ئەردۆغان: ئەوەی ئیسرائیل لە سوریا دەیکات قبوڵی ناکەین

رێبەری ئێران خۆپیشاندەرانی ئەو وڵاتەکە بە ناپاکیی تۆمەتبار کرد و داوای کرد دادپەروەرانە سزا بدرێن. عەلی خامنەیی، رێبەری کۆماری ئیسلامی ئێران لە نوێترین وتاریدا ئەمڕۆ دوشەممە هێرشی کردە سەر خۆپیشاندەران و ئەو کەسانەی لە ناڕەزایەتییەکاندا بەشدارییان کردوە و داواشی لە دامودەزگا پەیوەندیدارەکان کرد ئەو خۆپیشاندەرانە سزا بدرێن. بە وتەی خامنەیی ئەوانەی بەشدارییان لە ناڕەزایەتییەکاندا کردوە ئامانجیان رەخنە و چاکسازیی نەبوە و بەڵکو ویستویانە دەستکەوتەکانی کۆماری ئیسلامی لەناو ببەن.  رێبەری کۆماری ئیسلامی جەختی لەوە کردوەتەوە کە گومان لە ناپاکیی خۆپیشاندەران نییە بۆیە دەبێت دامودەزگا پەیوەندیدارەکان بە توندترین شێوە روبەڕوی ئەو کەسانە ببنەوە کە بەشدارییان لە خۆپیشاندانەکاندا کردوە. خامنەیی لە بەشێکی دیکەی وتارەکەیدا وتویەتی: دەبێت سزاکان دژی خۆپیشاندەران کە ئەو بە ئاژاوەگێڕ و ناپاک ناوی هێناون، توند و دادپەروەرانە بێت. ئەو وتانەی رێبەری ئێران لە کاتێکدایە چەند رۆژ پێش ئێستا لە کۆبونەوەی لەگەڵ ژنانی لایەنگری کۆماری ئیسلامی وتی نابێت هەر ژنێک کە سەرپۆش و باڵاپۆشی بە پێی یاساکانی شەرع نەبو بە دوژمنی دەسەڵات و دین لە ئێران

حکومەتی یۆنان رایگەیاند، لە ساڵی ٢٠٢٢دا هەزار و ٣٠٠ قاچاخچی مرۆڤیان لەسەر سنوری تورکیا دەستگیرکردووە. حکومەتی یۆنان کە وڵاتەکەیان یەکێکە لە رێگا سەرەکییەکانی قاچاخ بۆ وڵاتانی ئەوروپا، ئاماری بەرەنگاربوونەوە قاچاخچێتیکردن بە مرۆڤەوە ئاشکرا کرد. تەکیس تیۆدۆریکاکۆس وەزیری پاراستنی هاوڵاتیانی یۆنان بە رادیۆی سکای وڵاتەکەی رایگەیاند، لە ساڵی ٢٠٢٢دا تەنها هەزار و ٣٠٠ قاچاخچی مرۆڤ لە نزیک روباری مەریچ لەسەر سنووی تورکیا دەستگیرکراون. تیۆدۆریکاکۆس ئاماژەی بەوەکرد، هەر لەو ساڵەدا رێگری لە 256 هەزار پەنابەر کراوە کە روباری مەریچەوە بپەڕنەوە. بەپێی ئامارەکانی نەتەوە یەکگرتووەکان، ژمارەی ئەو کەسانەی کە لە ساڵی ٢٠٢٢دا بە شێوەیەکی نایاسایی هەوڵی چوونە ناو یۆنانیان داوە، بەراورد بە ساڵی پێشوو دوو هێندە زیادی کردووە و گەیشتووەتە ١٨ هەزار و ٨٠٠ کەس. ئەم ژمارەیە لە ساڵی ٢٠٢١دا ٩ هەزار و ١٥٧ کەس بووە. کۆماندۆکانی سنوری یۆنان بە پاڵپشتی هێزەکانی پاراستنی سنورەکانی یەکێتیی ئەوروپا لە ساڵانی رابردوودا رێوشوێنی توندیان لە سنورە وشکانی و دەریاییەکان گرتووەتە بەر، بەڵام رێکخراوە نێودەوڵەتییەکانی مافی مرۆڤ حکومەتی یۆنان بەوە تۆمەتبار دەکەن کە بە شێوەیەکی نایاسایی ئەو کەسانە دەگەڕێنێتەوە بۆ تورکیا کە دەیانەوێت بۆ ژیانێکی سەلامەت بچنە ئەوروپا. بە گوتەی حکومەتی ئەسینا، حکومەتی تورکیا گوشار دەخاتە سەر کۆچبەرەکان و پێیان دەڵێت 'یان دەگەڕێنەوە بۆ وڵاتی خۆتان یان بە نایاسایی دەچنە یۆنان'. دەسەڵاتدارانی یۆنان دەڵێن، فشارستنە سەر پەنابەرانی سوریا، بەرلە هەڵبژاردنە گشتییەکانی تورکیا زیادی کردووە.

هاوڵاتی ئەمڕۆ دوو شەممە 9ی کانونی یەکەمی 2023، کەشناسی و بومەلەرزەزانی هەرێمی کوردستان رایگەیاند: "ئاسمان هەور دەبێت لەگەڵ ئەگەری نمە بارانی کەمی پچڕپچڕ و بەفربارین لە ناوچە شاخاوییەکان بە تایبەتی ناوچە سنورییەکانی باکور، لە ناوچەکانی رۆژهەڵاتی پارێزگای سلێمانی هەرێم رێژەی دابارین زیاتر دەبێت  بە تایبەتی لە کاتەکانی دوای نیوەڕۆ، پاشان کەش بەرەو سەقامگیر بون دەچێتەوە بۆکاتەکانی ئێوارە، ئەگەری دروستبونی تەمومژ هەیە زیاتر لە ناوچە بەرزەکاندا.  سەبارەت بە کەشوهەوای سبەی کەشناسی رایگەیاند: "ئاسمان ساماڵ دەبێت، ئەگەری دروستبونی تەم هەیە  بە تایبەتی لە کاتەکانی  بەیانی زودا، پلەی گەرما کەمێک بەرزتر دەبێتەوە وە لە ناوچە شاخاویەکانی سنوور نزمتر دەبنەو بە (1-2)یلە  بەراورد بە تۆمارەکانی  ئەمڕۆ. بەرزترین پلەکانی گەرمای پێشبینیکراوی بە پلەی سیلیزی بەم شێوەیە ڕاگەیاند: هەولێر:  11 پلەى سیلیزى سلێمانی: 8  پلەى سیلیزى دهۆک:  11 پلەى سیلیزى کەرکووک: 12 پلەى سیلیزى هەڵەبجە: 8 پلەى سیلیزى زاخۆ:  10 پلەى سیلیزى سۆران:  6 پلەى سیلیزى گەرمیان:  14 پلەى سیلیزى

هاوڵاتی بەرپرسێکی ئێزیدییش لە حکوومەتی ھەرێمی کوردستاندا دەڵێت، تا ئێستا پەرلەمانی ١١ وڵات دەنگیان لەسەر بەجینۆسایدناساندنی پرسی کوردانی ئێزیدی داوەو وا بڕیاریشە پەرلەمانی ئەڵمانیا دەنگ لەسەر بەجینۆسایدناساندنی پرسی کوردانی ئێزدی بدات و و ئەگەر ئەڵمانیاش بڕیار بدات کاریگەریی دەبێت. سعود مستۆ، بەڕێوەبەری گشتیی کاروباری ئێزیدییەکان لە وەزارەتی ئەوقاف ڕایگەیاندووە: "بڕیارە ڕۆژی ١٩ی ئەم مانگە پەرلەمانی ئەڵمانیا دەنگ لەسەر پرسی بەجینۆسایدناساندنی کوردانی ئێزدی بدات،  بڕیاردان لەسەر جینۆسایدی کوردانی ئێزیدی کاریگەریی خۆی دەبێت لەسەر پرسی جینۆسایدی کوردانی ئێزیدی لە جیھاندا، بەتایبەتی لەلایەن وڵاتێکی وەک ئەڵمانیاوە کە بەگشتی لەسەر ئاستی جیھان سەنگی خۆی ھەیە.''  بەڕێوەبەری گشتیی کاروباری ئێزیدییەکان دەشڵێت: "لە ئەڵمانیا ٢٥٠ ھەتا ٣٠٠ ھەزار کوردی ئێزدی ھەن، لەبەر ئەوەیش بۆ ئێمەی کوردانی ئێزیدی بڕیارەکەی پەرلەمانی ئەڵمانیا گرنگیی خۆی ھەیە.'' سعود مستۆ ئاماژەی بۆ ئەوەش کرد: "تا ئێستا پەرلەمانی ١١ وڵاتی ئەورووپی دەنگیان داوە لەسەر بەجینۆسایدناساندنی ئەو کارەساتەی بەسەر کوردانی ئێزیدی ھاتووە و ھەوڵەکانی ئێمەیش چ وەک حکوومەتی ھەرێمی کوردستان و چ وەکوو کوردانی ئێزدی بەردەوام دەبێت بۆ ئەوەی لەسەر ئاستی نێودەوڵەتی پرسی کوردانی ئێزیدی بەجینۆساید بناسێندرێت.''

هاوڵاتی بەپێی راپۆرتێکی ماڵپه‌ڕی جیۆی فه‌ره‌نسی، باس لەوە كراوه‌، شێرپه‌نجه‌ی خوێن، شێرپه‌نجه‌ی لیكه‌ڕژێنی ده‌ره‌قی، نه‌خۆشی باركنسۆن و چه‌ندین جۆری دیكه‌ی نه‌خۆشی خراونه‌ته‌ پاڵ ڤلادیمێر پوتنی سه‌رۆكی رووسیا. له‌وه‌ته‌ی هه‌ڵگیرساندنی جه‌نگی ئۆكرانیا له‌ 24ـی شوباتی 2022ـه‌وه‌، له‌باره‌ی ته‌ندروستی پوتنه‌وه‌، پڕوپاگه‌نده‌ی زۆر بڵاوده‌بنه‌وه‌، له‌ به‌هاری ساڵی رابرودوش هەواڵێک لەبارەی خراپی تەندروستی پۆتن بڵاوکرایەوە بەڵام دواتر  لاڤرۆڤی  وه‌زیری دەرەوە ڕەتیکردوە له‌باره‌ی جێگره‌وه‌ی سه‌رۆكی رووسیا، ئه‌و ماڵپه‌ڕه‌ باسی له‌وه‌ كردووه‌، به‌ پێی هه‌مواری ده‌ستووری رووسیا له‌ ساڵی 2020، خوله‌كانی سه‌رۆكایه‌تی پوتن سفربوونه‌ته‌وه‌ و ده‌ستوور رێگه‌ی به‌ پوتن داوه‌ تا ساڵی 2036 بمێنێتەوە ئه‌و ماڵپه‌ڕه‌ فه‌ره‌نسییه‌ ئاماژە بەوە کردوە، ئه‌گه‌ر پوتن له‌ ده‌سه‌ڵات كشایه‌و، نەما بەپێی مادەی چواره‌می مادده‌ی 92ـی ده‌ستووری رووسیا، سه‌رۆك وه‌زیران ده‌سه‌ڵاته‌كه‌ ده‌گرێته‌ ئه‌ستۆ، سه‌رۆك وه‌زیران ده‌توانێت ڕاستەوخۆ بچێته‌ شوێنی ، ئه‌گه‌ر پۆتن بیه‌وێت كه‌سێك له‌ شوێنه‌كه‌ی خۆی دابنێت و جێی متمانه‌ی ئه‌و بێت، ڕاستەوخۆ ناوی نیكۆڵای باترۆشیڤ سه‌رۆكی ئێستای ئه‌نجوومه‌نی ئاسایشی رووسیا دێته‌ یادی رووسه‌كان، جگە له‌ وه‌زیری به‌رگری سێرگی شویگۆ باشترین بژارده‌ی پوتنه‌، ئه‌و ماڵپه‌ره‌ فه‌ره‌نسییه‌ پێیوایه‌، نیكۆلای باترۆشیڤ ده‌سته‌ڕاستی ڤلادیمیر پوتنه‌

دوو گەنجی دیکە لە ئێران سزای سێدارەیان بەسەردا سەپێنرا و بۆ رێگریی لە جێبەجێکردنی سزای ئەو دوو گەنجە خۆپیشاندان لەبەردەم شوێنی زیندانییکردنیان کرا. شەوی یەکشەممە دوای بڵاوبونەوەی هەواڵی ئەگەری لەسێدراەدانی دوو گەنجی دەستگیرکراوی ناڕەزایەتییەکان لە ئێران ژمارەیەکی بەرچاو لە خەڵک چونە بەردەم زیندانی (رەجایی شەهر) لە کەرەج و داوای راگرتنی لەسێدارەدانی ئەو دوو گەنجەیان کرد. محەمەد برۆغنی تەمەن 19 ساڵ و محەمەد قوبادلو تەمەن 22 ساڵ کە لە ناڕەزایەتییەکاندا دەستگیر کراون لە لایەن دادگایەکی ئێرانەوە سزای سێدارەیان بەسەردا سەپێنرا و شەوی یەکشەممە دوای گواستنەوەیان بۆ ژوری تاکەکەسی زیندان بە مەبەستی لەسێدارەدانیان، ژمارەیەکی زۆر لە خەڵک چونە بەردەم زیندانی رەجایی شەهر. پارێزەری محەمەد برۆغنی، رایگەیاند؛ داوای تێهەڵچونەوە لە دادگای باڵای ئێران کراوە و دەبێت بە زوترین کات سزای سێدارەکە راگیرێت. تا ئێستا بە بەبیانوی بەشداریی لە ناڕەزایەتییەکان و بە تۆمەتی هەوڵدان بۆ تێکدانی ئاسایشی کۆماری ئیسلامی ئێران زیاتر لە 100 کەس سزای سێدارە دەیان گرێتەوە و سزای سێدارەی چوار گەنجیش جێبەجێ کراوە.

هاوڵاتی دەسسەڵاتی دادوەری ئێران ڕۆژی یەکشەممە ڕایگەیاند، سزای زیندانیکردنی ماوە درێژیان بەسەر چوار کەسدا سەپاندووە بەتۆمەتی ئەوەی ئەو چوار کەسە هانی خەڵکیان داوە بۆ مانگرتنی سەرتاسەری وهەروەها زیان گەیاندن بە موڵک وماڵی گشتی. سەرۆکی دەسەڵاتی دادوەری ئێران لە پارێزگای هورمزگان  رایگەیاند، ئەو چوار کەسە هەریەکەیان بەماوەی جیا جیا کە لە نێوان ١-١٠ ساڵدایە سزای زیندانیکردنیان بۆدەرکراوە، لەگەڵ ئەوەشدا غەرامەش کراون، هەروەها وتیشی هۆکاری سزادانیان بانگەشە کردن وهاندانی خەڵک بووە بۆ مانگرتن و داوایان لە شۆفێری بارهەڵگرەکان کردووە مانگرتن ڕابگەێنن. ئەوانەی سزادراون دوانیان سزاکانیان ٥ ساڵ و١٠ ساڵە،هاوکات دوانی دیکەیان غەرامەکراون وسزای ساڵێکیس زیندانیان بۆدەرکراوە. لەبارەی سزادراوەکانەوە، ماڵپەڕی میزانی ئێرانی لە بڵاوکراوەیەکدا ڕاگەیاند کە هیچ زانیاریەکە لەبارەی ئەوکەسانە وناسنامەیانەوە ئاشکرا نەکراوە، بەڵام سزای ١-١٠ ساڵ زیندانیان بەسەردا سەپێنراوە بەهۆی تێکدانی ئاسایسی نیشتیمانی و هاندان بۆ خۆپیشاندان. ئەمە لەکاتێکدایە دوینێ ئێران سزای سێدارەی بەسەردا دوان لەو خۆپیشاندەرانەی کە دەستگیرکرابوون جێبەجێکرد، بەوەش ژمارەی ئەوکەسانەی کە لەسێدارەدراون لەسەرەتای خۆپیشاندانەکانەوە گەیشتە ٤ کەس و سەرجەمیشیان پیاو بوون.  

بڕیارە کۆبونەوەی دەستەی هاوبەشی عێراق و ئێران بۆ بەدوادچون لەسەر دۆسیەی کوشتنی فەرماندەیەکی سوپای پاسداران بەڕێوەبچیت و سەرەڕای فشارەکان بەغداد داواکاریی تاران رەت دەکاتەوە.   ئێران رایگەیاند؛ کۆبونەوەی دەستەی هاوبەشی بەدواداچون بۆ دۆسیەی کوشتنی قاسم سولەیمانی رۆژی دوشەممە تاران بەڕێودەچێت و رۆژنامەیەکیش ئاشکرای دەکات؛ کۆماری ئیسلامی داوای لە بەغداد کردوە ئەو فەرماندە کوژراوە بە میوانی فەرمی عێراق لەقەڵەم بدرێت. رۆژنامەی(شەرقلئەوسەت) بلاوی کردەتەوە؛ بۆ ئەوەی دۆسیەی کوشتنی قاسم سولەیمانی، فەرماندەی پێشوی فەیلەقی قودس-ی سەر بە سوپای پاسداران لە ئاستی نێودەوڵەتیدا بجوڵێنرێت، تاران فشارەکانی لەسەر بەغداد زیاد کردوە بۆ ئەوەی عێراق قاسم سولەیمانی پێش کوژرانی وەک میوانی فەرمی وڵاتەکەی لەقەڵەم بدرێت. بە پێی زانیارییەکانی ئەو رۆژنامەیە حسێن ئەمیرعەبدوڵڵاهیان، وەزیری دەرەوەی ئێران لە کۆبونەوەی هەفتەی رابردوی لەگەڵ محەمەدشیاع سودانی، سەرۆک وەزیرانی عێراق داوای کردوە؛ بەیاننامەیەک بە ناوی حکومەتی عێراق بڵاو بکرێتەوە و قاسم سولەیمانیش پێش کوشتنی لە لایەن ئەمریکاوە بە میوانی فەرمی عێراق لەو بەیاننامەدا ناوی بهێنرێت. شەرقلئەوسەت ئاماژەی بەوە کردوە کە لە بەرامبەر ئەو داوایەی کۆماری ئیسلامی ئێراندا، حکومەتی عێراق پێشنیاری کردوە بەیاننامەی سێیەم ساڵمەرگی کوژرانی سولەیمانی دەبێت بەشێوەیەک بنوسرێت کە ئەمریکا نیگەران نەکات.

هاوڵاتی لەڕاگەیەندراوێکدا وەزارەتی ناوخۆی عێراق دەستگیركردنی كۆمەڵێك بلیت فرۆشی یارییەكانی كەنداو 25ی لە بازاڕی ڕەش ڕاگەیاند. ئاژانسی هەواڵی عێراقی لەزاری لیوا سەعد معەن بەڕێوەبەری پەیوەندییەكان و ڕاگەیاندن ڕایگەیاندووە: ئەمڕۆ یەكشەممە وەزارەتی ناوخۆ ژمارەیەك فرۆشیاری بلیتەكانی بۆ چوونە ناو یاریگاكان لە كەنداوی 25 لە (بازاڕی رەش) دەستگیركرد، ئاماژەشی بۆ ئەوەکرد سەرپێچیكاران بەپێی مادەی 240ی یاسای سزادانی عێراقی لێپرسینەوەیان لەگەڵ دەكرێت. مەعن وتیشی: ئەو كۆمپانیایە كە بەرپرسە لە فرۆشتنی بلیتەكان میكانیزمێكی داناوە بۆ ئەوەی خەڵك لە ڕێگەی خوێنەری ئەلیكترۆنیەوە بچنە ژوورەوە و لە ئەگەری نەخوێندنەوەی لەلایەن ئامێرەكەوە، بلیتەكە بە ساختە دادەنرێت، سەرپێچیكاریش بەرپرسیارێتی خۆی و دەرئەنجامە یاساییەكانی لە ئەستۆ دەگرێت.

هاوڵاتی ئەمڕۆ یەک شەممە 8/1/2023، به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان رایگه‌یاند: "کەشی ئاسمان هەورى دەبێت بە درێژاى کاتەکان، لەگەڵ دروست بوونى تەم لە هەندێ ناوچە، بارانبارین لەسەر ناوچە جیاجیاکان بەشێوەى نمە باران بەردەوامى دەبێت، سنوورى پارێزگاى هەولێر و سلێمانى هەڵەبجە ئاستى دابارینى زیاترە لەگەڵ بەفربارین لەسەر لووتکەى زۆربەى ناوچە شاخاوییەکان لە ئەنجامى هاتنى بارستە هەوایەکى سارد شەپۆڵێکى بەفربارین زۆربەى ناوچە شاخاوییەکان دەگرێتەوە تا کاتەکانى شەو درەنگ بەفر بارینى پچڕ پچڕ دەبێت. پلەکانی گەرما / نزم دەبێتەوە بە (1-2) پلەى سیلیزى . مەوداى بینین / لە نێوان ( 6 – 8 ) کم دەبێت لە کاتى دروست بوونى تەم بۆ کەمتر لە 2 کم . ئاماژه‌ی به‌وه‌ش كردووه‌، سبەی دووشەممە 9/1/2023 کەشی ئاسمان هەورى دەبێت هەندێ کات بۆ نیمچە هەور دەگۆڕێت، سنوورى پارێزگاى هەولێر و دهۆک ئەگەرى نمەبارانى دەبێت، لەگەڵ بەفربارین لەسەر بەشێک لە ناوچە شاخاوییەکان. سنوورى پارێزگاى سلێمانى و هەڵەبجە ئاستى دابارین زیاترە. لە ئێوارەى رۆژى دووشەممە کاریگەرى ئەم شەپۆڵە کۆتایى دێت. ئەگەرى دروست بوونى تەم لە سەر بەشێک لە ناوچەکان هەیە پلەکانی گەرما / نزیک دەبێتەوە بە بەراوورد بە ئەمڕۆ. خێرایى با / لە سەر خۆ - مامناوەند دەبێت ( 10 - 15 ) کم/ک . ئاڕاستەی با / باکووری خۆرئاوا دەبێت . مەوداى بینین / لە نێوان ( 7 – 9 ) کم دەبێت .

هاوڵاتی وەزارەتی شارەوانی هەرێم ئاشکرای دەکات لە ساڵی ڕابردوودا لە سنووری پارێزگەكانی هەولێر و سلێمانی و دهۆك و و هەڵەبجە و ئیدارە سەربەخۆكانی گەرمیان و ڕاپەڕین و سۆران و زاخۆ، لەسەر بودجەی داهاتی وەزارەتی شارەوانی و گەشتوگوزاردا بە گوژمەی (28,520,592,718) دینار، 531 پرۆژەی خزمەتگوزاری لە سێكتەرەكانی شارەوانی، ئاو و ئاوەڕۆ و گەشتوگوزار جێبەجێ كراون.  ڕوونیشکردۆتەوە لە سێكتەری شارەوانیدا 235 پرۆژە و لە سێكتەری ئاو و ئاوەڕۆدا 277 پرۆژە و لە سێكتەری گەشتوگوزاریشدا 18 پرۆژە جێبەجێ كراون. جگە لەو 531 پرۆژانەی كە لەسەر داهاتی دامودەزگەكانی شارەوانی و ئاو و ئاوەڕۆ و گەشتوگوزار جێبەجێ كراون، هاوكات ژمارەیەك پرۆژەی دیكەش لەلایەن حكوومەتی هەرێمی كوردستانەوە گوژمەیان بۆ تەرخان كراوە و جێبەجێ كراون و لە سەرجەم پارێزگە و ئیدارە سەربەخۆكان تەواو كراون. ئاماژە بەوەشکراوە داهاتی سەرجەم فەرمانگەکانی وەزارەتی شارەوانی و گەشتوگوزار لەساڵی ڕابووردوو، ٣٠٦ ملیار و ٢٥٠ ملیۆن دینار بووە، بە بەراورد بە ڕێژەی پارساڵ و ئەو پلانەی داماننابوو توانیومانە ٥٥% داهاتەکانمان زیاد بکەین.

هاوڵاتی 100 دۆلار  155 هەزار و 600 دینار 100یۆرۆ 164 هەزار 900 دینار 100 پاوەن 186هەزار و 700 دینار 100لیرەی تورکی بە 8 هەزار دینارە. 100 هەزار تمەنی ئێرانی بە 3 هەزار و 687

سەلاحەدین دەمیرتاش داوای کرد گرنگی بە کاری هەڵبژاردن بدرێت و وتی، " ئاکەپە بە ریفراندۆمێکی ساختە ئەم سیستەمە گۆشەگیرییەی دامەزراند، ئێمە بە هەڵبژاردن دەیگۆڕین. سەلاحەدین دەمیرتاش، هاوسەرۆکی پێشووی هەدەپە کە لە زیندانی جۆری (تی) ئەدرنەدا شەش ساڵە بەندکراوە، تویتێکی دیکەی لەبارەی هەڵبژاردنەکان بڵاوکردەوە و داوای لە لایەنەکانی ئۆپۆزسیۆن کرد کە گرنگی بە هەڵبژاردنەکان بدەن. دەمیرتاش لە تویتەکەیدا دەڵێت، " ئەوان بە ڕیفراندۆمێکی ساختە ئەم سیستمە گۆشەگیرییەیان دامەزراند، ئێمە بە هەڵبژاردن دەیگۆڕین. تکایە سەیری دۆخەکە بکەن کە بە چ قۆناخێکدا تێدەپەڕین. پێویستە زۆر شت بگۆڕدرێن. پێویستە زۆر شت باشتر ببن. کەواتە پێویستە سەرنجمان لەسەر هەڵبژاردن بێت. ئێمە سەردەکەوین." سەلاحەدین دەمیرتاش، لە زیندانەوە دەستی بە کەمپەینی هەڵبژاردن لەدژی دەسەلاتی ئاکەپە/مەهەپە کردووە. هەموو رۆژێک لەبارەی هەڵبژاردنەوە چەندین تویت، نووسین و گۆتار بڵاودەکاتەوە. دەمیرتاش چەند رۆژ لەمەوبەر، داوای لە لایەنە ئۆپۆزسیۆنەکان کردبوو کە پێکەوە کار بۆ هەڵبژاردن بکەن و کاندیدێکی هاوبەش بۆ پۆستی سەرۆکایەتی کۆمار دیاری بکەن. دەمیرتاش وتبووی " ئەگەر ئۆپۆزسیۆن کاندیدێکی هاوبەشی نەبێت، کارەسات روودەدات." قسەکانی دەمیرتاش لە کاتێکدایە کە ئەمڕۆ پەروین بوڵدان هاوسەرۆکی هەدەپە لە چوارەمین کۆنگرەی رێکخستنی پارێزگاری قەرسی هەدەپەدا رایگەیاند کە کاندیدی سەربەخۆیان دەبێت و بەم نزیکانە ناوی کاندیدەکەیان ئاشکرا دەکەن.

هاوڵاتی لە کاتێکدا کە کەمتر لە شەش مانگ بۆ وادەی یاسایی هەڵبژاردنەکانی سەرۆکایەتی و پەرلەمانی تورکیا ماوە، بەڵام لە ئێستاوە، ئامادەکاری لایەنە سیاسیەکان بەو مەبەستە دەستی پێکردووە و ئەمڕۆ بەرپرسانی ئاکەپە، پارتی باش و هەدەپە لەبارەی هەڵبژاردنەکانەوە قسەیان کرد. پەروین بوڵدان هاوسەرۆکی پارتی دیموکراتی گەلان (هەدەپە)، ئەمڕۆ لە چوارەمین کۆنگرەی رێکخستنی پارتەکەیدا لە پارێزگای قەرسی باکوری کوردستان قسەی کرد. بوڵدان رایگەیاند کە کاندیدەکەیان بۆ پۆستی سەرۆکایەتی لە ماوەیەکی نزیکدا ئاشکرا دەکەن. هاوسەرۆکی هەدەپە وتی، " بڕیاری هەدەپە روون و ئاشکرایە، کە کاندیدی سەربەخۆی دەبێت. هەدەپە لەگەڵ لایەنەکانی دیکەی هاوپەیمانی رەنج و ئازادی، هاوبەشەکانمان، گەنجان و ژنان، لەم بارەیەوە راوێژ دەکات و کاندیدی خۆی لە زوترین کاتدا ئاشکرا دەکات." لەلایەکی دیکەوە رەجەب تەیب ئەردۆغان سەرۆککۆماری تورکیا بەشداری لە رێورەسمی کردنەوەی پرۆژەیەکیدا کرد لە شاری ئەنتاڵیا و بۆ ئامادەبووان قسەی کرد. ئەردۆغان باسی لە وادەی هەڵبژاردنەکان کرد و وتی، " پێنج مانگمان لەبەردەمدا ماوە بۆ هەڵبژاردنەکان." مەڕال ئاکشەنەر سەرۆکی پارتی باش کە لە ساڵی ٢٠١٧دا لە پارتی بزوتنەوەی نەتەوەپەرست (مەهەپە) جیا بووەوە و لە ئێستادا لە بەرەی هاوپەیمانی گەلی ئۆپۆزسیۆندایە لە شاری موغلای تورکیا لەگەڵ لایەنگرانی کۆبووە. هەرچەندە شەش پارتی ئۆپۆزسیۆن دەیانەوێت کاندیدێکی هاوبەش بۆ پۆستی سەرۆکایەتی دیاری بکەن، بەڵام ئاکشەنەر لە کۆبونەوە جەماوەریەکەدا، بە پێچەوانەی هەوڵەکانیان قسەی کرد و وتی، " ئێمە دەمانەوێت ببین بە یەکەم پارت لە تورکیا و منیش دەبم بە سەرۆکی وڵات." عەلی ئیحسان یاڤوز یاریدەدەری سەرۆکی ئاکەپە بۆ کاروباری هەڵبژاردن. دەکرێت وادەی هەڵبژاردن پێش بخرێت، بەڵام ئەمە بە واتای هەڵبژاردنی پێشوەختە نایەت و هەموو ئەو قسانەی کە لەبارەی وادەی هەڵبژاردنەوە دەکرێت، نەبوونەتە بڕیار و بە تەنیا قسەیە. سەلاحەدین دەمیرتاش هاوسەرۆکی پێشووی هەدەپەش کە رایگەیاندووە، لە ئێستاوە دەستی بە کەمپەینی هەڵبژاردن کردووە، تویتێکی دیکەی لەبارەی هەڵبژاردنەکانەوە بڵاوکردەوە و دەڵێت، پێویستە لایەنەکانی ئۆپۆزسیۆن لەگەڵ ئەو کەسانەدا قسە بکەن کە بڕیاریان نەداوە بەشداری لە هەڵبژاردنەکاندا بکەن، یان بیر لە بایکۆت دەکەنەوە و رازیان بکەن کە لەدژی دەسەڵات دەنگ بدەن.