عەباس عێراقچى: دانوستانی ئاشكرا لەگەڵ ئەمەریكا ناكەین

هاوڵاتی سەرۆکی دەزگای شەهیدانی عێراق رایدەگەیەنێت، لێکۆڵێنەوە لە دۆسیەی مووچەی شەهیدان دەکرێت، ئاماژەی بەوەشکرد، نزیکەی 27 هەزار و 770 مووچەی شەهیدان راگیراون. ئەمڕۆ شەممە 20ی تەموزی 2024، عەبدولئیلاهـ نائیلی، سەرۆکی دەزگای شەهیدانی عێراق بە میدیای فەرمی عێراقی راگەیاندووە، "بە بڕیاری محەمەد شیاع سوودانی، سەرۆک وەزیرانی عێراق لیژنەیەک پکهێندراوە لێکۆڵێنەوە لە دۆسیەی مووچەی شەهیدان دەکەن، دوای ئەوەی زانیارییان "بەدەستگەیشت کەسانی تیرۆریست مووچەی شەهیدانەیان هەیە، هەروەها هەندێک لە مامەڵەکان ساختەن و بە بەرتیل رایی کراون". ئەوەشی وتەوە، "لە ئەنجامی ئەو کارەدا نزیکەی 27 هەزار و 770 مووچەی شەهیدان راگیراون؛ دۆسیەکانیان وردبینی تێدا دەکرێ کە زۆرترینیان لە پارێزگای ئەنبارن". عەبدولئیلاهـ نائیلی دەڵێت، "هیچ کەسێک مافی نافەوتێ، هەر کاتێک لیژنەکە وردبینی تەواوکرد و دەرکەوت مامەڵەکان دروست و بێ کێشەن، مووچە راگیراوەکانیان پێکەوە بۆ خەرج دەکرێت"، ئەوەشی وت "تەنیا لە ئەنبار هەزار و 15 ناوی وەهمی و ساختە ئاشکرا کراون". مووچە راگیراوەکان بەگوێرەی پارێزگاکان بەم جۆرەیە: ئەنبار 26 هەزار و 790، بەسرە 18، دیوانیە 236، سەماوە 6، نەجەف 3، بابل 73، بەغدا 247، دیالە 158، زیقار 3، سەلاحەدین 83، کەربەلا 7، کەرکوک 38، نیسان 9، نەینەوا 82 و واست 17.

هاوڵاتی جێگری پێشوتری سەرۆك وەزیرانی عێراق لەبارەی کشانەوەی هێزەکانی ئەمەریکا لە عێراق زانیاری نوێ ئاشکرادەکات و باس لە رێککەوتنی نێوان ئەمەریکا و بەغدا دەکات. ئەمڕۆ شەممە 20ی تەموزی 2024، بەها ئەعرەجی, جێگری پێشوتری سەرۆك وەزیرانی عێراق رایگەیاند، "بەغدا و ئەمەریکا بەمزوانە دەگەنە رێككەوتنێكی مێژویی لەبارەی كشانەوەی هێزەكانی ئەمەریكا لە عێراق". ئاماژەی بەوەکردووە، "خاڵەكانی كۆتایی دانران بۆ كشانەوەی ئەمریكا لە عێراق، داوا لە بەهەڵستكاران دەكەم ئارامی بپارێزن، ئەوەی هەوڵی هەڵكشانی ئاڵۆزییەكان بدات، دەیەوێت هێزەكانی ئەمریكا لە عێراق بمێنێتەوە". ئەوەشی خستەڕوو "محەمەد شیاع سودانی، سەرۆک وەزیرانی عێراق دەستكەوتی بەدەستهێناوە بە تەواوكردنی رەشنووسی كشانەوەی ویلایەتە یەكگرتووەكان، كشانەوە لە دیوە سیاسیەكەیدا بەدیهاتووە، هەندێك نیگەرانن لەو رێككەوتنەو هەوڵی تێكدانی دەدەن".

هاوڵاتی هێزەكانی بەڕێوەبەرایەتی هەواڵگری و ئاسایشی بەغدا دەستگیرکردنی هەشت بازرگانی مادەی هۆشبەری راگەیاند و دەستیش بەسەر بڕێک مادەی هۆشبەردا گیرا. ئەمڕۆ هەینی 19ی تەموزی 2024، هێزەكانی بەڕێوەبەرایەتی هەواڵگری و ئاسایشی بەغدا ڕاگەیەندراوێکی بڵاوکردەوە و رایگەیاند، " لە چەند ئۆپەراسیۆنێكدا جیاوازدا لە سنووری بەغدا هەشت بازرگانی مادەی هۆشبەر دەستگیركران، هەروەها دەست بەسەر بڕێكی زۆر مادەی هۆشبەر و چەكی سووكدا گیرا". ئاماژە بەوەشكراوە، "بازرگانەكانی ماددەی هۆشبەر بەپێی بڕگەكانی ماددی (٢٨)ی مادەی هۆشبەر فەرمانی دەستگیركردنیان بۆ دەرچووە". باس لەوەشکراوە، "رێكاری یاسایی بەرامبەر ئەو هەشت داواكراوە گیراوەتەبەر و ڕەوانەی دەسەڵاتی دادوەری كران، بۆ ئەوەی لێكۆڵینەوەیان لەگەڵ بكرێت و بە سزای خۆیان بگەیەندرێن".

هاوڵاتی شانەی راگەیاندنی ئەمنیی رایگەیاند، هێزی ئاسمانی عێراقی ژمارەیەک چەکدارانی داعشیان لە سنووری نێوان ئۆپەراسیۆنەکانی کەرکوک و سەلاحەدین لە زنجیرە چیای حەمرین کردە ئامانج.   بەرەبەیانی ئەمڕۆ هەینی، 19ی تەمووزی 2024، شانەی راگەیاندنی ئەمنیی فەرماندەیی ئۆپەراسیۆنە هاوبەشەکان لە راگەیێندراوێکدا رایگەیاند، پاش بەدواداچوونی وردی هەواڵگری بۆ ماوەی چەند رۆژێک بەهاوئاهەنگی لەگەڵ دەزگای دژە تیرۆر و شانەی بەئامانجکردنی سەر بە فەرماندەیی ئۆپەراسیۆنە هاوبەشەکان کاتژمێر 5ی بەرەبەیانی ئەمڕۆ هەینی هێزی ئاسمانی عێراقی ژمارەیەک چەکدارانی داعشیان لە سنووری نێوان ئۆپەراسیۆنەکانی کەرکووک و سەلاحەدین لە زنجیرە چیای حەمرین کردە ئامانج. فەرماندەیی ئۆپەراسیۆنە هاوبەشەکان لە راگەیێنداوەکەیدا ئەوەشی خستۆتەڕوو، دواتر زانیاری ورد لە بارەی هێرشە ئاسمانییەکەی چیای حەمرین بڵاودەکەنەوە.

مەهران رەمەزان هاوڵاتی، سلێمانی نوسینگەی محەمەد شیاع سودانی، رەتیدەكاتەوە پەیوەندی بەو پەیجانەوە هەبێت كە لە تۆڕە كۆمەڵایەتییەكان "زیادەڕۆیی دەكەن لە ستایشكردنی حكومەت و سەرۆك وەزیران". ئەمڕۆ پێنج شەممە، 18ی تەمووزی 2024، نوسینگەی راگەیاندنی محەمەد شیاع سودانی سەرۆك وەزیرانی عێراق راگەیەندراوێكی بڵاوكردوەتەوەو راگەیاند، رەتیدەكاتەوە پەیوەندی بەو پەیجانەوە هەبێت كە لە تۆڕە كۆمەڵایەتییەكان "زیادەڕۆیی دەكەن لە ستایشكردنی حكومەت و كەسی سەرۆك وەزیران. دەشڵێت، ئەم شێوازە لە ستایشكردن ئامانج لێی لێدان لە متمانەی هاوڵاتیان و چەواشەكردنی جەماوەرەو ئەوانەی لە پشت ئەو پەیجانەوە، لەو لایەن و بازنانەن كە بەهۆی هەنگاوەكانی روبەڕووبونەوەی گەندەڵییەوە زیانیان بەركەوتووە. ئەوەشی خستۆتەڕوو، حكومەت هێشتا كار بۆ بەدیهێنانی ئامانجەكانی دەكات و بەردەوامە لە تەواوكردنی پرۆژەكامە لە بواری گەشەپێدان و چاكسازیدا، لە هیچ قۆناغێكدا شێوازی ستایشكردن بەشێك نەبووە لە سیاسەتەكانی، ئەم شێوازە زیان بە خۆی و تیمەكەی دەگەیەنێت، بەتایبەتیش ئەو كارانەی كە حكومەت ئەنجامی دەدات ئەركی خۆیەتی. جێگەی ئاماژەیە، ئەم راگەیەندراوە دوای ئەوە دێت بەمدواییە لەناو لایەنەكانی چوارچێوەی هەماهەنگییەوە سودانی تۆمەتبار دەكرێت بەوەی هاوشێوەی مستەفا كازمی سەرۆك وەزیرانی پێشووی عێراق پارەیەكی زۆری حكومەت بە خەرج دەدات بۆ كڕین و بەڕێوەبردنی پەیجەكان لەناو تۆڕی كۆمەڵایەتی، بەمەبەستی جوانكردنی وێنەی خۆی و كارەكانی حكومەتەكەی.  

مەهران رەمەزان هاوڵاتی، سلێمانی سێ هاوڵاتی لە لایەن تورکیا لە رۆژئاوای کوردستان رفێنران و هۆکاری رفاندنی دوویانیان بۆ کردنەوەی ئاگری نەورۆز دەگەڕێتەوە. ئەمڕۆ پێنج شەممە، 18ی تەمووزی 2024، میدیاکانی رۆژئاوای کوردستان بڵاویانکردەوە، لە 12ی ئەم مانگە دوو گەنج لە گوندی خەلالکا لەلایەن تورکیا رفێنراون و بەڵام دوای وەرگرتنی پارە لە بەرامبەریان ئازادیان کردن و ئێوارەی دوێنێ دووبارە رفێنرانەوە، لەگەڵ ئەوەشدا هاوڵاتییەکی تریش کە تەمەنی 40 ساڵە لە لایەن تورکیاوە رفێنراوەو تا ئێستا بێ سەروشوێنە. بە پێی ئەو زانیارییانەی میدیاکان باسی لێوەدەکەن، سەڵاح رەشید کۆربلوی تەمەن 20 ساڵە و محەمەد خەلیل حاج قەنبەری تەمەن 24 ساڵە لە گوندی خەلالکا لە ناوچەی بلبل و محەمەد حەسەن سیدۆی تەمەن 40 ساڵان لە شاری موباتای سەر بە کانتۆنی عەفرین لە لایەن تورکیاوە رفێنراون. دەشڵێن، هۆکاری رفاندنی ئەو دوو گەنجە بەهۆی کردنەوەی ئاگرى نەورۆزەوە بووە هەرچەندە کە زیاتر لە سێ مانگی بەسەردا رۆیشتووە، بەڵام هۆکاری رفاندنی هاوڵاتییە تەمەن 40 ساڵانەکە تاوەکو ئێستا نازانرێت.

هاوڵاتی محەمەد شیاع سودانی سەرۆک وەزیرانی عێراق، لە بەغدا لەگەڵ كوتلە سیاسییەكانی كەركوك كۆدەبێتەوە و ئامانجیش لە کۆبوونەوەکە یەکلایکردنەوەی پۆستی پارێزگاری کەرکوکە. ئەمڕۆ پێنجشەممە، 18ی تەمووزی 2024، محەمەد ئیبراهیم، ئەندامی ئەنجومەنی پارێزگای كەركوك رایگەیاند، ئەمڕۆ محەمەد شیاع سودانی، سەرۆك وەزیرانی عێراق لە بەغدا لەگەڵ كوتلە سیاسیەكانی كەركوك كۆدەبێتەوە بۆ یەكلایكردنەوەی پۆستی پارێزگاری كەركوك. محەمەد ئیبراهیم لە لێدوانێكدا بۆ کەناڵی (الرابعە)ی ئەوەی خستۆتەڕوو، یەكلاكردنەوەی پۆستی پارێزگاری كەركوك و پۆستە سەرەكییەكانی تری پارێزگاكە، بەرەو چارەسەربوون دەڕوات. دەشڵێت، گفتوگۆی نێوان كوتلە سیاسیەكانیش بۆ پێكهێنانی حكومەتی خۆجێی كەركوك بەچڕی بەڕێوەدەچێت. ئەم ئەندامەی ئەنجومەنی پارێزگاکە، پێشبینیش دەکات پۆستی پارێزگاری كەركوك لەماوەی كەمتر لە یەك مانگدا یەكلاببێتەوە، وتیشی: دیدارەكەی ئەمڕۆش لەگەڵ سەرۆك وەزیرانی عێراق، بۆ یەكلایكردنەوەی ئەو دۆسیەیە.

هاوڵاتی نەوزاد شێخ کامیل دەڵێت، هەتا ئێستا 620 هەزار تۆن گەنمی جوتیارانمان وەرگرتوو، کە دەکاتە 90% ئەو پشکەی بەغدا بۆ بۆ هەرێمی کوردستانی دیاری کردووە. ئەمڕۆ پێنجشەممە، 18ی تەمووزی 2024، نەوزاد شێخ کامیل بەڕێوەبەری گشتی بازرگانی لە وەزارەتی بازرگانی و پیشەسازی حکومەتی هەرێمی کوردستان رایگەیاند، تا ئێستا 620 هەزار تۆن گەنمی جوتیارانمان وەرگرتووە، کە دەکاتە لە 90%ی ئەو پشکەی بەغدا بۆ هەرێمی کوردستانی دیاریکردووە. دەشڵێت، رۆژى 20ی ئەم مانگە کۆتا وادەی وەرگرتنی گەنمی جوتیارانی هەرێمە، ئەو بڕەی کە ماوەتەوە تا ئەو کاتە وەری دەگرین. جێگای ئاماژەیە، ماوەی 40 رۆژ دیاریکرابوو بۆ وەرگرتنی 700 هەزار تۆن گەنمی جوتیارانی هەرێم، بەپێی بڕیاری بەغداش دەبێت بۆ هەر تۆنێکی گەنم 850 هەزار دینار بدرێتە جوتیارانی هەرێم.

هاوڵاتی ئامادەکردنی لیستی مووچەی مانگی تەمووزی مووچەخۆرانی هەرێم لە کۆتاییداو رەوانەی بەغدا دەکرێت. ئەمڕۆ پێنجشەممە، 18ی تەمووزی 2024، سەرچاوەیەک لە وەزارەتی دارایی و ئابووری حکومەتی هەرێمی کوردستان رایگەیاند، ئامادەکردنی لیستی مووچەی مانگی حەوت لە کۆتاییدایەوە و رەوانەی بەغدا دەکرێت. دەشڵێت، لە کۆتایی ئامادەکارییەکانی لیستی موچەی مانگی حەوتدان، وردبینی بۆ لیستی موچەخۆران تەواو بووە و بەشیوەی ئەلیکترۆنی ئەمادەیە. ئەوەشی خستۆتەڕوو، ئەگەر هیچ گرفتێکی تەکنیکی دروستنەبێت، بەشیوەی چاپکراویش ئەمڕۆ تەواو دەبیت و رەوانەی بەغدای دەکەین. سەرچاوە، کەناڵ8

مەهران رەمەزان هاوڵاتی، سلێمانی لە 15ی حوزەیران بۆ 15ی تەمووزی ئەمساڵ بەهۆی هێرش و داگیرکارییەکانی دەوڵەتی تورکیا بۆسەر هەرێمی کوردستان، چەندین زیان بەر هاوڵاتییان و سروشتی هەرێمی کوردستان کەوتووە. ئەمڕۆ پێنجشەممە، 18ی تەمووزی 2024، دامەزراوەی میدیای درەو ، زیانە مەدەنییەکانی ئۆپەراسیۆنە نوێیەکەی تورکیای بۆ سەر هەرێمی کوردستان لە 15ی حوزەیران 2024 بۆ 15ی تەمووزی 2024، بڵاوکردەوە و تێدا چەندین ئاماری زیانگەیاندن بە هاوڵاتییان و سروشتی هەرێمی کوردستانی خستۆتەڕوو. بە پێی بەدواداچوونەکانی دەزگای میدیای درەو، لەماوەی یەک مانگدا 9 گوند بەتەواوەتی چۆڵکراون و 184 خێزانیش ئاوەرەبوون و 19 خانووی هاوڵاتییانی مەدەنی رووخێنراون. دەشڵێت، 68 هەزار دۆنم زەوی کشتوکاڵی و دارستان سووتاون. باسی لەوەشکردووە، هێرشەکانی سووپای تورکیا بۆسەر ناوچەکانی هەرێم بۆتە هۆکار لە کارکەوتنی کارەبای گوندی بەری گاری و میسکا و هەروەها کاریگەری خستنەسەر هێڵەکانی پەیوەندی زیاتر لە 110 گوند. درەو ئەوەشی ئاشکرا کردووە، بەهۆی بوردوومانەکانی تورکیا 1 کەنیسە و 1 کارگەی راشیی و 1 ئۆتۆمبێل و 2 سەرچاوەی ئاو وێران بوون. باسی لەوەشکردووە، کە بەهۆی بۆردوومانەکان یەک هاوڵاتی مەدەنی برینداربووە. جێگەی ئاماژەیە، زیاتر لە مانگێکە هێزەکانی سوپای تورکیا هاتوونەتە ناو خاکی هەرێمی کوردستان و بەتایبەتیش سنووری پارێزگای دهۆک و رۆژانەش بە بەردەوامی بۆردوومانی ناوچەکانی ئەم سنوورە دەکات و بۆتە هۆکاری تێکدانی ئارامی گۆمەڵگە و کاریگەی کردۆتە سەر ژیانی ئاسایی هاوڵاتییانی ناوچەکە. بە پێی زانیارییەکان هەر ئەمڕۆ بەهۆی بۆردوومانی سوپای تورکیا بۆسەر شارەدێی شیلادزێ لە سنووری قەزای ئامێدی هاوڵاتییەکی مەدەنی کوژراوە و کەسێکیش برینداربووە.

هاوڵاتی بەڕێوەبەرێتى خۆسەرى باکوور و رۆژهەڵاتى سووریا بڕیاری لێبوردنی گشتی دەرکرد، بەگوێرەی بڕیارەکەش لێبوردن ئەوانە ناگرێتەوە کە بە تاوانی تیرۆر و کوشتن سزادراون. ئەمڕۆ چوارشەممە، 17ی تەمووزی 2024، بەڕێوەبەرێتى خۆسەرى باکوور و رۆژهەڵاتى سووریا بڕیارى لێبووردنى گشتى دەرکرد و بەگوێرەى بڕیارەکە "لێبووردنە گشتییەکەى بەڕێوەبەرێتى خۆسەر تۆمەتبارانى دۆسیەى تیرۆر و تاوانەکانى دیکەش دەگرێتەوە بەمەرجێک سووری بن". لە بڕیارەکەدا هاتووە، بڕیارەکە ئەو زیندانییانە دەگرێتەوە کە نیوەى سزاى زیندانییەکەیان بەسەربردووە". ئاماژە بەوەش کراوە "ئەو کەسانەى سزاى زیندانیی هەتاهەتاییان هەبووە سزاکەیان دەگۆڕێت بۆ 15 ساڵ بەندکردن". ئەوەشخراوەتەڕوو، هەموو ئەو زیندانییانەى نەخۆشیی درێژخایەن و چارەسەرنەکراویان هەیە ئازاد دەکرێن". بەگوێرەى بڕیارەکەى بەڕێوەبەرێتى خۆسەر"هەر زیندانییەک تەمەنى 75 ساڵ یان زیاتر بێت ئازاد دەکرێت". جەختیشکراوەتەوە "لێبووردنەکە بەرپرسانى رێکخراوە تیرۆریستییەکان و چەکدارانى تیرۆر ناگرێتەوە".

مەهران رەمەزان هاوڵاتی، سلێمانی شەش تۆمەتبار كە كوردیشی تێدایە، بەشێک بوون لە تۆڕێکی بازرگانیکردن بە مرۆڤەوە كە بنکەکەیان لە شاری تیسایدی بەریتانیا بوون و بەشێوەیەكی نایاسایی لە ئوتۆمبێل و بارهەڵگرەكاندا، چەندین كۆچبەریان بۆ بەریتانیا گواستووەتەوە لە لایەن دادگایەکی بەریتانیا سزا دران. دادگایەكی شاری نیوکاسڵ لە بەریتانیا شەش كەسی بە تۆمەتی قاچاخچێتی و گواستنەوەی نایاسایی سەدان کۆچبەری کوردی هەرێمی كوردستان بۆ بەریتانیا سزا دا، بەڵام ئاماژە بە جۆری سزاكە نەدراوە. لەم بارەیەوە، ئاژانسی نیشتمانی تاوان لە بەریتانیا رایگەیاند، شەش تۆمەتبارەکە كە كوردیشی تێدایە بە ناوەكانی محەممەد زادە، پارێز عەبدوڵڵا، خالید مەحموود، بێستون ساڵح و گۆربرێت سینگ و ماریك سوشانیچ، بەشێک بوون لە تۆڕێکی بازرگانیکردن بە مرۆڤەوە كە بنکەکەیان لە شاری تیسایدی بەریتانیا بوو، پێشتر لەساڵی 2017 لەبەرامبەر وەرگرتنی 5 هەزار تا 10 هەزار پاوەند چەندین كەسیان بە قاچاخ بۆ بەریتانیا گواستووەتەوە. ئەوەشی خستۆتەڕوو، تاوانباران بەشێوەیەكی نایاسایی لە ئوتۆمبێل و بارهەڵگرەكاندا، چەندین كۆچبەریان بۆ بەریتانیا گواستووەتەوە. پێشتریش ئاژانسی نیشتیمانی تاوان، لەساڵی 2018 بڵاوی كردبووەوە، لە ئۆپەراسیۆنێکی گەورەی دژی تۆڕێکی گومانلێکراوی تاوان، 21 گومانلێکراو کە بە رەگەز کوردن و تۆمەتبارن بە گواستنەوەی نایاسایی سەدان کوردی باشووری كوردستان لە بەریتانیا دەستگیر كراون.

هاوڵاتی هاوسەرۆکی کۆنسەی بەڕێوەبەریی، دەوڵەتی تورکیا داوای بەرامبەرمان لێدەکات بۆ هەڵگرتنی گۆشەگیری لەسەر رێبەری پەکەکە و ئێمەش بە هەموو شێوازێک ئەم شێوازی مامەڵە کردنە رەتدەکەینەوە و دەشڵێت، "رێبەرایەتیمان هەرگیز نابێتە بابەتی سەودای مامەڵە". دوێنێ سێشەممە، 16ی تەمووزی 2024، بەسێ هۆزات هاوسەرۆکی کۆنسەی بەڕێوەبەریی، بە مەدیا خەبەری راگەیاند: چەند زانیارییەکمان پێگەیشووە لە کەسە نزیکەکانی رەجەب تەیب ئەردۆغان، کە هەندێک مەرجیان بۆمان دیاریکردووە و دەڵێن ئەگەر بۆمان جێبەجێ بکەن، رێگەدەدەین براکەی عەبدوڵا ئۆجەلان و دواتریش لە پارێزەرەکانی چاویان پێی بکەوێت لە زیندانی ئیمڕاڵیدا. بەسێ هۆزات ئەوەشی خستۆتەڕوو، کە رێبەری پەکەکە هەر لە سەردەمانێکی زوو باسی لەوەکردووە و پێمانی وتووە، "من بارمتەم بەدەستی دەوڵەتی تورکەوە" و بەم شێوازە پێناسەی خۆی بۆمان کردووە، بەردەوام ئەم شێوازی مامەڵەکردنەش لە دەوڵەتی تورکیا دەبینن کە داوایی بەرامبەرمان لێدەکەن لە پێناو هەڵگرتنی گۆشەگیری لەسەر رێبەری پەکەکە و ئێمەش لای خۆمانەوە بە هەموو شێوازێک ئەم جۆرە مامەڵکردنانە رەتدەکەینەوە. باسی لەوەشکردووە، ئەنجامدانی دیدار لەگەڵ عەبدوڵا ئۆجەلا، رێبەری پەکەکە لە زیندانی ئیمراڵیدا مافێکی یاسایی هەر تاکێکە کە لە زینداندا بێت، نەک دەوڵەتی تورکیا بیکات بەسەودای مامەڵکردن پێوەی. هاوسەرۆکی کۆنسەی بەڕێوەبەریی وتیشی، ئێستا لە تورکیادا چەندین رۆشنبیر و سیاسەتمەدار و نووسەر هەن کە بانگەشەی پاراستنی سەروەری یاسا دەکەن، خەبات بۆ یاسا دەکەن، خۆیان بە کەمالیست، چەپ یان سۆسیالیست پێناسە دەکەن، بەرگری لە بەهاکانی کۆمار دەکەن و خۆیان وەک رۆشنبیر پێناسە دەکەن، لە هەمانکاتدا یاسا و دادپەروەری و دیموکراسی لەلایەن تورکیاوە وەک مافێکی سەرەتایی مرۆڤ پێناسە دەکرێت، بەڵام ئەوەی دەیبینین لە زیندانی ئیمڕاڵیدا سەرجەم یاساکانی دەوڵەتی تورکیا و یاسا نێودەوڵەتییەکانیش پێشلێکراون.

هاوڵاتی سەرچاوەیەک لە ئەنجوومەنى وەزیرانى هەرێمى کوردستان رایگەیاندوە، کە ژمارەی مووچەخۆرانی هەرێمی کوردستان لە شەش مانگی سەرەتایی ئەم ساڵەوە نزیکەی 25 هەزار مووچەخۆر زیادیکردووە. ئەم سەرچاوەیە هۆکاری زیادبوونی ژمارەی مووچەخۆرانی ئاشکراکردووە و ئەوەی خستۆتەروو، لەماوەى شەش مانگى یەکەمى ئەمساڵ چەندین دامەزراوەى حکومەتى هەرێمى کوردستان پێویستیان بە دامەرزاندن بووە و بەشێک لەوانە بە گرێبەست دامەزراون. دەشڵێت، ژمارەى مووچەخۆرانى هەرێمى کوردستان نزیکەى یەک ملیۆن و 205 هەزار کەسە و سەرجەم داتاى مووچەخۆران دراوەتە دیوانى چاودێریى دارایى و وەزارەتى دارایى عێراق. باسی لەوەشکردووە، تا کۆتایى ساڵى رابردوو ژمارەى مووچەخۆرانى هەرێمى کوردستان یەک ملیۆن و 180 هەزار کەس بووە. جێگەی ئاماژەیە، بەگوێرەى یاساى بودجەى 2024، بڕى 11 تریلیۆن و 557 ملیار دینار بۆ مووچەى مووچەخۆرانى هەرێمى کوردستان تەرخانکراوە کە مانگانە 963 ملیار دینار دەکات. سەرچاوە، کەناڵ 8

مەهران رەمەزان هاوڵاتی، سلێمانی بە دوو فڕۆکەی بێفڕۆکەوان میلیشیا چەکدارەکانی عێراق هێرشیانکردە سەر سوپای ئەمەریکا لە بنکەی عەین ئەسەد. ئەمڕۆ چورشەممە، 17ی تەمووزی 2024، دوو سەرچاوەی سەربازی عێراقی بە ئاژانسی هەواڵی رۆیتەرزیان راگەیاندووە، کە میلیشیا چەکدارەکانی عێراق بە دوو فڕۆکەی بێفڕۆکەوانی بۆمبڕێژكراو بنكەی سەربازی "عەین ئەسەد"ی ئاسمانیان كردووەتە ئامانج، كە میوانداری هێزەكانی ئەمریكا و نێودەوڵەتیەكانی كردووە لە خۆرئاوای وڵات. سەرچاوەکان ئەوەشیان بۆ ئاژانسەکە خستۆتەڕوو، هێرشەکە هیچ زیانێکی گیانی نەبووە و هاوكات بەرپرسێكی سەربازی عێراقیش لەم بارەیەوە ئەوەی ئاشکرا کردووە، سیستمی بەرگری ئاسمانی فرۆكەیەكی بێفرۆكەوانی لە نزیكی بنكەكە خستووەتە خوارەوە. ئەم هێرشەی میلیشیا چەکدارەکانی عێراق لە کاتێکدایە بۆ سەر بنکە عەین ئەسەد، کە چاوەڕەوان دەكرێت لەم رۆژانەدا وەفدێكی سەربازی باڵای عێراق سەردانی واشنتۆن بكات، بۆ درێژەدان بە گفتوگاكان لەبارەی كۆتایهێنان بە ئەركی هاوپەیمانی نێودەوڵەتی، كە ئەمریكا سەرۆكایەتی دەكات. جێگەی ئاماژەیە، کە ئەوە بەیەكەم هێرش دادەنرێت بۆ سەر هێزەكانی ئەمریكا لە عێراق، لە سەرەتای مانگی شوباتی رابردووەوە، كە لەو كاتەوە گروپە چەكدارە شیعەكانی هاوپەیمانی ئێران هێرشەكانیان بۆ سەر سوپای ئەمریكا راگرتووە.