسەدە کۆنتڕۆڵی کردوون زۆر گەورەیە و هەندێک شوێنی ستراتیجیش لە خۆ دەگرێت. نووسەری كورد شێركۆ كرمانج دوو نەخشەی بڵاوكردووەتەوە و نووسیوێتی: لەم دوو نەخشەیە کە یەکێکیان هی ٢٨ ی مانگە واتە پێرێ، ئەوەی دیکەیان هی ئەمڕۆیە، واتە ئێستا، بە ڕوونی دەردەکەوێت کە ئەو پانتاییانەی هەسەدە کۆنتڕۆڵی کردوون زۆر گەورەیە و هەندێک شوێنی ستراتیجیش لە خۆ دەگرێت، لەوانە فڕۆکەخانەی حەلەب. وتيشى: گرنگی ئەم فراوانکردنە لەوەدایە کە گەڕکی شێخ مەقسود پارێزتراوتر دەبێت، (بۆ ئەوانەی ئاگادار نین، گەڕەکی شێخ مەقسود ناوچەیەکی بەرفراوانە لەناو شاری حەلەب کە هەر لەسەرەتای ململانێکان لە سووریا لەژێر دەسەڵاتی پەیەد، هەسەدە، دایە). ڕونیشیكردوەتەوە هاوکات گرنگییەکی دیکەی ئەم پێشڕەوییە لەوەدایە کە گەیشتنی کۆمەک و یارمەتی لە ناوچەکانی دیکەی ژێر دەسەڵاتی هەسەدە بۆ حەلەب ئاسانتر دەکات، بێجگە لەمە، پارێزگاریکردن لە تەل رەفعەتیش چاکتر دەبێت، ئەو شوێنەی کە تورکیا و چەتەکانی ماوەیەک چاویان تێ بڕیووە. بەبڕوای ئەو نووسەرە کۆمەک لەم قۆناغە زۆر گرنگە، لەوەش گرنگتر هاوکاری ئەمریکییەکانە، کە تا ئەو ڕادەيی من ئاگادارم بم تا ئێستا بەڕاستەوخۆ لە شەڕکە تێکەڵ نەبوون. تێبینی: ناوچە زەردەکان، ناوچەی ژێر کۆنتڕۆلی هەسەدەیە ناوچە کەسکەکان: ناوچەی ژێر دەسەڵاتی گرووپە چەكدارەكانی توركیایە ناوچە سوورەکان: ناوچەی بن دەستی ڕژێمی بەشار ئەسەد و هاوپەیمانەکانیانه لە حیزبوڵا و ئێران
.png)
- یه‌كێك له‌هۆكاره‌كای زیادبونی كورتهێنان هه‌مواركردنه‌وه‌ی یاسای تێچوی به‌رهه‌مهێنانی نه‌وتی هه‌رێمی كوردستانە. - حكومه‌ت هه‌مواركردنه‌وه‌ی ماده‌ی 12ی بۆ ناردوین، به‌مه‌ش تێچوی به‌رهه‌مهێنانی نه‌وتی هه‌رێم زیاد ده‌كات. ئامادەکردنی: هاوڵاتی حسێن موئنیس ئەندامی لیژنەی دارایی لە ئەنجومەنی نوێنەرانی عێراق ڕایگەیاند یه‌كێك له‌هۆكاره‌كای زیادبونی كورتهێنان هه‌مواركردنه‌وه‌ی یاسای تێچوی به‌رهه‌مهێنانی نه‌وتی هه‌رێمی كوردستانە. حسێن موئنیس لە لێدوانێكی رۆژنامەوانیدا ڕایگەیاند تا ئێستا خشته‌كان نه‌گه‌یشتونه‌ته ئه‌نجومه‌نی نوێنه‌ران، هه‌ر بۆیه ناتوانین ئه‌و ڕێژه كورتهێنانه دیاری بكه‌ین كه بڕیاره حكومه‌ت له چوارچێوه‌ی پلانه‌كانیدا دیاریبكات. وتیشی: حكومه‌ت هه‌مواركردنه‌وه‌ی ماده‌ی 12ی بۆ ناردوین، به‌مه‌ش تێچوی به‌رهه‌مهێنانی نه‌وتی هه‌رێم زیاد ده‌كات، واته قه‌باره‌ی خه‌رجییه‌كان زیاد ده‌كات و ده‌بێته هۆی زیادبونی ڕێژه‌ی كورتهێنان. باسی له‌وه‌شكردوه كورتهێنان و داهات و قه‌باره‌ی خه‌رجییه‌كان پلاندانانن، به‌و پێیه‌ی بودجه‌ی دوو ساڵی پێشوو له ئه‌رزی واقیعدا جێبه‌جێ نه‌كرا، هه‌روه‌ها نه‌گه‌یشتینه ئاستی داهاته بڕیاردراوه‌كان یان خه‌رجییه پلان بۆ داڕێژراوه‌كان و به‌و هۆیه‌وه كورتهێنانه‌كه ورد نه‌بوو. ڕونیشیكردەوە هێشتا چاوه‌ڕێی هاتنی خشته‌كان ده‌كه‌ین، كه ڕێژه‌ی كورتهێنان و ئاسته‌نگه‌كان دیاری ده‌كات، هه‌روه‌ها ئه‌و ده‌رفه‌تانه‌ی كه ڕه‌نگه له ئه‌نجامی هه‌مواركردنی دواتر بۆ ماده‌ی 12 سه‌رهه‌ڵبده‌ن، بۆیه كورتهێنانه‌كه ئه‌وه‌یه كه ناتوانرێت بخه‌مڵێندرێت.
.png)
- هەردوو شاندی دانوستانکاری پارتی و یەکێتی ئامادەییان دەربڕی بۆ درێژەدان بەکۆبوونەوەکانی نێوانیان - کۆبوونەوەکە لە بارەگای مەکتەبی سیاسی یەکێتی لەسلێمانی لەکەشێکی ئەرێنیدا بەڕێوەچوو. ئامادەکردنی: هاوڵاتی هەردوو شاندی دانوستانکاری یەکێتیی نیشتمانیی کوردستان و پارتی دیموکراتی کوردستان لە سلێمانی کۆبوونەوە. بەپێی بەیاننامەیەکی ڕەسمی کۆبوونەوەکە ئەمڕۆ شەممە، لە بارەگای مەکتەبی سیاسی یەکێتیی نیشتمانیی کوردستان لەسلێمانی لەکەشێکی ئەرێنیدا بەڕێوەچوو، پێکەوە باسیان لەبابەتی قۆناغی پاش هەڵبژاردنی خولی شەشەمی پەرلەمانی کورستان کرد و ئەگەر و ئامادەکارییەکانی چۆنییەتی کارکردن بەشێوازێک کە لەبەرژەوەندی خەڵکی کوردستان بێت. هەر بۆ ئەو مەبەستە هەردوو شاندی دانوستانکاری پارتی و یەکێتی ئامادەییان دەربڕی بۆ درێژەدان بەکۆبوونەوەکانی نێوانیان و هەموو حیزب و لایەنە کوردستانییەکانی تریش. سەبارەت بەدانیشتنی یەکەمی پەرلەمانی کوردستانیش کەبڕیارە ٢ی ١٢ بەڕێوەبچێت، هاوڕابوون لەبارەی گرنگی بوونی لێکتێگەیشتنی باش بۆ ئەنجامدانی کۆبوونەوەکە.
- هێزەکانی سووریای دیموکرات چوونە نێو فڕۆکەخانەی نێودەوڵەتی حەلەب و کۆنترۆڵیان کرد. - هێزەکانی سووریای دیموکرات دوو شارۆچکەیان لە شاری حەلەب کۆنترۆڵ کردووە. ئامادەکردنی: هاوڵاتی هێزەکانی سوریای دیموکرات هەسەدە، فڕۆکەخانەی نێودەوڵەتی حەلەب و دوو شارۆچکەی ئەو پارێزگایەی کۆنترۆڵ کرد. ڕوانگەی سووری بۆ مافەکانی مرۆڤ ڕایگەیاند، ئەمڕۆ شەممە، هێزەکانی سووریای دیموکرات (هەسەدە) چوونە نێو فڕۆکەخانەی نێودەوڵەتی حەلەب و کۆنترۆڵیان کرد. ڕوانگەکە باسی لەوەشکردووە، هەسەدە دوو شارۆچکەی لە شاری حەلەب بە ناوەکانی (نوبل و زەهرا) کۆنترۆڵ کردووە کە زۆرینەی دانیشتووانی شیعەنشینن. لە ڕۆژی سێشەممەوە هێزەكانی ئۆپۆزسیۆن بە سەركردایەتی دەستەی تەحریری شام هێرشێكی بەرفراوانیان لە شاری حەلەبی سوریا دەستپێكردووە و زۆرینەی شارەكەیان کۆنترۆڵ کردووە.
-ئێمە بە دوری دەزانین گرووپی چەكدارى ئۆپۆزسیۆن لە عێراق هاوشێوەی سوریا دەربكەوێت. - دەبێت ئێمە هەنگاو بنێین بۆ پاراستنی وڵاتەكەمان و دوریبخەینەوە لەشەڕ و نەهیڵین ببێت بە گۆڕەپانی جەنگی وڵاتێك لە وڵاتە دراوسیەكانمان. محەمەد موهەند محەمەدی ئەندامی لیژنەی ئاسایش و بەرگری لە ئەنجومەنی نوێنەرانی عێراق ڕایگەیاند ئێمە بە دوری دەزانین گرووپی چەكدارى ئۆپۆزسیۆن لە عێراق هاوشێوەی سوریا دەربكەوێت. محەمەدی تایبەت بە هاوڵاتی ڕاگەیاند ئەمە شەڕێكی هەرێمی دژ بە باڵەكانی ئێرانه لەناوچەكە، ئەگەر عێراق بگرێتەوە باڵەكانی ئێرانیش دەگرێتەوە و لەناویان دەبات. دووپاتیشيكردەوە كە بەهیچ شێوەیەك گرووپی چەكداری لەعێراق سەرهەڵنادات و بە دوری دەزانین. وتيشى: ڕاوێژكاری سەرۆك وەزیرانی عێراق كاتێك دەڵێت بارودۆخەكە لە سوریا مەترسیدارە، چونكە سوریا و عێراق هاوپەیمانی یەكترن و بەتایبەتی لە ئاڕاستە مەزهەبی و حكومیەكان، پێشتریش حكومەتی عێراق پاڵپشتی لە سوریا كردووە. محەمەدی بۆ هاوڵاتی رونكردەوە دەبێت ئێمە هەنگاو بنێین بۆ پاراستنی وڵاتەكەمان و دوریبخەینەوە لەشەڕ و نەهیڵین ببێت بە گۆڕەپانی جەنگی وڵاتێك لە وڵاتە دراوسیەكانمان و ئێمە باجی ناكۆكی نێوان وڵاتە زلهێزەكان نەدەین، ئێمە ئەمڕۆ بەدوای هێوەربونەوەدا دەگەڕێین و هەوڵدەدەین ڕۆڵمان هەبێت لە نێوەندگیری بۆ سەقامگیری ناوچەكە.
عیماد جەمیل - كارەكانمان لەهەرێمی كوردستان بەردەوام دەبێت. - لەڕێگای هەر سێ نووسینگەكانمان و ناوەندەكانی تۆماركردن كە پێكهاتوون لە 173 ناوەند. كۆمسیۆنی باڵای سەربەخۆی هەڵبژاردنەكانی عێراق ڕایگەیاند ئەركەكانمان لە هەرێمی كوردستان بەردەوام دەبێت. عیماد جەمیل سەرۆكی تیمی ڕاگەیاندنی كۆمسیۆنەكە تایبەت بە هاوڵاتی ڕايگەیاند لە دوای كۆتایی هاتنی ئەركەكانمان سەبارەت بە هەڵبژاردنی پەرلەمانی كوردستان، كارەكانی كۆمسیۆنی هەڵبژاردنەكانی عێراق لە هەرێمی كوردستان بەردەوام دەبێت. وتيشى: كارەكانمان لە هەرێم لەڕێگای هەر سێ نووسینگەكانمان و ناوەندەكانی تۆماركردن كە پێكهاتوون لە 173 ناوەند لەهەرێمی كوردستان بەردەوام دەبێت، بەمەبەستی تۆماركردنی داتاكانی بایۆمەتری دەنگدەرانی نوێ بۆ خۆ ئامادەكردن بۆ هەڵبژاردنەكانی داهاتوویی ئەنجومەنی نوێنەران. لە درێژەی قسەكانیدا بۆ هاوڵاتی عیماد جەمیل رونیكردەوە ئەو فەرمانبەرانی كۆمسیۆنی هەڵبژاردنەكانی عێراق كە لە هەرێمی كوردستان دەوام دەكەن، لەسەر میلاكی كۆمسیۆنی فیدڕاڵی دامەزراون و مووچەكانیشیان لە كۆمسیۆنی باڵای سەربەخۆی هەڵبژاردنەكانی عێراق وەردەگرن.
- وەزیری بەرگری عێراق دووپاتی کردەوە کە سوپای عێراق بەردەوامە لە ئەرکەکانی بۆ پاراستنی سنوور و ئاسمانی عێراق لە هەر مەترسییەک. - ئۆپەراسیۆنە هاوبەشەکان، پشتڕاستیکردەوە کە سنووری عێراق و سوریا لەڕێگەی ئامادەبوونی سەربازی و جێگیرکردنی یەکەکانەوە پارێزراو دەبێت. وەزارەتی وەزیری بەرگری عێراق و ئۆپراسیۆنە هاوبەشەكان هاوڵاتیان دڵنیادەكەنەوە كە سنوری عێراق لەگەڵ سوریا بەتەواوەتی پارێزراوە. وەزیری بەرگری عێراق سابت محه‌مه‌د عه‌باسی دووپاتی کردەوە کە سوپای عێراق بەردەوامە لە ئەرکەکانی بۆ پاراستنی سنوور و ئاسمانی عێراق لە هەر مەترسییەک. عەباسی لە بەیاننامەیەکدا ڕایگەیاندووە، سوپای عێراقی، بە هەموو جۆر و پێکهاتەکانییەوە، ئامادەیە و بەردەوامە لە ئەرکەکانی بۆ پاراستنی سنوور و ئاسمانی عێراق لە هەر مەترسییەک، شانبەشانی سه‌رجه‌م هێزە ئەمنییەکانی تر بۆ پاراستنی وڵات و ڕێگەش نادەین هیچ تیرۆریستێک و تێکدەرێک دزە بکاتە ناو خاکی نیشتمانە خۆشەویستەکەمانەوە. لەلایەن خۆیەوە لیوا قەیس محەممەداوی جێگری فەرماندەی ئۆپەراسیۆنە هاوبەشەکان، پشتڕاستیکردەوە کە سنووری عێراق و سوریا لەڕێگەی ئامادەبوونی سەربازی و جێگیرکردنی یەکەکانەوە پارێزراو دەبێت و لەڕێگەی بلۆکی کۆنکرێت و کامێرای چاودێری حه‌راری و گەشتی فڕۆکەی بێفڕۆکەوانەوە بەهێزکراوە. لیوا محەممەداوی لە لێدوانێكی رۆژنامەوانیدا دووپاتیكردەوە سنووری عێراق و سوریا لەڕووی هەوڵی تەکنیکی و بوونی یەکەکان و کۆنکرێت، زۆر پارێزراو و سەلامەتە و بلۆک و تەلی دڕکاوی دانراون ، جگە لە دانانی کامێرا و فڕینی فڕۆکەی بێفڕۆکەوان، سوپا و هێزەکانی حه‌شدی شه‌عبی و کەرتەکانی یەدەگ بڵاوبوونەتەوە. ئاماژەی بەوەشکرد، "گه‌له‌كه‌مان دڵنیا دەکەینەوە کە شتەکان ئاسایین، هەروەها خۆپارێزی پێویست لەڕووی چەندایەتی و کوالیتی ڕێکار و پێکهاتەکانی ئەمنیەوە گیراوەتەبەر.
- وەزیری بەرگری عێراق دووپاتی کردەوە کە سوپای عێراق بەردەوامە لە ئەرکەکانی بۆ پاراستنی سنوور و ئاسمانی عێراق لە هەر مەترسییەک. - ئۆپەراسیۆنە هاوبەشەکان، پشتڕاستیکردەوە کە سنووری عێراق و سوریا لەڕێگەی ئامادەبوونی سەربازی و جێگیرکردنی یەکەکانەوە پارێزراو دەبێت. وەزارەتی وەزیری بەرگری عێراق و ئۆپراسیۆنە هاوبەشەكان هاوڵاتیان دڵنیادەكەنەوە كە سنوری عێراق لەگەڵ سوریا بەتەواوەتی پارێزراوە. وەزیری بەرگری عێراق سابت محه‌مه‌د عه‌باسی دووپاتی کردەوە کە سوپای عێراق بەردەوامە لە ئەرکەکانی بۆ پاراستنی سنوور و ئاسمانی عێراق لە هەر مەترسییەک. عەباسی لە بەیاننامەیەکدا ڕایگەیاندووە، سوپای عێراقی، بە هەموو جۆر و پێکهاتەکانییەوە، ئامادەیە و بەردەوامە لە ئەرکەکانی بۆ پاراستنی سنوور و ئاسمانی عێراق لە هەر مەترسییەک، شانبەشانی سه‌رجه‌م هێزە ئەمنییەکانی تر بۆ پاراستنی وڵات و ڕێگەش نادەین هیچ تیرۆریستێک و تێکدەرێک دزە بکاتە ناو خاکی نیشتمانە خۆشەویستەکەمانەوە. لەلایەن خۆیەوە لیوا قەیس محەممەداوی جێگری فەرماندەی ئۆپەراسیۆنە هاوبەشەکان، پشتڕاستیکردەوە کە سنووری عێراق و سوریا لەڕێگەی ئامادەبوونی سەربازی و جێگیرکردنی یەکەکانەوە پارێزراو دەبێت و لەڕێگەی بلۆکی کۆنکرێت و کامێرای چاودێری حه‌راری و گەشتی فڕۆکەی بێفڕۆکەوانەوە بەهێزکراوە. لیوا محەممەداوی لە لێدوانێكی رۆژنامەوانیدا دووپاتیكردەوە سنووری عێراق و سوریا لەڕووی هەوڵی تەکنیکی و بوونی یەکەکان و کۆنکرێت، زۆر پارێزراو و سەلامەتە و بلۆک و تەلی دڕکاوی دانراون ، جگە لە دانانی کامێرا و فڕینی فڕۆکەی بێفڕۆکەوان، سوپا و هێزەکانی حه‌شدی شه‌عبی و کەرتەکانی یەدەگ بڵاوبوونەتەوە. ئاماژەی بەوەشکرد، "گه‌له‌كه‌مان دڵنیا دەکەینەوە کە شتەکان ئاسایین، هەروەها خۆپارێزی پێویست لەڕووی چەندایەتی و کوالیتی ڕێکار و پێکهاتەکانی ئەمنیەوە گیراوەتەبەر.
- گروپه چه‌كداره‌كانی ئۆپۆزسیۆن 65 شارۆچكه و گوند و شاریان كۆنترۆڵ كرد. - چەکدارانی دەستەی تەحریری شام و گرووپە هاوپەیمانەکانی گەیشتوونەتە ناوەڕاستی شاری حەلەب. ڕامی عه‌بدولڕه‌حمان به‌ڕێوه‌به‌ری ڕوانگه‌ی سوریا بۆ مافه‌كانی مرۆڤ ڕایگه‌یاند له ماوه‌ی كه‌متر له 72 كاتژمێردا، گروپه چه‌كداره‌كانی ئۆپۆزسیۆن 65 شارۆچكه و گوند و شاریان كۆنترۆڵ كرد كه گرنگترینیان سه‌راقیبه. به‌ڕێوه‌به‌ری ڕوانگه‌ی سوریا بۆ مافه‌كانی مرۆڤ له‌لێدوانێكدا رایگه‌یاند ئه‌گه‌ر گروپه چه‌كداره‌كانی ئۆپۆزسیۆن به‌بێ به‌رگریكردنی هێزه‌كانی سوپا به‌رده‌وام بن له پێشڕه‌وی، ئه‌وا ئه‌و ناوچانه كۆنتڕۆڵ ده‌كه‌ن كه له ساڵی 2016دا له حه‌له‌ب و ئیدلب و حه‌ما كۆنتڕۆڵیان كردبو. وتيشى: ڕه‌نگه ئه‌و بابه‌ته به‌شێك بێت له پڕۆسه‌یه‌كی ڕێككه‌وتنی نێوده‌وڵه‌تی بۆ دورخستنه‌وه‌ی ئێران له سوریا بۆ ناو گه‌ڕه‌كه‌كانی شاری حه‌له‌ب. هەروەها سەرچاوە خۆجێییەکانی سووریا باس لەوە دەکەن، چەکدارانی دەستەی تەحریری شام و گرووپە هاوپەیمانەکانی گەیشتوونەتە ناوەڕاستی شاری حەلەب. ئەمڕۆ شەممە، سەرچاوە خۆجێییەکانی سووریا بڵاویانکردەوە، پێشڕەوی چەکدارانی دەستەی تەحریری شام و گرووپە چەکدارە هاوپەیمانەکانی بەردەوامە و زیاتر لە نیوەی حەلەبیان کۆنترۆڵ کردووە. لە تۆڕە کۆمەڵایەتییەکان چەندین گرتە ڤیدیۆیی گرووپە چەکدارەکان بڵاوکراوەتەوە کە دەریدەخات لەنێو شاری حەلەبن. دەستەی تەحریری شامیش شەوی رابردوو لە راگەیێندراوێکدا لە تەلەگرام باسی لەوە کرد، "هێزەکانمان دەستییان بە چوونە نێو حەلەب کردووە".
.png)
